॥ श्रीरङ्गनाथ पञ्चकम् ॥
॥ श्री गणेशाय नमः ॥
ऊत्तुक्काडु वेङ्कटकवि विरचित
श्रीरङ्गनाथ पञ्चकम्
स्वीयतर-भासकर-चन्दमणियुक्त-फणमण्डित-भुजङ्गशयनं
मेघवरवासक-सुवर्णगिरि-सौभग-पराभवमनन्तरुचिरम् ।
लीनकरचन्द-भुवनत्रयमुदाकर-शुचिमधिकभूषणकरं
नौमि भगवन्तमुख-मन्दहसनं तमतिसुन्दरम् अनन्तशयनम् ॥ १ ॥
रूपमवबोधमति-नूतन-मनोज्ञ-मदनं भुवनमङ्गलकरं
वारिधि-सुधाकर-सुताकर-सुखादुर-सुमाधुर-सुशीलनपरम् ।
भूतमहतातयमलंकृतकलेबरं अखण्डकरुणालयमुखं
नौमि भगवन्तमुख-मन्दहसनं तमतिसुन्दरमनन्तशयनम् ॥ २ ॥
राचर-चराचर-पराधिकदुराकृति-मुरादि-पटुभीकरतनुं
नारदवरादिनुत-नीरदनिभाकर-मनोरथसुमाधुरपदम् ।
नादयुतगीतपर-वेदनिनदानक-सनातन-जनाधिकवृतं
नौमि भगवन्तमुख-मन्दहसनं तमतिसुन्दरमनन्तशयनम् ॥ ३ ॥
सिद्धसुरचारण-सनन्द-सनकादय-मुनीन्द्रगण-घोषणपरं
नित्यरचनीय-वचनीय-रसनीय-रमणीय-कमनीयदपरम् ।
पद्मदळभास-मकरन्द-परिहास-निजभक्तभवमोचनकरं
नौमि भगवन्तमुख-मन्दहसनं तमतिसुन्दरमनन्तशयनम् ॥ ४ ॥
हेममकुटादि-कटकाभरण-कङ्कणसमुज्वल-मनोहरतनुं
गीतनटनादय-कलावृतसदामुद-निरञ्जनसुमङ्गळकरम् ।
भागवत-रामचरितामलधुरीण-वचनादिपरिपूरितकरं
नौमि भगवन्तमुख-मन्दहसनं तमतिसुन्दरमनन्तशयनम् ॥ ५ ॥
Encoded and proofread by P. P. Narayanaswami swami at mun.ca
UttukkADu Ve~NkaTa Kavi was a legendary music composer-saint of 17th century
The shloka-s follow the four syllable pattern (and not popular 3 syllable
gaNa-s we find in most vRitta-s): 4+4+4+4+4+4+1 = 25 syllables as
।ooo ।ooo ।ooo ।ooo ।ooo ।ooo । (here । = guru and o =laghu).
Hence the phrase "bhAsa kara" in the first line seems appropriate,
and seems to be not a typo (bhAskara has only 3 syllables).
% File name : ranganAthapanchakam.itx
%--------------------------------------------
% Text title : ra~NganAthapa~nchakam
% Category : panchaka
% Location : doc_vishhnu
% Indextitle : ra~NganAthapa~nchakam
% Indexextra :
% Author : UttukkADu Ve~NkaTa Kavi
% Language : Sanskrit
% Subject : philosophy/hinduism/religion
% Description/comments :
% Transliterated by : P. P. Narayanaswami swami at mun.ca
% Proofread by : P. P. Narayanaswami swami at mun.ca
% Latest update : February 14, 2015
% Send corrections to : (sanskrit at cheerful dot c om)
%
% Site access :
% https://sanskritdocuments.org
% https://sanskritdocuments.org/
%-----------------------------------------------------
% The text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%--------------------------------------------------------
From https://sanskritdocuments.org
Questions, comments? Write to (sanskrit at cheerful dot c om) .