\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 68
viGYAya tu manastasya rAghavasya mahAtmanaH . 
saMnivR^ityAhavAttasmAtpravivesha pura.n tataH .. 1..\\
so.anusmR^itya vadha.n teShA.n rAkShasAnAM tarasvinAm . 
krodhatAmrekShaNaH shUro nirjagAma mahAdyutiH .. 2..\\
sa pashchimena dvAreNa niryayau rAkShasairvR^itaH . 
indrajittu mahAvIryaH paulastyo devakaNTakaH .. 3..\\
indrajittu tato dR^iShTvA bhrAtarau rAmalakShmaNau . 
raNAyAbhyudyatau vIrau mAyAM prAduShkarottadA .. 4..\\
indrajittu rathe sthApya sItAM mAyAmayI.n tadA . 
balena mahatAvR^itya tasyA vadhamarochayat .. 5..\\
mohanArtha.n tu sarveShAM buddhiM kR^itvA sudurmatiH . 
hantu.n sItAM vyavasito vAnarAbhimukho yayau .. 6..\\
ta.n dR^iShTvA tvabhiniryAntaM nagaryAH kAnanaukasaH . 
utpeturabhisa~NkruddhAH shilAhastA yuyutsavaH .. 7..\\
hanUmAnpuratasteShA.n jagAma kapiku~njaraH . 
pragR^ihya sumahachchhR^i~NgaM parvatasya durAsadam .. 8..\\
sa dadarsha hatAnandA.n sItAm indrajito rathe . 
ekaveNIdharA.n dInAmupavAsakR^ishAnanAm .. 9..\\
parikliShTaikavasanAmamR^ijA.n rAghavapriyAm . 
rajomalAbhyAmAliptaiH sarvagAtrairvarastriyam .. 10..\\
tAM nirIkShya muhUrta.n tu maithilIm adhyavasya cha . 
bAShpaparyAkulamukho hanUmAnvyathito.abhavat .. 11..\\
abravIttA.n tu shokArtAM nirAnandAM tapasvinAm . 
dR^iShTvA rathe stitA.n sItAM rAkShasendrasutAshritAm .. 12..\\
ki.n samarthitamasyeti chintayansa mahAkapiH . 
saha tairvAnarashreShThairabhyadhAvata rAvaNim .. 13..\\
tadvAnarabala.n dR^iShTvA rAvaNiH krodhamUrchhitaH . 
kR^itvA vishokaM nistriMshaM mUrdhni sItAM parAmR^ishat .. 14..\\
ta.n striyaM pashyatA.n teShAM tADayAmAsa rAvaNiH . 
kroshantI.n rAma rAmeti mAyayA yojitAM rathe .. 15..\\
gR^ihItamUrdhajA.n dR^iShTvA hanUmAndainyamAgataH . 
duHkhaja.n vArinetrAbhyAmutsR^ijanmArutAtmajaH . 
abravItparuSha.n vAkya.n krodhAdrakSho.adhipAtmajam .. 16..\\
durAtmannAtmanAshAya keshapakShe parAmR^ishaH . 
brahmarShINA.n kule jAto rAkShasI.n yonimAshritaH . 
dhiktvAM pApasamAchAra.n yasya te matirIdR^ishI .. 17..\\
nR^isha.nsAnArya durvR^itta kShudra pApaparAkrama . 
anAryasyedR^isha.n karma ghR^iNA te nAsti nirghR^iNa .. 18..\\
chyutA gR^ihAchcha rAjyAchcha rAmahastAchcha maithilI . 
ki.n tavaiShAparAddhA hi yadenA.n hantumichchhasi .. 19..\\
sItA.n cha hatvA na chiraM jIviShyasi kathaM chana . 
vadhArhakarmaNAnena mama hastagato hyasi .. 20..\\
ye cha strIghAtinA.n lokA lokavadhyaishcha kutsitAH . 
iha jIvitamutsR^ijya pretya tAnpratilapsyase .. 21..\\
iti bruvANo hanumAnsAyudhairharibhirvR^itaH . 
abhyadhAvata sa~Nkruddho rAkShasendrasutaM prati .. 22..\\
ApatantaM mahAvIrya.n tadanIka.n vanaukasAm . 
rakShasAM bhImavegAnAmanIkena nyavArayat .. 23..\\
sa tAM bANasahasreNa vikShobhya harivAhinIm . 
harishreShTha.n hanUmantamindrajitpratyuvAcha ha .. 24..\\
sugrIvastva.n cha rAmashcha yannimittamihAgatAH . 
tA.n haniShyAmi vaidehImadyaiva tava pashyataH .. 25..\\
imA.n hatvA tato rAmaM lakShmaNa.n tvAM cha vAnara . 
sugrIva.n cha vadhiShyAmi taM chAnArya.n vibhIShaNam .. 26..\\
na hantavyAH striyashcheti yadbravIShi plava~Ngama . 
pIDA karamamitrANA.n yatsyAtkartavyameta tat .. 27..\\
tamevamuktvA rudatI.n sItAM mAyAmayI.n tataH . 
shitadhAreNa khaDgena nijaghAnendrajitsvayam .. 28..\\
yaGYopavItamArgeNa chhinnA tena tapasvinI . 
sA pR^ithivyAM pR^ithushroNI papAta priyadarshanA .. 29..\\
tAmindrajitstriya.n hatvA hanUmantamuvAcha ha . 
mayA rAmasya pashyemA.n kopena cha niShUditAm .. 30..\\
tataH khaDgena mahatA hatvA tAm indrajitsvayam . 
hR^iShTaH sa rathamAsthAya vinanAda mahAsvanam .. 31..\\
vAnarAH shushruvuH shabdamadUre pratyavasthitAH . 
vyAditAsyasya nadatastaddurga.n saMshritasya tu .. 32..\\
tathA tu sItA.n vinihatya durmatiH 
prahR^iShTachetAH sa babhUva rAvaNiH . 
ta.n hR^iShTarUpaM samudIkShya vAnarA 
viShaNNarUpAH samabhipradudruvuH .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}