\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 9
tato nikumbho rabhasaH sUryashatrurmahAbalaH . 
suptaghno yaGYakopashcha mahApArshvo mahoara.h .. 1..\\
agniketushcha durdharSho rashmiketushcha rAkShasaH . 
indrajichcha mahAtejA balavAnrAvaNAtmajaH .. 2..\\
prahasto.atha virUpAkSho vajradaMShTro mahAbalaH . 
dhUmrAkShashchAtikAyashcha durmukhashchaiva rAkShasaH .. 3..\\
parighAnpaTTasAnprAsA~nshaktishUlaparashvadhAn . 
chApAni cha sabANAni khaDgAMshcha vipulA~nshitAn .. 4..\\
pragR^ihya paramakruddhAH samutpatya cha rAkShasAH . 
abruvanrAvaNa.n sarve pradIptA iva tejasA .. 5..\\
adya rAma.n vadhiShyAmaH sugrIva.n cha salakShmaNam . 
kR^ipaNa.n cha hanUmanta.n la~NkA yena pradharShitA .. 6..\\
tAngR^ihItAyudhAnsarvAnvArayitvA vibhIShaNaH . 
abravItprA~njalirvAkyaM punaH pratyupaveshya tAn .. 7..\\
apyupAyaistribhistAta yo.arthaH prAptuM na shakyate . 
tasya vikramakAlA.nstAnyuktAnAhurmanIShiNaH .. 8..\\
pramatteShvabhiyukteShu daivena prahateShu cha . 
vikramAstAta sidhyanti parIkShya vidhinA kR^itAH .. 9..\\
apramatta.n kathaM taM tu vijigIShuM bale sthitam . 
jitaroSha.n durAdharShaM pradharShayitumichchhatha .. 10..\\
samudra.n la~NghayitvA tu ghoraM nadanadIpatim . 
kR^ita.n hanumatA karma duShkara.n tarkayeta kaH .. 11..\\
balAnyaparimeyAni vIryANi cha nishAcharAH . 
pareShA.n sahasAvaGYA na kartavyA katha.n chana .. 12..\\
ki.n cha rAkShasarAjasya rAmeNApakR^itaM purA . 
AjahAra janasthAnAdyasya bhAryA.n yashasvinaH .. 13..\\
kharo yadyativR^ittastu rAmeNa nihato raNe . 
avashyaM prANinAM prANA rakShitavyA yathA balam .. 14..\\
etannimitta.n vaidehI bhayaM naH sumahadbhavet . 
AhR^itA sA parityAjyA kalahArthe kR^ite na kim .. 15..\\
na naH kShama.n vIryavatA tena dharmAnuvartinA . 
vairaM nirarthaka.n kartuM dIyatAmasya maithilI .. 16..\\
yAvanna sagajA.n sAshvAM bahuratnasamAkulAm . 
purI.n dArayate bANairdIyatAmasya maithilI .. 17..\\
yAvatsughorA mahatI durdharShA harivAhinI . 
nAvaskandati no la~NkA.n tAvatsItA pradIyatAm .. 18..\\
vinashyeddhi purI la~NkA shUrAH sarve cha rAkShasAH . 
rAmasya dayitA patnI na svaya.n yadi dIyate .. 19..\\
prasAdaye tvAM bandhutvAtkuruShva vachanaM mama . 
hitaM pathya.n tvahaM brUmi dIyatAmasya maithilI .. 20..\\
purA sharatsUryamarIchisaMnibhAn 
navAgrapu~NkhAnsudR^iDhAnnR^ipAtmajaH . 
sR^ijatyamoghAnvishikhAnvadhAya te 
pradIyatA.n dAsharathAya maithilI .. 21..\\
tyajasva kopa.n sukhadharmanAshanaM 
bhajasva dharma.n ratikIrtivardhanam . 
prasIda jIvema saputrabAndhavAH 
pradIyatA.n dAsharathAya maithilI .. 22..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}