\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 92
sa tu tena tadA krodhAtkAkutsthenArdito raNe . 
rAvaNaH samarashlAghI mahAkrodhamupAgamat .. 1..\\
sa dIptanayano roShAchchApamAyamya vIryavAn . 
abhyardayatsusa~Nkruddho rAghavaM paramAhave .. 2..\\
bANadhArA sahasraistu sa toyada ivAmbarAt . 
rAghava.n rAvaNo bANaistaTAkamiva pUrayat .. 3..\\
pUritaH sharajAlena dhanurmuktena sa.nyuge . 
mahAgiririvAkampyaH kAkustho na prakampate .. 4..\\
sa sharaiH sharajAlAni vArayansamare sthitaH . 
gabhastIniva sUryasya pratijagrAha vIryavAn .. 5..\\
tataH sharasahasrANi kShiprahasto nishAcharaH . 
nijaghAnorasi kruddho rAghavasya mahAtmanaH .. 6..\\
sa shoNita samAdigdhaH samare lakShmaNAgrajaH . 
dR^iShTaH phulla ivAraNye sumahAnkiMshukadrumaH .. 7..\\
sharAbhighAtasa.nrabdhaH so.api jagrAha sAyakAn . 
kAkutsthaH sumahAtejA yugAntAdityavarchasaH .. 8..\\
tato.anyonya.n susa.nrabdhAvubhau tau rAmarAvaNau . 
sharAndhakAre samare nopAlakShayatA.n tadA .. 9..\\
tataH krodhasamAviShTo rAmo dasharathAtmajaH . 
uvAcha rAvaNa.n vIraH prahasya paruShaM vachaH .. 10..\\
mama bhAryA janasthAnAdaGYAnAdrAkShasAdhama . 
hR^itA te vivashA yasmAttasmAttvaM nAsi vIryavAn .. 11..\\
mayA virahitA.n dInA.n vartamAnAM mahAvane . 
vaidehIM prasabha.n hR^itvA shUro.ahamiti manyase .. 12..\\
strIShu shUra vinAthAsu paradArAbhimarshake . 
kR^itvA kApuruSha.n karma shUro.ahamiti manyase .. 13..\\
bhinnamaryAda nirlajja chAritreShvanavasthita . 
darpAnmR^ityumupAdAya shUro.ahamiti manyase .. 14..\\
shUreNa dhanadabhrAtrA balaiH samuditena cha . 
shlAghanIya.n yashasya.n cha kR^itaM karma mahattvayA .. 15..\\
utsekenAbhipannasya garhitasyAhitasya cha . 
karmaNaH prApnuhIdAnI.n tasyAdya sumahatphalam .. 16..\\
shUro.ahamiti chAtmAnamavagachchhasi durmate . 
naiva lajjAsti te sItA.n choravadvyapakarShataH .. 17..\\
yadi matsaMnidhau sItA dharShitA syAttvayA balAt . 
bhrAtara.n tu kharaM pashyestadA matsAyakairhataH .. 18..\\
diShTyAsi mama duShTAtmaMshchakShurviShayamAgataH . 
adya tvA.n sAyakaistIkShNairnayAmi yamasAdanam .. 19..\\
adya te machchharaishchhinna.n shiro jvalitakuNDalam . 
kravyAdA vyapakarShantu vikIrNa.n raNapA.nsuShu .. 20..\\
nipatyorasi gR^idhrAste kShitau kShiptasya rAvaNa . 
pibantu rudhira.n tarShAdbANashalyAntarothitam .. 21..\\
adya madbANAbhinnasya gatAsoH patitasya te . 
karShantvantrANi patagA garutmanta ivoragAn .. 22..\\
ityeva.n sa vadanvIro rAmaH shatrunibarhaNaH . 
rAkShasendra.n samIpasthaM sharavarShairavAkirat .. 23..\\
babhUva dviguNa.n vIryaM balaM harShashcha sa.nyuge . 
rAmasyAstrabala.n chaiva shatrornidhanakA~NkShiNaH .. 24..\\
prAdurbabhUvurastrANi sarvANi viditAtmanaH . 
praharShAchcha mahAtejAH shIghrahastataro.abhavat .. 25..\\
shubhAnyetAni chihnAni viGYAyAtmagatAni saH . 
bhUya evArdayadrAmo rAvaNa.n rAkShasAntakR^it .. 26..\\
harINA.n chAshmanikaraiH sharavarShaishcha rAghavAt . 
hanyamAno dashagrIvo vighUrNahR^idayo.abhavat .. 27..\\
yadA cha shastraM nArebhe na vyakarShachchharAsanam . 
nAsya pratyakarodvIrya.n viklavenAntarAtmanA .. 28..\\
kShiptAshchApi sharAstena shastrANi vividhAni cha . 
na raNArthAya vartante mR^ityukAle.abhivartataH .. 29..\\
sUtastu rathanetAsya tadavasthaM nirIkShya tam . 
shanairyuddhAdasambhAnto ratha.n tasyApavAhayat .. 30..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}