\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 83
ArtAnA.n rAkShasInA.n tu la~NkAyAM vai kule kule . 
rAvaNaH karuNa.n shabdaM shushrAva pariveditam .. 1..\\
sa tu dIrgha.n vinishvasya muhUrta.n dhyAnamAsthitaH . 
babhUva paramakruddho rAvaNo bhImadarshanaH .. 2..\\
sandashya dashanairoShTha.n krodhasa.nraktalochanaH . 
rAkShasairapi durdarshaH kAlAgniriva mUrchhitaH .. 3..\\
uvAcha cha samIpasthAnrAkShasAnrAkShaseshvaraH . 
bhayAvyaktakathA.nstatra nirdahanniva chakShuShA .. 4..\\
mahodaraM mahApArshva.n virUpAkSha.n cha rAkShasaM . 
shIghra.n vadata sainyAni niryAteti mamAGYayA .. 5..\\
tasya tadvachana.n shrutvA rAkShasAste bhayArditAH . 
chodayAmAsuravyagrAnrAkShasA.nstAnnR^ipAGYayA .. 6..\\
te tu sarve tathetyuktvA rAkShasA ghoradarshanAH . 
kR^itasvastyayanAH sarve rAvaNAbhimukhA yayuH .. 7..\\
pratipUjya yathAnyAya.n rAvaNa.n te mahArathAH . 
tasthuH prA~njalayaH sarve bharturvijayakA~NkShiNaH .. 8..\\
athovAcha prahasyaitAnrAvaNaH krodhamUrchhitaH . 
mahodaramahApArshvau virUpAkSha.n cha rAkShasaM .. 9..\\
adya bANairdhanurmuktairyugAntAdityasaMnibhaiH . 
rAghava.n lakShmaNa.n chaiva neShyAmi yamasAdhanam .. 10..\\
kharasya kumbhakarNasya prahastendrajitostathA . 
kariShyAmi pratIkAramadya shatruvadhAdaham .. 11..\\
naivAntarikShaM na disho na nadyo nApi sAgaraH . 
prakAshatva.n gamiShyAmi madbANajaladAvR^itAH .. 12..\\
adya vAnarayUthAnA.n tAni yUthAni bhAgashaH . 
dhanuHsamudrAdudbhUtairmathiShyAmi sharormibhiH .. 13..\\
vyAkoshapadmachakrANi padmakesaravarchasAm . 
adya yUthataTAkAni gajavatpramathAmyaham .. 14..\\
sasharairadya vadanaiH sa~Nkhye vAnarayUthapAH . 
maNDayiShyanti vasudhA.n sanAlairiva pa~NkalaiH .. 15..\\
adya yuddhaprachaNDAnA.n harINA.n drumayodhinAm . 
muktenaikeShuNA yuddhe bhetsyAmi cha shataMshatam .. 16..\\
hato bhartA hato bhrAtA yAsA.n cha tanayA hatAH . 
vadhenAdya ripostAsA.n karmomyasrapramArjanam .. 17..\\
adya madbANanirbhinnaiH prakIrNairgatachetanaiH . 
karomi vAnarairyuddhe yatnAvekShya talAM mahIm .. 18..\\
adya gomAyavo gR^idhrA ye cha mA.nsAshino.apare . 
sarvA.nstA.nstarpayiShyAmi shatrumA.nsaiH sharArditaiH .. 19..\\
kalpyatAM me rathashIghra.n kShipramAnIyatAM dhanuH . 
anuprayAntu mA.n yuddhe ye.avashiShTA nishAcharAH .. 20..\\
tasya tadvachana.n shrutvA mahApArshvo.abravIdvachaH . 
balAdhyakShAnsthitA.nstatra bala.n santvaryatAm iti .. 21..\\
balAdhyakShAstu sa.nrabdhA rAkShasA.nstAngR^ihAdgR^ihAt . 
chodayantaH pariyayurla~NkA.n laghuparAkramAH .. 22..\\
tato muhUrtAnniShpetU rAkShasA bhImavikramAH . 
nardanto bhImavadanA nAnApraharaNairbhujaiH .. 23..\\
asibhiH paTTasaiH shUlairgalAbhirmusalairhalaiH . 
shaktibhistIkShNadhArAbhirmahadbhiH kUTamudgaraiH .. 24..\\
yaShTibhirvimalaishchakrairnishitaishcha parashvadhaiH . 
bhiNDipAlaiH shataghnIbhiranyaishchApi varAyudhaiH .. 25..\\
athAnayanbalAdhyakShAshchatvAro rAvaNAGYayA . 
druta.n sUtasamAyuktaM yuktAShTaturagaM ratham .. 26..\\
Aruroha ratha.n divyaM dIpyamAna.n svatejasA . 
rAvaNaH sattvagAmbhIryAddArayanniva medinIm .. 27..\\
rAvaNenAbhyanuGYAtau mahApArshvamahodarau . 
virUpAkShashcha durdharSho rathAnAruruhustadA .. 28..\\
te tu hR^iShTA vinardanto bhindata iva medinIm . 
nAda.n ghora.n vimu~nchanto niryayurjayakA~NkShiNaH .. 29..\\
tato yuddhAya tejasvI rakShogaNabalairvR^itaH . 
niryayAvudyatadhanuH kAlAntakayamomapaH .. 30..\\
tataH prajavanAshvena rathena sa mahArathaH . 
dvAreNa niryayau tena yatra tau rAmalakShmaNau .. 31..\\
tato naShTaprabhaH sUryo dishashcha timirAvR^itAH . 
dvijAshcha nedurghorAshcha sa~ncachAla cha medinI .. 32..\\
vavarSha rudhira.n devashchaskhalushcha tura~NgamAH . 
dhvajAgre nyapatadgR^idhro vinedushchAshiva.n shivAH .. 33..\\
nayana.n chAsphuradvAma.n savyo bAhurakampata . 
vivarNavadanashchAsItki.n chidabhrashyata svaraH .. 34..\\
tato niShpatato yuddhe dashagrIvasya rakShasaH . 
raNe nidhanasha.nsIni rUpANyetAni jaGYire .. 35..\\
antarikShAtpapAtolkA nirghAtasamanisvanA . 
vinedurashiva.n gR^idhrA vAyasairanunAditAH .. 36..\\
etAnachintayanghorAnutpAtAnsamupasthitAn . 
niryayau rAvaNo mohAdvadhArthI kAlachoditaH .. 37..\\
teShA.n tu rathaghoSheNa rAkShasAnAM mahAtmanAm . 
vAnarANAmapi chamUryuddhAyaivAbhyavartata .. 38..\\
teShA.n sutumulaM yuddhaM babhUva kapirakShasAm . 
anyonyamAhvayAnAnA.n kruddhAnAM jayamichchhatAm .. 39..\\
tataH kruddho dashagrIvaH sharaiH kA~nchanabhUShaNaiH . 
vAnarANAmanIkeShu chakAra kadanaM mahat .. 40..\\
nikR^ittashirasaH ke chidrAvaNena valImukhAH . 
niruchchhvAsA hatAH ke chitke chitpArshveShu dAritAH . 
ke chidvibhinnashirasaH ke chichchakShurvivarjitAH .. 41..\\
dashAnanaH krodhavivR^ittanetro 
yato yato.abhyeti rathena sa~Nkhye . 
tatastatastasya sharapravegaM 
soDhuM na shekurhariyUthapAste .. 42..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}