\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 60
tato hatAnrAkShasapu~NgavA.nstAn 
devAntakAditrishiro.atikAyAn . 
rakShogaNAstatra hatAvashiShTAs 
te rAvaNAya tvarita.n shasha.nsuH .. 1..\\
tato hatA.nstAnsahasA nishamya 
rAjA mumohAshrupariplutAkShaH . 
putrakShayaM bhrAtR^ivadha.n cha ghoraM 
vichintya rAjA vipulaM pradadhyau .. 2..\\
tatastu rAjAnamudIkShya dInaM 
shokArNave samparipupluvAnam . 
atharShabho rAkShasarAjasUnur 
athendrajidvAkyamidaM babhAShe .. 3..\\
na tAta mohaM pratigantumarhasi 
yatrendrajijjIvati rAkShasendra . 
nendrAribANAbhihato hi kash chit 
prANAnsamarthaH samare.abhidhartum .. 4..\\
pashyAdya rAma.n sahalakShmaNena 
madbANanirbhinnavikIrNadeham . 
gatAyuShaM bhUmitale shayAnaM 
sharaiH shitairAchitasarvagAtram .. 5..\\
imAM pratiGYA.n shR^iNu shakrashatroH 
sunishchitAM pauruShadaivayuktAm . 
adyaiva rAma.n sahalakShmaNena 
santApayiShyAmi sharairamoghaiH .. 6..\\
adyendravaivasvataviShNumitra 
sAdhyAshvivaishvAnarachandrasUryAH . 
drakShyanti me vikramamaprameyaM 
viShNorivograM baliyaGYavATe .. 7..\\
sa evamuktvA tridashendrashatrur 
ApR^ichchhya rAjAnamadInasattvaH . 
samArurohAnilatulyavegaM 
ratha.n kharashreShThasamAdhiyuktam .. 8..\\
samAsthAya mahAtejA ratha.n harirathopamam . 
jagAma sahasA tatra yatra yuddhamarindama .. 9..\\
taM prasthitaM mahAtmAnamanujagmurmahAbalAH . 
sa.nharShamANA bahavo dhanuHpravarapANayaH .. 10..\\
gajaskandhagatAH ke chitke chitparamavAjibhiH . 
prAsamudgaranistriMsha parashvadhagadAdharAH .. 11..\\
sa sha~NkhaninadairbhImairbherINA.n cha mahAsvanaiH . 
jagAma tridashendrAriH stUyamAno nishAcharaiH .. 12..\\
sa sha~NkhashashivarNena chhatreNa ripusAdanaH . 
rarAja paripUrNena nabhashchandramasA yathA .. 13..\\
avIjyata tato vIro haimairhemavibhUShitaiH . 
chAruchAmaramukhyaishcha mukhyaH sarvadhanuShmatAm .. 14..\\
tatastvindrajitA la~NkA sUryapratimatejasA . 
rarAjAprativIryeNa dyaurivArkeNa bhAsvatA .. 15..\\
sa tu dR^iShTvA viniryAntaM balena mahatA vR^itam . 
rAkShasAdhipatiH shrImAnrAvaNaH putramabravIt .. 16..\\
tvamapratirathaH putra jitaste yudhi vAsavaH . 
kiM punarmAnuSha.n dhR^iShyaM na vadhiShyasi rAghavam .. 17..\\
tathokto rAkShasendreNa pratigR^ihya mahAshiShaH . 
rathenAshvayujA vIraH shIghra.n gatvA nikumbhilAm .. 18..\\
sa samprApya mahAtejA yuddhabhUmimarindamaH . 
sthApayAmAsa rakShA.nsi rathaM prati samantataH .. 19..\\
tatastu hutabhoktAra.n hutabhuksadR^ishaprabhaH . 
juhuve rAkShasashreShTho mantravadvidhivattadA .. 20..\\
sa havirjAlasa.nskArairmAlyagandhapuraskR^itaiH . 
juhuve pAvaka.n tatra rAkShasendraH pratApavAn .. 21..\\
shastrANi sharapatrANi samidho.atha vibhItakaH . 
lohitAni cha vAsA.nsi sruva.n kArShNAyasaM tathA .. 22..\\
sa tatrAgni.n samAstIrya sharapatraiH satomaraiH . 
chhAgasya sarvakR^iShNasya gala.n jagrAha jIvataH .. 23..\\
sakR^ideva samiddhasya vidhUmasya mahArchiShaH . 
babhUvustAni li~NgAni vijaya.n yAnyadarshayan .. 24..\\
pradakShiNAvartashikhastaptakA~nchanasaMnibhaH . 
havistatpratijagrAha pAvakaH svayamutthitaH .. 25..\\
so.astramAhArayAmAsa brAhmamastravidA.n varaH . 
dhanushchAtmaratha.n chaiva sarvaM tatrAbhyamantrayat .. 26..\\
tasminnAhUyamAne.astre hUyamAne cha pAvake . 
sArkagrahendu nakShatra.n vitatrAsa nabhastalam .. 27..\\
sa pAvakaM pAvakadIptatejA 
hutvA mahendrapratimaprabhAvaH . 
sachApabANAsirathAshvasUtaH 
khe.antardadha AtmAnamachintyarUpaH .. 28..\\
sa sainyamutsR^ijya sametya tUrNaM 
mahAraNe vAnaravAhinIShu . 
adR^ishyamAnaH sharajAlamugraM 
vavarSha nIlAmbudharo yathAmbu .. 29..\\
te shakrajidbANavishIrNadehA 
mAyAhatA visvaramunnadantaH . 
raNe nipeturharayo.adrikalpA 
yathendravajrAbhihatA nagendrAH .. 30..\\
te kevala.n sandadR^ishuH shitAgrAn 
bANAnraNe vAnaravAhinIShu . 
mAyA nigUDha.n cha surendrashatruM 
na chAtra ta.n rAkShasamabhyapashyan .. 31..\\
tataH sa rakSho.adhipatirmahAtmA 
sarvA disho bANagaNaiH shitAgraiH . 
prachchhAdayAmAsa raviprakAshair 
viShAdayAmAsa cha vAnarendrAn .. 32..\\
sa shUlanistriMsha parashvadhAni 
vyAvidhya dIptAnalasaMnibhAni . 
savisphuli~NgojjvalapAvakAni 
vavarSha tIvraM plavagendrasainye .. 33..\\
tato jvalanasa~NkAshaiH shitairvAnarayUthapAH . 
tADitAH shakrajidbANaiH praphullA iva kiMshukAH .. 34..\\
anyonyamabhisarpanto ninadantash cha visvaram . 
rAkShasendrAstranirbhinnA nipeturvAnararShabhAH .. 35..\\
udIkShamANA gagana.n ke chinnetreShu tADitAH . 
sharairvivishuranyonyaM petushcha jagatItale .. 36..\\
hanUmanta.n cha sugrIvama~NgadaM gandhamAdanam . 
jAmbavanta.n suSheNa.n cha vegadarshinameva cha .. 37..\\
mainda.n cha dvividaM nIlaM gavAkShaM gajagomukhau . 
kesari.n harilomAnaM vidyuddaMShTra.n cha vAnaram .. 38..\\
sUryAnana.n jyotimukhaM tathA dadhimukha.n harim . 
pAvakAkShaM nala.n chaiva kumudaM chaiva vAnaram .. 39..\\
prAsaiH shUlaiH shitairbANairindrajinmantrasa.nhitaiH . 
vivyAdha harishArdUlAnsarvA.nstAnrAkShasottamaH .. 40..\\
sa vai gadAbhirhariyUthamukhyAn 
nirbhidya bANaistapanIyapu~NkhaiH . 
vavarSha rAma.n sharavR^iShTijAlaiH 
salakShmaNaM bhAskararashmikalpaiH .. 41..\\
sa bANavarShairabhivarShyamANo 
dhArAnipAtAniva tAnvichintya . 
samIkShamANaH paramAdbhutashrI 
rAmastadA lakShmaNamityuvAcha .. 42..\\
asau punarlakShmaNa rAkShasendro 
brahmAstramAshritya surendrashatruH . 
nipAtayitvA harisainyamugram 
asmA~nsharairardayati prasaktam .. 43..\\
svayambhuvA dattavaro mahAtmA 
khamAsthito.antarhitabhImakAyaH . 
kathaM nu shakyo yudhi naShTadeho 
nihantumadyendrajidudyatAstraH .. 44..\\
manye svayambhUrbhagavAnachintyo 
yasyaitadastraM prabhavash cha yo.asya . 
bANAvapAtA.nstvamihAdya dhIman 
mayA sahAvyagramanAH sahasva .. 45..\\
prachchhAdayatyeSha hi rAkShasendraH 
sarvA dishaH sAyakavR^iShTijAlaiH . 
etachcha sarvaM patitAgryavIraM 
na bhrAjate vAnararAjasainyam .. 46..\\
AvA.n tu dR^iShTvA patitau visa.nj~nau 
nivR^ittayuddhau hataroShaharShau . 
dhruvaM pravekShyatyamarArivAsaM 
asau samAdAya raNAgralakShmIm .. 47..\\
tatastu tAvindrajidastrajAlair 
babhUvatustatra tadA vishastau . 
sa chApi tau tatra viShAdayitvA 
nanAda harShAdyudhi rAkShasendraH .. 48..\\
sa tattadA vAnararAjasainyaM 
rAma.n cha sa~Nkhye sahalakShmaNena . 
viShAdayitvA sahasA vivesha 
purI.n dashagrIvabhujAbhiguptAm .. 49..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}