\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 71
rAmamAshvAsayAne tu lakShmaNe bhrAtR^ivatsale . 
nikShipya gulmAnsvasthAne tatrAgachchhadvibhIShaNaH .. 1..\\
nAnApraharaNairvIraishchaturbhiH sachivairvR^itaH . 
nIlA~njanachayAkArairmAta~Ngairiva yUthapaH .. 2..\\
so.abhigamya mahAtmAna.n rAghavaM shokalAlasaM . 
vAnarAMshchaiva dadR^ishe bAShpaparyAkulekShaNAn .. 3..\\
rAghava.n cha mahAtmAnamikShvAkukulanandanam . 
dadarsha mohamApanna.n lakShmaNasyA~NkamAshritam .. 4..\\
vrIDita.n shokasantapta.n dR^iShTvA rAmaM vibhIShaNaH . 
antarduHkhena dInAtmA kimetaditi so.abravIt .. 5..\\
vibhIShaNa mukha.n dR^iShTvA sugrIvaM tAMshcha vAnarAn . 
uvAcha lakShmaNo vAkyamidaM bAShpapariplutaH .. 6..\\
hatAmindrajitA sItAmiha shrutvaiva rAghavaH . 
hanUmadvachanAtsaumya tato mohamupAgataH .. 7..\\
kathayanta.n tu saumitri.n saMnivArya vibhIShaNaH . 
puShkalArthamida.n vAkyaM visa.nj~naM rAmamabravIt .. 8..\\
manujendrArtarUpeNa yaduktastva.n hanUmatA . 
tadayuktamahaM manye sAgarasyeva shoShaNam .. 9..\\
abhiprAya.n tu jAnAmi rAvaNasya durAtmanaH . 
sItAM prati mahAbAho na cha ghAta.n kariShyati .. 10..\\
yAchyamAnaH subahusho mayA hitachikIrShuNA . 
vaidehImutsR^ijasveti na cha tatkR^itavAnvachaH .. 11..\\
naiva sAmnA na bhedena na dAnena kuto yudhA . 
sA draShTumapi shakyeta naiva chAnyena kena chit .. 12..\\
vAnarAnmohayitvA tu pratiyAtaH sa rAkShasaH . 
chaityaM nikumbhilAM nAma yatra homa.n kariShyati .. 13..\\
hutavAnupayAto hi devairapi savAsavaiH . 
durAdharSho bhavatyeSha sa~NgrAme rAvaNAtmajaH .. 14..\\
tena mohayatA nUnameShA mAyA prayojitA . 
vighnamanvichchhatA tAta vAnarANAM parAkrame . 
sasainyAstatra gachchhAmo yAvattanna samApyate .. 15..\\
tyajemaM narashArdUlamithyA santApamAgatam . 
sIdate hi bala.n sarva.n dR^iShTvA tvAM shokakarshitam .. 16..\\
iha tva.n svastha hR^idayastiShTha sattvasamuchchhritaH . 
lakShmaNaM preShayAsmAbhiH saha sainyAnukarShibhiH .. 17..\\
eSha taM narashArdUlo rAvaNiM nishitaiH sharaiH . 
tyAjayiShyati tatkarma tato vadhyo bhaviShyati .. 18..\\
tasyaite nishitAstIkShNAH patripatrA~NgavAjinaH . 
patatriNa ivAsaumyAH sharAH pAsyanti shoNitam .. 19..\\
tatsandisha mahAbAho lakShmaNa.n shubhalakShaNam . 
rAkShasasya vinAshAya vajra.n vajradharo yathA .. 20..\\
manujavara na kAlaviprakarSho 
ripunidhanaM prati yatkShamo.adya kartum . 
tvamatisR^ija riporvadhAya bANIm 
asurapuronmathane yathA mahendraH .. 21..\\
samAptakarmA hi sa rAkShasendro 
bhavatyadR^ishyaH samare surAsuraiH . 
yuyutsatA tena samAptakarmaNA 
bhavetsurANAmapi saMshayo mahAn .. 22..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}