\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 91
tasya kruddhasya vadana.n dR^iShTvA rAmasya dhImataH . 
sarvabhUtAni vitreShuH prAkampata cha medinI .. 1..\\
si.nhashArdUlavA~nshailaH sa~ncachAlAchaladrumaH . 
babhUva chApi kShubhitaH samudraH saritAM patiH .. 2..\\
khagAshcha kharanirghoShA gagane paruShasvanAH . 
autpAtikA vinardantaH samantAtparichakramuH .. 3..\\
rAma.n dR^iShTvA susa~NkruddhamutpAtAMshcha sudAruNAn . 
vitreShuH sarvabhUtAni rAvaNasyAvishadbhayam .. 4..\\
vimAnasthAstadA devA gandharvAshcha mahoragAH . 
R^iShidAnavadaityAshcha garutmantashcha khecharAH .. 5..\\
dadR^ishuste tadA yuddha.n lokasa.nvartasa.nsthitam . 
nAnApraharaNairbhImaiH shUrayoH samprayudhyatoH .. 6..\\
UchuH surAsurAH sarve tadA vigrahamAgatAH . 
prekShamANA mahAyuddha.n vAkyaM bhaktyA prahR^iShTavat .. 7..\\
dashagrIva.n jayetyAhurasurAH samavasthitAH . 
devA rAmamathochuste tva.n jayeti punaH punaH .. 8..\\
etasminnantare krodhAdrAghavasya sa rAvaNaH . 
prahartukAmo duShTAtmA spR^ishanpraharaNaM mahat .. 9..\\
vajrasAraM mahAnAda.n sarvashatrunibarhaNam . 
shailashR^i~NganibhaiH kUTaishchita.n dR^iShTibhayAvaham .. 10..\\
sadhUmamiva tIkShNAgra.n yugAntAgnichayopamam . 
atiraudramanAsAdya.n kAlenApi durAsadam .. 11..\\
trAsana.n sarvabhUtAnA.n dAraNaM bhedanaM tathA . 
pradIpta iva roSheNa shUla.n jagrAha rAvaNaH .. 12..\\
tachchhUlaM paramakruddho madhye jagrAha vIryavAn . 
anekaiH samare shUrai rAkShasaiH parivAritaH .. 13..\\
samudyamya mahAkAyo nanAda yudhi bhairavam . 
sa.nraktanayano roShAtsvasainyamabhiharShayan .. 14..\\
pR^ithivI.n chAntarikShaM cha dishashcha pradishastathA . 
prAkampayattadA shabdo rAkShasendrasya dAruNaH .. 15..\\
atinAdasya nAdena tena tasya durAtmanaH . 
sarvabhUtAni vitreShuH sAgarashcha prachukShubhe .. 16..\\
sa gR^ihItvA mahAvIryaH shUla.n tadrAvaNo mahat . 
vinadya sumahAnAda.n rAmaM paruShamabravIt .. 17..\\
shUlo.aya.n vajrasAraste rAma roShAnmayodyataH . 
tava bhrAtR^isahAyasya sadyaH prANAnhariShyati .. 18..\\
rakShasAmadya shUrANAM nihatAnA.n chamUmukhe . 
tvAM nihatya raNashlAghinkaromi tarasA samam .. 19..\\
tiShThedAnIM nihanmi tvAmeSha shUlena rAghava . 
evamuktvA sa chikShepa tachchhUla.n rAkShasAdhipaH .. 20..\\
Apatanta.n sharaugheNa vArayAmAsa rAghavaH . 
utpatanta.n yugAntAgni.n jalaughairiva vAsavaH .. 21..\\
nirdadAha sa tAnbANAnrAmakArmukaniHsR^itAn . 
rAvaNasya mahAshUlaH pata~NgAniva pAvakaH .. 22..\\
tAndR^iShTvA bhasmasAdbhUtA~nshUlasa.nsparshachUrNitAn . 
sAyakAnantarikShasthAnrAghavaH krodhamAharat .. 23..\\
sa tAM mAtalinAnItA.n shaktiM vAsavanirmitAm . 
jagrAha paramakruddho rAghavo raghunandanaH .. 24..\\
sA tolitA balavatA shaktirghaNTAkR^itasvanA . 
nabhaH prajvAlayAmAsa yugAntoklena saprabhA .. 25..\\
sA kShiptA rAkShasendrasya tasmi~nshUle papAta ha . 
bhinnaH shaktyA mahA~nshUlo nipapAta gatadyutiH .. 26..\\
nirbibheda tato bANairhayAnasya mahAjavAn . 
rAmastIkShNairmahAvegairvajrakalpaiH shitaiH sharaiH .. 27..\\
nirbibhedorasi tadA rAvaNaM nishitaiH sharaiH . 
rAghavaH paramAyatto lalATe patribhistribhiH .. 28..\\
sa sharairbhinnasarvA~Ngo gAtraprasruta shoNitaH . 
rAkShasendraH samUhasthaH phullAshoka ivAbabhau .. 29..\\
sa rAmabANairatividdhagAtro 
nishAcharendraH kShatajArdragAtraH . 
jagAma kheda.n cha samAjamadhye 
krodha.n cha chakre subhR^ishaM tadAnIm .. 30..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}