\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{5}## ##\begin{center}## \section{yuddhakaaNDa} ##\end{center}## \medskip 70 rAghavashchApi vipula.n ta.n rAkShasavanaukasAm . shrutvA sa~NgrAmanirghoSha.n jAmbavantamuvAcha ha .. 1..\\ saumya nUna.n hanumatA kR^ita.n karma suduShkaram . shrUyate hi yathA bhImaH sumahAnAyudhasvanaH .. 2..\\ tadgachchha kuru sAhAyya.n svabalenAbhisa.nvR^itaH . kShipramR^iShkapate tasya kapishreShThasya yudhyataH .. 3..\\ R^ikSharAjastathetyuktvA svenAnIkena sa.nvR^itaH . AgachchhatpashchimadvAra.n hanUmAnyatra vAnaraH .. 4..\\ athAyAnta.n hanUmanta.n dadarsharkShapatiH pathi . vAnaraiH kR^itasa~NgrAmaiH shvasadbhirabhisa.nvR^itam .. 5..\\ dR^iShTvA pathi hanUmAMshcha tadR^iShkabalamudyatam . nIlameghanibhaM bhIma.n saMnivArya nyavartata .. 6..\\ sa tena harisainyena saMnikarShaM mahAyashAH . shIghramAgamya rAmAya duHkhito vAkyamabravIt .. 7..\\ samare yudhyamAnAnAmasmAkaM prekShatA.n cha saH . jaghAna rudatI.n sItAmindrajidrAvaNAtmajaH .. 8..\\ udbhrAntachittastA.n dR^iShTvA viShaNNo.ahamarindama . tadahaM bhavato vR^itta.n viGYApayitumAgataH .. 9..\\ tasya tadvachana.n shrutvA rAghavaH shokamUrchhitaH . nipapAta tadA bhUmau chhinnamUla iva drumaH .. 10..\\ taM bhUmau devasa~NkAshaM patita.n dR^ishya rAghavam . abhipetuH samutpatya sarvataH kapisattamAH .. 11..\\ asi~nchansalilaishchainaM padmotpalasugandhibhiH . pradahantamasahya.n cha sahasAgnimivotthitam .. 12..\\ ta.n lakShmaNo.atha bAhubhyAM pariShvajya suduHkhitaH . uvAcha rAmamasvastha.n vAkyaM hetvarthasa.nhitam .. 13..\\ shubhe vartmani tiShThanta.n tvAmAryavijitendriyam . anarthebhyo na shaknoti trAtu.n dharmo nirarthakaH .. 14..\\ bhUtAnA.n sthAvarANA.n cha ja~NgamAnAM cha darshanam . yathAsti na tathA dharmastena nAstIti me matiH .. 15..\\ yathaiva sthAvara.n vyakta.n ja~NgamaM cha tathAvidham . nAyamarthastathA yuktastvadvidho na vipadyate .. 16..\\ yadyadharmo bhavedbhUto rAvaNo naraka.n vrajet . bhavAMshcha dharmasa.nyukto naiva.n vyasanamApnuyAt .. 17..\\ tasya cha vyasanAbhAvAdvyasana.n cha gate tvayi . dharmeNopalabheddharmamadharma.n chApyadharmataH .. 18..\\ yadi dharmeNa yujyerannAdharmaruchayo janAH . dharmeNa charatA.n dharmastathA chaiShAM phalaM bhavet .. 19..\\ yasmAdarthA vivardhante yeShvadharmaH pratiShThitaH . klishyante dharmashIlAshcha tasmAdetau nirarthakau .. 20..\\ vadhyante pApakarmANo yadyadharmeNa rAghava . vadhakarmahato dharmaH sa hataH ka.n vadhiShyati .. 21..\\ atha vA vihitenAya.n hanyate hanti vA param . vidhirAlipyate tena na sa pApena karmaNA .. 22..\\ adR^iShTapratikAreNa avyaktenAsatA satA . katha.n shakyaM paraM prAptu.n dharmeNArivikarshana .. 23..\\ yadi satsyAtsatAM mukhya nAsatsyAttava ki.n chana . tvayA yadIdR^ishaM prApta.n tasmAtsannopapadyate .. 24..\\ atha vA durbalaH klIbo bala.n dharmo.anuvartate . durbalo hR^itamaryAdo na sevya iti me matiH .. 25..\\ balasya yadi cheddharmo guNabhUtaH parAkrame . dharmamutsR^ijya vartasva yathA dharme tathA bale .. 26..\\ atha chetsatyavachana.n dharmaH kila parantapa . anR^itastvayyakaruNaH kiM na baddhastvayA pitA .. 27..\\ yadi dharmo bhavedbhUta adharmo vA parantapa . na sma hatvA muni.n vajrI kuryAdijyAM shatakratuH .. 28..\\ adharmasaMshrito dharmo vinAshayati rAghava . sarvametadyathAkAma.n kAkutstha kurute naraH .. 29..\\ mama chedaM mata.n tAta dharmo.ayamiti rAghava . dharmamUla.n tvayA chhinna.n rAjyamutsR^ijatA tadA .. 30..\\ arthebhyo hi vivR^iddhebhyaH sa.nvR^iddhebhyastatastataH . kriyAH sarvAH pravartante parvatebhya ivApagAH .. 31..\\ arthena hi viyuktasya puruShasyAlpatejasaH . vyuchchhidyante kriyAH sarvA grIShme kusarito yathA .. 32..\\ so.ayamarthaM parityajya sukhakAmaH sukhaidhitaH . pApamArabhate kartu.n tathA doShaH pravartate .. 33..\\ yasyArthAstasya mitrANi yasyArthAstasya bAndhavaH . yasyArthAH sa pumA.Nlloke yasyArthAH sa cha paNDitaH .. 34..\\ yasyArthAH sa cha vikrAnto yasyArthAH sa cha buddhimAn . yasyArthAH sa mahAbhAgo yasyArthAH sa mahAguNaH .. 35..\\ arthasyaite parityAge doShAH pravyAhR^itA mayA . rAjyamutsR^ijatA vIra yena buddhistvayA kR^itA .. 36..\\ yasyArthA dharmakAmArthAstasya sarvaM pradakShiNam . adhanenArthakAmena nArthaH shakyo vichinvatA .. 37..\\ harShaH kAmashcha darpashcha dharmaH krodhaH shamo damaH . arthAdetAni sarvANi pravartante narAdhipa .. 38..\\ yeShAM nashyatyaya.n lokashcharatA.n dharmachAriNAm . te.arthAstvayi na dR^ishyante durdineShu yathA grahAH .. 39..\\ tvayi pravrajite vIra gurosh cha vachane sthite . rakShasApahR^itA bhAryA prANaiH priyatarA tava .. 40..\\ tadadya vipula.n vIra duHkhamindrajitA kR^itam . karmaNA vyapaneShyAmi tasmAduttiShTha rAghava .. 41..\\ ayamanagha tavoditaH priyArthaM janakasutA nidhanaM nirIkShya ruShTaH . sahayagajarathA.n sarAkShasendrAM bhR^ishamiShubhirvinipAtayAmi la~NkAm .. 42..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}