\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 96
tau tathA yudhyamAnau tu samare rAmarAvaNau . 
dadR^ishuH sarvabhUtAni vismitenAntarAtmanA .. 1..\\
ardayantau tu samare tayostau syandanottamau . 
parasparavadhe yuktau ghorarUpau babhUvatuH .. 2..\\
maNDalAni cha vIthIshcha gatapratyAgatAni cha . 
darshayantau bahuvidhA.n sUtau sArathyajA.n gatim .. 3..\\
ardayanrAvaNa.n rAmo rAghava.n chApi rAvaNaH . 
gativega.n samApannau pravartana nivartane .. 4..\\
kShipatoH sharajAlAni tayostau syandanottamau . 
cheratuH sa.nyugamahI.n sAsArau jaladAviva .. 5..\\
darshayitvA tadA tau tu gatiM bahuvidhA.n raNe . 
parasparasyAbhimukhau punareva cha tasthatuH .. 6..\\
dhura.n dhureNa rathayorvaktra.n vaktreNa vAjinAm . 
patAkAshcha patAkAbhiH sameyuH sthitayostadA .. 7..\\
rAvaNasya tato rAmo dhanurmuktaiH shitaiH sharaiH . 
chaturbhishchaturo dIptAnhayAnpratyapasarpayat .. 8..\\
sa krodhavashamApanno hayAnAmapasarpaNe . 
mumocha nishitAnbANAnrAghavAya nishAcharaH .. 9..\\
so.atividdho balavatA dashagrIveNa rAghavaH . 
jagAma na vikAra.n cha na chApi vyathito.abhavat .. 10..\\
chikShepa cha punarbANAnvajrapAtasamasvanAn . 
sArathi.n vajrahastasya samuddishya nishAcharaH .. 11..\\
mAtalestu mahAvegAH sharIre patitAH sharAH . 
na sUkShmamapi saMmoha.n vyathAM vA pradaduryudhi .. 12..\\
tayA dharShaNayA kroddho mAtalerna tathAtmanaH . 
chakAra sharajAlena rAghavo vimukha.n ripum .. 13..\\
viMshati.n triMshata.n ShaShTiM shatasho.atha sahasrashaH . 
mumocha rAghavo vIraH sAyakAnsyandane ripoH .. 14..\\
gadAnAM musalAnA.n cha parighANAM cha nisvanaiH . 
sharANAM pu~NkhavAtaishcha kShubhitAH saptasAgarAH .. 15..\\
kShubdhAnA.n sAgarANA.n cha pAtAlatalavAsinaH . 
vyathitAH pannagAH sarve dAnavAshcha sahasrashaH .. 16..\\
chakampe medinI kR^itsnA sashailavanakAnanA . 
bhAskaro niShprabhashchAbhUnna vavau chApi mArutaH .. 17..\\
tato devAH sagandharvAH siddhAshcha paramarShayaH . 
chintAmApedire sarve sakiMnaramahoragAH .. 18..\\
svasti gobrAhmaNebhyo.astu lokAstiShThantu shAshvatAH . 
jayatA.n rAghavaH sa~Nkhye rAvaNaM rAkShaseshvaram .. 19..\\
tataH kruddho mahAbAhU raghUNA.n kIrtivardhanaH . 
sandhAya dhanuShA rAmaH kShuramAshIviShopamam . 
rAvaNasya shiro.achchhindachchhrImajjvalitakuNDalam .. 20..\\
tachchhiraH patitaM bhUmau dR^iShTa.n lokaistribhistadA . 
tasyaiva sadR^isha.n chAnyadrAvaNasyotthita.n shiraH .. 21..\\
tatkShipra.n kShiprahastena rAmeNa kShiprakAriNA . 
dvitIya.n rAvaNashirashchhinnaM sa.nyati sAyakaiH .. 22..\\
chhinnamAtra.n cha tachchhIrShaM punaranyatsma dR^ishyate . 
tadapyashanisa~NkAshaishchhinna.n rAmeNa sAyakaiH .. 23..\\
evameva shata.n chhinna.n shirasAM tulyavarchasAm . 
na chaiva rAvaNasyAnto dR^ishyate jIvitakShaye .. 24..\\
tataH sarvAstravidvIraH kausalyAnandivardhanaH . 
mArgaNairbahubhiryuktashchintayAmAsa rAghavaH .. 25..\\
mArIcho nihato yaistu kharo yaistu sudUShaNaH . 
kra~nchAraNye virAdhastu kabandho daNDakA vane .. 26..\\
ta ime sAyakAH sarve yuddhe pratyayikA mama . 
kiM nu tatkAraNa.n yena rAvaNe mandatejasaH .. 27..\\
iti chintAparashchAsIdapramattashcha sa.nyuge . 
vavarSha sharavarShANi rAghavo rAvaNorasi .. 28..\\
rAvaNo.api tataH kruddho rathastho rAkShaseshvaraH . 
gadAmusalavarSheNa rAmaM pratyardayadraNe .. 29..\\
devadAnavayakShANAM pishAchoragarakShasAm . 
pashyatA.n tanmahadyuddha.n sarvarAtramavartata .. 30..\\
naiva ratriM na divasaM na muhUrtaM na chakShaNam . 
rAmarAvaNayoryuddha.n virAmamupagachchhati .. 31..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}