\engtitle{.. Shri Laxmi Stuti by Indra ..}##
\itxtitle{.. shrI lakShmI stuti indraproktaM ..}##\endtitles ##
namasye sarvabhUtAnAM jananImabjasambhavAm |
shriyamunindrapadmAkShIM viShNuvakShaHsthalasthitAm ||

padmAlayAM padmakarAM padmapatranibhekShaNAm |
vande padmamukhIM devIM padmanAbhapriyAmyaham ||

tvaM siddhistvaM svadhA svAhA sudhA tvaM lokapAvanI |
sandhayA rAtriH prabhA bhUtirmedhA shraddhA sarasvatI ||

yaj~navidyA mahAvidyA guhyavidyA cha shobhane |
AtmavidyA cha devi tvaM vimuktiphaladAyinI ||

AnvIkShikI trayIvArtA daNDanItistvameva cha |
saumyAsaumyerjagadrUpaistvayaitaddevi pUritam ||

kA tvanyA tvamR^ite devi sarvayaj~namayaM vapuH |
adhyAste devadevasya yogichintyaM gadAbhR^itaH ||

tvayA devi parityaktaM sakalaM bhuvanatrayam |
vinaShTaprAyamabhavattvayedAnIM samedhitam ||
dArAH putrAstathA.a.agAraM suhR^iddhAnyadhanAdikam |
bhavatyetanmahAbhAge nityaM tvadvIkShaNAnnR^iNAm ||

sharIrArogyamaishvaryamaripakShakShayaH sukham |
devi tvadR^iShTidR^iShTAnAM puruShANAM na durlabham ||

tvamambA sarvabhUtAnAM devadevo hariH pitA |
tvayaitadviShNunA chAmba jagadvayAptaM charAcharam ||

manaHkoshastathA goShThaM mA gR^ihaM mA parichChadam |
mA sharIraM kalatraM cha tyajethAH sarvapAvani ||

mA putrAnmA suhR^idvargAnmA pashUnmA vibhUShaNam |
tyajethA mama devasya viShNorvakShaHsthalAshraye ||

sattvena satyashauchAbhyAM tathA shIlAdibhirguNaiH |
tyajyante te narAH sadyaH santyaktA ye tvayA.amale ||

tvayA.avalokitAH sadyaH shIlAdyairakhilairguNaiH |
kulaishvaryaishcha yujyante puruShA nirguNA api ||

sashlAghyaH saguNI dhanyaH sa kulInaH sa buddhimAn |
sa shUraH sachavikrAnto yastvayA devi vIkShitaH ||

sadyovaiguNyamAyAnti shIlAdyAH sakalA guNAH |
parA~NgamukhI jagaddhAtrI yasya tvaM viShNuvallabhe ||

na te varNayituM shaktAguNa~njihvA.api vedhasaH |
prasIda devi padmAkShi mA.asmAMstyAkShIH kadAchana ||

shrIparAshara uvAcha
evaM shrIH saMstutA smayak prAha hR^iShTA shatakratum |
shrR^iNvatAM sarvadevAnAM sarvabhUtasthitA dvija ||

shrIruvAcha
parituShTAsmi devesha stotreNAnena te hareH |
varaM vR^iNIShva yastviShTo varadA.ahaM tavAgatA ||

indra uvAcha
varadA yadimedevi varArho yadivA.apyaham |
trailokyaM na tvayA tyAchyameSha me.astu varaH paraH ||
stotreNa yastavaitena tvAM stoShyatyabdhisambhave |
sa tvayA na parityAjyo dvitIyo.astuvaro mama ||

shrIruvAcha
trailokyaM tridashashreShTha na santyakShyAmi vAsava |
datto varo mayA.ayaM te stotrArAdhanatuShTayA ||
yashcha sAyaM tathA prAtaH stotreNAnena mAnavaH |
stoShyate chenna tasyAhaM bhaviShyAmi parA~NgamukhI ||

iti shrI viShNu purANe prathamAMshaH navamo.adhyAyaH |

##
Differences in numbering 9.116-9.171
http://myupaasana.blogspot.com/2012/11/laxmi-stuti-by-indra.html
http://www.scribd.com/doc/105406639/Chandi-Shri-Kamala-Kalpa-Taru