\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 81
sa pravishya sabhA.n rAjA dInaH paramaduHkhitaH . 
niShasAdAsane mukhye si.nhaH kruddha iva shvasan .. 1..\\
abravIchcha tadA sarvAnbalamukhyAnmahAbalaH . 
rAvaNaH prA~njalInvAkyaM putravyasanakarshitaH .. 2..\\
sarve bhavantaH sarveNa hastyashvena samAvR^itAH . 
niryAntu rathasa~Nghaishcha pAdAtaishchopashobhitAH .. 3..\\
eka.n rAmaM parikShipya samare hantumarhatha . 
prahR^iShTA sharavarSheNa prAvR^iTkAla ivAmbudAH .. 4..\\
atha vAha.n sharairtIShkNairbhinnagAtraM mahAraNe . 
bhavadbhiH shvo nihantAsmi rAma.n lokasya pashyataH .. 5..\\
ityeva.n rAkShasendrasya vAkyamAdAya rAkShasAH . 
niryayuste rathaiH shIghraM nAgAnIkaishcha sa.nvR^itAH .. 6..\\
sa sa~NgrAmo mahAbhImaH sUryasyodayanaM prati . 
rakShasA.n vAnarANA.n cha tumulaH samapadyata .. 7..\\
te gadAbhirvichitrAbhiH prAsaiH khaDgaiH parashvadhaiH . 
anyonya.n samare jaghnustadA vAnararAkShasAH .. 8..\\
mAta~NgarathakUlasya vAjimatsyA dhvajadrumAH . 
sharIrasa~NghATavahAH prasasruH shoNitApagAH .. 9..\\
dhvajavarmarathAnashvAnnAnApraharaNAni cha . 
AplutyAplutya samare vAnarendrA babha~njire .. 10..\\
keshAnkarNalalATAMshcha nAsikAshcha plava~NgamAH . 
rakShasA.n dashanaistIkShNairnakhaishchApi vyakartayan .. 11..\\
ekaika.n rAkShasaM sa~Nkhye shataM vAnarapu~NgavAH . 
abhyadhAvanta phalina.n vR^ikShaM shakunayo yathA .. 12..\\
tathA gadAbhirgurvIbhiH prAsaiH khaDgaiH parashvadhaiH . 
nirjaghnurvAnarAnghorAnrAkShasAH parvatopamAH .. 13..\\
rAkShasairvadhyamAnAnA.n vAnarANAM mahAchamUH . 
sharaNya.n sharaNaM yAtA rAma.n dasharathAtmajam .. 14..\\
tato rAmo mahAtejA dhanurAdAya vIryavAn . 
pravishya rAkShasa.n sainyaM sharavarShaM vavarSha ha .. 15..\\
praviShTa.n tu tadA rAmaM meghAH sUryamivAmbare . 
nAbhijagmurmahAghoraM nirdahanta.n sharAgninA .. 16..\\
kR^itAnyeva sughorANi rAmeNa rajanIcharAH . 
raNe rAmasya dadR^ishuH karmANyasukarANi cha .. 17..\\
chAlayantaM mahAnIka.n vidhamantaM mahArathAn . 
dadR^ishuste na vai rAma.n vAtaM vanagataM yathA .. 18..\\
chhinnaM bhinna.n sharairdagdhaM prabhagnaM shastrapIDitam . 
bala.n rAmeNa dadR^ishurna ramaM shIghrakAriNam .. 19..\\
praharanta.n sharIreShu na te pashyanti rAbhavam . 
indriyArtheShu tiShThantaM bhUtAtmAnamiva prajAH .. 20..\\
eSha hanti gajAnIkameSha hanti mahArathAn . 
eSha hanti sharaistIkShNaiH padAtInvAjibhiH saha .. 21..\\
iti te rAkShasAH sarve rAmasya sadR^ishAnraNe . 
anyonyakupitA jaghnuH sAdR^ishyAdrAghavasya te .. 22..\\
na te dadR^ishire rAma.n dahantamarivAhinIm . 
mohitAH paramAstreNa gAndharveNa mahAtmanA .. 23..\\
te tu rAma sahasrANi raNe pashyanti rAkShasAH . 
punaH pashyanti kAkutsthamekameva mahAhave .. 24..\\
bhramantI.n kA~nchanIM koTiM kArmukasya mahAtmanaH . 
alAtachakrapratimA.n dadR^ishuste na rAghavam .. 25..\\
sharIranAbhisattvArchiH sharAraM nemikArmukam . 
jyAghoShatalanirghoSha.n tejobuddhiguNaprabham .. 26..\\
divyAstraguNaparyantaM nighnanta.n yudhi rAkShasAn . 
dadR^ishU rAmachakra.n tatkAlachakramiva prajAH .. 27..\\
anIka.n dashasAhasra.n rathAnAM vAtara.nhasAm . 
aShTAdashasahasrANi ku~njarANA.n tarasvinAm .. 28..\\
chaturdashasahasrANi sArohANA.n cha vAjinAm . 
pUrNe shatasahasre dve rAkShasAnAM padAtinAm .. 29..\\
divasasyAShTame bhAge sharairagnishikhopamaiH . 
hatAnyekena rAmeNa rakShasA.n kAmarUpiNAm .. 30..\\
te hatAshvA hatarathAH shrAntA vimathitadhvajAH . 
abhipetuH purI.n la~NkAM hatasheShA nishAcharAH .. 31..\\
hatairgajapadAtyashvaistadbabhUva raNAjiram . 
AkrIDabhUmI rudrasya kruddhasyeva pinAkinaH .. 32..\\
tato devAH sagandharvAH siddhAshcha paramarShayaH . 
sAdhu sAdhviti rAmasya tatkarma samapUjayan .. 33..\\
abravIchcha tadA rAmaH sugrIvaM pratyanantaram . 
etadastrabala.n divyaM mama vA tryambakasya vA .. 34..\\
nihatya tA.n rAkShasavAhinI.n tu 
rAmastadA shakrasamo mahAtmA . 
astreShu shastreShu jitaklamash cha 
sa.nstUyate devagaNaiH prahR^iShTaiH .. 35..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}