\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 74
evamuktvA tu saumitri.n jAtaharSho vibhIShaNaH . 
dhanuShpANinamAdAya tvaramANo jagAma saH .. 1..\\
avidUra.n tato gatvA pravishya cha mahadvanam . 
darshayAmAsa tatkarma lakShmaNAya vibhIShaNaH .. 2..\\
nIlajImUtasa~NkAshaM nyagrodhaM bhImadarshanam . 
tejasvI rAvaNabhrAtA lakShmaNAya nyavedayat .. 3..\\
ihopahAraM bhUtAnAM balavAnrAvaNAtajaH . 
upahR^itya tataH pashchAtsa~NgrAmamabhivartate .. 4..\\
adR^ishyaH sarvabhUtAnA.n tato bhavati rAkShasaH . 
nihanti samare shatrUnbadhnAti cha sharottamaiH .. 5..\\
tamapraviShTaM nyagrodhaM balina.n rAvaNAtmajam . 
vidhva.nsaya sharaistIkShNaiH saratha.n sAshvasArathim .. 6..\\
tathetyuktvA mahAtejAH saumitrirmitranandanaH . 
babhUvAvasthitastatra chitra.n visphArayandhanuH .. 7..\\
sa rathenAgnivarNena balavAnrAvaNAtmajaH . 
indrajitkavachI khaDgI sadhvajaH pratyadR^ishyata .. 8..\\
tamuvAcha mahAtejAH paulastyamaparAjitam . 
samAhvaye tvA.n samare samyagyuddhaM prayachchha me .. 9..\\
evamukto mahAtejA manasvI rAvaNAtmajaH . 
abravItparuSha.n vAkya.n tatra dR^iShTvA vibhIShaNam .. 10..\\
iha tva.n jAtasa.nvR^iddhaH sAkShAdbhrAtA piturmama . 
katha.n druhyasi putrasya pitR^ivyo mama rAkShasa .. 11..\\
na GYAtitvaM na sauhArdaM na jAtistava durmate . 
pramANaM na cha sodaryaM na dharmo dharmadUShaNa .. 12..\\
shochyastvamasi durbuddhe nindanIyashcha sAdhubhiH . 
yastva.n svajanamutsR^ijya parabhR^ityatvamAgataH .. 13..\\
naitachchhithilayA buddhyA tva.n vetsi mahadantaram . 
kva cha svajanasa.nvAsaH kva cha nIchaparAshrayaH .. 14..\\
guNavAnvA parajanaH svajano nirguNo.api vA . 
nirguNaH svajanaH shreyAnyaH paraH para eva saH .. 15..\\
niranukroshatA cheya.n yAdR^ishI te nishAchara . 
svajanena tvayA shakyaM paruSha.n rAvaNAnuja .. 16..\\
ityukto bhrAtR^iputreNa pratyuvAcha vibhIShaNaH . 
ajAnanniva machchhIla.n ki.n rAkShasa vikatthase .. 17..\\
rAkShasendrasutAsAdho pAruShya.n tyaja gauravAt . 
kule yadyapyaha.n jAto rakShasAM krUrakarmaNAm . 
guNo.ayaM prathamo nR^INA.n tanme shIlamarAkShasaM .. 18..\\
na rame dAruNenAhaM na chAdharmeNa vai rame . 
bhrAtrA viShamashIlena kathaM bhrAtA nirasyate .. 19..\\
parasvAnA.n cha haraNaM paradArAbhimarshanam . 
suhR^idAmatisha~NkA.n cha trayo doShAH kShayAvahAH .. 20..\\
maharShINA.n vadho ghoraH sarvadevaishcha vigrahaH . 
abhimAnashcha kopashcha vairitvaM pratikUlatA .. 21..\\
ete doShA mama bhrAturjIvitaishvaryanAshanAH . 
guNAnprachchhAdayAmAsuH parvatAniva toyadAH .. 22..\\
doShairetaiH parityakto mayA bhrAtA pitA tava . 
neyamasti purI la~NkA na cha tvaM na cha te pitA .. 23..\\
atimAnI cha bAlashcha durvinItashcha rAkShasa . 
baddhastva.n kAlapAshena brUhi mA.n yadyadichchhasi .. 24..\\
adya te vyasanaM prApta.n kimiha tvaM tu vakShyasi . 
praveShTuM na tvayA shakyo nyagrodho rAkShasAdhama .. 25..\\
dharShayitvA tu kAkutsthau na shakya.n jIvituM tvayA . 
yudhyasva naradevena lakShmaNena raNe saha . 
hatastva.n devatA kAryaM kariShyasi yamakShaye .. 26..\\
nidarshayasvAtmabala.n samudyataM 
kuruShva sarvAyudhasAyakavyayam . 
na lakShmaNasyaitya hi bANagocharaM 
tvamadya jIvansabalo gamiShyasi .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}