\engtitle{.. shrI shrI rAdhArasasudhAnidhiH ..}## \itxtitle{.. shrI shrI rAdhArasasudhAnidhiH ..}##\endtitles ## nindantaM pulakotkareNa vikasannIpaprasUnachChaviM prordhvIkR^itya bhujadvayaM hari harItyuchchairvadantaM muhuH | nR^ityantaM drutamashrunirjharachayaiH si~nchantamurvItalaM gAyantaM nijapArShadaiH parivR^itaM shrIgaurachandraM numaH || 1|| yasyAH kadApi vasanA~nchalakhelanottha dhanyAtidhanyapavanena kR^itArthamAnI | yogIndradurgamagatirmadhusUdano.api tasyA namo.astu vR^iShabhAnubhuvo dishe.api || 2|| brahmeshvarAdisudurUhapadAravinda shrImatparAgaparamAdbhutavaibhavAyAH | sarvArthasArarasavarShikR^ipArdradR^iShTes\- tasyA namo.astu vR^iShabhAnubhuvo mahimne || 3|| yo brahmarudrashukanAradabhIShmamukhyair\- AlakShito na sahasA puruShasya tasya | sadyovashIkaraNachUrNamanantashaktiM taM rAdhikAcharaNareNumanusmarAmi || 4|| AdhAya mUrdhani yad ApurudAragopyaH kAmyaM padaM priyaguNairapi pichChamauleH | bhAvotsavena bhajatAM rasakAmadhenuM taM rAdhikAcharaNareNumahaM smarAmi || 5|| divyapramodarasasAranijA~Ngasa~Nga pIyUShavIchinichayairabhiShechayantI | kandarpakoTisharamUrchChitanandasUnu sa~NjIvanI jayati kApi niku~njadevI || 6|| tan naH pratikShaNachamatkR^itachArulIlA lAvaNyamohanamahAmadhurA~Ngabha~Ngi | rAdhAnanaM hi madhurA~NgakalAnidhAnam AvirbhaviShyati kadA rasasindhusAram || 7|| yat ki~NkarIShu bahushaH khalu kAkuvANI nityaM parasya puruShasya shikhaNDamauleH | tasyAH kadA rasanidhervR^iShabhAnujAyAs\- tatkelikuNjabhuvanA~NgaNamArjanI syAm || 8|| vR^indAni sarvamahatAmapahAya dUrAd vR^indATavImanusara praNayena chetaH | sattAraNIkR^itasubhAvasudhArasaughaM rAdhAbhidhAnamiha divyanidhAnamasti || 9|| kenApi nAgaravareNa pade nipatya satprArthitaikaparirambharasotsavAyAH | sabhrUvibha~Ngamaitra~NganidheH kadA te shrIrAdhike nahi nahIti giraH shR^iNomi || 10|| yatpAdapadmanakhamaNichandrachChaTAyA visphUrjitaM kimapi gopavadhUsvadarshi | pUrNAnurAgarasasAgarasAramUrtiH sA rAdhikA mayi kadApi kR^ipAM karotu || 11|| ujjR^imbhamANarasavArinidhestara~Ngair\- a~Ngairiva praNayalolavilochanAyAH | tasyAH kadA nu bhavitA mayi puNyadR^iShTir\- vR^indATavInavaniku~njagR^ihAdhidevyAH || 12|| vR^indAvaneshvari tavaiva padAravindaM premAmR^itaikamakarandarasaughapUrNam | hR^idyarpitaM madhupateH smaratApamugraM nirvApayat paramashItalamAshrayAmi || 13|| rAdhAkarAvachitapallavavallarIke rAdhApadA~NkavilasanmadhurasthalIke | rAdhA yashomukharamattakhagAvalIke rAdhAvihAravipine ramatAM mano me || 14|| kR^iShNAmR^itaM chala vigADhumitIritAhaM tAvat sahasva rajanI sakhi yAvad eti | itthaM vihasya vR^iShabhAnusutAha lapsye mAnaM kadA rasadakelikadambajAtam || 15|| pAdA~NgulInihitadR^iShTimapatrapiShNuM dUrAd vIkShya rasikendramukhendubimbam | vIkShe chalatpadagatiM charitAbhirAmAM jha~NkAranUpuravatIM bata karhi rAdhAm || 16|| ujjAgaraM rasikanAgarasa~Ngara~NgaiH ku~njodare kR^itavatI nu mudA rajanyAm | susnApitA hi madhunaiva subhojitA tvaM rAdhe kadA svapiShi matkaralAlitA~Nghrim || 17|| vidagdhyasindhuranurAgarasaikasindhur\- vAtsalyasindhuratisAndrakR^ipaikasindhuH | lAvaNyasindhuramR^itachChavirUpasindhuH shrIrAdhikA sphuratu me hR^idi kelisindhuH || 18|| dR^iShTvaiva champakalateva chamatkR^itA~NgI veNudhvaniM kva cha nishamya cha vihvalA~NgI | sA shyAmasundaraguNairanulgIyamAnaiH prItA pariShvajatu mAM vR^iShabhAnuputrI || 19|| shrIrAdhike suratara~Ngi nitambabhAge kA~nchIkalApakalahaMsa kalAnulApaiH | ma~njIrashi~njitamadhuvratagu~njitA~Nghri pa~NkeruhaiH shishiraya svarasachChaTAbhiH || 20|| shrIrAdhike suratara~Ngi divyakeli kallolamAlini lasadvadanAravinde | shyAmAmR^itAmbunidhisa~NgamatIvravegi nyAvartanAbhiruchire mama sannidhehi || 21|| satpremasindhumakarandarasaughadhArA sArAn ajasramabhitaH sravadAshriteShu | shrIrAdhike tava kadA charaNAravindaM govindajIvanadhanaM shirasA vahAmi || 22|| sa~Nketaku~njamanu ku~njaramandagAmi nyAdAya divyamR^iduchandanagandhamAlyam | tvAM kAmakelirabhasena kadA chalantIM rAdhe.anuyAmi padavImupadarshayantI || 23|| gatvA kalindatanayAvijanAvatAram udvartayantyamR^itama~Ngamana~NgajIvam | shrIrAdhike tava kadA navanAgarendraM pashyAmi magnanayanaM sthitamuchchanIpe || 24|| satpremarAshisaraso vikasatsarojaM svAnandasIdhurasasindhuvivardhanendum | tachChrImukhaM kuTilakuntalabhR^i~NgajuShTaM shrIrAdhike tava kadA nu vilokayiShye || 25|| lAvaNyasArarasasArasukhaikasAre kAruNyasAramadhurachChavirUpasAre | vaidagdhyasAraratikelivilAsasAre rAdhAbhidhe mama mano.akhilasArasAre || 26|| chintAmaNiH praNamatAM vrajanAgarINAM chUDAmaNiH kulamaNirvR^iShabhAnunAmnaH | sA shyAmakAmavarashAntimaNirniku~nja bhUShAmaNirhR^idayasampUTasanmaNirnaH || 27|| ma~njusvabhAvamadhi kalpalatAniku~njaM vya~njantamadbhutakR^ipArasapu~njameva | premAmR^itAmbudhimagAdhamabAdhametaM rAdhAbhidhaM drutamupAshraya sAdhu chetaH || 28|| shrIrAdhikAM nijaviTena sahAlapantIM shoNAdharaprasR^imarachChavima~njarIkAm | sindUrasaMvalitamauktikapa~NktishobhAM yo bhAvayed dashanakundavatIM sa dhanyaH || 29|| pItAruNachChavimanantataDillatAbhAM prauDhAnurAgamadavihvalachArumUrtim | premAspadAM vrajamahIpatitanmahiShyor\- govindamanasi taM nidadhAmi rAdhAm || 30|| nirmAya chArumukuTaM navachandrakeNa gu~njAbhirArachitahAramupAharatI | vR^indATavI navaniku~njagR^ihAdhidevyAH shrIrAdhike tava kadA bhavatAsmi dAsI || 31|| sa~Nketaku~njamanupallavamAstarItuM tattatprasAdamabhitaH khalu saMvarItum | tvAM shyAmachandramabhisArayituM dhR^itAshe shrIrAdhike mayi vidhehi kR^ipAkaTAkSham || 32|| dUrAd apAsya svajanAn sukhamarthakoTiM sarveShu sAdhanavareShu chiraM nirAshaH | varShantameva sahajAdbhutasaukhyadhArAM shrIrAdhikAcharaNareNumahaM smarAmi || 33|| vR^indATavIprakaTamanmathakoTimUrteH kasyApi gokulakishoranishAkarasya | sarvasvasampuTamiva stanashAtakumbha kumbhadvayaM smara mano vR^iShabhAnuputryAH || 34|| sAndrAnurAgarasasArasaraHsarojaM kiM vA dvidhA mukulitaM mukhachandrabhAsA | tannUtanastanayugaM vR^iShabhAnujAyAH svAnandasIdhumakarandaghanaM smarAmi || 35|| krIDAsaraHkanakapa~NkajakuTmalAya svAnandapUrNarasakalpataroH phalAya | tasmai namo bhuvanamohanamohanAya shrIrAdhike tava navastanamaNDalAya || 36|| patrAvalIM rachayituM kuchayoH kapole bandhuM vichitrakavarIM navamallikAbhiH | a~NgaM cha bhUShayitumAbharaNairdhR^itAshe shrIrAdhike mayi vidhehi kR^ipAvalokam || 37|| shyAmeti sundaravareti manohareti kandarpakoTilaliteti sunAgareti | sotkaNThamahni gR^iNatI muhurAkulAkShI sA rAdhikA mayi kadA nu bhavet prasannA || 38|| veNuH karAn nipatitaH skhalitaM shikhaNDaM bhraShTaM cha pItavasanaM vrajarAjasUnoH | yasyAH kaTAkShasharaghAtavimUrchChitasya tAM rAdhikAM paricharAmi kadA rasena || 39|| tasyA apArarasasAravilAsamUrter\- AnandakandaparamAdbhutasaumyalakShmyAH | brahmAdidurgamagatervR^iShabhAnujAyAH kai~Nkaryameva mama janmani janmani syAt || 40|| pUrNAnurAgarasamUrtitaDillatAbhaM jyotiH paraM bhagavato ratimadrahasyam | yat prAdurasti kR^ipayA vR^iShabhAnugehe syAt ki~NkarI bhavitumeva mamAbhilAShaH || 41|| premollasadrasavilAsavikAshakandaM govindalochanavitR^iptachakorapeyam | si~nchantamadbhutarasAmR^itachandriirkaughaiH shrIrAdhikAvadanachandramahaM smarAmi || 42|| sa~Nketaku~njanilaye mR^idupallavena kL^ipte kadApi navasa~NgabhayatrapADhyAm | atyAgraheNa kavavAriruhe grhItvA neShye viTendrashayane vR^iShabhAnuputrIm || 43|| sugandhamAlyanavachandralava~Ngasa~Nga tAmbUlasampuTamadhIshvari mAM vahantIm | shyAmaM tamunmadarasAd abhisaMsarantI shrIrAdhike karuNayAnucharIM vidhehi || 44|| shrIrAdhike tava navodgamachAruvR^itta vakShojameva mukuladvayalobhanIyam | shroNIM dadhadrasaguNairupachIyamAnaM kaishorakaM jayati mohanachittachauram || 45|| saMlApamuchChaladana~Ngatara~NgamAlA sa~NkShobhitena vapuShA vrajanAgareNa | pratyakSharaM kSharadapArarasAmR^itAbdhiM shrIrAdhike tava kadAn nu shR^iNomyadUrAt || 46|| a~Nkasthite.api dayite kimapi pralApaM hA mohaneti madhuraM vidadhatyakasmAt | shyAmAnurAga madavihvalamohanA~NgI shyAmAmaNirjayati kApi niku~njasImni || 47|| ku~njAntare kimapi jAtarasotsavAyAH shrutvA tadAlApitashi~NjitamishritAni | shrIrAdhike tava rahaHparichArikAhaM dvArasthitA rasahrade patitA kadA syAm || 48|| vINAM kare madhumatIM madhurasvarAM tAm AdhAya nAgarashiromaNibhAvalIlAm | gAyantyaho dinamapAramivAshruvarShair\- duHkhAn nayantyahaha sA hR^idi me.astu rAdhA || 49|| anyonyahAsaparihAsavilAsakelI vaichitryajR^imbhitamahArasavaibhavena | vR^indAvane vilasatApahR^itaM vidagdha dvandvena kenachid aho hR^idayaM madIyam || 50|| mahApremonmIlannavarasasudhAsindhulaharI parIvArairvishvaM snapayad iva netrAntanaTanaiH | taDinmAlAgauraM kimapi navakaichoramadhuraM purandhrINAM chuDAbharaNanavaratnaM vijayate || 51|| amandapremA~NkashlathasakalanirbandhahR^idayaM dayApAraM divyachChavimadhuralAvaNyalalitam | alakShyaM rAdhAkhyaM nikhilanigamairapyatitarAM rasAmbhodheH sAraM kimapi sukumAraM vijayate || 52|| dukUlaM bibhrANamatha kuchataTe ka~nchukapaTaM prasAdaM svAminyAH svakarataladattaM praNayataH | sthitAM nityaM pArshve vividhaparicharyaikachaturAM kishorImAtmAnaM kimiha sukumArIM nu kalaye || 53|| vichinvantI keshAn kvachana karajaiH ka~nchukapaTaM kva chApyAmu~nchantI kuchakanakadIvyatkalashayoH | sugulphe nyasyantI kvachana maNima~njIrayugalaM kadA syAM shrIrAdhe tava suparichAriNyahamaho || 54|| atisnehAd uchchairapi cha harinAmAni gR^iNatas\- tathA saugandhAdyairbahubhirupachAraishcha yajataH | parAnandaM vR^indAvanamanucharantaM cha dadhato mano me rAdhAyAH padamR^idulapadme nivasatu || 55|| nijaprANaishvaryA yad api dayanIyenyamiti mAM muhushchumbatyAli~NgatisuratamAdhvyA madayati | vichitrAM snehardhiM rachayati tathApyadbhutagates\- tavaiva shrIrAdhe padarasavilAse mama manaH || 56|| prItiM kAmapi nAmamAtrajanitaproddAmaromodgamAM rAdhAmAdhavayoH sadaiva bhajatoH kaumAra evojjvalAm | vR^indAraNyanavaprasUnanichayAn AnIya ku~njAntare gUDhaM shaishavakhelanairbata kadA kAryo vivAhotsvaH || 57|| vipa~nchitasupa~nchamaM ruchiraveNunA gAyatA priyeNa saha vINayA madhuragAnavidyAnidhiH | karIndravanasammilanmadakariNyudArakramA kadA nu vR^iShabhAnujA milatu bhAnujArodhasi || 58|| sahAsavaramohanAdbhutavilAsarasotsave vichitravaratANDavashramajalArdragaNDasthalau | kadA nu varanAgarIrasikashekharau tau mudA bhajAmi padalAlanAl lalitavIjanaM kurvatI || 59|| vR^indAraNyaniku~njama~njulagR^iheSh AtmeshvarIM mArgayan hA rAdhe savidagdhadarshitapathaM kiM yAsi netyAlapan | kAlindIsalile cha tatkuchataTIkastUrikApa~Nkile snAyaM snAyamaho kudehajamalaM jahyAM kadA nirmalaH || 60|| pAdasparsharasotsavaM praNatibhirgovindamindIvara shyAmaM prArthayituM suma~njularahaHku~njAMshcha sammArjitum | mAlAchandanagandhapUrarasavattAmbUlasatpAnakAny AdAtuM cha rasaikadAyini tava preShyA kadA syAmaham || 61|| lAvaNyAmR^itavArtayA jagad idaM samplAvayantI sharad rAkAchandramanantameva vadanajyotsnAbhirAtanvatI | shrIvR^indAvanaku~njama~njugR^ihiNI kApyasti tuchChAmaho kurvANAkhilasAdhyasAdhanakathAM dattvA svadAsyotsavam || 62|| dR^iShTyA yatra kvachana vihitAmreDane nandasUnoH pratyAkhyAnachChalata uditodArasa~NketadeshA | dhUrtendra tvadbhayamupagatA sA raho nIpavATyAM naikA gachChet kitava kR^itamityAdishet karhi rAdhA || 63|| sA bhrUnartanachAturI nirupamA sA chArunetrA~nchale lIlAkhelanachAturI varatanostAdR^igvacho chAturI | sa~NketAgama chAturI navanavakrIDAkalA chAturI rAdhAyA jayatAt sakhIjanaparIhAsotsave chAturI || 64|| unmIlanmithunAnurAgagarimodArasphuranmAdhurI dhArAsAradhurINadivyalalitAna~NgotsavaiH khelatoH | rAdhAmAdhavayoH paraM bhavatu nashchitte chirArtispR^ishoH kaumAre navakelishilpalaharIshikShAdidIkShArasaH || 65|| kadA vA khelantau vrajanagaravIthiShu hR^idayaM harantau shrIrAdhAvrajapatikumArau sukR^itinaH | akasmAt kaumAre prakaTanavakaishoravibhavau prapashyan pUrNaH syAM rahasi parihAsAdiniratau || 66|| dhammillaM te navaparimalairullasatphullamallI mAlaM bhAlasthalamapi lasatsAndrasindUrabindu | dIrghApA~NgachChavimanupamAM chAruchandrAMshuhAsaM premollAsaM tava tu kuchayordvandvamantaH smarAmi || 67|| lakShmIkoTIvilakShalakShaNalasallIlAkishorIshatair\- ArAdhyaM vrajamaNDale.atimadhuraM rAdhAbhidhAnaM param | jyotiH ki~nchana si~nchadujjvala rasaprAgbhAvamAvirbhavad rAdhe chetasi bhUribhAgyavibhavaiH kasyApyaho jR^imbhate || 68|| tajjIyAn navayauvanodayamahAlAvaNyalIlAmayaM sAndrAnandaghanAnurAgaghaTitashrImUrtisammohanam | vR^indAraNyaniku~njakelilalitaM kAshmIragaurachChavi shrIgovinda iva vrajendragR^ihiNIpremaikapAtraM mahaH || 69|| premAnandarasaikavAridhimahAkalllolamAlAkulA vyAlolAruNalochanA~nchalachamatkAreNa sa~nchinvatI | ki~nchit kelikalAmahotsavamaho vR^indATavImandire nandatyadbhutakAmavaibhavamayI rAdhA jaganmohinI || 70|| vR^indAraNyaniku~njasImani navapremAnubhAvabhramad bhrUbha~NgIlavamohitavrajamaNirbhaktaikachintAmaNiH | sAndrAnandarasAmR^itasravamaNiH proddAmavidyullatA koTijyotirudeti kvApi ramaNIchuDAmaNirmohinI || 71|| lIlApA~Ngatara~Ngitairudabhavann ekaikashaH koTishaH kandarpAH purudarpaTa~NkR^itamahAkodaNDavisphAriNaH | tAruNyaprathamapraveshasamaye yasyA mahAmAdhurI dhArAnantachamatkR^itA bhavatu naH shrIrAdhikA svAminI || 72|| yatpAdAmburuhaikareNukaNikA M mUrdhnA nidhAtuM nahi prApurbrahmashivAdayo.apyadhikR^itiM gopyekabhAvAshrayaH | sApi premasudhArasAmbunidhI rAdhApi sAdhAraNI bhUtA kAlagatikrameNa balinA he daiva tubhyaM namaH || 73|| dUre snighdhaparamparA vijayatAM dUre suhR^inmaNDalI bhR^ityAH santu vidUrato vrajapateranyaH prasa~NgaH kutaH | yatra shrIvR^iShabhAnujA kR^itaratiH ku~njodare kAminA dvArasthA priyaki~NkarI paramahaM shroShyAmi kA~nchidhvanim || 74|| gaurA~Nge mradimA smite madhurimA netrA~nchale drAghimA vakShoje garimA tathaiva tanimA madhye gatau mandimA | shroNyAM cha prathimA bhuvoH kuTilimA bimbAdhare shoNimA shrIrAdhe hR^idi te rasena jaDimA dhyAne.astu me gocharaH || 75|| prAtaH pItapaTaM kadA vyapanayAmyanyAMshukasyArpaNAt ku~nje vismR^itaka~nchukImapi samAnetuM pradhAvAmi vA | badhnIyAM kavarIM yunajmi galitAM muktAvalIma~njaye netre nAgari ra~Ngakaishcha pidadh Amya~NgavraNaM vA kadA || 76|| yad vR^indAvanamAtragocharamaho yan na shrutIkaM shiro.apy AroDhuM kShamate na yachChivashukAdInAM tu yad dhyAnagam | yat premAmR^itamAdhurIrasamayaM yan nityakaishorakaM tad rUpaM pariveShTrameva nayanaM lolAyamAnaM mama || 77|| dharmAdyarthachatuShTayaM vijayatAM kiM tad vR^ithAvArtayA saikAnteshvarabhaktiyogapadavI tvAropitA mUrdhani | yA vR^indAvanasImni kAchana ghanAshcharyA kishorImaNis\- tatkai~NkaryarasAmR^itAd iha paraM chitte na me rochate || 78|| premNaH sanmadhurojjvalasya hR^idayaM shR^i~NgAralIlAkalA vaichitrIparmAvadhirbhagavataH pUjyaiva kApIshatA | IshAnI cha shachI mahAsukhatanuH shaktiH svatantrA parA shrIvR^indAvananAthapaTTamahiShI rAdhaiva sevyA mama || 79|| rAdhAdAsyamapAsya yaH prayatate govindasa~NgAshayA so.ayaM pUrNasudhArucheH parichayaM rAkAM vinA kA~NkShati | kiM cha shyAmaratipravAhalaharIbIjaM na me tAM viduH te prApyApi mahAmR^itAmbudhimaho binduM paraM prApnuyuH || 80|| kaishorAdbhutamAdhurIbharadhurINA~NgachChaviM rAdhikAM premollAsabharAdhikAM niravadhi dhyAyanti ye taddhiyaH | tyaktAH karmabhirAtmanaiva bhagavaddharme.apyaho nirmamAH sarvAshcharyagatiM gatA rasamayIM tebhyo mahadbhyo namaH || 81|| likhanti bhujamUlato na khalu sha~NkhachakrAdikaM vichitraharimandiraM na rachayanti bhAlasthale | lasattulasimAlikAM dadhati kaNThapIThe na vA gurorbhajanavikramAt ka iha te mahAbuddhayaH || 82|| karmANi shrutibodhitAni nitarAM kurvantu kurvantu mA gUDhAshcharyarasAH sragAdiviShayAn gR^ihNantu mu~nchantu vA | kairvA bhAva rahasyapAragamatiH shrIrAdhikApreyasaH ki~nchijj~nairanuyujyatAM bahiraho bhrAmyadbhiranyairapi || 83|| alaM viShayavArtayA narakakoTibIbhatsayA vR^ithA shrutikathAshramo bata bibhemi kaivalyataH | pareshabhajanonmadA yadi shukAdayaH kiM tataH paraM tu mama rAdhikApadarase mano majjatu || 84|| tat saundaryaM sa cha navanavo yauvanashrIpraveshaH sA dR^igbha~NgI sa cha rasaghanAshcharyavakShojakumbhaH | so.ayaM bimbAdharamadhurimA tat smitaM sA cha vANI seyaM lIlAgatirapi na vismaryate rAdhikAyAH || 85|| yal lakShmIshukanAradAdiparamAshcharyAnurAgotsavaiH prAptaM tvatkR^ipayaiva hi vrajabhR^itAM tattatkishorIgaNaiH | tatkai~NkaryamanukShaNAdbhutarasaM prAptuM dhR^itAshe mayi shrIrAdhe navaku~njanAgari kR^ipAdR^iShTiM kadA dAsyasi || 86|| labdhvA dAsyaM tadatikR^ipayA mohanasvAditena saundaryashrIpadakamalayorlAlanaiH svApitAyAH | shrIrAdhAyA madhuramadhurochChiShTapIyUShasAraM bhojaM bhojaM navanavarasAnandamagnAH kadA syAm || 87|| yadi snehAd rAdhe dishasi ratilAmpaTyapadavIM gataM me svapreShThaM tad api mama niShThAM shR^iNu yathA | kaTAkShairAloke smitasahacharairjAtapulakaM samAshliShyAmyuchchairatha cha rasaye tvatpadarasam || 88|| kR^iShNaH pakSho navakuvalayaM kR^iShNasArastamAlo nIlAmbhodastava ruchipadaM nAmarUpaishcha kR^iShNA | kR^iShNe kasmAt tava vimukhatA mohanashyAmamUrtAv ityuktvA tvAM prahasitamukhIM kiM nu pashyAmi rAdhe || 89|| lIlApA~Ngatara~Ngitairiva disho nIlotpalashyAmalA dohAyatkanakAdrimaNDalamiva vyoma stanaistanvatIm | utphullasthalapa~NkajAmiva bhuvaM rAse padanyAsataH shrIrAdhAmanudhAvatIM vrajakishorINAM ghaTAM bhAvaye || 90|| dR^ishau tvayi rasAmbudhau madhuramInavad bhrAmyataH stanau tvayi sudhAsarasyahaha chakravAkAviva | mukhaM suratara~NgiNi tvayi vikAsi hemAmbujaM milantu mayi rAdhike tava kR^ipAtara~NgachChaTAH || 91|| kAntADhyAshcharyakAntA kulamaNikamalA koTIkAmyaikapAdA mbhojabhrAjannakhenduchChavilavavibhavA kApyagamyA kishorI | unmaryAdapravR^iddhapraNayarasamahAmbhodhigambhIralIlA mAdhuryojjR^imbhitA~NgI mayi kimap i kR^ipAra~Ngama~NgIkarotu || 92|| kalindagirinandinIpulinamAlatImandire praviShTavanamAlinA lalitakelilolIkR^ite | pratikShaNachamatkR^itAdbhutarasaikalIlAnidhe nidhehi mayi rAdhike nijakR^ipAtara~NgachChaTAm || 93|| yasyAste bata ki~NkarIShu bahushashchATUni vR^indATavI kandarpaH kurute tavaiva kimapi prepsuH prasAdotsavam | sAndrAnandaghanAnurAgalaharInisyandapAdAmbuja dvandve shrIvR^iShabhAnunandini sadA vande tava shrIpadam || 94|| yajjApaH sakR^id eva gokulapaterAkarShkastatkShaNAd yatra premavatAM samastapUruShArtheShu sphuret tuchChatA | yannAmA~NkitamantrajApanaparaH prItyA svayaM mAdhavaH shrIkR^iShNo.api tad adbhutaM sphuratu me rAdheti varNadvayam || 95|| kAlindItaTaku~njaramandiragato yogIndravad yatpada jyotirdhyAnaparaH sadA japati yAM premAshrupUrNo hariH | kenApyadbhutamullasadratirasAnandena sammohitaH sA rAdheti sadA hR^idi sphuratu me vidyA parA dvyakSharA || 96|| devAnAmatha bhaktamuktasuhR^idAmatyantadUraM cha yat premAnandarasaM mahAsukhakaraM chochchAritaM premataH | premNAkarNayate japatyatha mudA gAyatyathAliShvayaM jalpatyashrumukho haristadamR^itaM rAdheti me jIvanam || 97|| yA vArAdhayati priyaM vrajamaNiM prauDhAnurAgotsavaiH saMsidhyanti yadAshrayeNa hi paraM govindasakhyutsukAH | yat siddhiH paramApadaikarasavatyArAdhanAnte nu sA shrIrAdhA shrutimaulishekharalatA nAmnI mama prIyatAm || 98|| gAtre koTitaDichChavi pravitatAnandachChavi shrImukhe bimbauShThe navavidrumachChavi kare satpallavaikachChavi | hemAmbhoruhakuDmalachChavi kuchadvandve.aravindekShaNaM vande tannavaku~njakelimadhuraM rAdhAbhidhAnaM mahaH || 99|| muktApa~NktipratimadashanA chArubimbAdharauShThI madhye kShAmA navanavarasAvartagambhIranAbhiH | pInashroNistaruNimasamunmeShalAvaNyasindhur\- vaidagdhInAM kimapi hR^idayaM nAgarI pAtu rAdhA || 100|| snigdhAku~nchitanIlakeshi vidaladbimboShThichandrAnane khelatkha~njanaga~njanAkShi ruchimannAsAgramuktAphale | pInashroNi tanUdari stanataTIvR^ittachChaTAtyadbhute shrIrAdhe bhuja vallichAruvalaye svaM rUpamAviShkuru || 101|| lajjAntaHpaTamArachayya rachitasmAyaprasUnA~njalau rAdhA~Nge navara~NgadhAmni lalitaprastAvena yauvane | shroNIhemavarAsane smaranR^ipeNAdhyAsite mohanaM lIlApA~NgavichitratANDavakalApANDityamunmIlati || 102|| sA lAvaNyachamatkR^itirnavavayo rUpaM cha tanmohanaM tattatkelikalAvilAsalaharIchAturyamAshcharyabhUH | no ki~nchit kR^itameva yatra na nutirnAgo na vA sambhramo rAdhAmAdhavayoH sa ko.api sahajaH premotsavaH pAtu vaH || 103|| yeShAM prekShAM vitarati navodAragADhAnurAgAn meghashyAmo madhuramadhurAnandamUrtirmukundaH | vR^indATavyAM sumahimachamatkArakArINyaho kiM tAni prekShe.adbhutarasanidhAnAni rAdhApadAni || 104|| balAn nItvA talpe kimapi parirabhyAdharasudhAM nipIya prollikhya prakharanakhareNa stanabharam | tato nIvIM nyaste rasikamaNinA tvatkaradhR^ite kadA ku~njachChidre bhavatu mama rAdhe.anunayanam || 105|| karaM te patrAliM kimapi kuchayoH kartumuchitaM padaM te ku~njeShu priyamabhisarantyA abhisR^itau | dR^ishau ku~njachChidraistava nibhR^itakeliM kalayituM yadA vIkShe rAdhe tad api bhavitA kiM shubhadinam || 106|| rahogoShThIM shrotuM tava nijaviTendreNa lalitAM kare dhR^itvA tvAM vA navaramaNatalpe ghaTayitum | ratAmardasrastaM kachabharamatho saMyamayituM vidadhyAH shrIrAdhe mama kimadhikArotsavarasam || 107|| vR^indATavyAM navanavarasAnandapu~nje niku~nje gu~njadbhR^i~NgIkulamukharite ma~njuma~njuprahAsaiH | anyonyakShepaNanichayanaprAptasa~NgopanAdyaiH krIDajjIyAd rasikamithunaM kL^iptakelIkadambam || 108|| rUpaM shAradachandrakoTivadane dhammillamallIsrajAm AmodairvikalIkR^itAlipaTale rAdhe kadA te.adbhutam | graiveyojjvalakambukaNThi mR^idudorvallIchalatka~NkaNe vIkShe paTTadukulavAsini ra Nanma~njIrapAdAmbuje || 109|| ito bhayamitastrapAkulamito yashaH shrIrito hinastyakhilashR^i~NkhalAmapi sakhInivAsastvayA | sagadgadamudIritaM subahumohanAkA~NkShayA kathaM kathamayIshvari prahasitaiH kadA mreDyase || 110|| shyAme chATurutAni kurvati sahAlApAn praNtrI mayA gR^ihNAne cha dukUlapallavamaho hu~NkR^itya mAM drakShyasi | bibhrANe bhujavallImullasitayA romasrajAla~NkR^itAt dR^iShTvA tvAM rasalInamUrtimatha kiM pashyAmi hAsyaM tataH || 111|| aho rasikashekharaH sphurati ko.api vR^indATavI niku~njanavanAgarIkuchakishorakelipriyaH | karotu sa kR^ipAM sakhIprakaTapUrNanatyutsavo nijapryatamApade rasamaye.adhad yaH shiraH || 112|| vichitravarabhUShaNojjvaladukUlasatka~nchukaiH sakhIbhiriti bhUShitA tilakagandhamAlyairapi | svayaM cha sakalAkalAsu kushalIkR^itA naH kadA surAsamadhurotsave kimapi veshayet svAminI || 113|| kadA sumaNiki~NkiNIvalayanUpuraprollasan mahAmadhuramaNDalAdbhutavilAsarAsotsave | api praNayino bR^ihadbhujagR^ihItakaNThyo vayaM paraM nijaraseshvarIcharaNalakShma vIkShAmahe || 114|| yad govindakathAsudhArasahrade cheto mayA jR^imbhitaM yad vA tadguNakIrtanArchanavibhUShAdyairdinaM prApitam | yad yat prItirakAi tatpriyajaneShvAtyantikI tena me gopendrAtmajajIvanapraNayinI shrIrAdhikA tuShyatu || 115|| raho dAsyaM tasyAH kimapi vR^iShabhAnorvrajavar\- yasaH putryAH pUrNapraNayarasamUrteryadi labhe | tadA naH kiM dharmaiH kimu suragaNaiH kiM cha vidhinA kimIshena shyAmapriyamilanayatnairapi cha kim || 116|| chandrAsye hariNAkShi devi sunase shoNAdhare susmite chillakShmIbhujavalli kamburuchiragrIve girIndrastani | bhajyanmadhyabR^ihannitambakadalIkhaNDorupAdAmbuja pronmIlannakhachandramaNDali kadA rAdhe mayArAdhyase || 117|| rAdhApAdasarojabhaktimachalAmudvIkShya niShkaitavAM prItaH svaM bhajato.api nirbharamahApremAdhikaM sarvashaH | Ali~Ngatyatha chumbati svavadanAt tAmbulamAsye.arpayet kaNThe svAM vanamAlikAmapi mama nyasyet kadA mohanaH || 118|| lAvaNyaM paramAdbhutaM ratikalAchAturyamatyadbhutaM kAntiH kApi mahAdbhutA varatanorlIlAgatishchAdbhutA | dR^igbha~NgI punaradbhutAdbhutatamA yasyAH smitaM chAdbhutaM sA rAdhAdbhutamUrtiradbhutarasaM dAsyaM kadA dAsyati || 119|| bhramadbhrUkuTisundaraM sphuritachArubimbAdharaM grahe madhurahu~NkR^itaM praNayakelikopAkulam | mahArasikamaulinA sabhayakautukaM vIkShitaM smarAmi tava rAdhike ratikalAsukhaM shrImukham || 120|| unmIlanmukuTachChaTAparilasaddikchakravAlaM sphurat keyUrA~NgadahAraka~NkaNaghaTAnirdhUtaratnachChavi | shroNImaNDalaki~NkiNIkalaravaM ma~njIrama~njudhvani shrImatpAdasaroruhaM bhaja mano rAdhAbhidhAnaM mahaH || 121|| shyAmAmaNDalamaulimaNDanamaNiH shyAmAnurAgasphurad romodbhedavibhAvitAkR^itiraho kAshmIragaurachChaviH | sAtIvonmadakAmakelitaralA mAM pAtu mandasmitA mandAradrumaku~njamandiragatA govindapaTTeshvarI || 122|| upAsyacharaNAmbuje vrajabhR^itAM kishorIgaNair\- mahadbhirapi puruShairaparibhAvyabhAvotsave | agAdharasadhAmaNi svapAdapadmasevAvidhau vidhehi madhurojjvalAmiva kR^itiM mamAdhishvari || 123|| AnamrAnanachandramIritadR^igApA~NgachChaTAmantharaM ki~nchid darshishiro.avaguNThanapaTaM lIlAvilAsAvadhim | unnIyAlakama~njarIH kararuhairAlakShya sannAgara syA~Nge.a~NgaM tava rAdhike sachakitAlokaM kadA lokaye || 124|| rAkAchandro varAko yadanupamarasAnandakandAnandendos\- tattAdR^ikchandrikAyA api kimapi kaNAmAtra kasyANuto.api | yasyAH shoNAdharashrIvidhR^itan avasudhAmAdhurIsArasindhuH sA rAdhA kAmabAdhAvidhuramadhupatiprANadA prIyatAM naH || 125|| rAkAnekavichitrachandra uditaH premAmR^itajyotiShAM vIchIbhiH paripUrayed agaNitabrahmANDakoTiM yadi | vR^indAraNyaniku~njasImaNi tadAbhAsaH paraM lakShyase bhAvenaiva yadA tadaiva tulaye rAdhe tava shrImukham || 126|| kAlindIkUlakalpadrumatala nilayaprollasatkelikandA vR^indATavyAM sadaiva prakaTatararahovallavIbhAvabhavyA | bhaktAnAM hR^itsaroje madhurar\- asasudhAsyandipAdAravindA sAndrAnandAkR^itirnaH sphuratu navanavapremalakShmIramandA || 127|| shuddhapremaikalIlAnidhirahaha mahAta~Nkama~Nkasthite cha preShThe bibhratyadabhrasphurada tulakR^ipAsnehamAdhuryamUrtiH | prANAlIkoTinIrAjitapadasuShamAmAdhurI mAdhavena shrIrAdhA mAmagAdhAmR^itarasabharite karhi dAsye.abhiShi~nchet || 128|| vR^indAraNyaniku~njasImasu sadA svAna~Ngara~Ngotsavair\- mAdyantyadbhutamAdhavAdharasudhAmAdhvIkasaMvAdanaiH | govindapriyavargadurgamasakhIvR^indairanAlakShitA dAsyaM dAsyati me kadA nu kR^ipayA vR^indAvanAdhIshvarI || 129|| mallIdAmanibaddhachArukavaraM sindUrarekhollasat sImantaM navaratnachitratilakaM gaNDollasatkuNDalam | niShkagrIvamudArahAramaruNaM bibhraddukUlaM navaM vidyutkoTinibhaM smarotsavamayaM rAdhAkhyamIkShe mahaH || 130|| premollAsaikasImA paramarasachamaktkAravaichitryasImA saundaryasImA kimapi navavayorUpalAvaNyasImA | lIlAmAdhuryasImA nijajanaparamaudAryavAtsalyasImA sA rAdhA saukhyasImA jayati ratikalAkelimAdhuryasImA || 131|| yasyAstatsukumArasundarapadonmIlannakhenduchChaTA lAvaNyaikalavopajIvisakalashyAmAmaNimaNDalam | shuddhapremavilAsamUrtiradhikonmIlanmahAmAdhurI dhArAsAradhurINakelivibhavA sA rAdhikA me gatiH || 132|| kalindagirinandinIsalilabindusandohabhR^in mR^idUdgatiratishramaM mithunamadbhutakrIDayA | amandarasatundilaM bhramaravR^indavR^indATavI niku~njavaramandire kimapi sundaraM nandati || 133|| vyAkoshendIvaravikasitAmandahemAravindaM shrImannisyandanaratirasAndolakandarpakeli | vR^indAraNye navarasasudhAsyandipAdAravindaM jyotirdvandvaM kimapi paramAnandakandaM chakAsti || 134|| tAmbUlaM kvachid arpayAmi charaNau saMvAhayAmi kvachin mAlAdyaiH parimaNDaye kvachid aho saMvIjayAmi kvachit | karpUrAdisuvAsitaM kva cha punaH susvAdu chAmbho.amR^itaM pAyAmyeva gR^ihe kadA khalu bhaje shrIrAdhikAmAdhavau || 135|| pratya~NgochChaladujjvalAmR^itarasapremaikapUrNAmbudhir\- lAvaNyaikasudhAnidhiH purukR^ipAvAtsalyasArAmbudhiH | tAruNyaprathamapraveshavilasanmAdhuryasAmrAjyabhUr\- guptaH ko.api mahAnidhirvijayate rAdhArasaikAvadhiH || 136|| yasyAH sphUrjatpadanakha maNijyotirekachChaTAyAH sAndrapremAmR^itarasamahAsindhukoTirvilAsaH | sA ched rAdhA rachayati kR^ipAdR^iShTipAtaM kadAchin muktistuchChIbhavati bahushaH prAkR^itAprAkR^itashrIH || 137|| kadA vR^indAraNye madhuramadhurAnandarasade priyeshvaryAH kelibhavananavaku~njAni mR^igaye | kadA shrIrAdhAyAH padakamalamAdhvIkalaharI parIvAhaishcheto madhukaramadhIraM madayitA || 138|| rAdhAkeliniku~njavIthiShu charan rAdhAbhidhAmuchcharan rAdhAyA anurUpameva paramaM dharmaM raasenAcharan | rAdhAyAshcharaNAmbujaM paricharan nAnopachArairmudA karhi syAM shrutishekharopari charann AshcharyacharyAM charan || 139|| yAtAyAtashatena sa~Ngamitayoranyonyavaktrollasach chandrAlokanasamprabhUtabahulAna~NgAmbudhiksobhayoH | antaHku~njakuTIratalpaga tayordivyAdbhutakrIDayo rAdhAmAdhavayoH kadA nu shR^iNuyAt ma~njIrakA~nchIdhvanim || 140|| aho bhuvanamohanaM madhuramAdhavImaNDape madhUtsavasamutsakaM kimapi nIlapItachChavi | vidagdhamithunaM mithodR^iDhatarAnurAgollasan madaM madayate kadA chirataraM madIyaM manaH || 141|| rAdhAnAmasudhArasaM rasayituM jihvAstu me vihvalA pAdau tatpadakA~NkitAsu charatAM vR^indATavIvIthiShu | tatkarmaiva karaH karotu hR^idayaM tasyAH padaM dhyAyatAM tadbhAvotsavataH paraM bhavatu me tatprANanAthe ratiH || 142|| mandIkR^itya mukundasundarapadadvandvAravindAmala premAnandamamandamindutilakAdyunmAdakandaM param | rAdhAkelikathArasAmbudhichaladvIchibhirAndolitaM vR^indAraNyaniku~njamandiravarAlinde mano nandatu || 143|| rAdhAnAmaiva kAryaM hyanudinamilitaM sAdhanAdhIshakoTis\- tyAjyA nIrAjya rAdhApadakamalasudhAM satpumarthAgrakoTiH | rAdhApAdAbjalIlAbhuvi jayati sadA.amandamandArakoTiH shrIrAdhAki%IikarINAM luThati charaN ayoradbhutA siddhikoTiH || 144|| mithobha~NgIkoTipravahadanurAgAmR^itaraso ttara~NgadbhrUbha~NgakShubhitabahirabhyantaramaho | madAghUrNannetraM rachayati vichitraM ratikalA vilAsaM tatku~nje jayati navakaishoramithunam || 145|| kAchid vR^indAvananavalatAmandire nandasUnor\- dR^ipyaddoShkandaladR^iDhapa rIrambhanispandagAtrI | divyAnantAdbhutarasakalAH kapayantyAvirAste sAndrAnandAmR^itarasaghanapremamUrtiH kishorI || 146|| na jAnIte lokaM na cha nigamajAtaM kulapara sparAM vA no jAnAtyahaha na satAM chApi charitam | rasaM rAdhAyAmAbhajati kila bhAvaM vrajamaNau rahasye tad yasya sthitirapi na sAdhAraNagatiH || 147|| brahmAnandaikavAdAH katichana bhagavadvandanAnandamattAH kechid govindasakhyAdyanupamaparamAnandamanye svadante | shrIrAdhAki~NkarINAM tvakhilasukhachamatkArasAraikasImA tatpAdAmbhojarAjannakhamaNiv ilasajjyotirekachChaTApi || 148|| na devairbrahmAdyairna khalu haribhaktairna suhR^idA dibhiryad vai rAdhAmadhupatirahasyaM suviditam | tayordAsIbhUtvA tadupachitakelIrasamaye durantAH pratyAshA hari hari dR^ishorgocharayitum || 149|| tvayi shyAme nityapraNayini vidagdhe rasanidhau priye bhUyo bhUyaH sudR^iDhamatirAgo bhavatu me | iti preShThenoktA ramaNa mama chitte tava vacho vadantIti smerA mama manasi rAdhA vilasatu || 150|| sadAnandaM vR^indAvananavalatAmandiravareShv amandaiH kandarponmadaratikalAkautukarasam | kishoraM tajjyotiryugalamatighoraM mama bhavaM jvalajjvAlaM shItaiH svapadamakarandaiH shamayatu || 151|| unmIlannavamallidAmavilasaddhammillabhAve bR^ihach ChroNImaNDalamekhalAkalarave shi~njatsuma~njIriNi | keyUrA~Ngadaka~NkaNAvalilasaddorvallidIptichChaTe hemAmbhoruhakuTmalastani kadA rAdhe dR^ishA pIyase || 152|| amaryAdonmIlatsuratarasapIyUShajaladhes\- tara~Ngairutta~Ngairiva kimapi dolAyitatanuH | sphurantI preyo.a~Nke sphuTakanakapa~NkeruhamukhI sakhInAM no rAdhe nayanasukhamAdhAsyasi kadA || 153|| kSharantIva pratyakSharamanupamapremajaladhiM sudhAdhArAvR^iShTIriva vidadhatI shrotrapuTayoH | rasArdrA sanmR^idvI paramasukhadA shItalatarA bhavitrI kiM rAdhe tava saha mayA kApi sukathA || 154|| anullikhyAnantAn api sadaparAdhAn madhupatir\- mahApremAviShTastava paramadeyaM vimR^ishati | tavaikaM shrIrAdhe gR^iNata iha nAmAmR^itarasaM mahimnaH kaH sImAM spR^ishatu tava dAsyaikamanasAm || 155|| lulitanavalava~NgodArakarpUrapUraM priyatamamukhachandrodgIrNatAmbUlakhaNDam | ghanapulakakapolA svAdayantI madAsye.a rpayatu kimapi dAsIvatsalA karhi rAdhA || 156|| saundaryAmR^itarAshiradbhutamahAlAvaNyalIlAkalA kAlindIvaravIchiDambaraparisphUrjatkaTAkShachChaviH | sA kApi smarakelikomalakalAvaichitryakoTisphurat premAnandaghanAkR^itirdishatu me dAsyaM kishorImaNiH || 157|| dukUlamatikomalaM kalayad eva kausumbhakaM nibaddhanavamallikAlalitamAlyadhammillakam | bR^ihatkaTitaTasphuranmukharamekhalAla~NkR^itaM kadA nu kalayAmi tatkanakachampakAbhaM mahaH || 158|| kadA rAse premonmadarasavilAse.adbhutamaye dR^ishormadhye bhrAjanmadhupatisakhIvR^indavalaye | mudAntaH kAntena svarachitamahAlAsyakalayA niSheve nR^ityantIM vyanajavaratAmbUlashakalaiH || 159|| prasR^imarapaTavAse premasImAvikAse madhuramadhurahAse divyabhUShAvilAse | pulakitadayitAMse saMvaladbAhupAshe tadatilalitarAse karhi rAdhAmupAse || 160|| yadi kanakasarojaM koTichandrAMshupUrNaM navanavamakarandasyandisaundaryadhAma | bhavati lasitacha~nchatkha~njanadvandvamAsyaM tad api madhurahAsyaM dattadAsyaM na tasyAH || 161|| sudhAkaramudhAkaraM pratipadasphuranmAdhurI dhurINanavachandrikAjaladhitundilaM rAdhike | atR^iptaharilochanadvayachakorapeyaM kadA rasAmbudhisamunnataM vadanachandramIkShe tava || 162|| a~Ngapratya~Ngari~Nganmadhurat aramahAkIrtipIyUShasindhor\- indoH koTirvinindad vadanam atimadAlolanetraM dadhatyAH | rAdhAyAH saukumAryAdbhutalalitatanoH kelikallolinInAm AnandasyandinInAM praNayarasamayAn kiM vigAhe pravAhAn || 163|| matkaNThe kiM nakharashikhayA daityarAjo.asmi nAhaM maivaM pIDAM kuru kuchataTe putanA nAhamasmi | itthaM kIrairanukR^itavachaH preyasA sa~NgatAyAH prAtaH shroShye tava sakhi kadA keliku~njaM mR^ijantI || 164|| jAgratsvapnasuShuptiShu sphuratu me rAdhApadAbjachChaTA vaikuNThe narake.athavA mama gatirnAnyAstu rAdhAM vinA | rAdhAkelikathA sudhAmbudhimahAvIchibhirAndolitaM kAlindItaTaku~njamandiravarAlinde mano vindatu || 165|| alinde kAlindItaTanavalatAmandiragate ratAmardodbhutashramajalabharApUrNavapuShoH | sukhasparshenAmIlitanayanayoH shItamatulaM kadA kuryAM saMvIjanamahaha rAdhAmurabhidoH || 166|| kShaNaM madhuragAnataH kShaNamamandahindolataH kShaNaM kusumavAyutaH suratakelishilpaiH kShaNam | aho madhurasadrasapraNayakelivR^indAvane vidagdhavaranAgaraI rasikashekharau khelataH || 167|| adya shyAmakishoramaulirahaha prApto rajanyA mukhe nItvA tAM karayoH pragR^ihya sahasA nIpATavIM prAvishat | shroShye talpamilanmahAratibhare prApte.api shItkAritaM tadvIchisukhatarjanaM kimu hare H svashrotrarandhrashritam || 168|| shrImadrAdhe tvamatha madhuraM shrIyashodAkumAre prApte kaishorakamatirasAd valgase sAdhuyogam | itthaM bAle mahasi kathayA nityalIlAvayaHshrI jAtAveshA prakaTasahajA kiM nu dR^ishyA kishorI || 169|| ekaM kA~nchanachampakachChavi paraM nIlAmbudashyAmalaM kandarpottaralaM tathaikamaparaM naivAnukUlaM bahiH | kiM chaikaM bahumAnabha~Ngi rasavachchATUni kurvat paraM pashya krIDati ku~njasImni tad aho dvandvaM mahAmohanam || 170|| vichitrarativikramaM dadhadanukramAd AkulaM mahAmadanavegato nibhR^itama~njuku~njodare | aho vinimayan navaM kimapi nIlapItaM paTaM mitho militamadbhutaM jayati pItanIlaM mahaH || 171|| kare kamalamadbhutaM bhramayatormithotsarpita sphuratpulakadorlatAyugalayoH smaronmattayoH | sahAsarasapeshalaM madakarIndrabha~NgIshatair\- gatiM rasikayordvayoH smarata chAruvR^indAvane || 172|| khelanmugdhAkShimInasphuradadh aramaNIvidrumashroNibhAra dvIpAyAmottara~NgasmarakalabhakaTATopavakShoruhAyAH | gambhIrAvartanAbherbahulaharimahApremapIyUShasindhoH shrIrAdhAyAH padAmbhoruhaparichareNa yogyatAmeva geShe || 173|| vichChedAbhAsamAtrAd ahaha nimiShato gAtravisraMsanAdau dIpyat kalpAgnikoTijvalitamiva bhaved bAhyamabhyantaraM cha | gADhasnehAnubandhagrathitamiva yayoradbhutapremamUrtyoH shrIrAdhAmAdhavAkhyAM paramiha madhuraM taddvayaM dhAma jAne || 174|| kadA ratyunmuktaM kachabharamahaM saMyamayitA kadA vA saMdhAsye truTitanavamuktAvalimapi | kadA vA kastUryAstilakamapi bhUyo rachayitA niku~njAntarvR^itte navaratiraNe yauvatamaNeH || 175|| kiM brUmo.anyatra kuNThIkR^itaka janapade dhAmnyapi shrIvikuNThe rAdhAmAdhuryavettA madhupatiratha tanmAdhurIM vetti rAdhA | vR^indAraNyasthalIyaM paramarasasudhAmAdhurINAM dhurINA taddvandvaM svAdanIyaM sakalamapi dadau rAdhikAki~NkarINAm || 176|| lasadvadanapa~NkajA navagabhIranAbhibhramA nitambapulinollasanmukharakA~nchikAdambinI | vishuddharasavAhinI rasikasindhusa~NgonmadA sadA suratara~NginI jayati kApi vR^indAvane || 177|| ana~Nganavara~NgiNI rasatara~NgiNI sa~NgatA dadhat sukhasudhAmaye svatanunIradhau rAdhikA | aho madhupakAkalImadhuramAdhavImaNDape smarakShubhitamedhate suratasIdhumattaM mahaH || 178|| romAlImihirAtmajA sulalite bandhUkabandhuprabhA sarvA~Nge sphuTachampakachChaviraho nAbhIsaraHshobhanA | vakShojastavakA lasadbhujalatA shi~njApatajjha~NkR^itiH shrIrAdhA harate mano madhupateranyeva vR^indATavI || 179|| rAdhAmAdhavayorvichitrasuratArambhe niku~njodare srastaprastarasa~Ngatairvapurala~Nkurve.a~NgarAgaiH kadA | tatraiva truTitAH srajo nipatitAH sandhAya bhUyaH kadA kaNThe dhArayitAsmi mArjanakR^ite prAtaH praviShTAsmyaham || 180|| shlokAn preShThayasho.a~NkitAn gR^ihashukAn adhyApayet karhichid gu~njAma~njulahAra barhamukuTaM nirmAti kAle kvachit | Alikhya priyamUrtimAkulakuchau sa~NghaTTayed vA kadApy evaM vyApR^itibhirdinaM nayati me rAdhA priyasvAminI || 181|| preyaHsa~NgasudhAsadAnubhavinI bhUyo bhavadbhAvinI lIlApa~nchamarAgiNI ratikalAbha~NgIshatodbhAvinI | kAruNyAddravabhAvinI kaTitaTe kA~nchIkalArAviNI shrIrAdhaiva gatirmamAstu padayoH premAmR^itasrAiNI || 182|| koTInduchChavihAsinI navasudhAsambhArasambhAShiNI vakShojadvitayena hemakalasashrIgarvanirvAsinI | chitragrAmanivAsinI navanavapremotsavollAsinI vR^indAraNyavilAsinI kimu raho bhUyAn mamollAsinI || 183|| kadA govindArAdhanagalitatAmbUlashavalaM mudA svAdaM svAdaM pulakitatanurme priyasakhI | dukUlenonmIlannavakamalaki~njalkaruchinA nivItA~NgI sa~NgItakanijakalAH shikShayati mAm || 184|| lasaddashanamauktikaprava rakAntipUrasphuran manoj~nanavapallavAdharamaNichChaTAsundaram | charanmakarakuNDalaM chakitachArunetrA~nchalaM smarAmi tava rAdhike vadanamaNDalaM nirmalam || 185|| chalatkuTilakuntalaM tilakashobhibhAlasthalaM tilaprasavanAsikApuTavirAjimuktAphalam | kala~NkarahitAmR^itachChavisamujjvalaM rAdhike tavAtiratipeshalaM vadanamaNDalaM bhAvaye || 186|| pUrNapremAmR^itarasasamullAsasaubhAgyasAraM ku~nje ku~nje navaratikalAkautukenAttakeli | utpullendIvarakanakayoH kAntichauraM kishoraM jyotirdvandvaM kimapi paramAnandakandaM chakAsti || 187|| yayonmIlatkelIvilasitakaTAkShaikakalayA kR^ito vandI vR^indAvipinakalabhendro madakalaH | jaDIbhUtaH krIDAmR^iga iva yadAj~nAlavakR^ite kR^itI naH sA rAdhA shithilayatu sAdhAraNagatim || 188|| shrIgopendrakumAramohanamahAvidye sphuranmAdhurI sArasphArarasAmburAshisahajaprasyandinetrA~nchale | kAruNyArdrakaTAkShabha~NgimadhurasmerAnanAmbhoruhe hA hA svAmini rAdhike mayi kR^ipAdR^iShTiM manA~N nikShipa || 189|| oShThaprAntochChalitadayitodgIrNatAmbUlarAgA rAgAnuchchairnijarachitayA chitrabha~NgyonnayantI | tiryaggrIvA ruchiraruchiroda~nchadAku~nchitabhrUH preyaHpArshve vipulapulakairmaNDitA bhAti rAdhA || 190|| kiM re dhUrtapravara nikaTaM yAsi naH prANasakhyA nUnaM bAlA kuchataTakarasparshamAtrAd vimuhyet | itthaM rAdhe pathi pathi rasAn nAgaraM te.anulagnaM kShiptvA bha~NgyA hR^idayamubhayoH karhi saMmohayiShye || 191|| kadA vA rAdhAyAH padakamalamAyojya hR^idaye dayeshaM niHsheShaM niyatamiha jahyAmupavidhim | kadA vA govindaH sakalasukhadaH premakaraNAd ananye dhanye vai svayamupanayeta smarakalAm || 192|| kadA vA proddAmasmarasamarasaMrambharabhasa prarUDhasvedAmbhaHplutalulitachitrAkhilatanU | gatau ku~njadvAre sukhamaruti saMvIjya parayA mudAhaM shrIrAdhArasikatilakau syAM sukR^itinI || 193|| mithaHpremAveshAd ghanapulakadorvallirachita pragADhAshleSheNotsavarasabharonmIlitadR^ishau | niku~njakL^ipte vai navakusumatalpe.abhishayitau kadA patsaMvAhAdibhirahamadhIshau na sukhaye || 194|| madAruNavilochanaM kanakadarpakAmochanaM mahApraNayamAdhurIrasavilAsanityotsukam | lasannavavayaHshriyA lalitabha~NgilIlAmayaM hR^idA tad ahamudvahe kimapi hemagauraM mahaH || 195|| madAghUrNannetraM navaratirasAveshavivasho llasadgAtraM prANapraNayaparipATyAM parataram | mithogADhAshleShAd valayamiva jAtaM marakata drutasvarNachChAyaM sphuratu mithunaM tan mama hR^idi || 196|| parasparaM premarase nimagnam asheShasammohanarUpakeli | vR^indAvanAntarnavaku~njagehe tannIlapItaM mithunaM chakAsti || 197|| AshAsya dAsyaM vR^iShabhAnukumArikAyAs\- tIre samadhyAsya cha bhAnujAyAH | kadA nu vR^indAvanaku~njavIthiShv ahaM nu rAdhe hyatithirbhaveyam || 198|| kAlindItaTaku~nje pu~njIbhUtaM rasAmR^itaM kimapi | adbhutakelinidhAnaM niravadhi rAdhAbhidhAnamullasati || 199|| prItireva mUrtimati, rasasindhoH sArasampad iva vimalA | vaidagdhInAM hR^idayaM kAchana vR^indAvanAdhikAriNI jayati || 200|| rasaghanamohanamUrtiM, vichitrakelimahotsavollasitam | rAdhAcharaNaviloDitaM, ruchirashikhaNDaM hariM vande || 201|| kadA gAyaM gAyaM madhuramadhurItyA madhubhidash charitrANi sphArAmR^itarasavichitrANi bahushaH | mR^ijantI tatkelibhavanamabhirAmaM malayaja chChaT ?bahiH si~nchantI rasahradanimagnAsmi bhavitA || 202|| uda~nchadromA~nchaprachayakhachitAM vepathumatIM dadhAnAM shrIrAdhAmatimadhuralIlAmayatanum | kadA vA kastUryA kimapi rachayantyeva kuchayor\- vichitrAM patrAlImahamahaha vIkShe sukR^itinI || 203|| kShaNaM shItkurvANA kShaNamatha mahAvepathumatI kShaNaM shyAma shyAmetyamumabhilapantI pulakitA | mahApremA kApi pramadamadanoddAmarasadA sadAnandA mUrtirjayati vR^iShabhAnoH kulamaNiH || 204|| kShaNaM shItkurvANA kShaNamatha mahAvepathumatI kShaNaM shyAma shyAmetyamumabhilapantI pulakitA | mahApremA kApi pramadamadanoddAmarasadA sadAnandA mUrtirjayati vR^iShabhAnoH kulamaNiH || 205|| kAmaM tulikayA kareNa hariNA yAlaktakaira~NkitA nAnAkelividagdhagoparamaNIvR^indastathA vanditA | yA sa~NguptatayA tathopaniShadAM hR^idyena vidyotate sA rAdhAcharaNadvayI mama gatirlAsyaikalIlAmayI || 206|| sAndrapremarasaughavarShiNi navonmIlanmahAmAdhurI sAmrAjyaikadhurINakelivibhavatkAruNyakallolini | shrIvR^indAvanachandrachittahariNIbandhasphuradvAgure shrIrAdhe navaku~njanAgari tava krItAsmi dAsyotsavaH || 207|| svedApuraH kusumachayanairdUrataH kaNTakA~Nko vakShoje.asyAstilakavilayo hanta gharmAmbhasaiva | oShThaH sakhyA himapavanataH savraNo rAdhike te krUrAsvedaM svaghaTitamaho gopaye preShThasa~Ngam || 208|| pAtaM pAtaM padakamalayoH kR^iShNabhR^i~NgeNa tasyAH smerAsyendormukulitakuchadvandvahemAravindam | pItvA vaktrAmbujamatirasan nUnamantaH praveShTum atyAveshAn nakharashikharA pATyamAnaM kimIkShe || 209|| aho te.amI ku~njAstadanupamarAsasthalamidaM giridroNI saiva sphurati ratira~Nge praNayinI | na vIkShe shrIrAdhAM hari hari kuto.apIti shatadhA vidIryeta prANeshvari mama kadA hanta hR^idayam || 210|| ihaivAbhUt ku~nje navaratikalAmohanatanor\- aho atrAnR^ityad dayitasahitA sA rasanidhiH | iti smAraM smAraM tava charitapIyUShalaharIM kadA syAM shrIrAdhe chakita iha vR^indAvanabhuvi || 211|| shrImadbimbAdhare te sphurati navasudhAmAdhurIsindhukoTir\- netrAntaste vikIrNAdbhutakusumadhanushchaNDasatkANDakoTiH | shrIvakShoje tavAtipramadarasakalAsArasarvasvakoTiH shrIrAdhe tvatpadAbjAt sravati niravadhipremapIyUShakoTiH || 212|| sAndrAnandonmadarasaghanapremapIyUShamUrteH shrIrAdhAyA atha madhupateH suptayoH ku~njatalpe | kurvANAhaM mR^idumR^idupadAmbhojasaMvAhanAni shayyAnte kiM kimapi patitA prAptatandrA prAptatandrA bhaveyam || 213|| rAdhApAdAravindochChalitanavarasapremapIyUShapu~nje kAlindIkulaku~nje hR^idi kalitamahodAramAdhuryabhAvaH | shrIvR^indAraNyavIthIlalitaratikalAnAgarIM tAM garIyo gambhIraikAnurAgAM manasi paricharana vismR^itAnyaH kadA syAm || 214|| adR^iShTvA rAdhA~Nke nimiShamapi taM nAgaramaNiM tayA vA khelantaM lalitalalitAna~NgakalayA | kadAhaM duHkhAbdau sapadi patitA mUrchChitavatI na tAmAshvAsyArtAM suchiramanushoche nijadashAm || 215|| bhUyo bhUyaH kamalanayane kiM mudhA vAryate.asau vA~NmAtre.api tvaanugamanaM na tyjatyeva dhUrtaH | ki~nchid rAdhe kala kuchataTIprAntamasya mradIyash chakShurdvArA tamanupatitaM chUrNatAmetu chetaH || 216|| kiM vA nastaiH sushAstraiH kimatha taduditairvartmabhiH sadgR^ihItair\- yatrAsti premamUrternahi mahimasudhA nApi bhAvastadIyaH | kiM vA vaikuNThalakShmyApyahaha paramayA yatra me nAsti rAdhA kintvAshApyastu vR^indAvanabhuvi madhurA koTijanmAntare.api || 217|| shyAma shyAmetyanupamarasApUrNavarNairjapantI sthitvA sthitvA madhuramadhurottAramuchchArayantI | muktAsthUlAn nayanagalitAn ashrubindUna vahantI hR^iShyadromA pratipadachamatkurvatI pAtu rAdhA || 218|| tAdR^i~NmUrtirvrajapatisutaH pAdayorme patitvA dantAgreNAtha dhR^itatR^iNakaM kAkuvAdAn bravIti | nityaM chAnuvrajati kurute sa~NgamAyodyamaM che tyudvegaM me praNayini kimAvedayeyaM nyrAdhe || 219|| chalallIlAgatyA kvachidanuchaladdhaMsamithunaM kvachit kekinyagre kR^itanaTanachandrakyanukR^iti | latAshliShTaM shAkhipravaramanukurvat kvachid aho vidagdhadvandvaM tad ramata iha vR^indAvanabhuvi || 220|| vyAkoshendIvaramatha ruchA hAri hemAravindaM kAlindIyaM surabhimanilaM shItalaM sevamAnam | sAndrAnandaM navanavarasaM prollasatkelivR^indaM jyotirdvandvaM madhuramadhuraM premakandaM chakAsti || 221|| kadA madhurasArikAH svarasapadyamadhyApayat pradAya karatAlikAH kvachana nartayat kekinam | kvachit kanakavallarIvR^itatamAlalIlAdhanaM vidagdhamithunaM tadadbhutamudeti vR^indAvane || 222|| patrAlIM lalitAM kapolaphalake netrAmbuje kajjalaM ra~NgaM bimbaphalAdhare cha kuchayoH kAshmIrajAlepanam | shrIrAdhe navasa~NgamAya tarale pAdA~NgulIpa~NktiShu nyasyantI praNayAd alaktakakavalaM pUrNA kadA syAmaham || 223|| shrIgovardhana eka eva bhavatA pANau prayatnAd dhR^itaH shrIrAdhAtanuhemashailayugale dR^iShTe.api te syAd bhayam | tad gopendrakumAra mA kuru vR^ithA garvaM parIhAsataH karhyevaM vR^iShabhAnunandini tava preyAMsamAbhAShaye || 224|| ana~Ngajayama~Ngaladhvanitaki~NkiNIDiNDimaH stanAdivaratADanairnakharadantaghAteryutaH | aho chaturanAgarInavakishorayorma~njule niku~njanilayAjire ratiraNotsavo jR^imbhate || 225|| yUnorvIkShya daratrapAnaTakalAmAdIkShayantI dR^ishau vR^iNvAnA chakitena sa~nchitamahAratnastanaM chApyuraH | sA kAchid vR^iShabhAnuveshmani sakhImAlAsu bAlAvalI mauliH khelati vishvamohanamahAsArUpyamAchinvatI || 226|| jyotiHpu~njadvayamidamaho maNDalAkAramasyA vakShasyunmAdayati hR^idayaM kiM phalatyanyadagre bhrUkodaNDaM nakR^itaghaTanaM satkaTAkShaughabANaiH prANAn nahyAt kimu paramato bhAvi bhUyo na jAne || 227|| bhoH shrIdAman subala vR^iShabha stokakR^iShNArjunAdyAH kiM vo dR^iShTaM mama nu chakitA dR^iggatA naiva ku~nje | kAchid devI sakalabhuvanAplAvi lAvaNyapurA dUrAd evAkhilamaharata preyaso vastu sakhyuH || 228|| gatA dUre gAvo dinamapi turIyAMshamabhajad vayaM yAtuM kShAntAstava cha jananI vartmanayanA | akasmAt tUShNIke sajalanayane dInavadane luThatyasyAM bhUmau tvayi nahi vayaM prANiniShavaH || 229|| nAsAgre navamauktikaM suruchiraM svarNojjvalaM bibhratI nAnAbha~Ngirana~Ngara~NgavilasallIlAtara~NgAvalI | rAdhe tvaM samalobhaya vrajamaNiM ratnachChaTAma~njarI chitroda~nchitaka~nchukasthagitayorvakShojayoH shobhayA || 230|| aprekShe kR^itanishchayApi suchiraM dR^ikkoNato vIkShate maune dArDyamupAshritApi nigadet tAmeva yAhItyaho | asparshe sudhR^itAshayApi karayordhR^itvA bahiryApayed rAdhAyA iti mAnaduHsthitimahaM prekShe hasantI kadA || 231|| rasAgAdhe rAdhAhR^idi sarasi haMsaH karatale lasadvaMshashrotasyamR^itaguNasa~NgaH pratipadam | chalatpichChottaMsaH surachitavataMsaH pramadayA sphuradgu~njAguchChaH sa hi rasikamaulirmilatu me || 232|| akasmAt kasyAshchin navavasanamAkarShati parAM muralyA dhammille spR^ishati kurute.anyAkaradhR^itim | patan nityaM rAdhApadakamalamUle vrajapure tad itthaM vIthIShu bhramati sa mahAlampaTamaNiH || 233|| ekasyA ratichaura eva chakitaM chAnyAstanAnte karaM kuryAt karShati veNunAnyasudR^isho dhammillamallIsrajam | dhatte.anyAbhujavallimutpulaktiAM sa~NketayatyanyayA rAdhAyAH padayorluThatyalamamuM jAne mahAlampaTam || 234|| priyAMse nikShiptotpulakabhujadaNDaH kvachid api bhraman vR^indAraNye madakalakarIndrAdbhutagatiH | nijAM vya~njann atyadbhutasuratashikShAM kvachid aho rahaHku~nje gu~njadhvanitamadhupe krIDati hariH || 235|| dUre spR^iShTyAdivArtA na kalayati manA~NnAradAdIn svabhaktAn shrIdAmAdyaiH suhR^idbhirna milati cha haret snehavR^iddhiM svapitroH | kintu premaikasImAM madhurarasasudhAsindhusArairagAdhAM shrIrAdhAmeva jAnan madhupatiranishaM ku~njavIthImupAste || 236|| susvAdusurasatundilam, indIvarasundaraM kimapi | adhivR^indATavi nandati, rAdhAvakShojabhUShaNaM jyotiH || 237|| kAntiH kApi parojjvalA navamilachChrIchandrikodbhAsinI rAmAtyadbhutavarNakA~nchtaruchirnityAdhikA~NgachChaviH | lajjAnamratanuH smayena madhurA prINAti kelichChaTA sanmuktAphalachAruhArasuruchiH svAtmArpaNenAchyutam || 238|| yan nAradAjeshashukairagamyaM vR^indAvane va~njulama~njuku~nje | tat kR^iShNachetoharaNaikavij~namatrAsti ki~nchit paramaM rahasyam || 239| lakShmIryasya na gocharIbhavati yan nApuH sakhAyaH prabhoH sambhAvyo.api viri~nchinAradashivasvAyambhuvAdyairna yaH | yo vR^indAvananAgarIpashupatistrIbhAvalabhyaH kathaM rAdhAmAdhavayormamAstu sa rahodAsyAdhikArotsavaH || 240|| uchChiShTAmR^itabhAk tavaiva charitaM shR^iNvaMstavaiva smaran pAdAmbhojarajastavaiva virachan ku~njAMstavaivAlayAn | gAyan divyaguNAMstavaiva rasade pashyaMstavaivAkR^itiM shrIrAdhe tanuvA~NmanobhiramalaiH so.ahaM tavaivAshritaH || 241|| krIDanmInadvayAkShyAH sphuradadharamaNIrvidrumashoNibhAra dvIpAyAmAntarAlasmarakalabhakaTATopavakShoruhAyAH | gambhIrAvartanAbhervahalaharimahApremapIyUShasindhoH shrIrAdhAyAH padAmbhoruhaparicharaNe yogyatAmeva mR^igye || 242|| mAlAgranthanashikShayA mR^idumR^idushrIkhaNDanirgharShaNA deshenAdbhutamodakAdividhibhiH ku~njAtasaMmArjanaiH | vR^indAraNyarahaHsthalIShu vivashA premArtibhArodgamAt prANeshaM parichArakaiH khalu kadA dAsyA mayAdhIshvarI || 243|| premAmbhodhirasollasattaruNimArambheNa gambhIradR^ig bhedaM bha~NgimR^idusmitAmR^itanavajyotsnA~nchitashrImukhI | shrIrAdhA sukhadhAmani pravilasadvR^indATavIsImani preyo.a~Nke ratikautukAni kurute kandarpalIlAnidhiH || 244|| shuddhapremavilAsavaibhavanidhiH kaishorashobhAnidhiH vaidagdhImadhurA~Ngabha~NgimanidhirlAvaNyasampannidhiH | shrIrAdhA jayatAn mahArasanidhiH kandarpalIlAnidhiH saundaryaikasudhAnidhirmadhupateH sarvasvabhUto nidhiH || 245|| nIlendIvaravR^indakAntilaharIchauraM kishoradvayaM tvayyetatkuchayoshchakAsti kimidaM rUpeNa me mohanam | tan mAmAtmasakhIM kuru divtaruNIyaM nau dR^iDhaM shliShyati svachChAyAmabhivIkSha muhyati harau rAdhAsmitaM pAtu naH || 246|| sa~NgatyApi mahotsavena madhurAkArAM hR^idi preyasaH svachChAyAmabhivIkShya kaustubhamaNau sambhUtashokA krudhA | utkShiptapriyapANi tiShTha stanayetyuktvA gatAyA bahiH sakhyai sAsra nivedanAni kimahaM shroShyAmi te rAdhike || 247|| mahAmaNivarasrajaM kusumasa~nchayaira~nchitaM sphuranmarakataprabhAgrathitamohitashyAmalam | mahArasamahIpateriva vichitrasiddhAsanaM kadA nu tava rAdhike kavarabhAramAlokaye || 248|| madhye madhye kusumakhachitaM ratnadAmnA nibaddhaM mallImAlyairghanaparimalairbhUShitaM lambamAnaiH | pashchAdrAjanmaNivarakR^itodAramANikyaguchChaM dhammillaM te harikaradhR^itaM karhi pashyAmi rAdhe || 249|| vichitrAbhirbha~NgIvitatibhiraho chetasi paraM chamatkAraM yachChaMl lalitamaNimukhAdilasitaH | rasAveshAd dvaitaH smaramadhuravR^ittAkhilamaho.a dbhutaste sImante navakanakapaTTo vijayate || 250|| aho dvaidhIkartuM kR^itibhiranurAgAmR^itarasa pravAhaiH susnighdhe kuTilaruchiraH shyAma uchitaH | itIyaM sImante navaruchirasindUrarachitA surekhA naH prakhyApayitumiva rAdhe vijayate || 251|| chakoraste vaktrAmR^itakiraNabimbe madhukaras\- tava shrIpAdAbje jaghanapuline kha~njanavaraH | sphuranmIno jAtastvayi rasasarasyAM madhupateH sukhATavyAM rAdhe tvayi cha hariNastasya nayanam || 252|| spR^iShTvA spR^iShTvA mR^idukaratalenA~Ngama~NgaM sushItaM sAndrAnandAmR^itarasahrade majjato mAdhavasya | a~Nke pa~NkeruhasunayanA premamUrtiH sphurantI gADhAshleShonnamitachibukA chumbitA pAtu rAdhA || 253|| sadA gAyaM gAyaM madhuratararAdhApriyeshaH sadA sAndrAnandA navarasadarAdhAratikathAH | sathA sthAyaM sthAyaM navanibhR^itarAdhArativane sadA dhyAyaM dhyAyaM vivashahR^idi rAdhApadasudhA || 254|| shyAma shyAmetyamR^itarasasaMsrAvivarNAn japantI premautkaNThyAt kShaNamapi saromA~nchamuchchairlapantI | sarvatrochchATanamiva gatA duHkhaduHkhena pAraM kA~NkShatyahno dinakaramalaM krudhyatI pAtu rAdhA || 255|| kadAchid gAyantI priyaratikalAvaibhavagatiM kadAchid dhyAyantI priyasahabhaviShyadvilasitam | alaM mu~nchAmu~nchetyatimadhuramugdhapralapitair\- nayantI shrIrAdhA dinamiha kadAnandayatu naH || 256|| shrIgovinda vrajavaravadhUvR^indachUDAmaNiste koTiprANAbhyadhikaparamapreShThapAdAbjalakShmIH | kai~NkaryeNAdbhutanavarasenaiva mAM svIkarotu bhUyo bhUyaH pratimuhuradhisvAmyahaM prArthayAmi || 257|| anena prItA me dishati nijakai~NkaryapadavIM davIyo dR^iShTinAM padamahaha rAdhA sukhamayI | nidhAyaivaM chitte kuvalayaruchiM barhamukuTaM kishoraM dhyAyAmi drutakanakapItachChavipaTam || 258|| dhyAyantaM shikhipichChamaulimanishaM tan nAma sa~NkIrtayan nityaM tachcharaNAmbujaM paricharan tanmantravaryaM japan | shrIrAdhApadadAsyameva paramAbhIShTaM hR^idA dhArayan karhi syAM tadanugraheNa paramAdbhutAnurAgotsavaH || 259|| shrIrAdhArasikendrarUpaguNavadgItAni saMshrAvayan gu~njAma~njulahArabarhamukuTAdyAvedayaMshchAgrataH | shyAmApreShitapUgamAlyanavagandhAdyaishcha saMprINayaMs\- tvatpAdAbjanakhachChaTArasahrade magnaH kadA syAmaham || 260|| kvAsau rAdhA nigamapadavIdUragA kutra chAsau kR^iShNastasyAH kuchamukulayorantaraikAntavAsaH | kvAhaM tuchChaH paramamadhamaH prANyaho garhakarmA yat tan nAma sphurati mahimA hyeSha vR^indAvanasya || 261|| vR^indAraNye navarasakalA komalA premamUrtiH shrIrAdhAyAshcharaNakamalAmodamAdhuryasImA | rAdhAM dhyAyan rasikatilakenAttakelIvilAsAM tAmevAhaM kathamiha tanuM nyasya dAsI bhaveyam || 262|| hA kAlindi tvayi mama nidhiH preyasA khelatAsId bho bho divyAdbhutatarulatAstatkarasparshabhAjaH | he rAdhAyA ratigrahashukA he mR^igA he mayUrA bhUyo bhUyaH praNatibhirahaM prArthaye vo.anukampAm || 263|| vahantI rAdhAyAH kuchakalashakAshmIrajamaho jalakrIDAveshAd galitamatulapremarasadam | iyaM sA kAlindI vikasitanavendIvararuchi chChaTA mandIbhUtaM hR^idayamiha sandIpayatu me || 264|| sadyogIndra sudR^ishyasAndrarasadAnandaikasanmUrtayaH sarve.apyadbhutasanmahimni madhure vR^indAvane sa~NgatAH | ye krUrA api pApino na cha satAM sambhAShyadR^ishyAshcha ye sarvAn vastutayA nirIkShya paramasvArAdhyabuddhirmama || 265|| yad rAdhApadaki~NkarIkR^itahR^idA samyagbhaved gocharaM dhyeyaM naiva kadApi yad dhR^idi vinA tasyAH kR^ipAsparshataH | yat premAmR^itasindhusArarasadaM pApaikabhAjAmapi tat vR^indAvanaduShpraveshamahimAshcharyaM hR^idi sphUrjatu || 266|| rAdhAkelikalAsu sAkShiNi kadA vR^indAvane pAvane vatsyAmi sphuTamujjvalAdbhutarase premaikamattAkR^itiH | tejorUpaniku~nja eva kalayan netrAdipiNDe sthitaM tAdR^iksvochitadivyakomalavapuH svIyaM samAlokaye || 267|| yatra yatra mama janmakarmabhirnArake.atha parame pade mama | rAdhikAratiniku~njamaNDalI tatra tatra hR^idi me virAjatAm || 268|| kvAhaM mUDhamatiH kva nAma paramAnandaikAsAraM rasaM shrIrAdhAcharaNAnubhAvakathayA syandAyamAnA giraH | lagnAH komalaku~njapu~njavilasadvR^indATavImaNDale krIDachChrIvR^iShabhAnujApadanakhajyotishChaTAH prAyashaH || 269|| shrIrAdhe shrutibhirbudhairbhagavatApyAmR^igyasadvaibhave svastotrasvakR^ipAta eva sahajAyogye.apyahaM kAritaH | padyenaiva sadAparAdhini mahanmArge virudhya tvade kAshe snehajalAkulAkShi kimapi prItaM prasAdIkuru || 270|| adbhutAnandalobhashchen nAmnA rasasudhAnidhiH | stavo.ayaM karNakalashairgR^ihItvA pIyatAM budhAH || 271|| sa jayati gaurapayodhirmAyAvAdArkatApasantaptam | hR^innabha udashItalayad yo rAdhArasasudhAnidhinA || 272|| || iti || ##