\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 86
mahodare tu nihate mahApArshvo mahAbalaH . 
a~Ngadasya chamUM bhImA.n kShobhayAmAsa sAyakaiH .. 1..\\
sa vAnarANAM mukhyAnAmuttamA~NgAni sarvashaH . 
pAtayAmAsa kAyebhyaH phala.n vR^intAdivAnilaH .. 2..\\
keShA.n chidiShubhirbAhUnskandhAMshchichheda rAkShasaH . 
vAnarANA.n susa~NkruddhaH pArshva.n keShAM vyadArayat .. 3..\\
te.arditA bANavarSheNa mahApArshvena vAnarAH . 
viShAdavimukhAH sarve babhUvurgatachetasaH .. 4..\\
nirIkShya balamudvignama~Ngado rAkShasArditam . 
vega.n chakre mahAbAhuH samudra iva parvaNi .. 5..\\
AyasaM parigha.n gR^ihya sUryarashmisamaprabham . 
samare vAnarashreShTho mahApArshve nyapAtayat .. 6..\\
sa tu tena prahAreNa mahApArshvo vichetanaH . 
sasUtaH syandanAttasmAdvisa.nj~naH prApatadbhuvi .. 7..\\
sarkSharAjastu tejasvI nIlA~njanachayopamaH . 
niShpatya sumahAvIryaH svAdyUthAnmeghasaMnibhAt .. 8..\\
pragR^ihya girishR^i~NgAbhA.n kruddhaH sa vipulA.n shilAm . 
ashvA~njaghAna tarasA syandana.n cha babha~nja tam .. 9..\\
muhUrtAllabdhasa.nj~nastu mahApArshvo mahAbalaH . 
a~NgadaM bahubhirbANairbhUyastaM pratyavidhyata .. 10..\\
jAmbavanta.n tribhirbANairAjaghAna stanAntare . 
R^ikSharAja.n gavAkShaM cha jaghAna bahubhiH sharaiH .. 11..\\
gavAkSha.n jAmbavantaM cha sa dR^iShTvA sharapIDitau . 
jagrAha parigha.n ghorama~NgadaH krodhamUrchhitaH .. 12..\\
tasyA~NgadaH prakupito rAkShasasya tamAyasaM . 
dUrasthitasya parigha.n ravirashmisamaprabham .. 13..\\
dvAbhyAM bhujAbhyA.n sa~NgR^ihya bhrAmayitvA cha vegavAn . 
mahApArshvAya chikShepa vadhArtha.n vAlinaH sutaH .. 14..\\
sa tu kShipto balavatA parighastasya rakShasaH . 
dhanushcha sashara.n hastAchchhirastra.n chApyapAtayat .. 15..\\
ta.n samAsAdya vegena vAliputraH pratApavAn . 
talenAbhyahanatkruddhaH karNamUle sakuNDale .. 16..\\
sa tu kruddho mahAvego mahApArshvo mahAdyutiH . 
kareNaikena jagrAha sumahAntaM parashvadham .. 17..\\
ta.n tailadhauta.n vimalaM shailasAramayaM dR^iDham . 
rAkShasaH paramakruddho vAliputre nyapAtayat .. 18..\\
tena vAmA.nsaphalake bhR^ishaM pratyavapAtitam . 
a~Ngado mokShayAmAsa saroShaH sa parashvadham .. 19..\\
sa vIro vajrasa~NkAshama~Ngado muShTimAtmanaH . 
sa.nvartayansusa~NkruddhaH pitustulyaparAkramaH .. 20..\\
rAkShasasya stanAbhyAshe marmaGYo hR^idayaM prati . 
indrAshanisamasparsha.n sa muShTiM vinyapAtayat .. 21..\\
tena tasya nipAtena rAkShasasya mahAmR^idhe . 
paphAla hR^idaya.n chAshu sa papAta hato bhuvi .. 22..\\
tasminnipatite bhUmau tatsainya.n samprachukShubhe . 
abhavachcha mahAnkrodhaH samare rAvaNasya tu .. 23..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}