\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 79
rudhiraklinnagAtrastu lakShmaNaH shubhalakShaNaH . 
babhUva hR^iShTasta.n hatvA shakrajetAramAhave .. 1..\\
tataH sa jAmbavanta.n cha hanUmantaM cha vIryavAn . 
saMnivartya mahAtejAstAMshcha sarvAnvanaukasaH .. 2..\\
AjagAma tataH shIghra.n yatra sugrIvarAghavau . 
vibhIShaNamavaShTabhya hanUmanta.n cha lakShmaNaH .. 3..\\
tato rAmamabhikramya saumitrirabhivAdya cha . 
tasthau bhrAtR^isamIpasthaH shakrasyendrAnujo yathA . 
AchachakShe tadA vIro ghoramindrajito vadham .. 4..\\
rAvaNastu shirashchhinna.n lakShmaNena mahAtmanA . 
nyavedayata rAmAya tadA hR^iShTo vibhIShaNaH .. 5..\\
upaveshya tamutsa~Nge pariShvajyAvapIDitam . 
mUrdhni chainamupAghrAya bhUyaH sa.nspR^ishya cha tvaran . 
uvAcha lakShmaNa.n vAkyamAshvAsya puruSharShabhaH .. 6..\\
kR^itaM paramakalyANa.n karma duShkarakAriNA . 
niramitraH kR^ito.asmyadya niryAsyati hi rAvaNaH . 
balavyUhena mahatA shrutvA putraM nipAtitam .. 7..\\
taM putravadhasantaptaM niryAnta.n rAkShasAdhipam . 
balenAvR^itya mahatA nihaniShyAmi durjayam .. 8..\\
tvayA lakShmaNa nAthena sItA cha pR^ithivI cha me . 
na duShprApA hate tvadya shakrajetari chAhave .. 9..\\
sa taM bhrAtaramAshvAsya pAriShvajya cha rAghavaH . 
rAmaH suSheNaM muditaH samAbhAShyedamabravIt .. 10..\\
sashalyo.ayaM mahAprAGYaH saumitrirmitravatsalaH . 
yathA bhavati susvasthastathA tva.n samupAchara . 
vishalyaH kriyatA.n kShipra.n saumitriH savibhIShaNaH .. 11..\\
kR^iSha vAnarasainyAnA.n shUrANA.n drumayodhinAm . 
ye chAnye.atra cha yudhyantaH sashalyA vraNinastathA . 
te.api sarve prayatnena kriyantA.n sukhinastvayA .. 12..\\
evamuktaH sa rAmeNa mahAtmA hariyUthapaH . 
lakShmaNAya dadau nastaH suSheNaH paramauShadham .. 13..\\
sa tasya gandhamAghrAya vishalyaH samapadyata . 
tadA nirvedanashchaiva sa.nrUDhavraNa eva cha .. 14..\\
vibhIShaNa mukhAnA.n cha suhR^idA.n rAghavAGYayA . 
sarvavAnaramukhyAnA.n chikitsA.n sa tadAkarot .. 15..\\
tataH prakR^itimApanno hR^itashalyo gatavyathaH . 
saumitrirmuditastatra kShaNena vigatajvaraH .. 16..\\
tathaiva rAmaH plavagAdhipastadA 
vibhIShaNashcharkShapatishcha jAmbavAn . 
avekShya saumitrimarogamutthitaM 
mudA sasainyaH suchira.n jaharShire .. 17..\\
apUjayatkarma sa lakShmaNasya 
suduShkara.n dAsharathirmahAtmA . 
hR^iShTA babhUvuryudhi yUthapendrA 
nishamya ta.n shakrajitaM nipAtitam .. 18..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}