\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 89
sa dattvA tumula.n yuddhaM rAvaNasya durAtmanaH . 
visR^ijaneva bANaughAnsuSheNa.n vAkyamabravIt .. 1..\\
eSha rAvaNavegena lakShmaNaH patitaH kShitau . 
sarpavadveShTate vIro mama shokamudIrayan .. 2..\\
shoNitArdramima.n vIraM prANairiShTataraM mama . 
pashyato mama kA shaktiryoddhuM paryAkulAtmanaH .. 3..\\
aya.n sa samarashlAghI bhrAtA me shubhalakShaNaH . 
yadi pa~nchatvamApannaH prANairme ki.n sukhena vA .. 4..\\
lajjatIva hi me vIryaM bhrashyatIva karAddhanuH . 
sAyakA vyavasIdanti dR^iShTirbAShpavasha.n gatA . 
chintA me vardhate tIvrA mumUrShA chopajAyate .. 5..\\
bhrAtaraM nihata.n dR^iShTvA rAvaNena durAtmanA . 
para.n viShAdamApanno vilalApAkulendriyaH .. 6..\\
na hi yuddhena me kAryaM naiva prANairna sItayA . 
bhrAtaraM nihata.n dR^iShTvA lakShmaNa.n raNapA.nsuShu .. 7..\\
kiM me rAjyena kiM prANairyuddhe kAryaM na vidyate . 
yatrAyaM nihataH shete raNamUrdhani lakShmaNaH .. 8..\\
rAmamAshvAsayanvIraH suSheNo vAkyamabravIt . 
na mR^ito.ayaM mahAbAhurlakShmaNo lakShmivardhanaH .. 9..\\
na chAsya vikR^ita.n vaktraM nApi shyAmaM na niShprabham . 
suprabha.n cha prasannaM cha mukhamasyAbhilakShyate .. 10..\\
padmaraktatalau hastau suprasanne cha lochane . 
evaM na vidyate rUpa.n gatAsUnA.n vishAM pate . 
mA.n viShAda.n kR^itvA vIra saprANo.ayamarindama .. 11..\\
AkhyAsyate prasuptasya srastagAtrasya bhUtale . 
sochchhvAsa.n hR^idayaM vIra kampamAnaM muhurmuhuH .. 12..\\
evamuktvA tu vAkyaGYaH suSheNo rAghava.n vachaH . 
samIpasthamuvAcheda.n hanUmantamabhitvaran .. 13..\\
saumya shIghramito gatvA shailamoShadhiparvatam . 
pUrva.n hi kathito yo.asau vIra jAmbavatA shubhaH .. 14..\\
dakShiNe shikhare tasya jAtAmoShadhimAnaya . 
vishalyakaraNI nAma vishalyakaraNI.n shubhAm .. 15..\\
sauvarNakaraNI.n chApi tathA sa~njIvanIm api . 
sandhAnakaraNI.n chApi gatvA shIghramihAnaya . 
sa~njIvanArtha.n vIrasya lakShmaNasya mahAtmanaH .. 16..\\
ityevamukto hanumAngatvA chauShadhiparvatam . 
chintAmabhyagamachchhrImAnajAna.nstA mahauShadhIH .. 17..\\
tasya buddhiH samutpannA mAruteramitaujasaH . 
idameva gamiShyAmi gR^ihItvA shikhara.n gireH .. 18..\\
agR^ihya yadi gachchhAmi vishalyakaraNIm aham . 
kAlAtyayena doShaH syAdvaiklavya.n cha mahadbhavet .. 19..\\
iti sa~ncintya hanumAngatvA kShipraM mahAbalaH . 
utpapAta gR^ihItvA tu hanUmA~nshikhara.n gireH .. 20..\\
oShadhIrnAvagachhAmi tA aha.n haripu~Ngava . 
tadida.n shikhara.n kR^itsnaM girestasyAhR^itaM mayA .. 21..\\
eva.n kathayamAnaM taM prashasya pavanAtmajam . 
suSheNo vAnarashreShTho jagrAhotpATya chauShadhIH .. 22..\\
tataH sa~NkShodayitvA tAmoShadhi.n vAnarottamaH . 
lakShmaNasya dadau nastaH suSheNaH sumahAdyutiH .. 23..\\
sashalyaH sa samAghrAya lakShmaNaH paravIrahA . 
vishalyo virujaH shIghramudatiShThanmahItalAt .. 24..\\
samutthita.n te harayo bhUtalAtprekShya lakShmaNam . 
sAdhu sAdhviti suprItAH suSheNaM pratyapUjayan .. 25..\\
ehyehItyabravIdrAmo lakShmaNaM paravIrahA . 
sasvaje snehagADha.n cha bAShpaparyAkulekShaNaH .. 26..\\
abravIchcha pariShvajya saumitri.n rAghavastadA . 
diShTyA tvA.n vIra pashyAmi maraNAtpunarAgatam .. 27..\\
na hi me jIvitenArthaH sItayA cha jayena vA . 
ko hi me jIvitenArthastvayi pa~nchatvamAgate .. 28..\\
ityeva.n vadatastasya rAghavasya mahAtmanaH . 
khinnaH shithilayA vAchA lakShmaNo vAkyamabravIt .. 29..\\
tAM pratiGYAM pratiGYAya purA satyaparAkrama . 
laghuH kashchidivAsattvo naiva.n vaktumihArhasi .. 30..\\
na pratiGYA.n hi kurvanti vitathAM sAdhavo.anagha . 
lakShmaNa.n hi mahattvasya pratiGYAparipAlanam .. 31..\\
nairAshyamupagantu.n te tadalaM matkR^ite.anagha . 
vadhena rAvaNasyAdya pratiGYAmanupAlaya .. 32..\\
na jIvanyAsyate shatrustava bANapatha.n gataH . 
nardatastIkShNadaMShTrasya si.nhasyeva mahAgajaH .. 33..\\
aha.n tu vadhamichchhAmi shIghramasya durAtmanaH . 
yAvadastaM na yAtyeSha kR^itakarmA divAkaraH .. 34..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}