\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 50
sa tu rAkShasashArdUlo nidrAmadasamAkulaH . 
rAjamArga.n shriyA juShTaM yayau vipulavikramaH .. 1..\\
rAkShasAnA.n sahasraishcha vR^itaH paramadurjayaH . 
gR^ihebhyaH puShpavarSheNa kAryamANastadA yayau .. 2..\\
sa hemajAlavitataM bhAnubhAsvaradarshanam . 
dadarsha vipula.n ramyaM rAkShasendraniveshanam .. 3..\\
sa tattadA sUrya ivAbhrajAlaM 
pravishya rakSho.adhipaterniveshanam . 
dadarsha dUre.agrajamAsanasthaM 
svayambhuva.n shakra ivAsanastham .. 4..\\
so.abhigamya gR^ihaM bhrAtuH kakShyAmabhivigAhya cha . 
dadarshodvignamAsIna.n vimAne puShpake gurum .. 5..\\
atha dR^iShTvA dashagrIvaH kumbhakarNamupasthitam . 
tUrNamutthAya sa.nhR^iShTaH saMnikarShamupAnayat .. 6..\\
athAsInasya parya~Nke kumbhakarNo mahAbalaH . 
bhrAturvavande charaNA.n kiM kR^ityamiti chAbravIt . 
utpatya chainaM mudito rAvaNaH pariShasvaje .. 7..\\
sa bhrAtrA sampariShvakto yathAvachchAbhinanditaH . 
kumbhakarNaH shubha.n divyaM pratipede varAsanam .. 8..\\
sa tadAsanamAshritya kumbhakarNo mahAbalaH . 
sa.nraktanayanaH kopAdrAvaNa.n vAkyamabravIt .. 9..\\
kimarthamahamAdR^itya tvayA rAjanprabodhitaH . 
sha.nsa kasmAdbhaya.n te.asti ko.adya preto bhaviShyati .. 10..\\
bhrAtara.n rAvaNaH kruddha.n kumbhakarNamavasthitam . 
IShattu parivR^ittAbhyAM netrAbhyA.n vAkyamabravIt .. 11..\\
adya te sumahAnkAlaH shayAnasya mahAbala . 
sukhitastvaM na jAnIShe mama rAmakR^itaM bhayam .. 12..\\
eSha dAsharathI rAmaH sugrIvasahito balI . 
samudra.n sabalastIrtvA mUlaM naH parikR^intati .. 13..\\
hanta pashyasva la~NkAyA vanAnyupavanAni cha . 
setunA sukhamAgamya vAnaraikArNava.n kR^itam .. 14..\\
ye rAkShasA mukhyatamA hatAste vAnarairyudhi . 
vAnarANA.n kShaya.n yuddhe na pashyAmi kadA chana .. 15..\\
sarvakShapitakosha.n cha sa tvamabhyavapadya mAm . 
trAyasvemAM purI.n la~NkAM bAlavR^iddhAvasheShitAm .. 16..\\
bhrAturarthe mahAbAho kuru karma suduShkaram . 
mayaivaM noktapUrvo hi kashchidbhrAtaH parantapa . 
tvayyasti mama cha snehaH parA sambhAvanA cha me .. 17..\\
devAsuravimardeShu bahusho rAkShasarShabha . 
tvayA devAH prativyUhya nirjitAshchAsurA yudhi . 
na hi te sarvabhUteShu dR^ishyate sadR^isho balI .. 18..\\
kuruShva me priyahitametaduttamaM 
yathApriyaM priyaraNabAndhavapriya . 
svatejasA vidhama sapatnavAhinIM 
sharadghanaM pavana ivodyato mahAn .. 19..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}