\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 48
sa pravishya purI.n la~NkAM rAmabANabhayArditaH . 
bhagnadarpastadA rAjA babhUva vyathitendriyaH .. 1..\\
mAta~Nga iva si.nhena garuDeneva pannagaH . 
abhibhUto.abhavadrAjA rAghaveNa mahAtmanA .. 2..\\
brahmadaNDaprakAshAnA.n vidyutsadR^ishavarchasAm . 
smaranrAghavabANAnA.n vivyathe rAkShaseshvaraH .. 3..\\
sa kA~nchanamaya.n divyamAshritya paramAsanam . 
vikprekShamANo rakShA.nsi rAvaNo vAkyamabravIt .. 4..\\
sarva.n tatkhalu me mogha.n yattaptaM paramaM tapaH . 
yatsamAno mahendreNa mAnuSheNAsmi nirjitaH .. 5..\\
ida.n tadbrahmaNo ghora.n vAkyaM mAm abhyupasthitam . 
mAnuShebhyo vijAnIhi bhaya.n tvamiti tattathA .. 6..\\
devadAnavagandharvairyakSharAkShasapannagaiH . 
avadhyatvaM mayA prAptaM mAnuShebhyo na yAchitam .. 7..\\
etadevAbhyupAgamya yatna.n kartumihArhatha . 
rAkShasAshchApi tiShThantu charyAgopuramUrdhasu .. 8..\\
sa chApratimagambhIro devadAnavadarpahA . 
brahmashApAbhibhUtastu kumbhakarNo vibodhyatAm .. 9..\\
sa parAjitamAtmAnaM prahasta.n cha niShUditam . 
GYAtvA rakShobalaM bhImamAdidesha mahAbalaH .. 10..\\
dvAreShu yatnaH kriyatAM prAkArAshchAdhiruhyatAm . 
nidrAvashasamAviShTaH kumbhakarNo vibodhyatAm .. 11..\\
nava ShaTsapta chAShTau cha mAsAnsvapiti rAkShasaH . 
ta.n tu bodhayata kShipraM kumbhakarNaM mahAbalam .. 12..\\
sa hi sa~Nkhye mahAbAhuH kakuda.n sarvarakShasAm . 
vAnarAnrAjaputrau cha kShiprameva vadhiShyati .. 13..\\
kumbhakarNaH sadA shete mUDho grAmyasukhe rataH . 
rAmeNAbhinirastasya sa~NgrAmo.asminsudAruNe .. 14..\\
bhaviShyati na me shokaH kumbhakarNe vibodhite . 
ki.n kariShyAmyahaM tena shakratulyabalena hi .. 15..\\
IdR^ishe vyasane prApte yo na sAhyAya kalpate . 
te tu tadvachana.n shrutvA rAkShasendrasya rAkShasAH .. 16..\\
jagmuH paramasambhrAntAH kumbhakarNaniveshanam . 
te rAvaNasamAdiShTA mA.nsashoNitabhojanAH .. 17..\\
gandhamAlyA.nstathA bhakShyAnAdAya sahasA yayuH . 
tAM pravishya mahAdvArA.n sarvato yojanAyatAm .. 18..\\
kumbhakarNaguhA.n ramyAM sarvagandhapravAhinIm . 
pratiShThamAnAH kR^ichchhreNa yatnAtpravivishurguhAm .. 19..\\
tAM pravishya guhA.n ramyAM shubhA.n kA~nchanakuTTimAm . 
dadR^ishurnairR^itavyAghra.n shayAnaM bhImadarshanam .. 20..\\
te tu ta.n vikR^itaM suptaM vikIrNamiva parvatam . 
kumbhakarNaM mahAnidra.n sahitAH pratyabodhayan .. 21..\\
UrdhvaromA~nchitatanu.n shvasantamiva pannagam . 
trAsayantaM mahAshvAsaiH shayAnaM bhImadarshanam .. 22..\\
bhImanAsApuTa.n taM tu pAtAlavipulAnanam . 
dadR^ishurnairR^itavyAghra.n kumbhakarNaM mahAbalam .. 23..\\
tatashchakrurmahAtmAnaH kumbhakarNAgratastadA . 
mA.nsAnAM merusa~NkAsha.n rAshiM paramatarpaNam .. 24..\\
mR^igANAM mahiShANA.n cha varAhANAM cha sa~ncayAn . 
chakrurnairR^itashArdUlA rAshimannasya chAdbhutam .. 25..\\
tataH shoNitakumbhAMshcha madyAni vividhAni cha . 
purastAtkumbhakarNasya chakrustridashashatravaH .. 26..\\
lilipushcha parArdhyena chandanena parantapam . 
divyairAchchhAdayAmAsurmAlyairgandhaiH sugandhibhiH .. 27..\\
dhUpa.n sugandhaM sasR^ijustuShTuvushcha parantapam . 
jaladA iva choneduryAtudhAnAH sahasrashaH .. 28..\\
sha~NkhAnApUrayAmAsuH shashA~NkasadR^ishaprabhAn . 
tumula.n yugapachchApi vinedushchApyamarShitAH .. 29..\\
nedurAsphoTayAmAsushchikShipuste nishAcharAH . 
kumbhakarNavibodhArtha.n chakruste vipula.n svanam .. 30..\\
sasha~NkhabherIpaTahapraNAdam 
AsphoTitakShveDitasi.nhanAdam . 
disho dravantastridiva.n kirantaH 
shrutvA viha~NgAH sahasA nipetuH .. 31..\\
yadA bhR^isha.n tairninadairmahAtmA 
na kumbhakarNo bubudhe prasuptaH . 
tato musuNDImusalAni sarve 
rakShogaNAste jagR^ihurgadAsh cha .. 32..\\
ta.n shailashR^i~NgairmusalairgadAbhir 
vR^ikShaistalairmudgaramuShTibhish cha . 
sukhaprasuptaM bhuvi kumbhakarNaM 
rakShA.nsyudagrANi tadA nijaghnuH .. 33..\\
tasya nishvAsavAtena kumbhakarNasya rakShasaH . 
rAkShasA balavanto.api sthAtuM nAshaknuvanpuraH .. 34..\\
tato.asya purato gADha.n rAkShasA bhImavikramAH . 
mR^ida~NgapaNavAnbherIH sha~NkhakumbhagaNA.nstathA . 
dasharAkShasasAhasra.n yugapatparyavAdayan .. 35..\\
nIlA~njanachayAkAra.n te tu taM pratyabodhayan . 
abhighnanto nadantashcha naiva sa.nvivide tu saH .. 36..\\
yadA chainaM na shekuste pratibodhayitu.n tadA . 
tato gurutara.n yatna.n dAruNaM samupAkraman .. 37..\\
ashvAnuShTrAnkharAnnAgA~njaghnurdaNDakashA~NkushaiH . 
bherIsha~NkhamR^ida~NgAMshcha sarvaprANairavAdayan .. 38..\\
nijaghnushchAsya gAtrANi mahAkAShThakaTa.n karaiH . 
mudgarairmusalaishchaiva sarvaprANasamudyataiH .. 39..\\
tena shabdena mahatA la~NkA samabhipUritA . 
saparvatavanA sarvA so.api naiva prabudhyate .. 40..\\
tataH sahasraM bherINA.n yugapatsamahanyata . 
mR^iShTakA~nchanakoNAnAmasaktAnA.n samantataH .. 41..\\
evamapyatinidrastu yadA naiva prabudhyata . 
shApasya vashamApannastataH kruddhA nishAcharAH .. 42..\\
mahAkrodhasamAviShTAH sarve bhImaparAkramAH . 
tadrakShobodhayiShyantashchakruranye parAkramam .. 43..\\
anye bherIH samAjaghnuranye chakrurmahAsvanam . 
keshAnanye pralulupuH karNAvanye dashanti cha . 
na kumbhakarNaH paspande mahAnidrAvasha.n gataH .. 44..\\
anye cha balinastasya kUTamudgarapANayaH . 
mUrdhni vakShasi gAtreShu pAtayankUTamudgarAn .. 45..\\
rajjubandhanabaddhAbhiH shataghnIbhishcha sarvataH . 
vadhyamAno mahAkAyo na prAbudhyata rAkShasaH .. 46..\\
vAraNAnA.n sahasra.n tu sharIre.asya pradhAvitam . 
kumbhakarNastato buddhaH sparshaM paramabudhyata .. 47..\\
sa pAtyamAnairgirishR^i~NgavR^ikShair 
achintaya.nstAnvipulAnprahArAn . 
nidrAkShayAtkShudbhayapIDitash cha 
vijR^imbhamANaH sahasotpapAta .. 48..\\
sa nAgabhogAchalashR^i~Ngakalpau 
vikShipya bAhU girishR^i~NgasArau . 
vivR^itya vaktra.n vaDavAmukhAbhaM 
nishAcharo.asau vikR^ita.n jajR^imbhe .. 49..\\
tasya jAjR^imbhamANasya vaktraM pAtAlasaMnibham . 
dadR^ishe merushR^i~NgAgre divAkara ivoditaH .. 50..\\
vijR^imbhamANo.atibalaH pratibuddho nishAcharaH . 
nishvAsashchAsya sa~njaGYe parvatAdiva mArutaH .. 51..\\
rUpamuttiShThatastasya kumbhakarNasya tadbabhau . 
tapAnte sabalAkasya meghasyeva vivarShataH .. 52..\\
tasya dIptAgnisadR^ishe vidyutsadR^ishavarchasI . 
dadR^ishAte mahAnetre dIptAviva mahAgrahau .. 53..\\
AdadbubhukShito mA.nsa.n shoNita.n tR^iShito.apibat . 
medaH kumbha.n cha madyaM cha papau shakraripustadA .. 54..\\
tatastR^ipta iti GYAtvA samutpeturnishAcharAH . 
shirobhishcha praNamyaina.n sarvataH paryavArayan .. 55..\\
sa sarvAnsAntvayAmAsa nairR^itAnnairR^itarShabhaH . 
bodhanAdvismitashchApi rAkShasAnidamabravIt .. 56..\\
kimarthamahamAhatya bhavadbhiH pratibodhitaH . 
kachchitsukushala.n rAGYo bhayaM vA neha ki.n chana .. 57..\\
atha vA dhruvamanyebhyo bhayaM paramupasthitam . 
yadarthameva tvaritairbhavadbhiH pratibodhitaH .. 58..\\
adya rAkShasarAjasya bhayamutpATayAmyaham . 
pAtayiShye mahendra.n vA shAtayiShye tathAnalam .. 59..\\
na hyalpakAraNe suptaM bodhayiShyati mAM bhR^isham . 
tadAkhyAtArthatattvena matprabodhanakAraNam .. 60..\\
evaM bruvANa.n sa.nrabdha.n kumbhakarNamarindamam . 
yUpAkShaH sachivo rAGYaH kR^itA~njaliruvAcha ha .. 61..\\
na no devakR^ita.n kiM chidbhayamasti kadA chana . 
na daityadAnavebhyo vA bhayamasti hi tAdR^isham . 
yAdR^ishaM mAnuSha.n rAjanbhayamasmAnupasthitam .. 62..\\
vAnaraiH parvatAkArairla~NkeyaM parivAritA . 
sItAharaNasantaptAdrAmAnnastumulaM bhayam .. 63..\\
ekena vAnareNeyaM pUrva.n dagdhA mahApurI . 
kumAro nihatashchAkShaH sAnuyAtraH saku~njaraH .. 64..\\
svaya.n rakSho.adhipashchApi paulastyo devakaNTakaH . 
mR^iteti sa.nyuge muktArAmeNAdityatejasA .. 65..\\
yanna devaiH kR^ito rAjA nApi daityairna dAnavaiH . 
kR^itaH sa iha rAmeNa vimuktaH prANasaMshayAt .. 66..\\
sa yUpAkShavachaH shrutvA bhrAturyudhi parAjayam . 
kumbhakarNo vivR^ittAkSho yUpAkShamidamabravIt .. 67..\\
sarvamadyaiva yUpAkSha harisainya.n salakShmaNam . 
rAghava.n cha raNe hatvA pashchAddrakShyAmi rAvaNam .. 68..\\
rAkShasA.nstarpayiShyAmi harINAM mA.nsashoNitaiH . 
rAmalakShmaNayoshchApi svayaM pAsyAmi shoNitam .. 69..\\
tattasya vAkyaM bruvato nishamya 
sagarvita.n roShavivR^iddhadoSham . 
mahodaro nairR^itayodhamukhyaH 
kR^itA~njalirvAkyamidaM babhAShe .. 70..\\
rAvaNasya vachaH shrutvA guNadoShu vimR^ishya cha . 
pashchAdapi mahAbAho shatrUnyudhi vijeShyasi .. 71..\\
mahodaravachaH shrutvA rAkShasaiH parivAritaH . 
kumbhakarNo mahAtejAH sampratasthe mahAbalaH .. 72..\\
ta.n samutthApya bhImAkShaM bhImarUpaparAkramam . 
rAkShasAstvaritA jagmurdashagrIvaniveshanam .. 73..\\
tato gatvA dashagrIvamAsInaM paramAsane . 
UchurbaddhA~njalipuTAH sarva eva nishAcharAH .. 74..\\
prabuddhaH kumbhakarNo.asau bhrAtA te rAkShasarShabha . 
katha.n tatraiva niryAtu drakShyase tamihAgatam .. 75..\\
rAvaNastvabravIddhR^iShTo yathAnyAya.n cha pUjitam . 
draShTumenamihechchhAmi yathAnyAya.n cha pUjitam .. 76..\\
tathetyuktvA tu te sarve punarAgamya rAkShasAH . 
kumbhakarNamida.n vAkyamUchU rAvaNachoditAH .. 77..\\
draShTu.n tvAM kA~NkShate rAjA sarvarAkShasapu~NgavaH . 
gamane kriyatAM buddhirbhrAtara.n sampraharShaya .. 78..\\
kumbhakarNastu durdharSho bhrAturAGYAya shAsanam . 
tathetyuktvA mahAvIryaH shayanAdutpapAta ha .. 79..\\
prakShAlya vadana.n hR^iShTaH snAtaH paramabhUShitaH . 
pipAsustvarayAmAsa pAnaM balasamIraNam .. 80..\\
tataste tvaritAstasya rAjShasA rAvaNAGYayA . 
madyaM bhakShyAMshcha vividhAnkShipramevopahArayan .. 81..\\
pItvA ghaTasahasra.n sa gamanAyopachakrame .. 82..\\
IShatsamutkaTo mattastejobalasamanvitaH . 
kumbhakarNo babhau hR^iShTaH kAlAntakayamopamaH .. 83..\\
bhrAtuH sa bhavana.n gachchhanrakShobalasamanvitaH . 
kumbhakarNaH padanyAsairakampayata medinIm .. 84..\\
sa rAjamArga.n vapuShA prakAshayan 
sahasrarashmirdharaNImivAMshubhiH . 
jagAma tatrA~njalimAlayA vR^itaH 
shatakraturgehamiva svayambhuvaH .. 85..\\
ke chichchharaNya.n sharaNaM sma rAmaM 
vrajanti ke chidvyathitAH patanti . 
ke chiddishaH sma vyathitAH prayAnti 
ke chidbhayArtA bhuvi sherate sma .. 86..\\
tamadrishR^i~Ngapratima.n kirITinaM 
spR^ishantamAdityamivAtmatejasA . 
vanaukasaH prekShya vivR^iddhamadbhutaM 
bhayArditA dudruvire tatastataH .. 87..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}