\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 73
atha tasyAmavasthAyA.n lakShmaNaM rAvaNAnujaH . 
pareShAmahita.n vAkyamarthasAdhakamabravIt .. 1..\\
asyAnIkasya mahato bhedane yatalakShmaNa . 
rAkShasendrasuto.apyatra bhinne dR^ishyo bhaviShyati .. 2..\\
sa tvamindrAshaniprakhyaiH sharairavakiranparAn . 
abhidravAshu yAvadvai naitatkarma samApyate .. 3..\\
jahi vIradurAtmAnaM mAyAparamadhArmikam . 
rAvaNi.n krUrakarmANa.n sarvalokabhayAvaham .. 4..\\
vibhIShaNavachaH shrutvA lakShmaNaH shubhalakShaNaH . 
vavarSha sharavarShANi rAkShasendrasutaM prati .. 5..\\
R^ikShAH shAkhAmR^igAshchaiva drumAdrivarayodhinaH . 
abhyadhAvanta sahitAstadanIkamavasthitam .. 6..\\
rAkShasAshcha shitairbANairasibhiH shaktitomaraiH . 
udyataiH samavartanta kapisainyajighA.nsavaH .. 7..\\
sa samprahArastumulaH sa~njaGYe kapirakShasAm . 
shabdena mahatA la~NkAM nAdayanvai samantataH .. 8..\\
shastrairbahuvidhAkAraiH shitairbANaishcha pAdapaiH . 
udyatairgirishR^i~Ngaishcha ghorairAkAshamAvR^itam .. 9..\\
te rAkShasA vAnareShu vikR^itAnanabAhavaH . 
niveshayantaH shastrANi chakruste sumahadbhayam .. 10..\\
tathaiva sakalairvR^ikShairgirishR^i~Ngaishcha vAnarAH . 
abhijaghnurnijaghnushcha samare rAkShasarShabhAn .. 11..\\
R^ikShavAnaramukhyaishcha mahAkAyairmahAbalaiH . 
rakShasA.n vadhyamAnAnAM mahadbhayamajAyata .. 12..\\
svamanIka.n viShaNNa.n tu shrutvA shatrubhirarditam . 
udatiShThata durdharShastatkarmaNyananuShThite .. 13..\\
vR^ikShAndhakArAnniShkramya jAtakrodhaH sa rAvaNiH . 
Aruroha ratha.n sajjaM pUrvayuktaM sa rAkShasaH .. 14..\\
sa bhImakArmukasharaH kR^iShNA~njanachayopamaH . 
raktAsyanayanaH krUro babhau mR^ityurivAntakaH .. 15..\\
dR^iShTvaiva tu rathastha.n taM paryavartata tadbalam . 
rakShasAM bhImavegAnA.n lakShmaNena yuyutsatAm .. 16..\\
tasminkAle tu hanumAnudyamya sudurAsadam . 
dharaNIdharasa~NkAshI mahAvR^ikShamarindamaH .. 17..\\
sa rAkShasAnA.n tatsainyaM kAlAgniriva nirdahan . 
chakAra bahubhirvR^ikShairniHsa.nj~na.n yudhi vAnaraH .. 18..\\
vidhva.nsayanta.n tarasA dR^iShTvaiva pavanAtmajam . 
rAkShasAnA.n sahasrANi hanUmantamavAkiran .. 19..\\
shitashUladharAH shUlairasibhishchAsipANayaH . 
shaktibhiH shaktihastAshcha paTTasaiH paTTasAyudhAH .. 20..\\
parighaishcha gadAbhishcha kuntaishcha shubhadarshanaiH . 
shatashashcha shataghnIbhirAyasairapi mudgaraiH .. 21..\\
ghoraiH parashubhishchaiva bhiNDipAlaishcha rAkShasAH . 
muShTibhirvajravegaishcha talairashanisaMnibhaiH .. 22..\\
abhijaghnuH samAsAdya samantAtparvatopamam . 
teShAmapi cha sa~NkruddhashchakAra kadanaM mahat .. 23..\\
sa dadarsha kapishreShThamachalopamamindrajit . 
sUdayAnamamitraghnamamitrAnpavanAtmajam .. 24..\\
sa sArathimuvAcheda.n yAhi yatraiSha vAnaraH . 
kShayameva hi naH kuryAdrAkShasAnAmupekShitaH .. 25..\\
ityuktaH sArathistena yayau yatra sa mArutiH . 
vahanparamadurdharSha.n sthitamindrajitaM rathe .. 26..\\
so.abhyupetya sharAnkhaDgAnpaTTasAsiparashvadhAn . 
abhyavarShata durdharShaH kapimUrdhni sa rAkShasaH .. 27..\\
tAni shastrANi ghorANi pratigR^ihya sa mArutiH . 
roSheNa mahatAviSho vAkya.n chedamuvAcha ha .. 28..\\
yudhyasva yadi shUro.asi rAvaNAtmaja durmate . 
vAyuputra.n samAsAdya na jIvanpratiyAsyasi .. 29..\\
bAhubhyA.n samprayudhyasva yadi me dvandvamAhave . 
vega.n sahasva durbuddhe tatastvaM rakShasAM varaH .. 30..\\
hanUmanta.n jighA.nsanta.n samudyatasharAsanam . 
rAvaNAtmajamAchaShTe lakShmaNAya vibhIShaNaH .. 31..\\
yastu vAsavanirjetA rAvaNasyAtmasambhavaH . 
sa eSha rathamAsthAya hanUmanta.n jighA.nsati .. 32..\\
tamapratimasa.nsthAnaiH sharaiH shatruvidAraNaiH . 
jIvitAntakarairghoraiH saumitre rAvaNi.n jahi .. 33..\\
ityevamuktastu tadA mahAtmA 
vibhIShaNenArivibhIShaNena . 
dadarsha taM parvatasaMnikAshaM 
rathasthitaM bhImabala.n durAsadam .. 34..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}