\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 80
tataH paulastya sachivAH shrutvA chendrajita.n hatam . 
AchachakShurabhiGYAya dashagrIvAya savyathAH .. 1..\\
yuddhe hato mahArAja lakShmaNena tavAtmajaH . 
vibhIShaNasahAyena miShatAM no mahAdyute .. 2..\\
shUraH shUreNa sa~Ngamya sa.nyugeShvaparAjitaH . 
lakShNanena hataH shUraH putraste vibudhendrajit .. 3..\\
sa taM pratibhaya.n shrutvA vadhaM putrasya dAruNam . 
ghoramindrajitaH sa~Nkhye kashmalaM prAvishanmahat .. 4..\\
upalabhya chirAtsa.nj~nA.n rAjA rAkShasapu~NgavaH . 
putrashokArdito dIno vilalApAkulendriyaH .. 5..\\
hA rAkShasachamUmukhya mama vatsa mahAratha . 
jitvendra.n kathamadya tva.n lakShmaNasya vashaM gataH .. 6..\\
nanu tvamiShubhiH kruddho bhindyAH kAlAntakAvapi . 
mandarasyApi shR^i~NgANi kiM punarlakShmaNa.n raNe .. 7..\\
adya vaivasvato rAjA bhUyo bahumato mama . 
yenAdya tvaM mahAbAho sa.nyuktaH kAladharmaNA .. 8..\\
eSha panthAH suyodhAnA.n sarvAmaragaNeShvapi . 
yaH kR^ite hanyate bhartuH sa pumAnsvargamR^ichchhati .. 9..\\
adya devagaNAH sarve lokapAlAstatharShayaH . 
hatamindrajita.n dR^iShTvA sukha.n svapsyanti nirbhayAH .. 10..\\
adya lokAstrayaH kR^itsnAH pR^ithivI cha sakAnanA . 
ekenendrajitA hInA shUNyeva pratibhAti me .. 11..\\
adya nairR^itakanyAyA.n shroShyAmyantaHpure ravam . 
kareNusa~Nghasya yathA ninAda.n girigahvare .. 12..\\
yauvarAjya.n cha la~NkAM cha rakShA.nsi cha parantapa . 
mAtaraM mA.n cha bhAryAM cha kva gato.asi vihAya naH .. 13..\\
mama nAma tvayA vIra gatasya yamasAdanam . 
pretakAryANi kAryANi viparIte hi vartase .. 14..\\
sa tva.n jIvati sugrIve rAghave cha salakShmaNe . 
mama shalyamanuddhR^itya kva gato.asi vihAya naH .. 15..\\
evamAdivilApArta.n rAvaNaM rAkShasAdhipam . 
Avivesha mahAnkopaH putravyasanasambhavaH .. 16..\\
ghoraM prakR^ityA rUpa.n tattasya krodhAgnimUrchhitam . 
babhUva rUpa.n rudrasya kruddhasyeva durAsadam .. 17..\\
tasya kruddhasya netrAbhyAM prApatannasrabindavaH . 
dIptAbhyAmiva dIpAbhyA.n sArchiShaH snehabindavaH .. 18..\\
dantAnvidashatastasya shrUyate dashanasvanaH . 
yantrasyAveShTyamAnasya mahato dAnavairiva .. 19..\\
kAlAgniriva sa~Nkruddho yA.n yA.n dishamavaikShata . 
tasyA.n tasyAM bhayatrastA rAkShasAH saMnililyire .. 20..\\
tamantakamiva kruddha.n charAcharachikhAdiShum . 
vIkShamANa.n dishaH sarvA rAkShasA nopachakramuH .. 21..\\
tataH paramasa~Nkruddho rAvaNo rAkShasAdhipaH . 
abravIdrakShasAM madhye sa.nstambhayiShurAhave .. 22..\\
mayA varShasahasrANi charitvA dushchara.n tapaH . 
teShu teShvavakAsheShu svayambhUH paritoShitaH .. 23..\\
tasyaiva tapaso vyuShTyA prasAdAchcha svayambhuvaH . 
nAsurebhyo na devebhyo bhayaM mama kadA chana .. 24..\\
kavachaM brahmadattaM me yadAdityasamaprabham . 
devAsuravimardeShu na bhinna.n vajrashaktibhiH .. 25..\\
tena mAmadya sa.nyukta.n rathasthamiha sa.nyuge . 
pratIyAtko.adya mAmAjau sAkShAdapi purandaraH .. 26..\\
yattadAbhiprasannena sashara.n kArmukaM mahat . 
devAsuravimardeShu mama datta.n svayambhuvA .. 27..\\
adya tUryashatairbhIma.n dhanurutthApyatAM mahat . 
rAmalakShmaNayoreva vadhAya paramAhave .. 28..\\
sa putravadhasantaptaH shUraH krodhavasha.n gataH . 
samIkShya rAvaNo buddhyA sItA.n hantuM vyavasyata .. 29..\\
pratyavekShya tu tAmrAkShaH sughoro ghoradarshanAn . 
dIno dInasvarAnsarvA.nstAnuvAcha nishAcharAn .. 30..\\
mAyayA mama vatsena va~nchanArtha.n vanaukasAm . 
ki.n chideva hataM tatra sIteyamiti darshitam .. 31..\\
tadida.n satyamevAha.n kariShye priyamAtmanaH . 
vaidehIM nAshayiShyAmi kShatrabandhumanuvratAm . 
ityevamuktvA sachivAnkhaDgamAshu parAmR^ishat .. 32..\\
uddhR^itya guNasampanna.n vimalAmbaravarchasaM . 
niShpapAta sa vegena sabhAyAH sachivairvR^itaH .. 33..\\
rAvaNaH putrashokena bhR^ishamAkulachetanaH . 
sa~NkruddhaH khaDgamAdAya sahasA yatra maithilI .. 34..\\
vrajanta.n rAkShasaM prekShya si.nhanAdaM prachukrushuH . 
UchushchAnyonyamAshliShya sa~NkruddhaM prekShya rAkShasAH .. 35..\\
adyaina.n tAvubhau dR^iShTvA bhrAtarau pravyathiShyataH . 
lokapAlA hi chatvAraH kruddhenAnena nirjitAH . 
bahavaH shatravashchAnye sa.nyugeShvabhipAtitAH .. 36..\\
teShA.n sa~njalpamAnAnAmashokavanikA.n gatAm . 
abhidudrAva vaidehI.n rAvaNaH krodhamUrchhitaH .. 37..\\
vAryamANaH susa~NkruddhaH suhR^idbhirhitabuddhibhiH . 
abhyadhAvata sa~NkruddhaH khe graho rohiNIm iva .. 38..\\
maithilI rakShyamANA tu rAkShasIbhiraninditA . 
dadarsha rAkShasa.n kruddhaM nistriMshavaradhAriNam .. 39..\\
taM nishAmya sanistriMsha.n vyathitA janakAtmajA . 
nivAryamANaM bahushaH suhR^idbhiranivartinam .. 40..\\
yathAyaM mAmabhikruddhaH samabhidravati svayam . 
vadhiShyati sanAthAM mAmanAthAmiva durmatiH .. 41..\\
bahushashchodayAmAsa bhartAraM mAmanuvratAm . 
bhAryA bhava ramasyeti pratyAkhyAto.abhavanmayA .. 42..\\
so.ayaM mAmanupasthAnAdvyaktaM nairAshyamAgataH . 
krodhamohasamAviShTo nihantuM mA.n samudyataH .. 43..\\
atha vA tau naravyAghrau bhrAtarau rAmalakShmaNau . 
mannimittamanAryeNa samare.adya nipAtitau . 
aho dhinmannimitto.aya.n vinAsho rAjaputrayoH .. 44..\\
hanUmato hi tadvAkyaM na kR^ita.n kShudrayA mayA . 
yadyaha.n tasya pR^iShThena tadAyAsamaninditA . 
nAdyaivamanushocheyaM bhartura~NkagatA satI .. 45..\\
manye tu hR^idaya.n tasyAH kausalyAyAH phaliShyati . 
ekaputrA yadA putra.n vinaShTaM shroShyate yudhi .. 46..\\
sA hi janma cha bAlya.n cha yauvanaM cha mahAtmanaH . 
dharmakAryANi rUpa.n cha rudatI sa.nsramiShyati .. 47..\\
nirAshA nihate putre dattvA shrAddhamachetanA . 
agnimArokShyate nUnamapo vApi pravekShyati .. 48..\\
dhigastu kubjAmasatIM mantharAM pApanishchayAm . 
yannimittamida.n duHkhaM kausalyA pratipatsyate .. 49..\\
ityevaM maithilI.n dR^iShTvA vilapantIM tapasvinIm . 
rohiNImiva chandreNa vinA grahavasha.n gatAm .. 50..\\
supArshvo nAma medhAvI rAvaNa.n rAkShaseshvaram . 
nivAryamANa.n sachivairidaM vachanamabravIt .. 51..\\
kathaM nAma dashagrIva sAkShAdvaishravaNAnuja . 
hantumichchhasi vaidehI.n krodhAddharmamapAsya hi .. 52..\\
veda vidyAvrata snAtaH svadharmanirataH sadA . 
striyAH kasmAdvadha.n vIra manyase rAkShaseshvara .. 53..\\
maithilI.n rUpasampannAM pratyavekShasva pArthiva . 
tvameva tu sahAsmAbhI rAghave krodhamutsR^ija .. 54..\\
abhyutthAna.n tvamadyaiva kR^iShNapakShachaturdashIm . 
kR^itvA niryAhyamAvAsyA.n vijayAya balairvR^itaH .. 55..\\
shUro dhImAnrathI khaDgI rathapravaramAsthitaH . 
hatvA dAsharathi.n rAmaM bhavAnprApsyati maithilIm .. 56..\\
sa taddurAtmA suhR^idA niveditaM 
vachaH sudharmyaM pratigR^ihya rAvaNaH . 
gR^iha.n jagAmAtha tatashcha vIryavAn 
punaH sabhA.n cha prayayau suhR^idvR^itaH .. 57..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}