\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 75
vibhIShaNa vachaH shrutvA rAvaNiH krodhamUrchhitaH . 
abravItparuSha.n vAkyaM vegenAbhyutpapAta ha .. 1..\\
udyatAyudhanistriMsho rathe tu samala~NkR^ite . 
kAlAshvayukte mahati sthitaH kAlAntakopamaH .. 2..\\
mahApramANamudyamya vipula.n vegavaddR^iDham . 
dhanurbhImaM parAmR^ishya sharAMshchAmitranAshanAn .. 3..\\
uvAchaina.n samArabdhaH saumitriM savibhIShaNam . 
tAMshcha vAnarashArdUlAnpashyadhvaM me parAkramam .. 4..\\
adya matkArmukotsR^iShTa.n sharavarSha.n durAsadam . 
mukta.n varShamivAkAshe vArayiShyatha sa.nyuge .. 5..\\
adya vo mAmakA bANA mahAkArmukaniHsR^itAH . 
vidhamiShyanti gAtrANi tUlarAshimivAnalaH .. 6..\\
tIkShNasAyakanirbhinnA~nshUlashaktyR^iShTitomaraiH . 
adya vo gamayiShyAmi sarvAneva yamakShayam .. 7..\\
kShipataH sharavarShANi kShiprahastasya me yudhi . 
jImUtasyeva nadataH kaH sthAsyati mamAgrataH .. 8..\\
tachchhrutvA rAkShasendrasya garjita.n lakShmaNastadA . 
abhItavadanaH kruddho rAvaNi.n vAkyamabravIt .. 9..\\
uktashcha durgamaH pAraH kAryANA.n rAkShasa tvayA . 
kAryANA.n karmaNA pAra.n yo gachchhati sa buddhimAn .. 10..\\
sa tvamarthasya hInArtho duravApasya kena chit . 
vacho vyAhR^itya jAnIShe kR^itArtho.asmIti durmate .. 11..\\
antardhAnagatenAjau yastvayAcharitastadA . 
taskarAcharito mArgo naiSha vIraniShevitaH .. 12..\\
yathA bANapathaM prApya sthito.aha.n tava rAkShasa . 
darshayasvAdya tattejo vAchA tva.n ki.n vikatthase .. 13..\\
evamukto dhanurbhImaM parAmR^ishya mahAbalaH . 
sasarje nishitAnbANAnindrajitsamiji~njaya .. 14..\\
te nisR^iShTA mahAvegAH sharAH sarpaviShopamAH . 
samprApya lakShmaNaM petuH shvasanta iva pannagAH .. 15..\\
sharairatimahAvegairvegavAnrAvaNAtmajaH . 
saumitrimindrajidyuddhe vivyAdha shubhalakShaNam .. 16..\\
sa sharairatividdhA~Ngo rudhireNa samukShitaH . 
shushubhe lakShmaNaH shrImAnvidhUma iva pAvakaH .. 17..\\
indrajittvAtmanaH karma prasamIkShyAdhigamya cha . 
vinadya sumahAnAdamida.n vachanamabravIt .. 18..\\
patriNaH shitadhArAste sharA matkArmukachyutAH . 
AdAsyante.adya saumitre jIvita.n jIvitAntagAH .. 19..\\
adya gomAyusa~NghAshcha shyenasa~NghAshcha lakShmaNa . 
gR^idhrAshcha nipatantu tvA.n gatAsuM nihataM mayA .. 20..\\
kShatrabandhuH sadAnAryo rAmaH paramadurmatiH . 
bhaktaM bhrAtaramadyaiva tvA.n drakShyati mayA hatam .. 21..\\
vishastakavachaM bhUmau vyapaviddhasharAsanam . 
hR^itottamA~Nga.n saumitre tvAmadya nihataM mayA .. 22..\\
iti bruvANa.n sa.nrabdhaM paruShaM rAvaNAtmajam . 
hetumadvAkyamatyartha.n lakShmaNaH pratyuvAcha ha .. 23..\\
akR^itvA katthase karma kimarthamiha rAkShasa . 
kuru tatkarma yenAha.n shraddadhyA.n tava katthanam .. 24..\\
anuktvA paruSha.n vAkya.n kiM chidapyanavakShipan . 
avikatthanvadhiShyAmi tvAM pashya puruShAdana .. 25..\\
ityuktvA pa~nchanArAchAnAkarNApUritA~nsharAn . 
nichakhAna mahAvegA.NllakShmaNo rAkShasorasi .. 26..\\
sa sharairAhatastena saroSho rAvaNAtmajaH . 
suprayuktaistribhirbANaiH prativivyAdha lakShmaNam .. 27..\\
sa babhUva mahAbhImo nararAkShasasi.nhayoH . 
vimardastumulo yuddhe parasparavadhaiShiNoH .. 28..\\
ubhau hi balasampannAvubhau vikramashAlinau . 
ubhAvapi suvikrAntau sarvashastrAstrakovidau .. 29..\\
ubhau paramadurjeyAvatulyabalatejasau . 
yuyudhAte mahAvIrau grahAviva nabho gatau .. 30..\\
balavR^itrAviva hi tau yudhi vai duShpradharShaNau . 
yuyudhAte mahAtmAnau tadA kesariNAviva .. 31..\\
bahUnavasR^ijantau hi mArgaNaughAnavasthitau . 
nararAkShasasi.nhau tau prahR^iShTAvabhyayudhyatAm .. 32..\\
susamprahR^iShTau nararAkShasottamau 
jayaiShiNau mArgaNachApadhAriNau . 
paraspara.n tau pravavarShaturbhR^ishaM 
sharaughavarSheNa balAhakAviva .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}