\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 54
sa nanAda mahAnAda.n samudramabhinAdayan . 
janayanniva nirghAtAnvidhamanniva parvatAn .. 1..\\
tamavadhyaM maghavatA yamena varuNena cha . 
prekShya bhImAkShamAyAnta.n vAnarA vipradudruvuH .. 2..\\
tA.nstu vidravato dR^iShTvA vAliputro.a~Ngado.abravIt . 
nalaM nIla.n gavAkShaM cha kumudaM cha mahAbalam .. 3..\\
AtmAnamatra vismR^itya vIryANyabhijanAni cha . 
kva gachchhata bhayatrastAH prAkR^itA harayo yathA .. 4..\\
sAdhu saumyA nivartadhva.n kiM prANAnparirakShatha . 
nAla.n yuddhAya vai rakSho mahatIyaM vibhIShikAH .. 5..\\
mahatImutthitAmenA.n rAkShasAnAM vibhIShikAm . 
vikramAdvidhamiShyAmo nivartadhvaM plava~NgamAH .. 6..\\
kR^ichchhreNa tu samAshvAsya sa~Ngamya cha tatastataH . 
vR^ikShAdrihastA harayaH sampratasthU raNAjiram .. 7..\\
te nivR^itya tu sa~NkruddhAH kumbhakarNa.n vanaukasaH . 
nijaghnuH paramakruddhAH samadA iva ku~njarAH . 
prAMshubhirgirishR^i~Ngaishcha shilAbhishcha mahAbalAH .. 8..\\
pAdapaiH puShpitAgraishcha hanyamAno na kampate . 
tasya gAtreShu patitA bhidyante shatashaH shilAH . 
pAdapAH puShpitAgrAshcha bhagnAH peturmahItale .. 9..\\
so.api sainyAni sa~Nkruddho vAnarANAM mahaujasAm . 
mamantha paramAyatto vanAnyagnirivotthitaH .. 10..\\
lohitArdrAstu bahavaH sherate vAnararShabhAH . 
nirastAH patitA bhUmau tAmrapuShpA iva drumAH .. 11..\\
la~NghayantaH pradhAvanto vAnarA nAvalokayan . 
ke chitsamudre patitAH ke chidgaganamAshritAH .. 12..\\
vadhyamAnAstu te vIrA rAkShasena balIyasA . 
sAgara.n yena te tIrNAH pathA tenaiva dudruvuH .. 13..\\
te sthalAni tathA nimna.n viShaNNavadanA bhayAt . 
R^ikShA vR^ikShAnsamArUDhAH ke chitparvatamAshritAH .. 14..\\
mamajjurarNave ke chidguhAH ke chitsamAshritAH . 
niSheduH plavagAH ke chitke chinnaivAvatasthire .. 15..\\
tAnsamIkShyA~Ngado bha~NgAnvAnarAnidamabravIt . 
avatiShThata yudhyAmo nivartadhvaM plava~NgamAH .. 16..\\
bhagnAnA.n vo na pashyAmi parigamya mahImimAm . 
sthAna.n sarve nivartadhva.n kiM prANAnparirakShatha .. 17..\\
nirAyudhAnA.n dravatAmasa~NgagatipauruShAH . 
dArA hyapahasiShyanti sa vai ghAtastu jIvitAm .. 18..\\
kuleShu jAtAH sarve sma vistIrNeShu mahatsu cha . 
anAryAH khalu yadbhItAstyaktvA vIryaM pradhAvata .. 19..\\
vikatthanAni vo yAni yadA vai janasa.nsadi . 
tAni vaH kva cha yatAni sodagrANi mahAnti cha .. 20..\\
bhIrupravAdAH shrUyante yastu jIvati dhikkR^itaH . 
mArgaH satpuruShairjuShTaH sevyatA.n tyajyatAM bhayam .. 21..\\
shayAmahe vA nihatAH pR^ithivyAmalpajIvitAH . 
duShprApaM brahmaloka.n vA prApnumo yudhi sUditAH . 
samprApnuyAmaH kIrti.n vA nihatya shatrumAhave .. 22..\\
na kumbhakarNaH kAkutstha.n dR^iShTvA jIvangamiShyati . 
dIpyamAnamivAsAdya pata~Ngo jvalana.n yathA .. 23..\\
palAyanena choddiShTAH prANAnrakShAmahe vayam . 
ekena bahavo bhagnA yasho nAsha.n gamiShyati .. 24..\\
evaM bruvANa.n ta.n shUrama~NgadaM kanakA~Ngadam . 
dravamANAstato vAkyamUchuH shUravigarhitam .. 25..\\
kR^itaM naH kadana.n ghoraM kumbhakarNena rakShasA . 
na sthAnakAlo gachchhAmo dayita.n jIvita.n hi naH .. 26..\\
etAvaduktvA vachana.n sarve te bhejire dishaH . 
bhImaM bhImAkShamAyAnta.n dR^iShTvA vAnarayUthapAH .. 27..\\
dravamANAstu te vIrA a~Ngadena valImukhAH . 
sAntvaishcha bahumAnaishcha tataH sarve nivartitAH .. 28..\\
R^iShabhasharabhamaindadhUmranIlAH 
kumudasuSheNagavAkSharambhatArAH . 
dvividapanasavAyuputramukhyAs 
tvaritatarAbhimukha.n raNaM prayAtAH .. 29..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}