\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 97
atha sa.nsmArayAmAsa rAghavaM mAtalistadA . 
ajAnanniva ki.n vIra tvamenamanuvartase .. 1..\\
visR^ijAsmai vadhAya tvamastraM paitAmahaM prabho . 
vinAshakAlaH kathito yaH suraiH so.adya vartate .. 2..\\
tataH sa.nsmArito rAmastena vAkyena mAtaleH . 
jagrAha sa shara.n dIptaM nishvasantamivoragam .. 3..\\
yamasmai prathamaM prAdAdagastyo bhagavAnR^iShiH . 
brahmadattaM mahadbANamamogha.n yudhi vIryavAn .. 4..\\
brahmaNA nirmitaM pUrvamindrArthamamitaujasA . 
datta.n surapateH pUrva.n trilokajayakA~NkShiNaH .. 5..\\
yasya vAjeShu pavanaH phale pAvakabhAskarau . 
sharIramAkAshamaya.n gaurave merumandarau .. 6..\\
jAjvalyamAna.n vapuShA supu~NkhaM hemabhUShitam . 
tejasA sarvabhUtAnA.n kR^itaM bhAskaravarchasaM .. 7..\\
sadhUmamiva kAlAgni.n dIptamAshIviSha.n yathA . 
rathanAgAshvavR^indAnAM bhedana.n kShiprakAriNam .. 8..\\
dvArANAM parighANA.n cha girINAm api bhedanam . 
nAnArudhirasiktA~NgaM medodigdha.n sudAruNam .. 9..\\
vajrasAraM mahAnAdaM nAnAsamitidAruNam . 
sarvavitrAsanaM bhIma.n shvasantamiva pannagam .. 10..\\
ka~NkagR^idhrabalAnA.n cha gomAyugaNarakShasAm . 
nityaM bhakShaprada.n yuddhe yamarUpaM bhayAvaham .. 11..\\
nandana.n vAnarendrANAM rakShasAmavasAdanam . 
vAjita.n vividhairvAjaishchAruchitrairgarutmataH .. 12..\\
tamuttameShu.n lokAnAmikShvAkubhayanAshanam . 
dviShatA.n kIrtiharaNaM praharShakaramAtmanaH .. 13..\\
abhimantrya tato rAmastaM maheShuM mahAbalaH . 
vedaproktena vidhinA sandadhe kArmuke balI .. 14..\\
sa rAvaNAya sa~Nkruddho bhR^ishamAyamya kArmukam . 
chikShepa paramAyattasta.n sharaM marmaghAtinam .. 15..\\
sa vajra iva durdharSho vajrabAhuvisarjitaH . 
kR^itAnta iva chAvAryo nyapatadrAvaNorasi .. 16..\\
sa visR^iShTo mahAvegaH sharIrAntakaraH sharaH . 
bibheda hR^idaya.n tasya rAvaNasya durAtmanaH .. 17..\\
rudhirAktaH sa vegena jIvitAntakaraH sharaH . 
rAvaNasya haranprANAnvivesha dharaNItalam .. 18..\\
sa sharo rAvaNa.n hatvA rudhirArdrakR^itachchhaviH . 
kR^itakarmA nibhR^itavatsvatUNIM punarAvishat .. 19..\\
tasya hastAddhatasyAshu kArmuka.n tatsasAyakam . 
nipapAta saha prANairbhrashyamAnasya jIvitAt .. 20..\\
gatAsurbhImavegastu nairR^itendro mahAdyutiH . 
papAta syandanAdbhUmau vR^itro vajrahato yathA .. 21..\\
ta.n dR^iShTvA patitaM bhUmau hatasheShA nishAcharAH . 
hatanAthA bhayatrastAH sarvataH sampradudruvuH .. 22..\\
nardantashchAbhipetustAnvAnarA drumayodhinaH . 
dashagrIvavadha.n dR^iShTvA vijaya.n rAghavasya cha .. 23..\\
arditA vAnarairhR^iShTairla~NkAmabhyapatanbhayAt . 
hatAshrayatvAtkaruNairbAShpaprasravaNairmukhaiH .. 24..\\
tato vineduH sa.nhR^iShTA vAnarA jitakAshinaH . 
vadanto rAghavajaya.n rAvaNasya cha taM vadham .. 25..\\
athAntarikShe vyanadatsaumyastridashadundubhiH . 
divyagandhavahastatra mArutaH susukho vavau .. 26..\\
nipapAtAntarikShAchcha puShpavR^iShTistadA bhuvi . 
kirantI rAghavaratha.n duravApA manoharAH .. 27..\\
rAghavastava sa.nyuktA gagane cha vishushruve . 
sAdhu sAdhviti vAgagryA devatAnAM mahAtmanAm .. 28..\\
Avivesha mahAnharSho devAnA.n chAraNaiH saha . 
rAvaNe nihate raudre sarvalokabhaya~Nkare .. 29..\\
tataH sakAma.n sugrIvama~Ngada.n cha mahAbalam . 
chakAra rAghavaH prIto hatvA rAkShasapu~Ngavam .. 30..\\
tataH prajagmuH prashamaM marudgaNA 
dishaH prasedurvimalaM nabho.abhavat . 
mahI chakampe na cha mArutA vavuH 
sthiraprabhashchApyabhavaddivAkaraH .. 31..\\
tatastu sugrIvavibhIShaNAdayaH 
suhR^idvisheShAH sahalakShmaNAstadA . 
sametya hR^iShTA vijayena rAghavaM 
raNe.abhirAma.n vidhinAbhyapUjayan .. 32..\\
sa tu nihataripuH sthirapratiGYaH 
svajanabalAbhivR^ito raNe rarAja . 
raghukulanR^ipanandano mahaujAs 
tridashagaNairabhisa.nvR^ito yathendraH .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}