\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 49
tato rAmo mahAtejA dhanurAdAya vIryavAn . 
kirITinaM mahAkAya.n kumbhakarNaM dadarsha ha .. 1..\\
ta.n dR^iShTvA rAkShasashreShThaM parvatAkAradarshanam . 
kramamANamivAkAshaM purA nArAyaNaM prabhum .. 2..\\
satoyAmbudasa~NkAsha.n kA~nchanA~NgadabhUShaNam . 
dR^iShTvA punaH pradudrAva vAnarANAM mahAchamUH .. 3..\\
vidrutA.n vAhinI.n dR^iShTvA vardhamAnaM cha rAkShasaM . 
savismayamida.n rAmo vibhIShaNamuvAcha ha .. 4..\\
ko.asau parvatasa~NkashaH kirITI harilochanaH . 
la~NkAyA.n dR^ishyate vIraH savidyudiva toyadaH .. 5..\\
pR^ithivyAH ketubhUto.asau mahAneko.atra dR^ishyate . 
ya.n dR^iShTvA vAnarAH sarve vidravanti tatastataH .. 6..\\
AchakShva me mahAnko.asau rakSho vA yadi vAsuraH . 
na mayaiva.nvidhaM bhUta.n dR^iShTapUrvaM kadA chana .. 7..\\
sa pR^iShTo rAjaputreNa rAmeNAkliShTakAriNA . 
vibhIShaNo mahAprAGYaH kAkutsthamidamabravIt .. 8..\\
yena vaivasvato yuddhe vAsavashcha parAjitaH . 
saiSha vishravasaH putraH kumbhakarNaH pratApavAn .. 9..\\
etena devA yudhi dAnavAsh cha 
yakShA bhuja~NgAH pishitAshanAsh cha . 
gandharvavidyAdharakiMnarAsh cha 
sahasrasho rAghava samprabhagnAH .. 10..\\
shUlapANi.n virUpAkSha.n kumbhakarNaM mahAbalam . 
hantuM na shekustridashAH kAlo.ayamiti mohitAH .. 11..\\
prakR^ityA hyeSha tejasvI kumbhakarNo mahAbalaH . 
anyeShA.n rAkShasendrANAM varadAnakR^itaM balam .. 12..\\
etena jAtamAtreNa kShudhArtena mahAtmanA . 
bhakShitAni sahasrANi sattvAnA.n subahUnyapi .. 13..\\
teShu sambhakShyamANeShu prajA bhayanipIDitAH . 
yAnti sma sharaNa.n shakra.n tamapyarthaM nyavedayan .. 14..\\
sa kumbhakarNa.n kupito mahendro 
jaghAna vajreNa shitena vajrI . 
sa shakravajrAbhihato mahAtmA 
chachAla kopAchcha bhR^ishaM nanAda .. 15..\\
tasya nAnadyamAnasya kumbhakarNasya dhImataH . 
shrutvA ninAda.n vitrastA bhUyo bhUmirvitatrase .. 16..\\
tataH kopAnmahendrasya kumbhakarNo mahAbalaH . 
vikR^iShyairAvatAddanta.n jaghAnorasi vAsavam .. 17..\\
kumbhakarNaprahArArto vichachAla sa vAsavaH . 
tato viSheduH sahasA devabrahmarShidAnavAH .. 18..\\
prajAbhiH saha shakrashcha yayau sthAna.n svayambhuvaH . 
kumbhakarNasya daurAtmya.n shasha.nsuste prajApateH . 
prajAnAM bhakShaNa.n chApi devAnAM chApi dharShaNam .. 19..\\
evaM prajA yadi tveSha bhakShayiShyati nityashaH . 
achireNaiva kAlena shUnyo loko bhaviShyati .. 20..\\
vAsavasya vachaH shrutvA sarvalokapitAmahaH . 
rakShA.nsyAvAhayAmAsa kumbhakarNa.n dadarsha ha .. 21..\\
kumbhakarNa.n samIkShyaiva vitatrAsa prajApatiH . 
dR^iShTvA nishvasya chaiveda.n svayambhUridamabravIt .. 22..\\
dhruva.n lokavinAshAya paurastyenAsi nirmitaH . 
tasmAttvamadya prabhR^iti mR^itakalpaH shayiShyasi . 
brahmashApAbhibhUto.atha nipapAtAgrataH prabhoH .. 23..\\
tataH paramasambhrAnto rAvaNo vAkyamabravIt . 
vivR^iddhaH kA~nchano vR^ikShaH phalakAle nikR^ityate .. 24..\\
na naptAra.n svakaM nyAyyaM shaptumevaM prajApate . 
na mithyAvachanashcha tva.n svapsyatyeSha na saMshayaH . 
kAlastu kriyatAmasya shayane jAgare tathA .. 25..\\
rAvaNasya vachaH shrutvA svayambhUridamabravIt . 
shayitA hyeSha ShaNmAsAnekAha.n jAgariShyati .. 26..\\
ekenAhnA tvasau vIrashcharanbhUmiM bubhukShitaH . 
vyAttAsyo bhakShayellokAnsa~Nkruddha iva pAvakaH .. 27..\\
so.asau vyasanamApannaH kumbhakarNamabodhayat . 
tvatparAkramabhItashcha rAjA samprati rAvaNaH .. 28..\\
sa eSha nirgato vIraH shibirAdbhImavikramaH . 
vAnarAnbhR^ishasa~Nkruddho bhakShayanparidhAvati .. 29..\\
kumbhakarNa.n samIkShyaiva harayo vipradudruvuH . 
kathamena.n raNe kruddhaM vArayiShyanti vAnarAH .. 30..\\
uchyantA.n vAnarAH sarve yantrametatsamuchchhritam . 
iti viGYAya harayo bhaviShyantIha nirbhayAH .. 31..\\
vibhIShaNavachaH shrutvA hetumatsumukhodgatam . 
uvAcha rAghavo vAkyaM nIla.n senApati.n tadA .. 32..\\
gachchha sainyAni sarvANi vyUhya tiShThasva pAvake . 
dvArANyAdAya la~NkAyAshcharyAshchApyatha sa~NkramAn .. 33..\\
shailashR^i~NgANi vR^ikShAMshcha shilAshchApyupasa.nharan . 
tiShThantu vAnarAH sarve sAyudhAH shailapANayaH .. 34..\\
rAghaveNa samAdiShTo nIlo harichamUpatiH . 
shashAsa vAnarAnIka.n yathAvatkapiku~njaraH .. 35..\\
tato gavAkShaH sharabho hanumAna~Ngado nalaH . 
shailashR^i~NgANi shailAbhA gR^ihItvA dvAramabhyayuH .. 36..\\
tato harINA.n tadanIkamugraM 
rarAja shailodyatavR^ikShahastam . 
gireH samIpAnugata.n yathaiva 
mahanmahAmbhodharajAlamugram .. 37..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}