\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 57
eva.n vilapamAnasya rAvaNasya durAtmanaH . 
shrutvA shokAbhitaptasya trishirA vAkyamabravIt .. 1..\\
evameva mahAvIryo hato nastAta madhyamaH . 
na tu satpuruShA rAjanvilapanti yathA bhavAn .. 2..\\
nUna.n tribhuvaNasyApi paryAptastvamasi prabho . 
sa kasmAtprAkR^ita iva shokasyAtmAnamIdR^isham .. 3..\\
brahmadattAsti te shaktiH kavachaH sAyako dhanuH . 
sahasrakharasa.nyukto ratho meghasamasvanaH .. 4..\\
tvayAsakR^idvishastreNa vishastA devadAnavAH . 
sa sarvAyudhasampanno rAghava.n shAstumarhasi .. 5..\\
kAma.n tiShTha mahArAjanirgamiShyAmyaha.n raNam . 
uddhariShyAmi te shatrUngaruDaH pannagAniha .. 6..\\
shambaro devarAjena narako viShNunA yathA . 
tathAdya shayitA rAmo mayA yudhi nipAtitaH .. 7..\\
shrutvA trishiraso vAkya.n rAvaNo rAkShasAdhipaH . 
punarjAtamivAtmAnaM manyate kAlachoditaH .. 8..\\
shrutvA trishiraso vAkya.n devAntakanarAntakau . 
atikAyashcha tejasvI babhUvuryuddhaharShitAH .. 9..\\
tato.ahamahamityeva.n garjanto nairR^itarShabhAH . 
rAvaNasya sutA vIrAH shakratulyaparAkramAH .. 10..\\
antarikShacharAH sarve sarve mAyA vishAradAH . 
sarve tridashadarpaghnAH sarve cha raNadurmadAH .. 11..\\
sarve.astrabalasampannAH sarve vistIrNa kIrtayaH . 
sarve samaramAsAdya na shrUyante sma nirjitAH .. 12..\\
sarve.astraviduSho vIrAH sarve yuddhavishAradAH . 
sarve pravarajiGYAnAH sarve labdhavarAstathA .. 13..\\
sa taistathA bhAskaratulyavarchasaiH 
sutairvR^itaH shatrubalapramardanaiH . 
rarAja rAjA maghavAnyathAmarair 
vR^ito mahAdAnavadarpanAshanaiH .. 14..\\
sa putrAnsampariShvajya bhUShayitvA cha bhUShaNaiH . 
AshIrbhishcha prashastAbhiH preShayAmAsa sa.nyuge .. 15..\\
mahodaramahApArshvau bhrAtarau chApi rAvaNaH . 
rakShaNArtha.n kumArANAM preShayAmAsa sa.nyuge .. 16..\\
te.abhivAdya mahAtmAna.n rAvaNaM ripurAvaNam . 
kR^itvA pradakShiNa.n chaiva mahAkAyAH pratasthire .. 17..\\
sarvauShadhIbhirgandhaishcha samAlabhya mahAbalAH . 
nirjagmurnairR^itashreShThAH ShaDete yuddhakA~NkShiNaH .. 18..\\
tataH sudarshanaM nAma nIlajImUtasaMnibham . 
airAvatakule jAtamAruroha mahodaraH .. 19..\\
sarvAyudhasamAyukta.n tUNIbhishcha svala~NkR^itam . 
rarAja gajamAsthAya savitevAstamUrdhani .. 20..\\
hayottamasamAyukta.n sarvAyudhasamAkulam . 
Aruroha rathashreShTha.n trishirA rAvaNAtmajaH .. 21..\\
trishirA rathamAsthAya virarAja dhanurdharaH . 
savidyudulkaH sajvAlaH sendrachApa ivAmbudaH .. 22..\\
tribhiH kirITaistrishirAH shushubhe sa rathottame . 
himavAniva shailendrastribhiH kA~nchanaparvataiH .. 23..\\
atikAyo.api tejasvI rAkShasendrasutastadA . 
Aruroha rathashreShTha.n shreShThaH sarvadhanuShmatAm .. 24..\\
suchakrAkSha.n susa.nyuktaM sAnukarShaM sakUbaram . 
tUNIbANAsanairdIptaM prAsAsi parighAkulam .. 25..\\
sa kA~nchanavichitreNa kirITena virAjatA . 
bhUShaNaishcha babhau meruH prabhAbhiriva bhAsvaraH .. 26..\\
sa rarAja rathe tasminrAjasUnurmahAbalaH . 
vR^ito nairR^itashArdUlairvajrapANirivAmaraiH .. 27..\\
hayamuchchaiHshravaH prakhya.n shveta.n kanakabhUShaNam . 
manojavaM mahAkAyamAruroha narAntakaH .. 28..\\
gR^ihItvA prAsamuklAbha.n virarAja narAntakaH . 
shaktimAdAya tejasvI guhaH shatruShvivAhave .. 29..\\
devAntakaH samAdAya parigha.n vajrabhUShaNam . 
parigR^ihya giri.n dorbhyA.n vapurviShNorviDambayan .. 30..\\
mahApArshvo mahAtejA gadAmAdAya vIryavAn . 
virarAja gadApANiH kubera iva sa.nyuge .. 31..\\
te pratasthurmahAtmAno balairapratimairvR^itAH . 
surA ivAmarAvatyAM balairapratimairvR^itAH .. 32..\\
tAngajaishcha tura~Ngaishcha rathaishchAmbudanisvanaiH . 
anujagmurmahAtmAno rAkShasAH pravarAyudhAH .. 33..\\
te virejurmahAtmAno kumArAH sUryavarchasaH . 
kirITinaH shriyA juShTA grahA dIptA ivAmbare .. 34..\\
pragR^ihItA babhau teShA.n chhatrANAmAvaliH sitA . 
shAradAbhrapratIkAshA.n ha.nsAvalirivAmbare .. 35..\\
maraNa.n vApi nishchitya shatrUNAM vA parAjayam . 
iti kR^itvA mati.n vIrA nirjagmuH sa.nyugArthinaH .. 36..\\
jagarjushcha praNedushcha chikShipushchApi sAyakAn . 
jahR^iShushcha mahAtmAno niryAnto yuddhadurmadAH .. 37..\\
kShveDitAsphoTaninadaiH sa~ncachAleva medinI . 
rakShasA.n si.nhanAdaishcha pusphoTeva tadAmbaram .. 38..\\
te.abhiniShkramya muditA rAkShasendrA mahAbalAH . 
dadR^ishurvAnarAnIka.n samudyatashilAnagam .. 39..\\
harayo.api mahAtmAno dadR^ishurnairR^itaM balam . 
hastyashvarathasambAdha.n ki~NkiNIshatanAditam .. 40..\\
nIlajImUtasa~NkAsha.n samudyatamahAyudham . 
dIptAnalaraviprakhyairnairR^itaiH sarvato vR^itam .. 41..\\
taddR^iShTvA balamAyAnta.n labdhalakShyAH plava~NgamAH . 
samudyatamahAshailAH sampraNedurmuhurmuhuH .. 42..\\
tataH samudghuShTaravaM nishamya 
rakShogaNA vAnarayUthapAnAm . 
amR^iShyamANAH paraharShamugraM 
mahAbalA bhImatara.n vineduH .. 43..\\
te rAkShasabala.n ghoraM pravishya hariyUthapAH . 
vicherurudyataiH shailairnagAH shikhariNo yathA .. 44..\\
ke chidAkAshamAvishya ke chidurvyAM plava~NgamAH . 
rakShaHsainyeShu sa~NkruddhAshcherurdrumashilAyudhAH .. 45..\\
te pAdapashilAshailaishchakrurvR^iShTimanuttamAm . 
bANaughairvAryamANAshcha harayo bhImavikramAH .. 46..\\
si.nhanAdAnvinedushcha raNe rAkShasavAnarAH . 
shilAbhishchUrNayAmAsuryAtudhAnAnplava~NgamAH .. 47..\\
nijaghnuH sa.nyuge kruddhAH kavachAbharaNAvR^itAn . 
ke chidrathagatAnvIrAngajavAjigatAnapi .. 48..\\
nijaghnuH sahasAplutya yAtudhAnAnplava~NgamAH . 
shailashR^i~NganipAtaishcha muShTibhirvAntalochanAH . 
cheluH petushcha nedushcha tatra rAkShasapu~NgavAH .. 49..\\
tataH shailaishcha khaDgaishcha visR^iShTairharirAkShasaiH . 
muhUrtenAvR^itA bhUmirabhavachchhoNitAplutA .. 50..\\
vikIrNaparvatAkArai rakShobhirarimardanaiH . 
AkShiptAH kShipyamANAshcha bhagnashUlAshcha vAnaraiH .. 51..\\
vAnarAnvAnaraireva jagnuste rajanIcharAH . 
rAkShasAnrAkShasaireva jaghnuste vAnarA api .. 52..\\
AkShipya cha shilAsteShAM nijaghnU rAkShasA harIn . 
teShA.n chAchchhidya shastrANi jaghnU rakShA.nsi vAnarAH .. 53..\\
nijaghnuH shailashUlAstrairvibhidush cha parasparam . 
si.nhanAdAnvinedushcha raNe vAnararAkShasAH .. 54..\\
chhinnavarmatanutrANA rAkShasA vAnarairhatAH . 
rudhiraM prasrutAstatra rasasAramiva drumAH .. 55..\\
rathena cha ratha.n chApi vAraNena cha vAraNam . 
hayena cha haya.n ke chinnijaghnurvAnarA raNe .. 56..\\
kShuraprairardhachandraishcha bhallaishcha nishitaiH sharaiH . 
rAkShasA vAnarendrANA.n chichchhiduH pAdapA~nshilAH .. 57..\\
vikIrNaiH parvatAgraishcha drumaishchhinnaishcha sa.nyuge . 
hataishcha kapirakShobhirdurgamA vasudhAbhavat .. 58..\\
tasminpravR^itte tumule vimarde 
prahR^iShyamANeShu valI mukheShu . 
nipAtyamAneShu cha rAkShaseShu 
maharShayo devagaNAshcha neduH .. 59..\\
tato hayaM mArutatulyavegam 
Aruhya shaktiM nishitAM pragR^ihya . 
narAntako vAnararAjasainyaM 
mahArNavaM mIna ivAvivesha .. 60..\\
sa vAnarAnsaptashatAni vIraH 
prAsena dIptena vinirbibheda . 
ekaH kShaNenendraripurmahAtmA 
jaghAna sainya.n haripu~NgavAnAm .. 61..\\
dadR^ishushcha mahAtmAna.n hayapR^iShThe pratiShThitam . 
charanta.n harisainyeShu vidyAdharamaharShayaH .. 62..\\
sa tasya dadR^ishe mArgo mA.nsashoNitakardamaH . 
patitaiH parvatAkArairvAnarairabhisa.nvR^itaH .. 63..\\
yAvadvikramituM buddhi.n chakruH plavagapu~NgavAH . 
tAvadetAnatikramya nirbibheda narAntakaH .. 64..\\
jvalantaM prAsamudyamya sa~NgrAmAnte narAntakaH . 
dadAha harisainyAni vanAnIva vibhAvasuH .. 65..\\
yAvadutpATayAmAsurvR^ikShA~nshailAnvanaukasaH . 
tAvatprAsahatAH peturvajrakR^ittA ivAchalAH .. 66..\\
dikShu sarvAsu balavAnvichachAra narAntakaH . 
pramR^idnansarvato yuddhe prAvR^iTkAle yathAnilaH .. 67..\\
na shekurdhAvitu.n vIrA na sthAtuM spanditu.n kutaH . 
utpatanta.n sthitaM yAntaM sarvAnvivyAdha vIryavAn .. 68..\\
ekenAntakakalpena prAsenAdityatejasA . 
bhinnAni harisainyAni nipeturdharaNItale .. 69..\\
vajraniShpeShasadR^ishaM prAsasyAbhinipAtanam . 
na shekurvAnarAH soDhu.n te vinedurmahAsvanam .. 70..\\
patatA.n harivIrANAM rUpANi prachakAshire . 
vajrabhinnAgrakUTAnA.n shailAnAM patatAm iva .. 71..\\
ye tu pUrvaM mahAtmAnaH kumbhakarNena pAtitAH . 
te.asvasthA vAnarashreShThAH sugrIvamupatasthire .. 72..\\
viprekShamANaH sugrIvo dadarsha harivAhinIm . 
narAntakabhayatrastA.n vidravantImitastataH .. 73..\\
vidrutA.n vAhinI.n dR^iShTvA sa dadarsha narAntakam . 
gR^ihItaprAsamAyAnta.n hayapR^iShThe pratiShThitam .. 74..\\
athovAcha mahAtejAH sugrIvo vAnarAdhipaH . 
kumArama~Ngada.n vIraM shakratulyaparAkramam .. 75..\\
gachchhaina.n rAkShasaM vIra yo.asau turagamAsthitaH . 
kShobhayanta.n haribala.n kShipraM prANairviyojaya .. 76..\\
sa bharturvachana.n shrutvA niShpapAtA~NgadastadA . 
anIkAnmeghasa~NkAshAnmeghAnIkAdivAMshumAn .. 77..\\
shailasa~NghAtasa~NkAsho harINAmuttamo.a~NgadaH . 
rarAjA~NgadasaMnaddhaH sadhAturiva parvataH .. 78..\\
nirAyudho mahAtejAH kevalaM nakhadaMShTravAn . 
narAntakamabhikramya vAliputro.abravIdvachaH .. 79..\\
tiShTha kiM prAkR^itairebhirharibhistva.n kariShyasi . 
asminvajrasamasparshe prAsa.n kShipa mamorasi .. 80..\\
a~Ngadasya vachaH shrutvA prachukrodha narAntakaH . 
sandashya dashanairoShThaM nishvasya cha bhuja~Ngavat .. 81..\\
sa prAsamAvidhya tadA~NgadAya 
samujjvalanta.n sahasotsasarja . 
sa vAliputrorasi vajrakalpe 
babhUva bhagno nyapatachcha bhUmau .. 82..\\
taM prAsamAlokya tadA vibhagnaM 
suparNakR^ittoragabhogakalpam . 
tala.n samudyamya sa vAliputras 
tura~NgamasyAbhijaghAna mUrdhni .. 83..\\
nimagnapAdaH sphuTitAkShi tAro 
niShkrAntajihvo.achalasaMnikAshaH . 
sa tasya vAjI nipapAta bhUmau 
talaprahAreNa vikIrNamUrdhA .. 84..\\
narAntakaH krodhavasha.n jagAma 
hata.n turagaM patitaM nirIkShya . 
sa muShTimudyamya mahAprabhAvo 
jaghAna shIrShe yudhi vAliputram .. 85..\\
athA~Ngado muShTivibhinnamUrdhA 
susrAva tIvra.n rudhiraM bhR^ishoShNam . 
muhurvijajvAla mumoha chApi 
sa.nj~nA.n samAsAdya visiShmiye cha .. 86..\\
athA~Ngado vajrasamAnavegaM 
sa.nvartya muShTi.n girishR^i~Ngakalpam . 
nipAtayAmAsa tadA mahAtmA 
narAntakasyorasi vAliputraH .. 87..\\
sa muShTiniShpiShTavibhinnavakShA 
jvAlA.n vama~nshoNitadigdhagAtraH . 
narAntako bhUmitale papAta 
yathAchalo vajranipAtabhagnaH .. 88..\\
athAntarikShe tridashottamAnAM 
vanaukasA.n chaiva mahApraNAdaH . 
babhUva tasminnihate.agryavIre 
narAntake vAlisutena sa~Nkhye .. 89..\\
athA~Ngado rAmamanaH praharShaNaM 
suduShkara.n taM kR^itavAnhi vikramam . 
visiShmiye so.apyativIrya vikramaH 
punashcha yuddhe sa babhUva harShitaH .. 90..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}