\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{5}## ##\begin{center}## \section{yuddhakaaNDa} ##\end{center}## \medskip 61 tayostadA sAditayo raNAgre mumoha sainya.n hariyUthapAnAm . sugrIvanIlA~NgadajAmbavanto na chApi ki.n chitpratipedire te .. 1..\\ tato viShaNNa.n samavekShya sainyaM vibhIShaNo buddhimatA.n variShThaH . uvAcha shAkhAmR^igarAjavIrAn AshvAsayannapratimairvachobhiH .. 2..\\ mA bhaiShTa nAstyatra viShAdakAlo yadAryaputrAvavashau viShaNNau . svayambhuvo vAkyamathodvahantau yatsAditAvindrajidastrajAlaiH .. 3..\\ tasmai tu dattaM paramAstrametat svayambhuvA brAhmamamoghavegam . tanmAnayantau yadi rAjaputrau nipAtitau ko.atra viShAdakAlaH .. 4..\\ brAhmamastra.n tadA dhImAnmAnayitvA tu mArutiH . vibhIShaNavachaH shrutvA hanUmA.nstamathAbravIt .. 5..\\ etasminnihate sainye vAnarANA.n tarasvinAm . yo yo dhArayate prANA.nsta.n tamAshvAsayAvahe .. 6..\\ tAvubhau yugapadvIrau hanUmadrAkShasottamau . ulkAhastau tadA rAtrau raNashIrShe vicheratuH .. 7..\\ chhinnalA~NgUlahastorupAdA~Nguli shiro dharaiH . sravadbhiH kShataja.n gAtraiH prasravadbhiH samantataH .. 8..\\ patitaiH parvatAkArairvAnarairabhisa~NkulAm . shastraishcha patitairdIptairdadR^ishAte vasundharAm .. 9..\\ sugrIvama~NgadaM nIla.n sharabha.n gandhamAdanam . jAmbavanta.n suSheNa.n cha vegadarshanamAhukam .. 10..\\ maindaM nala.n jyotimukhaM dvividaM panasaM tathA . vibhIShaNo hanUmAMshcha dadR^ishAte hatAnraNe .. 11..\\ saptaShaShTirhatAH koTyo vAnarANA.n tarasvinAm . ahnaH pa~nchamasheSheNa vallabhena svayambhuvaH .. 12..\\ sAgaraughanibhaM bhIma.n dR^iShTvA bANArditaM balam . mArgate jAmbavanta.n sma hanUmAnsavibhIShaNaH .. 13..\\ svabhAvajarayA yukta.n vR^iddhaM sharashataish chitam . prajApatisuta.n vIraM shAmyantamiva pAvakam .. 14..\\ dR^iShTvA tamupasa~Ngamya paulastyo vAkyamabravIt . kachchidAryasharaistIrShNairna prANA dhva.nsitAstava .. 15..\\ vibhIShaNavachaH shrutvA jAmbavAnR^ikShapu~NgavaH . kR^ichchhrAdabhyudgiranvAkyamida.n vachanamabravIt .. 16..\\ nairR^itendramahAvIryasvareNa tvAbhilakShaye . pIDyamAnaH shitairbANairna tvAM pashyAmi chakShuShA .. 17..\\ a~njanA suprajA yena mAtarishvA cha nairR^ita . hanUmAnvAnarashreShThaH prANAndhArayate kva chit .. 18..\\ shrutvA jAmbavato vAkyamuvAcheda.n vibhIShaNaH . AryaputrAvatikramya kasmAtpR^ichchhasi mArutim .. 19..\\ naiva rAjani sugrIve nA~Ngade nApi rAghave . Arya sandarshitaH sneho yathA vAyusute paraH .. 20..\\ vibhIShaNavachaH shrutvA jAmbavAnvAkyamabravIt . shR^iNu nairR^itashArdUla yasmAtpR^ichchhAmi mArutim .. 21..\\ tasmi~njIvati vIre tu hatamapyahataM balam . hanUmatyujjhitaprANe jIvanto.api vaya.n hatAH .. 22..\\ dhriyate mArutistAta mArutapratimo yadi . vaishvAnarasamo vIrye jIvitAshA tato bhavet .. 23..\\ tato vR^iddhamupAgamya niyamenAbhyavAdayat . gR^ihya jAmbavataH pAdau hanUmAnmArutAtmajaH .. 24..\\ shrutvA hanumato vAkya.n tathApi vyathitendriyaH . punarjAtamivAtmAna.n sa mene R^ikShapu~NgavaH .. 25..\\ tato.abravInmahAtejA hanUmanta.n sa jAmbavAn . Agachchha harishArdUlavAnarA.nstrAtumarhasi .. 26..\\ nAnyo vikramaparyAptastvameShAM paramaH sakhA . tvatparAkramakAlo.ayaM nAnyaM pashyAmi ka~n chana .. 27..\\ R^ikShavAnaravIrANAmanIkAni praharShaya . vishalyau kuru chApyetau sAditau rAmalakShmaNau .. 28..\\ gatvA paramamadhvAnamuparyupari sAgaram . himavantaM nagashreShTha.n hanUmangantumarhasi .. 29..\\ tataH kA~nchanamatyugramR^iShabhaM parvatottamam . kailAsashikhara.n chApi drakShyasyariniShUdana .. 30..\\ tayoH shikharayormadhye pradIptamatulaprabham . sarvauShadhiyuta.n vIra drakShyasyauShadhiparvatam .. 31..\\ tasya vAnarashArdUlachatasro mUrdhni sambhavAH . drakShyasyoShadhayo dIptA dIpayantyo disho dasha .. 32..\\ mR^itasa~njIvanI.n chaiva vishalyakaraNIm api . sauvarNakaraNI.n chaiva sandhAnIM cha mahauShadhIm .. 33..\\ tAH sarvA hanumangR^ihya kShipramAgantumarhasi . AshvAsaya harInprANairyojya gandhavahAtmajaH .. 34..\\ shrutvA jAmbavato vAkya.n hanUmAnharipu~NgavaH . ApUryata baloddharShaistoyavegairivArNavaH .. 35..\\ sa parvatataTAgrasthaH pIDayanparvatottaram . hanUmAndR^ishyate vIro dvitIya iva parvataH .. 36..\\ haripAdavinirbhinno niShasAda sa parvataH . na shashAka tadAtmAna.n soDhuM bhR^ishanipIDitaH .. 37..\\ tasya peturnagA bhUmau harivegAchcha jajvaluH . shR^i~NgANi cha vyakIryanta pIDitasya hanUmatA .. 38..\\ tasminsampIDyamAne tu bhagnadrumashilAtale . na shekurvAnarAH sthAtu.n ghUrNamAne nagottame .. 39..\\ sa ghUrNitamahAdvArA prabhagnagR^ihagopurA . la~NkA trAsAkulA rAtrau pranR^ittevAbhavattadA .. 40..\\ pR^ithivIdharasa~NkAsho nipIDya dharaNIdharam . pR^ithivI.n kShobhayAmAsa sArNavAM mArutAtmajaH .. 41..\\ padbhyA.n tu shailamApIDya vaDavAmukhavanmukham . vivR^ityograM nanAdochchaistrAsayanniva rAkShasAn .. 42..\\ tasya nAnadyamAnasya shrutvA ninadamadbhutam . la~NkAsthA rAkShasAH sarve na shekuH spandituM bhayAt .. 43..\\ namaskR^itvAtha rAmAya mArutirbhImavikramaH . rAghavArthe para.n karma samaihata parantapaH .. 44..\\ sa puchchhamudyamya bhuja~NgakalpaM vinamya pR^iShTha.n shravaNe niku~nchya . vivR^itya vaktra.n vaDavAmukhAbham Apupluve vyomni sa chaNDavegaH .. 45..\\ sa vR^ikShaShaNDA.nstarasA jahAra shailA~nshilAH prAkR^itavAnarAMsh cha . bAhUruvegoddhatasampraNunnAs te kShINavegAH salile nipetuH .. 46..\\ sa tau prasAryoragabhogakalpau bhujau bhuja~NgArinikAshavIryaH . jagAma meruM nagarAjamagryaM dishaH prakarShanniva vAyusUnuH .. 47..\\ sa sAgara.n ghUrNitavIchimAlaM tadA bhR^ishaM bhrAmitasarvasattvam . samIkShamANaH sahasA jagAma chakra.n yathA viShNukarAgramuktam .. 48..\\ sa parvatAnvR^ikShagaNAnsarA.nsi nadIstaTAkAni purottamAni . sphItA~njanA.nstAnapi samprapashya~n jagAma vegAtpitR^itulyavegaH .. 49..\\ AdityapathamAshritya jagAma sa gatashramaH . sa dadarsha harishreShTho himavantaM nagottamam .. 50..\\ nAnAprasravaNopetaM bahukandaranirjharam . shvetAbhrachayasa~NkAshaiH shikharaishchArudarshanaiH .. 51..\\ sa ta.n samAsAdya mahAnagendram atipravR^iddhottamaghorashR^i~Ngam . dadarsha puNyAni mahAshramANi surarShisa~NghottamasevitAni .. 52..\\ sa brahmakosha.n rajatAlaya.n cha shakrAlaya.n rudrasharapramokSham . hayAnanaM brahmashirashcha dIptaM dadarsha vaivasvata ki~NkarAMsh cha .. 53..\\ vajrAlaya.n vaishvaraNAlaya.n cha sUryaprabha.n sUryanibandhana.n cha . brahmAsana.n sha~NkarakArmuka.n cha dadarsha nAbhi.n cha vasundharAyAH .. 54..\\ kailAsamagrya.n himavachchhilA.n cha tatharShabha.n kA~nchanashailamagryam . sa dIptasarvauShadhisampradIptaM dadarsha sarvauShadhiparvatendram .. 55..\\ sa ta.n samIkShyAnalarashmidIptaM visiShmiye vAsavadUtasUnuH . Aplutya ta.n chauShadhiparvatendraM tatrauShadhInA.n vichaya.n chakAra .. 56..\\ sa yojanasahasrANi samatItya mahAkapiH . divyauShadhidhara.n shailaM vyacharanmArutAtmajaH .. 57..\\ mahauShadhyastu tAH sarvAstasminparvatasattame . viGYAyArthinamAyAnta.n tato jagmuradarshanam .. 58..\\ sa tA mahAtmA hanumAnapashyaMsh chukopa kopAchcha bhR^ishaM nanAda . amR^iShyamANo.agninikAshachakShur mahIdharendra.n tamuvAcha vAkyam .. 59..\\ kimetadeva.n suvinishchita.n te yadrAghave nAsi kR^itAnukampaH . pashyAdya madbAhubalAbhibhUto vikIrNamAtmAnamatho nagendra .. 60..\\ sa tasya shR^i~Nga.n sanagaM sanAgaM sakA~nchana.n dhAtusahasrajuShTam . vikIrNakUTa.n chalitAgrasAnuM pragR^ihya vegAtsahasonmamAtha .. 61..\\ sa ta.n samutpATya khamutpapAta vitrAsya lokAnsasurAnsurendrAn . sa.nstUyamAnaH khacharairanekair jagAma vegAdgaruDogravIryaH .. 62..\\ sa bhAskarAdhvAnamanuprapannas tadbhAskarAbha.n shikharaM pragR^ihya . babhau tadA bhAskarasaMnikAsho raveH samIpe pratibhAskarAbhaH .. 63..\\ sa tena shailena bhR^isha.n rarAja shailopamo gandhavahAtmajastu . sahasradhAreNa sapAvakena chakreNa khe viShNurivoddhR^itena .. 64..\\ ta.n vAnarAH prekShya tadA vineduH sa tAnapi prekShya mudA nanAda . teShA.n samudghuShTaravaM nishamya la~NkAlayA bhImatara.n vineduH .. 65..\\ tato mahAtmA nipapAta tasmi~n shailottame vAnarasainyamadhye . haryuttamebhyaH shirasAbhivAdya vibhIShaNa.n tatra cha sasvaje saH .. 66..\\ tAvapyubhau mAnuSharAjaputrau ta.n gandhamAghrAya mahauShadhInAm . babhUvatustatra tadA vishalyAv uttasthuranye cha haripravIrAH .. 67..\\ tato harirgandhavahAtmajastu tamoShadhIshailamudagravIryaH . ninAya vegAddhimavantameva punashcha rAmeNa samAjagAma .. 68..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}