\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 99
tAsA.n vilapamAnAnA.n tathA rAkShasayoShitAm . 
jyeShThA patnI priyA dInA bhartAra.n samudaikShata .. 1..\\
dashagrIva.n hata.n dR^iShTvA rAmeNAchintyakarmaNA . 
patiM mandodarI tatra kR^ipaNA paryadevayat .. 2..\\
nanu nAma mahAbAho tava vaishravaNAnuja . 
kruddhasya pramukhe sthAtu.n trasyatyapi purandaraH .. 3..\\
R^iShayashcha mahIdevA gandharvAshcha yashasvinaH . 
nanu nAma tavodvegAchchAraNAshcha disho gatAH .. 4..\\
sa tvaM mAnuShamAtreNa rAmeNa yudhi nirjitaH . 
na vyapatrapase rAjankimida.n rAkShasarShabha .. 5..\\
katha.n trailokyamAkramya shriyA vIryeNa chAnvitam . 
aviShahya.n jaghAna tvaM mAnuSho vanagocharaH .. 6..\\
mAnuShANAmaviShaye charataH kAmarUpiNaH . 
vinAshastava rAmeNa sa.nyuge nopapadyate .. 7..\\
na chaitatkarma rAmasya shraddadhAmi chamUmukhe . 
sarvataH samupetasya tava tenAbhimarshanam .. 8..\\
indriyANi purA jitvA jita.n tribhuvaNaM tvayA . 
smaradbhiriva tadvairamindriyaireva nirjitaH .. 9..\\
atha vA rAmarUpeNa vAsavaH svayamAgataH . 
mAyA.n tava vinAshAya vidhAyApratitarkitAm .. 10..\\
yadaiva hi janasthAne rAkShasairbahubhirvR^itaH . 
kharastava hato bhrAtA tadaivAsau na mAnuShaH .. 11..\\
yadaiva nagarI.n la~NkA.n duShpraveShAM surairapi . 
praviShTo hanumAnvIryAttadaiva vyathitA vayam .. 12..\\
kriyatAmavirodhashcha rAghaveNeti yanmayA . 
uchyamAno na gR^ihNAsi tasyeya.n vyuShTirAgatA .. 13..\\
akasmAchchAbhikAmo.asi sItA.n rAkShasapu~Ngava . 
aishvaryasya vinAshAya dehasya svajanasya cha .. 14..\\
arundhatyA vishiShTA.n tA.n rohiNyAshchApi durmate . 
sItA.n dharShayatA mAnyAM tvayA hyasadR^ishaM kR^itam .. 15..\\
na kulena na rUpeNa na dAkShiNyena maithilI . 
mayAdhikA vA tulyA vA tva.n tu mohAnna budhyase .. 16..\\
sarvathA sarvabhUtAnAM nAsti mR^ityuralakShaNaH . 
tava tAvadayaM mR^ityurmaithilIkR^italakShaNaH .. 17..\\
maithilI saha rAmeNa vishokA vihariShyati . 
alpapuNyA tvaha.n ghore patitA shokasAgare .. 18..\\
kailAse mandare merau tathA chaitrarathe vane . 
devodyAneShu sarveShu vihR^itya sahitA tvayA .. 19..\\
vimAnenAnurUpeNa yA yAmyatulayA shriyA . 
pashyantI vividhAndeshA.nstA.nstAMshchitrasragambarA . 
bhraMshitA kAmabhogebhyaH sAsmi vIravadhAttava .. 20..\\
satyavAksa mahAbhAgo devaro me yadabravIt . 
aya.n rAkShasamukhyAnAM vinAshaH paryupasthitaH .. 21..\\
kAmakrodhasamutthena vyasanena prasa~NginA . 
tvayA kR^itamida.n sarvamanAthaM rakShasA.n kulam .. 22..\\
na hi tva.n shochitavyo me prakhyAtabalapauruShaH . 
strIsvabhAvAttu me buddhiH kAruNye parivartate .. 23..\\
sukR^ita.n duShkR^itaM cha tvaM gR^ihItvA svAM gatiM gataH . 
AtmAnamanushochAmi tvadviyogena duHkhitAm .. 24..\\
nIlajImUtasa~NkAshaH pItAmbarashubhA~NgadaH . 
sarvagAtrANi vikShipya ki.n sheShe rudhirAplutaH . 
prasupta iva shokArtA.n kiM mAM na pratibhAShase .. 25..\\
mahAvIryasya dakShasya sa.nyugeShvapalAyinaH . 
yAtudhAnasya dauhitrI.n kiM tvaM mAM nAbhyudIkShase .. 26..\\
yena sUdayase shatrUnsamare sUryavarchasA . 
vajro vajradharasyeva so.aya.n te satatArchitaH .. 27..\\
raNe shatrupraharaNo hemajAlapariShkR^itaH .. 28..\\
parigho vyavakIrNaste bANaishchhinnaH sahasradhA . 
dhigastu hR^idaya.n yasyA mamedaM na sahasradhA . 
tvayi pa~nchatvamApanne phalate shokapIDitam .. 29..\\
etasminnantare rAmo vibhIShaNamuvAcha ha . 
sa.nskAraH kriyatAM bhrAtuH striyashchaitA nivartaya .. 30..\\
taM prashritastato rAma.n shrutavAkyo vibhIShaNaH . 
vimR^ishya buddhyA dharmaGYo dharmArthasahita.n vachaH . 
rAmasyaivAnuvR^ittyarthamuttaraM pratyabhAShata .. 31..\\
tyaktadharmavrata.n krUraM nR^isha.nsamanR^itaM tathA . 
nAhamarho.asmi sa.nskartuM paradArAbhimarshakam .. 32..\\
bhrAtR^irUpo hi me shatrureSha sarvAhite rataH . 
rAvaNo nArhate pUjAM pUjyo.api gurugauravAt .. 33..\\
nR^isha.nsa iti mA.n rAma vakShyanti manujA bhuvi . 
shrutvA tasya guNAnsarve vakShyanti sukR^itaM punaH .. 34..\\
tachchhrutvA paramaprIto rAmo dharmabhR^itA.n varaH . 
vibhIShaNamuvAcheda.n vAkyaGYo vAkyakovidam .. 35..\\
tavApi me priya.n kAryaM tvatprabhavAchcha me jitam . 
avashya.n tu kShama.n vAchyo mayA tvaM rAkShaseshvara .. 36..\\
adharmAnR^itasa.nyuktaH kAmameSha nishAcharaH . 
tejasvI balavA~nshUraH sa~NgrAmeShu cha nityashaH .. 37..\\
shatakratumukhairdevaiH shrUyate na parAjitaH . 
mahAtmA balasampanno rAvaNo lokarAvaNaH .. 38..\\
maraNAntAni vairANi nirvR^ittaM naH prayojanam . 
kriyatAmasya sa.nskAro mamApyeSha yathA tava .. 39..\\
tvatsakAshAnmahAbAho sa.nskAra.n vidhipUrvakam . 
kShipramarhati dharmaGYa tva.n yashobhAgbhaviShyasi .. 40..\\
rAghavasya vachaH shrutvA tvaramANo vibhIShaNaH . 
sa.nskAreNAnurUpeNa yojayAmAsa rAvaNam .. 41..\\
sa dadau pAvaka.n tasya vidhiyukta.n vibhIShaNaH . 
tAH striyo.anunayAmAsa sAntvamuktvA punaH punaH .. 42..\\
praviShTAsu cha sarvAsu rAkShasIShu vibhIShaNaH . 
rAmapArshvamupAgamya tadAtiShThadvinItavat .. 43..\\
rAmo.api saha sainyena sasugrIvaH salakShmaNaH . 
harSha.n lebhe ripuM hatvA yathA vR^itraM shatakratuH .. 44..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}