%@@1 % File name : siddhAntashikhamaNi.itx %-------------------------------------------- % Text title : siddhAntashikhamaNi % Author : Shri Shivayogi Shivacharya % Language : Sanskrit % Subject : philosophy/hinduism/religion % Description/comments : http://en.wikipedia.org/wiki/Siddhanta_Shikhamani % Contains the preachings of Jagaduru Renukacharya according to vIrashaiva % sampradAya % http://www.shrisiddhanthashikhamani.com/downloads/shri-siddhantha-shikhamani-audio % Transliterated by : http://www.scribd.com/doc/79841005/Siddhanta-Sikhamani-Shakti-Format % Proofread by : % Translation by : % Latest update : June 22, 2013 % Send corrections to : sanskrit at cheerful dot c om % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.3 % Site access : % https://sanskritdocuments.org % http://sanskrit.gde.to/ %----------------------------------------------------- % @@2 % % Commands upto engtitle are % needed for devanaagarii output and formatting. %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrI siddhAnta shikhAmaNi ..}## \itxtitle{.. shrI siddhAnta shikhAmaNi ..}##\endtitles ## shrI jagadguru pa~nchAchAryAH prasIdantu prastAvana shrI jagadguru pa~nchAchAryAH prasIdantu jIyAt shrI reNukAchAryo shivAchArya shikhAmaNiH | yomAheshvara siddhAntaM sthApayAmAsa bhUtale || yasyasmaraNa mAtrena nR^iNAM muktikaresthitA | tamvandejagadAdhAraM reNukAryaM jagadguruM || muniyAchanayA shivAj~nayA shivabhaktyuddharaNArthamAgataM | vR^iSharAja parAvatAratA mahitaM shrI basaveshvaraM bhaje || namo ugrasvarUpAya namo jiShNvAdi shAtrave | dakShayaj~navinAshAya vIrabhadrAyatenamaH || atha shrI shivayogi shivAchArya virachita shrI siddhAnta shikhAmaNiH | prathama parichChedaH trailokyasampadAlekhya samullekhanabhittaye | sachchidAnanda rUpAya shivAyabrahmaNe namaH || 1\.1|| brahmetivyapadeshasya viShayaM yamprachakShate | vedAntino jaganmUlaM taM namAmi paramashivaM || 1\.2|| yasyormibudbudAbhAsaH ShaTtriMshattattvasa~nchayaH | nirmalaM shivanAmAnaM taM vande chinmahodadhiM || 1\.3|| shivastutiH yadbhAsA bhAsate vishvaM yatsukhenAnumodate | namastasmai guNAtIta vibhavAya parAtmane || 1\.4|| sadAshiva mukhAsheSha tattvonmeShavidhAyine | niShkala~NkasvabhAvAya namaH shAntAya shambhave || 1\.5|| svechChAvigrahayuktAya svechChAvartanavartine | svechChAkR^itatrilokAya namaH shAntAya shambhave || 1\.6|| yatra vishrAmyatIshatvaM svAbhAvika manuttamaM | namastasmai maheshAya mahAdevAyashUline || 1\.7|| yAmahuH sarvalokAnAM prakR^itiM shAstrapAragAH | tAM dharma chAriNIM shambhoH praNamAmi parAM shivAM || 1\.8|| shaktistutiH yayA maheshvaraH shambhurnAmarUpAdisaNyutaH | tasyai mAyAsvarUpAyai namaH paramashaktaye || 1\.9|| shivAdyAdinamutpannA shAntyatItapadottarA | mAtaraM tAM samastAnAM vande shivakarIM shivAM || 1\.10|| ichChAj~nAnAdirUpeNa yA shambhorvishvabhAvinI | vande tAM paramAnandaprabodhalaharIM shivAM || 1\.11|| amR^itArthaM prapannAnAM yA suvidyA pradAyanI | aharnishamahaM vande tA mIshAnamanoramAM || 1\.12|| granthakartR^i vaMshavarNanaM asIdA chArasiddhAnAmagraNIH shivayogInAM | shivayogIti vikhyAtaH shivaj~nAna mahodadhiH || 1\.13|| shivabhakti sudhAsindhujR^imbhaNAmala chandrikA | bhAratI yasya vidadhe prAyaH kuvalayotsavaM || 1\.14|| tasya vaMshe samutpanno muktAmaNirivAmalaH | muddadevAbhidhAchAryo mUrdhanyaH shivayogInAM || 1\.15|| muddanAt sarvajantUnAM praNatAnAM prabodhataH | muddadeva iti khyAtA samAkhyA yasya vishrutA || 1\.16|| tasyAsInnandanaH shAntaH siddha nAthAbidhaH shuchiH | shiva siddhAnta nirNetA shivAchAryaH shivAtmikaH || 1\.17|| shrI shivayogi shivAchArya varNanaM vIrashaiva shikhAratnaM vishiShTAchArasampadaM | shivaj~nAna mahAsindhuM yaM prashaMsanti deshikAH || 1\.18|| yadAchAryakule jAtA satAmAchAramAtR^ikA | shivabhaktiH sthirA yasmi jaj~ne vigata viplavA || 1\.19|| tasya vIrashivAchArya shikhAratnasya nandanaH | abhavachChivayogIti sindhoriva sudhAkaraH || 1\.20|| chidAnanda parAkAsha shivAnubhavayogyataH | shivayogIti nA mokti ryasya yAthArthyayoginI || 1\.21|| shivAgama parij~nAna paripAka sugandhinA | yadIyakIrti puShpeNa vAsitaM haritAM mukhaM || 1\.22|| yena rakShAvatI jAtA shivabhaktiH sanAtanI | bauddhAdipratisiddhAnta mahAdhvAntAMshumAlinA || 1\.23|| sa mahAvIra shaivAnAM dharmamArga pravartakaH | shivatattva parij~nAna chandrikA vR^ita chandramAH || 1\.24|| Alokya shaivatantrANi kAmikAdyAni sAdaraM | vAtulAntAni shaivAni purANA nyakhilAni tu || 1\.25|| vedamArgA virodhena vishiShTAchAra siddhaye | asanmArga nirAsAya pramodAya vivekinAM || 1\.26|| sarvasvaM vIrashaivAnAM sakalArtha prakAshakaM | asR^iShTamakhilairdoShairAdR^itaM shuddhamAnasaiH || 1\.27|| shaivAgameShu sarveShu purANe ShvakhileShu cha | purA devena kathitaM devyai tannandanAya cha || 1\.28|| tatsampradAyasiddhena reNukena mahAtmanA | gaNeshvareNa kathitamagastyAya punaH kShitau || 1\.28|| vIrashaiva mahAtantra mekottarashatasthalaM | anugrahAya lokAnAmabhyadhAt sudhiyAM varaH || 1\.29|| sarveShAM shaivatantrANA mutta ratvAnniruttaraM | nAmnA pratIyate loke matsiddhAntashikhAmaNiH || 1\.30|| anugata sakalArthe shaivatantraiH namasteH | prakaTitashivabodhAdtaita bhAva prasAde || 1\.31|| vidadhatu matimasmin vIrashaivA vishiShTAH | pashupatimata sAre paNDitashlAghanIye || 1\.32|| iti shrI siddhAnta shikhAmaNau shivayogi shivAchArya vaMshavarNanaM nAma prathama parichChedaH parisamAptaH ||1|| \medskip\hrule\medskip dvitiya parichChedaH jagatsR^iShTi vichAraH sachchidAnandarUpAya sadasadvyakti hetave | namaH shivAya sAmbAya sagaNAya svayambhuve || 2\.1|| sadAshiva mukhA sheSha tattva mauktikashuktikAM | vandemAheshvarIM shaktiM mahAmAyAdirUpiNIM || 2\.2|| asti sachchitsukhAkAramalakShaNa padAspadaM | nirvikalpaM nirAkAraM nirastA sheSha viplavaM || 2\.3|| parichChedakathAshUnyaM prapa~nchAtItavaibhavaM | pratyakShAdi pramANA nAmagocharapade sthitaM || 2\.4|| svaprakAshaM parAkAshamanaupamyamanAmayaM | sarvaj~naM sarvagaM shAntaM sarvashakti nira~NkushaM || 2\.5|| shivarudra mahAdevabhavAdi padasaMj~nikaM | advitIyamanirdeshyaM paraM brahma sanAtanaM || 2\.6|| tatra lInamabhUt pUrvaM chetanAchetanaM jagat | svAtmAlInaM jagatkAryaM svaprakAshyaM tadadbhutaM || 2\.7|| shivAbhidaM parambrahma jagannirmAtumichChayA | svarUpamAdadhe ki~nchit sukhasphUrti vijR^ibhitaM || 2\.8|| nirastadoSha sambandhaM nirupAdhika mavyayaM | divyamaprAkR^itaM nityaM nIlakaNThaM trilochanaM || 2\.9|| chandrArthashekharaM shuddhaM shuddhasphaTaka sannibhaM | shuddhamuktA phalAbhAsamupAsyaM guNamUrtibhiH || 2\.10|| vishuddhaj~nAnakaraNaM viShayaM sarva yogInAM | koTisUryapratIkAshaM chandrakoTi samaprabhaM | aprAkR^ita guNAdhAramanantamahimAspadaM || 2\.11|| tadIya paramAshaktiH sachchidAnandalakShaNA | samasta lokanirmANa samavAyasvarUpiNI | tadichChayAbhavat sAkShAt tatsvarUpAnukAriNI || 2\.12|| sashambhurbhagavAn devaH sarvaj~naH sarvashaktikaH | jagatsisR^ikShuH prathamaM brahmANaM sarvadehinAM | kartAraM sarvalokAnaM vidadhe vishvanAyakaH || 2\.13|| tasmai prathamaputrAya sha~NkaraH shaktimAn vibhuH | sarvaj~naH sakalA vidyAH sAnugrahamu pAdishat || 2\.14|| prAptavidyo mahAdevAdbhrahma vishvaniyAmakAt | samastaloka nirmANa samudyoga parobhavat || 2\.15|| kR^ito dyogona pi nirmANe jagatAM sha~NkarAj~nayA | aj~nAto pAyasampatti rabhavanmA yayAvR^itaH || 2\.16|| vidhAtumakhilAn lokAnupAyaM prAptumichChayA | punastaM prArthayAmAsa devadevaM trilochanaM || 2\.17|| namaste devadevesha namaste karuNAkara | asmadAdijagajjAlanirmANa vidhiShu kShamaH || 2\.18|| upAyaM vada me shambho jagatsR^iShTau jagatpate | sarvaj~naH sarvashaktistvaM sarvakartAsanAtanaH || 2\.19|| iti samprArthitaH shambhurbrahmaNA vishvanAyakaH | upAyamIrada ttasmailokasR^iShTi pravartakaM || 2\.20|| upAyamIshvareNoktaM labdhvApi chaturAnanaH | na samartho bhavatkartuM nAnArUpamidaM jagat || 2\.21|| punastaM prArthayAmasa brahmA vihvalamAnasaH | devadeva mahAdeva jagatprathamakAraNa || 2\.22|| namaste sachchidAnanda svechChA vigraharAjita | bhava sharva maheshAna sarvakAraNa kAraNa || 2\.23|| bhavaduktovyupAyo mena ki~nchid j~nAyate dhunA sR^iShTiM vidhehi bhagavan prathamaM parameshvara j~nAto pAyastataH kuryAM jagasR^iShTi mumApate || 2\.24|| ityevaM prArthitaH shambhurbrahmaNA vishvayoninA | sasarjAtma samaprakhyAn sarvaj~nAn sarvashaktikAn || 2\.25|| prabodha paramAnanda parivAhita mAnasAn | pramathAn vishvanirmANa pralayAdi vidhikShamAn || 2\.26|| sR^iShTa pramathavargeShu varNAshrama parikramAn | aprAkR^ita sadAchArA nupAdisha datha prabhuH || 2\.27|| iti shrI siddhAnta shikhAmaNau jagatsR^iShTi vichAro nAma dvitIya parichChedaH parisamAptaH ||2|| \medskip\hrule\medskip tR^itiya parichChedaH kadAchidatha kailAse kaladhauta shilAmaye | gandharva vAmanayanA krIDAmauktidarpaNe || 3\.1|| mandArabakulAshoka mAkandaprAya bhUruhe | mallI marandaniShyandapAna pInamadhuprate || 3\.2|| ku~NkumastabakAmodakUla~NkaSha harinmukhe | kalakaNThakulAlApakandala drAgabandhure || 3\.3|| kinnarIgIta mAdhurya parivAhita gahvare | sAnanda varayogIndra bR^indAla~NkR^itakandhare || 3\.4|| hemAravindakalikAsugandhirasamAnase | shAtakumbhamayottu~Nga shatastambha virAjite || 3\.5|| mANikya dIpakalikAmarIchidyoti tAntare | dvAratoraNa samrUDhasha~Nkhapadma nidhidvaye || 3\.6|| muktA tArakito dAra vitAnAmbaramaNDite | sparshalakShitavaiDUryamayabhitti parampare || 3\.7|| sa~ncharatpramathashreNI padavAbAlanUpure | pravAla valabhIshR^i~Nga shR^i~NgAramaNi maNTape || 3\.8|| shivavarNanaM vandArudevamakuTa mandAra rasavAsitaM | ratna simhAsanaM divyamadhyastaM parameshvaraM || 3\.9|| tamAsthAnagataM devaM sarvalokamaheshvaraM | trayyantakamalAraNya vihArakalahaMsakaM || 3\.10|| udAraguNa mo~NkArashuktikApuTamauktikaM | sarvama~Ngala saubhAgyasamudAya niketanaM || 3\.11|| saMsAra viShamUrChAla jIvanaM jIvanauShadhaM | nityaprakAsha nairmalyaM kaivalya surapAdapaM || 3\.12|| anantaparamAnandamakarandamadhuvrataM | AtmashaktilatA puShyattrilokIpuShpakorakaM || 3\.13|| brahmANDakuNDikAShaNDapiNDIkaraNa paNDitaM | samastadevatA chakrachakravarti pade sthitaM || 3\.14|| chandrabimbAyuta chChAyAdAyAdadyutivigrahaM | mANikya mukuTa jyotirma~njarIpi~njarAmbaraM || 3\.15|| chUDAlaM somakalayA sukumArabisAbhayA | kalyANa puShpakalikAkarNa pUramanoharaM || 3\.16|| muktAvalayasambaddharuNDamAlA virAjitaM | paryApta chandrasaundarya paripanthimukhashriyaM || 3\.17|| prAtaH sampulla kamala pratIkAshatrilochanaM | mandasmitamitAlA pamadhurAdharapallavaM || 3\.18|| gaNDamaNDala paryantakrIDanma kara kuNDalaM | kAlimnA kAlakUTasya kaNThanAle kala~NkitaM || 3\.19|| maNika~NkaNa keyUra marIchikara pallavaiH | chaturbhiH samvirAjantaM bAhu mandAra shAkhibhiH || 3\.20|| gaurIpayodharAshleShakR^itArthabhujamadhyamaM | suvarNa brahma sUtrA~NkaM sUkShmakausheyavAsanaM || 3\.21|| nAbhisthAnAvalambinyA navamaukti kamAlayA | ga~Ngayeva kR^itAshleShaM maulibhAgavatIrNayA || 3\.22|| padena maNi ma~njIra prabhApallavitashriyA | chandravat sphATikaM pIThaM samAvR^itya sthitaM puraH || 3\.23|| shaktivarNanaM vAmapArshva nivAsinyA ma~Ngala priya veShayA | samastaloka nirmANa samavAyasvarUpayA || 3\.24|| ichChAj~nAnakriyA rUpabahushakti vilAsayA | vidyAtattvaprakAshinyA vinAbhAva vihInayA || 3\.25|| saMsAra viShakAntAra dAhavAdagni lekhayA | dhammilla mallikAmodajhu~NkurvadbhR^i~Nga malayA || 3\.26|| sampUrNa chandra saubhAgya samvAdi mukha padmayA | nAnAmauktikalAvaNya nAsIrasmita shobhayA || 3\.27|| maNitATa~Nka ra~NgAtarvalitA pA~NgalIlayA | netradvitayasaundarya ninditendIvaratviShA || 3\.28|| kusumAyudhakodaNDa kuTila bhrUvilAsayA | bandhUkakusumachChAyA bandhubhUtAdharashriyA || 3\.29|| kaNThanAlajitAna~Ngakambubibboka sampadA | bAhudvitaya saubhAgyava~nchitotpalamAlayA || 3\.30|| sthirayauvanalAvaNya shR^i~NgAritasharIrayA | atyantakaThinottu~Nga pIvarastanabhArayA || 3\.31|| mR^iNAlavallarItantu bandhu bhUtavalagnayA | shR^i~NgArataTInItu~Nga pulina shroNi bhArayA || 3\.32|| kusumbha kusumachChAyA komalAmbara shobhayA | shR^i~NgArodyAnasamrambhAntambhorukANDayA || 3\.33|| chUtapravAlasuShamAsukumAra padAbjayA | sthira ma~NgalashR^i~NgAra bhUShaNAla~NkR^itA~NgayA || 3\.34|| hAranUpura keyUra chamatkR^itasharIrayA | chakShurAnandalatayA saubhAgya kulavidyayA || 3\.35|| umayA samamAsInaM lokajAlakuTumbayA | apUrva rUpa mabhavajan parivArAH samantataH || 3\.36|| devatAsamUhakR^ita shivasevA varNanaM puNDarIkAkR^iti svachChaM pUrNa chandrasahodaraM | dadhau tanya mahAlakShmIH siti mAtapavAraNaM || 3\.37|| tantrIjha~NkArashAlinyA sa~NgItAmR^ita vidyayA | upatasthe mahAdevamupAntecha sarasvatI || 3\.38|| jhaNatka~NkaNajAtena hastenopaniShadvadhUH | o~NkAratAlavR^intena vIjayAmAsa sha~NkaraM || 3\.39|| chalachchAmarikAhastA jha~NkurvanmaNika~NkaNAH | asevanta tamIshAnamabhito divyakanyakAH || 3\.40|| chAmarANAM vilolAnAM madhye tanmukhamaNDalaM | rarAja rAjahaMsAnAM bhramatAmiva pa~NkajaM || 3\.41|| mantreNa tamasevanta vedAH sA~NgavibhUtayaH | bhaktyA chUDAmaNiM kAntaM vahanta iva maulibhiH || 3\.42|| tadIya yudha dhAriNyatatsamAnavibhUShaNAH | a~NgabhUtAH striyaH kAshchidAsevanta tamIshvaraM || 3\.43|| AptAdhikAriNaH kechidananta pramukhA Api | aShTau vidyeshvarA devamabhajanta samantataH || 3\.44|| tato nandI mahAkAshchaNDo bhR^i~NgiriTistataH | ghaNTAkarNaH puShpadantaH kapAlI vIrabhadrakaH || 3\.45|| evamadyA mahAbhAgA mahAbalaparAkramAH | nira~Nkusha mahastatvA bhejire taM maheshvaraM || 3\.46|| aNimAdikamaishvaryaM yeShAM siddherapohanaM | brahmAdayaH surA yeShA mAj~nAla~NghanabIravaH || 3\.47|| mokShalakShmI pariShva~Nga muditA yetarAtmanA | yeShAmiShatkaraM vishvavargasamhAra kalpanaM || 3\.48|| j~nAnashakti parA yeShAM parva vastu prakAshinI | AnandakaNikA yeShAM haribrahmAdi sampadaH || 3\.49|| AkA~NkShante padaM yeShAM yogino yogatatparAH | kA~NkShaNIyaphalo yeShAM sa~NkalpaH kalpa pAdapaH || 3\.50|| karmakAlAdi kArpaNyachintA yeShAnna vidyate | yeShAM vikramasannAhomR^ityorapi cha mR^ityavaH | te sArUpya padaM prAptAH pramathA bhejire shivaM || 3\.51|| brahmopendramahendrAdyA vishvatantrAdhikAriNaM | AyudhAla~NkR^itaprAntAH paritastaM siShevire || 3\.52|| AdityA vasavo rudrA yakSha gandharva kinnarAH | dAnavA rAkShasA daityAH siddhA vidyAdharoragAH | abhajanta mahAdevamaparichChinnasainikAH || 3\.53|| vasiShTho vAmadevashcha vishvAmitrA trishaunakAH | dadhIchirgautamashchaiva sAnandashuka nAradAH || 3\.54|| upamanyubhR^iguvyAsaparAsharamarIchayaH | ityAdyA munayaH sarve nIlakaNThaM niShevire || 3\.55|| pArshvasthaparivArANAM vimalA~NgeShu bimbitaH | sarvAntargatamAtmAnaM sa reje darshayanniva || 3\.56|| shrI parameshvara rAjavyavahAra varNanaM kShaNaM sa shambhurdevAnAM kAryabhAgaM nirUpayan | kShaNaM gandharva rAjAnAM gAnavidyA vibhAvayan || 3\.57|| brahmaviShNvAdibhirdevaiH kShaNamAlapamAcharan | kShaNaM devamR^igAkShINAM lAlayan nR^itya vibhramaM || 3\.58|| vyAsAdInaM kShaNaM kurvan vedochchAreShu gauravaM | nidadhAnaH kShaNaM devyA mukhe bimbAdhare dR^ishaH | hAsya nR^ityaM kShaNaM pashyan bhR^i~NgiNA parikalpitaM || 3\.59|| nandinA vetrahastena sarvatantrAdhikAriNA | amu~nchatA sadA pArshvamAtmAbhiprAya vedinA || 3\.60|| choditAnAnayan kAMshchidvisR^ijan bhrUvilAnataH | sambhAvayaMstathA chAnyAnanyAnapi niyAmayan || 3\.61|| samasta bhuvanAdhIsha maulilAlitashAsanaH | akuNThitashaktiravyAjalAvaNya lalitA kR^itiH || 3\.62|| sthirayauvana saurabhyashR^i~NgAritakalevaraH | Atmashaktya mR^itAsvAdarasollAsita mAnasaH || 3\.63|| svAbhAvikamahaishvarya vishrAnti paramAvadhiH | niShkala~Nka mahAsattva nirmitAneka vigrahaH || 3\.64|| akhaNDAratidordaNDakaNDU khaNDana paNDitaH | chintAmaNi prasannAnAM shrI kaNTha parameshvaraH || 3\.65|| sabhAntaragataM tantraM reNukaM gaNanAyakaM | prasAdaM sulabhaM dAtumAhUyetthaM samAdishat || 3\.66|| shrI reNuka gaNeshvaraM prati shivAdesha shrIshailosyottare bhAge trili~NgaviShaye shubhe | kulyapAkAbhidaM puNyakShetramekaM virAjate || 3\.67|| someshvarAbhidAnasya tatravAsavato mama | aspR^ishanmAnuShaM bhAvaM li~NgAt prAdurbhaviShyasi || 3\.68|| madIyali~Nga sambhUtaM madbhaktaparipAlakaM | vismitA mAnuShAH sarvetvAM bhajantu madAj~nayA || 3\.69|| madadvaita paraM shAstraM vedavedAnta sammataM | sthApayiShyasi bhUloke sarveShAM hitakArakaM || 3\.70|| mamapratApamatulaM madbhaktAnAM visheShataH | prakAshAya mahIbhAge vedamArgAnusArataH || 3\.71|| ityuktvA parameshvaraHsa bhagavA bhadrAsanAdutthito | brahmopendra mukhAnvisR^ijya vibudhA bhrUsaMj~nayA kevalaM || 3\.72|| pArvatyA sahityogaNairabhimatai! prApasvamantaHpuraM | kShoNIbhAgamavAtaratpashupate rAj~nAvashA dreNukaH || 3\.73|| iti shrI siddhAnta shikhAmaNau shiva sabhAvarNanaM nAma tR^itiya parichChedaH parisamAptaH ||3|| \medskip\hrule\medskip chaturtha parichChedaH shrI reNukAgaNAdhIshvara li~NgAvatAra varNanaM atha trili~NgaviShaye kulyapAkAbhide sthale | someshvara mahAli~NgAt prAdurAsIt sa reNukaH || 4\.1|| prAdurbhUtaM tamAlokya shivali~NgAttri li~NgajAH | vismitAH prANinaH sarve babhUvuratitejasaM || 4\.2|| bhasmoddhUlitasarvA~NgaM sArarudrAkSha bhUShaNaM | jaTAmakuTasaNyuktaM tripuNDrA~NkitamastakaM || 4\.3|| kaTItaTapaTI bhUtakanthApaTala bandhuraM | dadhAna yogadaNDaM cha bhasmAdhAraM kamaNDalaM || 4\.4|| shivAdvaita parij~nAna paramAnandamoditaM | nirdhUtasarva saMsAra vAsanAdoSha pa~njaraM || 4\.5|| shivAgama sudhAsindhu samunmeShasudhAkaraM | chittaravindanaM gUDha shivapAdAmbujadvayaM || 4\.6|| yamAdi yoga tantraj~naM svatantraM sarva karmasu | samasta siddha santAna samudAya shikhAmaNiM || 4\.7|| vIrasiddhAnta nirvahakR^ita paTTanibandhanaM | AlokamAtra nirbhinna samasta prANipAtakaM || 4\.8|| tama pR^ichChas janAH sarve samantaH ko bhavAniti | iti pR^iShTo mahAyogi janairvismitamAnasaiH || 4\.9|| pratyuvAcha shivAdvaita mahAnanda parAyaNaH | pinAkinaH pArshvavartI reNukAkhyo gaNeshvaraH || 4\.10|| shivAdeshAnusAreNa shivali~NgAdihabhavaM | nAmnA reNukasiddho haM siddha santAna nAyakaH | svachChandachArI lokesmi shiva siddhAnta pAlakaH || 4\.11|| ityuktvApashyatAM teShAM viShayasthira chakShuShAM | utthAya vyomamArgeNa malayAdrimupAgamat || 4\.12|| malayAdrivarNanaM nava chandana kAntArakaM dalanmandamArutaM | abha~Ngurabhuja~Nga strI sa~NgItarasa sakulaM || 4\.13|| karipotakarAkR^iShTasphuradelA tivAsitaM | varAhadamShTrikAdhvantamustAsurabhikandaraM || 4\.14|| paTIradalaparya~NkaprasuptavyAdadampatiM | mAdhavI mallikA jAtIma~njarI veNu ra~njitaM || 4\.15|| tatra kutrachidAbhoge sarvartukusumadrume | apashyAdashramaM divyamagastasya mahAmuneH || 4\.16|| agastyamaharShi Ashrama varNanaM mandArachandana prAyairmaNDitaM tarumaNDalaiH | shAkha shikharasanlIna tArakAgaNa korakaiH || 4\.17|| munikanyakarAnItakala shAmbu vivarthitaiH | alavAlajalAsvAdamodamAnamR^igIgaNaiH || 4\.18|| hemAravinda niShyandamakarandasugandhibhiH | marAlAlApavAchAlavIchimAlAmanoharaiH || 4\.19|| indIvaravara jyotirandhIkR^itaharinmukhaiH | lopAmudrApada nyAsacharitArtha taTA~NkitaiH || 4\.20|| hAranihArakarpUrahArahAsAmalodakaiH | nitya naimitti kasnAnaniyamArthaista pasvinAM || 4\.21|| prakR^iShTamaNisopAnaiH parivItaM sarovaraiH | vimukta sattva vairasyaM brahmalokamivAparaM || 4\.22|| hu yamAnAjya santAnadhUmagandhimahAsthalaM | shukasamvatsamArabdhashrutishAstrobR^imhaNaM || 4\.23|| agastyamaharShi varNanaM tasyamadhye samAsInaM mUle chandana bhUruhaH | sukumAradala chChAyA vAritAdityatejasaH || 4\.24|| taDitpi~NgajaTAbhArai stripuNDrA~NkitamastakaiH | bhasmoddhUlita sarvA~NgaiH sphuradrudrAkSha bhUShaNaiH || 4\.25|| navavalkalavAsobhirnAnAniyamadhAribhiH | parivItaM munigaNaiH pramathairiva sha~NkaraM || 4\.26|| samujjvalajjaTAjAlaistapaH pAdapa pallavaiH | sphuratsaudAminIkalpairjvAlA jAlairivAnalaM || 4\.27|| vishuddhabhasmakR^itayA tripuNDrA~NkitarekhayA | tisrotaseva sambaddhashilA bhAgaM himAchalaM || 4\.28|| bhasmAla~NkR^ita sarvA~NgaM shashA~Nkamiva bhUgataM | vasAnaM valkalaM savyaM bAlAtapasamaprabhaM || 4\.29|| vaDavAgni shikhAjAlasamAlIDhamivArNavaM | sarvAsAmapi vidyAnAM samudAyaniketanaM || 4\.30|| nyakkR^itaprAkR^itAhantaM nirUDha shivabhAvanaM | tR^iNIkR^ita jagajjAlaM siddInAmudayasthalaM || 4\.31|| mohAndhakAratapanaM mUlabodhamahIruhaM | dadarshana mahAyogimuniM kalasha sambhavaM || 4\.32|| agastyAshramAgatasya shrIreNukagaNeshvarasya pAdapUjAtathA agastyaM pratikushalaprashnaH tamAgataM mahAsiddhaM samIkShya kalashodbhavaH | gaNendraM reNukAbhikhyaM viveda j~nAnachakShuShA | tasyAnubhAvaM vij~nAya sahasaiva samutthitaH || 4\.33|| lopAmudrAkarAnI tairudakairatipAvanaiH | pAdau prakShAlayAmAna sa tasya shiva yoginaH || 4\.34|| sampUjyaM taM yathAshAstraM tanniyogapurassaraM | munirvinayanaM panno niShasAdAsanAntare || 4\.35|| samAsInaM munivaraM sarvatejasvinAM vibhuH | uvAcha shAntAyA vAchA revaNaH siddha shekharaH || 4\.36|| nirvighnaM vartase kinnu nityA te niyamakriyA | athavAgastya tejasvin kutaH sustentarAyakAH || 4\.37|| vindyo niruddho bhavatA vishvolla~Nghana vibhramaH | nahuSho roShaleshAtte sadyaH sarpatvamAgataH || 4\.38|| AchAntA bhavatA pUrvaM pa~NkasheShAH vamodhayaH | jIrNaste jAThare vahno dR^ipto vAtApidAnavaH || 4\.39|| evamvidhAnAM chitrANAri sarvalokAtishayinAM | kR^ityAnAntu bhavAn kartAkastegastya samaprabhaH || 4\.40|| shivAdvaita parAnandaprakAshAna parAyaNaM | bhavantamekaM shaMsanti prakR^ityA sa~NgavarjitaM || 4\.41|| purA haimAvatI sUnuvadatte ShaDAvanaH | shivadharmottaraM nAmashAstramIshvarabhAShitaM || 4\.42|| bhaktiH shaivI mahAghorasaMsAra bhayahAriNI | tvayArAjasvatI loke jAtAgastya mahAmune || 4\.43|| iti tasyavachaH shrutvA siddhapya muni pu~NgavaH | gambhIraguNayA vAchA babhAShe bhakti pUrtakaM || 4\.44|| agastya maharShi prArthanA ahameva munIndrANAM lAlanIyonasmi sarvadA | bhavadAgamasaM pattirmAM vinA kasya sambhavet || 4\.45|| sthira madya shivaj~nAnaM siddhAme tApanakriyA | bhavaddarshana puNyena sthirA me munirAjatA || 4\.46|| saMsArasarpa daShTAnAM mUrChitAnAM sharIriNAM | kaTAkShastava kalyANaM samujjIva bheShajaM || 4\.47|| samasta loka sandAhatA patrayamahAnalaH | tvatpadAmbukaNA svAdAdupashAmyati dehinAM || 4\.48|| reNukaM tvAM vijAnAmi gaNanAthaM shivapriyaM | avatIrNamimAM bhUmiM madanugraha kA~NkShayA || 4\.49|| bhavAdR^ishAnAM siddhAnAM prabhodhadhvasta janmanAM | pravR^ittirIdR^ishI loke parAnugrahakAriNI || 4\.50|| tvanmukhAchChrotumichChAmi siddhAntaM shrutisammataM | sarvaj~na vada me sAkShAchChaivaM sarvArtha sAdhakaM || 4\.51|| sadyaH siddhikaraM puMsAM sarvayogIndra sevitaM | durAchAraira nA ghrAtaM svIkR^itaM veda vedibhiH | shivAtmaikya mahAbodhanasampradAyapravartakaM || 4\.52|| uktvA bhavAn sakalalo kamahopakAraM | siddhAnta sa~NgrahamanAdR^ita bAhya tantraM | sadyaH kR^itArthayitumarhati divya yogin | nAnAgamashravaNa varti tasaMshayaM mAM || 4\.53|| iti shrI siddhAnta shikhAmaNau shrIreNukAgastyasambhAShaNa prasa~NgonAma chaturtha parichChedaH parisamAptaH ||4|| \medskip\hrule\medskip pa~nchama parichChedaH athAgastyavachaH shrutvA reNuko gaNa nAyakaH | dhyAtvA kShaNaM mahAdevaM sAmbamAha samAhitaH || 5\.1|| agastya munishArdUla samastAgamapAraga | shivaj~nAnakaraM vakShye siddhAntaM shR^iNu sAdaraM || 5\.2|| agastya bahudhA khyAtAH siddhAntA ruchibhedataH | bhinnA chArasamAyuktA bhinnArthapratipAdakAH || 5\.3|| sA~NkhyaM yogaH pA~ncharAtraM vedAH pAshupataM tathA | etAni mAnabhUtAni na hantavyAni yuktibhiH || 5\.4|| vedaH pradhAnaM sarveShAM sA~NkhyAdInaM mahAmune | vedAnusaraNA deShaM pramANamiti nishchitaM || 5\.5|| pA~ncharAtrasya sA~Nkhyasya yogasya cha tathA mune | vedaika desha vartitvaM shaivaM vedamayaM mataM || 5\.6|| vedaika deshavartibhyaH sA~NkhyAdibhyo mahAmune | sarvavedAnu sAritvAchChaivatantraM vishiShyate || 5\.7|| shaiva tantra miti proktaM siddhAntAkhyaM shivoditaM | sarvavedArtharUpatvAt pramANaM vedavatsadA || 5\.8|| AgamA bahudA proktAH shivena paramAtmanA | shaivaM pAshupataM somaM lAkulaM cheti bhedataH || 5\.9|| teShu shaivaM chaturbhedaM tantraM sarva vinishchitaM | vAmaM cha dakShiNaM chaiva mishraM siddhAnta saMj~nakaM || 5\.10|| shakti pradhAnaM vAmAkhyaM dakShiNaM bhairavAtmakaM | sapta mAtR^iparaM mishraM siddhAntaM veda sammataM || 5\.11|| veda dharmAbhidhAyitvAt siddhAntAkhyaH shivAgamaH | veda bAhya virodhitvA dvedasammata uchChate || 5\.12|| veda siddhAntayoraikya mekArtha pratipAdanAt | prAmANyaM sadR^ishaM j~neyaM paNDitai retayoH sadA || 5\.13|| siddhAntAkhye mahAtantre kAmikAdye shivodite | nirdiShTamutta re bhAge vIrashaivamataM paraM || 5\.14|| vishabde nochyate vidyA shivajIvaikya bodhikA | tasyAM ramante ye shaivA vIrashaivAstu te matAH || 5\.15|| vedAnta janyaM yad j~nAnaM vidyeti parikIrtyate | vidyAyAM ramante yaH sa vIra ityabhidhIyate || 5\.16|| vidyAyAM shivarUpAyAM ramante ye visheShataH | tasmAdete mahAbhAgA vIrashaivA iti smR^itAH || 5\.17|| vidyAyAM ramante yasmAyAM heyaM shvapadrahet | ane naiva niruktena vIramaheshvara smR^itaH || 5\.18|| shaivairmAheshvaraishchaiva kAryamantarbahiH kramAt | shivo maheshvara shcheti nAtyantamiha bhidyate | yathA tathAna bhidyante shaivA maheshvarA apiH || 5\.19|| shivAshriteShu teshaivA j~nAna yaj~naratAnarA | mAheshvarA samAkhyAtAH karmayaj~naratAbhuvi | tasmAdabhyantare kuryuH shaivAmAheshvarAbahi || 5\.20|| vIrashaivAstu ShaDbhedAH sthaladharma vibhedataH | bhaktAdivyavahAreNa prochyante shAstrapAragaiH || 5\.21|| shAstrantu vIrashaivAnAM ShaDvidhaM sthalabhedataH | dharmabhedasamAyogAdadhikAri vibhedataH || 5\.22|| adau bhaktasthalaM proktaM tato maheshvara sthalaM | prasAdisthala manyattu prANali~NgisthalaM tataH | sharaNasthalamAkhyAtaM ShaShTamaikyasthalaM mataM || 5\.23|| bhaktasthalaM bhaktasthalaM pravakShyAmi prathamaM kalashodbhava | tadavAntara bhedAMshcha samAhitamanAH shR^iNu || 5\.24|| shivebhaktiH samutpannA yasyAsau bhakta uchyate | tasyAnuShTheyadharmANAyuktirbhakta sthalaM mataM || 5\.25|| avAntarasthalAnyatra prAhuH pa~nchadashottamAH | piNDatA piNDavij~nAnaM saMsAraguNa heyatA || 5\.26|| dIkShA li~NgadhR^itishchaiva vibhUterapidhAraNaM | rudrAkShadhAraNaM pa~nchAkSharajapastathA || 5\.27|| bhaktamArgakriyA chaivagurorli~Ngasya chArchanaM | ja~NgamasyatathA hyeShAM prAsAdasvIkR^itistathA || 5\.28|| atra dAnatrayaM proktaM sopAdhi nirupAdhikaM | sahaja~ncheti nirdiShTaM samastAgamapAragaiH | etAni shivabhaktasya kartavyAni prayatnataH || 5\.29|| 1\. piNDasthalaM bahujanma kR^itaiH puNyaiH prakShINe pApapa~njare | shuddhAntaHkaraNo dehi piNDashabdena gIyate || 5\.30|| shivashakti samutpanne prapa~nchena smin vishiShyate | puNyAdhikaM kShINapApaH shuddhAtmA piNDanAmakaH || 5\.31|| ekaeva shivaH sAkShAchchidAnandamayo vibhuH | nirvikalpo nirAkAro nirguNo niShprapa~nchakaH || 5\.32|| anAdya vidyA sambandhAttadaMsho jIvanAmakaH | devatiryajmanuShyAdijAtibhede vyavasthitaH | mayI maheshvarasteShAM prerako hR^idisaMsthitaH || 5\.33|| chandrakAnte yathAto yaM sUryakAnte yathAnalaH | bIje yathA~NkuraH siddhastathAtmani shivaH sthitaH || 5\.34|| guNatrayAtmikA shaktirbrahmaniShTA sanAtanI | tadvaiShamyAtsa mutpannA tasmin vastutrayAbhidA || 5\.35|| ki~nchatsattvarajorUpaM bhoktR^isaMj~nakamuchyate | atyantatAmasopAdhirbhojyamityabidhIyate || 5\.36|| paratattva mayopAdhirbrahmachaitanyamIshvaraH | bhoktAbhojyaM prerayitA vastutrayamidaMsmR^itaM || 5\.37|| Atra prerayitA shambhuH shuddhopAdhirmaheshvaraH | samishropAdhayaH sarve bhoktAraH pashavaHsmR^itA | bhojyamavyakta mityuktaM shuddhatAmasarUpakaM || 5\.38|| atyanta gUDha chaitanyaM jaDamavyakta muchyate | sarvaj~naH prerakaH shambhuH ki~nchid j~no jIva uchyate || 5\.39|| upAdhiH punarAkhyAtaH shuddhAshuddhavibhedataH | shuddhopAdhiH parAmAyA svAshrayAn mohakAriNI || 5\.40|| ashuddhopAdhirapyevamavidyAshraya mohinI | avidyA shakti bhedena jIvA bahuvidhAH smR^itAH || 5\.41|| mAyA shakti vashAdIsho nAnAmUrti dharaHprabhuH | sarvaj~naH sarvakartAcha nityamukto maheshvaraH || 5\.42|| ki~nchitkartAcha ki~nchid j~nobaddhonAdisharIravAn | avidyA mohitA jIvA brahmaikyaj~nAna varjitA || 5\.43|| paribhramanti saMsAre nijakarmAnusArataH | devatiryajmanuShyAdinAnAyonivibhedatiH || 5\.44|| chakranemikrameNaiva bhramanti hi sharIriNaH | jAtyAyurChogavaiShamya kAraNaM karma kevalaM || 5\.45|| eteShAM dehinAM sAkShi prerakaH parameshvaraH | saMsAre bhramatAM nityaM karma yantra niyantriNe || 5\.46|| dehinAM prerakaH shambhurhita mArgopadeshakaH | punarAvR^itti rahita mokSha mArgopadeshakaM || 5\.47|| svakarma paripAkena prakShINamalavAsanaH | shivaprasAdAjjIvoyaM jAyate shuddhamAnasaH || 5\.48|| shuddhAntaH karaNe jIve shuddhakarma vipAkataH | jAyate shivakAruNyAt prasphuTA bhaktiraishvarI | janturantya sharIrosau piNDashabdAbhideyakaH || 5\.49|| 2\. piNDaj~nAnasthalaM sharIrAtma vivekena piNDaj~nAnI sakathyate | sharIrameva chArvAkairAtmeti parikIrtyate || 5\.50|| indriyANAM tathAtmatvamaparaiH paribhAShyate | buddhitattvagatairbauddhairbuddhirAtmetigIyate || 5\.51|| sendriyANAM na dehasya na buddherAtmatA bhavet | ahampratyaya vedyatvAdanubhUtasmR^iterapi || 5\.52|| sharIrendriya buddhibhyo vyatiriktaH sanAtanaH | AtmasthitivivekI yaH piNDaj~nAnI nakathyate || 5\.53|| nashvarANi sharIrANi nAnArUpANi karmaNA | Ashrito nitya evAsAviti jantorvivekitA || 5\.54|| sharIrAtpR^ithagAtmAnamAtmanaH pR^ithagIshvaraM | prerakaM yo vijAnAti piNDaj~nAnI sa kathyate || 5\.55|| 3\. saMsAraheyasthalaM nirantahR^itkala~Nkasya nityAnityavivekinaH | saMsAra he yatA buddhirjAyate vAsanAbalAt || 5\.56|| aihike kShaNike saukhye putradArAdi sambhave | kShayityAdiyute svarge kasya vANChA vivekinaH || 5\.57|| jAtasyahidhruvo mR^ityurdhR^ivaM janmamR^ityasyacha | janturmaraNa janmAbhyAM paribhramati chakravat || 5\.58|| matsyakUrma varAhA~NgairnR^isimhamanujAdibhiH | jAtena nidhanaM prAptaM viShNunApi mahAtmanA || 5\.59|| bhUtvA karmavashAjjanturbrAhmaNAdiShu jAtiShu | tApatraya mahAvahni santApAddahyate bhR^ishaM || 5\.60|| karma mUlena duHkhena pIDya mAnasya dehinaH | adhyAtmikAdinA nityaM kutra vishrAntirApyate || 5\.61|| AdhyAtmikantu pradhamaM dvitiya~nchAdi bhautikaM | Adhidaivikamanyachcha duHkhatrayamidaM smR^itaM || 5\.62|| AdhyAtmikaM dvidhA proktaM bAhyAbhyantara bhedataH | vAtapittAdijaM duHkhaM bAhyamAdhyAtmikaM mataM | rAgadveShAdi sampannamAntaraM parikIrtyate || 5\.63|| Adhibhautikametaddhi duHkhaM rAjAdibhUtajaM | AdhidaivikamAkhyAtaM grahayakShAdi sambhavaM || 5\.64|| duHkhairetairupetasya karma baddhasya dehinaH | svarge vA yadi vA bhUmau sukhaleshona vidyate || 5\.65|| taTitsu vIchi malAsu pradIpasya prabhAsu cha | sampatsu karma mUlAsukasya vA sthiratAmatiH || 5\.66|| malakoshe sharIresmin mahAduHkhavivarthane | taDida~NkurasaM kAshe kovA modeta paNDitaH || 5\.67|| nityAnanda chidAkAramAtma tattvaM vihAya kaH | vivekI ramate dehe nashvare duHkha bhAjane || 5\.68|| vivekI shuddhahR^idayo nishchitAtma sukhodayaH | duHkhahetau sharIresmin kalatre cha suteShucha || 5\.69|| suhR^itsu bandhuvargeShu dhaneShu kulapaddhatau | anitya buddhyA sarvatra vairAgyaM paramashnute || 5\.70|| vivekino viraktasya viShayeShvAtmarAgiNaH | saMsAra duHkha vichCheda hetai buddhiH pravartate || 5\.71|| nityAnityavivekinaH sukR^itinashshuddhAshaya syAtmanotraH | brahmopendramahendramukhya vibhaveShva sthAyitAmpashya | nityAnandapade nirAkR^itajagatsaMsAra duHkhodaye | sAmbe chandrashiromaNe samudayedbhakti rbhavadhvasinI || 5\.72|| iti shrI siddhAnta shikhAmaNau bhaktasthale piNDAdisthalatraya prasa~NgonAma pa~nchama parichChedaH parisamAptaH ||5|| \medskip\hrule\medskip ShaShThaparichChedaH 4\. gurukAruNyasthalaM tato viveka sampanno virAgI shuddhamAnasaH | jij~nAsuH sarva saMsAradoShadhvaMsakaraM shivaM || 6\.1|| upaiti loka vikhyAtaM lobha moha vivarjitaM | Atmatattva vichAraj~naM vimukta viShayabhramaM || 6\.2|| shiva siddhAntatattvaj~naM Chinna sandeha vibhramaM | sarvatantraprayogaj~naM dhArmikaM satyavAdinaM || 6\.3|| kulakramAgatAchAraM kumArgAchAravarjitaM | shivadhyAnaparaM shAntaM shivatattva vivekinaM || 6\.4|| bhasmoddhUlananiShNAtaM bhasmatattva vivekinaM | tripuNDradhAraNotkaNThaM dhR^itarudrAkShamAlikaM || 6\.5|| li~NgadhAraNa saNyuktaM li~NgapUjAparAyaNaM | li~NgA~Ngayogatattvaj~naM nirUDhAdvaitavAsanaM | li~NgA~Ngasthalabhedaj~naM shrIguruMshivavAdinaM || 6\.6|| seveta paramAchAryaM shiShyo bhaktibhayAnvitaH | ShaNmAsAn vatsaraM vApi yAvadeSha prasIdati || 6\.7|| prasannaM paramAchAryaM bhuktimuktipradAyakaM | prArthayedagrataH shiShyaH prA~njalirvinayAnvitaH || 6\.8|| bhokalyANa mahAbhAga shivaj~nAnamahodadhe | AchAryavarya samprAptaM rakShamAM bhavarogiNaM || 6\.9|| iti shuddhena shiShyeNa prArthitaH paramoguruH | shaktipAtaM samAlokya dIkShayA yojayedamuM || 6\.10|| dIyatecha shivaj~nAnaM kShIyate pAshabandhanaM | yasmAdataH samAkhyAtA dIkShetIyaM vichakShaNaiH || 6\.11|| sAdIkShA trividhA proktA shivAgamavishAradaiH | vedhArUpA kriyA rUpamantrarUpAchatApana || 6\.12|| gurorAloka mAtreNa hastamastakayogataH | yaH shivatva samAvesho vedhAdIkSheti sAmatA || 6\.13|| mAntrIdIkShetisAproktA mantramAtropadeshinI | kuNDamaNDalikopetA kriyAdIkShA kriyottarA || 6\.14|| shubhamAse shubhatithaushubhakAle shubhehani | vibhUtiM shivabhaktebhyo dattvA tAmbUla pUrvakaM || 6\.15|| yathAvidhi yathAyogaM shiShyamAnIya deshikaH | snAtaM shuklAmbaradharaM dantadhAvanapUrvakaM || 6\.16|| maNDalesthApayechChiShyaM prAj~nmukhaM tamudaj~nmukhaH | shivasyanAma sa~NkIrtiM chintAmapi cha kArayet || 6\.17|| vibhUti paTTaM kR^itvAn greyathAsthAnaM yathAvidhi | pa~nchabrahmamayaistatra sthApitaiH kalashodakaiH | AchArya samamR^itvigbhi strIvAramabhiShechayat || 6\.18|| abhiShichcha guruH shiShya mAsInaM purataH shuchiM | tataH pa~nchAkSharIM shaivIM saMsArabhayatAriNIM || 6\.19|| tasyadakShiNa karNetu nigUDhamapikIrtayet | ChandorUpamR^iShi chAsya devatAM nyAsapaddhatiM || 6\.20|| 5\. li~NgadhAraNasthalaM sphATikaM shailajaM vApi chandrakAtamayaM tuvA | bANaM vAsUryakAntamvA li~NgamekaM samAharet || 6\.21|| sarvalakShaNasampanne tasmin li~Nge vishodhite | pIThasthitebhiShikte cha gandhapuShpAdhipUjite || 6\.22|| mantrapUte kalAM shaivIM yojayedvidhinA guruH | shiShyasya prANamAdAya li~Nge tatra nidhApayet || 6\.23|| talli~NgaM tasyatu prANe sthApayedeka bhAvataH | evaM kR^itvA gururli~NgaM shiShyahaste nidhApayet || 6\.24|| prANavaddhAraNIyaM tatprANali~NgamidaM tava | kadA chitkutra chidvApi na viyojaya dehataH || 6\.25|| yadi pramadAtpatite li~Nge dehanmahItale | prANAn vimu~ncha sahasA prAptayemokSha sampadaH || 6\.26|| iti sambodhita: shiShyo guruNA shAstravedinA | dhArayechChA~NkaraM li~NgaM sharIre prANa yogataH || 6\.27|| li~NgasyadhAraNaM puNyaM sarvapApa praNAshanaM | adR^itaM munibhiH sarvai rAgamArthavishAradaiH || 6\.28|| li~NgadhAraNamAkhyAtaM dvidhA sarvArtha sAdhakaM | bAhyamabhyantaraM cheti munibhirmokShakA~NkShibhiH || 6\.29|| chidrUpaM paramaM li~NgaM shA~NkaraM sarvakAraNaM | yattasyadhAraNaM chitte tadAntaramudAhR^itaM || 6\.30|| chidrUpaM hi paraM tattvaM shivAkhyaM vishvakAraNaM | nirasta vishva kAluShyaM niShkalaM nirvikalpakaM || 6\.31|| sattAnanda parisphUrti samullA sa kalAmayaM | aprameyamanirdeshyaM mumukShubhirupAsitaM || 6\.32|| paraM brahma mahAli~NgaM prapa~nchAtItamavyayaM | tadeva sarvabhUtA nAmanta stri sthAnagocharaM || 6\.33|| mUlAdhArecha hR^idaye bhrUmadhye sarvadehinAM | jyotirli~NgaM sadAbhAtiyadbhrahmetyAhurAgamAH || 6\.34|| aparichChinnamavyaktaM li~NgaM brahma sanAtanaM | upAsAnArthamantasthaM parichChinnaM svamAyayA || 6\.35|| layaM gachChati yatraiva jagadetachcharAcharaM | punaH punaH samutpattiM talli~NgaM brahma shAshvataM || 6\.36|| tasmAlli~Ngamiti khyAtaM sattAnanda chidAtmakaM | bR^ihatvAdbR^imhaNatvAchcha brahmashabdAbhideyakaM || 6\.37|| AdhAre hR^idaye vApi bhrUmadhye vA nirantaraM | jyotirli~NgAnusandhAnamAntaraM li~NgadhAraNaM || 6\.38|| AdhAre kanaka prakhyaM hR^idaye vidrumaprabhaM | bhrUmadhye sphaTikachChAyali~NgaM yogI vibhAvayet || 6\.39|| nirapAdhikamAkhyAtaM li~NgasyAntara dhAraNaM | vishiShTaM koTiguNitaM bAhyali~Ngasya dhAraNAt || 6\.40|| ye dhArayanti hR^idaye li~NgaM chidrUpamaishvaraM | na teShAM punarAvR^ittirghora saMsAramaNDale || 6\.41|| antarli~NgAnusandhAnamAtma vidyAparishramaH | gurUpAsanashaktishcha kAraNaM mokSha sampadAM || 6\.42|| vairAgya j~nAnayuktAnAM yoginAM sthirachetasAM | antarli~NgAnusandhAne ruchirbAhye najAyate || 6\.43|| brahma viShNushcha rudrashcha vAsavAdyAshcha lokapAH | munayaH siddha gandharvA dAnavA mAnavAstathA || 6\.44|| sarve suj~nAnayogena sarvakAraNa kAraNaM | pashyanti hR^idaye li~NgaM paramAnandalakShaNaM || 6\.45|| tasmAtsarva prayatnena shA~NkaraM li~NgamuttamaM | antarvibhAyedvidvAnasheShakleshamuktaye || 6\.46|| antardhArayitaM li~NgamashaktaH shakta eva vA | bAhyA~nchadhArayelli~NgaM tadrUpamitinishchayAt || 6\.47|| li~Ngantu trividhaM proktaM sthUlaM sUkShmamparAtparaM | iShTali~NgamidaM sthUla yadbAhyedhAryate tanau || 6\.48|| prANali~NgamidaM sUkShmaM yadantarbhAva nAmayaM | parAtparaM tu yatproktaM tR^iptili~NgaM taduchyate | bhAvanAtItamavyaktaM parabrahma shivAbhidaM || 6\.49|| iShTali~NgamidaM sAkShAdaniShTaparihArakaM | dhArayedava dhAnena sharIresarvadA budhaH || 6\.50|| mUrdhnivA kaNTha deshe vA kakShe vakSha:sthalepi vA | kukShau hastasthale vApi dhArayelli~NgamaishvaraM || 6\.51|| nAbheradhastAlli~Ngasya dhAraNaM pApakAraNaM | jaTAgretrikabhAge cha malasthAne na dhArayet || 6\.52|| li~NgadhArI sadA shuddho nijali~NgaM manoramaM | archayedgandha puShpAdyaiH karapIThe samAhitaH || 6\.53|| bAhyapIThArchanAdetat karapIThArchanaM varaM | sarveShAM vIrashaivAnAM mumukShUNAM nirantaraM || 6\.54|| brahma viShNvAdayo devA munayo gautamAdayaH | dhArayanti sadA li~NgamuttamA~NgevisheShataH || 6\.55|| lakShmyAdishaktayaH sarvAH shivabhAvavibhAvitAH | dhArayantyalikAgreShu shivali~NgamaharnishaM || 6\.56|| vedashAstrapurANeShukAmikAdyAgameShucha | li~NgadhAraNamAkhyAtaM vIrashaivasya nishchayAt || 6\.57|| R^igityAha pavitraM te vitataM brahmaNaspate | tasmAtpavitraM talli~NgaM dhAryaM shaivamanAmayaM || 6\.58|| brahmetili~NgamAkhyAtaM brahmaNaH patirIshvaraH | pavitraM taddi vikhyAtaM tatsamparkAttanuHshuchiH || 6\.59|| ataptatanuraj~no vaihyAmaH saMskAra varjitaH | dIkShAyA rahitaH sAkShAnnApnuyAlli~NgamuttamaM || 6\.60|| aghorAn pApakAshIti yA te rudra shivAtanUH | yajuShA gIyate yasmAttasmAchChaivoghavarjitaH || 6\.61|| yoli~NgadhArI niyatAntarAtmA nityaM shivArAdhanabaddhachittaH | sa dhArayet sarvamalApahatyai bhasmAmalaM chAru yathA prayogaM || 6\.62|| iti shrI siddhAnta shikhAmaNau bhaktasthale gurukAraNyasthala li~NgadhAraNasthala prasa~NgonAma ShaShTha parichChedaH parisamAptaH ||6|| \medskip\hrule\medskip saptama parichChedaH 6\. bhasmadhAraNa sthalaM bhasmadhAraNa saNyuktaH pavitro niyatAshayaH | shivAbhidhAnaM yatproktaM bhAsanAdbhasitaM tathA || 7\.1|| mahAbhasmeti sa~nchitya mahAdevaraM prabhAmayaM | vartanteye mahAbhAgA mukhyAste bhasmadhAriNaH || 7\.2|| shivAgnyAdisamutpannaM mantranyAsAdi yogataH | tatsopAdhikamityAhurbhasma tantra vishAradAH || 7\.3|| vibhUtirbhasitaM bhasma kShAraM rakSheti bhasmanaH | etAni pa~nchanAmAni hetubhiH pa~nchabhirbhR^ishaM || 7\.4|| vibhUtirbhUtihetutvAdbhasitaM tattvabhAsanAt | pApAnAM bhartR^i nAdbhasma kShAraNAt kShAramApadaM | rakShaNAtsarva bhUtebhyo rakSheti parigIyate || 7\.5|| nandA bhadrA cha surabhiH sushIlA sumanAstathA | pa~nchagAvo vibhorjAtAH sadyojAtAdivaktrataH || 7\.6|| kapilaH kR^iShNa dhavala dUmraraktAstathaiva cha | nandAdInAM gavAM varNAH krameNa parikIrtitAH || 7\.7|| sadyojAtAdvibhUtishcha vAmAdbhasitameva cha | aghorAdbhasma sa~njAtaM kShAraM tatpuruShastathA | rakShA cheshAnavavaktrashcha nandAdi dvAratobhavat || 7\.8|| dhArayennityakAryeShu vibhUtiM cha prayatnataH | naimittikeShu bhasitaM kShAraM kAmyeShu sarvadA || 7\.9|| prAyashchitteShu sarveShu bhasmanAma yathAvidhi | rakShAcha mokSha kAryeShu prayoktavyA sadAbudhaiH || 7\.10|| nandAdInantu ye varNAH kapilAdyAH prakIrtitAH | ta eva varNa vikhyAtA bhUtyAdInAM yathAkramaM || 7\.11|| bhasmotpAdanamuddiShTaM chaturthA tantravedibhiH | kalpaM chaivAnukalpaM cha hyupakalpamakalpakaM || 7\.12|| eShAmAdimamutkR^iShTa manyatsarva mabhAvataH | tathA shAstrokta vidhinA gR^ihItva gomayaM navaM || 7\.13|| sadyena vAmadevena kuryAtpiNDamanuttamaM | shoShayetpuruSheNaiva dahedghorAchChivAgninA || 7\.14|| kalpaM tadbhasma vij~neyamanukalpamathochyate | paneShu gomayaM yachcha shuShkaM chUrNIkR^itaM tathA || 7\.15|| dagtha~nchaivAnukalpAkhya mApaNAdigataM tu yat | vastreNottAritaM bhasmagomUtrAbaddha piNDakaM || 7\.16|| dagdaM prAguktavidhinA bhavedbhasmopakalpakaM | anyairApAditaM bhasmahyakalpamiti kalpitaM || 7\.17|| eShvekatamamAdAya pAtreShu kalashAdiShu | trisandhyamAcharet snAnaM yathAsambhavamevavA || 7\.18|| snAnakAle karaupAdau prakShAlya vimalAmbhasA | vAmahasta talebhasmakShiptvAchChAdyAnya pANinA || 7\.19|| aShTakR^itvothamUlena maunI bhasmAbhi mantryacha | shira IshAnamantreNa vAmadevena guhyakaM || 7\.20|| pAdausadyena sarvA~NgaM praNavenaiva sechayet || 7\.21|| bhasmanA vihitaM snAnamidamAgneya muttamaM | snAneShu vAruNAdyeShu mukhyametanmalApahaM || 7\.22|| bhasmasnAnavatAM puMsAM yathAyogaM dinedine | vAruNAdyairalaM snAnairbAhyadoShApahAribhiH || 7\.23|| AgneyaM bhasmanA snAnaM yatibhistu vidhIyate | ArdrasnAnAtparaM bhasma Ardre jantuvadhodhruvaM || 7\.24|| Ardrantu prakR^itiM vidyAt prakR^itiM bandhanaM viduH | prakR^itestu prahANArdhaM bhasmanA snAnamiShyate || 7\.25|| brahmAdyA vibudhAH sarve munayo nAradAdayaH | yoginaH sanakAdyAshcha bANAdyA dAnavA api || 7\.26|| bhasmasnAnaratAH sarve shivabhakti parAyaNAH | nirmukta doShakalilA nitya shuddhA bhavanti hi || 7\.27|| nama:shivAyeti bhasma kR^itvA stapAbhimantritaH | uddhUlayettena dehaM tripuNDraM chApi dhArayet || 7\.28|| sarvA~NgoddhUlanaM chApi na samAnaM tripuNDrakaiH | tasmAtripuNDramevaikaM likheduddhUlanaM vinA || 7\.29|| tripuNDraM dhArayennityaM bhasmanA sajalena hi | sthAneShu pa~nchadashasu sharIre sAdhakottamaH || 7\.30|| uttamA~Nge lalATecha shravaNadvitiye tathA | gale bhujadvaye chaiva hR^idi nAbhau cha pR^iShTake || 7\.31|| bAhuyugmekakuddeshe maNibandhadvaye tathA | tripuNDraM bhasmanAdhAryaM mUlamantreNa sAdhakaiH || 7\.32|| vAmahaste tale bhasmakShiptvAchChAdyAnyapANinA | agnirityAdimantreNa spR^ishan vArAbhi mantryacha || 7\.33|| tripuNDramukta sthAneShu dadhyAt sajala bhasmanA | shivaM shiva~NkaraM shAntaM sa prApnoti na saMshayaH || 7\.34|| madhyA~NgulitrayeNaiva svadakShiNa karasyatu | ShaDa~NgulAyutaM mAnamapivAlikamAnakaM | netrayugmasramANena phAle dadhyAttripuNDrakaM || 7\.35|| madhyamAnAmikA~NguShthairanulomavilomataH | dhArayedya stripuNDrA~NkaM sa rudro nAtra saMshayaH || 7\.36|| R^ijushvetamanuvyAptaM snigdhaM shrotra pramANakaM | evaM sallakShaNopetaM tripuNDraM sarva siddhidaM || 7\.37|| prAtaH kAlecha madhyAhne sAyAhnecha tripuNDrakaM | kadAchidbhasmanA kuryAtsarudro nAtra saMshayaH || 7\.38|| evaM vidhaM vibhUtyA hi kurute yastripuNDrakaM | sa raudra dharma saNyukta strayImaya iti shrutiH || 7\.39|| brahmA viShNushcha rudrashcha devAH shukra purogamAH | tripuNDraM dhArayantyeva bhasmanA parikalpitaM || 7\.40|| vashiShThAdyA mahAbhAgA munayaH shrutikovidAH | dhArayanti sadAkAlaM tripuNDraM bhasmanA kR^itaM || 7\.41|| shivAgameShu vedeShu purANeShvakhileShu cha | smR^itItihAsakalpeShu vihitaM bhasmapuNDrakaM | dhAraNIyaM samastAnAM shaivAnAM cha visheShataH || 7\.42|| nAstiko bhinna maryAdo durAchAro parAyaNaH | bhasmatripuNDradhArI chenmuchyate sarvakilbiShaiH || 7\.43|| 7\. rudrAkShadhAraNa sthalaM bhasmanA vihitasnAna stripuNDrA~NkitamastakaH | shivArchana paro nityaM rudrAkShamapi dhArayet || 7\.44|| rudrAkSha dhAraNAdeva muchyante sarva pAtakaiH | duShTachittA durAchArA duShpraj~nA api mAnavAH || 7\.45|| purAtripurasamhAre trinetro jagatAM patiH | udapashyatpurAM yogamunmIlita vilochanaH || 7\.46|| nipetustasya netrebhyo bahavo jalabindavaH | tebhyojAtAhirudrAkShA rudrAkShA iti kIrtitAH || 7\.47|| rudranetra samutpannA rudrAkShA lokapAvanAH | aShTatriMshatprabhedena bhavantyutpatti bhedataH || 7\.48|| netrAt sUryatmanaH shambhoH kapilA dvAdashoditAH | shvetAH ShoDasha sa~njAtAH somarUpadvilochanAt || 7\.49|| kR^iShNA dasha vidhA jAtA vahnirUpAdvilochanAt | evamutpatti bhedena rudrAkShA bahudhA smR^itAH || 7\.50|| achChidraM kanakaprakhyamananyadhR^itamuttamaM | rudrAkShaM dhArayet prAj~naH shivapUjAparAyaNaH || 7\.51|| yathAsthAnaM yathAvaktraM yathAyogaM yathAvidhi | rudrAkShadhAraNaM vakShye rudra sAyujya siddhaye || 7\.52|| shikhAyAmeka mekAnyaM rudrAkShaM dhArayedbudhaH | dvitridvAdasha vaktrANi shirasi trINI dhArayet || 7\.53|| ShaT triMshaddhArayenmUrdhni nityamekAdashAnanAn | dashasapta pa~nchavaktrAn ShaT ShaT karNadvayeva het || 7\.54|| ShaDaShTavadanAn kaNThe dvAtriMshaddhArayetsadA | pa~nchAshaddhArayeddhImAn chaturvaktrANi vakShasi || 7\.55|| trayodashamukhAn bAhvordharet ShoDasha ShoDasha | pratyekaM dvAdasha vahnena vAsyAnmaNi bandhayoH || 7\.56|| chaturdashamukhaM yaj~nasUtramaShTottaraM shataM | dhArayet sarvakAlaM tu rudrAkShaM shivapUjakaH || 7\.57|| evaM rudrAkShadhArI yaH sarvakAletu vartate | tasya pApakathA nAsti mUDhasyAsi na saMshayaH || 7\.58|| brahmahAmadyapAyI cha svarNahR^idgurutalpagaH | mAtR^ihA pitR^ihA chaiva brUNahAkR^ita ghAtakaH | rudrAkSha dhAraNA deva muchyante sarvapAtakaiH || 7\.59|| darshanAt sparshanAchchaiva smaraNAdapi pUjanAt | rudrAkSha dhAraNAlloke muchyantepAtakairjanAH || 7\.60|| brAhmaNo vAntyajovApi mUrkhovApaNDitopivA | rudrAkSha dhAraNAdeva muchyate sarvapAtakaiH || 7\.61|| gavAM koTi pradAnasya yatphalaM bhuvilabhyate | tatphalaM labhate martyo nityaM rudrAkSha dhAraNAt || 7\.62|| mR^itikAletu rudrAkShaM niShpIDya sahavAriNA | ya: pibhechChintayan rudraM rudralokaM sagachChati || 7\.63|| bhasmoddhUlita sarvA~NgA dhR^itarudrAkSha mAlikAH | ye bhavanti mahAtmAnorudraste nAtra saMshayaH || 7\.64|| nityAni kAmyAni nimitta jAni karmANI sarvANi sadApi kurvan | sa bhasmarudrAkShadharo yadisyAt dvijo natasyAsti phalopapattiH || 7\.65|| sarveShu varNAshrama sa~NgateShu nityaM sadAchAra parAyaNeShu | shrutismR^itibhyAmiha chodyamAno vibhUti rudrAkShadharaH samAnaH || 7\.66|| iti shrI siddhAnta shikhAmaNau bhaktasthale bhasmarudrAkSha dhAraNa sthala prasa~NgonAma saptama parichChedaH parisamAptaH ||7|| \medskip\hrule\medskip aShTama parichChedaH 8\. pa~nchAkShara japasthalaM dhR^itashrIbhUti rudrAkShaH prayato li~NgadhArakaH | japetpa~nchAkSharI vidyAM shivatattvaprabodhinIM || 8\.1|| shivatattvAtparannAsti yathAtattvAntaraM mahat | tathApa~nchAkSharImantrannAsti mantrAntaraM mahat || 8\.2|| j~nAte pa~nchAkSharI mantre kiM vA mantrAntaraiH phalaM | j~nAte shive jaganmUle kiM phalaM devatAntaraiH || 8\.3|| saptakoTIShu mantreShu mantraH pa~nchAkSharo mahan | brahma viShNvAdi deveShu yathA shambhurmahattaraH || 8\.4|| asheSha jagatAM hetuH paramAtmA maheshvaraH | tasya vAchaka mantroyaM sarva mantraika kAraNaM || 8\.5|| tasyAbhidAnamantroyamabhidheyashcha sa smR^itaH | abhidA nAbhide yatvAnmantrAt siddhaH parashshivaH || 8\.6|| namashshabdaM vadetpUrvaM shivAyeti tataH paraM | mantraH pa~nchAkSharo hyeSha sarvashruti shirogataH || 8\.7|| aditaH parishshuddhatvAnmalatraya viyogataH | shiva ityuchyate shambhushchidAnandaghanaH prabhuH || 8\.8|| aspadatvAda sheShANAM ma~NgalAnAM visheShataH | shIvashabdAbhidheyo hi devadeva striyambakaH || 8\.9|| shiva ityakSharadvandvaM parabrahma prakAshakaM | mukhyavR^ityAtadanyeShAM shabdAnA~NgauNavR^ittayaH || 8\.10|| tasmAnmukhyataraM nAma shiva ityakSharadvayaM | sachchidAnanda rUpasya shambhoramita tejasaH || 8\.11|| etannA mAvalambena mantraH pa~nchAkSharaH smR^itaH | yasmAdataH sadA japyomokShakA~NkShibhirAdarAt || 8\.12|| yathAna nAdirmahAdevaH siddhaH saMsAramochakaH | tathA pa~nchAkSharo mantraH saMsArakShayakArakaH || 8\.13|| pa~nchabhUtAni sarvANi pa~nchatanmAtrakANi cha | j~nAnendriyANi pa~nchApi pa~nchakarmendriyANicha || 8\.14|| pa~ncha brahmANi pa~nchApi kR^ityAni sahakAraNaiH | bodhyAni pa~nchabhirvarNaiH pa~nchAkShara mahAmanoH || 8\.15|| pa~nchadhA pa~nchadhA yAni prasiddhAni visheShataH | tAni sarvANi vastUni pa~nchAkSharamayAni hi || 8\.16|| o~NkArapUrvo mantroyaM pa~nchAkSharamayaHparaH | shaivAgameShu vedeShu ShaDakShara iti smR^itaH || 8\.17|| mantrasyAsyAdi bhUtena praNavena mahAmanoH | prabodhyate mahAdevaH kevalashchitsukhAtmakaH || 8\.18|| praNavenaikavarNena parabrahma prakAshyate | advitIyaM parAnandaM shivAkhyaM niShprapa~nchakaM || 8\.19|| paramAtma manur j~neyaH sohaM rUpaH sanAtanaH | jAyate sahayorlopAdomityekAkSharo manuH || 8\.20|| praNavenaiva mantreNa bodhyate niShkalaH shivaH | pa~nchAkShareNa mantreNa pa~nchabrahmatanustathA || 8\.21|| niShkalaH samvidAkAraH sakalo vishvamUrti kaH | ubhayAtmA shivo mantre ShaDakSharamayesthitaH || 8\.22|| mUlaM vidyA shivaH shaivasUtraM pa~nchAkShara stathA | etAni nAmadheyAni kIrtitAni mahAmanoH || 8\.23|| pa~nchAkSharImimAM vidyAM praNavena ShaDakSharIM | japet samAhitobhUtvA shivapUjaparAyaNaH || 8\.24|| prANAyamatrayaM kR^itvA prAj~nmukhodaj~nmukhona pivA | chintayan hR^idayAmbhoje devadevaM trilochanaM || 8\.25|| sarvAla~NkAraM saNyuktaM sAmbaM chandrArthashekharaM | japedetaM mahAvidyAM shivarUpAmananyadhIH | japastu trividhaH prokto vAchikopAMshumAnasaH || 8\.26|| shrUyate yastu pArshvasthairyathAvarNa samanvayaH | vAchikaH satu vij~neyaH sarvapApa prabha~njanaH || 8\.27|| IShat sR^iShTvAdhara puTaM yo mandamabhidhIyate | pArshvasthaira shrutaH son yamumpAMshuH parikIrtitaH || 8\.28|| aspR^iShTyAdharamassandi jihvAgraNyoMtarAtmanA | bhAvyate varNarUpeNa sa mAnasa iti smR^itaH || 8\.29|| yAvantaH karmayaj~nAdyA pravadAnatapAMsicha | sarve te japayaj~nasya kalAM nArhanti ShoDashIM || 8\.30|| mAhatmyaM vAchika syaitajjapayaj~nasya kIrtitaM | tasmAchChataguNopAMshuH sahasro mAnasaH smR^itaH || 8\.31|| vAchikAttadupAMshoshcha japAdasya mahAmanoH | mAnasA hi japaH shreShTho ghora saMsAra nAshakaH || 8\.32|| eteShvekena vidhinA yathAbhAvaM yathAkramaM | japetpa~nchAkSharImetAM vidyAM pAshavimuktaye || 8\.33|| anena mUlamantreNa shivali~NgaM prapUjayet | nityaM niyamasampannaH prayatAtmA shivAtmakaH || 8\.34|| bhaktyA pa~nchAkShareNaiva yaH shivaM sakR^idarchayet | sopi gachChechChivasthAM mantrasyAsyaiva gauravAt || 8\.35|| abbhakShA vAyubhakShAshchaye chAnye vratakarshitAH | teShAmetairrva tairnAsti shivaloka samAgamaH || 8\.36|| tasmAttapAMsi yaj~nAshcha vratAni niyamAstathA | pa~nchAkSharArchana syaite koTyaM shenApino samAH || 8\.37|| ashuddho vA vishuddhovA sakR^itpa~nchAkShareNa yaH | pUjayetpatitovApi muchyate nAtra saMshayaH || 8\.38|| sakR^iduchcharamAtreNa pa~nchAkShara mahAmanoH | sarveShAmapi jantUnAM sarvapApakShayo bhavet || 8\.39|| anyepi bahavo mantrA vidyante sakalAgame | bhUyo bhUyaH samabhyAsAt puruShArtha pradAyinaH || 8\.40|| eShamantro mahAshaktirIshvarapratipAdakaH | sakR^iduchchAraNA deva sarvasiddhi pradAyakaH || 8\.41|| pa~nchAkSharIM samuchChArya puShpaM li~Nge vinikShipet | yastasya vAjapeyAnAM sahasraphalamiShyate || 8\.42|| agnihotraM trayo vedayaj~nAshcha bahudakShiNAH | pa~nchAkSharajapasyaite koTyaM shenApi no namAH || 8\.43|| purA sAnanda yogIndraH shivaj~nAna parAyaNaH | pa~nchAkSharaM samuchChArya nArakAnudatArayat || 8\.44|| siddhyA pa~nchAkSharasyAsya shatAnandaH purAmuniH | narakaM svargamakarot sa~NgIrasyApi pApinaH || 8\.45|| upamanyuH purA yogI mantreNA nena siddhimAn | labdhavAn parameshAnAchChaivashAstra pravaktR^itAM || 8\.46|| vashiShTha vAmadevAdyA munayo mukta kilbiShAH | mantreNa nena saMsiddhA mahAtejasvinona bhavan || 8\.47|| brahmAdInAM cha devAnaM jagatsR^iShTyAdikarmaNi | mantrasyAsyaivamAhatmyAt sAmarthya mupajAyate || 8\.48|| kimiha bahubhiruktairmantramenaM mahAtmA | praNava sahitamAdau yastu pa~nchAkSharAkhyaM | japati paramabhaktyA pUjayan devadevaM | sagataduritabandho mokShalakShmIM prayAti || 8\.49|| iti shrI siddhAnta shikhAmaNau bhaktasthale pa~nchAkShara japasthala prasa~NgonAma aShTama parichChedaH parisamAptaH ||8|| \medskip\hrule\medskip navama parichChedaH 9\. bhaktamArgakriyAsthalaM bhUtirudrAkSha saNyukto li~NgadhArI sadA shuchiH | pa~nchAkShara japodyogI shivabhakta iti smR^itaH || 9\.1|| shravaNaM kIrtanaM shambhoH smaraNaM pAdasevanaM | archanaM vandanaM dAsyaM sakhyamAtma nivedanaM || 9\.2|| evaM nava vidhA bhaktiH proktA devena shambhunA | durlabhA pApinAM loke sulabhA puNyakarmaNAM || 9\.3|| adhame chottame vApi yatra kutra chi dUrjitA | vartate shA~NkarI bhaktiH sa bhakta iti gIyate || 9\.4|| bhaktiH sthirIkR^itA yasmin mlechChevAdvijasatta me | shambhoH priyaH na viprashcha na priyo bhakti varjitaH || 9\.5|| sA bhaktirdvividhA j~neyA bAhyAbhyantara bhedataH | bAhyA sthUlAntarA sUkShmA vIramAheshvarAdR^itA || 9\.6|| simhAsane shuddhadeshe suramye ratna chitrite | shivali~Ngasya pUjA yA sA bAhyA bhakti ruchyate || 9\.7|| li~Nge prANaM samAdhAya prANe li~Ngantu shAmbhavaM | svasthaM manastathA kR^ityA na ki~nchichchintayedyadi || 9\.8|| sAbhyantarA bhaktiriti prochyate shivayogibhiH | sA yasmin vartate tasya jIvanaM bhraShTabIjavat || 9\.9|| bahunAtrakimuktena guhyAdguhyatarA parA | shivabhaktirnasandehastayA yukto vimuchyate || 9\.10|| prasAdAdevA sA bhaktiH prasAdo bhakti sambhavaH | yathaivA~Nkurato bIjaM bIjatovA yathA~NkuraH || 9\.11|| prasAda pUrvikA yeyaM bhaktirmukti vidhAyinI | naiva sA shakyate prAptuM narairekena janmanA || 9\.12|| aneka janma shuddhAnAM shrautasmArtAnuvartinAM | viraktAnAM prabuddhAnAM prasIdati maheshvaraH || 9\.13|| prasanne satimuktaH syAnmuktaHshiva samobhavet | alpabhAvopi yo martasya sya janma trayAtparaM | na yoni yantrapIDA vaibhavennaivAtra saMshayaH || 9\.14|| sA~NgAnyUnA cha yA sevA sA bhaktiriti kathyate | sA punarbhidyate trethA manovAkkAya sAdhanaiH || 9\.15|| shivarUpAdichintA yA sA sevA mAnasi smR^itA | japAdirvAchikI sevA karma pUjA cha kAyikI || 9\.16|| bAhyamAbhyantaraM chaiva bAhyAmbhyantarameva vA | manovAkkAya bhedaishcha tridhA tadbhajanaM viduH || 9\.17|| anyAtmA viditaM bAhyaM shambhorabhyarchanAdikaM | tadevatu svasamvedya mAbhyantaramudAhR^itaM | mano mahesha pravaNaM bAhyAbhyantaramuchyate || 9\.18|| manomahesha dhyAnADhyaM nAnyadhyAnarataM manaH | shivanAmaratA vANI vAj~nmatA chaiva netarA || 9\.19|| li~NgaiH shivasya choddiShTaistripuNDrAdibhira~NkitaH | shivopachAra nirataH kAyaH kAyo na chetaraM || 9\.20|| pa~nchadhA kathayate sadbhista deva bhajanaM punaH | tapaH karma japo dhyAnaM j~nAnaM chetyanupUrvakaM || 9\.21|| shivArthe deha saMshoShastapaH kR^ichChrAdino mataM | shivArchA karma vij~neyambAhyaM yA gAdinochyate || 9\.22|| japaH pa~nchAkSharAbhyAsaH praNavAbhyAsa eva vA | rudrAdhyAyAdikAbhyAso navedAdhyayanAdikaM || 9\.23|| dhyAnaM shivasya rUpAdichintA nAtmAdi chintanaM | shivAgamArtha vij~nAnaM j~nAnaM nAnyArtha vedanaM | iti pa~nchaprakAroyaM shivayaj~naH prakIrtitaH || 9\.24|| anena pa~nchayaj~nena yaH pUjAyati sha~NkaraM | bhaktyA paramayA yuktaH sa vai bhakta itismR^itaH || 9\.25|| pUjanAchChivabhakta sya puNyAgatiravApyate | avamAnAnmahAghoro narako nAtra saMshayaH || 9\.26|| shivabhakto mahAtejAH shivabhakti parAj~nmukhAn | naspR^ishennaiva vIkSheta nataiH sahavaset kvachit || 9\.27|| yadA dIkShapraveshaH syAlli~Nga dhAraNa pUrvakaM | tadA prabhR^iti bhakton sau pUjayet svAgamasthitA || 9\.28|| svamArgAchAraniratAH svajAtIyA dvijAstu ye | teShAM gR^iheShu bhu~njIta netareShAM kadAchana || 9\.29|| svamArgAchAra vimukhairbhavibhiH prAkR^itAtmabhiH | preShitaM sakalaM dravyamAtmalInamapi tyajet || 9\.30|| nArchayedanya devAMstuna smarenna cha kIrtayet | na tannai vedyamashnI yAchChivabhakto dR^iDhavrataH || 9\.31|| yadgR^iheShvanyadevosti tadgR^ihiNi parityajet | nAnyadevArchakAnmartyApUjAkAle nirIkShayet || 9\.32|| sadA shivai kaniShThAnAmvIra shaivAthvavartinAM | nahi sthAvara li~NgAnAM nirmAlyAdyupabhajyate || 9\.33|| yatra sthAvarali~NgAnAmapAyaH parivartate | athavA shivabhaktAnAM shivalANChana dhAriNAM || 9\.34|| tatra prANAn vihAyApi parihAraM samAcharet | shivArthaM mukta jIvashchechChivasAyujyamApnuyAt || 9\.35|| yatra chAchAra nidAsti kadAchitta trana vrajet | yadgR^ihe shivanindAsti tadgR^ihaM tu parityajet || 9\.36|| yaH sarvabhUtAdhipatiM vishveshAnaM vinindati | na tasyaniShkR^itiH shakyAkartuM varShashatairapi || 9\.37|| shivanindAkaraM dR^iShTvAghAtayedathavA shapet | sthAnaM vA tatparityajya gachChedya dyakShamo bhavet || 9\.38|| shivapUjAparobhUtvA pUrvakarmavivarjayet | athavA pUrvakarmasyAt sApUjAniShphalA bhavet || 9\.39|| uttamAM vR^ittimAshritbya nIchAM vR^ittiM samAshritaH | ArUDhapatito j~neyaH sarvakarma bahiShkR^itaH || 9\.40|| pa~nchAkSharopadeshi yo narastutikaro yadi | soli~NgI sa durAchArI kukaviH sa tu vishrutaH || 9\.41|| charmapAtre jalaM tailaM na grAhyaM bhakti tatparaiH | gR^ihyate yadi bhaktena rauravaM narakaM vrajet || 9\.42|| na tasya sUtakaM ki~nchit prANali~NgA~Nga sa~NginaH | jananotthammR^itotthaM cha vidyate paramArthataH || 9\.43|| li~NgArchanaratA yAshcha R^itau nAryAna sUtakaM | tathA prasUtikAshcha sUtakaM naiva vidyate || 9\.44|| gR^ihe yasmin prasUtA strI sUtakaM nAtra vidyate | shivapAdAmbusaMsparshAt sarvapApaM vinashyati || 9\.45|| shivasthAnAni tIrthAni vishiShTAni shivArchakaH | shivayAtrotsave nityaM seveta parayA mudA || 9\.46|| shivakShetrotsavamahAyAtrA darshana kA~NkShiNAM | mArgennapAnadAnaM cha kuryAnmAheshvaro janaH || 9\.47|| nAnnato yasamandAnaM na chAmiMsA paraM tapaH | tasmAnmAheshvaro nityamannatoya pradobhavet || 9\.48|| svamArgAchAravartibhyaH svajAtibhyaH sadAvratI | dadyAttebhyaH samAdadyAt kanyA~Nkula samudbhavAM || 9\.49|| 10\. ubhayasthalaM evamAchAra saNyukto vIrashaivo mahAvratI | pUjayetparayA bhaktyA guruM li~NgaM cha santataM || 9\.50|| gurorabhyarcha nenApi sAkShAdabhyarchitaH shivaH | nAsti bhedastayoH kashchidekatvAttattvarUpataH || 9\.51|| yathA deve jagannAthe sarvAnugrahakArake | tathA guruvare kuryAdupachArAn dine dine || 9\.52|| apratyakSho mahAdevaH sarveShAmAtmamAyayA | pratyakShogururUpeNa vartate bhakti siddhaye || 9\.53|| shivaj~nAnaM mahAghora saMsArArNavatArakaM | dIyate yeva na guruH kanyavandyona jAyate || 9\.54|| yatkaTAkSha kalAmAtrAt paramAnanda lakShaNaM | labhyate shivarUpatvaM sa guruH kena nArchyate || 9\.55|| hitameva charennityaM sharIreNa dhanena cha | AchArya syopashAntasya shivaj~nAnamahAnidheH || 9\.56|| gurorAj~nAM na la~Ngheta siddhikAmo mahAmatiH | tadAj~nAnala~NghanenApi shivAj~nAchChedako bhavet || 9\.57|| 11\. trividhasampattisthalaM yathA gurau yathAli~Nge bhaktimAn parivartate | ja~Ngame cha tathA nityaM bhaktiM kuryAdvichakShaNaH || 9\.58|| eka eva shivaH sAkShAtsarvAnugrahakArakaH | guruja~Ngamali~NgAtmA vartate bhukti muktidaH || 9\.59|| li~Nga~ncha dvividhaM proktaM ja~NgamAja~NgamAtmanA | aja~Ngame yathA bhakti rja~Ngame cha tathA smR^itA || 9\.60|| aja~NgamaM tu yalli~NgaM mR^ichChilAdi vinirmitaM | tadvaraM ja~NgamaM li~NgaM shivayogIti vishrutaM || 9\.61|| Achare mantra saMskArAlli~Nge vasati sha~NkaraH | sadAkAlaM vasatyena charali~Nge maheshvaraH || 9\.62|| shivayogini yaddattaM tadakShayaphalaM bhavet | tasmAtsarva prayatnena tasmai deyaM mahAtmane || 9\.63|| yatphalaM labhate jantaH pUjayA shivayoginaH | tadakShayamiti proktaM sakalAgamapAragaiH || 9\.64|| nAvamanyeta kutrApi shivayogina mAgataM | avamAnAdbhavetta sya durgatishcha na saMshayaH || 9\.65|| shivayogI shivaH sAkShAditi kai~Nkarya bhaktitaH | pUjaye dAdaraNaiva yathAli~NgaM yathA guruM || 9\.66|| 12\. prasAda svIkAra sthalaM pAdodakaM yathA bhaktyA svIkaroti maheshituH | tathA shivAtmanornityaM guruja~Ngama yorapi || 9\.67|| sarva ma~Ngala mA~NgalyaM sarva pAvana pAvanaM | sarva siddhikaraM puMsAM shambhoH pAdAmbu dhAraNaM || 9\.68|| shirasA dhArayedyastu patraM puShpaM shivArpitaM | pratikShaNaM bhavettasya pauNDarIka kriyA phalaM || 9\.69|| bhu~njIta rudra bhuktAnnaM rudrapIta jalaM pibet | rudrAghrAtaM sadA jighre diti jAbAlikI shrutiH || 9\.70|| arpayitvA nije li~Nge patraM puShpaM phala~njalaM | annAdyaM sarvabhojyaM cha svIkuryAdbhakti mAnnaraH || 9\.71|| gurutvAtsarvalokAnAM shambhoramita tejasaH | tasmai niveditaM sarvaM svIkAryaM tatparAyaNaiH || 9\.72|| ye li~NgadhAriNoloke ye shivaika parAyaNAH | teShAM tu shiva nirmAlyamuchitaM nAnyajantuShu || 9\.73|| anna jAte tu bhaktena bhujyamAne shivArpite | sikthe siktheshvamedhasya yatphalaM tadavApyate || 9\.74|| nirmAlyaM nirmalaM shuddhaM shivena svIkR^itaM yataH | nirmalaistatparairdhAryaM nAnyaiH prAkR^itajantubhiH || 9\.75|| shivabhakti vihInAnAM jantUnAM pApakmaNAM | vishuddhe shivanirmAlye nAdhikArosti kutrachit || 9\.76|| shivali~NgaM prasAdasya svIkArAdyatphalaM bhavet | tathA prasAda svIkAradguru ja~Ngamayorapi || 9\.77|| tasmAdguruM mahAdevaM shivayogina meva cha | pUjayettatprasAdAnnaM bhu~njIta prativAsaraM || 9\.78|| 13\. sopAdhidAnasthalaM shivali~Nge shivAchArye shivayogini bhaktimAn | dAnaM kuryAdyathAshakti tatprasAdayutaH sadA || 9\.79|| dAnaM tu trividhaM proktaM sopAdhi nirupAdhikaM | sahajaM cheti tantreShu sarva tantra vishAradaiH || 9\.80|| phalAbhisandhi saNyuktaM dAnaM tadvihitaM bhavet | tatsopAdhika mAkhyAtaM mumukShubhiranAdR^itaM || 9\.81|| 14\. nirupAdhika dAna sthalaM phalAbhi sandhinirmuktamIshvarArpita kA~NkShitaM | nirupAdhikamAkhyAtaM dAnaM dAna vishAradaiH || 9\.82|| 15\. sahajadAnasthalaM adAtR^idAtR^i deyAnAM shivabhAvaM vichintyahi | AtmanokartR^ibhAvaM cha yaddattaM sahajantutat || 9\.83|| sahajaM dAnamutkR^iShTaM sarvadAnottamottamaM | shivaj~nAnapradaM puMsAM janmaroga nivartakaM || 9\.84|| shivAya shivabhaktAya dIyate yadi ki~nchana | bhaktyAtadapi vikhyAtaM sahajaM dAnamuttamaM || 9\.85|| dAnAt svarNa sahasrasya satpAtre yatphalaM bhavet | ekapuShpa pradAnena shive tatphalamiShyate || 9\.86|| shiva eva paraM pAtraM sarvavidyAnidhirguruH | tasmai dattantu yatki~nchi ttadanantaphalaM bhavet || 9\.87|| shivayogIH shivaH sAkShAchChivaj~nAna mahodadhiH | yatki~nchiddIyate tasmai taddAnaM pAramArdhikaM || 9\.88|| shivayogI mahApAtraM sarveShAM dAnakarmaNi | tasmAnnAsti para~Nki~nchitpAtraM shAstra vichArataH || 9\.89|| bhikShAmAtrapradAnena shAntAya shivayogine | yatphalaM labhyate naitadyaj~nakoTishatairapi || 9\.90|| shivayogini santR^ipte tR^ipto bhavati sha~NkaraH | tattR^iptyA tanmayaM vishvaM tR^ipti meti charAcharaM || 9\.91|| tasmAtsarvaprayatnena yena kenApi karmaNA | tR^iptiM kuryAtsadAkAlamannAdvaiH shivayoginaH || 9\.92|| nirupAdhika chidrUpa parAnandAtma vastuni | samAptaM sakalaM yasya sa dAnI sha~NkaraH svayaM || 9\.93|| uktAkhilAchAra parAyaNosau sadA vitanvan sahajaM tu dAnaM | brahmAdisampatsu virakta chitto bhaktohi maheshvara tAmupaiti || 9\.94|| iti shrI siddhAnta shikhAmaNau bhaktasthale bhaktamArgakriyAsthalAdi saptavidha sthala prasa~NgonAma navama parichChedaH parisamAptaH ||9|| \medskip\hrule\medskip dashama parichChedaH mAheshvarasthalaM agastya uvAcha bhaktasthalaM samAkhyAtaM bhavatA gaNanAyaka | kena vA dharmabhedena bhakto mAheshvaro bhavet || 10\.1|| reNuka uvAcha kevalaM sahajedAne niShNAtaH shivatatparaH | brahmAdisthAna vimukho bhakto mAheshvaraH smR^itaH || 10\.2|| bhakteryadA samutkarSho bhavedvairAgya gauravAt | tadA mAheshvaraH prokto bhaktaH sthira vivekavAn || 10\.3|| mAheshvarasthalaM vakShye yathoktaM shambhunA purA | mAheshvara prashaMsAdau li~NganiShThA tataH paraM || 10\.4|| purvAshraya nirAsashcha tadAdvaitanirAkR^iti | AhvAnavarjanaM pashchAdaShTamUrti nirAkR^itiH || 10\.5|| sarvagatya nirAsashcha shivatvaM vishvabhaktayoH | evaM navavidhaM proktaM mAheshvara mahAsthalaM || 10\.6|| aditaH kramasho vakShye sthala bhedasya lakShaNaM | samAhitena manasA shrUyatAM bhavatA mune || 10\.7|| 16\. maheshvara prashaMsA sthalaM vishvasmA dadhiko rudro vishvAnugrahakArakaH | iti yasya sthirA buddhiH savai mAheshvara smR^itaH || 10\.8|| brahmAdvairmalina prAyairnirmale parameshvare | sAmyoktiM yona sahate sa vai mAheshvarAbhidaH || 10\.9|| IshvaraH sarvabhUtAnAM brahmAdInAM mahAniti | buddhiyogAtta dAsakto bhakto mAheshvara smR^itaH || 10\.10|| brahmAdi devatA jAlaM mohitaM mAyayA sadA | AshaktaM mukti dAne tukShayAtishayasaNyutaM || 10\.11|| anAdimukto bhagavAneka eva maheshvaraH | muktidashchetiyo vedasavaimAheshvaraH smR^itaH || 10\.12|| kShayAtishayasaNyuktA brahmaviShNvAdi sampadaH | tR^iNavanmanyate buddhyA vIramAheshvaraH sadA || 10\.13|| shabda sparshAdi sampanno sukhaleshetu nispR^ihaH | shivAnande samutkaNTho vIramAheshvaro bhavet || 10\.14|| parastrI sa~NganirmuktaH paradravya parAj~nmukhaH | shivArtha kArya sampannaH shivAgama parAyaNaH || 10\.15|| shivastuti rasAsvAda modamAnamanAH shuchiH | shivotkarShapramANAnAM sampAdanasamudyataH || 10\.16|| nirmamo niraha~NkAro nirastaklesha pa~njaraH | aspR^iShTamada sambandho mAtsaryAvesha varjitaH || 10\.17|| nirastamadanonmeSho nirdhUtakrodhaviplavaH | sadA santuShTahR^idayaH sarvaprANi hite rataH || 10\.18|| nivAraNa samudyogI shivakArya virodhinAM | sahachArI sadAkAlaM shivotkarShAbhidAyibhiH || 10\.19|| shivApakarSha samprAptau prANatyAgepyasha~NkitaH | shivaikaniShThaH sarvAtmA vIramAheshvaro bhavet || 10\.20|| 17\. li~NganiShThAsthalaM anya mAheshvara syoktaM li~NganiShThAmahAsthalaM | prANAtyayopi sampanne yadatyAjyaM vidhIyate || 10\.21|| apagachChatu sarvasvaM shirashchedanamastuvA | mAheshvaro na mu~nchettu li~NgapUjA mahAvrataM || 10\.22|| li~NgapUjAmakR^ityAtu mAnavAyena bhu~njate | teShAM mahAtmanAM haste mokShalakShmI rupasthitA || 10\.23|| kimanyairtharmakalilaiH kIkasArtha pradAyibhiH | sAkShAnmokShapradaH shambhordharmo li~NgArchanAtmakaH || 10\.24|| arpitenAnna pAnena li~NgeniyamapUjite | ye dehavR^itti~Nkurvanti mahAmaheshvarA hite || 10\.25|| chinmaye shA~Nkare li~Nge sthiraM yeShAM manaH sadA | vimu ktetara sarvArthaM te shivA nAtra saMshayaH || 10\.26|| li~Nge yasya manolInaM li~Ngastuti parA chavAk | li~NgArchanaparau hastau sa rudro nAtra saMshayaH || 10\.27|| li~NganiShThasya kiM tasya karmaNA svarga hetunA | nityAnanda shivaprApti ryasya shAstreShu nishchitA || 10\.28|| li~NganiShThAparaM shAntaM bhUti rudrAkSha saNyutaM | prashaMsanti sadAkAlaM brahmAdyA devatA mudA || 10\.29|| 18\. pUrvAshraya nirasana sthalaM li~Ngaika niShTha hR^idayaH sadA maheshvaro janaH | pUrvAshrayagatAn dharmAMstya jet svAchArarodhakAn || 10\.30|| svajAtikulajAn dharmAn li~NganiShThAvirodhinaH | tyajan mAheshvaro j~neyaH pUrvAshraya nirAsakaH || 10\.31|| shivasaMskArayogena vishuddhAnAM mahAtmanAM | kiM pUrvakAlikairdharmaiH prAkR^itAnAM hi te matAH || 10\.32|| shivasaMskArayogena shivadharmAnuSha~NgiNAM | prAkR^itAnAM na dharmeShu pravR^itti rupa padyate || 10\.33|| vishuddhAH prAkR^itAshcheti dvividhA mAnuShAH smR^itAH | shivasaMskAriNaH shuddhAH prAkR^itA itare matAH || 10\.34|| varNAshramAdi dharmANAM vyavasthAhidvidhA matA | ekA shivena nirdiShTA brahmaNA kathitA parA || 10\.35|| shivokta dharma niShNAtu shivAshrama niSheviNaM | shiva saMskArahInAnAM dharmaH paitA mahaHsmR^itaH || 10\.36|| 19\. sarvAdvaita nirasana sthalaM pUjyapUjakayorli~Nga jIvayorbhedavarjane | pUjAkarmAdyasampatterli~Nga niShThAvirodhataH || 10\.37|| sarvAdvaita vichArasya j~nAnAbhAvo vyavasthitaH | bhavenmAheshvaraH karmI sarvAdvaita nirAsakaH || 10\.38|| prerakaM sha~NkaraM buddhvA preryamAtmanamevacha | bhedAttaM pUjayennityaM nachA dvaitA parobhavet || 10\.39|| patiH sAkShAnmahAdevaH pashureSha tadAshrayaH | anayoH svAmibhR^ityatvamabhede kathamiShyati || 10\.40|| sAkShAt kR^itaM paraM tattvaM yadAbhavati bodhataH | tadan dvaitasamApatti rjAnahInasyana kvachit || 10\.41|| bhedasya karma hetutvAdvyavahAra pravartate | li~NgapUjAdikarmastho nachAn dvaitaM samAcharet || 10\.42|| pUjAdivyavahAraH syAdbhedAshrayatayA sadA | li~NgapUjAparastasmAnnA dvaite nirato bhavet || 10\.43|| 20\. AhvAna nirasana sthalaM li~NgArchana paraH shuddhaH sarvAdvaita nirAsakaH | sveShTali~Nge shivAkAre na tamAvAhayechChivaM || 10\.44|| yadA shivakalAyuktaM li~NgaM dadyAnmahAguruH | tadArabhya shivastatra tiShTatyAhvAnamatra kiM || 10\.45|| sa saMskAreShu li~NgeShu sadA sannihitaH shivaH | tatrAhvAnaM na kartavyaM pratipatti virodhataH || 10\.46|| nAhvAnaM na visarjaM cha sveShTali~Nge tu kArayet | li~NganiShThAparo nityamiti shAstrasya nishchayaH || 10\.47|| 21\. aShTamUrti nirasana sthalaM yathAtma shivayoraikyaM na mataM karma sa~NginaH | tathA shivAt pR^ithivyA deradvaitamapi neShyate || 10\.48|| pR^ithivyAdyaShTamUrtitvamIshvarasya prakIrtitaM | tadadhiShThAtR^i bhAvena na sAkShAdekabhAvataH || 10\.49|| pR^ithivyAdyAtma paryantaprapa~nchohyaShTadhAsthitaH | naitatsAkShAnmaheshoyaM kulAlaH kalasho yathA || 10\.50|| pR^ithivyAdyAtmA paryantaprapa~ncho hyaShTadhAsthitaH | tanurIshasya chAtmayaM sarvatattva niyAmakaH || 10\.51|| sharIra bhUtadetasmAt prapa~nchAtparameShThinaH | Atma bhUtasya devasya nAbhedo na pR^ithak sthitiH || 10\.52|| achetanatvAt pR^ithvyA deraj~natvAdAtma nastathA | sarvaj~nasya maheshasya naikarUpatvamiShyate || 10\.53|| itiyashchintayennityaM pR^ithvyAderaShTamUrti taH | vilakShaNaM mahAdevaM soShTamUrti nirAsakaH || 10\.54|| 22\. sarvagatvanirasanasthalaM sarvagatve maheshasya sarvatrArAdhanaM bhavet | na li~NgamAtre tanniShTo na shivaM sarvagaM smaret || 10\.55|| sarvagopi sthitaH shambhuH svAdhAre hi visheShataH | tasmAdanyatra vimukhaH sveShTali~Nge yajechChivaM || 10\.56|| shivaH sarvagatashchApi svAdhAre vyajyate bhR^ishaM | shamIgarbhe yathAvahnirvisheSheNa vibhAvyate || 10\.57|| sarvagatvaM maheshasya sarvashAstra vinishchitaM | tathApyAshrayali~NgAdau pUjArthamadhikA sthitiH || 10\.58|| tasmAtsarvaprayatnena sarvasthAna parAj~nmukhaH | sveShTali~Nge mahAdevaM pUjayetpUjakottamaH || 10\.59|| shivasya sarvagatvepi sarvatra rativarjitaH | sveShTali~Nge yajan devaM sarvagatva nirAsakaH || 10\.60|| 23\. shivajaganmayasthalaM pUjA vidhau niyamyatvAlli~Nga mAtre sthitaM shivaM | pUjayannapi devasya sarvagatvaM vibhAvayet || 10\.61|| yasmAdetatsamutpannaM mahAdevAchcharAcharaM | tasmAdetanna bhidyeta yathA kumbhAdikaM mR^idaH || 10\.62|| shivatattvAtsamutpannaM jagadasmAnnabhidyate | phenormibudbudAkAro yathAsindhornabhidyate || 10\.63|| yathA tantubhirutpannaH paTastantumayaH smR^itaH | tathA shivAtsamutpannaM shiva eva charAcharaM || 10\.64|| AtmashaktivikAsena shivo vishvAtmanA sthitaH | kuTIbhAvAdyathA bhAti paTaH svasya prasAraNAt || 10\.65|| patrashAkhAdirUpeNa yathA tiShThati pAdapaH | tathA bhUmyAdirUpeNa shiva eko virAjate || 10\.66|| 24\. bhaktadehika li~NgasthalaM samastajagadAtmApi sha~NkaraH parameshvaraH | bhaktAnAM hR^idayAmbhoje visheSheNa virAjite || 10\.67|| kailAse mandare chaiva himAdrau kanakAchale | hR^idayeShu cha bhaktAnAM visheSheNa shivaH sthitaH || 10\.68|| sarvAtmApi parichChinno yathA deheShu vartate | tathAsvakIyabhakteShu sha~Nkaro bhAsate sadA || 10\.69|| nityaM bhAti tvadIyeShu yA te rudra shivA tanUH | aghorA pApakAshIti shrutirAha sanAtanI || 10\.70|| vishuddheShu virakteShu vivekiShu mahAtmasu | shivastiShThati sarvAtmA shivalANChana dhAriShu || 10\.71|| nityaM santoShayuktAnAM j~nAnanirdhUtakarmaNAM | mAheshvarANA mantastho vibhAti parameshvaraH || 10\.72|| anyatra shambhorati mAtrashUnyo nijeShThali~Nge niyatAntarAtmA | shivAtmakaM vishvamidaM vibudhyan mAheshvarosau bhavati prasAdI || 10\.73|| iti shrI siddhAnta shikhAmaNau maheshvarasthito maheshvara prashaMsAdi navavidha sthala prasa~NgonAma dashama parichChedaH parisamAptaH ||10|| \medskip\hrule\medskip ekAdashaparichChedaH agastya uvAcha ukto mAheshvara ssAkShAlli~Nga niShThAdidharmavAn | kathameSha prasAdIti kathyate gaNanAyaka || 11\.1|| reNuka uvAcha li~NganiShThAdibhAvena dhvastapApanibandhanaH | manaH prasAdayogena prasAdItyeSha kathyate || 11\.2|| prasAdisthalamityetadanya mAhatmya bodhakaM | antarasthala bhedena saptadhA parikirtItaM || 11\.3|| prasAdisthalamAdautugurumahAtmyakaM tataH | tato li~NgaprashaMsAchatato ja~Ngama gauravaM || 11\.4|| tato bhaktasya mAhatmyaM tataH sharaNa kIrtanaM | shivaprasAdamAhatmyamiti saptaprakArakaM | kramAllakShaNameteShAM kathayAmi mahAmune || 11\.5|| 25\. prasAdi sthalaM nairmalyaM manaso li~NgaM prasAda itikathyate | shivasya li~NgarUpasya prasAdAdeva siddhyati || 11\.6|| shivaprasAdo yaddravyaM shivAya vini veditaM | nirmAlyaM tattu shaivAnAM mano nairmalyakAraNaM || 11\.7|| manaH prasAda siddhyarthaM nirmala j~nAna kAraNaM | shivaprasAdaM svIkuryAn prasAdItyeSha kathyate || 11\.8|| anna shuddhyA hi sarveShAM tattvashuddhi rudAhR^itA | vishuddha manna jAtaM hi yachChivAya samarpitaM || 11\.9|| tadeva sarvakAlaM tu bhu~njAno li~Nga tatparaH | manaH prasAdamatulaM labhate j~nAnakAraNaM || 11\.10|| AtmabhogAya niyataM yadyaddravyaM samAhitaM | tattatsamarpya devAya bhu~njItAtma vishuddhaye || 11\.11|| nityasiddhena devena bhiShajA janmarogiNAM | yadyatprasAditaM bhuktvA tattajjanma rasAyanaM || 11\.12|| ArogyakAraNaM puMsAmantaHkaraNa shuddhidaM | tApatrayamahArogasamuddharaNa bheShajaM || 11\.13|| vidyAvaishadyakaraNaM vinipAta vighAtanaM | dvAraM j~nAnAvatArasya mohachChedasya kAraNaM || 11\.14|| vairAgyasampado mUlaM mamAnandapravarthanaM | durlabhaM pApachittAnAM sulabhaM shuddhakarmaNAM || 11\.15|| adR^itaM brahmA viShNvA dvairya siShThAdvaishcha tApasaiH | shivasvIkR^itamannAdyaM svIkAryaM siddhi kA~NkShibhiH || 11\.16|| patraM puShpaM phalaM toyaM yachChivAya niveditaM | tattat svIkAra yogena sarva pApakShayo bhavet || 11\.17|| 26\. gurumAhatmya sthalaM yathA shivaprasAdAnnaM svIkAryaM li~NgatatparaiH | tathAguroH prasAdAnnaM tathaiva shivayoginAM || 11\.18|| gururevAtra sarveShAM kAraNaM siddhi karmaNAM | gururUpo mahAdevo yataH sAkShAdupasthitaH || 11\.19|| niShkalonapi mahAdevo nityaj~nAnamahodadhiH | sakalo gururUpeNa sarvAnugrAhako bhavet || 11\.20|| yaH shivaH sa gururj~neyo yo guruH sa shivaH smR^itaH | na tayorantaraM kuryAd j~nAnAvAptyai mahAmatiH || 11\.21|| hasta pAdAdi saumyena netaraiH sadR^ishaM vadet | AchAryaM j~nAnadaM shuddhaM shivarUpatayA sthitaM || 11\.22|| AchArya syAvamAnena shreyaHprApti rvihanyate | tasmAnnishreyasaH prAptyai pUjayettaM samAhitaH || 11\.23|| gurubhakti vihInasya shivabhaktirnajAyate | ataH shive yathA bhakti stathA bhaktirgurAvapi || 11\.24|| 27\. li~NgamAhatmyasthalaM gurumAhatmya yogena nijaj~nAnAtirekataH | li~NgasyApicha mAhatmyaM sarvotkR^iShTaM vibhAvyate || 11\.25|| shivasya bodhali~NgaM yadguru bodhita chetasA | tadeva li~NgaM vij~neyaM shA~NkaraM sarvakAraNaM || 11\.26|| paraM pavitramamalaM li~NgaM brahma sanAtanaM | shivAbhidAnaM chinmAtraM sadAnandaM nira~NkushaM || 11\.27|| kAraNaM sarvalokAnAM vedAnAmapi kAraNaM | pUraNaM sarvatattvAnAM tAraNaM janmavAridheH || 11\.28|| jyotirmayamanirdeshyaM yoginAmAtmani sthitaM | kathaM vij~nAyate loke mahAgurudayAM vinA || 11\.29|| brahmaNA viShNunA pUrvaM yalli~NgaM jyotirAtmakaM | aparichChedya mabhavat kena vA paribodhyate || 11\.30|| bahunAtra kimuktena li~NgaM brahma sanAtanaM | yogino yatra lIyante mukta pAshanibandhanAH || 11\.31|| pIThikA paramA shakti rli~NgaM sAkShAtparaH shivaH | shivashakti samAyogaM vishvaM li~NgaM taduchyate || 11\.32|| brahmAdayaH surAH sarve munayaH shaunakAdayaH | shivali~NgArchanA deva svaM svaM padamavApnuvan || 11\.33|| vishvAdhipatya mIshasya li~NgamUrte svabhAvajaM | ananya deva sAdR^ishyaM shrutirAhasanAtanI || 11\.34|| 28\. ja~Ngama mAhatmyasthalaM gurushiShyasamArUDhali~Nga mAhatmya sampadaH | sarvachidrUpavij~nAnAjja~Nga mAdhikyamuchyate || 11\.35|| jAnantyatishayA dye tu shivaM vishvaprakAshakaM | svasvarUpatayA te tu ja~NgamA iti kIrtitAH || 11\.36|| ye pashyanti jagajjAlaM chidrUpaM shivayogataH | nirdhUtamala saMsparshAste smR^itAH shivayoginaH || 11\.37|| ghora saMsAra timiraparidhvaMsana kAraNaM | yeShAmasti shivaj~nAnaM te matAH shivayoginaH || 11\.38|| samAH shatrau cha mitre cha sAkShAtkR^ita shivAtmakAH | niHspR^ihA niraha~NkArA vartante shivayoginaH || 11\.39|| durlabhaM hi shivaj~nAnaM durlabhaM hi shivachintanaM | yeShAmetaddvayaM chAsi tehi sAkShAchChivAtmakAH || 11\.40|| pAdAgrareNavo yatra patanti shivayoginAM | tadeva sadanaM puNyaM pAvanaM gR^ihamedhinAM || 11\.41|| sarvasiddhikaraM puMsAM darshanaM shivayoginAM | sparshanaM pApashamanaM pUjanaM mukti sAdhanaM || 11\.42|| mahatAM shivatAtparyavedinAmanumodinAM | kimvAphalaM hinosiddhyet samparkAchChivayoginAM || 11\.43|| 29\. bhaktamAhatmya sthalaM gurorli~Ngasya mAhatmyakathanAchChivayoginAM | siddhaM bhaktasya mAhatmyaM tathA hyeSha prashasyate || 11\.44|| ye bhajanti mahAdevaM paramAtmA samavyayaM | karmaNA manasA vAchA te bhaktA iti kIrtitAH || 11\.45|| durlabhAH hi shive bhaktiH saMsArabhayatAriNI | sA yatra vartate sAkShAt sa bhakta iti gIyate || 11\.46|| kiM vedaiH kiM tataH shAstreH kiM yaj~naiH kiM tapovrataiH | nAsti chechChA~NkarI bhakti rdehinAM janmarogitAM || 11\.47|| shivabhakti vihInasya sukR^itaM chApi niShphalaM | viparIta phalaM cha syAddakShasyApi mahAdhvare || 11\.48|| atyanta pApakarmApi shivabhaktyA vishuddhyati | chaNDo yathA pUrAbhaktyA pitR^ihApishivobhavat || 11\.49|| sukR^itaM duShkR^itaM chApi shiva bhaktasya nAsti hi | shivabhakti vihInA nAM karmapAsha nibandhanaM || 11\.50|| shivAshritAnAM jantUnAM karmanA nAsti sa~NgamaH | vAjinAM dinanAthasya kathaM timirajaM bhayaM || 11\.51|| niroddhuM nakShamaM karma shivabhaktAn vishR^i~NkhalAn | kathaM mattagajAn rundhe chChR^i~NkhalA bisatantujA || 11\.52|| shuddhA niyamasaNyuktAH shivArpita phalAgamAH | yerchayanti shivaM loke vij~neyAste gaNeshvarAH || 11\.53|| 30\. sharaNa mAhatmyasthalaM guruli~NgAdi mahAtmya bodhAnveShaNasa~NgataH | sarvAtmanA shivApattiH sharaNa sthAnamuchyate || 11\.54|| brahmAdi vibudhAn sarvAn muktvA prAkR^ita vaibhavAn | prapadyate shivaM yattu sharaNaM tadudAhR^itaM || 11\.55|| sharaNyaH sarvabhUtAnAM sha~NkaraH shashishekharaH | sarvAtmanA prasannastaM sharaNAgata uchyate || 11\.56|| vimukta bhogalAlasyo devatAntaraniH spR^ihaH | shivamabhyarthayan mokShaM sharaNArthIti gIyate || 11\.57|| ye prapannA mahAdevaM manovAkkAyakarmabhiH | teShAntu karmajAtena kiM vA devAditarpaNaiH || 11\.58|| sarveShAmapi yaj~nAnAM kShayI svargaphalAyate | akShayaM phalamApnoti prapannaH parameshvaraM || 11\.59|| prapanna pArijAtAsya shivasya paramAtmanaH | prapattyA kiM na jAyeta pApinAmapi dehinAM || 11\.60|| prapannAnAM mahAdevaM paripakvAntarAtmanAM | janmaiva janmanAnyeShAM vR^ithA jananasa~NginAM || 11\.61|| durlabhaM mAnuShaM prApya jananaM j~nAnasAdhanaM | yena jAnanti deveshaM teShAmAtma nirarthakaH || 11\.62|| tatkulaM hi sadA shuddhaM saphalaM tasya jIvitaM | yasya chittaM shive sAkShAdvilInamabahirmukhaM || 11\.63|| 31\. prasAda mAhatmya sthalaM guruli~NgAdi mAhatmya visheShAnubhavasthitiH | yasmAchChiva prasAdAt syAtta dasya mahimochyate || 11\.64|| sadA li~NgaikaniShThAnAM gurupUjAnuSha~NgiNAM | prapannAnAM vishuddhAnAM prasIdati maheshvaraH || 11\.65|| prasAdonapi maheshasya durlabhaH parikIrtyate | ghorasaMsAra santApanivR^itti ryena jAyate || 11\.66|| yaj~nAstapAMsi mantrANAM japashchintA prabodhanaM | prasAdArthaM maheshasya kIrtitAni na saMshayaH || 11\.67|| prasAdamUlAH sarveShAM bhaktiravyabhichAriNI | shivaprasAdahInasya bhaktishchApi na siddhyati || 11\.68|| garbhastho jAyamAno vA jAto vA brAhmaNona thavA | antyajo vA pi muchyeta prasAde sati shA~Nkare || 11\.69|| brahmAdyA vibudhAH sarve svasvasthAnivAsinaH | nityasiddhA bhavantyeva prasAdAtparameshvarAt || 11\.70|| prasAde shAmbhave siddhe paramAnandakAriNI | sarvaMshivamayaM vishvaM dR^ishyate nAtra saMshayaH || 11\.71|| saMsArachakra nirvAhanimittaM karmakevalaM | prasAdenavinA shambhornakasyApi nivartate || 11\.72|| bahunAtra kimuktena nAsti nAsti jagatraye | samAnamadhikaM chApi prasAdasya maheshituH || 11\.73|| shivaprasAdesati yogA bhAjaH sarvaM shivaikAtmata yAvibhAti | svakarma muktaH shiva bhAvitAtmaM saprANi li~NgItini gadyatesau || 11\.74|| iti shrI siddhAnta shikhAmaNau prasAdisthale prasAdisthalAdi saptavidha sthala prasa~NgonAma ekAdasha parichChedaH parisamAptaH ||11|| \medskip\hrule\medskip dvAdasha parichChedaH agastya uvAcha bhakto mAheshvara shcheti prasAdIti nibodhitaH | eka eva kathaM chaiSha prANali~NgIti kathyate || 12\.1|| reNuka uvAcha bhakto mAheshvara shcheti prasAdIti cha kIrtitaH | karmaprAdhAnyayogena j~nAnayogosya kathyate || 12\.2|| li~NgaM chidAtmakaM brahma tachChaktiH prANarUpiNI | tadrUpali~Nga vij~nAnI prANali~NgIti kathyate || 12\.3|| prANali~Ngi sthalaM chaitatpa~ncha sthalamanvitaM | prANali~NgisthalaM chAdau prANa li~NgArchanaM tataH || 12\.4|| shivayoga samAdhishcha tato li~NganijasthalaM | a~Ngali~Nga sthalaM chAtha kramAdeShAM bhidochyate || 12\.5|| 32\. prANali~Ngi sthalaM prANA pAnasamAghAtAt kandamadhyAdyadutthi taM | prANali~NgaM tadAkhyAtaM prANApAnanirodhibhiH || 12\.6|| prANo yatra layaM yAti bhAskarendu vighaTTanAt | tat prANa li~Nga muddhiShTaM taddhAri syAtta dAkR^itiH || 12\.7|| j~nAninAM yogayuktAnAmantaHsphurati dIpavat | chidAkAraM paraM brahma li~Nga maj~nairna bhAvyate || 12\.8|| antaH sthitaM paraM li~NgaM jyotI rUpaM shivAtmakaM | vihAya bAhya li~NgasthA vimUDhA iti kIrtitAH || 12\.9|| naM villi~Nga parAmarshI bAhya vastu parAj~nmukhiH | yaH sadA vartate yogI prANali~NgI sa uchyate || 12\.10|| mAyA vikalpajaM vishvaM heyaM sa~nchitya nityashaH | chidAnandamaye li~Nge vilInaH prANa li~NgavAn || 12\.11|| sattA prANayamI shaktiH sadrUpaM prANa li~NgakaM | tatsAmarasya vij~nAnAt prANali~NgIti kathyate || 12\.12|| 33\. prANa li~NgArchana sthalaM antargataM chidAkAraM li~NgaM shivamayaM paraM | pUjyate bhAvapuShpairyatprANa li~NgArchanaM hitat || 12\.13|| antaH pavanasaMspR^iShTe susUkShmAmbarashobhite | mUrdhanya chandra vigalatsudhAsekAtishItale || 12\.14|| baddhendriyanavadvAre bodhadIpe hR^idAlaye | padmapIThe samAsInaM chilli~NgaM shivavigrahaM | bhAvayitvA sadAkAlaM pUjayedbhAvavastubhiH || 12\.15|| kShamAbhiSheka salilaM viveko vastramuchyate | satyamAbharaNaM proktaM vairAgyaM puShpamAlikA || 12\.16|| gandhaH samAdisampatti rakShatAnirahaM kR^itiH | shraddhA dhUpo mahAj~nAnaM jagadbhAsi pradIpikA || 12\.17|| bhrAnti mUla prapa~nchasya naivedyaM tannivedanaM | maunaM ghaNTAparispandastAmbUlaM viShamArpaNaM || 12\.18|| viShayabhrAntirAhityaM tat pradakShiNa kalpanA | buddhistadAtmikAsakti rnamaskArakriyAmatA || 12\.19|| evaM vidhairbhAvashuddhairupari chArairadUShitaiH | pratyaj~nmukhamanA bhUtvA pUjayelli~Nga mAntaraM || 12\.20|| 34\. shivayoga samAdhi sthalaM antaHkriyAratasyAsya prANali~NgArchana kramaiH | shivAtma dhyAnasampattiH samAdhiriti kathyate || 12\.21|| sarvatattvoparigataM sachchidAnanda bhAsuraM | parabrahma mahAli~NgaM prANo jIvaH prakIrtitaH | tadeka bAvamananAt samAdhisthaH prakIrtitaH || 12\.22|| bahirvAsanamA vishvaM vikalpArthaM prakAshate | antarvAsitachittA nAmAtmAnandaH prakAshate || 12\.23|| AtmAraNisamutthena pramodamathanAtsudhIH | j~nAnAgninA dahetsarvaM pAshajAlaM jaganmayaM || 12\.24|| saMsAra viShavR^ikShasya pa~nchakleshaH phalAshinaH | Chedane karma mUlasya parashuH shivabhAvanA || 12\.25|| aj~nAnarAkShasonmeShakAriNaH samhR^itAtmanA | shivadhyAnantu saMsAratamasashchaNDa bhAskaraH || 12\.26|| antaHShaTchakrarUpANi pa~NkajAni vibhAvayet | brahmAdisthAna bhUtAni bhrUmadhyAntAni mUlataH || 12\.27|| bhrUmadhyAdUrdhvabhAge tu sahasradalamambujaM | bhAvayettatra vimalaM chandrabimbaM tadantare || 12\.28|| sUkShmarandhraM vijAniyAt tatkailAsapadaM viduH | tatrasthaM bhAvayechChambhuM sarvakAraNa kAraNaM || 12\.29|| sarvatattvoparigataM sachchidAnanda bhAsuraM | svaprakAshamanirdheshya vAj~nmAnasa gocharaM || 12\.30|| umAkhyayA mahAshaktyA dIpitaM chitsvarUpayA | haMsarUpaM parAtmanaM sohambhAvena bhAvayet | tadekatAnatA siddhiH samAdhiH paramo mataH || 12\.31|| 35\. li~Nganija sthalaM svAntaHstha shivali~Ngasya pratyakShAnubhavasthitiH | yA saiva parali~Ngasya nijamityuchyate budhaiH || 12\.32|| avyaktaM li~NgamityAhurjagatAM mUlakAraNaM | li~NgI maheshvara shcheti matametadasa~NgataM || 12\.33|| chidAnandamayaH sAkShAchChiva eva nira~njanaH | li~Ngamityuchyate vAnyadyataH syAdvishva sambhavaH || 12\.34|| brahmaviShNvAdayo devAH sarve vedAdayastathA | lIyante yatra gamyante talli~NgaM brahma kevalaM || 12\.35|| bahunAtra kimuktena li~Ngamityuchyate budhaiH | shivAbhidhaM paraM brahma chidrUpaM jagadAspadaM || 12\.36|| jyotirmayaM paraM li~NgaM shrutirAha shivAtmakaM | tasyabhAsA sarvamidaM pratibhAti na saMshayaH || 12\.37|| na sUryo bhAti tatrendunna vidyunna cha pAvakaH | na tArakA mahAli~Nge dyotamAne parAtmani || 12\.38|| li~NgAnnAsti paraM tattvaM yadasmAj~nAyate jagat | yatetadrUpatAndhatte yadatra layamashnute || 12\.39|| tasmAlli~NgaM paraM brahma sachchidAnandalakShaNaM | nijarUpamiti dhyAnAtta davasthA prajAyate || 12\.40|| 36\. a~Nga li~Nga sthalaM j~nAnama~Ngamiti prAhurdeyanli~NgaM sanAtanaM | vidyate taddvayaM yasya so~Nganli~NgIti kIrtitaH || 12\.41|| a~Nge li~NgaM samArUDhaM li~Nge chA~NgamupasthitaM | etadasti dvayaM yasya sa bhaveda~Ngali~NgavAn || 12\.42|| j~nAtvA yaH satataM li~NgaM svAntasthaM jyotirAtmakaM | pUjayedbhAvakusumaistaM vidyAda~Nga li~NginaM || 12\.43|| j~nAyate li~Ngame vaikaM sarvaiH shAstraiH sanAtanaiH | brahmeti vishvadhAmeti vimukteH padamityapi || 12\.44|| muktirUpamidaM li~Ngamiti yasya manasthitiH | sa mukto dehayogepi saj~nAnI sa mahAguruH || 12\.45|| anAdinidhanaM li~NgaM kAraNaM jagatAmiti | yena jAnanti te mUDhA mokShamArga bahiShkR^itAH || 12\.46|| yaH prANali~NgArchana bhAvapUrvai rdharmairupetaH shivabhAvitAtmA | sa eva turyaH parikIrtyatesau samvidvipA kA chCharaNA bhidAnaH || 12\.47|| iti shrI siddhAnta shikhAmaNau prANali~Ngisthale prANali~Ngi sthalAdi pa~nchasthala prasa~NgonAma dvAdasha parichChedaH parisamAptaH ||12|| \medskip\hrule\medskip trayodasha parichChedaH agastya uvAcha mAheshvaraH prasAdIti prANili~NgIti bodhitaH | kathameSha samAdiShTaH punaH sharaNa saMj~nakaH || 13\.1|| shrI reNuka uvAcha a~Ngali~NgI j~nAnarUpaH satIj~neyaH shivaH patiH | yatsaukhyaM tatsamAveshe tadvAn sharaNanAmavAn || 13\.2|| sthalametatsamAkhyAtaM chaturthA dharmabhedataH | adau sharaNamAkhyAtaM tatastAmasavarjanaM || 13\.3|| nirdeshashcha tataH proktaH shIlasampAdanaM tataH | kramAllakShaName teShAM kathayAmi nishamyatAM || 13\.4|| 37\. sharaNa sthalaM satIva ramaNe yastu shive shaktiM vibhAvayan | tadanyavimukhaH sora yaM j~nAtaH sharaNanAmavAn || 13\.5|| parij~nAte shive sAkShAt ko vAnyamabhikA~NkShati | nidhAne mahati prApte kaH kAchaM yAchatenyataH || 13\.6|| shivAnandaM samAsAdya kovAnyamupatiShThate | ga~NgAmR^itaM parityajya kaH kA~NkShenmR^igatR^iShTikAM || 13\.7|| saMsAratimirachChede vinA sha~Nkara bhAskaraM | prabhavanti kathaM devAH khadyotA iva dehinAM || 13\.8|| saMsArArtaH shivaM yAyAdbrahmAdyaiH kiM phalaM suraiH | chakorastR^iShitaH pashyechchandraM kiM tArakA api || 13\.9|| shiva eva samastAnAM sharaNyaH sharaNArthinAM | saMsAroragadaShTAnAM sarvaj~nAH sarvadoShahA || 13\.10|| shivaj~nAne samutpanne parAnandaH prakAshate | tadAsakta manA yogI nAnyatra ramate sudhIH || 13\.11|| tasmAtsarva prayatnena sha~NkaraM sharaNaM gataH | tadanantasukhaM prApya modate nAnya chintayA || 13\.12|| 38\. tAmasa nirasana sthalaM shivabhakti parAnandamodinA guruNA yataH | nirasyante tamobhAvAH sa tAmasa nirAsakaH || 13\.13|| yasya j~nAnaM tamomishraM na tasya gatiriShyate | satvaM hi j~nAnayogasya nairmalyaM viduruttamAH || 13\.14|| shamodamo vivekashcha vairAgyaM pUrNabhAvanA | kShAntiH kAruNya sampattiH shraddhA satya samudbhavA || 13\.15|| shivabhaktiH parodharmaH shivaj~nAnasya bAndhavAH | e tairyukto mahAyogI sAtvikaH parikIrtitaH || 13\.16|| kAmakrodha mahAmohamadamatsaravAraNAH | shivaj~nAnamR^igendrasya kathaM tiShThanti sannidhau || 13\.17|| yatra kutrapi yo dveShTi prapa~nche shivarUpiNi | shivadveShI na vij~neyo rajasAviShTamAnasaH || 13\.18|| yo dveShTi sakalAn lokAn yovAn ha~NkurutesadA | yo satyabhAvanAyuktaH sa tAmasa iti smR^itaH || 13\.19|| tamomUla hi sa~njAtA rAgadveShAdipAdapAH | shivaj~nAnakuThAreNa Chidyante hi nirantaraM || 13\.20|| shivaj~nAne samutpanne sahasrAdityasannibhe | kutastayovikArAH syurmahatAM shivayoginAM || 13\.21|| 39\. nirdeshana sthalaM nirAkR^itya tamobhAgaM saMsArasya pravartakaM | nirdishyate tu yad j~nAnaM sa nirdesha iti smR^itaH || 13\.22|| gurureva paraM tattvaM prakAshayati dehinAM | ko vA sUryaM vinA loke tamaso vinivartakaH || 13\.23|| antareNa guruM siddhaM kathaM saMsAraniShkR^itiH | nidAnaj~nAM vinA vaidyaM ko vA rogo nivartate || 13\.24|| aj~nAnamalinaM chitta darpaNaM yo vishodhayet | praj~nA vibhUtiyogena tamAhurgurusattamaM || 13\.25|| aparokShitatattvasya jIvanmukta svabhAvinaH | guroH kaTAkShe saMsiddhe kovA lokeShu durlabhaH || 13\.26|| kaivalya kalpataravo guravaH karuNAlayAH | durlabhAhi jagatyasmin shivadvaita parAyaNAH || 13\.27|| kShArAbdhiriva sindhUnAM sumeruriva bhUbhR^itAM | grahANAmiva tigmAMshurmaNInAmiva kaustubhaH || 13\.28|| drumANA miva bhadra shrIrdevAnA miva sha~NkaraH | guruH shivaH paraH shlAghyogurUNAM prAkR^itAtmanAM || 13\.29|| 40\. shIla sampAdana sthalaM jij~nAsA shivatattvasya shIlamityuchyate budhaiH | nirdeshayogAdAryANAM tadvAn shIlIti kathyate || 13\.30|| prasannArti hare deve paramAtmani sha~Nkare | bhAvasya sthiratAyogaH shIlamityuchyate budhaiH || 13\.31|| shIlaM shivaika vij~nAnaM shivadhyAnaikatAnatA | shivaprApti samutkaNThA tadyogI shIlavAna smR^itaH || 13\.32|| shivAdanyatra vij~nAne vaimukhyaM yasya susthiraM | tadAsaktA manovR^itti stamAhuH shIlabhAjanaM || 13\.33|| pativratAyA yachChIlaM patirAgAtprashasyate | tathA shivAnurAgeNa sushIlo bhakta uchyate || 13\.34|| patiM vinA yathA strINAM sevAnyasyatugarhaNA | shivaM vinA tathAnyeShAM sevA nindAkR^itAtmanAM || 13\.35|| bahunAtrakimuktena shivaj~nAnaikaniShThatA | shIlamityuchyate sadbhiH shIlavAM statparo mataH || 13\.36|| shivAtma bodhaikarataH sthirAshayaH shivaM prapanno jagatAmadhIshvaraM | shivaikaniShThAhita shIla bhUShaNaH shivaikyavA neSha hi kathyate budhaiH || 13\.37|| iti shrI siddhAnta shikhAmaNau sharaNasthale sharaNasthalAdi chaturvidha sthala prasa~NgonAma trayodasha parichChedaH parisamAptaH ||13|| \medskip\hrule\medskip chaturdashaH parichChedaH agastya uvAcha tAmasatyAga sambandhAnnirdeshAchChIlatastathA | sharaNAkhyasya bhUyosyakathamaikyanirUpaNam || 14\.1|| shrI reNuka uvAcha prANali~NgAdiyogena sukhAtishayameyivAn | sharaNAkhyaH shivainaikyabhAvanAdaikyavAn bhavet || 14\.2|| aikyasthalamidaM proktaM chaturthA munipu~Ngava | aikyamAchArasampatti reka bhAjanamevacha | sahabhAjanamityeShAM kramAllakShaNamuchyate || 14\.3|| 41\. aikyasthalaM viShayAnandakaNikA niHspR^ihonirmalAshayaH | shivAnandamahAsindhau majjavAdaikyamuchyate || 14\.4|| nirdhUtamalasambandho niShkala~NkamanogataH | shivohamiti bhAvena nirUDho hi shivaikatAM || 14\.5|| shivenaikyaM samApannashchidAnandasvarUpiNA | na pashyati jagajjAlaM mAyA kalpita vaibhavaM || 14\.6|| brahmANDabudbudodbhedavijR^imbhI tattvavIchimAn | mayA sindhurlayaM yAti shivaikyabaDavAnale || 14\.7|| mAyAshakti tirodhAnAchChive bhedavikalpanA | AtmanastadvinAshetunA dvaitAt ki~nchidiShyate || 14\.8|| pashutvaM cha patitvaM cha mAyAmohavikalpitaM | tasmin pralayAmApanne kaH pashuH ko nuvA patiH || 14\.9|| ghorasaMsAra sarpasya bhedavalmIkashAyinaH | bAdhakaM paramAdvaita bhAvanA paramauShadhaM || 14\.10|| bhedabuddhi samutpanna mahAsaMsArasAgaraM | advaita buddhi potena samuttarati deshikaH || 14\.11|| aj~nAnatimirodriktA kAmarakShaHkriyAkarI | saMsArakAlarAtristu nashyedadvaita bhAnunA || 14\.12|| tasmAdadvaitabhAvasya sadR^isho nAsti yoginAM | upAyo ghorasaMsAra mahAtApanivR^ittaye || 14\.13|| advaitabhAvanAjAtaM kShaNamAtrepi yatsukhaM | tatsukhaM koTivarShaistu prApyate naiva bhogibhiH || 14\.14|| chittavR^itti samAlIna jagateH shivayoginaH | shivAnanda parisphUrtirmukti rityabhidIyate || 14\.15|| 42\. AchAra sampatti sthalaM shivaikabhAvanApannashivatvo dehavAnapi | deshikohinalipyeta svAchAraiH sUtakAdibhiH || 14\.16|| shivAdvaita parij~nAne sthire sati manasvinAM | karmaNA kiM nu bhAvyaM syAdakR^itena vA || 14\.17|| shambhorekatvabhAvesa sarvatra samadarshanaH | kurvannapi mahAkarma na tatphalamavApnu yAt || 14\.18|| sukR^itI duShkR^itI vApi brAhmaNovAntyajopivA | shivaikabhAvayuktAnAM sadR^isho bhavati dhruvaM || 14\.19|| varNAshramasadAchAraij~nAninAM kiM prayojanaM | laukikastu sadAchAraH phalAbhAvepi bhAvyate || 14\.20|| nirdhagdhakarma bIjasya nirmalaj~nAna vahninA | dehivadbhAsamAnasya dehayAtrA tulaukikI || 14\.21|| shivaj~nAna samApanna sthira vairAgya lakShaNaH | svakarmaNA nalipyeta padmapatramivAM bhasA || 14\.22|| gachChaMstiShThan svapanvApi jAgradvApi mahAmatiH | shivaj~nAna samAyogAchChivapUjAparaH sadA || 14\.23|| yadyatpashyati sAmodaM vastulokeShu deshikaH | shivadarshana sampattistatra tatra mahAtmanaH || 14\.24|| yadyachChintayate yogI manasA shuddhabhAvanaH | tattachChivamayatvena shivadhyAnamudAhR^itaM || 14\.25|| yatki~nchidbhAShitaM loke svechChayA shivayoginA | shivastotramidaM sarvaM yasmAtsarvAtmakaH shivaH || 14\.26|| yA yA cheShTA samutpannA jAyate shivayoginAM | sAsA pUjA maheshasya sarvadA tadgatAtmanAM || 14\.27|| 43\. ekabhAjanasthalaM vishvaM shivamayaM cheti sadA bhAvayato dhiyA | shavaikabhAjanAtmatvAdeka bAjasamuchchate || 14\.28|| svasyasarvasya lokasya shivasyAdvaitadarshanAt | ekabhAjana yogena prasAdaikya matirbhavet || 14\.29|| shive vishvamidaM sarvaM shivaH sarvatra bhAsate | AdhArAdheya bhAvena shivasya jagataH sthiti || 14\.30|| chideka bhAjanaM yasya chittavR^itti shivAtmikA | nAnyattasya kimetena mAyAmUlena vasunA || 14\.31|| chit prakAshayate vishvaM tadvinA vastu nAsti hi | chidekaniShThachittAnAM kiM mAyAparikalpitaiH || 14\.32|| vR^itti shUnye svahR^idaye shivalIne nirAkule | yaH sadA ramate yogI samukto nAtra saMshayaH || 14\.33|| 44\. sahaja bhAjanasthalaM guroH shivasya shiShyasya svasvarUpatayA smR^itiH | sahabhAjanamAkhyAtaM sarvagrAsAtma bhAvataH || 14\.34|| shivaM vishvaM guruM sAkShAdyojayyennityamAtmani | ekatvena chidAkAre tadidaM sahabhAjanaM || 14\.35|| ahaM shivo gurushyaiSha jagadetachcharAcharaM | ahaM cheti matiryasya nAstyasau vishvabhAjakaH || 14\.36|| ahaM bhR^ityaH shivaH svAmI shiShyohaM gurureShavai | iti yasya matirnAsti sa chAdvaitapade sthitaH || 14\.37|| parAhantAmaye svAtmapAvake vishvabhAsake | idantA havyahomena vishvahomiti kathyate || 14\.38|| ahaM shivo gurushchAhamahaM vishvaM charAcharaM | yayAvij~nAyate samyak pUrNAhaM tetisAsmR^itA || 14\.39|| AdhAravahnau chidrUpe bhedajAtaM jagaddhaviH | juhoti j~nAnajuhvAyaH saj~neyo vishvahavyabhuk || 14\.40|| chidAkAre parAkAshe paramAnanda bhAnvati | vilIna chittavR^ittInAM kA vA vishvakramasthitiH || 14\.41|| nirasta vishvasambAdhe niShkala~Nke chidambare | bhAvayellIna mAtmAnaM sAmarasya svabhAvataH || 14\.42|| saiShA vidyA parAj~neyA sattAnanda prakAshinI | muktirityuchchate sadbhirjaganmohanivartinI || 14\.43|| bhaktAdinAmA paradharmayogAt prAptaikabhAvaH paramAdbhutena | shivena chidvyomamayena sAkShA nmokShashriyo bhAjanatAmupaiti || 14\.44|| iti shrI siddhAnta shikhAmaNau aikyasthale aikyasthalAdi chaturvidha sthala prasa~NgonAma chaturdasha parichChedaH parisamAptaH ||14|| \medskip\hrule\medskip pa~nchadasha parichChedaH shrI reNuka uvAcha ShaT sthalokta sadAchAra sampannasya yathAkramaM | li~NgasthalAni kathyante jIvanmukti parANi cha || 15\.1|| agastya uvAcha bhaktAdyaikyAvasAnAni ShaDuktAni sthalAni cha | li~NgasthalAni kAnIha kathyante kati vApunaH || 15\.2|| shrI reNuka uvAcha gurvAdij~nAnashUnyAntA bhaktAdi sthalasaMshritAH | sthalabhedAH prakIrtyante pa~nchAshatsapta chAdhunA || 15\.3|| adau navasthalAnIha bhaktasthalasamAshrayAt | kathyante guNasAreNa vAmAnyeShAM pR^ithak shruNu || 15\.4|| dIkShAgurusthalaM pUrvaM tataH shikShAgurusthalaM | praj~nAgurusthalaM chAthakriyA li~NgasthalaM tataH || 15\.5|| bhAvali~NgasthalaM chAtha j~nAnali~NgasthalaM tataH | svayaM charaM paraM cheti teShAM lakShaNamuchyate || 15\.6|| 1\. dIkShAgurusthalaM dIyate paramaM j~nAnaM kShIyate pAshabandhanaM | yayA dIkSheti sA tasyAM gururdIkShAgurusmR^itaH || 15\.7|| guNAtItaM gavarNaM cha rUpAtItaM ruvarNakaM | guNAtItamarUpa~nchayodadyAt sa guruHsmR^itaH || 15\.8|| achinoti hi shAstrArthAnAchAre sthApayatyapi | svayamAcharate yastu sa AchArya iti smR^itaH || 15\.9|| ShaDadhvAtItayogena yatate yastu deshikaH | mAyAbdhi taraNopAya heturvishvaguruH smR^itaH || 15\.10|| akhaNDaM yena chaitanyaM vyajyate sarvavastuShu | AtmayogaprabhAveNa sa gururvishva bhAsakaH || 15\.11|| 2\. shikShAgurusthalaM dIkShAgururasau shikShAhetuH shiShyasya bodhakaH | prashnottarapravaktA cha shikShA gururitIryate || 15\.12|| bodhakoyaM samAkhyAto bodhyametaditi sphuTaM | shiShyA niyujyate yena sa shikShA gururuchyate || 15\.13|| saMsAratimiro nmAthasharachChandramarIchayaH | vAcho yasya pravartante tamAchAryaM prachakShate || 15\.14|| dadAti yaH patij~nAnaM jaganmAyAnivartakaM | advaitavAsanopAyaM tamAchAryavaraM viduH || 15\.15|| pUrvapakShaM samAdAya jagadbheda vikalpanaM | advaitakR^itasiddhAnto gurureSha guNAdhikaH || 15\.16|| sandehavanasandoha samuchChedakuThArikA | yatsUktidhArA vimalA sagurUNAM shikhAmaNiH || 15\.17|| yatsUkti darpaNAbhoge nirmaledR^ishyate sadA | mokShashrIrbimbarUpeNa sa gururbhavatArakaH || 15\.18|| shiShyANAM hR^idayAlekhyaM pradyota yatiyaHsvayaM | j~nAnadIpikayA tena guruNA kaH samobhavet || 15\.19|| paramAdvaita vij~nAnaparamauShadhadAnataH | saMsAraroganirmAthI deshikaH kena labhyate || 15\.20|| 3\. j~nAnagurusthalaM upadeShTopadeshyAnAM saMshayachChedakArakaH | samyag j~nAnapradaH sAkShAdeSha j~nAnaguruH smR^itaH || 15\.21|| nirasta vishvasambhedaM nirvikAraM chidambaraM | sAkShAtkAroti yo yuktyA sa j~nAnagururuchyate || 15\.22|| kala~NkavAsasau chandraH kShayavR^iddhipariplutaH | niShkala~NkaH sthito j~nAnachandramA na vikAravAn || 15\.23|| pArshvasthaM timiraM hanti pradIpo maNi nirmitaH | sarvagAmi tamohanti bodhadIpo nira~NkushaH || 15\.24|| sarvArthasAdhaka j~nAnavisheShAdeshatatparaH | j~nAnAchAryaH samastanAmAnugrahakaraH shivaH || 15\.25|| kaTAkSha chandramA yasya j~nAnasAgara varthanaH | saMsAra timirachChedi vibhurdeshika bhAskaraH || 15\.26|| bahistimiravichChettA bhAnureShA prakIrtitaH | bahirantasta machChedi vibhurdeshikabhAskaraH || 15\.27|| kaTAkShaleshamAtreNa vinA dhyAnAdikalpanaM | shivatvaM bhAvayedyatra na vedhaH shAmbhavo mataH || 15\.28|| shivavedhakare j~nAne datte yena sunirmale | jIvanmukto bhavechChiShyaH sa gurur j~nAnasAgaraH || 15\.29|| 4\. kriyAli~NgasthalaM gurorvij~nAna yogena kriyA yatra vilIyate | tatkriyAli~Nga mAkhyAtaM sarvairAgama pAragaiH || 15\.30|| parAnandaM chidAkAraM parabrahmaivakevalaM | li~NgasadrUpatApannaM lakShyate vishvasiddhaye || 15\.31|| li~Ngameva para~njyotirbhavati brahma kevalaM | tasmAttatsUjanAdeva sarvakarmaphalodayaH || 15\.32|| parityajya kriyAH sarvAli~NgapUjaika tatparAH | vartante yoginaH sarve tasmAlli~NgaM vishiShyate || 15\.33|| yaj~nAdayaH kriyAH sarvA li~NgapUjAMshasammitAH | iti yAtpUjyate siddhaitkriyAli~Ngamuchyate || 15\.34|| kiM yaj~nairagni hotrAdyaiH kiM tapobhishcha dushcharaiH | li~NgArchanaryatiryasya sa siddhaH sarvakarmasu || 15\.35|| brahmA viShNvAdayaH sarve vibudhA li~NgamAshritAH | siddhAH svasvapade bhAnti jagattantrAdhikAriNaH || 15\.36|| 5\. bhAvali~NgasthalaM kriyA yathAlayaM prAptA tathA bhAvopi lIyate | yatra taddeshikairuktaM bhAvali~NgamitisphuTaM || 15\.37|| bhAvena gR^ihyate devo bhagavAn paramaH shivaH | kintena kriyate tasya nityapUrNo hi sa smR^itaH || 15\.38|| akhaNDa paramAnanda bodharUpaH paraH shivaH | bhaktAnAmupachAreNa bhAvayogAt prasIdati || 15\.39|| mR^ichChillAvihitAlli~NgAdbhAva li~NgaM vishiShyate | nirasta sarvadoShatvAd j~nAnamArga praveshanAt || 15\.40|| vihAya bAhyali~NgAni chilli~NgaM manasi smara | pUjayedbhAvapuShpairyo bhAvali~NgIti kadyate || 15\.41|| mUlAdhAre2thavA chitte bhrUmadhye vA sunirmalaM | dIpA~NkuraNyajan li~NgaM bhAvadravyaiHsayogavA || 15\.42|| svAnubhUti pramANena jyotirli~Ngena saNyutaH | shilAmR^iddArusambhUtaM na li~NgaM pUjayatyasau || 15\.43|| kriyarUpAtu yA pUjA sAj~neyAsvalpasamvidAM | antarA bhAvapUjA tu shivasya j~nAninAM matA || 15\.44|| 6\. j~nAnali~NgasthalaM tadbhAvaj~nApakaM j~nAnaM layaM yatra samashnute | taj j~nAnali~NgamAkhyAtaM shivatattvArthakovidaiH || 15\.45|| trimUrti bhedanirmuktaM triguNAtIta vaibhavaM | brahma yadbodhyate tattu j~nAnali~Nga mudAhR^itaM || 15\.46|| sthUle kriyAsamApattiH sUkShme bhAvasya sambhavaH | sthUlasUkShma padAtIte j~nAnameva parAtmani || 15\.47|| kalpitAni hi rUpANi sthUlAni paramAtmanaH | sUkShmANyapicha taiH kimvA parabodhaM samAcharet || 15\.48|| parAtparaM tu yadbrahma paramAnandalakShaNaM | shivAkhyaM j~nAyate yena j~nAnali~NgI sa kathyate || 15\.49|| bAhyakriyAM parityajya chintAmapi cha mAnasIM | akhaNDa j~nAnarUpatvaM yo bhajenmukta eva saH || 15\.50|| 7\. svasthalaM tadbhAvaj~nApakaM j~nAnaM yatraj~nAne layaM vrajet | tadvAneSha samAkhyAtaH svAbhidAno manIShibhiH || 15\.51|| svachChandA chArasantuShTo jyotirli~NgaparAyaNaH | AtmasthasakalAkAraH svAbhidho munisattamaH || 15\.52|| nirmamo niraha~NkAro nirastakleshapa~nchakaH | bhikShAshI samabuddhishcha muktaprAyo munirbhavet || 15\.53|| yadR^ichChAlAbhasantuShTo bhasmaniShTo jitendriyaH | samavR^itti rbhavedyogi bhikShuke vA nR^ipethavA || 15\.54|| pashyan sarvANi bhUtAni saMsArasthAni sarvashaH | smayamAnaH parAnande lInAtmA vartate sudhIH || 15\.55|| dhyAnaM shaivaM tathA j~nAnaM bhikShA chaikAntashIlatA | ya teshchatvAri karmANi na pa~nchamami heShyate || 15\.56|| 8\. charmasthalaM svarUpaj~nAnasampanno dhvastAhammamatAkR^itiH | svayameva svayaM bhUtvA charatIti charAbhidaH || 15\.57|| kAmakrodhAdinirmuktaH shAntidAntisamanvitaH | samabuddhyA charedyogI sarvatra shivabuddhimAn || 15\.58|| idaM mukhyamidaM hInamiti chintAmakalpayan | sarvatra sa~ncharedyogI sarvaM brahmeti bhAvayan || 15\.59|| na sammAneShu samprItiM nAvamAneShu cha vyathAM | kurvANaH sa~ncharedyogI kUTasthe svAtmani sthitaH || 15\.60|| aprAkR^itaguNaiH svIyaiH sarvaM vismApayan janaM | advaitaparamAnandamudito dehivachcharet || 15\.61|| naprapa~nche nadehe cha nadharma nacha duShkR^ite | gata vaiShamyadhIrdhIro yatishcharati dehivat || 15\.62|| prAkR^itaishvarya sampatti parAj~nmukhamanaHsthitiH | chidAnanda nijAtmastho modate munipu~NgavaH || 15\.63|| 9\. parasthalaM svayameva svayaM bhUtvA charataH svasvarUpataH | paraM nA stIti bodhanya paratvamabhidhIyate || 15\.64|| svatantraH sarvakR^ityeShu svaparatvena bhAvitaH | tR^iNIkurvan jagajjAlaM vartate shivayogirAT || 15\.65|| varNAshramasadAchAra mArganiShThAparAj~nmukhaH | sarvotkR^iShTaM svamAtmAnAM pashyan yogItu modate || 15\.66|| vishvAtItaM paraM brahma shivAkhyaM chitsvarUpakaM | tadevAhamiti j~nAnI sarvotkR^iShTaH sa uchyate || 15\.67|| achalaM dhR^ivamAtmAsamanupashyanni rantaraM | nirasta vishvavibhrAnti rjIvanmukto bhavenmuniH || 15\.68|| brahmAdyAH kiM nu kurvanti devatAH karmamArgagAH | karmAtIta padasthasya svayaM brahmasvarUpiNaH || 15\.69|| svechChayA na~ncharan yogI vimu~nchan dehamAnitAM | darshanaiH sparshanaiH sarvAnaj~nAnapi vimochayat || 15\.70|| nitye nirmalabhAvane nirupame nirdhUtavishvabhrame sattAnanda chidAtmake parashive sAmyaM gataH saNyamI | pradhvastAshramavarNadharmanigalaH svachChandanaM chAravAn dehepyadbhuta vaibhavo vijayate jIvanvimuktaH sudhIH || 15\.71|| iti shrI siddhAnta shikhAmaNau li~Ngasthale dIkShA gurusthalAdi navavidha sthala prasa~NgonAma pa~nchadasha parichChedaH parisamAptaH ||15|| \medskip\hrule\medskip ShoDashaparichChedaH agastya uvAcha sthalAnAM navakaM proktaM bhaktasthalasamAshrayaM | maheshvarasthale siddhaM sthalabhedaM nirUpaya || 16\.1|| shrI reNuka uvAcha mAheshvarasthale santi sthalAni nava tApasa | kriyAgamasthalaM pUrvaM tato bhAvAgamasthalaM || 16\.2|| j~nAnAgamasthalaM chAdha sakAya sthalamIritaM | tatokAyasthalaM proktaM parakAyasthalaM tataH || 16\.3|| dharmAchArasthalaM chAdhabhAvAchAra sthalaM tataH | j~nAnAchArasthalaM cheta kramAdeShAM bhidochyate || 16\.4|| 10\. kriyAgamasthalaM shivo hi paramaH sAkShAt pUjA tasya kriyochyate | tatparA AgamA yasmAtta duktoyaM kriyAgamaH || 16\.5|| prakAshate yathAnAgni raraNyAM mathanaM vinA | kriyAM vinA tathAnta:sthona prakAsho bhavechChivaH || 16\.6|| na yathA vidhilopaH syAdyathA devaH prasIdati | yathAgamaH pramANaM syAttathA karmasamAcharet || 16\.7|| vidhiH shivaniyogoyaM tasmAdvihitakarmaNi | shivArAdhanabuddhyaiva nirataH syAdvichakShaNaH || 16\.8|| gurorAdesha mAsAdya pUjayetparameshvaraM | pUjite parameshAne pUjitAH sarvadevatAH || 16\.9|| sadA shivArchanopAyasAmAgrIvyagramAnasaH | shivayogarato yogI muchyate nAtra saMshayaH || 16\.10|| andhapa~Nguvadanyonya sApekShe j~nAnakarmaNi | phalotpattau viraktastu tasmAttaddva yamAcharet || 16\.11|| j~nAne siddhe pi viduShAM karmApi viniyujyate | phalAbhisandhirahitaM tasmAtkarma na santyajet || 16\.12|| AchAra eva sarveShAmala~NkArAya kalpate | AchArahInaH puruSho loke bhavati ninditaH || 16\.13|| j~nAnenAchArayuktena prasIdati maheshvaraH | tasmAdAchAravAn j~nAnI bhavedA deha pAtanaM || 16\.14|| 11\. bhAvAgamasthalaM bhAvachihnAni viduSho yAni santi virAgiNaH | tAni bhAvAgamatvena vartante sarvadehinAM || 16\.15|| shivohamiti bhAvohi shivatApatti kAraNaM | na j~nAnamAtraM nAchAro bhAvayuktaH shivobhavet || 16\.16|| j~nAnaM vastu parichChedo dhyAnaM tadbhAvakAraNaM | tasmAt j~nAte mahAdeve dhyAnayuktobhavetsudhIH || 16\.17|| antarbahishcha sarvatra paripUrNaM maheshvaraM | bhAvayetparamAnanda labdhaye paNDitottamaH || 16\.18|| arthahInA yathA vANI patihInA yathA satI | shrutihInA yathA buddhi rbhAvahInA tathA kriyA || 16\.19|| chakShurhIno yathArUpaM na ki~nchi dvIkShutaM kShamaH | bhAvahInastathA yogI na shivaM draShTumIshvaraH || 16\.20|| bhAvashuddhena manasA pUjayetparameshvaraM | bhAvahInAM na gR^ihNAti pUjAM sumahatImapi || 16\.21|| nairantaryeNa sampanne bhAve dhyAtuM shivamprati | tadbhAvo jAyate yadvat kITI bhramarachintanAt || 16\.22|| niShkala~NkaM nirAkAraM parabrahma shivAbhidaM | nidhyAtatu manamarthopi tadvibhUtiM vibhAvayet || 16\.23|| 12\. j~nAnAgamasthalaM parasya j~nAnachihnAni yAni nanti sharIriNAM | tAni j~nAnAgamatvena pravartante vimuktaye || 16\.24|| bhAvena kiM phalaM puMsAM karmaNA vA kimiShyate | bhAvakarma samAyuktaM j~nAnameva vimukti daM || 16\.25|| kevalaM karmamAtreNa janmakoTi shatairapi | nAtmanaM jAyate muktirNAnaM mukterhi kAraNaM || 16\.26|| j~nAnahInAM sadA karma puMsAM saMsArakAraNaM | tadeva j~nAnayogena saMsAravinivartakaM || 16\.27|| phalaM kriyavatAM puMsAM svargAdyaM nashvaraM yataH | tasmAt sthAyIphala prAptyai j~nAnameva samabhyaset || 16\.28|| shAstrAbhyAsAdiyatnena sadgurorupadeshataH | j~nAnameva samabhyasyet kimanyena prayojanaM || 16\.29|| j~nAnaM parashivAdvaitaparipAka vinishchayaH | yena saMsAra sambandha vinivR^ittirbhavet satAM || 16\.30|| shivAtmaka midaM sarvaM shivAdanyanna vidyate | shivohamati yA buddhista deva j~nAnamuttamaM || 16\.31|| andho yadhA puraHsthAni vastUni nahi pashyati | j~nAnahInastathA dehi nAtmasthaM vIkShate shivaM || 16\.32|| shivasya darshanAtpuMsAM janmaroganivartanaM | shivadarshanamapyAhuH sulabhaM j~nAnachakShuShAM || 16\.33|| dIpaM vinA yathA gehe nAndhakAro nivartate | j~nAnaM vinA tathA chitte mohopi nanivartate || 16\.34|| 13\. sakAyasthalaM paranya yA tanurNeyA dehakarmAbhimAninaH | tayAsakAyolokoyantadAtmatvanirUpaNAt || 16\.35|| kAyaM vinA samastAnAM na kriyA na cha bhAvanA | na j~nAnaM yattato yogI kAyavAnena sa~ncharet || 16\.36|| shivaikyaj~nAnayuktanya yoginopi mahAtmanaH | kAyayogena siddhyanti bhogamokShAdayaH sadA || 16\.37|| kAShThaM vinA yathA vahNirjAyate na prakAshavAn | mUrtimvinA tathAyogI nAtmatattva prakAshavAn || 16\.38|| mUrtyAtma naiva devasya yathA pUjyatvakalpanA | tathA dehAtmA naivAsya pUjyatvaM parayoginaH || 16\.39|| niShkalohi mahAdevaH paripUrNaH sadAshivaH | jagasR^iShTyAdi saMsiddhyai mUrti mAneva bhAsate || 16\.40|| brahmAdyA devatAH sarvA munayopi mumukShavaH | kAyavanto hi kurvanti tapaH sarvArtha sAdhakaM || 16\.41|| tapohi mUlaM sarvAsAM siddhInAM yajjagattraye | tapastatkAyamUlaM hitasmAtkAyaM na santyajet || 16\.42|| 14\. akAyasthalaM aupachArika dehitvAjjaga dAtmatva bhAvanAt | mAyA sambandharAhityAda kAyo hiparaHsmR^itaH || 16\.43|| parasya dehayogepi na dehAshrayavikrayA | shivasyeva yatastAsmAdakAyo yaM prakIrtitaH || 16\.44|| parali~Nge vilInasya paramAnanda chinmaye | kuto dehena sambandho dehivadbhAvanaM bhramaH || 16\.45|| dehAbhimAnahInasya shivabhAve sthirAtmanaH | jagadetachCharIraM syAddehenaikena kA vyathA || 16\.46|| shivaj~nAnaika niShThasya nAha~NkArabhavo bhramaH | na chendriyabhavaM duHkhaM tyakta dehAbhimAninaH || 16\.47|| na manuShyo na dehohaM na yakSho naiva rAkShasaH | shivohamiti yo buddhyAttastha kindeha karmaNA || 16\.48|| 15\. parakAya sthalaM vashIkR^itatvAt prakR^itermAyAmArgAtivartanAt | parakAyoyamAkhyataH satyaj~nAna sukhAtmakaH || 16\.49|| parabrahma vapuryasya prabodhAnandabhAsuraM | prAkR^itena kimetena sharIreNAsya jAyate || 16\.50|| samyag j~nAnAgni sandagdha janmabIjakalevaraH | shivatattvAvalambI yaH parakAyaH sa uchyate || 16\.51|| indriyANI manovR^ittirvAsanAH karmasambhavAH | yatra yAnti layantena sakAyoyaM parAtmanA || 16\.52|| parAhantAmanuprApya pashyedvishvaM chidAtmakaM | na dehItibhramastasya nishchitA hi shivAtmatA || 16\.53|| svasvarUpaM shivAkAraM jyotissAkShAdvichintayan | dehavAnapi nirdeho jIvanmuktohi sAdhakaH || 16\.54|| dehastiShThatu vA yAtu yoginaH svAtmabhodinaH | jIvanmuktirbhavet sadyashchidAnandaprakAshinI || 16\.55|| Atmaj~nAnAvasAnaM hi saMsAraparipIDanaM | sUryodayepi kiM lokastimireNoparuddhyate || 16\.56|| dehAbhimAna nirmuktaH kulAtItapadAshrayaH | kathaM yAti parichChedaM sharIreShu mahAbudhaH || 16\.57|| 16\. dharmAchArasthalaM tasyaiva parakAyasya dharmAchAro ya iShyate | na dharmaH sarvalokAnAmupakArAya kalpate || 16\.58|| ahiMsA satyamasteyaM brahmacharyaM dayA kShamA | dAnaM pUjA japo dhyAnamiti dharmasya sa~NgrahaH || 16\.59|| shivena vihito yasmAdAga mairdharma sa~NgrahaH | tasmAtta mAcharan vidvAn tatprasAdAya kalpate || 16\.60|| adharmaM naspR^ishet ki~nchidvihitaM dharmamAcharet | taM cha kAma vinirmuktaM tamapi j~nAnapUrvakaM || 16\.61|| Atma vatsarvabhUtAni sampashyedyoga vittamaH | jagadekAtmatA bhAvAnnigrahAdi virodhataH || 16\.62|| eka eva shivassAkShAjjagadetaditi sphuTaM | pashyataH kiM na jAyeta mamakAro hi vibhramaH || 16\.63|| dharma eva samastAnAM yataH saMsiddhi kAraNaM | niHspR^ihopi mahAyogI dharmamArgamhi natyajet || 16\.64|| j~nAnAmR^itena tR^iptopi yogi dharmaM na santyajet | AchAraM mahatAM dR^iShTvA pravartaM tehi laukikAH || 16\.65|| sadAchArapriyaH shambhuH sadAchAreNa pUjyate | sadAchAraM vinA tasya prasAdo naiva jAyate || 16\.66|| 17\. bhAvAchArasthalaM bhAva evAnya sarveShAM bhAvAcharaH prakIrtitaH | bhAvo mAnasa cheShTAtmA paripUrNaH shivAshrayaH || 16\.67|| bhAvanAvihitaM karma pAvanAdapi pAvanaM | tasmAdbhAvanayA yuktaM paradharmaM samAcharet || 16\.68|| bhAvenahi manashshuddhirbhAvAt siddhishcha karmaNAM | itisa~nchitya manasA yogI bhAvaM na santyajat || 16\.69|| shivabhAvanayA sarvaM nityanaimitti kAdikaM | kurvannapi mahAyogI guNadoShairna bAdhyate || 16\.70|| antaHprakAshamAnasya samvitsUryasya santataM | bhAvena yadupasthAnaM tat sandhyAvandanaM viduH || 16\.71|| AtmajyotiShu sarveShAM viShayANAM samarpaNaM | antarmukhena bhAvena homakarmeti gIyate || 16\.72|| bhAvayet sarvakarmANi nityanaimitti kAni cha | shivaprItikarANyeva sa~NgarAhityasiddhaye || 16\.73|| shive niveshya sakalaM kAryAkAryaM vivekataH | vartate yo mahAbhAgaH nana~Ngarahito bhavet || 16\.74|| AtmAnamakhilaM vastu shivamAnandachinmayaM | ekIbhAvena satataM sampashyanneva pashyati || 16\.75|| 18\. j~nAnAcharasthalaM anya j~nAnasamAchAro yoginaH sarvadehinAM | j~nAnAchAro yadukto yaM j~nAnAcharaH sa kathyate || 16\.76|| paripUrNaM mahAj~nAnaM paratattva prakAshakaM | avalambya pravR^itto yo j~nAnAchArassa uchyate || 16\.77|| nirvikalpe pare dhAmni niShkale shivanAmani | j~nAnena yojayan sarvaM j~nAnAchArI prakIrtitaH || 16\.78|| karma j~nAnAgninA dagdgaM na prarohet katha~nchana | yadAhunsaMsR^itermUlaM pravAhAnugataM budhAH || 16\.79|| j~nAnena hInaH puruShaH karmaNA badhyate sadA | j~nAninaH karmasa~NkalpA bhavanti kila niShphalAH || 16\.80|| j~nAnaM muktipradaM prApya gurudR^iShTiprAsAdataH | kaH kuryAtkarma kArpaNye vANChAM saMsAravardhane || 16\.81|| shivAdvaitaparaM j~nAnaM j~nAnamityuchyate budhaiH | siddhena vApyasiddhena phalaM j~nAnAntareNa kiM || 16\.82|| nirmalaM hi shivaj~nAnaM niHshreyasakaraM paraM | rAgadveShAdikaluShaM bhUyaH saMsmR^itikAraNaM || 16\.83|| shuddhAchAraH shuddhabhAvo vivekI jyotiH pashyan sarvataH shaivamekam | j~nAnadhvasta prAkR^itAtmaprapa~ncho jIvanmukta shcheShTate divyayogI || 16\.84|| iti shrI siddhAnta shikhAmaNau li~NgasthalIya maheshvarasthala kriyAgama sthalAdinavavidha sthala prasa~NgonAma ShoDasha parichChedaH parisamAptaH ||16|| \medskip\hrule\medskip saptadasha parichChedaH agastya uvAcha sthalAni tAni choktAni yAni mAheshvarasthale | kathaya sthalabhedaM me prasAdisthala saMshritaM || 17\.1|| shrIreNuka uvAcha sthalabhedA navaproktAH prasAdisthala saMshritAH | kAyAnugrahaNaM pUrvamindriyAnugrahantataH || 17\.2|| prANAnugrahaNaM pashchAttataH kAyArpaNaM mataM | karaNArpaNamAkhyAtaM tato bhAvArpaNaM mataM || 17\.3|| shiShyasthalaM tataH proktaM shushrUShusthalamevacha | tataH sevyasthalaM chaiShAM kramashaH shruNu lakShaNaM || 17\.4|| 19\. kAyAnugrahasthalaM anugR^ihNAti yallokAn svakAyaM darshayanna sau | tasmAdeva samAkhyAtaH kAyAnugraha nAmakaH || 17\.5|| yathA shivonugR^ihNAti mUrti mAvishva dehinaH | tathA yogI sharIrasthaH sarvAnugrAhakobhavet || 17\.6|| shivaH sharIrayogepi yathA sa~NgavivarjitaH | tathA yogI sharIrastho nissa~Ngo vartate sadA || 17\.7|| shivabhAvanayA yuktaH sthirayA nirvikalpayA | shivo bhavati nirdhUtamAyAlesha pariplavaH || 17\.8|| galitAha~NkR^itigrandhiH krIDAkalpita vigrahaH | jIvanmuktashcharedyogI dehivanni rupAdhikaH || 17\.9|| 20\. indriyAnugrahasthalaM darshanAt parakAyasya karaNAnAM vivekataH | indriyAnugrahaH proktassarveShAntattva vedibhiH || 17\.10|| indriyANAM samastAnAM svArtheShu sati sa~Ngame | rAgo vA jAyate dveShastau yogI parivarjayet || 17\.11|| indriyANAM bahirvR^ittiH prapa~nchasya prakAshinI | antaH shive samAvesho viShpapa~nchasya kAraNaM || 17\.12|| kShaNamantaH shivaM pashyan kevale naiva chetasA | bAhyArthAnAmanubhavaM kShaNaM kurvan dR^igAdibhiH || 17\.13|| sarvendriyanirUDhopi sarvendriyavihInavat | shivAhitamanA yogI shivaM pashyati nAparaM || 17\.14|| na jarA maraNaM nAsti na pipAsA na chakShudhA | shivAhitendriyasyAsya nirmAnasya mahAtmanaH || 17\.15|| manoyatra pravarteta tatra sarvendriyasthitiH | shive manasi sanlIne kvachendriyavichAraNA || 17\.16|| yadyatpashyan dR^ishA yogI manasA chintayatyapi | tattatsarvaM shivAkAraM samvidrUpaM prakAshate || 17\.17|| sharaNaiH sahitaM prANaM manasyAdhAya saNyamI | yojayettachChive sAkShAdyatra nAsti jagadbhramaH || 17\.18|| sarvendriyapravR^ityA cha bahirantaH shivaM yajan | svachChandachArI sarvatra sukhI bhavati saNyamI || 17\.19|| 21\. prANAnugrahasthalaM shivasya parakAyasya yattAtparyAvalokanaM | sa prANAnugrahaH proktansarveShAM tattvadarshibhiH || 17\.20|| prANoyasya layaM yAti shive paramakAraNe | kutastasyendriyasphUrtiH kutaH saMsAradarshanaM || 17\.21|| karaNeShu nivR^itteShu svArthasa~NgaprayatnataH | taissamamprANamAropya svAnteshAntamatiH svayaM || 17\.22|| shAntatve prANavR^ittInAM manaH shAmyati vR^ittibhiH | tachChAntau yoginAM ki~nchichChi vAdanyanna dR^ishyate || 17\.23|| prANaeva manuShyANAM dehadhAraNa kAraNaM | tadAdhAraH shivaH proktaH sarvakAraNakAraNaM || 17\.24|| nirAdhAraH shivaH sAkShAt prANastena pratiShThitaH | tadAdhAraH tanurjeyA jIvo yenaiva cheShTate || 17\.25|| shive prANo vilInopi yogino yogamArgataH | svashakti vAnanAyogAddhAraya tyeva vigrahaM || 17\.26|| sa chAbhyAsavashAdbhUyaH sarvatattvAtivartini | niShkala~Nke nirAkare nirastAsheShaviklave || 17\.27|| chidvilAsaparisphUrti paripUrNa sukhAdvaye | shive vilIna sarvAtmA yogI chalati na kvachit || 17\.28|| pradhvasta vAsanAsa~NgAt prANavR^itti parikShayAt | shivai kIbhUtasarvAtmA sthAnuvadbhAti saNyamI || 17\.29|| 22\. kAyArpaNa sthalaM shivasya pararUpasya sarvAnugrAhiNorchane | tyAgo dehAbhimAnasya kAyArpaNamudAhR^itaM || 17\.30|| yadA yogI nijaM dehaM shivAya vinivedayat | tadA bhavati tadrUpaM shivarUpaM na saMshayaH || 17\.31|| indriyaprIti hetUni viShayAsa~Nga jAni cha | sukhAni sukhachidrUpe shivayogI nivedayat || 17\.32|| darshanAt sparshanAdbhukteH shravaNAdghrANanAdapi | viShayebhyo yadutpannaM shive tatsukhamarpayet || 17\.33|| dehadvAreNa yadyat syAt sukhaM prAsa~Nga mAtmanaH | tattanni vedayan shambhoryogi bhavati nirmalaH || 17\.34|| 23\. karaNArpaNa sthalaM ana~njanaM samastAnAM karaNAnAM parAtbpare | shive yattadidaM proktaM karaNArpaNamAgame || 17\.35|| yadyatkaraNamAlambya bhu~Nkte viShayajaM sukhaM | tattachChive samarpyaiSha karaNArpaka uchyate || 17\.36|| aha~NkAramadodrikta mantaHkaraNavAraNaM | badhnIyAdyaH shivAlAne sadhIraH sarvasiddhimAn || 17\.37|| indriyANAM samastAnAM manaH prathamamuchyate | vashIkR^ite shive tasmin kimanyaistadvashAnugai || 17\.38|| indriyANAM vashIkAro nivR^ittiriti gIyate | lakShyIkR^ite shive teShAM kutaH saMsAragAhanaM || 17\.39|| saMsAraviShakAntArasamuchChedakuThArikA | upashantirbhavet puMsAmindriyANAM vashIkR^itau || 17\.40|| indriyaireva jAyante pApAni sukR^itAnicha | teShAM samarpaNAdIshe kutaH karmanibandhanaM || 17\.41|| prakAshamAne chidvahnau bahirantarjaganmaye | samarpyaviShayAn sarvAn mukta vajjAyate janaH || 17\.42|| chittadravyaM samAdAya jagajjAtaM mahAhaviH | chidvahnau juhvatAmantaH kutaH saMsAraviplavaH || 17\.43|| AtmajyotiShu chidrUpe prANavAyu nibodhite | juhvAt samasta viShayAn tanmayo bhavatidhruvaM || 17\.44|| indriyANi samastAni sharIraM bhogasAdhanaM | shivapUjA~NgabhAvena bhAvayan mukti mApnuyAt || 17\.45|| 24\. bhAvarpaNasthalaM shive nishchalabhAvena bhAvAnAM yatsamarpaNaM | bhAvArpaNamidaM proktaM shivasadbhAvavedibhiH || 17\.46|| chittasthasakalArthAnAM mananaM yattumAnase | tadarpaNaM shive sAkShAnmAnaso bhAvauchyate || 17\.47|| bhAva eva hi jantUnAM kAraNaM bandhamokShayoH | bhAvashuddhau bhavenmuktirviparItetu samvR^itiH || 17\.48|| bhAvasya shuddhirAkhyAtA shivo hamiti yojanA | viparIta samAyoge kuto duHkhanivartanaM || 17\.49|| bhoktA bhojyaM prerayitA sarvametachcharAcharaM | bhAvayan shivarUpeNa shivo bhavati vastutataH || 17\.50|| sarvaM karmArchanaM shambhorvachanaM tasya kIrtanaM | iti bhAvayato nityaM kathaM syAt karma bandhanaM || 17\.51|| sarvendriyagataM saukhyaM duHkhaM vA karma sambhavaM | shivArthaM bhAvayan yogI jIvanmukto bhaviShyati || 17\.52|| 25\. shiShyasthalaM shAsanIyo bhavedyastu parakAyena sarvadA | tatprasAdAttu mokShArthI sa shiShya iti kIrtitaH || 17\.53|| bhAvo yasya sthiro nityaM manovAkkayakarmabhiH | gurau nije guNodAre sa shiShya iti gIyate || 17\.54|| shAnto dAntastapashshIlaH satyavAk samadarshanaH | gurau shive samAnasthaH sa shiShyANAmihottamaH || 17\.55|| gurumeva shivaM pashyechChiva meva guruM tathA | naitayorantaraM ki~nchidvijAnIyAdvichakShaNaH || 17\.56|| shivAchAre shivadhyAne shivaj~nAne cha nirmale | gurorAdeshamAtreNa parAM niShThAmavApnuyAt || 17\.57|| na la~Ngha yedgurorAj~nAM j~nAnameva prakAshayan | shivAsaktena manasA sarvasiddhimavApnuyAt || 17\.58|| gurorlabdhvA mahAj~nAnaM saMsArAmaya bheShajaM | modate yaH sukhI shAntaH sa jIvanmukta evahi || 17\.59|| 26\. shushrUShasthalaM bodhyamAnaH sa guruNA parAkAyena sarvadA | tachChushrUShArataH shiShyaH shushrUShuriti kIrtyate || 17\.60|| shrutvA shrutvA gurorvAkyaM shivasAkShAtkriyAvahaM | upashAmyati yaH svAnte samukti padamApnuyAt || 17\.61|| na budhyati gurorvAkyaM vinAshiShyasyamAnanaM | tejo vinA sahashrAMshoH kathaM sphurati pa~NkajaM || 17\.62|| sUryasyodaya mAtreNa sUryakAntaH prakAshate | gurorAlokamAtreNa shiShyo bodhena bhAsate || 17\.63|| advaita paramAnanda prabodhaikaprakAshakaM | upAyaMshruNuyAchChiShyaH sadgurumprApyasA~njali || 17\.64|| kiM tattvaM paramaM j~neyaM kena sarve pratiShThitAH | kasyasAkShAtkriyA muktiH kathayeti samAsataH || 17\.65|| iti prashne kR^ite pUrvaM shiShyeNa niyatAtmanA | brUyAttattvaM gurustasmai yenasyAtsaMsR^iterlayaH || 17\.66|| shivaeva paraM tattvaM chidAnanda sadAkR^itiH | sa yathArthastadanyanya jagato nAsti nityatA || 17\.67|| shivohamiti bhAvena shive sAkShAtkR^ite sthiraM | muktobhavati saMsAra mohagrandhivibhedataH || 17\.68|| shivaM bhAvaya chAtmAnaM shivAdanyanna chintaya | evaMsthire shivAdvaite jIvanmukto bhaviShyasi || 17\.69|| evaM prabodhitaH shiShyo guruNA guNashAlinA | shivameva jagat pashyan jIvanmuktobhijAyate || 17\.70|| 27\. sevyasthalaM guruvAkyAmR^itAsvAdAt prApta bodhamahAphalaH | shushrUShurevasarveShAM sevyatvAt sevya uchyate || 17\.71|| gurUpadiShTe vij~nAne chetasi sthiratAM gate | sAkShAtkR^itashivaH shiShyo guruvatpUjyate sadA || 17\.72|| j~nAnAdhikyasampatti rguroryasmAdupasthitA | tasmAd j~nAnaga mAchChiShyoguruvatpUjyatAM vrajet || 17\.73|| shivohamiti bhAvasya nairantaryavisheShataH | shivabhAve samutpanne shivavatpUjya eva saH || 17\.74|| brahmANDabudbudodbhAsi mayAsindhuM mahattaraM | guroH kabalayatyAshu kaTAkSha baDabAnalaH || 17\.75|| guroH kaTAkSha vedhena shivobhavati mAnavaH | rasavedhAdyadhA loho hematAM pratipadyate || 17\.76|| viShayAsakta chitto pi viShayAsa~NgavarjitaH | shivabhAvayuto yogI sevyaH shiva ivAparaH || 17\.77|| muktaH saMshayapAshataH sthiramanA bhodhe cha mukti prade | mohaM dehabhR^itAM dR^ishA vighaTayanmUlaM mahA saMsmR^ite || 17\.78|| sattAnanda chidAtmake nirupame shaive parasmin pade | lInAtmA viditaprapa~nchavibhavoyogI janaiH sevyate || 17\.79|| iti shrI siddhAnta shikhAmaNau li~NgasthalIya prasAdisthale kAyAnugrahAdi navavidha sthala prasa~NgonAma saptadasha parichChedaH parisamAptaH ||17|| \medskip\hrule\medskip aShTAdasha parichChedaH agastya uvAcha prasAdi sthalasambaddhAH sthalabhedAH prakIrtitAH | prANali~NgasthalarUDhAn sthala bhedAnnirUpaya || 18\.1|| shrI reNuka uvAcha sthalAnAM navakaM proktaM prANali~Ngisthala shritaM | AdAvAtmasthalaM proktamantarAtmasthalaM tataH || 18\.2|| paramAtmasthalaM pashchAnnirdehAgama saMj~nakaM | nirbhAvAgamasaMj~na~ncha tato naShTAgamasthalaM || 18\.3|| AdiprasAdinAmAdha tatashchAntyaprasAdikaM | sevya prasAdikaM chAthashruNu teShAM hi lakShaNaM || 18\.4|| 28\. AtmasthalaM jIvabhAvaM parityajya yadA tattvaM vibhAvyate | guroshcha bodhayogena tadAtmAyaM prakIrtitaH || 18\.5|| vAlAgrashatabhAgena sadR^ishohR^idaye sthitaH | ashnan karmaphalaM sarvamAtmA sphurati dIpavat || 18\.6|| AtmApi sarvabhUtAnA mantaH karaNamAshritaH | aNubhUto malAsa~NgAdAdikarmaniyantritaH || 18\.7|| asharIropi sarvatra vyApakopi nira~njanaH | AtmA mAyAsharIrasthaH paribhramati saMsmR^itau || 18\.8|| AtmasvarUpa vij~nAnaM dehendriya vibhAgataH | akhaNDa brahmarUpeNa tadAtmaprApti ruchyate || 18\.9|| japayogAdyathA rAgaH sphaTikasya maNerbhavet | tathA ha~NkArasambandhAdAtmano dehamAnitA || 18\.10|| na chAsti dehasambandho nirdehasya svabhAvataH | aj~nAnakarmayogena dehI bhavati bhuktaye || 18\.11|| nAsau devo na gandharvo na yakSho naiva rAkShasaH | na manuShyo na tiryakShpana cha sthAvara vigrahaH | tatta chCharIrayo gena tattanAmnA virAjate || 18\.12|| nAnAkarma vipAkAshcha nAnAyonisamAshritaH | nAnA yoga samApannA nAnA buddhivicheShTitaH || 18\.13|| nAnA mArgasamArUDhA nAnA sa~Nkalpa kAriNaH | asvatantrAshcha ki~nchij j~nAH ki~nchitkartR^i hetavaH | lIlAbhAjanatAM prAptAH shivasya paramAtmanaH || 18\.14|| choditAH parameshena svasvakarmAnu rUpataH | svargaM vA narakaM vApi prANino yAnti karmiNaH || 18\.15|| punaH karmAvasheSheNa jAyante garbha koTarAt | jAtA mR^itAH punarjAtAH punarmaraNa bhAjanAH | bhramanti ghora saMsAre vishrAnti kathayA vinA || 18\.16|| jIvatvaM duHkha sarvasvaM tadidaM malakalpitaM | nirasyate gurorbodhAd j~nAnashaktiH prakAshate || 18\.17|| 29\. antarAtmasthalaM yadA nirastaM jIvatvaM bhave dgurvanubodhataH | tadAntarAtma bhAvohi nirastasya bhaveddhruvaM || 18\.18|| dehasthito vyayaM jIvo dehasa~Nga vivarjitaH | bodhAt paramAtma bhAvitvAdantarAtmeti kIrtitaH || 18\.19|| AtmAntarAlavartitvAjjIvAtma paramAtmanoH | yogAdubhaya dharmANA mantarAtmeti kIrtitaH || 18\.20|| aha~NkArasya sambandhAnmanuShyatvAdivibhramaH | na svabhAva iti j~nAnAdantarAtmeti kathyate || 18\.21|| yathA padmapalAshasya na sa~Ngo vAriNA bhavet | tathA dehajuShosyasya na sharIreNa sa~NgatiH || 18\.22|| nIDasthito yathA pakShI nIDAdbhinnaH prakAshate | dehasthitastha thAtmAyaM dehadinya! prakAshate || 18\.23|| AchChAdyate yathA chandro meghairAsa~NgavarjitaH | tathAtmA deha sa~NghAtairana~NgaH pariveShTitaH || 18\.24|| nirmamo niraha~NkAro nirastopAdhi viplavaH | dehasthopi sadA hyAtmA shivaM pashyati yogataH || 18\.25|| bhokturbhojya parityAgAt prerakanya prasAdataH | bhoktR^i tA bhoga galitaH sphuratyAtmA svabhAvataH || 18\.26|| sarveShAM prerakatvena shambhurantaH sthitaH sadA | tatpara j~nAnayogena yogI nandati muktavat || 18\.27|| 30\. paramAtmasthalaM nirdhUte tatprabhodena male saMsArakAraNe | sAmarasyAt parAtmasthaH paramAtmayamuchyate || 18\.28|| sarveShAmAtma bhedAnAmutkR^iShTatvAt svatejasA | paramAtmA shivaHproktaH sarvagopI prakAshavAn || 18\.29|| brahmANDabudbudastomA yasya mAyAmahodadhau | unmajjanti nimajjanti paramAtmA sa uchyate || 18\.30|| yasmin jyotirgaNAH sarvesphuli~NgA iva pAvakA | utpadya vilayaM yAnti tadrUpaM paramAtmanaH || 18\.31|| yasmin samastatattvAni kallolA iva vAridhau | sambhUya layamAyAnti tadrUpaM paramAtmanaH || 18\.32|| nirastamala sambandhamasheSha jagadAtmakaM | sarvatattvo pariproktaM svarUpaM paramAtmanaH || 18\.33|| yathA vyApya jagatsarvaM svabhAsA bhAti bhAskaraH | tathA svashakti bhirvyApya paramAtmA prakAshate || 18\.34|| vishvato bhAvamAnopi vishvamAyA vilakShaNaH | paramAtmA svayaM jyotirUpo jIvAtmanAmbhavet || 18\.35|| 31\. nirdehAgamasthalaM dehinopi parAtmatva bhAvino niraha~NkR^iteH | nirasta dehadharmasya nirdehAgama uchyate || 18\.36|| shivohamiti yasyAsti bhAvanA sarvagAminI | tasya dehena sambandhaH kathaM syAsamitAtmanaH || 18\.37|| galite kR^itri mAhantve saMsArabhrama kAraNe | parAhantAM praviShTasya kuto dehaHkuto ratiH || 18\.38|| niShkale niShprapa~nchaughe gabhIre chinmahodadhau | nimagna mAnaso yogI kathaM dehaM vichintayet || 18\.39|| aparichChedyamAtmAnaM chidambaramiti smaran | dehayogepi dehasthairvikArairna vilipyate || 18\.40|| akhaNDanaM vidAkAramadvitIyaM sukhAtmakaM | paramAkAshamAtmAnaM manvAnaH kutra muhyati || 18\.41|| upAdhivihitA bhedA dR^ishyante chaikavastuni | iti yasya matiH soyaM kathaM dehamito bhavet || 18\.42|| bhedabuddhiH samastAnAM parichChedanya kAraNaM | abhedabuddhau jAtAyAM parichChedasya kA kathA || 18\.43|| 32\. nirbhAvAgamasthalaM vyatirekAt svarUpasya bhAvAntaranirAkR^iteH | bhAvo vikAranirmukto nirbhAvAgama uchyate || 18\.44|| ahaM brahmeti bhAvasya vastu dvayasamAshrayaH | ekIbhUtasya chidvyomni tadabhAvo vinishchitaH || 18\.45|| eka bhAvena rUDhasya niShkala~Nke chidambare | kva jAti vAsanAyogaH kva dehitvaM paribhramaH || 18\.46|| shUnye chidambare sthAne dUre vAj~nmAnasAdhvanaH | vilInAtmA mahAyogI kenakimvApi bhAvayet || 18\.47|| avishuddhe vishuddhe vA sthale dIpti ryathA raveH | patatyevaM sadA dvaitI sarvatra samavR^itti mAn || 18\.48|| na bibheti jarAmR^ityorna kShudhAyA vashaM vrajet | paripUrNa nijAnanda samAsvAdAnmahAsukhI || 18\.49|| 33\. naShTAgamasthalaM bhedashUnye mahAbodhe j~nAtrAditri yahAnitaH | j~nAnasya naShTabhAvena naShTAgama ihochyate || 18\.50|| advaitavAsa nAviShTa chetasAM parayoginAM | pashyatAmantarAtmAnAM j~nAtR^itvaM kathamanyathA || 18\.51|| akartAhamavettAhamadehohaM nira~njanaH | iti chintayataH sAkShAt samvideva prakAshate || 18\.52|| nirastabheda jalpasya nirIhasya prashAmyataH | sve mahimni vilInasya kimanyad j~neyamuchyate || 18\.53|| ekIbhUte nijAkAre samvidA niShprapa~nchayA | kena kiM vedanIyaM syAdvettA kaH paribhAShyate || 18\.54|| mahAsattA mahAsamvidvishvarUpA prakAshate | tadvinA nAsti vastvaikaM bheda buddhiM vimu~nchataH || 18\.55|| 34\. AdiprasAdi sthalaM sarvAdhiShThAtR^ikaH shambhurAdistasya prasAdataH | Adi prasAdItyukto yaM nirvikArapade sthitaH || 18\.56|| aneka janma shuddhasya niraha~NkAra bhAvinaH | prasannasya mahAdevaH prasIdati vimuktaye || 18\.57|| shiva prasAdasampattyA shivabhAvamupeyuShA | shivAdanyajjagajjAlaM dR^ishyaM te na cha dR^ishyate || 18\.58|| shambhoreva prasAdena saMsArachChedakAriNA | mohagrandhiM vinirbhidya muktiM yAnti vivekinaH || 18\.59|| vinAprasAdamIshasya saMsAro na nivartate | vinA sUryodayaM loke kutaH syAttamaso layaH || 18\.60|| sarvAnugrAhakaH shambhuH kevalaM kR^ipayA prabhuH | mochayet sakalAn jantUnnaki~nchidiha kAraNaM || 18\.61|| 35\. antya prasAdi sthalaM layaH sarvapadArthAnAmantya ityuchyate budhaiH | prasAdonubhavastasya tadvAnantya prasAdavAn || 18\.62|| devatiryajmanuShyAdi vyavahAravikalpanA | mAyAkR^itA paretattve tallayetat kShayobhavet || 18\.63|| sAkShAtkR^ite pare tattve sachchidAnanda lakShaNe | kva padArtha parij~nAnaM kuto j~nAtR^itva sambhavaH || 18\.64|| suShuptasya yathAvastu na ki~nchidapi bhAsate | tathA muktasya jIvasya na ki~nchidvastu dR^ishyate || 18\.65|| yathAkAshamavichChinnaM nirvikAraM svarUpataH | tathA muktasya jIvasya svarUpamava shiShyate || 18\.66|| na ki~nchidapi muktasya dR^ishyaM kartavyameva hi | sukhasphUrti svarUpasya nishchalA sthiti ruchyate || 18\.67|| shivAdvaita parij~nAna shithilA sheSha vastunaH | kevalaM samvidullAsadarshinaH kena kiM bhavet || 18\.68|| 36\. sevya prasAdi sthalaM sevyo guruH smtato hyAsya prasAdonubhavomataH | tadekAvesha rUpeNa tadvAn sevya prasAdavAn || 18\.69|| sevyo guruH samastAvAM shiva eva na saMshayaM | prasAdosya parAnandaprakAshaH parikIrtyate || 18\.70|| gurureva paraM tattvaM paratattvaM guruHsmR^itaH | tadekatvAnubhAvena na ki~nchidava shiShyate || 18\.71|| aparichChedyamAtmastha mavAj~nmAnasagocharaM | AnandaM pashyatAM puMsAM ratisyatra kA bhavet || 18\.72|| j~nAnAmR^itena tR^iptasya kimanyairbhojya vastubhiH | j~nAnameva parAnandaM prakAshayati yachChivaM || 18\.73|| muktireva parAtR^iptiH paramAnanda lakShaNA | nityaptasya muktasyakimanyairbhoga sAdhanaiH || 18\.74|| na bAhya karma tasyAsti na chAntarnaiva kutrachit | shivaikya j~nAnarUDhasya deha bhrAntiM vimu~nchataH || 18\.75|| na karmabandhena tapo visheShe na mantrayogAbhyasanetathaiva | dhyAne bhodhe cha tadAtmA tattve manaH pravR^ittiH parayogabhAjAM || 18\.76|| iti shrI siddhAnta shikhAmaNau li~NgasthalIya prANali~Ngi sthale AtmasthalAdi navavidha sthala prasa~NgonAma aShTAdasha parichChedaH parisamAptaH ||18|| \medskip\hrule\medskip ekonaviMshati parichChedaH agastya uvAcha sthalabhedAH samAkhyAtAH prANali~NgisthalAshrayAH | kathaya sthalabhedaM me sharaNasthala saMshritaM || 19\.1|| shrI reNuka uvAcha sharaNasthalamAshritya sthaladvAdashakaM mayA | uchyate nAma sarveShAM sthalAnAM shruNu tApasa || 19\.2|| dIkShApAdodakaM pUrvaM shikShApAdodakaM tataH | j~nAnapAdodakaM chAdha kriyAniShpattikaM tataH || 19\.3|| bhAvaniShpattikaM chAdha j~nAnaniShpattikaM tataH | piNDAkAshasthalaM chAdha bindvAkAshasthalaM tataH || 19\.4|| mahAkAshasthalaM chAdha kriyAyAshcha prakAshanaM | bhAvaprakAshanaM pashchAttato j~nAnaprakAshanaM | svarUpaM pR^ithageteShAM kathayAmi yathAkramaM || 19\.5|| 37\. dIkShApAdodakasthalaM dIkShayopagatAdvaitaM yad j~nAnaM guru shiShyayoH | Anandasyaikyame tena dIkShApAdodakaM smR^itaM || 19\.6|| paramAnanda evoktaH pAdashabdena nirmalaH | j~nAnaM chodaka shabdena pAdodakamitismR^itaM || 19\.7|| athavA pAdashabdena gurureva nigadyate | shiShyashchodakashabdena tayoraikyaM tu dIkShayA || 19\.8|| parasamvitprakAshAtmA paramAnanda bhAvanAM | adhigamya mahAyogI na bhedaM kvApi pashyati || 19\.9|| deshakAlAdyavachCheda vihInaM nitya nirmalaM | Ananda prApya bodhena nAnyat kA~NkShati saNyami || 19\.10|| j~nAnAmR^ita matisvachChaM gurukAruNyasambhavaM | AsvAdya ramate yogI saMsArAmayavarjitaH || 19\.11|| 38\. shikShApAdodakasthalaM gurushiShyamayaM j~nAnaM shikShAmananamIryate | tayoH samarasatvaM hi shikShApAdodakaM smR^itaM || 19\.12|| mathitAchChAstra jaladheryukti manthAna vaibhavAt | guruNA labhyate bodisudhA sumanasAM gaNaiH || 19\.13|| j~nAnachandrasamudbhUtAM paramAnanda chandrikAM | pashyanti paramAkAshemukti rAtrau mahAdhiyaH || 19\.14|| dR^iShTe tasmin parAnande desha kAlAdivarjite | draShTavyaM vidyate nAnya chChrotavyaM j~neyamevavA || 19\.15|| AtmAnandena tR^iptasya kA spR^ihA viShaye sukhe | ga~NgAjalena tR^iptasya kUpatoye kutoratiH || 19\.16|| yasminna prAptakallole sukhasindhau nimajjati | sAmarasyAnmahAyogI tasya sImA kuto bhavet || 19\.17|| guruprasAdachandreNa niShkala~Nkena chAruNA | yanmanaH kumudaM nityaM bodhitaM tasya ko bhramaH || 19\.18|| 39\. j~nAnapAdodakasthalaM sadaikyasampadAnando yosau j~nAnagururmataH | tatsAmarasyaM shiShyasya j~nAnapAdodakaM viduH || 19\.19|| avidyArAhunirmukto jIvachandraH sunirmalaH | prakAshate parAkAshe parAnanda mahAdyutiH || 19\.20|| aj~nAnameghanirmuktaH pUrNo jIvasudhAkaraH | AnandajaladhervR^iddhi manupashyan vibhAvate || 19\.21|| aj~nAnachandrodaye jAte dhvasta mohata mobharAH | pashyanti paramAM kAShTAM yoginaH sukharUpiNIM || 19\.22|| mAyArajanyA viraye bodhasUrye prakAshite | nirasta sarvavyApArAshchitraM svapiti saNyamI || 19\.23|| anAdya vidyA vichChitti velAyAM parayoginaH | prakAshate parAnandaH prapa~nchena vinAkR^itaH || 19\.24|| nityAnande nirAkAre nirmale para tejasi | vilIna chetasAM puMsAM kuto vishvavikalpanA || 19\.25|| kuto brahmA kuto viShNuH kuto rudraH kuto raviH | sAkShAtkR^ita parAnandajyotiShaH sAmyakalpane || 19\.26|| aparokSha parAnanda vilAsasya mahAtmanaH | brahma viShNvAdayo devA visheShA sukha bindavaH || 19\.27|| yanmAtra sahitu loke vANChanti viShayaM narAH | tamaprameyamAnandaM paramaM kona vANChati || 19\.28|| 40\. kriyA niShpattisthalaM j~nAnino yAni karmANi tAnino janmahetavaH | agni dagdhAni bIjAnI yathA nA~Nkuri kAraNaM || 19\.29|| karmaNA ki~NkR^itenApi j~nAnino niraha~NkR^iteH | vikriyA pratibimbasthA kiM karoti himadyuteH || 19\.30|| j~nAnI karmanirUDhopi lipyate nakriyAphalaiH | ghR^itAdinA yathA jihvA bhoktrI chApi nalipyate || 19\.31|| nirastopAdhi sambandhe jIve yA yA kriyAsthitiH | sA sA pratItimAtreNa niShphalA tatralIyate || 19\.32|| gachChaMstiShThan svapanvApi na niShkarmAsti kashchana | svabhAvo dehinAM karma j~nAninAM tattu niShphalaM || 19\.33|| paripUrNamahAnanda bhAvinaH shuddhachetanaH | na bhavet karma kArpaNyaM nAnA bhogaphalapradaM || 19\.34|| 41\. bhAvaniShpattisthalaM bhAvena nAstisambandhaH kevala j~nAniyoginaH | tathApi bhAvaM kurvIta shive saMsAramochake || 19\.35|| paripUrNa prabodhopi bhAvaM shambhau na varjayet | bhAvo hi nihitastasmin bhavasAgaratArakaH || 19\.36|| nivartya janmajaM duHkhaM bhAvaH shaivo nivartate | yathA kaShTAdikaM dagdhvA svayaM shAmyati pAvakaH || 19\.37|| prakAshite shivAnande tadbhAvaiH kiM prayojanaM | siddhe sAdhyechireNApi sAdhanaiH kiM prayojanaM || 19\.38|| ekIkR^ite shivebhAve j~nAnena sahasaNyamI | vismR^itAtmA samAveshaH shivabhAve vibhAnate || 19\.39|| na bhAvena vinA j~nAnaM na bhAvo j~nAnamantarA | mokShAyakAraNaM proktaM tasmAdubhayamAshrayet || 19\.40|| 42\. j~nAnaniShpattisthalaM paripUrNe mahAnande paramAkAshalakShaNe | shive vilIna chittasya kuto j~neyAntare kathA || 19\.41|| j~nAtA chAhaM j~neyamidamiti vyavahR^itiH kutaH | abhedhabrahma sArasye nirastAHlavastuni || 19\.42|| 43\. piNDAkAshasthalaM yathA piNDastha AkAshasthathAtmA pUrNa uchyate | etadartha vivekoyaH piNDAkAshasthalaM viduH || 19\.43|| ghaTopAthiryathAkAshaH paripUrNaH svarUpataH | tathA piNDasthitohyAtmA paripUrNaH prakAshate || 19\.44|| antaHsthitaM parAkAshaM shivamadvaitalakShaNaM | bhAyedyaH sumanasA piNDAkAshaH sauchyate || 19\.45|| shivAgAramidaM proktaM sharIraM bodhadIpitaM | ShaTtriMshattatvaghaTitaM sumanaH padmapIThakaM || 19\.46|| parAkAsha svarUpohi prakAshaH parameshvaraH | hR^idAkAshaguhAlIno dR^ishyate2ntaH sharIriNAM || 19\.47|| etachChivapuraM proktaM saptadhatu samAvR^itaM | atra hR^itpa~NkajaM veshma sUkShmAmbaramanoharaM || 19\.48|| tatra sannihitaH sAkShAt sachchidAnandalakShaNaH | nityasiddhaH prakAshAtmA jalasthAkAshavachchivaH || 19\.49|| antarAkAshamadhyasthamasheShopAdhivarjitaM | ghaTAkAshamivAchChinnaM bhAvayechchinmayaM shivaM || 19\.50|| 44\. bindvAkAshasthalaM yathAkAsho vibhurjeyaH sarvaprANyuparisthitaH | tathAtmetyupamAnArthaM bindvAkAshasthalaM viduH || 19\.51|| yathaikovAyurAkhyAtaH sarvaprANigatovibhuH | tathAtmA vyApakaH sAkShAt sarvaprANigataH svayaM || 19\.52|| yathA vahnirame yAtnA sarvatraikopibhAvate | tathAshambhuH samastAtmA parichCheda vivarjitaH || 19\.53|| sarveShAndehinAmanta shchittatoyaM prakAshate | tasmin pratiphalatyAtmA shivo darpaNavadvibhuH || 19\.54|| ekaH parimitaH samvitprakAshAtmA parAtparaH | sarvaprANigato bhAti tathApi vibhuruchyate || 19\.55|| ekaeva yathA sUryastejasA bhAti sarvagaH | tathAtmA shaktibhedena shivaH sarvagatobhavet || 19\.56|| 45\. mahAkAshasthalaM piNDANDasthaM yathAkAshaM nabhinnaM tadvadAtmanaH | abhinnaH paramAtmeti mahAkAshasthalaM viduH || 19\.57|| yathAna bhinna mAkAshaM ghaTeShu cha maTheShu cha | tathANDeShu cha piNDeShu sthito hyAtmA na bhidyate || 19\.58|| anirdeshyamanaupamya mavAj~nmAnasagocharaM | sarvato mukhasampannaM sattAnanda chidAtmakaM || 19\.59|| kalAtItaM kalAtItaM kramayogAdivarjitaM | svAnubhUtipramANasthaM jyotiShAmudayasthalaM || 19\.60|| shivAkhyaM paramaM brahma paramAkAshalakShaNaM | li~Ngamityuchyate sadbhiryadvinA na jagatsthitiH || 19\.61|| paramAkAshamavyaktaM prabodhAnandalakShaNaM | li~NgaM jyotirmayaM prAhurlIyanteyatrayoginaH || 19\.62|| samvideva parAkAShThA paramAnandarUpiNI | tAmAhuH paramAkAshaM munayo muktasaMshayAH || 19\.63|| tara~NgAdiryathA sindhoH svarUpAnnA tirichyate | tathA shivAt parAkAshAdvishvametanna bhidyate || 19\.64|| yathA puShpapalAshAdirvR^ikSharUpAnna bhidyate | tathA shivAtparAkAshAjjagatau nAsti bhinnatA || 19\.65|| yathA jyotImShi bhAsante bhUtAkAshe pR^ithak pR^ithak | tathA bhAnti parAkAshe brahmANDAni visheShataH || 19\.66|| nirastopAdhisambandhaM nirmalaM samvidAtmakaM | parAkAshaM jagachchitra vilAsAlamba bhittikaM || 19\.67|| 46\. kriyA prakAshasthalaM shivasya paripUrNasya parAkAsha svarUpiNaH | AtmatvenAnusandhAnAt kriyAdyotanavAn yami || 19\.68|| niShkala~NkachidAnandagaga nopamarUpiNaH | shivasya paripUrNasya vR^ittishchaitanyarUpiNaH || 19\.69|| niShkala~Nke nirAkAre nitye paramatejasi | vilInachittavR^ittasya tathA shaktiH kriyochyate || 19\.70|| sarvaj~naH sarvakartA cha sarvagaH parameshvaraH | tadaikyachintayA yogI tAdR^ishAtmA prakAshate || 19\.71|| sarvendriyANAM vyApAre vidyamAnepi saNyamI | pratyaj~nmukhena manasA shivaM prashyan pramodate || 19\.72|| kUTasthamachalaM prAj~naM guNAtItaM guNottaraM | shivatattvaM svarUpeNa pashyan yogI pramodate || 19\.73|| 47\. bhAvaprakAshasthalaM tara~NgAdyAyathA sindhorna bhidyante tathAtmanaH | bhAvA buddhyAdayaH sarve yattadbhAvaprakAshanaM || 19\.74|| shivaeva jagatsarvaM shivaevAhamityapi | bhAvayan paramo yogI bhavadoShairna bAdhyate || 19\.75|| shivabhAve sthire jAte nirlepasya mahAtmanaH | yeye bhAvAH samutpannA ste te shivamayAH smR^itAH || 19\.76|| advitIyashivAkArabhAvanAdhvastakarmaNA | na ki~nchidbhAvyate sAkShAchChivAdanyanmahAtmanA || 19\.77|| galitA j~nAnabandhasya kevalAtmAnubhAvinaH | yatra yatrendriyAsaktistatra tatra shivAtmatA || 19\.78|| rAgadveShAdayo bhAvAH saMsAraklesha kAraNaM | teShemuparamo yantra tatra bhAvaH shivAtmakaH || 19\.79|| yathA sUryasamAkrAntA na shaknoti tamaH sadA | tathA prakAshamAtmAnaM nA vidyA kramatisvayaM || 19\.80|| 48\. j~nAnaprakAshasthalaM muktasyaj~nAnasambandho j~neyAbhAvaH svabhAvataH | upAdhi sahitaM j~nAnaM na bhedamativartate || 19\.81|| j~nAnasyaviShaye tattve shivAkhye chitsukhAtmani | AtmaikatvAnu sandhAnaM j~nAnamityuchyate budhaiH || 19\.82|| aparichChinnamAnandaM sattAkAraM jaganmayaM | brahmeti lakShaNaj~nA brahmaj~nAnamihochyate || 19\.83|| brahmaj~nAne samutpanne vishvashvopAdhi vivarjite | sarvaM samvinmayaM bhAti tadanyannai vadR^ishyate || 19\.84|| tasmAdadvaita vij~nAnamapavargasya kAraNaM | bhAvayan satataM yogI saMsAreNa nalipyate || 19\.85|| nitye nirmalasattva yogini pare nirvAsane niShkale | sarvAtItapade charAcharamaye sattAtmani jyotiShi || samvidvyomni shive vilIna hR^idayastadbheda vaimukhyataH | sAkShAtsarvagato vibhAti vigaladvishvaH svayaMsaNyamI || 19\.86|| iti shrI siddhAnta shikhAmaNau li~NgasthalIya sharaNasthale dIkShApAdodaka sthalAdi dvAdashavidhasthala prasa~NgonAma ekonaviMshati parichChedaH parisamAptaH ||19|| \medskip\hrule\medskip viMshatitama parichChedaH agastya uvAcha sthalabhedAstvayA proktAH sharaNasthala saMshritAH | aikyasthalagatAn brUhi sthalabhedAn gaNendra me || 20\.1|| shrI reNuka uvAcha sthalAnAM navakaM chaikyasthalesmin parikIrtyate | tatsvIkR^ita prasAdAkhyasthalamAdau prakIrtitaM || 20\.2|| shiShTAdanasthalaM chAtha charAcharalayasthalaM | bhANDasthalaM tataH proktaM bhAjanasthalamuttamaM || 20\.3|| a~NgAlepasthalaM pashchAt svaparAj~nasthalaM tataH | bhAvAbhAvavinAshaM cha j~nAnashUnyasthalaM tataH | tadeShAM kramasho vakShye shruNu tApasatalakShaNaM || 20\.4|| 49\. svIkR^itaprasAda sthalaM mAtR^imeya pramANAdivyavahAra vihAriNIM | samvitsAkShAtkR^itiM labdhvAyogI svAtmani tiShThati || 20\.5|| advaita bodha nirdhUta bhedAveshasya yoginaH | sAkShAtkR^itamahAsamvitprakAshasya kva bandhanaM || 20\.6|| chidAtmani shive nyastaM jagatetachcharAcharaM | dR^ishyate tanmayaM sarvamagnau kAShThAdikaM yathA || 20\.7|| na bhAti pR^ithvI na jalaM na tejo naiva mArutaH | vAkAsho nA paraM tattvaM shive dR^iShTe chidAtmanI || 20\.8|| jyotirli~Nge chidAkAre jvalatyantarnirantaraM | vilInaM nikhilaM tattvaM pashyan yogI nalipyate || 20\.9|| antarmukhena manasA svAtmajyotiShi chinmaye | sarvAnapyartha viShayAn juhvAdyogI pramodate || 20\.10|| sachchidAnanda jaladhau shive svAtmani nirmalaH | samarpya sakalAn bhu~Nkte viShayAMsta tprasAdataH || 20\.11|| 50\. shiShTaudanasthalaM prakAshayate yA sarveShAM mAyA saivaudanAkR^itiH | lIyate yatra chilli~Nge shiShTaM tatparikIrtitaM || 20\.12|| jagatyasmin parigraste mAyA pAsha vijR^imbhite | svAtmajyotiShi bodhena tadekamavashiShyate || 20\.13|| akhaNDasachchidAnanda parabrahmamasvarUpiNiH | jIvanmuktasya dhIrasya mAyA kai~NkaryanAdinI || 20\.14|| vishvasammohinI mAyA bahushaktirnira~NkushA | shivaikyatvamupetasya na puraH sthAtumihate || 20\.15|| jyotirli~Nge chidAkAre nimagnena mahAtmanA | bhujyamAnA yathA yogaM nashyanti viShayAHsvataH || 20\.16|| shabdAdayopi viShayA bhujyamAnAstadindriyai | Atmanyena vilIyante saritaH sAgare yathA || 20\.17|| artha jAta masheShaM tu grasan yogI prashAmyati | svAtmanIva sthitaM bhAnustejo jAlamasheShataH || 20\.18|| 51\. charAcharalayasthalaM li~Ngaikyetu samApanne charAcharajagallaye | nirdehicha bhavedyogI charAcharavinAshakaH || 20\.19|| yathA meghAH samudbhUtA vilIyante nabhaHsthale | tathAnanAtma nivilIyaM te viShayAH svAnubhAvinaH || 20\.20|| jAgratsvapnasuShuptibhyaH parAvasthAmupeyuShaH | kiM vA pramANaM kiM j~neyaM kiM vA j~nAnasya sAdhanaM || 20\.21|| turyAtIta padaM yatta ddUraM vAj~nmanasAdhvanaH | anupravishya tadyogI na bhUmo vishvamIkShate || 20\.22|| nAnyatpashyati yogIndro nAnyajjAnati ki~nchana | nAnyachChR^iNoti sandR^iShTe chidAnandamaye shive || 20\.23|| 52\. bhANDasthalaM brahmANDashatakoTInAM svargasthitilayAn prati | sthAnabhUto vimarsho yastadbhANDasthala muchyate || 20\.24|| vimarshAkhyA parAshakti rvishvo dbhAvanakAriNI | sAkShiNI sarvatattvAnaM samindhe sarvato mukhI || 20\.25|| vishvaM yatra layaM yAnti vibhAtyAtmA chidAkR^itiH | sadAnandamayaH sAkShAt sA vimarshamayI kalA || 20\.26|| sarAhantA samAvesha paripUrNa vimarshavAn | sarvaj~naH sarvagaH sAkShI sarvakartA maheshvaraH || 20\.27|| vishvAdhAraM mahAsamvitprakAshaparipUritaM | parAhantAmayaM prAhurvimarshaM paramAtmanaH || 20\.28|| vimarshabhANDa vinyasta vishvatattva vijR^imbhaNaH | ananyamukha samprekShI muktaH svAtmani tiShThati || 20\.29|| 53\. bhAjanasthalaM samasta jagadaNDAnAM svargasthityanta kAraNaM | vimarshobhAsate yatra tadbhAjana mihochyate || 20\.30|| vimarshAkhyA parAshakti rvishvavaichitryakAriNI | yasmin pratiShThitA brahma tadidaM vishvabhAjanaM || 20\.31|| yathA chandre sthirA jotsnA vishva vastu prakAshinI | tathA shakti rvimarshAkhyA prakAshe brahmaNi sthirA || 20\.32|| vR^ikShasthaM patra puShpAdi vaTabIjasthitaM yathA | tathA hR^idayabIjasthaM vishvametatparAtmanaH || 20\.33|| AkAraH shiva AkhyAto ha~NkAraH shakti ruchyate | shivashakti mayaM brahma sthitamekamahaM pade || 20\.34|| ahantAM paramAM prApya shivashaktimayIM sthirAM | brahmabhUyaM gato yogI vishvAtmA pratibhAsate || 20\.35|| antaHkaraNarUpeNa jagada~NkurarUpataH | yasmin vibhAti chichChakti rbrahmabhUtaH sa uchyate || 20\.36|| 54\. a~NgAlepasthalaM dikkAlAdyanavachChinnaM chidAnandamayaM mahat | yasyarUpamida~NkhyAtaM so~NgAlepa ihochyate || 20\.37|| samasta jagadAtmApi samvidrUpo mahAmatiH | lipyatenaiva saMsArairyathA dhUmAdibhirnabhaH || 20\.38|| na devatvaM na mAnuShyaM natiryaktvaM na chAnyathA | sarvAkAratva mAkhyAtaM jIvanmuktasyayoginaH || 20\.39|| navidhirna niShedhashcha na vikalpo na vAsanA | kevalaM chitsvarUpasya galita prAkR^itAtmanaH || 20\.40|| anashvamaranirdeshyaM yathA vyoma prakAshate | tathA brahmApi chaitanyamatra vaisheShikI kalA || 20\.41|| ghaTAdiShu pR^ithagbhUtaM yathAkAshaM na bhidyate | tathopAdigataM brahma nAnArUpaM na bidhyate || 20\.42|| 55\. svaparAj~nasthalaM dikkAlAdyavachChinna tejo rUpasamAshrayAt | svaparaj~nAnavirahAt svaparAj~nasthalaM viduH || 20\.43|| Aprameye chidAkAre brahmaNyadvaita vaibhave | vilInaH kiM sujAnati svAtmAnaM parameva vA || 20\.44|| yatranAsti bhidA yogAdahaM tvamiti vibhramaH | na saNyogo viyogashcha na j~neyaj~nAtR^ikalpanA || 20\.45|| na bandho na cha muktishcha na devAdyabhimAnitA | na sukhaM naiva duHkhaM cha nAj~nAnaM j~nAnamevavA || 20\.46|| notkR^iShTatvaM na hInatvaM no pariShTAnna chApyathaH | na pashchAnnaiva purato na bAhya~ncha na chAntaraM || 20\.47|| sarvAkAre chidAnande satyarUpiNi shAshvate | parAkAshamaye tasmin parabrahmaNi nirmale || 20\.48|| ekabhAvamupetAnAM yoginAM paramAtmanAM | parAparaparij~nAna parihAsa kathA kutaH || 20\.49|| 56\. bhAvAbhAvalayasthalaM pratIyamAnau vidyete bhAvAbhAvau na kutrachit | li~Ngaikye sati yattasmAdbAvAbhAvalayasthalaM || 20\.50|| ahambhAvasya shUnyatvAdabhAvasya tathAtmanaH | bhAvAbhAvavinirmukto jIvanmuktaH prakAshate || 20\.51|| sukhaduHkhAdiyogeShu nA bhAvobhAva eva vA | vidyate chitsvarUpasya nirlepasya mahAtmanaH || 20\.52|| tvantAhantA vinirmukte nirvikalpe chidambare | ekIbhUtasya siddhasya bhAvAbhAvakathA kutaH || 20\.53|| 57\. j~nAnashUnyasthalaM parasparasamApekSha bhAvAbhAvavivechanaM | j~nAnaM brahmaNi yannAsti j~nAnashUnyasthalaM viduH || 20\.54|| sarvAtmani paretattve bhedasha~NkAvivarjite | j~nAtrAdivyavahArotthaM kuto j~nAnaM vibhAvyate || 20\.55|| nirvikAraM nirAkAraM nityaM sImAvivarjitaM | vyomavatparamaM brahma nirvikalpatayA sthitaM || 20\.56|| na pR^ithvyAdInI bhUtAni na graha naiva tArakAH | na devA na manuShyAshcha na tirya~nchonachApare || 20\.57|| tasmin kevala chinmAtra sattAnandaikalakShaNe | tvantAhantAdi samrUDhaM vij~nAnaM kena bhAvyate || 20\.58|| kevalaM sachchidAnandaprakAshadvayalakShaNaM | nirvikalpaM parAkAshaM parabrahma prakAshate || 20\.59|| jyotirli~Nge chidAkAre svaprakAshe narintare | ekIbhAvamupetasya kathaM j~nAnasya sambhavaH || 20\.60|| jale jalamiva nyastaM vahnau vahnirivArpitaH | parabrahmANi lInAtmA vibhAgena sadR^ishyate || 20\.61|| etAvaduktvA paramaprabodha madvaita mAnanda shivaprakAsham | devyai purA bhAShita mIshvareNa tUShNImabhUddhyAnaparo gaNendraH || 20\.62|| evamuktvA samAsInaM shivayoga parAyaNaM | reNukaM taM samAlokya babhAShe prA~njalirmuniH || 20\.63|| agastya uvAcha shivayoga visheShaj~na shivaj~nAna mahodadhe | samasta vedashAstrAdivyavahAradhurandhara || 20\.64|| aloka mAtra nirdhUtasarva saMsAra bandhana | svachChanda charitollAsa svaprakAshAtmA vachChiva || 20\.65|| avatIrNamidaM shAstramanavadyaM tvadAnanAt | shrutvAme modate chittaM jyotiH pashyachChivAbhidaM || 20\.66|| adyame saphalaM janmagato me chittavibhramaH | sa~njAtA pAsha vichChitti stapAMsi phalitAnime || 20\.67|| idAni mevame jAtaM munirAjatvamuttamaM | itaH paraM mayA nAsti sadR^isho bhuvanatraye || 20\.68|| shAstraM tava mukhodgIrNaM shivAdvaitaparaM paraM | mAM vinA kasya lokeShu shrotumastitapaH shubhaM || 20\.69|| tapanaH paripAkena sha~Nkarasya prasAdataH | AgatastvaM mahAbhAga mAM kR^itArthayitu~NgirA || 20\.70|| itistumvantaM vinayAdagastyaM munipu~NgavaM | Alokya karuNAdR^iShTyA babhAShe sa gaNeshvaraH || 20\.71|| shrI reNuka uvAcha agastyamuni shArdUla tapasiddhamanoratha | tvAM vinA shivashAstrasya kaH shrotumadhikAravAn || 20\.72|| pAtraM shivaprasAdasya bhavAneko na chAparaH | iti nishchitya kathitaM mAyA te tantrAmIdR^ishaM || 20\.73|| sthApyatAM sarvalokeShu tantrametattva yA mune | I dR^ishaM shivabhodasya sAdhanaM nAsti kutrachit || 20\.74|| rahasya metat sarvaj~naH sarvAnugrAha kaH shivaH | avAdIt sarvalokAnAM siddhaye pArvatIpatiH || 20\.75|| tadidaM sarvasiddhAnta sArANA muttamottamaM | veda vedAnta sarvasvaM vidyAchAraprakAshakaM || 20\.76|| vIramAheshvaragrAhyaM shivAdvaita prakAshakaM | parIkShitebhyo dAtavyaM shiShyebhyo nAnyathA kvachit | etachChravaNamAtreNa sarveShAM pApasa~NkShayaH || 20\.77|| avatIrNaM mayAbhUmau shAstrasyAsya pravR^ittaye | pravartaya shivAdvaitaM tvamapi j~nAnamIdR^ishaM || 20\.78|| ityuktvA pashyatastasya purAstAdeva reNukaH | antardhade mahAdevaM chintayannantarAtmanA || 20\.79|| antarhite tadAtasmin munirAshcharyasa~NkulaH | tachChAstrapravaNo bhUtvA samavartata saNyami || 20\.80|| ya idaM shiva siddhAntaM vIrashaivamatAtmakaM | shruNoti shuddha manasA sa yAti paramAM gatiM || 20\.81|| iti shrI siddhAnta shikhAmaNau li~NgasthalIya yaikyasthalau svIkR^itaprasAda sthalAdi navavidhasthala prasa~NgonAma viMshatitama parichChedaH parisamAptaH ||20|| \medskip\hrule\medskip ekaviMshatitama parichChedaH vibhIShaNAbhiShTha varapradAnaM svachChandAchAra rasikaH svechChAnirmitavigrahaH | apasAda purIM la~NkAM reNuko gaNanAyakaH || 21\.1|| tamAgataM mahAbhAgaM sarvAgamavishAradaM | vibhIShaNaHsamAlokya saudhaM prAveshayannijaM || 21\.2|| bhadrAsane mahAramye niveshya gaNanAyakaM | arghyapAdyAdibhiH sarvairupachArairapUjayat || 21\.3|| pUjitena prasannena reNukena nirUpitaH | niShasAda tadabhyAse sa nijAnanamAshritaH || 21\.4|| vibhIShaNo gaNendraM tamAbabhAShe kR^itA~njaliH | mAnuShAkArasampannaM sAkShAchchivamivAparaM || 21\.5|| reNuka tvaM gaNAdhIsha shivaj~nAnaparAyaNa | avatIrNo mahImenAmiti samyak shrutaM mayA || 21\.6|| madbhAgya gauravAdadya samayAstyaM purImimAM | kathabhAgya vihInAnAM sulabhAH syurbhavAdR^ishAH || 21\.7|| matsamo nAsti lokeShu bhAgyAtishayavattayA | yasya saudhaM svayaM prApto bhavAn sAkShAnmaheshvaraH || 21\.8|| kR^itArthAme purI hyeShA kR^itArtho rAkShasAnvayaH | jIvitaM cha kR^itArthaM me yasya tvaM dR^iShTigocharaH || 21\.9|| iti bruvAnaM kalyANaM rAkShasendraM gaNeshvaraH | babhAShe sasmito vANIM vishvollAsakarIM shubhAM || 21\.10|| vibhIShaNamamAbhAga jAne tvAM dharmakovidaM | tvAM vinAkasya lokeShu jAyate bhakti rIdR^ishI || 21\.11|| samasta shAstra pAraMj~naM sarva dharma parAyaNaM | AdhyAtmA vidyAniratamAhustyAM rAkShaseshvara || 21\.12|| tvadIyadharmasampattiM shrutvAhaM vismitAshayaH | prajan kailAsamachalaM tvadantika mupAgataH || 21\.13|| prItosmitava chAritraiH shobha nirlokavishrutaiH | dAsyAmi te varaM sAkShAt prArthayasva yathepsitaM || 21\.14|| iti prasAdamukhe bhAShamANe gaNeshvare | praNamya parayA prItyA vyAjahAra vibhIShaNaH || 21\.15|| AgamAnu grahAdeva bhavataH shivayoginaH | durlabhAH sarvalokAnAM samapadyanta sampadaH || 21\.16|| tathApi prArthanIyaM me ki~nchidasti gaNeshvara | sukR^ite paripakve hi svayaM siddhyati vANChitaM || 21\.17|| rAvaNohi mama bhrAtA shivabhaktashikhAmaNiH | adR^iShTashatrusambAdhaM shapAsa hi jagattrayaM || 21\.18|| yasya pratApamatulaM soDhumakShamashaktayaH | indrAdayaH surAH sarve rAjyalakShmyA viyojitAH || 21\.19|| sa tu kAlavashenaiva svachAritra viparyayAt | raNe viShNvAvatAreNa rAmeNa nihato bhavet || 21\.20|| na tu rAmasharAviddhaH kaNThaskhalita jIvitaH | avashiShTaM samAlokya mAmavAdit suduHkhitaH || 21\.21|| vibhIShaNa visheShaj~na mahAbuddhe sudhArmika | avashiShTosi vaMshasya rakShasAM bhAgyagauravAt || 21\.22|| vayamaj~nAnasampannA mahatsudrohakAriNaH | IdR^ishIM tu gatiM prAptA dustArA hi vidhisthitiH || 21\.23|| navakaM li~NgakoTInAM pratiShThApyamihasthale | iti sa~NkalpitaM pUrvaM mayA tavavashiShyate || 21\.24|| koTiShaTkantu li~NgAnAM mayA sAdhu pratiShThitaM | koTi trayantu li~NgAnAM sthApanIyamatastvayA || 21\.25|| iti tasya vachaH shrutvA dIna buddhe rmariShyataH | tathA sAdhu karomIti pratij~nAtaM mayA tathA || 21\.26|| yugavachChivali~NgAnAM koTitrayamanuttamaM | pratiShThApyaM yathAshAstramiti me nishchayobhavat || 21\.27|| li~NgakoTi trayasyeha yugapat sthApanAvidhau | avidanneka mAchAryamahAmevamavasthitaH || 21\.28|| shivashAstra visheShaj~na shivaj~nAna nidhirbhavAn | AchArya bhAvamAsAdyamama pUraya vANChitaM || 21\.29|| tasyeti vachanaM shrutvA rAkShasendrasya dhImataH | tatheti pratishushrAva sarvaj~no gaNanAyakaH || 21\.30|| tatra santuShThachittasya paulastya nyeShTa siddhaye | koTitrayantu li~NgAnAM yathA shAstraM yathA vidhi | trikoTAchArya rUpeNa sthApitaM tena tat kShaNe || 21\.31|| tAdR^ishaM tasyamAhatmyaM samAlokya vibhIShaNaH | praNanAma muhurbhaktyA pAdayostasya vismitaH || 21\.32|| praNataM vinayopetaM prahR^iShTaM rAkShaseshvaraM | anugR^ihya svamAhatmyA dreNuko2ntarhitobhavat || 21\.33|| vibhIShaNopi hR^iShTAtmA reNukasya prasAdataH | shivabhakti rasAsaktaH sthiraM rAjyamapAlayat || 21\.34|| reNukopi mahAtejAH sa~ncharan kShitimaNDale | prachChannashcha prakAshashcha paramAdvaitabhAvataH || 21\.35|| kAMshchiddR^iShTinipAtena karuNArasavarShiNA | aparAnupadeshena shivAdvaitAbimarshinA || 21\.36|| AnyAMshcha sahavAsena samasta malahAriNA | kR^itArthayan janAn sarvAn kR^itinaH pakvakarmiNaH || 21\.37|| darshayitvA nijAdhikyaM shivadarshanalAlasaH | khaNDAyitvAdurAchArAn pAShANDAn bhinnadarshanAn || 21\.38|| yantra mantra kalAviddhAn vimatAn siddha maNDalAn | vijitya svaprabhAveNa sthApayitvA shivAgamAn | ajagAma nijAvAsaM kulyapAkAbhidasthalaM || 21\.39|| tatra sambhAvitaH sarvairjanaiH shivaparAyaNaiH | somanAthAbhidhAnasya shivasya prApamandiraM || 21\.40|| pashyatAM tatra sarveShAM bhaktAnAM shivayoginAM | tanvAno vismayaM bhAvaistuShTAva parameshvaraM || 21\.41|| deva deva jagannAtha jagatkAraNakAraNa | brahmaviShNusurAdhIsha vandyamAnapadAmbuja || 21\.42|| samasta veda vedAnta paribodhita vaibhava | saMsAra vaidya sarvaj~na sarvashakti nira~Nkusha || 21\.43|| sachchidAnanda sarvasya paramAkAsha vigraha | samasta jagadAdhAra jyotirli~Nga vijR^imbhaNa || 21\.44|| guNatrayapadAtIta matatraya vinAshana | jagatraya vilAsAtman shrutitrayavilochana || 21\.45|| pAhimAM parameshAna pAhimAM pArvatIpate | tvathAj~nayA mayaitAvatkAla mAtraM mahItale | AchAri bhava duktAnA magamAnAM prasiddhaye || 21\.46|| itaH paraM svarUpaM te prAptukAmosmi sha~Nkara | antaraM dehi me ki~nchidanukampAvisheShataH || 21\.47|| ityukte gaNanAyakena sahasA li~NgAttataH sha~Nkaro | vatsAgachChamahAnubAva bhavatobhaktyAprasannosmyahaM | ityuchChairagadadvachasta subhR^itAmAshcharya mAsIttadA | divyo dundubhirAnanAda gaganepuShpaM vavarShurgaNAH || 21\.48|| shrutvA li~NgAdvachanamuditaM shA~NkaraM sAnukampaM | samhR^iShTAtmA gaNapatiratho jyotiShA dIpyamAnaH | jAtotkaNThaiH shivamanuparairyogibhiH stUyamAno | jyotirli~NgaM paramamavishat svaprakAshaM tadAnIM || 21\.49|| lIne tasmin shA~NkaresvaprakAshe dinyAkArereNuke siddhanAthe | sarvoloke vismitona bhUttadAnIM shaivI bhaktiH sa pramANa babhUva || 21\.50|| shrIvedAgama vIrashaivasaraNiM shrI ShaTsthalodyanmaNiM | shrI jIveshvara yoga padmataraNiM shrI gopya chintAmaNiM | shrI siddhAnta shikhAmaNiM likhAtiyastaM lekha yatyAdarAt | shrotA shrAvayitA sa yAti vimalAM bhuktiM cha muktiM parAM || 21\.51|| iti shrI siddhAnta shikhAmaNau vibhIShaNAbhiShTa vara pradAna prasa~NgonAma ekaviMshatitama parichChedaH parisamAptaH ||21|| shrI siddhAnta shikhAmaNiH samAptaH || ## \medskip\hrule\medskip See http://en.wikipedia.org/wiki/Siddhanta\_{}Shikhamani Contains the preachings of Jagaduru Renukacharya according to vIrashaiva sampradAya Audio at http://www.shrisiddhanthashikhamani.com/downloads/shri-siddhantha-shikhamani-audio \medskip\hrule\obeylines \medskip {\rm Please send corrections to sanskrit at cheerful dot c om} {\rm Last updated \today} {\rm From https://sanskritdocuments.org .} {\rm The text is prepared by volunteers and is to be used for personal study % The text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. {\rm and research. The file is not to be copied or reposted for promotion} {\rm of any website or individuals or commercial purpose without permission.} \end{document}