suchiramanunayena priiNayitvaa mR^igaakShiim
gatavati kR^itaveshe keshave ku.njashayyaam |
rachitaruchirabhuuSaam dR^ishhTimoshhe pradoshhe
sphurati niravasaadaam kaapi raadhaam jagaada || 11-1
pa cChe- suchiram anunayane priiNayitvaa mR^iga akShiim gatavati kR^ita veshe keshave ku.nja shayyaam rachita ruchira bhuuSaam dR^iSTi moSe pradoSe sphurati niravasaadaam kaapi raadhaam jagaada
aSTa padi 20 shriiharitaalaraajijaladharavilasitam
virachitachaaTuvachanarachanam charaNe rachitapraNipaatam |
sa.mprati ma~Njulava~Njulasiimani kelishayanamanuyaatam ||
mugdhe madhumathanam anugatamanusara raadhe - dhR^ivam || a pa 20-1
pa cChe- virachita chaaTu vachana rachanam charaNe rachita praNipaatam
sa.mprati ma.njula va.njula siimani keli shayanam anuyaatam
mugdhe madhu mathanam anugatam anusara raadhe
ghanajaghanastanabhaarabhare darama.ntharacharaNavihaaram |
mukharitamaNima~Njiiramupaihi vidhehi maraalanikaaram || a pa 20-2
pa cChe - ghana jaghana stana bhaara bhare dara ma.nthara charaNa vihaaram
mukharita maNi ma.njiiram upaihi vidhehi maraala nikaaram
shR^iNu ramaNiiyataram taruNiijanamohanamadhuripuraavam |
kusumasharaasanashaasanavandini pikanikare bhaja bhaavam || a pa 20-3
pa cChe- shR^iNu ramaNiiya taram taruNii jana mohana madhu ripu raavam
kusuma shara aasana shaasana vandini pika nikare bhaja bhaavam
anilataralakisalayanikareNa kareNa lataanikurambam |
preraNamiva karabhoru karoti gatim pratimu.ncha vilambam || a pa 20-4
pa cChe - anila tarala kisalaya nikareNa kareNa lataa nikura.mbam
preraNam iva karabha uuru karoti gatim prati mu.ncha vilambam
sphuritamana~Ngatara~Ngavashaadiva suuchitahariparira.mbham |
pR^icCha manoharahaaravimalajaladhaaramamum kuchakumbham || a pa 20-5
pa cChe - sphuritam ana.nga tara.nga vashaat iva suuchita hari parira.mbham
pR^icCha manohara haara vimala jala dhaaram amum kucha kumbham
adhigatamakhilasakhiibhiridam tava vapurapi ratiraNasajjam |
chaNDi rasitarashanaaravaDiNDimamabhisara sarasamalajjam || a pa 20-s6
pa cChe - adhigatam akhila sakhiibhiH idam tava vapuH api rati raNa sajjam
chaNDi rasita rashana rava DiNDimam abhisara sarasam alajjam
smarasharasubhaganakhena kareNa sakhiimavala.mbya saliilam |
chala valayakvaNitairavabodhaya harimapi nijagatishiilam || a pa 20-7
pa cChe - smara shara subhaga nakhena kareNa sakhiim avala.mbya saliilam
chala valaya kvaNitaH avabodhaya harim api nija gati shiilam
shriijayadevabhaNitamadhariikR^itahaaramudaasitavaamam |
harivinihitamanasaamadhitiSThatu kaNThataTiimaviraamam || a pa 20-8
pa cChe - shrii jayadeva bhaNitam adharii kR^ita haaram udaasita vaamam
hari vinihita manasaam adhitiSThatu kaNTha taTiim aviraamam
akShNornikShipada.njanam shravaNayostaapi~NchChaguchChaavaliim
muurdhni shyaamasarojadaama kuchayoH kastuurikaapatrakam |
dhuurtaanaamabhisaarasa.mbhrama juSaam viSva~Nniku~nje sakhi
dhvaantam niilanicholachaaru sudR^ishaam pratya~Ngamaali~Ngati || 1-2
pa cChe - akShNoH nikShipat a.njanam shravaNayoH taapinchCha guchCha aavaliim
muurdhni shyaama saroja daama kuchayoH kastuurikaa patrakam
dhuurtaanaam abhisaara sa.mbhrama juSaam viSvak niku.nje sakhi
dhvaantam niila nichola chaaru sudR^ishaam prati a.ngam aali.ngati
kaashmiiragauravapuSaamabhisaarikaaNaam
aabaddharekhamabhito ruchima~NjariibhiH |
etattamaaladalaniilatamam tamisram
tatpremahemanikaSopalataam tanoti || 11-3
pa cChe - kaashmiira gaura vapuSaam abhisaarikaaNaam aabaddha rekham abhitaH ruchi ma.njariibhiH etat tamaala dala niila tamam tamisram tat prema hema nikaSa upalataam tanoti
haaraavaliitaralakaa~Nchanakaa~Nchidaama
ma~Njiiraka~NkaNamaNidyutidiipitasya |
dvaare niku~Njanilayasya harim niriikShya
vriiDaavatiimatha sakhiimiyamityuvaaca || 11-4
pa cChe - haara aavalii tarala kaa.nchana kaa.nchii daama
ma.njiira ka.nkaNa maNi dyuti diipitasya
dvaare niku.nja nilayasya harim niriikShya
vriiDaavatiim atha sakhiim iyam iti uvaaca
aSTa padi 21 - saanandadaamodara prema druma pallavam
ma~Njutaraku~Njatalakelisadane |
iha vilasa ratirabhasahasitavadane ||
pravisha raadhe maadhavasamiipamiha
- kuru muraare m.ngala shataani - dhR^ivam || a pa 21-1
pa cChe - ma.nju tara ku.nja tala keli sadane
iha vilasa rati rabhasa hasita vadane
pravisha raadhe maadhava samiipam iha
- kuru muraare ma.ngala shataani -
navabhavadashokadalashayanasaare |
vilasa kuchakalashataralahaare || a pa 21-2
pa cChe - nava bhavat ashoka dala shayana saare
vilasa kucha kalasha tarala haare
kusumachayarachitashuchivaasagehe |
iha vilasa kusumasukumaaradehe || a pa 21-3
pa cChe - kusuma chaya rachita shuchi vaasa gehe
iha vilasa kusuma sukumaara dehe
calamalayavanapavanasurabhishiite |
vilasa madanasharanikarabhiite || a pa 21-4
pa cChe - cala malaya vana pavana surabhi shiite
iha vilasa madana shara nikara bhiite
vitatabahuvallinavapallavaghane |
vilasa chiramalasapiinajaghane || a pa 21-5
pa cChe - vitata bahu valli nava pallava ghane
vilasa chiram alasa piina jaghane
madhumuditamadhupakulakalitaraave |
vilasa kusumasharasarasabhaave || a pa 21-6
pa cChe - madhu mudita madhupa kula kalita raave
iha vilasa kusuma shara sarasa bhaave
madhutaralapikanikaraninadamukhare |
vilasa dashanaruchiruchirashikhare || a pa 21-7
pa cChe - madhu tarala pika nikara ninada mukhare
iha vilasa dashana ruchi ruchira shikhare
vihitapadmaavatiisukhasamaaje |
bhaNati jayadevakaviraaje || a pa 21-8
pa cChe - vihita padmaavatii sukha samaaje
bhaNati jayadeva kavi raaja raaje iha vilasa
tvaam chittenachiram vahannayamatishraanto bhR^isham taapitaH
kandarpeNa ca paatumichChati sudhaasa.mbaadhabi.mbaadharam |
asyaa.nkam tadala.nkuru kShaNamiha bhruukShepalakShmiilava
kriite daasevopasevitapadaa.mbhoje kutassa.mbhramaH || 11-5
pa cChe - tvaam chittena chiram vahan ayam ati shraa.ntaH bhR^isham taapitaH
ka.ndarpeNa ca paatum ichChati sudhaa sa.mbaadha bi.mba adharam
asya a.nkam tat ala.nkuru kShaNam iha bhruu kShepa lakShmii lava
kriite daasa iva upasevita pada a.mbhoje kutaH sa.mbhramaH
saa sasaadhvasasaana.ndam govinde lolalochanaa |
shi~Njaanama~Njuma~Njiiram pravivesha niveshanam || 11-6
pa cpa cChe - saa sa saadhvasa sa anandam govinde lola lochanaa
si.njaana ma.nju ma.njiiram pravivesha niveshanam
aSTa padi - 22 - saana.ndagovinda raaga shreNi kusuma aabharaNam
raadhaavadanavilokanavikasitavividhavikaaravibha~Ngam
jalanidhimiva vidhumaNDaladarshanataralitatu~Ngatara~Ngam |
harimekarasam chiramabhilaSitavilaasam
saa dadaarsha guruharSavasha.nvadavadanamana.nganivaasam |
hirim eka rasam - - - nivaasam - dhR^ivam || a pa 22-1
pa Che - raadhaa vadana vilokana vikasita vividha vikaara vibha.ngam
jala nidhim iva vidhu maNDala darshana taralita tu.nga tara.ngam
harim eka rasam chiram abhilaSita vilaasam
saa dadaarsha guru harSa vasha.nvada vadanam ana.nga nivaasam
haaramamalatarataaramurasi dadhatam parirabhya viduuram |
sphuTataraphenakadambakarambitamiva yamunaajalapuuram || a pa 22-2
shyaamalamR^idulakalevaramaNDalamadhigatagauradukuulam |
niilanalinamiva piitaparaagapaTalabharavalayitamuulam || a pa 22-3
pa cChe - shyaamala mR^idula kalevara maNDalam adhigata gaura dukuulam
niila nalinam iva piita paraaga paTala bhara valayita muulam
pa cChe - tarala dR^ik a.nchala chalana manohara vadana janita rati raagam sphuTa kamala udara khelita kha.njana yugam iva sharadi taDaagam
pa cChe - vadana kamala parishiilana milita mihira sama kuNDala shobham smita ruchi ruchira samullasita adhara pallava kR^ita rati lobham
pa cChe - shashi kiraNa chChurita udara jala dhara sundara sa kusuma kesham
timira udita vidhu maNdala nirmala malaya ja tilaka nivesham
pa cChe - vipula pulaka bhara danturitam rati keli kalaabhiH adhiiram
maNi gaNa kiraNa samuuha samujjvala bhuuSaNa subhaga shariiram
shriijayadevabhaNitavibhavadviguNiikR^itabhuuSaNabhaaram |
praNamata hR^idi suchiram vinidhaaya harim sukR^itodayasaaram || a pa 22-8
atikramyaapaa~Ngam shravaNapathaparyantagamana
prayaasenevaakShNostaralatarabhaavam gamitayoH |
idaaniim raadhaayaaH priyatamasamaalokasamaye
papaata svedaambuprasara iva harSaashrunikaraH || 11-7
bhajya.ntyaastalpaantam kR^itakapaTakaNDuutipihita
smitam yaate gehaadbahirapihitaaliiparijane |
priyaasyam pashyantyaaH smaraparavashaaakuutasubhagam
salajjaa lajjaa.api vyagamadiva duuram mR^igadR^ishaH || 11-8
saanandam nandasuunurdishatuparataram sammada.m mandamandam
raadhaamaadhaayabaahvorvivaramanudhR^iDham piiDayanpriiti |
yogaat tu~Ngautasyaa urojaavatanuvaratanornirgatau maasmabhuutaam
pR^iSTam nirbhidyatasmaadbahiritivalitagriivamaalokaya.ntaH || 11-9
pa cChe - sa aana.ndam na.nda suunuH dishatu para taram sammadam ma.nda ma.ndam raadhaam aadhaaya baahvoH vivaram anu dhR^iDham piiDayan priiti
yogaat tu.ngau tasyaa urojau atanu vara tanoH nirgatau maa smabhuutaam
pR^iSTam nirbhidya tasmaat bahiH iti valita griivam aalokayantaH
jayashriivinyastairmahita iva mandaarakusumaiH
svayam sinduureNadviparaNamudaamudrita iva |
bhujaapiiDa kriiDaahatakuvalayaapiiDakariNaH
prakiirNaasR^igbindurjayati bhujadaNDo murajitaH || 11-10
pa cChe - jayashrii vinyastaiH mahita iva mandaara sukumaiH
svayam sinduureNa dvipa raNa mudaa mudrita iva
bhuja piiDa kriiDa hata kuvalayaapiiDa kariNaH
prakiirNaa sR^ik binduH jayati bhuja daNDaH mura jitaH
saundaryaikanidherana~NgalalanaalaavaNyaliilaajuSaH
raadhaayaahR^idipalvalemanasijakriiDaikara~Ngasthale |
ramyorojasarojakhelanarasitvaadaatmanaH khyaapayan
dhyaaturmaanasaraajaha.msanibhataa.mdeyaanmuku.ndomudam || 11-11
pa cChe - saundarya eka nidheH ana.nga lalanaa laavaNya liilaa juSaH
raadhaayaaH hR^idi palvale manasi ja kriiDaa eka ra.nga sthale
ramya uroja saroja khelana rasitvaat aatmanaH khyaapayan
dhyaatuH maanasa raaja ha.msa nibhataam deyaat mukundaH mudam
iti giitagovinde saana.ndadaamodaro naama ekaadashaH sargaH
| Top of Page | 1 | a pa 20 | 2 | 3 |
| 4 | a pa 21 | 5 | 6 | a pa 22 |
| 7 | 8 | 9 | 10 | 11 |
| Previous Sarga | giirvaaNi | Next Sarga | ||
Dec, 2003, Desiraju Hanumanta Rao; Revised Nov 08