Gitagovindam

Chapter [Sarga] 10 - Tactful Krishna

chaturachaturbhujaH

Verse Locator


atraantare masR^iNaroSavashaadasiima
niHshvaasanissahamukhiim sumukhiimupetya |
savriiDamiikshitasakhiivadanaam dinaante
saanandagadgadapadam harirityuvaacha || 10-1


atra antare masR^iNa roSa vashaat asiima niHshvaasa nissaha mukhiim sumukhiim upetya sa vriiDam iikshita sakhii vadanaam dina ante sa aananda gadgada padam hariH iti uvaacha


Verse Locator


aSTapdi: 19 - caturacaturbhujaraagaraajica.ndodyotitam


vadasi yadi ki.nchidapi dantaruchikaumudii harati daratimiramatighoram |
sphuradadharasiidhave tava vadanachandramaa rochayatu lochanachakoram ||
priye chaarushiile priye chaarushiile mu.ncha mayi maanamanidaanam
sapadi madanaanalo dahati mama maanasam dehi mukhakamalamadhupaanam
priye! chaarushiile! priye! chaarushiile! - dhR^ivam || a pa 19-1


pa cChe- vadasi yadi ki.nchit api danta ruchi kaumudii
harati dara timiram ati ghoram sphurat adhara siidhave
tava vadana chandramaa rochayatu lochana chakoram
priye chaaru shiile mu.ncha mayi maanam a nidaanam
sapadi madana analo dahati mama maanasam
dehi mukha kamala madhu paanam


satyamevaasi yadi sudati mayi kopinii dehi kharanakhasharaghaatam |
ghaTaya bhujabandhanam janaya radakhaNDanam
yena vaa bhavati sukhajaatam || a pa 19-2


pa cChe - satyam eva asi yadi sudati mayi kopinii dehi khara nakha shara ghaatam
ghaTaya bhuja bandhanam janaya rada khaNDanam
yena vaa bhavati sukha jaatam


tvamasi mama bhuuSaNam tvamasi mama
jiivanam tvamasi bhavajaladhiratnam |
bhavatu bhavatiiha mayi satatamanurodhini
tatra mama hR^idayamatiyatnam || a pa 19-3


pa cChe- tvam asi mama bhuuSaNam tvam asi mama jiivanam
tvam asi bhava jaladhi ratnam bhavatu bhavatii iha mayi satatam anurodhini
tatra mama hR^idayam ati yatnam


niilanalinaabhamapitanvitavalochanam
dhaarayatikokanadaruupam |
kusumasharabaaNabhaavenayadira.njayati
kR^iSNamidametadanuruupam || a pa 19-4


pa cChe- niila nalina aabham api tanvi tava lochanam
dhaarayati kokanada ruupam kusuma shara baaNa bhaavena
yadi ra.njayati kR^iSNam idam etat anuruupam


sphuratu kuchakumbhayorupari maNima.njarii
ra.njayatu tava hR^idayadesham |
rasatu rashanaapi tava ghanajaghanamaNDale
ghoSayatu manmathanidesham || a pa 19-5


 pa cChe - sphuratu kuchakumbhayoH upari maNi ma.njarii
ra.njayatu tava hR^idaya desham rasatu rashanaa api
tava ghana jaghana maNDale ghoSayatu manmatha nidesham


sthalakamalaga.njanam mamahR^idayara.njanam
janitaratira.ngaparabhaagam |
bhaNamasR^iNavaaNi karavaaNi caraNadvayam
sarasalasadalaktakaraagam || a pa 19-6


pa cChe- sthala kamala ga.njanam mama hR^idaya ra.njanam
janita rati ra.nga para bhaagam bhaNa masR^iNa vaaNi karavaaNi
caraNa dvayam sarasa lasat alaktaka raagam


smaragaralakhaNDanam mama shirasimaNDanam
dehi padapallavamudaaram |
jvalatimayidaaruNomadanakad anaanalo
haratutadupaahitavikaaram || a pa 19-7


 pa cChe- smara garala khaNDanam mama shirasi maNDanam
dehi pada pallavam udaaram jvalati mayi daaruNaH
madana kadana anaaH haratu tat upaahita vikaaram


itichaTulachaaTupaTuchaarumuravairiNo
raadhikaamadhivachanajaatam |
jayatijayadevakavijayadevakavibhaaratiibhuuSitam
maaniniijanajanitanitaatishaatam || a pa 19-7


pa cChe- iti chaTula chaaTu paTu chaaru mura vairiNaH
raadhikaam adhi vachana jaatam jayati jayadeva kavi bhaaratii
bhuuSitam maaninii jana janita ati shaatam


Verse Locator


parihara kR^itaantanke sha.nkaa.mtvayaasatatamghana
stanajaghanaya.a.akraante svaante paraanavakaashini |
vishati vitanoranyo dhanyo nako.api mamaa.mtaram
praNayini pariira.mbhaara.mbhe vidhehi vidheyataam || 10-2


pa cChe - parihara kR^ita aantanke sha.nkaam tvayaa satatam
ghana stana jaghanayaa aakraante svaante paraa
anavakaashini vishati vitanoH anyaH dhanyaH na kaH api
mam a.ntaram praNayini pariira.mbha aara.mbhe vidhehi vidheyataam


Verse Locator


mugdhe vidhehi mayi nirdayadantada.nsha
dorvallibandhanibiDastanapiiDanaani |
chaNDi tvameva mudamudvaha pa.ncabaaNa
chaNDaalakaaNDadalanaadasavaH prayaanti || 10-3


pa cChe- mugdhe vidhehi mayi nirdaya danta da.nsha doH valli
bandha nibiDa stana piiDanaani chaNDi tvameva mudam udvaha
pa.ncabaaNa chaNDaala kaaNDa dalanaat asavaH prayaanti || 10-4


Verse Locator


shashimukhi tavabhaatibha.ngurabhruuH
yuvajanamohanakaraalakaalasarpii |
tadutaviSabha.njanaayayuunaam
tvadadharashiidhushudaivasiddhama.ntraH || 1-4


 pa cChe- shashi mukhi tava bhaati bha.ngura bhruuH yuva jana mohana
karaala kaala sarpii tat udita viSa bha.njanaaya yuunaam tvat adhara
shiidhu shuda eva siddha ma.ntraH


Verse Locator


vyathayati vR^ithaa maunam tanvi prapaJNchaya pa.nchamam
taruNI madhuraalaapaistaapam vinodaya dR^iSTibhiH |
sumukhi vimukhiibhaavam taavadvimu.ncha na mu.ncha maam
svayamatishayasnigdho mugdhe priyi.ayamupasthitaH || 10-5


pa cChe- vyathayati vR^ithaa maunam tanvi prapa.nchaya pa.nchamam
taruNI madhura aalaapaiH taapam vinodaya dR^iSTibhiH sumukhi
vimukhii bhaavam taavat vimu.ncha na mu.ncha maam svayam
atishaya snigdhaH mugdhe priyaH ayam upasthitaH


Verse Locator


bandhuukadyutibaandhavo.ayamadharaH snigdho madhuukacChaviH
gaNDashchaNDi chakaasti niilanalinashriimochanam lochanam |
naasaatyeti tilaprasuunapadaviim kundaabhadaanti priye
praayastvanmukhasevayaa vijayate vishvam sa puSpaayudhaH || 10-6


 pa cChe - bandhuuka dyuti baandhavaH ayam adharaH snigdho
madhuuka cChaviH gaNDaH chaNDi chakaasti niila nalina shrii mochanam
lochanam naasaa atyeti tila prasuuna padaviim kunda aabha daanti
priye praayaH tvat mukha sevayaa vijayate vishvam sa puSpaa ayudhaH


Verse Locator


dR^ishau tava madaalase vadanamindumatyujjvalam
gatirjanamanoramaa vidhutara.mbhamuurudvayam |
ratistava kalaavatii ruchirachitralekhe bhruvau
aho vibudhayauvatam vahasi tanvii pR^ithviigataa || 10-7


pa cChe- dR^ishau tava madaalase vadanam indum ati ujjvalam gatiH
jana manoramaa vidhuta ra.mbham uuru dvayam ratiH tava kalaavatii
ruchira chitralekhe bhruvau aho vibudha yauvatam vahasi tanvii pR^ithvii gataa


Verse Locator


sa priitim tanutaam hariH kuvalayaapiiDena saartham raNe
raadhaa piinapayodharasmaraNakR^itku.mbhena sa.mbhedavaan |
yatra svidyatimiilatikshaNamapi kshipra.mtadaalokanaat
ka.msasyaalamabhuujjitam jitamiti vyaamohakolaahalaH || 10-8


pa cChe- sa priitim tanutaam hariH kuvalayaapiiDena saartham raNe
raadhaa piina payodhara smaraNa kR^it ku.mbhena sa.mbhedavaan
yatra svidyati miilati kshaNam api kshipram tat aalokanaat
ka.msasya alam abhuut jitam jitam iti vyaamoha kolaahalaH


 


iti giitagovinde chaturachaturbhujo naama dashamaH sargaH


Verse Locator Chapter 10

Top of Page 1 a pa 19 2 3
4 5 6 7 8
 
Previous Sarga giirvaaNi Next Sarga


Nov, 2003, Desiraju Hanumanta Rao; Revised Nov 08