\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 87
mahodaramahApArshvau hatau dR^iShTvA tu rAkShasau . 
tasmiMshcha nihate vIre virUpAkShe mahAbale .. 1..\\
Avivesha mahAnkrodho rAvaNa.n tu mahAmR^idhe . 
sUta.n sa~ncodayAmAsa vAkya.n chedamuvAcha ha .. 2..\\
nihatAnAmamAtyAnA.n ruddhasya nagarasya cha . 
duHkhameSho.apaneShyAmi hatvA tau rAmalakShmaNau .. 3..\\
rAmavR^ikSha.n raNe hanmi sItApuShpaphalapradam . 
prashAkhA yasya sugrIvo jAmbavAnkumudo nalaH .. 4..\\
sa disho dasha ghoSheNa rathasyAtiratho mahAn . 
nAdayanprayayau tUrNa.n rAghava.n chAbhyavartata .. 5..\\
pUritA tena shabdena sanadIgirikAnanA . 
sa~ncachAla mahI sarvA savarAhamR^igadvipA .. 6..\\
tAmasa.n sumahAghora.n chakArAstraM sudAruNam . 
nirdadAha kapInsarvA.nste prapetuH samantataH .. 7..\\
tAnyanIkAnyanekAni rAvaNasya sharottamaiH . 
dR^iShTvA bhagnAni shatasho rAghavaH paryavasthitaH .. 8..\\
sa dadarsha tato rAma.n tiShThantamaparAjitam . 
lakShmaNena saha bhrAtrA viShNunA vAsava.n yathA .. 9..\\
AlikhantamivAkAshamavaShTabhya mahaddhanuH . 
padmapatravishAlAkSha.n dIrghabAhumarindamam .. 10..\\
vAnarAMshcha raNe bhagnAnApatanta.n cha rAvaNam . 
samIkShya rAghavo hR^iShTo madhye jagrAha kArmukam .. 11..\\
visphArayitumArebhe tataH sa dhanuruttamam . 
mahAvegaM mahAnAdaM nirbhindanniva medinIm .. 12..\\
tayoH sharapathaM prApya rAvaNo rAjaputrayoH . 
sa babhUva yathA rAhuH samIpe shashisUryayoH .. 13..\\
rAvaNasya cha bANaughai rAmavispharitena cha . 
shabdena rAkShasAstena petushcha shatashastadA .. 14..\\
tamichchhanprathama.n yoddhuM lakShmaNo nishitaiH sharaiH . 
mumocha dhanurAyamya sharAnagnishikhopamAn .. 15..\\
tAnmuktamAtrAnAkAshe lakShmaNena dhanuShmatA . 
bANAnbANairmahAtejA rAvaNaH pratyavArayat .. 16..\\
ekamekena bANena tribhistrIndashabhirdasha . 
lakShmaNasya prachichchheda darshayanpANilAghavam .. 17..\\
abhyatikramya saumitri.n rAvaNaH samiti~njayaH . 
AsasAda tato rAma.n sthitaM shailamivAchalam .. 18..\\
sa sa~Nkhye rAmamAsAdya krodhasa.nraktalochanaH . 
vyasR^ijachchharavarNAni rAvaNo rAghavopari .. 19..\\
sharadhArAstato rAmo rAvaNasya dhanushchyutAH . 
dR^iShTvaivApatitAH shIghraM bhallA~njagrAha satvaram .. 20..\\
tA~nsharaughA.nstato bhallaistIkShNaishchichchheda rAghavaH . 
dIpyamAnAnmahAvegAnkruddhAnAshIviShAniva .. 21..\\
rAghavo rAvaNa.n tUrNa.n rAvaNo rAghavaM tathA . 
anyonya.n vividhaistIkShNaiH sharairabhivavarShatuH .. 22..\\
cheratushcha chira.n chitraM maNDala.n savyadakShiNam . 
bANavegAnsamudIkShya samareShvaparAjitau .. 23..\\
tayorbhUtAni vitreShuryugapatsamprayudhyatoH . 
raudrayoH sAyakamuchoryamAntakanikAshayoH .. 24..\\
santata.n vividhairbANairbabhUva gagana.n tadA . 
ghanairivAtapApAye vidyunmAlAsamAkulaiH .. 25..\\
gavAkShitamivAkAshaM babhUva shUravR^iShTibhiH . 
mahAvegaiH sutIkShNAgrairgR^idhrapatraiH suvAjitaiH .. 26..\\
sharAndhakAra.n tau bhImaM chakratuH paramaM tadA . 
gate.asta.n tapane chApi mahAmeghAvivotthitau .. 27..\\
babhUva tumula.n yuddhamanyonyavadhakA~NkShiNoH . 
anAsAdyamachintya.n cha vR^itravAsavayoriva .. 28..\\
ubhau hi parameShvAsAvubhau shastravishAradau . 
ubhau chAstravidAM mukhyAvubhau yuddhe vicheratuH .. 29..\\
ubhau hi yena vrajatastena tena sharormayaH . 
Urmayo vAyunA viddhA jagmuH sAgarayoriva .. 30..\\
tataH sa.nsaktahastastu rAvaNo lokarAvaNaH . 
nArAchamAlA.n rAmasya lalATe pratyamu~nchata .. 31..\\
raudrachApaprayuktA.n tAM nIlotpaladalaprabhAm . 
shirasA dhArayanrAmo na vyathAM pratyapadyata .. 32..\\
atha mantrAnapi japanraudramastramudIrayan . 
sharAnbhUyaH samAdAya rAmaH krodhasamanvitaH .. 33..\\
mumocha cha mahAtejAshchApamAyamya vIryavAn . 
tA~nsharAnrAkShasendrAya chikShepAchchhinnasAyakaH .. 34..\\
te mahAmeghasa~NkAshe kavache patitAH sharAH . 
avadhye rAkShasendrasya na vyathA.n janaya.nstadA .. 35..\\
punarevAtha ta.n rAmo rathasthaM rAkShasAdhipam . 
lalATe paramAstreNa sarvAstrakushalo.abhinat .. 36..\\
te bhittvA bANarUpANi pa~nchashIrShA ivoragAH . 
shvasanto vivishurbhUmi.n rAvaNapratikUlatAH .. 37..\\
nihatya rAghavasyAstra.n rAvaNaH krodhamUrchhitaH . 
Asura.n sumahAghoramanyadastraM samAdade .. 38..\\
si.nhavyAghramukhAMshchAnyAnka~NkakAka mukhAnapi . 
gR^idhrashyenamukhAMshchApi sR^igAlavadanA.nstathA .. 39..\\
IhAmR^igamuhAMshchAnyAnvyAditAsyAnbhayAvahAn . 
pa~nchAsyA.NllelihAnAMshcha sasarja nishitA~nsharAn .. 40..\\
sharAnkharamukhAMshchAnyAnvarAhamukhasa.nsthitAn . 
shvAnakukkuTavaktrAMshcha makarAshIviShAnanAn .. 41..\\
etAMshchAnyAMshcha mAyAbhiH sasarja nishitA~nsharAn . 
rAmaM prati mahAtejAH kruddhaH sarpa iva shvasan .. 42..\\
AsureNa samAviShTaH so.astreNa raghunandanaH . 
sasarjAstraM mahotsAhaH pAvakaM pAvakopamaH .. 43..\\
agnidIptamukhAnbANA.nstathA sUryamukhAnapi . 
chandrArdhachandravaktrAMshcha dhUmaketumukhAnapi .. 44..\\
grahanakShatravarNAMshcha maholkA mukhasa.nsthitAn . 
vidyujjihvopamAMshchAnyAnsasarja nishitA~nsharAn .. 45..\\
te rAvaNasharA ghorA rAghavAstrasamAhatAH . 
vilaya.n jagmurAkAshe jagmushchaiva sahasrashaH .. 46..\\
tadastraM nihata.n dR^iShTvA rAmeNAkliShTakarmaNA . 
hR^iShTA nedustataH sarve kapayaH kAmarUpiNaH .. 47..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}