\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 69
shrutvA taM bhImanirhrAda.n shakrAshanisamasvanam . 
vIkShamANA dishaH sarvA dudruvurvAnararShabhAH .. 1..\\
tAnuvAcha tataH sarvAnhanUmAnmArutAtmajaH . 
viShaNNavadanAndInA.nstrastAnvidravataH pR^ithak .. 2..\\
kasmAdviShaNNavadanA vidravadhvaM plava~NgamAH . 
tyaktayuddhasamutsAhAH shUratva.n kva nu vo gatam .. 3..\\
pR^iShThato.anuvrajadhvaM mAmagrato yAntamAhave . 
shUrairabhijanopetairayukta.n hi nivartitum .. 4..\\
evamuktAH susa~NkruddhA vAyuputreNa dhImatA . 
shailashR^i~NgAndrumAMshchaiva jagR^ihurhR^iShTamAnasAH .. 5..\\
abhipetushcha garjanto rAkShasAnvAnararShabhAH . 
parivArya hanUmantamanvayushcha mahAhave .. 6..\\
sa tairvAnaramukhyaistu hanUmAnsarvato vR^itaH . 
hutAshana ivArchiShmAnadahachchhatruvAhinIm .. 7..\\
sa rAkShasAnA.n kadanaM chakAra sumahAkapiH . 
vR^ito vAnarasainyena kAlAntakayamopamaH .. 8..\\
sa tu shokena chAviShTaH krodhena cha mahAkapiH . 
hanUmAnrAvaNi rathe mahatIM pAtayachchhilAm .. 9..\\
tAmApatantI.n dR^iShTvaiva rathaH sArathinA tadA . 
vidheyAshva samAyuktaH sudUramapavAhitaH .. 10..\\
tamindrajitamaprApya rathatha.n sahasArathim . 
vivesha dharaNIM bhittvA sA shilAvyarthamudyatA .. 11..\\
patitAyA.n shilAyA.n tu rakShasAM vyathitA chamUH . 
tamabhyadhAva~nshatasho nadantaH kAnanaukasaH .. 12..\\
te drumAMshcha mahAkAyA girishR^i~NgANi chodyatAH . 
chikShipurdviShatAM madhye vAnarA bhImavikramAH .. 13..\\
vAnarairtairmahAvIryairghorarUpA nishAcharAH . 
vIryAdabhihatA vR^ikShairvyaveShTanta raNakShitau .. 14..\\
svasainyamabhivIkShyAtha vAnarArditamindrajit . 
pragR^ihItAyudhaH kruddhaH parAnabhimukho yayau .. 15..\\
sa sharaughAnavasR^ijansvasainyenAbhisa.nvR^itaH . 
jaghAna kapishArdUlAnsubahUndR^iShTavikramaH .. 16..\\
shUlairashanibhiH khaDgaiH paTTasaiH kUTamudgaraiH . 
te chApyanucharA.nstasya vAnarA jaghnurAhave .. 17..\\
saskandhaviTapaiH sAlaiH shilAbhishcha mahAbalaiH . 
hanUmAnkadana.n chakre rakShasAM bhImakarmaNAm .. 18..\\
sa nivArya parAnIkamabravIttAnvanaukasaH . 
hanUmAnsaMnivartadhvaM na naH sAdhyamidaM balam .. 19..\\
tyaktvA prANAnvicheShTanto rAma priyachikIrShavaH . 
yannimitta.n hi yudhyAmo hatA sA janakAtmajA .. 20..\\
imamartha.n hi viGYApya rAmaM sugrIvameva cha . 
tau yatpratividhAsyete tatkariShyAmahe vayam .. 21..\\
ityuktvA vAnarashreShTho vArayansarvavAnarAn . 
shanaiH shanairasantrastaH sabalaH sa nyavartata .. 22..\\
sa tu prekShya hanUmanta.n vrajantaM yatra rAghavaH . 
nikumbhilAmadhiShThAya pAvaka.n juhuve ndrajit .. 23..\\
yaGYabhUmyA.n tu vidhivatpAvakastena rakShasA . 
hUyamAnaH prajajvAla homashoNitabhuktadA .. 24..\\
so.archiH pinaddho dadR^ishe homashoNitatarpitaH . 
sandhyAgata ivAdityaH sa tIvrAgniH samutthitaH .. 25..\\
athendrajidrAkShasabhUtaye tu 
juhAva havya.n vidhinA vidhAnavat . 
dR^iShTvA vyatiShThanta cha rAkShasAste 
mahAsamUheShu nayAnayaGYAH .. 26..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}