\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 53
sa tathoktastu nirbhartsya kumbhakarNo mahodaram . 
abravIdrAkShasashreShThaM bhrAtara.n rAvaNa.n tataH .. 1..\\
so.aha.n tava bhayaM ghora.n vadhAttasya durAtmanaH . 
rAmasyAdya pramArjAmi nirvairastva.n sukhIbhava .. 2..\\
garjanti na vR^ithA shUra nirjalA iva toyadAH . 
pashya sampAdyamAna.n tu garjita.n yudhi karmaNA .. 3..\\
na marShayati chAtmAna.n sambhAvayati nAtmanA . 
adarshayitvA shUrAstu karma kurvanti duShkaram .. 4..\\
viklavAnAmabuddhInA.n rAGYAM paNDitamAninAm . 
shR^iNvatAmAdita ida.n tvadvidhAnAM mahodara .. 5..\\
yuddhe kApuruShairnityaM bhavadbhiH priyavAdibhiH . 
rAjAnamanugachchhadbhiH kR^ityametadvinAshitam .. 6..\\
rAjasheShA kR^itA la~NkA kShINaH kosho bala.n hatam . 
rAjAnamimamAsAdya suhR^ichchihnamamitrakam .. 7..\\
eSha niryAmyaha.n yuddhamudyataH shatrunirjaye . 
durnayaM bhavatAmadya samIkartuM mahAhave .. 8..\\
evamuktavato vAkya.n kumbhakarNasya dhImataH . 
pratyuvAcha tato vAkyaM prahasanrAkShasAdhipaH .. 9..\\
mahodaro.aya.n rAmAttu paritrasto na saMshayaH . 
na hi rochayate tAta yuddha.n yuddhavishArada .. 10..\\
kashchinme tvatsamo nAsti sauhR^idena balena cha . 
gachchha shatruvadhAya tva.n kumbhakarNajayAya cha .. 11..\\
Adade nishita.n shUlaM vegAchchhatrunibarhaNaH . 
sarvakAlAyasa.n dIptaM taptakA~nchanabhUShaNam .. 12..\\
indrAshanisamaM bhIma.n vajrapratimagauravam . 
devadAnavagandharvayakShakiMnarasUdanam .. 13..\\
raktamAlya mahAdAma svatashchodgatapAvakam . 
AdAya nishita.n shUlaM shatrushoNitara~njitam . 
kumbhakarNo mahAtejA rAvaNa.n vAkyamabravIt .. 14..\\
gamiShyAmyahamekAkI tiShThatviha balaM mahat . 
adya tAnkShudhitaH kruddho bhakShayiShyAmi vAnarAn .. 15..\\
kumbhakarNavachaH shrutvA rAvaNo vAkyamabravIt . 
sainyaiH parivR^ito gachchha shUlamudgalapANibhiH .. 16..\\
vAnarA hi mahAtmAnaH shIghrAshcha vyavasAyinaH . 
ekAkinaM pramatta.n vA nayeyurdashanaiH kShayam .. 17..\\
tasmAtparamadurdharShaiH sainyaiH parivR^ito vraja . 
rakShasAmahita.n sarvaM shatrupakShaM nisUdaya .. 18..\\
athAsanAtsamutpatya srajaM maNikR^itAntarAm . 
Ababandha mahAtejAH kumbhakarNasya rAvaNaH .. 19..\\
a~NgadAna~NgulIveShTAnvarANyAbharaNAni cha . 
hAra.n cha shashisa~NkAshamAbabandha mahAtmanaH .. 20..\\
divyAni cha sugandhIni mAlyadAmAni rAvaNaH . 
shrotre chAsajjayAmAsa shrImatI chAsya kuNDale .. 21..\\
kA~nchanA~NgadakeyUro niShkAbharaNabhUShitaH . 
kumbhakarNo bR^ihatkarNaH suhuto.agnirivAbabhau .. 22..\\
shroNIsUtreNa mahatA mechakena virAjitaH . 
amR^itotpAdane naddho bhuja~Ngeneva mandaraH .. 23..\\
sa kA~nchanaM bhArasahaM nivAtaM 
vidyutprabha.n dIptamivAtmabhAsA . 
AbadhyamAnaH kavacha.n rarAja 
sandhyAbhrasa.nvIta ivAdrirAjaH .. 24..\\
sarvAbharaNanaddhA~NgaH shUlapANiH sa rAkShasaH . 
trivikramakR^itotsAho nArAyaNa ivAbabhau .. 25..\\
bhrAtara.n sampariShvajya kR^itvA chApi pradakShiNam . 
praNamya shirasA tasmai sampratasthe mahAbaliH . 
tamAshIrbhiH prashastAbhiH preShayAmAsa rAvaNaH .. 26..\\
sha~NkhadundubhinirghoShaiH sainyaishchApi varAyudhaiH . 
ta.n gajaishcha tura~Ngaishcha syandanaishchAmbudasvanaiH . 
anujagmurmahAtmAna.n rathino rathinAM varam .. 27..\\
sarpairuShTraiH kharairashvaiH si.nhadvipamR^igadvijaiH . 
anujagmushcha ta.n ghoraM kumbhakarNaM mahAbalam .. 28..\\
sa puShpavarNairavakIryamANo 
dhR^itAtapatraH shitashUlapANiH . 
madotkaTaH shoNitagandhamatto 
viniryayau dAnavadevashatruH .. 29..\\
padAtayasha bahavo mahAnAdA mahAbalAH . 
anvayU rAkShasA bhImA bhImAkShAH shastrapANayaH .. 30..\\
raktAkShAH sumahAkAyA nIlA~njanachayopamAH . 
shUrAnudyamya khaDgAMshcha nishitAMshcha parashvadhAn .. 31..\\
bahuvyAmAMshcha vipulAnkShepaNIyAndurAsadAn . 
tAlaskandhAMshcha vipulAnkShepaNIyAndurAsadAn .. 32..\\
athAnyadvapurAdAya dAruNa.n lomaharShaNam . 
niShpapAta mahAtejAH kumbhakarNo mahAbalaH .. 33..\\
dhanuHshataparINAhaH sa ShaTshatasamuchchhitaH . 
raudraH shakaTachakrAkSho mahAparvatasaMnibhaH .. 34..\\
saMnipatya cha rakShA.nsi dagdhashailopamo mahAn . 
kumbhakarNo mahAvaktraH prahasannidamabravIt .. 35..\\
adya vAnaramukhyAnA.n tAni yUthAni bhAgashaH . 
nirdahiShyAmi sa~NkruddhaH shalabhAniva pAvakaH .. 36..\\
nAparAdhyanti me kAma.n vAnarA vanachAriNaH . 
jAtirasmadvidhAnA.n sA purodyAnavibhUShaNam .. 37..\\
purarodhasya mUla.n tu rAghavaH sahalakShmaNaH . 
hate tasminhata.n sarva.n taM vadhiShyAmi sa.nyuge .. 38..\\
eva.n tasya bruvANasya kumbhakarNasya rAkShasAH . 
nAda.n chakrurmahAghoraM kampayanta ivArNavam .. 39..\\
tasya niShpatatastUrNa.n kumbhakarNasya dhImataH . 
babhUvurghorarUpANi nimittAni samantataH .. 40..\\
ulkAshaniyutA meghA vinedushcha sudAruNAH . 
sasAgaravanA chaiva vasudhA samakampata .. 41..\\
ghorarUpAH shivA neduH sajvAlakavalairmukhaiH . 
maNDalAnyapasavyAni babandhushcha viha~NgamAH .. 42..\\
niShpapAta cha gR^idhre.asya shUle vai pathi gachchhataH . 
prAsphurannayana.n chAsya savyo bAhurakampata .. 43..\\
niShpapAta tadA choklA jvalantI bhImanisvanA . 
Adityo niShprabhashchAsInna pravAti sukho.anilaH .. 44..\\
achintayanmahotpAtAnutthitA.NllomaharShaNAn . 
niryayau kumbhakarNastu kR^itAntabalachoditaH .. 45..\\
sa la~NghayitvA prAkAraM padbhyAM parvatasaMnibhaH . 
dadarshAbhraghanaprakhya.n vAnarAnIkamadbhutam .. 46..\\
te dR^iShTvA rAkShasashreShTha.n vAnarAH parvatopamam . 
vAyununnA iva ghanA yayuH sarvA dishastadA .. 47..\\
tadvAnarAnIkamatiprachaNDaM 
disho dravadbhinnamivAbhrajAlam . 
sa kumbhakarNaH samavekShya harShAn 
nanAda bhUyo ghanavadghanAbhaH .. 48..\\
te tasya ghoraM ninadaM nishamya 
yathA ninAda.n divi vAridasya . 
peturdharaNyAM bahavaH plava~NgA 
nikR^ittamUlA iva sAlavR^ikShAH .. 49..\\
vipulaparighavAnsa kumbhakarNo 
ripunidhanAya viniHsR^ito mahAtmA . 
kapi gaNabhayamAdadatsubhImaM 
prabhuriva ki~NkaradaNDavAnyugAnte .. 50..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}