\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 52
taduktamatikAyasya balino bAhushAlinaH . 
kumbhakarNasya vachana.n shrutvovAcha mahodaraH .. 1..\\
kumbhakarNakule jAto dhR^iShTaH prAkR^itadarshanaH . 
avalipto na shaknoShi kR^itya.n sarvatra veditum .. 2..\\
na hi rAjA na jAnIte kumbhakarNa nayAnayau . 
tva.n tu kaishorakAddhR^iShTaH kevala.n vaktumichchhasi .. 3..\\
sthAna.n vR^iddhi.n cha hAniM cha deshakAlavibhAgavit . 
Atmanashcha pareShA.n cha budhyate rAkShasarShabha .. 4..\\
yattu shakyaM balavatA kartuM prAkR^itabuddhinA . 
anupAsitavR^iddhena kaH kuryAttAdR^ishaM budhaH .. 5..\\
yA.nstu dharmArthakAmA.nstvaM bravIShi pR^ithagAshrayAn . 
anuboddhu.n svabhAvena na hi lakShaNamasti te .. 6..\\
karma chaiva hi sarveShA.n kAraNAnAM prayojanam . 
shreyaH pApIyasA.n chAtra phalaM bhavati karmaNAm .. 7..\\
niHshreyasa phalAveva dharmArthAvitarAvapi . 
adharmAnarthayoH prAptiH phala.n cha pratyavAyikam .. 8..\\
aihalaukikapAratrya.n karma pumbhirniShevyate . 
karmANyapi tu kalpyAni labhate kAmamAsthitaH .. 9..\\
tatra kL^iptamida.n rAGYA hR^idi kAryaM mata.n cha naH . 
shatrau hi sAhasa.n yatsyAtkimivAtrApanIyate .. 10..\\
ekasyaivAbhiyAne tu heturyaH prakR^itastvayA . 
tatrApyanupapanna.n te vakShyAmi yadasAdhu cha .. 11..\\
yena pUrva.n janasthAne bahavo.atibalA hatAH . 
rAkShasA rAghava.n taM tvaM kathameko jayiShyasi .. 12..\\
ye purA nirjitAstena janasthAne mahaujasaH . 
rAkShasA.nstAnpure sarvAnbhItAnadyApi pashyasi .. 13..\\
ta.n si.nhamiva sa~NkruddhaM rAma.n dasharathAtmajam . 
sarpa.n suptamivAbudhhyA prabodhayitumichchhasi .. 14..\\
jvalanta.n tejasA nityaM krodhena cha durAsadam . 
kastaM mR^ityumivAsahyamAsAdayitumarhati .. 15..\\
saMshayasthamida.n sarvaM shatroH pratisamAsane . 
ekasya gamana.n tatra na hi me rochate tava .. 16..\\
hInArthastu samR^iddhArtha.n ko ripuM prAkR^ito yathA . 
nishchita.n jIvitatyAge vashamAnetumichchhati .. 17..\\
yasya nAsti manuShyeShu sadR^isho rAkShasottama . 
kathamAsha.nsase yoddhu.n tulyenendravivasvatoH .. 18..\\
evamuktvA tu sa.nrabdha.n kumbhakarNaM mahodaraH . 
uvAcha rakShasAM madhye rAvaNo lokarAvaNam .. 19..\\
labdhvA punastA.n vaidehI.n kimarthaM tvaM prajalpasi . 
yadechchhasi tadA sItA vashagA te bhaviShyati .. 20..\\
dR^iShTaH kashchidupAyo me sItopasthAnakArakaH . 
ruchitashchetsvayA buddhyA rAkShaseshvara ta.n shR^iNu .. 21..\\
aha.n dvijihvaH sa.nhrAdI kumbhakarNo vitardanaH . 
pa~ncharAmavadhAyaite niryAntItyavaghoShaya .. 22..\\
tato gatvA vaya.n yuddha.n dAsyAmastasya yatnataH . 
jeShyAmo yadi te shatrUnnopAyaiH kR^ityamasti naH .. 23..\\
atha jIvati naH shatrurvaya.n cha kR^itasa.nyugAH . 
tataH samabhipatsyAmo manasA yatsamIkShitum .. 24..\\
vaya.n yuddhAdihaiShyAmo rudhireNa samukShitAH . 
vidArya svatanuM bANai rAmanAmA~NkitaiH shitaiH .. 25..\\
bhakShito rAghavo.asmAbhirlakShmaNashcheti vAdinaH . 
tava pAdau grahIShyAmastvaM naH kAma prapUraya .. 26..\\
tato.avaghoShaya pure gajaskandhena pArthiva . 
hato rAmaH saha bhrAtrA sasainya iti sarvataH .. 27..\\
prIto nAma tato bhUtvA bhR^ityAnA.n tvamarindama . 
bhogAMshcha parivArAMshcha kAmAMshcha vasudApaya .. 28..\\
tato mAlyAni vAsA.nsi vIrANAm anulepanam . 
peya.n cha bahu yodhebhyaH svayaM cha muditaH piba .. 29..\\
tato.asminbahulIbhUte kaulIne sarvato gate . 
pravishyAshvAsya chApi tva.n sItAM rahasi sAntvaya . 
dhanadhAnyaishcha kAmaishcha ratnaishchainAM pralobhaya .. 30..\\
anayopadhayA rAjanbhayashokAnubandhayA . 
akAmA tvadvasha.n sItA naShTanAthA gamiShyati .. 31..\\
ra~njanIya.n hi bhartAraM vinaShTamavagamya sA . 
nairAshyAtstrIlaghutvAchcha tvadvashaM pratipatsyate .. 32..\\
sA purA sukhasa.nvR^iddhA sukhArhA duHkhakarShitA . 
tvayyadhInaH sukha.n GYAtvA sarvathopagamiShyati .. 33..\\
etatsunItaM mama darshanena 
rAma.n hi dR^iShTvaiva bhavedanarthaH . 
ihaiva te setsyati motsuko bhUr 
mahAnayuddhena sukhasya lAbhaH .. 34..\\
anaShTasainyo hyanavAptasaMshayo 
ripUnayuddhena jaya~njanAdhipa . 
yashashcha puNya.n cha mahanmahIpate 
shriya.n cha kIrtiM cha chira.n samashnute .. 35..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}