\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 59
svabala.n vyathita.n dR^iShTvA tumulaM lomaharShaNam . 
bhrAtR^IMshcha nihatAndR^iShTvA shakratulyaparAkramAn .. 1..\\
pitR^ivyau chApi sandR^ishya samare saMniShUditau . 
mahodaramahApArshvau bhrAtarau rAkShasarShabhau .. 2..\\
chukopa cha mahAtejA brahmadattavaro yudhi . 
atikAyo.adrisa~NkAsho devadAnavadarpahA .. 3..\\
sa bhAskarasahasrasya sa~NghAtamiva bhAsvaram . 
rathamAsthAya shakrArirabhidudrAva vAnarAn .. 4..\\
sa visphArya mahachchApa.n kirITI mR^iShTakuNDalaH . 
nAma vishrAvayAmAsa nanAda cha mahAsvanam .. 5..\\
tena si.nhapraNAdena nAmavishrAvaNena cha . 
jyAshabdena cha bhImena trAsayAmAsa vAnarAn .. 6..\\
te tasya rUpamAlokya yathA viShNostrivikrame . 
bhayArtA vAnarAH sarve vidravanti disho dasha .. 7..\\
te.atikAya.n samAsAdya vAnarA mUDhachetasaH . 
sharaNya.n sharaNa.n jagmurlakShmaNAgrajamAhave .. 8..\\
tato.atikAya.n kAkutstho rathasthaM parvatopamam . 
dadarsha dhanvina.n dUrAdgarjantaM kAlameghavat .. 9..\\
sa ta.n dR^iShTvA mahAtmAna.n rAghavastu suvismitaH . 
vAnarAnsAntvayitvA tu vibhIShaNamuvAcha ha .. 10..\\
ko.asau parvatasa~NkAsho dhanuShmAnharilochanaH . 
yukte hayasahasreNa vishAle syandane sthitaH .. 11..\\
ya eSha nishitaiH shUlaiH sutIkShNaiH prAsatomaraiH . 
archiShmadbhirvR^ito bhAti bhUtairiva maheshvaraH .. 12..\\
kAlajihvAprakAshAbhirya eSho.abhivirAjate . 
AvR^ito rathashaktIbhirvidyudbhiriva toyadaH .. 13..\\
dhanU.nsi chAsya sajyAni hemapR^iShThAni sarvashaH . 
shobhayanti rathashreShTha.n shakrapAtamivAmbaram .. 14..\\
ka eSha rakShaH shArdUlo raNabhUmi.n virAjayan . 
abhyeti rathinA.n shreShTho rathenAdityatejasA .. 15..\\
dhvajashR^i~NgapratiShThena rAhuNAbhivirAjate . 
sUryarashmiprabhairbANairdisho dasha virAjayan .. 16..\\
triNataM meghanirhrAda.n hemapR^iShThamala~NkR^itam . 
shatakratudhanuHprakhya.n dhanushchAsya virAjate .. 17..\\
sadhvajaH sapatAkashcha sAnukarSho mahArathaH . 
chatuHsAdisamAyukto meghastanitanisvanaH .. 18..\\
viMshatirdasha chAShTau cha tUNIrarathamAsthitAH . 
kArmukANi cha bhImAni jyAshcha kA~nchanapi~NgalAH .. 19..\\
dvau cha khaDgau rathagatau pArshvasthau pArshvashobhinau . 
chaturhastatsaruchitau vyaktahastadashAyatau .. 20..\\
raktakaNThaguNo dhIro mahAparvatasaMnibhaH . 
kAlaH kAlamahAvaktro meghastha iva bhAskaraH .. 21..\\
kA~nchanA~NgadanaddhAbhyAM bhujAbhyAmeSha shobhate . 
shR^i~NgAbhyAmiva tu~NgAbhyA.n himavAnparvatottamaH .. 22..\\
kuNDalAbhyA.n tu yasyaitadbhAti vaktra.n shubhekShaNam . 
punarvasvantaragataM pUrNabimbamivaindavam .. 23..\\
AchakShva me mahAbAho tvamena.n rAkShasottamam . 
ya.n dR^iShTvA vAnarAH sarve bhayArtA vidrutA dishaH .. 24..\\
sa pR^iShTho rAjaputreNa rAmeNAmitatejasA . 
AchachakShe mahAtejA rAghavAya vibhIShaNaH .. 25..\\
dashagrIvo mahAtejA rAjA vaishravaNAnujaH . 
bhImakarmA mahotsAho rAvaNo rAkShasAdhipaH .. 26..\\
tasyAsIdvIryavAnputro rAvaNapratimo raNe . 
vR^iddhasevI shrutadharaH sarvAstraviduShA.n varaH .. 27..\\
ashvapR^iShThe rathe nAge khaDge dhanuShi karShaNe . 
bhede sAntve cha dAne cha naye mantre cha saMmataH .. 28..\\
yasya bAhu.n samAshritya la~NkA bhavati nirbhayA . 
tanaya.n dhAnyamAlinyA atikAyamima.n viduH .. 29..\\
etenArAdhito brahmA tapasA bhAvitAtmanA . 
astrANi chApyavAptAni ripavashcha parAjitAH .. 30..\\
surAsurairavadhyatva.n dattamasmai svayambhuvA . 
etachcha kavacha.n divya.n rathashchaiSho.arkabhAskaraH .. 31..\\
etena shatasho devA dAnavAshcha parAjitAH . 
rakShitAni cha rakShAmi yakShAshchApi niShUditAH .. 32..\\
vajra.n viShTambhitaM yena bANairindrasya dhImataH . 
pAshaH salilarAjasya yuddhe pratihatastathA .. 33..\\
eSho.atikAyo balavAnrAkShasAnAmatharShabhaH . 
rAvaNasya suto dhImAndevadanava darpahA .. 34..\\
tadasminkriyatA.n yatnaH kShipraM puruShapu~Ngava . 
purA vAnarasainyAni kShayaM nayati sAyakaiH .. 35..\\
tato.atikAyo balavAnpravishya harivAhinIm . 
visphArayAmAsa dhanurnanAda cha punaH punaH .. 36..\\
taM bhImavapuSha.n dR^iShTvA rathastha.n rathinAM varam . 
abhipeturmahAtmAno ye pradhAnAH plava~NgamAH .. 37..\\
kumudo dvivido maindo nIlaH sharabha eva cha . 
pAdapairgirishR^i~Ngaish cha yugapatsamabhidravan .. 38..\\
teShA.n vR^ikShAMshcha shailAMshcha sharaiH kA~nchanabhUShaNaiH . 
atikAyo mahAtejAshchichchhedAstravidA.n varaH .. 39..\\
tAMshchaiva sarAnsa harI~nsharaiH sarvAyasairbalI . 
vivyAdhAbhimukhaH sa~Nkhye bhImakAyo nishAcharaH .. 40..\\
te.arditA bANabarSheNa bhinnagAtrAH plava~NgamAH . 
na shekuratikAyasya pratikartuM mahAraNe .. 41..\\
tatsainya.n harivIrANA.n trAsayAmAsa rAkShasaH . 
mR^igayUthamiva kruddho hariryauvanamAsthitaH .. 42..\\
sa rAShasendro harisainyamadhye 
nAyudhyamAnaM nijaghAna ka.n chit . 
upetya rAma.n sadhanuH kalApI 
sagarvita.n vAkyamidaM babhAShe .. 43..\\
rathe sthito.aha.n sharachApapANir 
na prAkR^ita.n kaM chana yodhayAmi . 
yasyAsti shaktirvyavasAya yuktA 
dadAtuM me kShipramihAdya yuddham .. 44..\\
tattasya vAkyaM bruvato nishamya 
chukopa saumitriramitrahantA . 
amR^iShyamANashcha samutpapAta 
jagrAha chApa.n cha tataH smayitvA .. 45..\\
kruddhaH saumitrirutpatya tUNAdAkShipya sAyakam . 
purastAdatikAyasya vichakarSha mahaddhanuH .. 46..\\
pUrayansa mahI.n shailAnAkAshaM sAgara.n dishaH . 
jyAshabdo lakShmaNasyograstrAsayanrajanIcharAn .. 47..\\
saumitreshchApanirghoSha.n shrutvA pratibhaya.n tadA . 
visiShmiye mahAtejA rAkShasendrAtmajo balI .. 48..\\
athAtikAyaH kupito dR^iShTvA lakShmaNamutthitam . 
AdAya nishitaM bANamida.n vachanamabravIt .. 49..\\
bAlastvamasi saumitre vikrameShvavichakShaNaH . 
gachchha ki.n kAlasadR^ishaM mA.n yodhayitumichchhasi .. 50..\\
na hi madbAhusR^iShTAnAmastrANA.n himavAnapi . 
soDhumutsahate vegamantarikShamatho mahI .. 51..\\
sukhaprasupta.n kAlAgniM prabodhayitumichchhasi . 
nyasya chApaM nivartasva mA prANA~njahi madgataH .. 52..\\
atha vA tvaM pratiShTabdho na nivartitumichchhasi . 
tiShTha prANAnparityajya gamiShyasi yamakShayam .. 53..\\
pashya me nishitAnbANAnaridarpaniShUdanAn . 
IshvarAyudhasa~NkAshA.nstaptakA~nchanabhUShaNAn .. 54..\\
eSha te sarpasa~NkAsho bANaH pAsyati shoNitam . 
mR^igarAja iva kruddho nAgarAjasya shoNitam .. 55..\\
shrutvAtikAyasya vachaH saroShaM 
sagarvita.n sa.nyati rAjaputraH . 
sa sa~ncukopAtibalo bR^ihachchhrIr 
uvAcha vAkya.n cha tato mahArtham .. 56..\\
na vAkyamAtreNa bhavAnpradhAno 
na katthanAtsatpuruShA bhavanti . 
mayi sthite dhanvini bANapANau 
vidarshayasvAtmabala.n durAtman .. 57..\\
karmaNA sUchayAtmAnaM na vikatthitumarhasi . 
pauruSheNa tu yo yuktaH sa tu shUra iti smR^itaH .. 58..\\
sarvAyudhasamAyukto dhanvI tva.n rathamAsthitaH . 
sharairvA yadi vApyastrairdarshayasva parAkramam .. 59..\\
tataH shiraste nishitaiH pAtayiShyAmyaha.n sharaiH . 
mArutaH kAlasampakva.n vR^intAttAlaphalaM yathA .. 60..\\
adya te mAmakA bANAstaptakA~nchanabhUShaNAH . 
pAsyanti rudhira.n gAtrAdbANashalyAntarotthitam .. 61..\\
bAlo.ayamiti viGYAya na mAvaGYAtumarhasi . 
bAlo vA yadi vA vR^iddho mR^ityu.n jAnIhi sa.nyuge .. 62..\\
lakShmaNasya vachaH shrutvA hetumatparamArthavat . 
atikAyaH prachukrodha bANa.n chottamamAdade .. 63..\\
tato vidyAdharA bhUtA devA daityA maharShayaH . 
guhyakAshcha mahAtmAnastadyuddha.n dadR^ishustadA .. 64..\\
tato.atikAyaH kupitashchApamAropya sAyakam . 
lakShmaNasya prachikShepa sa~NkShipanniva chAmbaram .. 65..\\
tamApatantaM nishita.n sharamAshIviShopamam . 
ardhachandreNa chichchheda lakShmaNaH paravIrahA .. 66..\\
taM nikR^itta.n shara.n dR^iShTvA kR^ittabhogamivoragam . 
atikAyo bhR^isha.n kruddhaH pa~nchabANAnsamAdade .. 67..\\
tA~nsharAnsamprachikShepa lakShmaNAya nishAcharaH . 
tAnaprAptA~nsharaistIkShNaishchichchheda bharatAnujaH .. 68..\\
sa tAMshchhittvA sharaistIkShNairlakShmaNaH paravIrahA . 
Adade nishitaM bANa.n jvalantamiva tejasA .. 69..\\
tamAdAya dhanuH shreShThe yojayAmAsa lakShmaNaH . 
vichakarSha cha vegena visasarja cha sAyakam .. 70..\\
pUrNAyatavisR^iShTena shareNAnata parvaNA . 
lalATe rAkShasashreShThamAjaghAna sa vIryavAn .. 71..\\
sa lalATe sharo magnastasya bhImasya rakShasaH . 
dadR^ishe shoNitenAktaH pannagendra ivAhave .. 72..\\
rAkShasaH prachakampe cha lakShmaNeShu prakampitaH . 
rudrabANahataM bhIma.n yathA tripuragopuram .. 73..\\
chintayAmAsa chAshvasya vimR^ishya cha mahAbalaH . 
sAdhu bANanipAtena shvAghanIyo.asi me ripuH .. 74..\\
vichAryaiva.n vinamyAsyaM vinamya cha bhujAvubhau . 
sa rathopasthamAsthAya rathena prachachAra ha .. 75..\\
eka.n trInpa~ncha sapteti sAyakAnrAkShasarShabhaH . 
Adade sandadhe chApi vichakarShotsasarja cha .. 76..\\
te bANAH kAlasa~NkAshA rAkShasendradhanushchyutAH . 
hemapu~NkhA raviprakhyAshchakrurdIptamivAmbaram .. 77..\\
tatastAnrAkShasotsR^iShTA~nsharaughAnrAvaNAnujaH . 
asambhrAntaH prachichchheda nishitairbahubhiH sharaiH .. 78..\\
tA~nsharAnyudhi samprekShya nikR^ittAnrAvaNAtmajaH . 
chukopa tridashendrArirjagrAha nishita.n sharam .. 79..\\
sa sandhAya mahAtejAstaM bANa.n sahasotsR^ijat . 
tataH saumitrimAyAntamAjaghAna stanAntare .. 80..\\
atikAyena saumitristADito yudhi vakShasi . 
susrAva rudhira.n tIvraM madaM matta iva dvipaH .. 81..\\
sa chakAra tadAtmAna.n vishalyaM sahasA vibhuH . 
jagrAha cha shara.n tIShNamastreNApi samAdadhe .. 82..\\
Agneyena tadAstreNa yojayAmAsa sAyakam . 
sa jajvAla tadA bANo dhanushchAsya mahAtmanaH .. 83..\\
atikAyo.atitejasvI sauramastra.n samAdade . 
tena bANaM bhuja~NgAbha.n hemapu~Nkhamayojayat .. 84..\\
tatasta.n jvalitaM ghora.n lakShmaNaH sharamAhitam . 
atikAyAya chikShepa kAladaNDamivAntakaH .. 85..\\
AgneyenAbhisa.nyukta.n dR^iShTvA bANaM nishAcharaH . 
utsasarja tadA bANa.n dIpta.n sUryAstrayojitam .. 86..\\
tAvubhAvambare bANAvanyonyamabhijaghnatuH . 
tejasA sampradIptAgrau kruddhAviva bhuja.n gamau .. 87..\\
tAvanyonya.n vinirdahya petaturdharaNItale . 
nirarchiShau bhasmakR^itau na bhrAjete sharottamau .. 88..\\
tato.atikAyaH sa~NkruddhastvastramaiShIkamutsR^ijat . 
tatprachichchheda saumitrirastramaindreNa vIryavAn .. 89..\\
aiShIkaM nihata.n dR^iShTvA kumAro rAvaNAtmajaH . 
yAmyenAstreNa sa~Nkruddho yojayAmAsa sAyakam .. 90..\\
tatastadastra.n chikShepa lakShmaNAya nishAcharaH . 
vAyavyena tadastra.n tu nijaghAna sa lakShmaNaH .. 91..\\
athaina.n sharadhArAbhirdhArAbhiriva toyadaH . 
abhyavarShata sa~Nkruddho lakShmaNo rAvaNAtmajam .. 92..\\
te.atikAya.n samAsAdya kavache vajrabhUShite . 
bhagnAgrashalyAH sahasA peturbANA mahItale .. 93..\\
tAnmoghAnabhisamprekShya lakShmaNaH paravIrahA . 
abhyavarShata bANAnA.n sahasreNa mahAyashAH .. 94..\\
sa varShyamANo bANaughairatikAyo mahAbalaH . 
avadhyakavachaH sa~Nkhye rAkShaso naiva vivyathe .. 95..\\
na shashAka ruja.n kartu.n yudhi tasya narottamaH . 
athainamabhyupAgamya vAyurvAkyamuvAcha ha .. 96..\\
brahmadattavaro hyeSha avadhya kavachAvR^itaH . 
brAhmeNAstreNa bhindhyenameSha vadhyo hi nAnyathA .. 97..\\
tataH sa vAyorvachanaM nishamya 
saumitririndrapratimAnavIryaH . 
samAdade bANamamoghavegaM 
tadbrAhmamastra.n sahasA niyojya .. 98..\\
tasminvarAstre tu niyujyamAne 
saumitriNA bANavare shitAgre . 
dishaH sachandrArkamahAgrahAsh cha 
nabhashcha tatrAsa rarAsa chorvI .. 99..\\
taM brahmaNo.astreNa niyujya chApe 
shara.n supu~NkhaM yamadUtakalpam . 
saumitririndrArisutasya tasya 
sasarja bANa.n yudhi vajrakalpam .. 100..\\
ta.n lakShmaNotsR^iShTamamoghavegaM 
samApatanta.n jvalanaprakAsham . 
suvarNavajrottamachitrapu~NkhaM 
tadAtikAyaH samare dadarsha .. 101..\\
taM prekShamANaH sahasAtikAyo 
jaghAna bANairnishitairanekaiH . 
sa sAyakastasya suparNavegas 
tadAtivegena jagAma pArshvam .. 102..\\
tamAgataM prekShya tadAtikAyo 
bANaM pradIptAntakakAlakalpam . 
jaghAna shaktyR^iShTigadAkuThAraiH 
shUlairhalaishchApyavipannacheShTaH .. 103..\\
tAnyAyudhAnyadbhutavigrahANi 
moghAni kR^itvA sa sharo.agnidIptaH . 
prasahya tasyaiva kirITajuShTaM 
tadAtikAyasya shiro jahAra .. 104..\\
tachchhiraH sashirastrANa.n lakShmaNeShuprapIDitam . 
papAta sahasA bhUmau shR^i~Nga.n himavato yathA .. 105..\\
praharShayuktA bahavastu vAnarA 
prabuddhapadmapratimAnanAstadA . 
apUjaya.NllakShmaNamiShTabhAginaM 
hate ripau bhImabale durAsade .. 106..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}