\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 84
tathA taiH kR^ittagAtraistu dashagrIveNa mArgaNaiH . 
babhUva vasudhA tatra prakIrNA haribhirvR^itA .. 1..\\
rAvaNasyAprasahya.n ta.n sharasampAtamekataH . 
na shekuH sahitu.n dIptaM pata~NgA iva pAvakam .. 2..\\
te.arditA nishitairbANaiH kroshanto vipradudruvuH . 
pAvakArchiHsamAviShTA dahyamAnA yathA gajAH .. 3..\\
plava~NgAnAmanIkAni mahAbhrANIva mArutaH . 
sa yayau samare tasminvidhamanrAvaNaH sharaiH .. 4..\\
kadana.n tarasA kR^itvA rAkShasendro vanaukasAm . 
AsasAda tato yuddhe rAghava.n tvaritastadA .. 5..\\
sugrIvastAnkapIndR^iShTvA bhagnAnvidravato raNe . 
gulme suSheNaM nikShipya chakre yuddhe drutaM manaH .. 6..\\
AtmanaH sadR^isha.n vIraM sa taM nikShipya vAnaram . 
sugrIvo.abhimukhaH shatruM pratasthe pAdapAyudhaH .. 7..\\
pArshvataH pR^iShThatashchAsya sarve yUthAdhipAH svayam . 
anujahrurmahAshailAnvividhAMshcha mahAdrumAn .. 8..\\
sa nadanyudhi sugrIvaH svareNa mahatA mahAn . 
pAtayanvividhAMshchAnyA~njaghAnottamarAkShasAn .. 9..\\
mamarda cha mahAkAyo rAkShasAnvAnareshvaraH . 
yugAntasamaye vAyuH pravR^iddhAnagamAniva .. 10..\\
rAkShasAnAmanIkeShu shailavarSha.n vavarSha ha . 
ashvavarSha.n yathA meghaH pakShisa~NgheShu kAnane .. 11..\\
kapirAjavimuktaistaiH shailavarShaistu rAkShasAH . 
vikIrNashirasaH peturnikR^ittA iva parvatAH .. 12..\\
atha sa~NkShIyamANeShu rAkShaseShu samantataH . 
sugrIveNa prabhagneShu patatsu vinadatsu cha .. 13..\\
virUpAkShaH svakaM nAma dhanvI vishrAvya rAkShasaH . 
rathAdAplutya durdharSho gajaskandhamupAruhat .. 14..\\
sa ta.n dviradamAruhya virUpAkSho mahArathaH . 
vinadanbhImanirhrAla.n vAnarAnabhyadhAvata .. 15..\\
sugrIve sa sharAnghorAnvisasarja chamUmukhe . 
sthApayAmAsA chodvignAnrAkShasAnsampraharShayan .. 16..\\
so.atividdhaH shitairbANaiH kapIndrastena rakShasA . 
chukrodha cha mahAkrodho vadhe chAsya mano dadhe .. 17..\\
tataH pAdapamuddhR^itya shUraH sampradhane hariH . 
abhipatya jaghAnAsya pramukhe taM mahAgajam .. 18..\\
sa tu prahArAbhihataH sugrIveNa mahAgajaH . 
apAsarpaddhanurmAtraM niShasAda nanAda cha .. 19..\\
gajAttu mathitAttUrNamapakramya sa vIryavAn . 
rAkShaso.abhimukhaH shatruM pratyudgamya tataH kapim .. 20..\\
ArShabha.n charmakhaDgaM cha pragR^ihya laghuvikramaH . 
bhartsayanniva sugrIvamAsasAda vyavasthitam .. 21..\\
sa hi tasyAbhisa~NkruddhaH pragR^ihya mahatI.n shilAm . 
virUpAkShAya chikShepa sugrIvo jaladopamAm .. 22..\\
sa tA.n shilAmApatantI.n dR^iShTvA rAkShasapu~NgavaH . 
apakramya suvikrAntaH khaDgena prAharattadA .. 23..\\
tena khaDgena sa~NkruddhaH sugrIvasya chamUmukhe . 
kavachaM pAtayAmAsa sa khaDgAbhihato.apatat .. 24..\\
sa samutthAya patitaH kapistasya vyasarjayat . 
talaprahAramashaneH samAnaM bhImanisvanam .. 25..\\
talaprahAra.n tadrakShaH sugrIveNa samudyatam . 
naipuNyAnmochayitvainaM muShTinorasyatADayat .. 26..\\
tatastu sa~NkruddhataraH sugrIvo vAnareshvaraH . 
mokShita.n chAtmano dR^iShTvA prahAraM tena rakShasA .. 27..\\
sa dadarshAntara.n tasya virUpAkShasya vAnaraH . 
tato nyapAtayatkrodhAchchha~Nkhadeshe mahAtalam .. 28..\\
mahendrAshanikalpena talenAbhihataH kShitau . 
papAta rudhiraklinnaH shoNita.n sa samudvaman .. 29..\\
vivR^ittanayana.n krodhAtsaphena rudhirAplutam . 
dadR^ishuste virUpAkSha.n virUpAkShatara.n kR^itam .. 30..\\
sphurantaM parivarjantaM pArshvena rudhirokShitam . 
karuNa.n cha vinardAntaM dadR^ishuH kapayo ripum .. 31..\\
tathA tu tau sa.nyati samprayuktau 
tarasvinau vAnararAkShasAnAm . 
balArNavau sasvanatuH sabhImaM 
mahArNavau dvAviva bhinnavelau .. 32..\\
vinAshitaM prekShya virUpanetraM 
mahAbala.n ta.n haripArthivena . 
bala.n samasta.n kapirAkShasAnAm 
unmattaga~NgApratimaM babhUva .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}