\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 67
makarAkSha.n hataM shrutvA rAvaNaH samiti~njayaH . 
AdideshAtha sa~Nkruddho raNAyendrajita.n sutam .. 1..\\
jahi vIra mahAvIryau bhrAtarau rAmalakShmaNau . 
adR^ishyo dR^ishyamAno vA sarvathA tvaM balAdhikaH .. 2..\\
tvamapratimakarmANamindra.n jayasi sa.nyuge . 
kiM punarmAnuShau dR^iShTvA na vadhiShyasi sa.nyuge .. 3..\\
tathokto rAkShasendreNa pratigR^ihya piturvachaH . 
yaGYabhUmau sa vidhivatpAvaka.n juhuve ndrajit .. 4..\\
juhvatashchApi tatrAgni.n raktoShNIShadharAH striyaH . 
Ajagmustatra sambhrAntA rAkShasyo yatra rAvaNiH .. 5..\\
shastrANi sharapatrANi samidho.atha vibhItakAH . 
lohitAni cha vAsA.nsi sruva.n kArShNAyasaM tathA .. 6..\\
sarvato.agni.n samAstIrya sharapatraiH samantataH . 
chhAgasya sarvakR^iShNasya gala.n jagrAha jIvataH .. 7..\\
charuhomasamiddhasya vidhUmasya mahArchiShaH . 
babhUvustAni li~NgAni vijaya.n darshayanti cha .. 8..\\
pradakShiNAvartashikhastaptahATakasaMnibhaH . 
havistatpratijagrAha pAvakaH svayamutthitaH .. 9..\\
hutvAgni.n tarpayitvAtha devadAnavarAkShasAn . 
Aruroha rathashreShThamantardhAnagata.n shubham .. 10..\\
sa vAjibhishchaturbhistu bANaishcha nishitairyutaH . 
AropitamahAchApaH shushubhe syandanottame .. 11..\\
jAjvalyamAno vapuShA tapanIyaparichchhadaH . 
sharaishchandrArdhachandraishcha sa rathaH samala~NkR^itaH .. 12..\\
jAmbUnadamahAkamburdIptapAvakasaMnibhaH . 
babhUvendrajitaH keturvaidUryasamala~NkR^itaH .. 13..\\
tena chAdityakalpena brahmAstreNa cha pAlitaH . 
sa babhUva durAdharSho rAvaNiH sumahAbalaH .. 14..\\
so.abhiniryAya nagarAdindrajitsamiti~njayaH . 
hutvAgni.n rAkShasairmantrairantardhAnagato.abravIt .. 15..\\
adya hatvAhave yau tau mithyA pravrajitau vane . 
jayaM pitre pradAsyAmi rAvaNAya raNAdhikam .. 16..\\
kR^itvA nirvAnarAmurvI.n hatvA rAmaM salakShmaNam . 
kariShye paramAM prItimityuktvAntaradhIyata .. 17..\\
ApapAtAtha sa~Nkruddho dashagrIveNa choditaH . 
tIkShNakArmukanArAchaistIkShNastvindraripU raNe .. 18..\\
sa dadarsha mahAvIryau nAgau trishirasAviva . 
sR^ijantAviShujAlAni vIrau vAnaramadhyagau .. 19..\\
imau tAviti sa~ncintya sajya.n kR^itvA cha kArmukam . 
santatAneShudhArAbhiH parjanya iva vR^iShTimAn .. 20..\\
sa tu vaihAyasaM prApya saratho rAmalakShmaNau . 
achakShurviShaye tiShThanvivyAdha nishitaiH sharaiH .. 21..\\
tau tasya sharavegena parItau rAmalakShmaNau . 
dhanuShI sashare kR^itvA divyamastraM prachakratuH .. 22..\\
prachchhAdayantau gagana.n sharajAlairmahAbalau . 
tamastraiH surasa~NkAshau naiva pasparshatuH sharaiH .. 23..\\
sa hi dhUmAndhakAra.n cha chakre prachchhAdayannabhaH . 
dishashchAntardadhe shrImAnnIhAratamasAvR^itaH .. 24..\\
naiva jyAtalanirghoSho na cha nemikhurasvanaH . 
shushruve charatastasya na cha rUpaM prakAshate .. 25..\\
ghanAndhakAre timire sharavarShamivAdbhutam . 
sa vavarSha mahAbAhurnArAchasharavR^iShTibhiH .. 26..\\
sa rAma.n sUryasa~NkAshaiH sharairdattavaro bhR^isham . 
vivyAdha samare kruddhaH sarvagAtreShu rAvaNiH .. 27..\\
tau hanyamAnau nArAchairdhArAbhiriva parvatau . 
hemapu~NkhAnnaravyAghrau tigmAnmumuchatuH sharAn .. 28..\\
antarikSha.n samAsAdya rAvaNi.n ka~NkapatriNaH . 
nikR^itya patagA bhUmau petuste shoNitokShitAH .. 29..\\
atimAtra.n sharaugheNa pIDyamAnau narottamau . 
tAniShUnpatato bhallairanekairnichakartatuH .. 30..\\
yato hi dadR^ishAte tau sharAnnipatitA~nshitAn . 
tatastato dAsharathI sasR^ijAte.astramuttamam .. 31..\\
rAvaNistu dishaH sarvA rathenAtirathaH patan . 
vivyAdha tau dAsharathI laghvastro nishitaiH sharaiH .. 32..\\
tenAtividdhau tau vIrau rukmapu~NkhaiH susa.nhataiH . 
babhUvaturdAsharathI puShpitAviva kiMshukau .. 33..\\
nAsya veda gati.n kashchinna cha rUpaM dhanuH sharAn . 
na chAnyadvidita.n kiM chitsUryasyevAbhrasamplave .. 34..\\
tena viddhAshcha harayo nihatAshcha gatAsavaH . 
babhUvuH shatashastatra patitA dharaNItale .. 35..\\
lakShmaNastu susa~Nkruddho bhrAtara.n vAkyamabravIt . 
brAhmamastraM prayokShyAmi vadhArtha.n sarvarakShasAm .. 36..\\
tamuvAcha tato rAmo lakShmaNa.n shubhalakShaNam . 
naikasya heto rakShA.nsi pR^ithivyA.n hantumarhasi .. 37..\\
ayudhyamAnaM prachchhannaM prA~njali.n sharaNAgatam . 
palAyantaM pramatta.n vA na tvaM hantumihArhasi .. 38..\\
asyaiva tu vadhe yatna.n kariShyAvo mahAbala . 
AdekShyAvo mahAvegAnastrAnAshIviShopamAn .. 39..\\
tamenaM mAyina.n kShudramantarhitarathaM balAt . 
rAkShasaM nihaniShyanti dR^iShTvA vAnarayUthapAH .. 40..\\
yadyeSha bhUmi.n vishate divaM vA 
rasAtala.n vApi nabhastalaM vA . 
evaM nigUDho.api mamAstradagdhaH 
patiShyate bhUmitale gatAsuH .. 41..\\
ityevamuktvA vachanaM mahAtmA 
raghupravIraH plavagarShabhairvR^itaH . 
vadhAya raudrasya nR^isha.nsakarmaNas 
tadA mahAtmA tvaritaM nirIkShate .. 42..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}