% Text title : vetAlapa.nchavimshati by Somadeva in Katahsaritasagar version in verses % File name : vetala25.itx % itxtitle : vetAlapa.nchaviMshati (somadevarachitam kathAsaritasAgarAntargatam) % engtitle : vetAlapa.nchavimshati by Somadeva in Katahsaritasagar version in verses % Location : doc_z_misc_major_works % Sublocation : major_works % Texttype : pramukha % Author : Somadeva % Language : Sanskrit % Subject : philosophy/hinduism/religion % Transliterated by : Elena Artesani, Completely updated for Devanagari display NA % Proofread by : Updated for Sanskrit % Description-comments : Text is portion of Kathasaritasagara % Indexextra : scanned % Acknowledge-Permission: Paolo Magnone http://www.jambudvipa.net/jambu.htm % Latest update : July 2, 2016 % Send corrections to : Sanskrit@cheerful.com %----------------------------------------------------- % The text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Somadeva's VetalapanchaviMshati from Kathasaritasagara ..}## \itxtitle{.. vetAlapa~nchaviMshati somadevakR^ita kathAsaritasAgarAntargatam ..}##\endtitles ## ##The verse number legend kathA, tara~Nga, verse First 20 verses are conversation of vikramakesarI and mRigAnkadatta not directly related to vetAlapanchaviMshati. There are other copies of prose stories with Hindi and English translations.## tatra vikramasenasya putraH shakraparAkramaH || 0\.8\.21|| prAktrivikramasenAkhyaH khyAtakIrtirabhUnnR^ipaH | pratiShThAnAbhidhAno.asti deshaH godAvarI taTe || 0\.8\.22|| tasya pratyahamAsthAnagatasyopetya bhUpateH | sevArthaM kShAntishIlAkhyo bhikShuH phalamupAnayat || 0\.8\.23|| so.api rAjA tadAdAya phalamAsannavartinaH | haste dadau pratidinaM koShAgArAdhikAriNaH || 0\.8\.24|| itthaM gateShu varSheShu dashasvatra kilaikadA | dattvA rAj~ne phalaM tasmai bhikShAvAsthAnataH gate || 0\.8\.25|| sa rAjA tatphalaM prAdAtpraviShTAyAtra daivataH | krIDAmarkaTapotAya hastabhraShTAya rakShiNAm || 0\.8\.26|| sa markaTastadashnAti yAvattAvatphalAttataH | vibhinnamadhyAnniragAdanarghaM ratnamuttamam || 0\.8\.27|| taddR^iShTvAdAya paprachCha taM bhANDAgArikaM nR^ipaH | bhikShUpanItAni mayA yAni nityaM phalAni te || 0\.8\.28|| haste dattAni tAni kva sthApitAni sadA tvayA | tachChrutvA taM sa sabhayaH koShAdhyakSho vyajij~napat || 0\.8\.29|| kShiptAni tAnyanudghATya mayA ga~nje gavAkShataH | yadyAdishasi taddeva tamudghATya gaveShaye || 0\.8\.30|| ityUchivAnanumato raj~nA gatvA kShaNena saH | koShAdhyakShaH samAgatya prabhuM vyaj~nApayatpunaH || 0\.8\.31|| shIrNAni nAtra pashyAmi koShe tAni phalAnyaham | ratnarAshiM tu pashyAmi rashmijvAlAkulaM vibho || 0\.8\.32|| tachChrutvA tAnmanIndattvA tuShTo.asmai koSharakShiNe | rAjAnyedyuH pR^ichChatsa bhikShuM taM prAgvadAgatam || 0\.8\.33|| bhikSho dhanavyayenaivaM sevase mAM kimanuaham | nedAnIM te grahIShyAmi phalaM yAvanna vakShyasi || 0\.8\.34|| ityuktavantaM rAjAnaM bhikShuH taM vijane.abravIt | vIrasAchivyasApekShaM mantrasAdhanamasti me || 0\.8\.35|| tatra vIrendra sAhAyyaM kriyamAnaM tvayArthaye | tachChrutvA pratipede tattathetyasya sa bhUpatiH || 0\.8\.36|| tataH saH shramaNastuShTo nR^ipaM punaruvAcha tam | tarhi kR^iShNachaturdashyAmAgAminyAM nishAgame || 0\.8\.37|| ito mahAshmashAnAntarvaTasyAdhaH sthitasya me | AgantavyaM tvayA deva pratipAlayato.antikam || 0\.8\.38|| bADhamevaM kariShyAmItyukte tena mahIbhujA | sa kShAntishIlaH shramaNaH hR^iShTaH svanilayaM yayau || 0\.8\.39|| atha tAM sa mahAsattvaH prApya kR^iShNachaturdashIm | prArthanAM pratipannAM tAM bhikShostasya nR^ipaH smaran || 0\.8\.40|| pradoShe nIlavasanastamAlakR^itashekharaH | niryayau rAjadhAnItaH khaDgapANiralakShitaH || 0\.8\.41|| yayau cha ghoranibiDadhvAntavrAtamalImasam | chitAnalaugranayanajvAlAdAruNadarshanam || 0\.8\.42|| asa~Nkhyanaraka~NkAlakapAlAsthivisha~NkaTam | hR^iShyatsannihitauttAlabhUtavetAlaveShTitam || 0\.8\.43|| bhairavasyAparaM rUpamiva gambhIrabhIShaNam | sphUrjanmahAshivArAvaM shmashAnaM tadavihvalaH || 0\.8\.44|| vichitya chAtra taM prApya bhikShuM vaTataroradhaH | kurvANaM maNDalanyAsamupasR^itya jagAda saH || 0\.8\.45|| eSho.ahamAgato bhikSho brUhi kiM karavANi te | tachChrutvA sa nR^ipaM dR^iShTvA hR^iShTo bhikShuruvAcha tam || 0\.8\.46|| rAjankR^itaH prasAdashchettadito dakShiNAmukham | gatvA vidUramekAkI vidyate shiMshapAtaruH || 0\.8\.47|| tasminnullambitamR^itaH ko.apyekaH puruShaH sthitaH | tamihAnaya gatvA tvaM sAnAthyaM kuru vIra me || 0\.8\.48|| tachChrutvaiva tathetyuktvA sa rAjA satyasa~NgaraH | dakShiNAM dishamAlambya pravIraH prayayau tataH || 0\.8\.49|| AttadIptachitAlAtalakShitena pathAtra saH | gatvA tamasi taM prApa katha~nchichChiMshapAtarum || 0\.8\.50|| tasya skandhe chitAdhUmadagdhasya kravyagandhinaH | so.apashyallambamAnaM taM bhUtasyeva shavaM taroH || 0\.8\.51|| Aruhya chAtra bhUmau taM chChinnarajjumapAtayat | patitashchAtra so.akasmAchchakranda vyathito yathA || 0\.8\.52|| tato.avaruhya kR^ipayA jIvAsha~NkI sastasya yat | rAjA~NgaM prAmR^ishattena so.aTTahAsaM vyadhAchChavaH || 0\.8\.53|| tataH sa rAjA matvA taM vetAlAdhiShThitaM tadA | kiM hasasyehi gachChAveti yAvadakampitaH || 0\.8\.54|| vakti tAvanna bhUmau savetAlaM shavamaikShata | aikShatAtraiva vR^ikShe tu lambamAnaM sthitaM punaH || 0\.8\.55|| tato.adhiruhya bhUyo.api tamavAtArayattataH | vajrAdapi hi vIrANAM chittaratnamakhaNDitam || 0\.8\.56|| Aropya cha savetAlaM skandhe maunena taM shavam | sastrivikramaseno.atha rAjA gantuM prachakrame || 0\.8\.57|| yAntaM cha taM shavAntaHstho vetAlo.aMsasthito.abravIt | rAjannadhvavinodAya kathAmAkhyAmi te shR^iNu || 0\.8\.58|| \medskip\hrule\medskip asti vArANasI nAma purArivasatiH purI | sthalIva kailAsagireH yA puNyajanasevitA || 1\.8\.59|| bhUrivAribhR^itA shashvatupakaNThaniveshinI | hArayaShTiH ivAbhAti yasyAH svargatara~NgiNI || 1\.8\.60|| pratApAnalanirdagdhavipakShakulakAnanaH | tasyAM pratApamukuTo nAma rAjAbhavatpurA || 1\.8\.61|| tasyAbhUt vajramukuTastanayo rUpashauryayoH | kurvANaH darpadalanaM smarasyArijanasya cha || 1\.8\.62|| rAjaputrasya tasyAtra mantriputro mahAmatiH | AsIt buddhisharIrAkhyaH sharIrAbhyadhikaH sakhA || 1\.8\.63|| tena sakhyA saha krIDan saH kadAchinnR^ipAtmajaH | jagAma dUramadhvAnaM mR^igayAti prasa~NgataH || 1\.8\.64|| shauryashR^i\-IchAmarAnIva siMhAnAM mastakAni saH | ChindachCharaiH saTAlAni viveshaikaM mahAvanam || 1\.8\.65|| tatrAsthAne smarasyeva paThat kokilabandini | dattaupakAre tarubhiH ma~njarIchalachAmaraiH || 1\.8\.66|| so.anvito mantriputreNa tenApashyatsarovaram | vichitrakamalautpattidhAmAmbudhimivAparam || 1\.8\.67|| tasmin tadaiva sarasi snAnArthaM kAchidAgatA | tena divyAkR^itiH kanyA dadR^ishe saparichChadA || 1\.8\.68|| pUrayantIva lAvaNyaniHjhareNa sarovaram | dR^iShTipAtaiH sR^ijantIva tatrotpalavanaM navam || 1\.8\.69|| pratyAdishantIva mukhenAmbujAni jitaindunA | sA jahAra manastasya rAjaputrasya tatkShaNam || 1\.8\.70|| so.apyahArShIttathA tasyAH yuvA dR^iShTvA vilochane | yathA nAikShata sA kanyA lajjAM svAmapyala~NkR^itim || 1\.8\.71|| yUni pashyati tasmin sA keyaM syAditi sAnuge | saMj~nAM svadeshAdi\-AkhyAtuM vilAsaChadmanAkarot || 1\.8\.72|| karoti smautpalaM karNe gR^ihItvA puShpashekharAt | chiraM cha dantarachanAM chakArAdAya cha vyadhAt || 1\.8\.73|| padmaM shirasi sAkUtaM hR^idaye chAdadhe karam | rAjaputrashcha tasyAH tAM saMj~nAM na j~nAtavAn tadA || 1\.8\.74|| mantriputrastu bubudhe saH sakhA tasya buddhimAn | kShaNAchcha sA yayau kanyA nIyamAnAnugaiH tataH || 1\.8\.75|| prApya cha svagR^ihaM tasthau parya~Nge.a~NgaM nidhAya sA | chittaM tu nijasaMj~nArthamAsthAttasmin nR^ipAtmaje || 1\.8\.76|| so.api rAjasuto bhraShTavidyo vidyAdharo yathA | gatvA svanagarIM kR^ichChrAM prApAvasthAM tayA vinA || 1\.8\.77|| sakhyA cha mantriputreNa tena pR^iShTastadA rahaH | shaMsatA tAmaduShprApAM tyaktadhairyaH jagAda saH || 1\.8\.78|| yasyAH na nAma na grAmo nAnvayo vAvabudhyate | sA kathaM prApyate tanmAmAshvAsayasi kiM mR^iShA || 1\.8\.79|| ityukto rAjaputreNa mantriputrastamabhyadhAt | kiM na dR^iShTaM tvayA tat yatsaMj~nayA sUchitaM tayA || 1\.8\.80|| nyastaM yat utpalaM karNe tenaitatte tayoditam | karNotpalasya rAShTre.ahaM nivasAmi mahIbhR^itaH || 1\.8\.81|| kR^itA yaddantarachanA tenaitat kathitaM tayA | tatra jAnIhi mAM dantaghATakasya sutAmiti || 1\.8\.82|| padmAvatIti nAmoktaM tayottaMsitapadmayA | tvayi prANAH iti proktaM hR^idayArpitahastayA || 1\.8\.83|| kali~Ngadeshe hyastyatra khyAtaH karNotpalo nR^ipaH | tasya prasAdavitto.asti mahAn yaH dantaghaTakaH || 1\.8\.84|| sa~NgrAmavardhanAkhyasya tasyApyasti jagattraye | ratnaM padmAvatI nAma kanyA prANAdhikapriyA || 1\.8\.85|| etachcha lokataH deva yathAvat viditaM mama | ataH j~nAtA mayA saMj~nA tasyAH deshAdishaMsinI || 1\.8\.86|| ityukto mantriputrena tena rAjasuto.atha saH | tutoSha tasmai sudhiye labdhaupAyaH jaharSha cha || 1\.8\.87|| sammantrya cha samaM tena sastatyuktaH svamandirAt | priyArthI mR^igayAvyAjAtpunastAmagamaddisham || 1\.8\.88|| ardhamArge cha vAtAshvavegava~nchitasainikaH | taM mantriputraikayutaH kali~NgaviShayaM yayau || 1\.8\.89|| tatra tau prApya nagaraM karNotpalamahIbhR^itaH | anviShya dR^iShTvA bhavanaM dantaghATasya tasya cha || 1\.8\.90|| tatadUre cha vAsArthamekasya vR^iddhayoShitaH | gR^ihaM prAvishatAM mantriputrarAjasutAvubhau || 1\.8\.91|| dattAmbuyavasau vAhau gupte.avasthApya chAtra saH | rAjaputre sthite vR^iddhAM mantriputraH jagAda tAm || 1\.8\.92|| kachchit vetsyamba sa~NgrAmavardhanaM dantaghATakam | tachChrutvA sA jaradyoShitsashraddhA tamabhAShata || 1\.8\.93|| vedmyeva dhAtrI tasyAsmi sthApitA tena chAdhunA | padmAvatyAH svaduhituH pArshve jyeShThataretyaham || 1\.8\.94|| kiM tvahaM na sadA tatra gachChAmyupahatAmbarA | kuputraH kitavo vastraM dR^iShTvA hi harate mama || 1\.8\.95|| evamuktavatIM prItaH svauttarIyAdidAnataH | santoShya so.atra vR^iddhAM tAM mantriputro.abravItpunaH || 1\.8\.96|| mAtA tvaM tat vadAmaste guptaM yattat kuruShva naH | dantaghATasutAmetAM gatvA padmAvatIM vada || 1\.8\.97|| so.atrAgato rAjaputraH dR^iShTo yaH sarasi tvayA | tena cheha tad AkhyAtuM preShitA praNayAdaham || 1\.8\.98|| tachChrutvA sA tathetyuktvA vR^iddhA dAnavashIkR^itA | gatvA padmAvatIpArshvamAjagAma kShaNAntare || 1\.8\.99|| pR^iShTA jagAda tau rAjasutamantrisutau cha sA | yuShmatAgamanaM gatvA guptaM tasyAH mayoditam || 1\.8\.100|| tayA shrutvA cha nirbhartsya pANibhyAmahamAhatA | dvAbhyAM karpUraliptAbhyAmubhayoH gaNDayoH mukhe || 1\.8\.101|| tataH paribhavodvignA rudatyahamihAgatA | etAH tada~NgulImudrAH putrau me pashyataM mukhe || 1\.8\.102|| evaM tayokte nairAshyaviShaNNaM taM nR^ipAtmajam | jagAda sa mahAprAj~no mantriputraH janAntikam || 1\.8\.103|| mA gAH viShAdaM rakShantyA mantraM nirbhartsya yattayA | karpUrashubhrAH vaktre.asyAH svA~NgulyaH dasha pAtitAH || 1\.8\.104|| tat etat uktaM pakShe.asmin shukle chandravatIH imAH | rAtrIH dasha pratIkShadhvaM sa~NgamAnuchitAH iti || 1\.8\.105|| ityAshvAsya sastaM rAjasutaM mantrisutastataH | vikrIya guptaM hastasthaM kA~nchanaM kimchidApaNe || 1\.8\.106|| vR^iddhayA sAdhayAmAsa mahArhaM bhojanaM tayA | tatastau bubhujAte dvau tattayA saha vR^iddhayA || 1\.8\.107|| evaM nItvA dashAhAni jij~nAsArthaM punaH sastAm | padmAvatI\-antikaM vR^iddhAM mantriputro visR^iShTavAn || 1\.8\.108|| sApi mR^iShTAnnapAnAdilubdhA tadanurodhataH | gatvA vAsagR^ihaM tasyAH bhUyo.abhyetya jagAda tau || 1\.8\.109|| itaH gatvAdya tUShNImapyahaM tatra sthitA tayA | yuShmatkathAparAdhaM tamudgirantyA svayaM punaH || 1\.8\.110|| sAlaktakAbhiH tisR^ibhiH karA~NgulibhiH AhatA | urasyasminnathaiShAhamihAyAtA tadantikAt || 1\.8\.111|| tachChrutvA rAjaputraM taM svairaM mantrisuto.abravIt | mA kArShIH anyathA sha~NkAmasyAH hi hR^idaye tayA || 1\.8\.112|| sA laktakA~NgulImudrAtrayaM vinyasya yuktitaH | rajasvalA nishAH tisraH sthitAhamiti sUchitam || 1\.8\.113|| evamuktvA nR^ipasutaM mantriputrastryahe gate | padmAvatyai punastasyai vR^iddhAM tAM prajighAya saH || 1\.8\.114|| sA gatA mandiraM tasyAH tayA sammAnya bhojitA | prItyA pAnAdilIlAbhiH dinaM chAtra vinoditA || 1\.8\.115|| sAyaM cha yAvatsA vR^iddhA gR^ihamAgantumichChati | udabhUt bhayakR^ittAvattatra kolAhalaH bahiH || 1\.8\.116|| hA hA bhraShTo.ayamAlAnAt janAnmathnan pradhAvati | mattahastIti lokasya tatrAkrando.atha shushruve || 1\.8\.117|| tataH padmAvatI sA tAM vR^iddhAmevamabhAShata | spaShTena hastiruddhena gantuM yuktaM na te pathA || 1\.8\.118|| tatpIThikAM samAropya baddhAlambanarajjukAm | bR^ihatgavAkSheNAnena tvAmatra prakShipAmahe || 1\.8\.119|| gR^ihaudyAne tato vR^ikShamAruhyAmuM vila~Nghya cha | prAkAramavaruhyAnyavR^ikSheNa svagR^ihaM vraja || 1\.8\.120|| ityuktvA sA gavAkSheNa kShepayAmAsa tatra tAm | vR^iddhAM cheTIbhiH udyAne rajjupIThikayA tataH || 1\.8\.121|| sAtha gatvA yathA\-uktena pathA sarvaM shashaMsa tat | yathAvat rAjaputrAya tasmai mantrisutAya cha || 1\.8\.122|| tataH sa mantriputrastaM rAjaputramabhAShata | siddhaM taveShTaM mArgaH hi yuktyA te darshitastayA || 1\.8\.123|| tat gachChAdyaiva tatra tvaM pradoShe.asmin nR^ipAgate | etenaiva pathA tasyAH priyAyAH mandiraM visha || 1\.8\.124|| ityuktastena tatyukto rAjaputro yayau sastat | udyAnaM vR^iddhayoktena tena prAkAravartmanA || 1\.8\.125|| tatrApashyachcha rajjuM tAM lambamAnAM sapIThikAm | mArgaunmukhAbhiH cheTIbhiH upariShTAdadhiShThitAm || 1\.8\.126|| ArUDhastAM cha dR^iShTvaiva dAsIbhiH tAbhiH Ashu saH | rajjUtkShiptaH gavAkSheNa pravivesha priyAntikam || 1\.8\.127|| tasmin praviShTe sa yayau mantriputraH svamAspadam | rAjaputrastu tAM padmAvatIM tatra dadarsha saH || 1\.8\.128|| pUrNAmR^itAmshuvadanAM prasaratkAntichandrakAm | kR^iShNapakShabhayAt guptasthitAM rAkAnishAmiva || 1\.8\.129|| sApi dR^iShTvA tamutthAya chirAutsukyauchitaiH tataH | kaNThagrahAdibhiH taiH taiH upachArairamAnayat || 1\.8\.130|| tatastayA saH gAndharvavidhinodUDhayA saha | guptaM rAjasutastasthau pUrNaichChastatra kAntayA || 1\.8\.131|| sthitvA chAhAni katichit rAtrau tAmavadatpriyAm | sakhA mama sahAyAto mantriputraH iti sthitaH || 1\.8\.132|| sashchAtra tiShThatyekAkI tvatjyeShThatarikAgR^ihe | gatvA sambhAvya taM tanvi punaH eShyAmi te.antikam || 1\.8\.133|| tachChrutvA tamavochatsA dhUrtA padmAvatI priyam | hantAryaputra pR^ichChAmi tAH saMj~nAH matkR^itAH tvayA || 1\.8\.134|| j~nAtA kiM kimuvA tena sakhyA mantrisutena te | evamuktavatImetAM rAjaputraH jagAda saH || 1\.8\.135|| na j~nAtaM tanmayA kimchit j~nAtvA sarvaM cha tena me | AkhyAtaM mantriputreNa divyapraj~nAnashAlinA || 1\.8\.136|| etachChrutvA vichintyaiva bhAminI sA jagAda tam | tarhyayuktaM kR^itaM yanme chirAtsaH kathitastvayA || 1\.8\.137|| so me bhrAtA sakhA yaste tasya cha prathamaM mayA | tAmbUlAdisamAchAraH kartavyaH hi sadA bhavet || 1\.8\.138|| ityuktavatyAnumatastayA pUrvapathena saH | rajAputro.antikaM tasya sakhyuH AgAttato nishi || 1\.8\.139|| shashaMsa cha kathAmadhye tattasmai yattadAshrayam | saMj~nAvij~nAnakathanaM kR^itaM tena priyAntike || 1\.8\.140|| mantriputrastu so.ayuktamiti na shraddadhe.asya tat | tAvachcha sA tayostatra vibhAtAbhUt vibhAvarI || 1\.8\.141|| athaitayoH vidhau sAndhye nivR^itte kurvatoH kathAH | AgAtpakvAnnatAmbUlahastA padmAvatIsakhI || 1\.8\.142|| sA mantriputraM kushalaM pR^iShTvA dattaupachArikA | niSheddhuM rajAputrasya bhojanaM tatra yuktitaH || 1\.8\.143|| kathAntare svAminIM svAM bhojanAdau tatAgamam | pratIkShamANAmAvedya kShaNAt guptaM tato yayau || 1\.8\.144|| tatastaM mantriputraH sa rAjaputramabhAShata | kautukaM pashya devaikaM darshayAmyadhunA tava || 1\.8\.145|| ityuktvA bhakShyamekaM saH pakvAnnaM dattavAn tataH | sArameyAya sashcha tat khAditvaiva vyapadyata || 1\.8\.146|| taddR^iShTvA kimidaM chitramiti rAjasuto.atra saH | paprachCha mantriputraM taM sashchaitaM pratyabhAShata || 1\.8\.147|| saMj~nAj~nAnena dhUrtaM mAM viditvA hantukAmayA | tayA viShAnnaM prahitaM mama tvatanuraktayA || 1\.8\.148|| nAsmin sati matekAgro rAjaputro bhavedayam | etatvashashcha muktvA mAM nagarIM svAM vrajet iti || 1\.8\.149|| tanmu~ncha manyumetasyAM bandhutyAgAnmahAtmanaH | kuryAH tvaM haraNe yuktiM vakShyAmyAlochya yAmaham || 1\.8\.150|| ityuktavantaM taM mantrisuto rAjasuto.atra saH | satyaM buddhisharIrastvamiti yAvatprashaMsati || 1\.8\.151|| asha~NkitaM bahiH tAvadduHkhAkulajanAravaH | hA dhik rAj~naH sutaH bAlo vipannaH iti shushruve || 1\.8\.152|| tadAkarNanahR^iShTo.atha mantriputro nR^ipAtmajam | jagAda hanta gachChAdya padmAvatyAH gR^ihaM nishi || 1\.8\.153|| tatra tAM pAyayeH tAvat yAvatpAnamadena sA | niHsaMj~nA naShTacheShTA cha gatajIveva jAyate || 1\.8\.154|| tatastasyAH sanidrAyAH shUlenA~NkaM kaTItaTe | dattvAgnitaptenAdAya tatAbharaNasa~nchayam || 1\.8\.155|| AgachCheH tvaM gavAkSheNa rajjulambavinirgataH | tataH paraM yathA bhadraM bhavet j~nAsyAmyahaM tathA || 1\.8\.156|| ityuktvA kArayitvA cha kroDavAlanibhAshrikam | mantriputraH dadau tasmai trishUlaM rAjasUnave || 1\.8\.157|| rAjaputraH saH haste tat kR^itvA kuTilakarkasham | kAlAyasa dR^iDhaM chittamiva kAntAvayasyayoH || 1\.8\.158|| tatheti pUrvavat rAtravagAtpadmAvatIgR^iham | avichAryaM prabhUNAM hi shucheH vAkyaM svamantriNaH || 1\.8\.159|| tatra tAM madyaniHcheShTAM shUlena jaghane.a~NkitAm | hR^itAla~NkaraNAM kR^itvA tasyAgAtsakhyuH antikam || 1\.8\.160|| darshitAbharaNastasmai shashaMsa cha yathAkR^itam | tataH sa mantriputro.api siddhaM mene manIShitam || 1\.8\.161|| prAtaH gatvA shmashAnaM cha so.abhUttApasaveShabhR^it | svairaM rAjasutaM taM cha vidadhe shiShyarUpiNam || 1\.8\.162|| abravIttaM cha gachChaikamito.ala~NkaraNAt imAm | muktAvalIM samAdAya tvaM vikretumivApaNe || 1\.8\.163|| bahumUlyaM vadeH chAsyAH yenaitAM naiva kashchane | gR^ihNIyAt bhrAmyamANAM cha sarvaH ko.api vilokayet || 1\.8\.164|| guruNA mama vikretumiyaM dattetyanAkulaH | brUyAH cha yadi gR^ihNIyuH atra tvAM purarakShiNaH || 1\.8\.165|| iti saH preShitastena gatvA rAjasutastadA | atiShThadApaNe bhrAmyan vyaktaM muktAvalIM dadhat || 1\.8\.166|| tathAbhUchcha jagR^ihe saH dR^iShTvA purarakShibhiH | dantaghATasutAmoShaj~napteH chauregaveShibhiH || 1\.8\.167|| ninye cha nagarAdhyakShanikaTaM taiH sastatkShaNAt | sashcha taM tApasAkAraM dR^iShTvA paprachCha sAntvataH || 1\.8\.168|| kuto muktAvalIyaM te bhagavan iha hAritA | dantaghATakakanyAyAH hR^itaM hyAbharaNaM nishi || 1\.8\.169|| tachChrutvA rAjaputrastaM so.avAdIttApasAkR^itiH | guruNA mama datteyametyAsau pR^ichChyatAmiti || 1\.8\.170|| tatashchopetya taM natvA paprachCha nagarAdhipaH | muktAvalIyaM bhagavankutaste shiShyahastagA || 1\.8\.171|| shrutvaitat vijanaM kR^itvA saH dhUrtastamabhAShata | ahaM tapasvI bhrAmyAmi sadAraNyeShvitastataH || 1\.8\.172|| so.ahaM daivAt iha prAptaH shmashAne.atra sthito nishi | apashyaM yoginIchakraM samAgatamitastataH || 1\.8\.173|| tatmadhye chaikayAnIya yoginyA rAjaputrakaH | udghATitahR^itambhojo bhairavAya niveditaH || 1\.8\.174|| pAnamattA cha sA hartuM japato me.akShamAlikAm | prAvartata mahAmAyA vikArAnkurvatI mukhe || 1\.8\.175|| atipravR^ittA cha mayA kruddhena jaghanasthale | a~NkitA sA trishUlena mantraprajvAlitAshriNA || 1\.8\.176|| hR^itA muktAvalI cheyaM tasyAH kaNThAnmayA tadA | saiShAdya tApasAnarhA vikreyA mama vartate || 1\.8\.177|| etachChrutvA purAdhyakShaH gatvA bhUpaM vyajij~napat | bhUpo.apyAkarNya tattAM cha buddhvA tatmauktikAvalIm || 1\.8\.178|| prekShaNapreShitAyAtavR^iddhAptavanitAmukhAt | shrutvA cha dR^ishyashUlA~NkAM jaghane satyameva tAm || 1\.8\.179|| grastaH suto me DakinyA tayetyutpannanishchayaH | svayaM tasyAntikaM gatvA mantriputratapasvinaH || 1\.8\.180|| pR^iShTvA cha nigrahaM tasyAH padmAvatyAH sastatgirA | pitR^ibhyAM shochyamAnAyAH purAnnirvAsanaM vyadhAt || 1\.8\.181|| nirvAsitATavIsthA sA vignApi na jahau tanum | upAyaM mantriputreNa taM sambhAvya tathA kR^itam || 1\.8\.182|| dinAnte tAM cha shochantImashvArUDhAvupeyatuH | tyaktatApasaveShau tau mantriputranR^ipAtmajau || 1\.8\.183|| AshvAsyAropya turage svarAShTraM ninyatuH cha tAm | tatra tasthau tayA sAkaM rAjaputraH sa nirvR^itaH || 1\.8\.184|| dantaghATastvaraNye tAM kravyAdaiH bhakShitAM sutAm | matvA vyapAdi shokena bhAryA chAnujagAma tam || 1\.8\.185|| ityAkhyAya sa bhUyastaM vetAlo nR^ipamabravIt | tanme.atra saMshayaM Chinddhi dampatyoH etayoH vadhAt || 1\.8\.186|| mantriputrasya kiM pApaM rAjaputrasya kiM nu vA | padmAvatyAH kimatha vA tvaM hi buddhimatAM varaH || 1\.8\.187|| jAnAnashcha na chet rAjanmama tattvaM vadiShyasi | tat eShaH shatadhA mUrdhA niHchitaM te sphuTiShyati || 1\.8\.188|| ityuktavantaM vetAlaM vijAnan shApabhItitaH | sastrivikramasenastamevaM pratyabravInnR^ipaH || 1\.8\.189|| yoga\-Ishvara kimaj~neyametannaiShAM hi pAtakam | trayANAmapi rAj~nastu pApaM karNotpalasya tat || 1\.8\.190|| vetAlo.apyAha rAj~naH kiM te hi tatkAriNastrayaH | kAkAH kimaparAdhyanti haMsaiH jagdheShu shAliShu || 1\.8\.191|| rAjA tato.abravIchchainaM na duShyanti trayo.api te | mantrisUnoH hi tattAvatprabhukAryamapAtakam || 1\.8\.192|| padmAvatIrAjaputrau tau hi kAmasharAgninA | santaptavavichArArhavadoShau svArthamudyatau || 1\.8\.193|| karNotpalastu rAjA sa nItishAstreShvashikShitaH | charaiH prajAsvananviShyan tattvashuddhiM nijAsvapi || 1\.8\.194|| ajAnandhUrtacharitAnI~NgitAdyavichakShaNaH | tathA tannirvichAraM yachchakre tena saH pApabhAk || 1\.8\.195|| ityAkarNya vimuktamaunamudite samya~N nR^ipeNottare skandhAttasya saH dArDhyamAkalayituM mAyAbalAttatkShaNam | vetAlo nR^ikalevarAntaragataH kvApyapratarkyo yayau niHkampaH sashcha bhUpatiH puno.amuM prAptuM vyadhAnniHchayam || 1\.8\.196|| \medskip\hrule\medskip tato.atra punaH AnetuM taM vetAlamagAnnR^ipaH | sastrivikramasenastachChiMshapApAdapAntikam || 2\.9\.1|| prApto.atra vIkShate yAvachchitAlokavashAnnishi | tAvaddadarsha taM bhUmau kUjantaM patitaM shavam || 2\.9\.2|| atha taM mR^itadehasthaM vetAlaM sa mahIpatiH | Aropya skandhamAnetuM tUShNIM pravavR^ite javAt || 2\.9\.3|| tataH skandhAtso vetAlo bhUyastaM nR^ipamabravIt | rAjanmahatyanuchite kleshe.asmin patito bhavAn || 2\.9\.4|| atastava vinodAya khatayAmi khatAM shR^iNu | astyagrahAraH kAlindIkUle brahmasthalAbhidhaH || 2\.9\.5|| agnisvAmIti tatrAsIt brAhmaNo vedapAragaH | tasyAtirUpA mandAravatItyajani kanyakA || 2\.9\.6|| yAM niHmAya navAnarghalAvaNyAM niyataM vidhiH | svargastrIpUrvanirmANaM nijamevAjugupsata || 2\.9\.7|| tasyAM cha yauvanasthAyAmAyayuH kAnyakubjataH | samasarvaguNAH tatra trayaH brAhmaNaputrakAH || 2\.9\.8|| teShAM chAtmArthamekaikastatpituH tAmayAchata | anichChandAnamanyasmai tasyAH prAnavyayAdapi || 2\.9\.9|| tatpitA sastu tatmadhyAnnaikasmayapi tAM dadau | bhIto.anyayoH vadhAttena tasthau kanyaiva sA tataH || 2\.9\.10|| te cha trayo.api tatvaktrachandraikAsakta dR^iShThayaH | chakoravratamAlambya tatraivAsandivAnisham || 2\.9\.11|| athAkasmAtsamutpanna dAhajvaravashena sA | jagAma mandAravatI kumArI kila pa~nchatAm || 2\.9\.12|| tatastAM vipraputrAH te parAsuM shokaviklavAH | kR^itaprasAdhanAM nItvA shmashAnaM chakruH agnisAt || 2\.9\.13|| ekashcha teShAM tatraiva vidhAya maThikAM tataH | kR^itatatbhasmashayyaH sannAstAyAchitabhaikShabhuk || 2\.9\.14|| dvitIyo.asthInyupAdAya tasyAH bhAgIrathIM yayau | tR^itIyastApaso bhUtvA bhrAntuM deshAntarANyagAt || 2\.9\.15|| so bhrAmyan tApasaH prApa grAmaM vakrolakAbhidham | tatrAtithiH sankasyApi viprasya prAvishat gR^iham || 2\.9\.16|| tatpUjitaH sa yAvachcha bhoktuM tatra prachakrame | tAvat ekaH shishuH tatra pravR^itto.abhUtpraroditum || 2\.9\.17|| saH sAntvyamAno.api yadA na vyaramsIttadA krudhA | bAhAvAdAya gR^ihiNI jvalatyagnau tamakShipat || 2\.9\.18|| kShipta mAtraH sa mR^idua~Ngo bhasmIbhAvamavAptavAn | taddR^iShTvA jAtaromA~nchaH so.abravIttApaso.atithiH || 2\.9\.19|| hA dhikkaShTaM praviShTo.asmi brahmarAkShasaveshmani | tatmUrtaM kilbiShamidaM na bhokShye.annamihAdhunA || 2\.9\.20|| evaM vadantaM taM so.atra gR^ihasthaH prAha pashya me | shaktiM paThitasiddhasya mantrasya mR^itajIvanIm || 2\.9\.21|| ityuktvAdAya tanmantrapustikAmanuvAchya cha | tatra bhasmani chikShepa saH dhUlimabhimantritAm || 2\.9\.22|| tenodatiShThattatrUpaiva jIvan saH bAlakaH | tataH sa nirvR^itastatra bhuktavAn vipratApasaH || 2\.9\.23|| gR^ihastho.api sastAM nAgadante.avasthApya pustikAm | bhukvA cha shayanaM bheje rAtrau tatraiva tatyutaH || 2\.9\.24|| supte gR^ihapatau tasmin svairamutthAya sha~NkitaH | saH priyAjIvitArthI tAM pustikAM tApaso.agrahIt || 2\.9\.25|| gR^ihItvaiva cha nirgatya tato rAtridinaM vrajan | kramAchChmashAnaM tatprApa yatra dagdhAsya sA priyA || 2\.9\.26|| dadarsha chAtra tatkAlaM taM dvitIyamupAgatam | yaH saH ga~NgAmbhasi kSheptuM tatasthIni gato.abhavat || 2\.9\.27|| tatastaM cha tamAdyaM cha tasyAH bhasmani shAyinam | nibaddhamaThikaM tatra dvavapyetau jagAda saH || 2\.9\.28|| maThikApAsyatAmeShA yAvat utthApayAmi tAm | jIvantIM bhasmataH kAntAM mantrashaktyA kayApyaham || 2\.9\.29|| iti tau prerya nirbandhAnnirloThya maThikAM cha saH | udghATya tApaso vipraH pustikAM tAmavAchayat || 2\.9\.30|| abhimantrya cha mantreNa dhUliM bhasmanyavAkShipat | udatiShThachcha jIvantI sA mandAravatI tataH || 2\.9\.31|| vahniM pravishya niShkrAntaM vapuH pUrvAdhikadyuti | tadA babhAra sA kanyA ka~nchaneneva niHmitam || 2\.9\.32|| tAdR^ishIM tAM punaH jAtAM te dR^iShTvaiva smarAturAH | prAptukAmAH trayo.apyevamanyaHanyaM kalahaM vyadhuH || 2\.9\.33|| eko.abravIt iyaM bhAryA mama mantrabalArjitA | tIrthaprabhAvajA bhAryA mameyamiti chAparaH || 2\.9\.34|| rakShitvA bhasma tapasA jIviteyaM mayeha yat | tat eShA mama bhAryeti tR^itIyo.atra jagAda saH || 2\.9\.35|| vivAdanirNaye teShAM tvaM tAvanme mahIpate | nishchayaM brUhi kasyaiShA kanyA bhAryopapadyate || 2\.9\.36|| vidaliShyati mUrdhA te yadi jAnan na vakShyasi | iti vetAlataH shrutvA taM sa rAjaivamabhyadhAt || 2\.9\.37|| yaH kleshamanubhUyApi mantreNaitAmajIvayat | pitA sastasyAH tatkAryakaraNAnna punaH patIH || 2\.9\.38|| yashchAstIni ninAyAsya ga~NgAyAM saH suto mataH | yastu tat bhasmashayyaM tAmAshliShyAsIttapashcharan || 2\.9\.39|| shmashAne eva tatprItyA bhartA tasyAH sa uchyate | kR^itaM tadanurUpamiha tena gADhAnurAgiNa || 2\.9\.40|| evaM nR^ipAttrivikramasenAchChrutvaiva muktamaunAtsaH | tasya skandhAdagamat vetAlo.atarkitaH svapadam || 2\.9\.41|| rAjAtha bhikShuarthasamudyatastaM prAptuM sa bhUyo.api manaH babandha | prANAtyaye.api pratipannamarthaM tiShThantyanirvAhya na dhIrasattvAH || 2\.9\.42|| \medskip\hrule\medskip atha bhUyo.api vetAlamAnetuM nR^ipasattamaH | sastrivikramasenastamupAgAchChiMshampAtarum || 3\.10\.1|| tatrasthametaM samprApya mR^itadehagataM punaH | skandhe gR^ihItvaivAgantuM tUShNIM pravavR^ite tataH || 3\.10\.2|| prayAntaM cha tamAha sma sa vetAlo.asya pR^iShThagaH | chitraM nodvijase rAjan nishi kurvan gamAgamam || 3\.10\.3|| tadakhedAya bhUyaste varNayAmi kathAM shR^iNu | asti pATaliputrAkhyaM khyAtaM bhUmaNDale puram || 3\.10\.4|| tatrAsInnR^ipatiH pUrvaM nAmnA vikramakesarI | guNAnAmiva ratnAnAmAshrayaM yaM vyadhAt vidhiH || 3\.10\.5|| tatra shApAvatIrNo.abhUddivyavij~nAnavAn shukaH | vidagdhachUdamaNiH ityAkhyayA sarvashAstravit || 3\.10\.6|| tenopadiShTAM sadR^ishIM rAjaputrIM nR^ipAtmajaH | mAgadhImupayeme sa bhAryAM chandraprabhAbhidhAm || 3\.10\.7|| tasyAH api tathAbhUtA sarvavij~nAnashAlinI | shArikA somikA nAma rAjaputryAH kilAbhavat || 3\.10\.8|| te chaikapa~njarasthe dve tatrAstAM shukashArIke | sevamAne svavi~njAnaiH dampatI tau nijaprabhU || 3\.10\.9|| ekadA sAbhilAShastAM shArikAM so.abravIchChukaH | ekashayyAsanAhAraM subhage bhaja mAmiti || 3\.10\.10|| nAhaM puruShasaMsargamichChAmi puruShAH yataH | duShTAH kR^itaghnAH iti sA sArikA pratyuvAcha tam || 3\.10\.11|| na duShTAH puruShAH duShTAH nR^ishaMsahR^idayAH striyaH | iti bhUyaH shukenokte vivAdo.atrAlagattayoH || 3\.10\.12|| kR^itadAsatvabhAryAtvapaNau tau shakunI mithaH | nishchayAyAthe sabhyaM taM rAjaputramupeyatuH || 3\.10\.13|| so vivAdapadaM shrutvA tayoH AsthAnagaH pituH | kathaM kR^itaghnAH puruShAH brUhItyAha sma shArikAm || 3\.10\.14|| tataH sA shR^iNutetyuktvA nijapakShaprasiddhaye | pundoShAkhyAyinImetAM shArikAkathayat kathAm || 3\.10\.15|| asti kAmandikA nAma yA mahAnagarI bhuvi | arthadattAbhidhAno.asti vaNiktasyAM mahAdhanaH || 3\.10\.16|| dhanadattAbhidhAnashcha putrastasyodapadyata | pitaryuparate so.api babhUvochChR^i~Nkhalo yuvA || 3\.10\.17|| dyUtAdisa~Nge dUrtAH cha militvA tamapAtayan | kAmaM vyasanavR^ikShasya mUlaM duHjanasa~NgatiH || 3\.10\.18|| achirAt vyasanakShINadhanaH daurgatyalajjayA | so.atha tyaktvA svadeshaM taM bhrAntuM deshAntarANyagAt || 3\.10\.19|| gachChan cha chandanapuraM nAma sthAnamavApya saH | vivesha bhojanArthI san ekasya vaNijaH gR^iham || 3\.10\.20|| so vaNik sukumAraM taM dR^iShTvA pR^iShTvAnvayAdikam | j~nAtvA kulInaM satkR^itya svIchakre daivayogataH || 3\.10\.21|| dadau cha sadhanAM tasmai nAmnA ratnAvalIM sutAm | tataH saH dhanadatto.atra tasthau shvashuraveshmani || 3\.10\.22|| dineShveva cha yAteShu sukhavismR^itaduHgatiH | svadeshaM gantukAmo.abhUtprAptArtho vyasanaunmukhaH || 3\.10\.23|| tato.anumAnya kathamapyavashaM shvashuraM shaThaH | taM duhitR^iekasantAnaM gR^ihItvA tAmala~NkR^itAm || 3\.10\.24|| bhAryAM ratnAvalIM yuktAmekayA vR^iddhayA striyA | saH AtmanA tR^itIyaH sandeshAtprasthitavAn tataH || 3\.10\.25|| kramAtprApyATavIM dUrAmuktvA taskarajAM bhiyam | gR^ihItvAbharaNaM tasyAH bhAryAyAH svIchakAra saH || 3\.10\.26|| dR^ishyatAM dyUtaveshyAdikaShTavyasanasa~NginAm | hR^idayaM hA kR^itaghnAnAM puMsAM nistriMshakarkasham || 3\.10\.27|| so.atha pApo.arthahetostAM bhAryAM guNavatImapi | hantuM shvabhre nichikShepa tayA vR^iddhastriyA yutAm || 3\.10\.28|| kShiptvaiva cha gate tasmin sAtha vR^iddhA vyapadyata | tat bhAryA tu latAgulmavignayA na vyapAdi sA || 3\.10\.29|| uttasthau cha tataH shvabhrAt kroshantI karuNaM shaNaiH | Alambya tR^iNagulmAdi sasheShatvAt kilAyuShaH || 3\.10\.30|| Ayayau vikShatA~NgI cha pR^iShTvA mArgaM pade pade | yathAgatenaiva pathA kR^ichChrAttatsadanaM pituH || 3\.10\.31|| tatrAkasmAttathAbhUtA prAptA pR^iShTA sasambhramam | mAtrA pitrA cha rudatI sAdhvI saivamabhAShata || 3\.10\.32|| muShitAH sma pathi stenaiH nItaH baddhvA cha matpatiH | vR^iddhA mR^itA nipatyApi shvabhre nAhaM mR^itA punaH || 3\.10\.33|| athAgatena kenApi pathikena kR^ipAlunA | uddhR^itAhaM tataH shvabhrAtprAptAsmIha cha daivataH || 3\.10\.34|| evamuktavatI mAtrA pitrA chAshvAsitA tataH | bhartR^ichittaiva sA tasthau tatra ratnAvalI satI || 3\.10\.35|| yAti kAle cha tatbhartA saH svadeshagataH punaH | dyUtakShapitatatvittaH danadatto vyachintayat || 3\.10\.36|| AnayAmi punaH gatvA mArgitvA shvashurAddhanam | gR^ihe sthitA me tvatputrItyabhidhAsye cha tatra tam || 3\.10\.37|| evaM saH hR^idaye dhyAtvA prAyAchChvashuraveshma tat | prAptaM cha tatra taM dUrAtsvabhAryA pashyati sma sA || 3\.10\.38|| dhAvitvA chApatattasya sA pApasyApi pAdayoH | duShTe.api patyau sAdhvInAM nAnyathAvR^ittimAnasam || 3\.10\.39|| bhItAya cha tatastasmai tadasheShaM nyavedayat | yanmR^iShA chaurapAtAdi pitroH prAk varNitaM tayA || 3\.10\.40|| tatastayA samaM tatra nirbhayaH shvAshure gR^ihe | praviShTaH shvashurAbhyAM saH harShAddR^iShTvAbhyanandyata || 3\.10\.41|| diShTyA jIvannayaM muktashchauraiH iti mahA\-utsavaH | tena tatshvashureNAtha chakre militabandhunA || 3\.10\.42|| tataH saH dhanadatto.atra bhu~njAnaH shvashurashriyam | ratnAvalyA tayA sAkamAsItpatnyA yathAsukham || 3\.10\.43|| ekadA tatra rAtrau cha sa nR^ishaMsashchAkara yat | kathA\-uparodhataH shAntamavAchyamapi kathyate || 3\.10\.44|| hatvA~NkasuptAM bhAryAM tAM tadAbharaNasa~nchayam | apahR^itya tataH prAyAtsaH svadeshamalakShitaH || 3\.10\.45|| IdR^ishAH puruShAH pApAH iti shArikayodite | tvamidAnIM vadetyAha rAjaputrastadA shukam || 3\.10\.46|| tataH jagAda saH shukaH deva duHsahasAhasAH | striyaH duHcharitAH pApAH tathA cha shrUyatAM kathA || 3\.10\.47|| asti harShavatI nAma nagarI tatra chAbhavat | agraNIH dharmadattAkhyaH bahukoTIshvaro vaNik || 3\.10\.48|| vasudattAbhidhAnA cha rUpe.ananyasamA sutA | babhUva tasya vaNijaH prANebhyo.apyadhikapriyA || 3\.10\.49|| sA cha tena samAnAya rUpayauvanashAline | dattA varA~NganAnetrachakorAmR^itarashmaye || 3\.10\.50|| nAmnA samudradattAya vaNikputrAya sAdhave | nagaryAmAryajuShTAyAM tAmraliptyAM nivAsine || 3\.10\.51|| kadAchitsA svadeshasthe patyau svasya pituH gR^ihe | sthitA vaNiksutA dUrAt kamchitpurUShamaikShata || 3\.10\.52|| taM yuvAnaM sukAntaM sA chapalA mAramohitA | guptaM sakhImukhAnItaM bheje prachChannakAmukam || 3\.10\.53|| tataHprabhR^iti tenaiva saha tatra sadA rahaH | rAtrau rAtravaraMstAsau tadekAsaktamAnasA || 3\.10\.54|| ekadA cha saH kaumAraH patiH tasyAH svadeshataH | AjagAmAtra tatpitroH pramodaH iva mUrtimAn || 3\.10\.55|| sotsave cha dine tasmin sA naktaM kR^itamaNDanA | mAtrAnupreShitA bheje shayyAsthApi na taM patim || 3\.10\.56|| prArthitA tena chAlIkasuptaM chakre.anyamAnasA | pAnamatto.adhvakhinnashcha so.api jahre.atha nidrayA || 3\.10\.57|| tatashcha supte sarvasmin bhuktapIte jane shanaiH | sandhiM bhittvA viveshAtra chauro vAsagR^ihAntare || 3\.10\.58|| tatkAlaM tamapashyantI sApyutthAya vaNiksutA | svajArakR^itasa~NketA niragAnnibhR^itaM tataH || 3\.10\.59|| tadAlokya sashchauro.atra vighnitaichCho vyachintayat | yeShAmarthe praviShTo.ahaM taiH evAbharaNaiH vR^itA || 3\.10\.60|| nishIthe nirgataiShA tat vIkShe.ahaM sA kva gachChati | ityAkalayya nirgatya sashchaurastAM vaNiksutAm || 3\.10\.61|| vasudattAmanu yayau dattadR^iShTiralakShitaH | sApi puShpAdihastaikasasa~NketasakhIyutA || 3\.10\.62|| gatvA bAhyaM praviShTAbhUt udyAnaM nAtidUragam | tatrApashyachcha taM vR^ikShe lambamAnaM svakAmukam || 3\.10\.63|| sa~NketakAgataM rAtrau labdhvA nagararakShibhiH | ullambitaM chaurabuddhyA pAshakaNThaM mR^itaM sthitam || 3\.10\.64|| tataH sA vihvalodbhrAntA hA hatAsmIti vAdinI | papAta bhUmau kR^ipaNaM vilapantI ruroda cha || 3\.10\.65|| avatAryAtha vR^ikShAttaM gatAsuM nijakAmukam | upaveshyA~NgarAgeNa puShpaiH chAlamchakAra sA || 3\.10\.66|| samAli~Ngya cha niHsaMj~naM rAgashokAndhamAnasA | unnamayya mukhaM yAvattasyArtA parichumbati || 3\.10\.67|| tAvatsastasyAH sahasA niHjIvaH parapUruShaH | vetAlAnupraviShTaH saddantaiH chichCheda nAsikAm || 3\.10\.68|| tena sA vihvalA tasmAtsavyathApasR^itApyaho | kiM svit jIved iti hatA punaH etya tamaikShata || 3\.10\.69|| dR^iShTvA cha vItavetAlaM niHcheShTaM mR^itameva tam | sA bhItA paribhUta cha chachAla rudatI shanaiH || 3\.10\.70|| tAvat ChannaH sthitaH so.atha chauraH sarvaM vyalokayat | achintayachcha kimidaM pApayA kR^itametayA || 3\.10\.71|| aho batAshayaH strINAM bhIShaNaH ghanatAmasaH | andhakUpaH ivAgAdhaH pAtAya gahanaH param || 3\.10\.72|| tat idAnImiyaM kiM nu kuryAt iti vichintya saH | kautukAddUratashchauro bhUyo.apyanusasAra tAm || 3\.10\.73|| sApi gatvA pravishyaiva tatsuptasthitabhartR^ikam | gR^ihaM tadA svakaM prauchchaiH prarudatyevamabravIt || 3\.10\.74|| paritrAyadhvametena duShTena mama nAsikA | ChinnA niraparAdhAyAH bhartR^irUpeNa shatruNA || 3\.10\.75|| shrutvaitaM muhuH AkrandaM tasyAH sarve sasambhramam | udatiShThan prabudhyAtra patiH parijanaH pitA || 3\.10\.76|| etyAtha tatpitA dR^iShTvA tAmArdraChinnanAsikAm | kruddhastaM bandhayAmAsa bhAryAdrohIti tatpatim || 3\.10\.77|| sastu naivAbravIt kimchit badhyamAno.api mUkavat | viparyasteShu sarveShu shR^iNvatsu shvashurAdiShu || 3\.10\.78|| tataH j~natvaiva tachchaure tasminnapasR^ite laghu | kolAhalena tasyAM cha vyatItAyAM kramAnnishi || 3\.10\.79|| so ninye vaNijA tena shvashureNa vaNiksutaH | rAjAntikaM tayA sArdhaM bhAryayA ChinnanAsayA || 3\.10\.80|| rAjA cha kR^itavij~naptiH svadAradrohyasaviti | tasyAdishat vaNiksUnoH vadhaM nyakkR^itatatvachAH || 3\.10\.81|| tato vadhyabhuvaM tasmin nIyamAne saDiNDimam | upAgamya sashchauro.atra babhAShe rAjapUruShAn || 3\.10\.82|| niHkAraNaM na vadhyo.ayaM yathAvR^ittaM tu vedmyaham | mAM prApayata rAjAgraM yAvatsarvaM vadAmyataH || 3\.10\.83|| ityUchivAn sa nItastaiH nR^ipasyAgraM vR^itAbhayaH | A mUlAt rAtrivR^ittAntaM chauraH sarvaM nyavedayat || 3\.10\.84|| abravIchcha na cheddeva matvAchi pratyayastava | tatsA nAsA mukhe tasya shavasyAdyApi vIkShyatAm || 3\.10\.85|| tachChrutvA vIkShituM bhR^ityAn preShya satyamavetya tat | so rAjA taM vaNikputraM muktavAn vadhanigrahAt || 3\.10\.86|| tAM cha karNavapi ChitvA duShTAM deshAnnirastavAn | tat bhAryAM shvashuraM chAsya taM sarvasvamadaNDayat || 3\.10\.87|| chauraM cha taM pUrAdhyakShaM tuShTashchakre sa bhUpatiH | evaM striyo bhavantIha nisargaviShamAH shaThAH || 3\.10\.88|| ityuktavAn eva shuko bhUtvA chitrarathAbhidhaH | kShINaindrashApaH gandharvaH divyarUpaH divaM yayau || 3\.10\.89|| shArikA sApi tatkAlaM bhUtvA svaHstrI tilottamA | tathaiva kShINatatshApA jagAma sahasA divam || 3\.10\.90|| vivAdashchApyanirNitaH sabhAyAM so.abhavattayoH | ityAkhyAya kathAM bhUyastaM vetAlo.abravInnR^ipam || 3\.10\.91|| tat bhavAn vaktu kiM pApAH puruShAH kimuta striyaH | ajalpataH jAna taste shiro yasyati khaNDashaH || 3\.10\.92|| etannishamya vachanaM vetAlasyAMsavartinastasya | saH jagAda bhUpatiH taM yoga\-Ishvara yoShitaH pApAH || 3\.10\.93|| puruShaH ko.apIha tAdR^ik kvApi kadAchit bhavedduHAchAraH | prAyaH sarvatra sadA striyastu tAdR^ikvidhAH eva || 3\.10\.94|| ityuktavato nR^ipateH prAgvatskandhAtsastasya vetAlaH | naShTo.abhUtsashcha rAjA jagrAha punastadAnayanayatram || 3\.10\.95|| \medskip\hrule\medskip tataH gatvA punastasya nikaTaM shiMshapAtaroH | sastrivikramaseno.atra shmashAnaM nishi bhUpatiH || 4\.11\.1|| labdhvA muktAttahAsaM taM vetAlaM nR^isharIragam | niHkampaH skandhamAropya tUShNImudachalattataH || 4\.11\.2|| chalantaM cha tamaMsastho vetAlaH so.abravItpunaH | rAjankubhikShoH etasya kR^ite ko.ayaM tava shramaH || 4\.11\.3|| AyAse niShphale.amuShmin vivekaH bata nAsti te | tat imAM shR^iNu mattastvaM kathAM pathi vinodinIm || 4\.11\.4|| asti shobhAvatI nAma satyAkhyA nagarI bhuvi | tasyAM cha shUdrakAkhyo.abhUt bhUpatiH prAjyavikramaH || 4\.11\.5|| yasya jajvAla jayinaH pratApajvalano nisham | bandIkR^itArilalanAdhUtachAmaramArutaiH || 4\.11\.6|| aluptadharmacharaNasphItA manthe vasundharA | rAj~ni yasmin visasmAra rAmAdInnapi bhUpatIn || 4\.11\.7|| taM kadAchinmahIpAlaM priyashUramupAyayau | sevArthaM mAlavAt eko namnA vIravaraH dvijaH || 4\.11\.8|| yasya dharmavatI nAma bhAryA satvavaraH sutaH | kanyA vIravatI cheti trayaM gR^ihaparichChadaH || 4\.11\.9|| sevAparichChadashchAnyattrayaM kaTyAM kR^ipANikA | kare karatalaikatra chAru charma paratra cha || 4\.11\.10|| tAvatmAtraparIvAraH dInArashatapa~nchakam | pratyahaM prArthayAmAsa rAj~nastasmAtso vR^ittaye || 4\.11\.11|| rAjApi sastamAkArasUchitodArapauruSham | vIkShya tasmai dadau vR^ittiM sUdrakastAM yathA\-IpsitAm || 4\.11\.12|| alpe parikare.apyebhiH iyadbhiH svarNarUpakaiH | kimeSho vyasanaM puShNAtyatha ka~nchana satvyayam || 4\.11\.13|| ityanveShTuM samAchAraM kautukAtso mahIpatiH | prachChannAn sthApayAmAsa chArAnasyAtra pR^iShThataH || 4\.11\.14|| sashcha vIravaraH prAtaH kR^itvA bhUpasya darshanam | sthitvA cha tasyA madhyAhnaM siMhadvAre dhR^itAyudhaH || 4\.11\.15|| gatvA svavR^ittilabdhAnAM dInArANAM shataM gR^ihe | bhojanArthaM svabhAryAyAH haste prAdAt kilAnuaham || 4\.11\.16|| vastrA~NgarAgatAmbUlaM krINAti sma shatena cha | shataM snAtvA cha pUjArthaM vyadhAt viShNoH shivasya cha || 4\.11\.17|| viprebhyaH kR^ipaNebhyashcha dadau dAnaM shatadvayam | evaM vibheje pa~nchApi tAni nityaM shatAnyasau || 4\.11\.18|| tataH kR^itvAgnikAryAdi bhUktvA gatvaikako nishi | siMhadvAre punastasthau pANau karatalAM dadhat || 4\.11\.19|| etAM satatacharyAM cha tasya vIravarasya saH | rAjA chAramukhAchChrutvA tutoSha hR^idi shudrakaH || 4\.11\.20|| nivArayAmAsa cha tAn chArAn tasyAnumArgagAn | mene visheShapUjArhaM puruShAtishayaM cha tam || 4\.11\.21|| atha yAteShu divaseShvavahelAvala~Nghite | grIShme vIravareNAtra suprachaNDArkatejasi || 4\.11\.22|| tadIrShyAtaH ivodbhUtavidyutkaratalAM dadhat | dhArAprahArI ninadannAjagAma ghanAgamaH || 4\.11\.23|| tadA cha ghora meghaoghe pravarShati divAnisham | siMhadvAre tathaivAsItso.atra vIravaro.achalaH || 4\.1\.24|| taM cha dR^iShTvA divA rAjA prAsAdAgrAtsaH shUdrakaH | nishi bhUyastadArohat jij~nAsuH tasya tAM sthitim || 4\.11\.25|| jagAda cha tataH ko nu siMhadvAre sthito.atra bhoH | tachChrutvAhaM sthito.atreti so.api vIravaro.abravIt || 4\.11\.26|| aho sudR^iDhasattvo.ayaM bhakto vIravaro mayi | tad eShaH prApaNIyo me.avashyameva mahatpadam || 4\.11\.27|| iti sa~nchintya nR^ipatiH prAsAdAdavatIrya saH | shUdrakaH shayanaM bheje pravishyAntaHpuraM tataH || 4\.11\.28|| anyedyuH cha bhR^ishaM meghe dhArAsAreNa varShati | pradoShe guptabhavane kAle tamasi jR^imbhite || 4\.11\.29|| punaH sa rAjA jij~nAsuH prAsAdamadhiruhya tam | siMhadvAre sthitaH ko.atretyekAkI prAha taM sphuTam || 4\.11\.30|| ahaM sthitaH iti prokte puno vIravareNa cha | yAvat vismayate so.atra rAjA tatdhairyadarshanAt || 4\.11\.31|| tAvat vidUre shushrAva sahasA rudatIM striyam | viShAdavikalAmekAM pralApakaruNasvanam || 4\.11\.32|| na me rAShTre parAbhUto na daridro na duHkhitaH | kashchidasti tat eShA kA rodityekAkinI nishi || 4\.11\.33|| iti chAchintayachChrutvA saH jAtakaruNo nR^ipaH | Adidesha cha taM vIravaramekamadhaH sthitam || 4\.11\.34|| bhoH vIravara shR^iNveShA dUre strI kApi roditi | kAsau roditi kiM cheti tvayA gatvA nirUpyatAm || 4\.11\.35|| tachChrutvA sastathetyuktvA gantuM vIravarastataH | prAvartata nibaddhAsidhenuH karatalAkaraH || 4\.11\.36|| na cha meghAndhakAraM tat jvalatvidyutvilochanam | sthUladhArAshilAvArShi raKShaHrUpamajIgaNat || 4\.11\.37|| prasthitaM vIkShya tAdR^ishyAM tasyAM rAtrau tamekakam | karuNAkautukAviShTo rAjA prAsAdapR^iShThataH || 4\.11\.38|| AvatIrya gR^ihItAsiH ekAkI tasya pR^iShThataH | so.api pratasthe tatraiva shudrako.anupalakShitaH || 4\.11\.39|| sashcha vIravaraH gatvA ruditAnusR^itikriyaH | bahiHnagaryAH prApaikaM sarastatra dadarsha cha || 4\.11\.40|| hA shUra hA kR^ipAlaH hA tyAgin shUnyA tvayA katham | vatsi\-AmIti\-Adi rudatIM tAM striyaM vArimadhyagAm || 4\.11\.41|| kA tvaM rodiShi kiM chaivamityanvakprAptabhUpatiH | paprachCha tAM cha sAshcharyastataH sApyevamabhyadhAt || 4\.11\.42|| bho vIravara jAnIhi vatsa mAM pR^ithivImimAm | tasyAH mamAdhunA rAjA shUdrakaH dhArmikaH patiH || 4\.11\.43|| tR^itIye cha dine tasya rAj~no mR^ityuH bhaviShyati | tAdR^ishaM cha patiM prApsyAmyahamanyaM nR^ipaM kutaH || 4\.11\.44|| atastamanushochAmi duHkhitAtmAnameva cha | etachChrutvA sastAM trastaH iva vIravaro.abravIt || 4\.11\.45|| he devi kachchidapyasti ko.apyupAyaH sastAdR^ishaH | yenAsya na bhavetmR^ityuH jagatrakShAmaNeH prabhoH || 4\.11\.46|| iti tat vachanaM shrutvA sA jagAda vasumdharA | eko.astyupAyastaM chaikaH kartuM shakto bhavAn iti || 4\.11\.47|| tato vIravaro.avAdIttarhi devi vada drutam | yAvattatsAdhayAmyAshu ko.arthaH prANaiH mamAnyathA || 4\.11\.48|| tachChrutvovAcha vasudhA viraH ko.anyastvayA samaH | svAmibhaktastat etasya sharmaupAyamimaM shR^iNu || 4\.11\.49|| rAj~nA kR^itapratiShTAH asti yaiShA rAjakulAntike | uttamA chaNDikA devI sAnnidhyautkarShashAlinI || 4\.11\.50|| tasyai sattvavaraM putramupahArIkaroShi chet | tannaiSho rAjA mriyate jIvatyanyatsamAshatam || 4\.11\.51|| adyaiva chaitat bhavatA kR^itaM chedasti tachChivam | anyathAsya tR^itIye.ahni prApte nAstyeva jIvitam || 4\.11\.52|| ityuktaH sastayA pR^ithvyA vIro vIravarastadA | yAmi devi karomyetadadhunaivetyabhAShata || 4\.11\.53|| tato bhadraM tavetyuktvA vasudhA sA tiraHdadhe | tachcha sarvaM saH shushrAva guptamanvaksthito nR^ipaH || 4\.11\.54|| tatashcha gUDhe jij~nAsau tasmin rAj~nyanugachChati | shUdrake tvaritaM gehaM nishi vIravaro yayau || 4\.11\.55|| tatra putraupahAro.asya rAjArthe dharayA yathA | uktastathAbravItpatnyai dharmavatyai vibodhya saH || 4\.11\.56|| tachChrutvA sA tamAha sma nAtha kAryaM shivaM prabhoH | tatprabodhya sutasyAsya shishoH vaktu bhavAn iti || 4\.11\.57|| tataH prabodhya suptaM taM bAlaM sattvavaraM sutam | AkhyAya taM cha vR^ittAntamevaM vIravaro.abravIt || 4\.11\.58|| tatputra chaNDikAdevyayupahArIkR^ite tvayi | rAjA jIvatyasau no chettR^itIye.ahni vipadyate || 4\.11\.59|| etachChrutvaiva bAlo.api yathArthaM nAma darshayan | aklIbachittaH pitaraM taM saH sattvavaro.abravIt || 4\.11\.60|| kR^itArtho.ahaM mama prANaiH rAjA chettAta jIvati | bhuktasya hi tatannasya dattA syAnniShkR^itiH mayA || 4\.11\.61|| tatkiM vilambyate nItvA bhagavatyAH puro.adhunA | upahArIkurudhvaM mAmastu shAntiH mayA prabhoH || 4\.11\.62|| iti sattvavareNokte tena vIravaro.atra saH | sAdhu satyaM prasUto.asi mattaH putretyabhAShata || 4\.11\.63|| etatso.anvAgato rAjA sarvaM shrutvA bahiH sthitaH | aho eShAM samaM sattvaM sarveShAmityachintayat || 4\.11\.64|| tato vIravaraH skandhe kR^itvA sattvavaraM sutam | bharyA dharmavatI chAsya kanyAM vIravatImapi || 4\.11\.65|| ubhau tau yayatuH tasyAM rAtrau tachchaNDikAgR^iham | rAjApi shUdrakaH ChannaH pR^iShTataH sastayoH yayau || 4\.11\.66|| tatra devyAH puraH skandhAtso.atha pitrAvatAritaH | devIM sattvavaro natvA dhairyarAshiH vyajij~napat || 4\.11\.67|| mama mUrdhaupahAreNa rAjA jIvatu shudrakaH | anyat varShashataM devi kuryAt rAjyamakaNTakam || 4\.11\.68|| evamuktavatastasya sAdhu sAdhvityudIrya saH | sUnoH sattvavarasyAtha kR^iShTvA karatalAM shishoH || 4\.11\.69|| ChittvA shirashchaNDikAyai devyai vIravaraH dadau | matputreNopahAreNa rAjA jIvatviti bruvan || 4\.11\.70|| sAdhu kaH svAmibhakto.anyaH samo vIravara tvayA | yenaivamekasatputraprANavyayavidhAyinA || 4\.11\.71|| dattaH jIvashcha rAjyaM cha shudrakasyAsya bhUpateH | ityantarikShAt udagAttatkShaNaM tatra bhAratI || 4\.11\.72|| tachcha sarvaM nR^ipe tasmin Channe shR^iNvati pasyati | kanyA vIravatI sA tu bAlA vIravarAtmajA || 4\.11\.73|| upetyAshliShya mUrdhANaM tasya bhrAtuH hatasya tam | vilapantyurushokAndhA hR^itsphoTena vyapadyata || 4\.11\.74|| tato vIravaraM bhAryA dharmavatyevamabravIt | rAj~nastAvat kR^itaM shreyastat idAnIM vadAmi te || 4\.11\.75|| niHj~nAnA yatra bAlApi bhrAtR^ishokAt iyaM mR^itA | naShTe.apatyadvaye.apyasmin tatra kiM jIvitena me || 4\.11\.76|| prAk eva rAj~naH shreyaHarthaM mUDhayA svashiro mayA | devyai nopahR^itaM tasmAddehyanuj~nAM mamAdhunA || 4\.11\.77|| praviShamyanalaM tAvadAttApatyakalevarA | iti\-AgrahAd vadantIM tAM so.atha vIravaro.abravIt || 4\.11\.78|| evaM kuruShva bhadraM te kA hi samprati te ratiH | apatyaduHkhaikamaye jIvitavye manasvini || 4\.11\.79|| kiM na datto mayaivAtmetyeShA mA bhUchcha te vyathA | dadyAM kiM nAhamAtmAnamanyasAdhyaM bhavet yadi || 4\.11\.80|| tatpratIkShasva yAvatte chitAmatra karomyaham | amIbhiH dArubhiH devIkShetranirmANasambhR^itaih || 4\.11\.81|| ityuktvA dArubhiH taiH saH kR^itvA vIravarashchitAm | dIpAgre jvAlayAmAsa nyastApatyashavadvayAm || 4\.11\.82|| tataH dharmavatI patnI patitvA sAsya pAdayoH | praNamya devIM chaNDIM tAM vyajij~napadapAMsulA || 4\.11\.83|| janmAntare.apyayaM bhUyAdAryaputraH patiH mama | etatprabhostu rAj~no.astu matdehenAmunA shivam || 4\.11\.84|| ityudIryaiva sA sAdhvI tasminnambhaHavahelayA | jvAlAkalApajaTile nipapAta chitAnale || 4\.11\.85|| tatashcha chintayAmAsa vIro vIravaro.atra saH | niShpannaM rAjakAryaM me vAk divyA hyudgatA yathA || 4\.11\.86|| bhuktasya chAnnapiNDasya jAto.ahamanR^iNaH prabhoH | tat idAnIM mamaikasya keyaM jIvitagR^idhnutA || 4\.11\.87|| bharaNIyaM priyaM kR^itsnaM vyayIkR^itya kuTumbakam | jIvayan ekamAtmAnaM mAdR^ishaH kaH hi shobhate || 4\.11\.88|| tat kimAtmaupahAreNApyetAM prINAmi nAmbikAm | ityAlochya saH devIM tAM stutyA prAk upatasthivAn || 4\.11\.89|| jaya mahiShAsuramAriNi dAriNi rurudAnavasya shUlakare | jaya vibudhautsavakAriNi DhariNi bhUvana trayasya mAtR^ivare || 4\.11\.90|| jaya jagadarchitacharaNe sharaNe niHshreyasasya bhaktAnAm | jaya dhR^itabhAskarakiraNe haraNe duritAndhakAravR^indAnAm || 4\.11\.91|| jaya kAli jaya kapAlini jaya ka~NkAlini shive namaste.astu | shUdrakanR^ipateH adhunA prasIda matmastakaupahAreNa || 4\.11\.92|| ityupasthAya devyAM sastasyAM vIravaraH punaH | sadyaH karatalAghAtenottamA~NgaM svamachChinat || 4\.11\.93|| tadAlokyAkhilaM tatra ChannasthaH shudrako nR^ipaH | sAkulashcha saduHkhashcha sAshcharyashcha vyachintayat || 4\.11\.94|| aho kimapyanenaitadanyatrAdR^iShTamashrutam | sAdhunA sakuTumbena duHkaraM matkR^ite kR^itam || 4\.11\.95|| vichitre.apyatra saMsAre dhIraH syAtIdR^ishaH kutaH | akhyApayan prabhorarthe parokShaM yaH dadAtyasUn || 4\.11\.96|| etasya chopakArosya na kuryAM sadR^ishaM yadi | tanme kA prabhutA kiM cha jIvitavyaM pashoH iva || 4\.11\.97|| iti sa~nchintya nR^ipatiH khaDgamAkR^iShya kopataH | upetya shUdrakaH devIM tAM pravIro vyajij~napat || 4\.11\.98|| satatAnuprapannasya bhagavatyadhunAmunA | mama mUrdhaupahAreNa suprItA kurvanugraham || 4\.11\.99|| ayaM vIravaro vipro nAmAnuguNacheShTitaH | matarthamujjhitaprANaH sakuTumbo.api jIvatu || 4\.11\.100|| ityudIryAsinA rAjA shiraH ChettuM saH shUdrakaH | yAvatpravartate tAvat udabhUt bhAratI divaH || 4\.11\.101|| mA sAhasaM kR^ithAH tuShTA sattvenAnena te hyaham | pratyujjIvatu sApatyadAro vIravaraH dvijaH || 4\.11\.102|| ityuktvA vyaramat vAk sA sashchottasthau saputrakaH | sAkaM duhitrA patnyA cha jIvan vIravaro.akShataH || 4\.11\.103|| tat vilokyAdbhutaM rAjA Channo bhUtvA punashcha saH | pashyannatR^iptastAmAsIddR^iShTyA harShAshrupUrNayA || 4\.11\.104|| so.api vIravaraH dR^iShTvA suptotthitaH ivAshu tam | putradAraM tathAtmAnamabhUt vibhrAntamAnasaH || 4\.11\.105|| paprachCha cha pR^ithak nAmagrAhaM dArasutAn sastAn | bhasmIbhUtAH kathaM yUyaM jIvantaH punarutthitAH || 4\.11\.106|| mayApi svashiraH ChinnaM jIvAmyeShashcha kiM nvidam | kiM vibhramo.ayamAho svid suspaShTaH devI\-anugrahaH || 4\.11\.107|| evaM vadan sastaiH Uche dArApatyairalakShitaH | devI\-anugrahaH evAyaM jIvAmo yadamIti || 4\.11\.108|| tataH sastattathA matvA natvA vIravaro.ambakAm | AdAya putradArAn tAnsiddhakAryaH gR^ihaM yayau || 4\.11\.109|| tatra praveshya putraM taM bhAryAM duhitaraM cha tAm | siMhadvAramagAt rAj~no rAtrau tasyAM saH pUrvavat || 4\.11\.110|| rAjA saH shUdrako.apyetaddR^iShTvA sarvamalakShitaH | gatvAruroha svAvAsaprAsAdaM taM punastadA || 4\.11\.111|| vyAharachcha sthitaH ko.atra siMhadvArIti pR^iShThataH | tato vIravaro.avAdItsaH eShastiShThAmyahaM prabho || 4\.11\.112|| devAdeshAt gatashchAhamabhUvaM tAM striyaM prati | rAkShasIva cha sA kvApi dR^iShTanaShTaiva me gatA || 4\.11\.113|| etachChrutvA vachastasya rAjA vIravarasya saH | sutarAM vismayAviShTaH dR^iShTaudanto vyachintayat || 4\.11\.114|| aho samudragambhIradhIrachittAH manasvinaH | kR^itvApyananyasAmAnyamullekhaM nodgiranti ye || 4\.11\.115|| ityAdyAkalayan tUShNIM prAsAdAdavaruhya saH | pravishyAntaHpuraM rAjA rAtrisheShaM ninAya tam || 4\.11\.116|| prAtashchAsthAnasamaye darshanaupagatasthite | tasmin vIravare prItastathA kR^itsnaM sa bhUpatiH || 4\.11\.117|| tadIyaM rAtrivR^ittAntaM mantribhyastamavarNayat | yathA babhUvuH AshcharyamohitAH iva te.akhilAH || 4\.11\.118|| dadau tasmai saputrAya prItyA vIravarAya cha | lATadeshe tato rAjyaM saH karNATayute nR^ipaH || 4\.11\.119|| tato.atra tulyavibhavavanyonyasyopakAriNau | AsAtAM tau sukhaM vIravarashUdrakabhUpatI || 4\.11\.120|| ityAkhyAya kathAmetAM vetAlo.atyadbhutAM tadA | taM trivikramasenaM sa rAjAnamavadatpunaH || 4\.11\.121|| tat brUhi rAjan eteShu vIraH sarveShu ko.adhikaH | pUrvaH eva saH shApaste yadi jAnan na vakShyasi || 4\.11\.122|| etachChrutvA sa bhUpAlo vetAlaM pratiuvacha tam | eteShu shudrako rAjA pravIraH so.akhileShviti || 4\.11\.123|| tato.abravItso vetAlo rAjan vIravaro na kim | so.adhiko yasya tulyo.asyAM pR^ithvyAmeva na jAyate || 4\.11\.124|| tatpatnI nAdhikA kiM vA strIbhutA yAnvamanyata | tathopahArapashutAM sUnoH pratyakShadarshinI || 4\.11\.125|| so vA sattvavaro nAtra tatputro.abhyadhikaH katham | bAlasyApi sato yasya sattvautkarShaH sastAdR^ishaH || 4\.11\.126|| tat kasmAchChudrakaM bhUpamebhyastvaM bhAShase.adhikam | ityuktavantaM vetAlaM saH jagAda puno nR^ipaH || 4\.11\.127|| maivaM vIravarastAvatsastAdR^ikkulaputrakaH | tasya prANaiH sutaiH dAraiH svAmisaMrakShaNaM vratam || 4\.11\.128|| tatpatnI sApi kulajA sAdvI patiekadevatA | bhartR^ivartmAnusAreNa tasyAH dharmo.astu ko.aparaH || 4\.11\.129|| tAbhyAM jAtastu tatrUpaH eva sattvavaro.api saH | yAdR^ishAH tantavaH kAmaM tAdR^ishaH jAyate paTaH || 4\.11\.130|| yeShAM prANaiH tu bhR^ityAnAM nR^ipaiH AtmAbhirakShyate | teShAmarthe tyajandehaM shudrako.atra vishiShyate || 4\.11\.131|| ityAkarNya vachaH sastasya nR^ipateH aMsAdasaMlakShitaH vetAlaH sahasA yayau nijapadaM bhUyo.api tatmAyayA | rAjApyuchchalitaH babhUva puno.apyAnetumetaM pathA pUrveNaiva sunishchitaH pitR^ivane tasmin sastasyAM nishi || 4\.11\.132|| \medskip\hrule\medskip tatastasya punaH gatvA shiMshapAshAkhino.antikam | tathaivollambamAnaM taM dR^iShTvA narasharIragam || 5\.12\.1|| vetAlamavatAryaiva kR^itvAsmai bahu vaikR^itam | sastrivikramasenaH drAk gantuM pravavR^ite tataH || 5\.12\.2|| AgachChantaM cha taM tUShNIM vetAlaH pUrvavatpathi | rAtrau mahAshmashAne.atra skandhastho vyAjahAra saH || 5\.12\.3|| rAjannabhiniviShTo.asi kaShTe.atyantapriyo.asi cha | tatte chetovinodAya varNayAmi kathAM shR^iNu || 5\.12\.4|| ujjayinyAmabhUt vipraH puNyasenasya bhUpateH | anujIvI priyo.amAtyaH harisvAmIti satguNaH || 5\.12\.5|| tasyAtmano.anurUpAyAM bhAryAyAM gR^ihamedhinaH | guNavAn sadR^ishaH putraH devasvAmItyajAyata || 5\.12\.6|| tadvachchAnanya sAmAnya rUpalAvaNya vishrutA | kanyA somaprabhA nAma tasyAnvarthA\-udapadyata || 5\.12\.7|| sA pradeyA satI kanyA rUpautkarShAbhimAninI | mAtuH mukhena pitaraM bhrAtaraM cha jagAda tam || 5\.12\.8|| shUrasya j~nAnino vAhaM deyA vij~nAnino.api vA | anyasmai nAsmi dAtavyA kAryaM matjIvitena chet || 5\.12\.9|| tachChrutvA tAdR^ishaM tasyAH chinvan ekatamaM varam | tatpitA saH harisvAmI yAvachchintAM vahatyalam || 5\.12\.10|| tAvat vyasarjiH raj~nA saH puNyasenena dUtyayA | sandhyarthaM vigrahAyAta dAkShiNAtyanR^ipAntikam || 5\.12\.11|| kR^itakAryashcha tatrAsavekenAbhyetya tAM sutAm | yAchito.abhUddvijAgryeNa shrutatatrUpasampadA || 5\.12\.12|| vij~nAninaH j~nAnino vA shUrAt vA nAparaM patim | matputrIchChati tatteShAM madhyAt kathaya ko bhavAn || 5\.12\.13|| ityuktastena bhAryArthaH saH harisvAminA dvijaH | ahaM jAnAmi vij~nAnamiti taM pratyabhAShata || 5\.12\.14|| tarhi taddarshayasveti punaruktashcha tena saH | vij~nAnI kalpayAmAsa svashaktyA dyucharaM ratham || 5\.12\.15|| mAyAyantrarathe tatra taM harisvAminaM kShaNAt | Aropya nItvA svargAdIM lokAn tasmayadarshayat || 5\.12\.16|| AninAya cha tuShTaM taM tatraiva kaTakaM punaH | dAkShiNAtyasya nR^ipateH yatrAyAtaH saH kAryataH || 5\.12\.17|| tataH so.asmai harisvAmI pratishushrAva tAM sutAm | vij~nAnine vivAhaM cha nishchikAyAhni saptame || 5\.12\.18|| tatkAlamujjayinyAmapyanyenaitya dvijanmanA | devasvAmI sastatputraH svasAraM tAmayAchyata || 5\.12\.19|| j~nAnivij~nnAnishUrebhyo nAnyamichChati sA patim | iti tenApi so.apyuktaH shUramAtmAnamabhyadhAt || 5\.12\.20|| tataH darshitashastrAstrashriye tasmai dvijo.anujAm | devasvAmI saH shUrAya dAtuM tAM pratyapadyata || 5\.12\.21|| saptame.ahni cha tatraiva vivAhaM gaNakauktitaH | tasyApi so.abhyadhAnmAtuH parokShaM kR^itanishchayaH || 5\.12\.22|| tatmAtApi HarisvAmibhAryA tatkalameva sA | kenApyetya tR^itIyena sutAM tAM yAchitA pR^ithak || 5\.12\.23|| j~nAnI shUro.atha vij~nanI bhartAsmadduhituH mataH | ityuktashcha tayA mAto.ahaM j~nanIti so.abhyadhAt || 5\.12\.24|| pR^iShTvA bhUtaM bhaviShyachcha tasmai tAM j~nAnine sutAm | pratijaj~ne pradAtuM sApyahni tatraiva saptame || 5\.12\.25|| anyedyuH chAgataH so.atra harisvAmI yathA kR^itam | patnyaiH putrAya chAchakhyau taM kanyAdAnanishchayam || 5\.12\.26|| tau cha taM svakR^itaM tasmai bhinnaM bhinnamevochatAm | so.api tenAkulaH jaj~ne varatrayanimantraNAt || 5\.12\.27|| athodvAhadine tasmin harisvAmigR^ihe varAH | AyayuH j~nAnivij~nAnishUrAH tatra trayo.api te || 5\.12\.28|| tatkAlaM chAtra sA chitraM kanyA somaprabhA vadhuH | asha~NkitaM gatA kvApi na vichityApyalabhyata || 5\.12\.29|| tato.abravIt harisvAmI j~nAninaM taM sasambhramaH | j~nAnin idAnIM brUhyAshu duhitA me kva sA gatA || 5\.12\.30|| tachChrutvA so.avadat j~nAnI rAkShasenApahR^itya sA | nItA vindhyATavIM dhUmashikhena vasatiM nijAm || 5\.12\.31|| ityuktaH j~nAninA bhItaH harisvAmI jagAda saH | hA dhik kathaM sA prapyeta vivAhashchApi katham || 5\.12\.32|| shrutvaitatprAha vij~nAnI dhIro bhava nayAmi vaH | tatrAdhunaiva yatraiShaH j~nAnI vadati tAM sthitAm || 5\.12\.33|| ityuktvA tatkShaNaM kR^itvA rathaM sarvAstrasaMyutam | tatrAropya harisvAmij~nAnishUrAnkhagAmini || 5\.12\.34|| tAn saH samprApayAmAsa kShaNAt vindhyATavIbhuvi | j~nAninA tAM samAkhyAtAM vasatiM tatra rakShasaH || 5\.12\.35|| tatra taM rAkShasaM kruddhaM j~nAtavR^ittAntanirgatam | shUro.atha yodhayAmAsa harisvAmipuraskR^itaH || 5\.12\.36|| tadAshcharyamabhUt yuddhaM tayoH mAnuSharakShasoH | chitrAstrayodhinoH strI\-arthaM rAmarAvaNayoH iva || 5\.12\.37|| kShaNena cha saH sa~NgrAmaduHmadasyApi rakShasaH | ardhachandreNa bANena shUrastasyAchChinachChiraH || 5\.12\.38|| hate rakShasi tAM somaprabhAmAptAM tatAspadAt | AdAya vij~nAnirathenAjagmuH te tato.akhilAH || 5\.12\.39|| harisvAmigR^ihaM prApya teShAM lagne.apyupasthite | j~nAnivij~nnAnishUrANAM vivAdarudabhUnmahAn || 5\.12\.40|| j~nAnI jagAda nAhaM chet jAnIyAM tat iyaM katham | prApyeta kanyA gUDhasthA deyA mahyamasavitaH || 5\.12\.41|| vij~nanI tvavadannAhaM kuryAM chet vyomagaM ratham | gamAgamau kathaM syAtAM devAnAmiva vaH kShaNAt || 5\.12\.42|| kathaM syAchchArathaM yuddhaM rathinA rakShasA saha | tasmAnmahyamiyaM deyA lagnaH hyeSho mayAjitaH || 5\.12\.43|| shUro.apyuvAcha hanyAM chennAhaM taM rAkShasaM raNe | tat yuvAbhyAM kR^ite yatne.apyetAM kanyAM kaH Anayet || 5\.12\.44|| tanmahyameShA dAtavyetyevaM teShu vivAdiShu | harisvAmI kShaNaM tUShNImAsIt udbhrAntamAnasaH || 5\.12\.45|| tat kasmai sAtra deyeti rAjan vadatu me bhavAn | na vadiShyasi jAnan chettatte mUrdhA sphuTiShyati || 5\.12\.46|| iti vetAlastasmAchChrutvA maunaM vihAya cha | sastrivikramasenastamuvAchaivaM mahIpatiH || 5\.12\.47|| shUrAya sA pradAtavyA yena prANapaNaudyamAt | arjitA bahuvIryeNa hatvA taM yudhi rAkShasam || 5\.12\.48|| j~nAnivij~nAninau tvasya dhAtrA karmakarau kR^itau | sadA gaNakatakShaNau paraupakaraNe na kim || 5\.12\.49|| ityuktaM manujapateH nishamya tasya skandhAgrAt sapadi saH pUrvavat jagAma | vetAlo nijapadameva so.api rAjAnudvegaH taM prati pratasthe || 5\.12\.50|| \medskip\hrule\medskip tataH gatvA punastasmAtprApya taM shiMshapAtaroH | vetAlaM prAgvadAdAya skandhe maunena bhUpatiH || 6\.13\.1|| sastrivikramaseno.atra yAvadAgachChati drutam | tAvatpathi sa vetAlo bhUyo.apyevamuvAcha tam || 6\.13\.2|| rAjan sudhIH susattvashcha bhavAn tena priyo.asi me | ato vinodinIM vachmi kathAM prashnaM cha me shR^iNu || 6\.13\.3|| AsIt rAjA yashaHketuH iti khyAto mahItale | tasya shobhAvatI nAma rAjadhAnyabhavatpurI || 6\.13\.4|| tasyAmabhUnnagaryAM cha gaurI\-Ayatanamuttamam | tasya dakShiNatashchAsIt gaurItIrthAbhidhaM saraH || 6\.13\.5|| tasyAShADhachaturdashyAM shuklAyAM prativatsaram | yAtrAyAM snAtumeti sma nAnAdigbhyo mahAjanaH || 6\.13\.6|| ekadA cha tithau tasyAM snAtumatrAyayau yuvA | rajakaH dhavalo nAma grAmAt brahmasthalAbhidhAt || 6\.13\.7|| so.apashyat rajakasyAtra tIrthe snAnAgatAM sutAm | kanyAM shuddhapaTAkhyasya nAmnA madanasundarIm || 6\.13\.8|| indoH lAvaNyahAriNyA tayA saH hR^itamAnasaH | anviShya tatnAmakule kAmArto.atha gR^ihaM yayau || 6\.13\.9|| tatrAnavasthitastiShThan nirAhArastayA vinA | pR^iShTho mAtrArtayA tasyai tachChashaMsa manaHgatam || 6\.13\.10|| sA gatvA vimalAkhyAya tatsvabhartre nyavedayat | so.apyAgatya tathAvasthaM dR^iShTvA taM sutamabhyadhAt || 6\.13\.11|| kiM viShIdasi putraivamaduShprApye.api vA~nChite | saH hi matyAchitaH shuddhapaTaH dAsyati te sutAm || 6\.13\.12|| anyUnAH hi vayaM tasmAt kulenArthena karmaNA | taM vedmyahaM sa mAM vetti tenaitanme na duHkaram || 6\.13\.13|| ityAshvAsya sastaM putramAhArAdau pravartya cha | tat yukto vimalo.anyedyuH yayau saH shuddhapaTAspadam || 6\.13\.14|| yayAche chAtra putrasya tasyArthe dhavalasya saH | kanyAM tasmAtsashchAsmai tAM pratishushrAva sAdaram || 6\.13\.15|| lagnaM nishchitya chAnyedyuH tAM shuddhapaTaH sutAm | dhavalAya dadau tasmai tulyAM madanasundarIm || 6\.13\.16|| kR^itaudvAhashcha sastayA sAkaM darshanasaktayA | bhAryayA svapituH gehaM jagAma dhavalaH kR^itI || 6\.13\.17|| sukhasthitasya tasyAtha kadAchichChvashurAtmajaH | tasyAH madanasundaryAH bhrAtA tatrAgato.abhavat || 6\.13\.18|| saH kR^itaprashrayaH sarvaiH svasrAshliShyAbhinanditaH | sambandhipR^iShTakushalo vishrAntashcha jagAda tAn || 6\.13\.19|| ahaM madanasundaryAH jAmAtuH cha nimantraNe | tAtena preShito yasmAddevIpUjA\-utsavo.asti naH || 6\.13\.20|| shraddhAya chaitattatvAkyaM yathArhaiH pAnabhojanaiH | te sambandhi\-AdayaH sarve tadahastamupAcharan || 6\.13\.21|| prAto madanasundaryA svashuryeNa cha tena saH | sahitaH dhavalaH prAyAt gR^ihaM tachChvAshuraM prati || 6\.13\.22|| prApya shobhAvatIM tAM cha purImAtmatR^itIyakaH | dadarsha nikaTaM prApya saH gaurI\-AyatanaM mahat || 6\.13\.23|| nijagAda cha tau bhAryAshvashuryau shraddhayA tataH | etametAM bhagavatIM pashyAmaH devatAmiha || 6\.13\.24|| tachChrutvA saH shvashuryastaM niShedhaM pratyabhAShA | iyanto riktahastAH kiM pashyAmaH devatAmiti || 6\.13\.25|| ahaM tAvat vrajAmyeko yuvAmatraiva tiShThatam | ityuktvA dhavalaH draShTuM devIM tAM sastato yayau || 6\.13\.26|| pravishyAyatanaM tasyAH praNamya cha vibhAvya cha | tAmaShTAdashadoHdaNDakhaNDitauchchaNDadAnavAm || 6\.13\.27|| pAdapadmatalAkShiptamahiShAsuramardinIm | so vidhipreraNautpannabuddhiH evamachintayat || 6\.13\.28|| jIvaupahAraiH vividhaiH imAM devIM jano.archati | ahaM tu siddhyai kiM naitAM prINAmyAtmaupahArataH || 6\.13\.29|| iti dhyAtvaiva tatgarbhagR^ihAdAdAya niHjanAt | khaDgaM sAMyAtrikaiH kaiHchiddevyAH prAk prAbhR^itIkR^itam || 6\.13\.30|| baddhvA shiraHruhaiH ghaNTAshR^i~NkhalAyAM nijaM shiram | chichChedaitena khaDgena tat ChinnaM chApatat bhuvi || 6\.13\.31|| chiraM yAvatso nAyAti tAvat gatvA tamIkShitum | tatraiva devIbhavane tatshvashuryo vivesha saH || 6\.13\.32|| so.api dR^iShTvA tamutkR^ittamUrdhAnaM bhaginIpatim | vyAmohitastathaiva svaM shirastenAsinAchChinat || 6\.13\.33|| so.api yAvachcha nAyAti tAvat udbhrAntamAnasA | tatdevIbhavanaM sApi yayau madanasundarI || 6\.13\.34|| pravishya dR^iShTvaiva patiM bhrAtaraM cha tathAgatau | hA kimetat hatAsmIti vilapantyapatat bhuvi || 6\.13\.35|| kShaNAchchotthAya shochantI tavakANDahatAvubhau | kiM mamApyadhunAnena jIvitenetyachintayat || 6\.13\.36|| vyajij~napachcha devIM tAM dehatyAgaunmukhI satI | devi saubhAgyachAritravidhAnaikAdhidevate || 6\.13\.37|| adhyAsitasharIrArdhe bhartuH mArariporapi | asheShalalanAlokasharaNye duHkhahAriNi || 6\.13\.38|| hR^itavekapade kasmAt bhartA bhrAtA cha me tvayA | na yuktametanmayi te nityabhaktA hyahaM tvayi || 6\.13\.39|| tanme shritAyAH sharaNaM shR^iNvekaM kR^ipaNaM vachaH | etAM tAvattyajAmyatra daurbhAgyaupahatAM tanum || 6\.13\.40|| janiShye devi bhUyastu yatra kutrApi janmani | tatraitaveva bhUyAstAM dvau bhartR^ibhrAtarau mama || 6\.13\.41|| iti saMstutya vij~napya devIM natvA cha tAM punaH | pAshaM virachayAmAsa latayAshokapAdape || 6\.13\.42|| tatrArpayati yAvachcha pAshe kaNThaM vitatya sA | tAvattatrochchachAraivaM bhAratI gaganA~NgaNAt || 6\.13\.43|| mA kR^ithAH sAhasaM putri bAlAyAH api te.amunA | sattvautkarSheNa tuShTAsmi pAshametaM parityaja || 6\.13\.44|| saMshleShaya shiraH svaM svaM bhartR^ibhrAtR^ikabandhayoH | uttiShThatAM te jIvantavetau dvavapi matvarAt || 6\.13\.45|| etachChrutvaiva santyajya pAshaM harShAt upetya sA | avibhAvyAtirabhasAt bhrAntA madanasundarI || 6\.13\.46|| bAlA bhartR^ishiro bhrAtR^idehena samayojayat | bhartR^idehena cha bhrAtR^ishiro vidhiniyogataH || 6\.13\.47|| tato.akShatA~Ngau jIvantAvubhAvuttasthatuH cha tau | shiraHvinimayAt jAtasa~Nkarau kAyayoH mithaH || 6\.13\.48|| athAnyonyauditasvasvayathAvR^ittAntatoShiNaH | praNamya devIM sharvanIM yathA\-iShTaM te yayuH trayaH || 6\.13\.49|| yAntI cha dR^iShTvA svakR^itaM shiraHvinimayaM tayoH | vignA kimkAryatAmUDhA sAbhUnmadanasundarI || 6\.13\.50|| tat brUhi rAjanko bhartA tasyAH sa~NkIrNayostayoH | purvauktaH syAtsaH shApaste jAnAno na bravIShi chet || 6\.13\.51|| ityAkarNya kathAprashnaM rAjA vetAlatastataH | sastrivikramaseno.atra tamevaM pratyabhAShata || 6\.13\.52|| yatsaMsthaM tatpatishiraH saH eShastasyAH patiH tayoH | pradhAnaM cha shiro.a~NgeShu pratyabhij~nA cha tatgatA || 6\.13\.53|| ityuktavato nR^ipateH tasyAMsAtpuno.atarkitaH sa yayau | vetAlaH sashcha rAjA jagAma bhuyastamAnetum || 6\.13\.54|| \medskip\hrule\medskip tataH gatvA punaH prApya vetAlaM shiMshapAtaroH | sastrivikramasenastaM skandhe jagrAha bhUpatiH || 7\.14\.1|| gR^ihItvA prasthitaM taM cha vetAlaH so.abravItpathi | rAjan shramavinodArthaM kathAmAkhyAmi te shR^iNu || 7\.14\.2|| astIha tAmraliptIti purI pUrvAmbudheH taTe | chaNDasenAbhidhAnashcha rAjA tasyAmabhUtpuri || 7\.14\.3|| parA~NmukhaH parastrIShu yo na sa~NgrAmabhUmiShu | hartA cha shatrulakShmINAM na paradravyasampadAm || 7\.14\.4|| tasyaikadA dAkShiNAtyo rAjaputraH janapriyaH | Ayayau sattvashIlAkhyaH siMhadvAre.atra bhUpateH || 7\.14\.5|| tatra chAtmAnamAvedya nairdhanyAttaM nR^ipaM prati | kapaTaM pATayAmAsa rAjaputraiH sahAparaiH || 7\.14\.6|| tataH kArpaTiko bhUtvA bahUnyabdAni tatra saH | tasthau kurvan sadA sevAn naiva prApa phalaM nR^ipAt || 7\.14\.7|| yadi rAjAnvaye janma niHdhanatvaM kimIdR^isham | niHdhanatve.api kiM dhAtrA kR^iteyaM me mahA\-ichChatA || 7\.14\.8|| ayaM hi sevamAnaM mAmevaM kliShTaparichChadam | chiraM kShudhAvasIdantaM rAjA nAdyApi vIkShate || 7\.14\.9|| iti yAvachcha saH dhyAyatyatra kArpaTikastataH | tAvadAkheTakArthaM sa niragAt ekadA nR^ipaH || 7\.14\.10|| tasminkArpaTike dhAvatyagre laguDavAhini | jagAma chAshvapAdAtayutaH so.atha mR^igATavIm || 7\.14\.11|| kR^itAkheTashcha tatrArAnmahAntaM mattasUkaram | anudhAvankShaNAtprApadatidUraM vanAntaram || 7\.14\.12|| tatra parNatR^iNaChannamArge hAritasUkaraH | shrAnto mahAvane so.atha rAjA dikmohamAyayau || 7\.14\.13|| ekaH kArpaTikashchAtha sastaM vAtAshvapR^iShThagam | prAnAnapekSho.anuyayau padAtiH kShuttR^iShArditaH || 7\.14\.14|| taM cha dR^iShTvA tathAbhUtamanvAyAtaM sa bhUpatiH | sasnehamavadat kachchid vetsi mArgaM yathAgatam || 7\.14\.15|| tadAkarNyA~njaliM baddhvA sastaM kArpaTiko.abhyadhAt | vedmi kiM cha kShaNaM tAvat iha vishrAmyatu prabhuH || 7\.14\.16|| dyuvadhUmekhalAmadhyamaNiH eShaH hi samprati | dedIpyate sphuratrashmishikhAjAlo.abjinIpatiH || 7\.14\.17|| etachChrutvA sa rAjA taM sauparodhamabhAShata | tarhi kvApIha pAnIyaM bhavatA prekShyatAmiti || 7\.14\.18|| tathetyAruhya sastatastu~NgaM kArpaTikastarum | nadIM dR^iShTvAvaruhyAtha nR^ipaM tatra ninAya tam || 7\.14\.19|| tat vAhaM cha viparyAnIkR^itaM kR^itavivartanam | dattAmbushaShpakavalaM vidadhe vigatashramam || 7\.14\.20|| kR^itasnAnAya rAj~ne cha pronmuchya vasanA~nchalAt | prakShAlyopAnayattasmai hR^idyAnyAmalakAni saH || 7\.14\.21|| etAni kutaH ityetaM pR^ichChantaM sashcha bhUpatim | evaM vyajij~napat jAnusthitaH sAmalakA~njaliH || 7\.14\.22|| etatvR^ittirahaM nityaM vyatItadashavatsaraH | charAmyArAdhayandevamanekAntamunivratam || 7\.14\.23|| tachChrutvA satyanAmA tvaM sattvashIlaH kimuchyate | ityuktvA saH kR^ipAkrAntaH hrItashchAchintayannR^ipaH || 7\.14\.24|| dhik nR^ipAnkliShTamakliShTaM ye bhR^ityeSha na jAnate | dhik cha taM parivAraM yo na j~nApayati tAn tathA || 7\.14\.25|| iti sa~nchintya jagrAha sa rAjAmalakadvayam | hastAt kArpaTikasyAtha kathamchidanubadhnataH || 7\.14\.26|| bhuktvA cha tannipIyAmbu vishashrAmAtra saH kShaNam | jagdhAmalakasampItajalakArpaTikAnvitaH || 7\.14\.27|| tataH sajjIkR^itaM tena vAhaM kArpaTikena saH | AruhyAgresare tasmin eva mArgapradarshini || 7\.14\.28|| pashchAtbhAgamanArUDhe hayasyAbhyarthite.apyalam | yayau sa rAjA svapUriM pathi prAptAtmasainikaH || 7\.14\.29|| tatra prakhyApya tatbhaktiM vasubhiH viShayaiH cha tam | apUrayat kArpaTikaM na chAmanyata niShkR^itim || 7\.14\.30|| tataH kR^itArthaH pArshve.asya chaNDasiMhasya bhUpateH | muktakArpaTikAchAraH sattvashIlaH sastasthivAn || 7\.14\.31|| ekadA tena rAj~nA cha saH siMhalapateH sutAm | yAchituM siMhaladvIpamAtmArthaM preShito.abhavat || 7\.14\.32|| tatrApdhivartmanA gachChannarchitAbhIShTadevataH | Aruroha pravahaNaM rAjAdiShTaiH saha dvijaiH || 7\.14\.33|| gate tasmin pravahaNe madhyabhAgamasha~Nkitam | uttasthau jaladheH tasmAddhvajaH janitavismayaH || 7\.14\.34|| abhramlihAgraH sumahAn jAmbUnadavinirmitaH | vichitravarNavichalatvaijayantIvirAjitaH || 7\.14\.35|| tatkAlaM chAtra sahasA samunnamya ghanAvalI | bhR^ishaM varShitumArebhe vavau tIvrashcha mArutaH || 7\.14\.36|| taiH varShavAtaiH saH balAdAkR^iShyAdhoranaiH iva | Asajyata dhvajastambhe tasmin pravahaNadvipaH || 7\.14\.37|| tAvachcha saH dhvajastasmin vAridhau vIchiviplute | vahanena samaM tena prAvartata nimajjitum || 7\.14\.38|| tataH dvijAH te tatrasthAH chaNDasiMhaM svabhUpatim | uddishyodghoShayAmAsuH abhrahmaNyaM bhayAkulAH || 7\.14\.39|| tadAkarNyAsahiShNuH cha svAmibhakteH anudhvajam | saH sattvashIlo niHtriMshahastaH baddhauttarIyakaH || 7\.14\.40|| AtmAnamakShipattatra niHapekSho mahA\-udadhau | udadheH kAraNAsha~NkI vIraH pratividhitsayA || 7\.14\.41|| magne cha tasmin vAta\-UrmidUrautkShiptamabhajyata | vahanaM tachcha tatstAH cha nipetuH yAdasAM mukhe || 7\.14\.42|| sashcha magno.ambudhau tatra sattvashIlo nirIkShate | yAvattAvaddadarshAtra purIM divyAM na vAridhim || 7\.14\.43|| tasminmaNimayasthambhaiH bhAsvare hemamandire | satratnabaddhasopAnavApIkaudyAnashobhini || 7\.14\.44|| nAnAmaNishilAbhittiratnachitrauchChritadhvajam | kAtyAyanIdevagR^ihaM merupronnatamaikShata || 7\.14\.45|| tatra praNamya devIM tAM stutyAbhyarchya tatagrataH | indrajAlaM kimetatsyAt ityAshcharyAd upAvishat || 7\.14\.46|| tAvachcha devyagragataprabhAmaNDalakAntarAt | akasmAnniragAt kanyA divyodghATya kavATakam || 7\.14\.47|| indI varAkShI phullApjavadanA kusumasmitA | mR^iNAlanAlamR^idua~NgI ja~Ngameva sarojinI || 7\.14\.48|| strIsahasraparIvArA devIgarbhagR^ihaM cha sA | vivesha sattvashIlasya hR^idayaM cha tataH samam || 7\.14\.49|| niragAt kR^itapUjA cha devIgarbhagR^ihAttataH | na punaH sattvashIlasya hR^idayAtsA kathaM chana || 7\.14\.50|| prAvishatsA cha tatraiva prabhAmaNDalakAntare | sattvashIlo.apyasau tasyAH pashchAttatra praviShTavAn || 7\.14\.51|| pravishya cha dadarshAnto.anyat evottamaM puram | sa~NketaudyAnamiva yatsarvAsAM bhogasampadAm || 7\.14\.52|| tatrAntaHmaNiparya~NkaniShaNNAM tAM vilokya saH | kanyAmupetya tatpArshve sattvashIlarupAvishat || 7\.14\.53|| AsIchcha tatmukhAsaktalochanaH likhito yathA | a~NgaiH sautkampapulakaiH vadannAli~NganautkatAm || 7\.14\.54|| dR^iShTvA cha taM smarAviShTaM cheTInAmatra sA mukham | adrAkShIttAH cha tatkAlami~Ngitaj~nAH tamabruvan || 7\.14\.55|| atithiH tvamiha prAptastadasmatsvAminIkR^itam | bhajasvAtithyamuttiShTha snAhi bhu~Nksva tataH param || 7\.14\.56|| tachChrutvA so.avalambyAshAM khatamapyutthitastataH | yayau pradarshitAM tAbhiH ekAmudyAnavApikAm || 7\.14\.57|| tasyAM nimagnashchottasthau tAmraliptyAM sastatkShaNAt | chaNDasiMhanR^ipaudyAnavApImadhyAtsasambhramaH || 7\.14\.58|| tatra prAptamakasmAchcha vikShyAtmAnamachintayat | aho kimetat kvodyAnamidaM divyaM kva tatpuram || 7\.14\.59|| tatrAmR^itAsArasamaM kva tattasyAH cha darshanam | kva chAnantaramevedaM tatvishleShamahAviSham || 7\.14\.60|| svapnashcha nAyaM suspaShTo vinidro.anubhavaH hi me | dhruvaM pAtAlakanyAbhiH tAbhiH mUDho.asmi va~nchitaH || 7\.14\.61|| iti dhyAyan vinA tAM saH kanyAmunmAdavAn iva | udyAne tatra babhrAma kAmArto vilalApa cha || 7\.14\.62|| tatavasthaM cha taM dR^iShTvA pisha~NgaiH puShpareNubhiH | vAtauddhUtaiH parItA~NgaM viprayogAnalaiH iva || 7\.14\.63|| udyAnapAlAH gatvaiva chaNDasiMhamahIbhR^itam | vyajij~napan sashchodbhrAntaH svayametya dadarsha tam || 7\.14\.64|| sAntvayitvA cha paprachCha kimidaM brUhi naH sakhe | kva prasthitastvaM kva prAptaH kvAstaH kva patitaH sharaH || 7\.14\.65|| tachChrutvA saH svavR^ittAntaM tasmai sarva shashaMsa tam | sattvashIlo nR^ipataye so.apyathaivamachintayat || 7\.14\.66|| hanta vIro.api matpuNyaiH kAmenaiSho viDambitaH | AnR^iNyaM gantumetasya labdhaH hyavasaro mayA || 7\.14\.67|| ityantashchintayitvA sa vIro rAjA jagAda tam | tahri mu~ncha mudhA shokamahaM tvAM prApayAmi tAm || 7\.14\.68|| nItvA tenaiva mArgeNa priyAmasurakanyakAm | iti chAshvAsayAmAsa taM saH snAnAdinA nR^ipaH || 7\.14\.69|| anyedyuH mantrivinyastarAjyastena samaM cha saH | prAyAtpravahaNArUDhastatdarshitapatho.ambudhim || 7\.14\.70|| prApya tatmadhyabhAgaM cha dR^iShTvA taM prAgvat utthitam | sapatAkaM dhvajaM sattvashIlastaM nR^ipamabhyadhAt || 7\.14\.71|| so.ayamabhyutthitaH divyaprabhAvo.atra mahAdhvajaH | mayi magne.atra ma~NktavyaM devenaitamanu dhvajam || 7\.14\.72|| ityuktvA nikaTaM prApya dhvajasyAsya nimajjataH | mArge saH sattvashIlo.asau pUrvamAtmAnamakShipat || 7\.14\.73|| tato rAjApi chikShepa tatrAtmAnaM tathaiva saH | anto magnau cha tau kShipraM taddivyaM prApatuH puram || 7\.14\.74|| tatra dR^iShTvA saH sAshcharyo rAjA devIM praNamya tAm | pArvatIM sattvashIlena sahitaH samupAvishat || 7\.14\.75|| tAvachcha niragAttatra sA sakhIjanasa~NgatA | rUpinIva prabhA kanyA prabhAmaNDalakAttataH || 7\.14\.76|| iyaM sA sumukhItyukte sattvashIlena tAM nR^ipaH | dR^iShTvA yuktamabhiShva~NgaM tasya tasyAmamanyata || 7\.14\.77|| sApi taM vIkShya rAjAnaM shubhashArIralakShaNam | puruShAtishayo.apUrvaH ko.ayaM syAt ityachintayat || 7\.14\.78|| vivesha chAmbikAdhAma pUjAyai sA nR^ipo.api saH | jagAmodyAnamAdAya sattvashIlamavaj~nayA || 7\.14\.79|| kShaNAchcha kR^itapUjA sA niragAddaityakanyakA | yAchitvA satpatiprAptiM devyAH garbhagR^ihAntarAt || 7\.14\.80|| nirgatya sA jagAdaikAM sakhIM sakhi gaveShyatAm | yo.asaviha mayA dR^iShTo mahAtmA kva sastiShThati || 7\.14\.81|| AtithyaM gR^ihyatAmetya prasAdaH kriyatAM tvayA | iti chaiSho.arthyatAM pUjyaH pumAnko.apyuttamaH hyasau || 7\.14\.82|| evaM sakhI tayoktA sA vichityodyAnavartine | svasvAminInideshaM taM prahvA tasmai nyavedayat || 7\.14\.83|| tachChrutvA sa nR^ipo vIraH sAvahelamuvAcha tAm | eShaivAtithyamasmAkamanyat kimupayujyate || 7\.14\.84|| etachChrutvA tayA gatvA sakhyA sA shrAvitA tadA | mene mAnyamudAraM taM sarvathA daityakanyakA || 7\.14\.85|| tatashchAkR^iShyamAneva dhairyapAshena tena sA | nR^ipeNa mAnuShAyogye.apyAtithye niHspR^ihAtmanA || 7\.14\.86|| patyarthaM pArvatIsevAparipAkasamarpitam | matvA tatsvayamudyAnaM viveshAsuraputrikA || 7\.14\.87|| vichitrashakunAlApaiH vAtA~nchitalatAbhujaiH | vikIrNakusumaiH ArAnnandyamAneva pAdapaiH || 7\.14\.88|| upagamya cha sA tatra yathAvatprashrayAnatA | AtithyagrahaNArthaM taM prArthayAmAsa pArthivam || 7\.14\.89|| tataH saH sattvashIlaM tamuddishyovAcha tAM nR^ipaH | anena kathitAM devImihAhaM draShTumAgataH || 7\.14\.90|| gaurIM dhvajapathaprApyaparamAdbhutaketanAm | sA dR^iShTA tadanu tvaM cha kAnyAtithyArthitAtra naH || 7\.14\.91|| tachChrutvA sAbravIt kanyA kautukAttarhi vIkShitum | AgamyatAM dvitIyaM me puraM trijagatadbhutAm || 7\.14\.92|| evamuktavatIM tAM cha sa vihasya nR^ipo.abravIt | tadapyanenaivoktaM me yatra sA snAnavApikA || 7\.14\.93|| tataH sA kanyakAvAdIddeva mA smaivamAdisha | na viDambanashIlAhaM kA vA pUjye viDambanA || 7\.14\.94|| ahaM hi sattvautkarSheNa yuShmAkaM kimkarIkR^itA | tanmama prArthanAbha~NgaM naivaivaM kartumarhatha || 7\.14\.95|| etachChrutvA tathetyuktvA sattvashIlasakhaH sastat | prabhAmaNDalakaupAntaM yayau rAjA tayA saha || 7\.14\.96|| apAvR^itakavATe cha tasminnantastathaiva saH | praveshitaH dadarshAsyAH taddivyamaparaM puram || 7\.14\.97|| nitya sannaddhasarvaR^itu sadApuShpaphaladrumam | merupR^iShThamivAsheShaM nirmitaM ratnakA~nchanaiH || 7\.14\.98|| ratnAsane mahArhe taM rAjAnamupaveshya sA | yathA\-uchitopanItArghyA daityarAjasutAbravIt || 7\.14\.99|| kanyAhamasurendrasya kAlanemeH mahAtmanaH | chakrAyudhena cha sa me svaHgatiM prApitaH pitA || 7\.14\.100|| vishvakarmakR^itaM chedaM paitR^ikaM me puradvayam | na jarAtra na mR^ityuH cha bAdhate sarvakAmade || 7\.14\.101|| idAnIM cha pitA tvaM me sapurAhaM vashe tava | ityarpitAtmasarvasvAM tAmuvAcha sa bhUpatiH || 7\.14\.102|| yadyevaM tatsute hyasmai mayA dattAsyanindite | sattvashIlAya vIrAya suhR^ide bAndhavAya cha || 7\.14\.103|| evaM devIprasAdena mUrteneva nR^ipeNa sA | uktA guNaj~nA vinatA tattathetyanvamanyata || 7\.14\.104|| tataH kR^itArthaM taM tasyAH kR^itapANigrahaM nR^ipaH | dattAsurapurAishvaryaM sattvashIlamuvAcha saH || 7\.14\.105|| buktayoH AmalakayostayoH ekaM mayA tava | saMshodhitamasaMshuddhAd R^iNI te.ahaM dvitIyataH || 7\.14\.106|| iti praNatamuktvA taM daityaputrIM jagAda tAm | mArgo me darshyatAM yena svapurIM prApnuyAmiti || 7\.14\.107|| tato.aparAjitaM nAma khaDgaM bhakShyaM phalaM cha sA | ekaM jarAmR^ityuharaM tasmai daityasutA dadau || 7\.14\.108|| tAbhyAM yuktastayoktAyAM vApyaM magnaH svadeshataH | utthAya sarvasaMsiddhakAmo.abhUtsaH kramAnnR^ipaH || 7\.14\.109|| sattvashIlo.api daityastrIpurarAjyaM shashAsa saH | tat brUhi ko.apdhipatane dvayoH sattvAdhiko.anayoH || 7\.14\.110|| iti shrutvA tathA prashnaM vetAlAchChapabhItitaH | sastrivikramasenastaM bhUpatiH pratyabhAShata || 7\.14\.111|| etayoH sattvashIlo.atra sa me sattvAdhiko mataH | saH hyavij~nAtatattvArtho nirAsthaH patito.ambudhau || 7\.14\.112|| rAjA tu tattvaM vij~nAya viveshAmbhaHdhimAsthayA | daityakanyAM cha nAva~nChadasAdhyA spR^ihayeti saH || 7\.14\.113|| iti tasyAkarNya vacho nirastamaunasya bhUpateH skandhAt | saH jagAma pUrvavattaM vetAlaH shiMshapAtaruM svapadam || 7\.14\.114|| rAjApi tathaiva sastaM puno.apyAnetumanujagAma javAt | prArabdhe hyasamApte kArye shithilIbhavanti kiM sudhiyaH || 7\.14\.115|| \medskip\hrule\medskip gatvA tAM shiMshapAM bhUyo vetAlaM prApya bhUmipaH | taM trivikramaseno.atra skandhe kR^itvochchachAla saH || 8\.15\.1|| prayAntaM saH punastaM cha vetAlaH skandhato.abravIt | shramavismR^itaye rAjanmattaH prashnamimaM shR^iNu || 8\.15\.2|| a~Ngadeshe.agrahAro.asti mahAn vR^ikShaghaTAbhidhaH | viShNusvAmIti tatrAsIddvijo yajvA mahAdhanaH || 8\.15\.3|| tasya cha svAnurUpAyAM patnyAM jAtAH kramAttrayaH | babhUvuH taruNAH putrAH divyavaidagdhyashAlinaH || 8\.15\.4|| te pitrA preShitAH tena kUrmahetoH kadAchana | prArabdhayaj~nena yayuH te trayo bhrAtaro.ambudhim || 8\.15\.5|| prApya kUrmaM tataH jyAyAnkaniShThau tavabhAShata | gR^ihNAtu yuvayoH ekaH kUrmaM kratukR^ite pituH || 8\.15\.6|| ahametaM na shaknomi grahItuM visrapichChalam | ityuktavantaM taM jyeShThaM kaniShThau tavavochatAm || 8\.15\.7|| tavAtra vichikitsA chennAvayorapi sA katham | tachChrutvA so.abravIt jyeShThaH gR^ihNItaM gachChataM yuvAm || 8\.15\.8|| pituH yaj~nakriyAlopo bhavet yuShmatkR^ito.anyathA | tato narakapAtaH syAt yuvayostasya cha dhruvam || 8\.15\.9|| ityuktavanujau tena tau vihasya tamUchatuH | dharmaM vetsyAvayoH eva samAnamapi nAtmanaH || 8\.15\.10|| tataH jyeShTho.abravIt kiM me jAnItho naiva cha~NgatAm | ahaM bhojanacha~Ngo.asmi nArhaH spraShTuM jugupsitam || 8\.15\.11|| etattasya vachaH shrutvA bhrAtaraM madhyamo.abravIt | ahaM tarhyadhikashcha~Ngo nArIcha~Ngo vichakShaNaH || 8\.15\.12|| madhyamenaivamukte tu jyAyAn punaruvAcha saH | kUrmaM gR^ihNAtu tarhyeShaH kanIyAnnAvayoH iti || 8\.15\.13|| tataH sa bhrukuTiM kR^itvA kanIyAnnapyuvAcha tau | he mUrkhau tUlikAcha~Ngashcha~Ngo.ahaM hi visheShataH || 8\.15\.14|| evaM te kalahAsaktAH trayo.api bhrAtaro mithaH | nirNayAyAbhimAnaikagrastAH kUrmaM vihAya tam || 8\.15\.15|| rAj~naH prasenajitnAmnastatpradeshabhuvo.antikam | nagaraM sahasA jagmuH viTa~NkapuranAmakam || 8\.15\.16|| tatra pratIhAramukhenAvedyAntaH pravishya cha | nR^ipaM vij~nApayAmAsuH svavR^ittAntaM tathaiva te || 8\.15\.17|| tiShThatehaiva yAvat vaH parIkShiShye kramAdaham | ityuktastena rAj~nA cha tasthuH tatra tatheti te || 8\.15\.18|| svAhArakAle chAnAyya tebhyaH so.agrAsanaM nR^ipaH | rAjArhaM dApayAmAsa ShaDrasaM svAdubhojanam || 8\.15\.19|| bhu~njAneShu cha sarveShu tadaikaH bubhuje na saH | vipro bhojanacha~Ngo.atra jugupsAkUNitAnanaH || 8\.15\.20|| kathaM na bhojanaM bhu~Nkte brahman svAdu sugandhyapi | iti raj~nA svayaM pR^iShTaH shanaiH vipraH jagAda saH || 8\.15\.21|| shavadhUmaduHAmodaH shAlibhakte.atra vidyate | tena nAhamidaM bhoktumutsahe svAdvapi prabho || 8\.15\.22|| ityukte tena sarve.api tatrAghrAya nR^ipAj~nayA | UchuH kalamashAlyannamadoShaM tatsugandhi cha || 8\.15\.23|| sastu bhojanacha~NgastannAshnAtpihitanAsikaH | tataH sa rAjA sa~nchintya yAvadanviShyati kramAt || 8\.15\.24|| tAvanniyogijanatastadannaM bubudhe tathA | grAmashmashAnanikaTakShetrasambhavashAlijam || 8\.15\.25|| tato.ativismitastuShTaH sa rAjA tamabhAShata | satyaM bhojanacha~NgastvaM tadanyadbhujyatAmiti || 8\.15\.26|| kR^itAhArashcha sa nR^ipo viprAn vAsagR^iheShu tAn | visR^ijyAnAyayAmAsa svamekAM gaNikA\-uttamAm || 8\.15\.27|| tAM cha tasmai dvitIyasmai prAhiNot kR^itamaNDanAm | viprAya nAricha~NgAya sAyaM sarvA~NgasundarIm || 8\.15\.28|| sA cha vAsagR^ihaM tasya rAjabhR^ityAnvitA yayau | rAkAnisheva purNaindumukhI kamdarpadIpinI || 8\.15\.29|| praviShTAyAM cha tasyAM saH prabhAbhAsitaveshmani | utpannamUrchChaH saMruddhanAsAgro vAmapANinA || 8\.15\.30|| nArIcha~Ngo.abravIt rAjabhR^ityAn niShkAsyatAmiti | na chenmR^ito.ahaM niryAti gandho.asyAH ChAgalo yataH || 8\.15\.31|| ityuktAH tena ninyuH te vignAM tAM rAjapUruShAH | rAj~no.antikaM vAravadhUM vR^ittAntaM jagaduH cha tam || 8\.15\.32|| rAjApyAnAyya tatkAlaM nArIcha~NgamuvAcha tam | yeyaM shrIkhaNDakarpUrakAlAgurumadauttamaiH || 8\.15\.33|| kR^itaprasAdhanA dikShu prasaratchArusaurabhA | tasyAH vAravilAsinyA gandhaH syAt ChAgalaH kutaH || 8\.15\.34|| ityukto.api sa rAj~nA tannArIcha~NgastadA na yat | pratipede tadA rAjA vichArapatito.abhavat || 8\.15\.35|| pR^ichChan cha yuktyA bubudhe tAmajakShIravardhitAm | tatmukhAt eva bAlatve mAtR^idhAtrIviyogataH || 8\.15\.36|| tato.ativismitastasya nArIcha~Ngasya cha~NgatAm | prashaMsan nR^ipatiH tasmai tR^itIyAya dvijanmane || 8\.15\.37|| tatrasAttUlikAcha~NgAyAshu shayyAmadApayat | parya~Nkaupari vinyastasaptasa~NkhyAkatUlikAm || 8\.15\.38|| tasyAM cha tUlikAcha~Ngo mahArhe vAsavesmani | suShvApa dhautasushlakShNapaTaprachChadavAsasi || 8\.15\.39|| yAmArdhe eva cha gate sa rAtrau shayanAttataH | uttasthau pANyavaShTabdhapArshvaH krandan vyathArditaH || 8\.15\.40|| dadR^ishe tasya pArshve cha tatra tyaiH rAjapUruShaiH | gADhalagnasya bAlasya mudreva kuTilAruNA || 8\.15\.41|| gatvA cha taiH tadAkhyAtaM rAj~ne rAjApyuvAcha tAn | tUlikAnAM tale kimchinmA syAttat vIkShyatAmiti || 8\.15\.42|| gatvekShante cha te yAvat ekaikaM tUlikAtalam | tAvatsarvatalAd ApurvAlaM parya~NkapR^iShTataH || 8\.15\.43|| nItvA chAdarshayan rAj~ne so.apyAnItasya vIkShya tat | tatrUpaM tUlikAcha~NgasyA~NgaM rAjA visismiye || 8\.15\.44|| saptabhyastUlikAbhyo.asya vAlaH lagnastanau khatam | iti chitrIyamANastAM rAjA rAtriM ninAya saH || 8\.15\.45|| prAtashchAdbhutavaidagdhyasaukumAryAH amIti | tebhyastribhyo.api cha~NgebhyaH hemalakShatrayaM dadau || 8\.15\.46|| tataste sukhitAH tatra tasthuH vismR^itakachChapAH | pituH vighnitayaj~nArthaphalaupArjitapAtakAH || 8\.15\.47|| ityAkhyAya kathAdbhutamaMsaniShaNNaH punaH sa vetAlaH | paprachCha taM trivikramasenaM pR^ithvIpatiM prashnam || 8\.15\.48|| rAjan vichintya shApaM pUrvoktaM brUhi me tvameteShAm | bhojananArIshayyAcha~NgAnAM ko.adhikashcha~NgaH || 8\.15\.49|| tachChrutvaiva saH dhImAn vetAlaM pratyuvAcha taM nR^ipatiH | ahameShAM niHkaitavamadhikaM jAnAmi tUlikAcha~Ngam || 8\.15\.50|| yasyA~Nge pratyakShaM vAlapratibimbamudgataM dR^iShTam | itarAbhyAM hi bhavettatpUrvaM jAtvanyato.avagatam || 8\.15\.51|| iti tasyoktavato.aMsAt vetAlo bhUpateH yayau prAgvat | so.api tathaiva cha rAjA tamanvayAsIdanirviNNaH || 8\.15\.52|| \medskip\hrule\medskip tataH gatvA punastasmAchChiMshapApAdapAnnR^ipaH | sastrivikramasenastaM skandhe vetAlamagrahIt || 9\.16\.1|| prasthitashcha tatastena vetAlenAbhyadhAyi saH | rAjankva rAjyaM kvaitasmin shmashAne bhramaNaM nishi || 9\.16\.2|| kimetannekShase bhUtasa~NkulaM rAtribhIShaNam | chitAdhUmaiH iva dhvAntaiH niruddhaM pitR^ikAnanam || 9\.16\.3|| kaShTaM kIdR^ik graho.ayaM te bhikShostasyAnurodhataH | tat idaM shR^iNu tAvanme prashnaM mArgavinodanam || 9\.16\.4|| avantiShvasti nagarI yugAdau devanirmitA | shaivI tanuH ivoddAmabhogibhUtivibhUShitA || 9\.16\.5|| padmAvatI bhogavatI yA hiraNyavatIti cha | kR^itAdiShu triShu khyAtA kalAvujjayinIti cha || 9\.16\.6|| tasyAM cha vIradevAkhyo rAjAbhUt bhUbhR^itAM varaH | tasya padmaratiH nAma mahAdevI babhUva cha || 9\.16\.7|| so.atha rAjA tayA sAkaM gatvA mandAkinItaTe | haramArAdhayAmAsa tapasA putrakAmyayA || 9\.16\.8|| chiraM tapaHsthitashchAtra parituShTa\-IshvarauditAm | kR^itasnAnArchanavidhiH shushrAvemAM giraM divaH || 9\.16\.9|| rAjannutpatsyate putraH shUrastava kulaudbhavaH | KanyA chAnanyasAmAnyalAvaNyanyakkR^itApsarAH || 9\.16\.10|| shrutvaitAM nAbhasIM vANIM siddhAbhIShTaH sa bhUpatiH | vIradevaH svanagarImAyayau mahiShIsakhaH || 9\.16\.11|| tatrAsya shUradevAkhye jAte prathamamAtmaje | tasyAM padmaratau devyAM kramAdajani kanyakA || 9\.16\.12|| ana~NgasyApi rUpeNa ratimutpAdayet iyam | ityana~NgaratiH nAmnA pitrA tena vyadhAyi sA || 9\.16\.13|| vR^iddhiM gatAyAH tasyAH cha saH pitA sadR^ishaM varam | prepsuH AnAyayatpR^ithvyAM paTeShu likhithAn nR^ipAn || 9\.16\.14|| teShveko.api na yattasya tattulyaH pratyabhAsata | tena rAjA sa vAtsalyAttAM sutAM pratyabhAShata || 9\.16\.15|| ahaM tAvanna pashyAmi sadR^ishaM putri te varam | tat kuruShva nR^ipAn sarvAnmelayitvA svayamvaram || 9\.16\.16|| etatpitR^ivachaH shrutvA rAjaputrI jagAda sA | tAta svayamvaraM kartuM hrepaNAnnAhamutsahe || 9\.16\.17|| kiM tvekaM vetti yo.apUrvaM vij~nAnaM svAkR^itiH yuvA | tasmai tvayAhaM dAtavyA nArtho.anyenAdhikena me || 9\.16\.18|| ityana~NgarateH tasyAH shrutvA svaduhituH vachaH | tAdR^ishaM tatvaraM yAvadanviShyati sa bhUpatiH || 9\.16\.19|| tAvattatlokataH buddhvA chatvArastamupAyayuH | vIrAH vij~nAnino bhavyAH puruShAH dakShiNApathAt || 9\.16\.20|| te rAj~nA pUjitAH tasmai svaM svaM vij~nAnamekashaH | shashaMsuH sannidhau tasyAH rAjaputryAH tatarthinaH || 9\.16\.21|| ekaH jagAda shUdro.ahamAkhyayA pa~nchapaTTikaH | pa~nchAgryavastrayugmAni karomyeko.ahamanvaham || 9\.16\.22|| tebhyaH ekaM prayachChAmi devAyaikaM dvijanmane | ekaM cha parigR^ihNAmi vAsasoH AtmanaH kR^ite || 9\.16\.23|| ekaM dadAmi bhAryAyai yadi sA bhavatIha me | ekaM vikrIya chAhArapAnAdi vidadhAmyaham || 9\.16\.24|| evaM vij~nanine.ana~NgaratiH me dIyatAmiti | ityekenodite tena dvitIyaH puruSho.abravIt || 9\.16\.25|| bhAShAj~no nAma vaishyo.ahaM sarveShAM mR^igapakShiNAm | rutaM vedmi tat eShA me rAjaputrI pradIyatAm || 9\.16\.26|| evamukte dvitIyena tR^itIyaH proktavAn tataH | ahaM khaDgadharo nAma doHshAlI kShatriyo nR^ipa || 9\.16\.27|| na khaDgavidyAvij~nAne pratimallo.asti me kShitau | tat eShA tanayA rAjan tvayA mahyaM vitIryatAm || 9\.16\.28|| ityukte tu tR^itIyena chaturthaH idamabhyadhAt | vipro.ahaM jIvadattAkhyo vij~nAnaM cha mamedR^isham || 9\.16\.29|| jantUM mR^itAnnapyAnIya darshayAmyAshu jIvataH | tatvIracharyAsiddhaM mAM patimeShA prapadyatAm || 9\.16\.30|| evaM vaktqn sastAn pashyandivyaveShAkR^itIn nR^ipaH | vIradevaH sutAyuktaH dolArUDhaH ivAbhavat || 9\.16\.31|| ityAkhyAya kathAmetAM vetAlaH pR^iShTavAn nR^ipam | sastrivikramasenaM taM dattapUrvauktashApabhIH || 9\.16\.32|| tat bhavAn vaktu tAvanme kasmai deyA vishAmpate | teShAM chaturNAM madhyAtsA kanyAna~NgaratiH bhavet || 9\.16\.33|| etachChrutvA sa rAjA taM vetAlaM pratyabhAShata | maunaM tyAjayati prAyaH kAlakShepAya mAM bhavAn || 9\.16\.34|| anyathA gahanaH ko.ayaM prashno yoga\-IshvarochyatAm | shUdrAya hi kuvindAya kShatriyA dIyate katham || 9\.16\.35|| vaishyAyApi kathaM deyA kShatriyA yachcha tat gatam | mR^igAdibhAShAvij~nAnaM kArye tat kvopayujyate || 9\.16\.36|| yo.api viprastR^itIyo.atra tenApi patitena kim | svakarmaprachyutenendrajAlinA vIramAninA || 9\.16\.37|| tasmAttasmai kShatriyAya chaturthAya samAya sA | deyA khaDgadharAyaiva svavidyAvIryashAline || 9\.16\.38|| etattasya vacho nishamya nR^ipateH aMsasthalAtpUrvavat vetAlaH saH jagAma yogabalataH svasthAnamevAshu tat | bhUpAlo.api sastaM tathaiva puno.apyAnetumanvak yayau utsAhaikaghane hi vIrahR^idaye nApnoti khedo.antaram || 9\.16\.39|| \medskip\hrule\medskip sastrivikramaseno.atha gatvA taM shiMshapAtaroH | rAjA jagrAha vetAlaM puno.aMse chachAla cha || 10\.17\.1|| prayAntaM cha tamAha sma vetAlaH so.aMsapR^iShThagaH | shrAnto.asi rAjan tat imAM shR^iNu shramaharAM kathAm || 10\.17\.2|| abhUtsakalabhUpAlamastakanyastashAsanaH | vIrabAhuH iti khyAto nAmnA pArthivasattamaH || 10\.17\.3|| tasyAna~NgapuraM nAma babhUva nagarauttamam | tatrAsIdarthadattAkhyaH sArthavAho mahAdhanaH || 10\.17\.4|| tasyAsIddhanadattAkhyajyeShThaputrakanIyasI | sutA madanaseneti kanyAratnaM vaNikpateH || 10\.17\.5|| tAmekadA nijaudyAne krIDantIM sasakhIjanAm | dadarsha dharmadattAkhyo bhrAtR^imitraM vaNiksutaH || 10\.17\.6|| sastAmAlokya lAvaNyarasaniHbharaniHjharAm | AlakShya kuchakumbhAgrAM valitrayatara~NgitAm || 10\.17\.7|| yauvanadviradasyeva krIDAmajjanavApikAm | sadyo.abhUtsmarabANaoghasantApahR^itachetanaH || 10\.17\.8|| aho dhArAdhirUDhena rUpeNa dyotitAmunA | iyaM me mAnasaM bhettuM bhallI mAreNa nirmitA || 10\.17\.9|| ityAdi yAvaddhyAyan sa nirvarNayati tAM chiram | tAvattasyAtichakrAma chakrAhvasyeva vAsaraH || 10\.17\.10|| tato madanasenA sA vivesha svagR^ihAntaram | chittaM cha dharmadattasya tatanAlokanavyathA || 10\.17\.11|| tatadarshanaduHkhAgnisantApeneva cha jvalan | lohito nipapAtAshu bhAsvAnnapyaparAmbudhau || 10\.17\.12|| tAM vij~nAyaiva sumukhIM naktamabhyantare gatAm | udiyAya shanaiH chandrastatmukhAbjavinirjitaH || 10\.17\.13|| tAvat gatvA gR^ihaM tAM saH dharmadatto.anuchintayan | tasthau nipatya shayane chandrapAdAhataH luThan || 10\.17\.14|| yatnena pR^ichChyamAno.api sakhibhiH bandhubhiH tathA | na kimchit kathayAmAsa smaragrahavimohitaH || 10\.17\.15|| nishi kR^ichChrAchcha samprAptanidraH svapne tathaiva tAm | pashyannanunayankAntAM kiM kiM chakre na sotsukaH || 10\.17\.16|| prAtaH prabuddhaH gatvA cha dadarshaikAkinIM rahaH | sakhIM pratIkShamAnAM tAM tatrodyAnasthitAM punaH || 10\.17\.17|| upetya cha pariShva~NgalAlasaH premapeshalaiH | tAmupachChandayAmAsa vachobhiH charaNAnataH || 10\.17\.18|| kanyAhaM paradArAH cha na tavAsmIha sampratam | pitrA samudradattAya dattAhaM vaNije yataH || 10\.17\.19|| dinaiH katipayaiH eva vivAho bhavitA cha me | tat gachCha tUShNIM mA kashchitpashyeddoSho bhavettataH || 10\.17\.20|| ityuktaH sastayAtyarthaM dharmadattaH jagAda tAm | yadastu me na jIveyaM vinA hi bhavatImaham || 10\.17\.21|| tachChrutvA sA vANikkanyA balAtkArabhayAkulA | tamuvAcha vivAho me tAvatsampadyatAmiha || 10\.17\.22|| kanyAdAnaphalaM tAtaH prApnotu chirakA~NkShitam | tato.ahaM tvAmupaiShyAmi niHchitaM praNayArjitA || 10\.17\.23|| shrutvaitatso.abravInneShTA hyanyapUrvA mama priyA | parabhukte hi kamale kimaleH jAyate ratiH || 10\.17\.24|| ityuktA tena sAvAdIt kR^itaudvAhaiva tarhyaham | pUrvaM tvAmupayAsyAmi tato.abhyeShyAmi taM patim || 10\.17\.25|| evamuktavatIM tasmin nojjhati pratyayaM vinA | vaNikputre sashapathaM satyavAchaM babandha sA || 10\.17\.26|| tatastenojjhatA vignA sA vivesha svamandiram | prApte cha lagnadivase nirvR^ittaudvAhama~NgalA || 10\.17\.27|| gatvA patigR^ihaM nItvA sotsavena cha tatdinam | sA patyA samamadhyAsta shayanIyagR^ihaM nishi || 10\.17\.28|| tatra shayyAniShaNNApi na tasya pratyapadyata | patyuH samudradattasya pariShva~NgamasammukhI || 10\.17\.29|| tenAnunIyamAnApi yat udashruH babhUva sA | tatso nAbhimato.asmyasyAH nUnamityakarot hR^idi || 10\.17\.30|| jagAda chAnabhimato yadyahaM tava sundari | tanme nArthastvayA gachCha yaH priyastava taM prati || 10\.17\.31|| tachChrutvA sA natamukhI shanaiH evamuvAcha tam | tvaM me prANAdhikaH preyAn vij~naptiM kiM tu me shR^iNu || 10\.17\.32|| anutiShTha saharShaM cha prayachCha cha mamAbhayam | kuruShva shapathaM yAvadAryaputra vadAmi te || 10\.17\.33|| evamuktavatI kR^ichChrAttathA tena kR^ite punaH | salajjaM saviShAdaM cha sabhayaM cha jagAda sA || 10\.17\.34|| ekAkinIM gR^ihaudyAne dR^iShTvA mAmekadA yuvA | aruNaddharmadattAkhyaH sakhA bhrAtuH smarAturaH || 10\.17\.35|| rakShantyA saparIvAdaM kanyAdAnaphalaM pituH | mayA haThapravR^ittasya tasya vAksaMyamaH kR^itaH || 10\.17\.36|| pUrvaM kR^itavivAhA tvAmupaiShyAmi tataH priyam | tanme satyavachaH pAlyamanumanyasva tatprabho || 10\.17\.37|| yAvattannikaTaM gatvA kShaNenopaimi te.antikam | na hi shaknomyatikrAntuM satyamAbAlya sevitam || 10\.17\.38|| iti tasyAH vachaHvajrapAtena sahasA hataH | samudradattaH satyena baddhaH kShaNamachintayat || 10\.17\.39|| aho dhik anyarakteyaM gantavyaM dhruvametayA | tatsatyaM hanmi kiM yAtu ko.asyAH pariNayagrahaH || 10\.17\.40|| ityAlochyAnumene tAM yathA\-iShTagamanAya saH | sApyutthAya tatastasmAnniryayau pativeshmanaH || 10\.17\.41|| tAvadatrodayAdrIndraharmyAgraM himadIdhitiH | Aruroha karAkrAntahasatpUrvadika~NganaH || 10\.17\.42|| tatastamaHsvapyAshliShya sthiteShvadridarI priyAH | sevamAneShu bhR^i~NgeShvapyaparaM kumudAkaram || 10\.17\.43|| yAntI madanasenA sA mArge dR^iShTvaikakA nishi | chaureNAdhAvya kenApi rurudhe vasanA~nchale || 10\.17\.44|| kA tvaM brUhi kva yAsIti tenoktA bibhyatI cha sA | uvAcha kiM tavAnena mu~ncha kAryamihAsti me || 10\.17\.45|| tatashchauro.abravInmattashchaurAttvaM muchyase katham | tachChrutvA sAvadattaM cha gR^ihANAbharaNAni me || 10\.17\.46|| atha chauro.abhyadhAnmugdhe kimebhiH upalaiH mama | chandrakAntAnanAM tArkShyaratnAsitashiraHruhAm || 10\.17\.47|| vajramadhyAM suvarNA~NgIM padmarAgA~NghrihAriNIm | jagatAbharaNaM naiva mokShyAmi bhavatImaham || 10\.17\.48|| ityuktA tena chaureNa vivashA sA vaNiksutA | AkhyAya nijavR^ittAntamevaM prArthayate sma tam || 10\.17\.49|| kShamasva me kShaNaM yAvat kR^itvA satyAnupAlanam | ihasthasyaiva te pArshvamAgamiShyAmi satvaram || 10\.17\.50|| nAhamulla~NghayiShyAmi bhadra satyAmimAM giram | shrutvaitatsatyasandhAM tAM matvA chauro mumocha saH || 10\.17\.51|| tasthau pratIkShamAnashcha tatraiva sastatAgamam | sApi tasyAntikaM dharmadattasya vaNijo yayau || 10\.17\.52|| sashchAbhIShTAmapi prAptAM tathA tAM vijane sthitAm | dR^iShTvA pR^iShTvA yathAvR^ittaM vichintya kShaNamabravIt || 10\.17\.53|| satyena tava tuShTo.asmi kiM tvayA me parastriyA | yAvattvAM nekShate kashchittAvat gachCha yathAgatam || 10\.17\.54|| iti tena parityaktA sA tathetyAyayau tataH | chaurasya nikaTaM tasya pratipAlayataH pathi || 10\.17\.55|| brUhi kaste.atra vR^ittAntaH gatAyAH iti pR^ichChate | tasmai sA tena vaNijA yathA muktA tathAbravIt || 10\.17\.56|| tataH sashchauro.avAdIttAM yadyevaM tanmayApyasi | vimuktA satyatuShTena gR^ihaM sAbharaNA vraja || 10\.17\.57|| evaM tenApi sA tyaktA rakShitA chAnuyAyinA | aluptashIlA muditA patyuH evAyayau gR^iham || 10\.17\.58|| tatra guptaM praviShTA sA prahR^iShTopAgatA satI | dR^iShTvA pR^iShTavate tasmai patye sarvamavarNayat || 10\.17\.59|| so.apyaluptamukhaChAyAM tAmasambhogalakShaNAm | sambhAvyAbhagnachAritrAM satyalAbharatAM satIm || 10\.17\.60|| adR^iShTamanasaM bhAryAmabhinandya kulauchitam | tasthau samudradatto.atha tayA saha yathAsukham || 10\.17\.61|| iti tatra kathAmuktvA pitR^ivanabhUmau tadA sa vetAlaH | vadati sma taM trivikramasenaM vasudhAdhipaM bhUyaH || 10\.17\.62|| tat brUhi chauravaNijAmeShAM madhyAnnarendra kastyAgI | jAnan yadi na vadiShyasi vidaliShyati te shiraH shatadhA || 10\.17\.63|| tachChrutvA sa mahIpatiH ujjhitamaunastamAha vetAlam | eShAM chaurastyAgI na puno vaNijAvubhavapi tau || 10\.17\.64|| yaH hi patiH tAmajahAdatyAjyAM tAdR^ishIM vivAhyapi | kulajaH so.anyAsaktAM bhAryAM jAnankathaM vahatu || 10\.17\.65|| yo.apyaparaH sa bhayAttAmatyAkShIt kAlajIrNasaMvegaH | viditArtho bhartAsyAH prAtaH brUyAnnR^ipAyeti || 10\.17\.66|| chaurastu guptachArI nirapekShaH pApakarmakR^itprAptam | strIratnaM yadamu~nchatsAbharaNaM tena sastyAgI || 10\.17\.67|| etachChrutvaivAMsatastasya rAj~no vetAlo.agAtpUrvavatsvaM padaM saH | rAjA bhUyo.apyatra samprAptumetatprAyAt eva akhanDitauddAmadhairyaH || 10\.17\.68|| \medskip\hrule\medskip tataH gatvA punaH prApya shiMshapAto.agrahInnR^ipaH | sastrivikramaseno.aMse vetAlaM taM chachAla cha || 11\.18\.1|| AyAntaM cha tamaMsastho vetAlaH so.abravInnR^ipam | rAjan vichitrAmekAM te varNayAmi kathAM shR^iNu || 11\.18\.2|| ujjayinyAmabhUtpUrvaM nAmnA dharmadhvajo nR^ipaH | tisrastasyAbhavan bhAryAH rAjaputryo.ativallabhAH || 11\.18\.3|| ekA tAsvindulekheti tArAvalyaparA tathA | nAmnA mR^igA~NkavatyanyA niHsAmAnyavapuHguNAH || 11\.18\.4|| tAbhiH sa viharan rAjA rAj~nIbhiH tisR^ibhiH saha | AsA~nchakre kR^itI tatra jitAsheSharipuH sukham || 11\.18\.5|| ekadA tatra samprApte vasantasamayautsave | priyAbhiH sahitastAbhiH udyAnaM krIDituM yayau || 11\.18\.6|| tatrAlimAlAmaurvIkAH pashyan puShpAnatAH latAH | chApayaShTIH ana~Ngasya madhunA sajjitAH iva || 11\.18\.7|| shR^iNvan cha tatdrumAgrasthakokilaudIritAM giram | sambhogaikarasasyAj~nAmiva mAnasajanmanaH || 11\.18\.8|| siSheve.antaHpuraiH sAkaM sa rAjA vAsavaupamaH | pAnaM madasya kandarpajIvitasyApi jIvitam || 11\.18\.9|| tatniHshvAsasugandhIni tatbimbaoShTharuchIni cha | priyApItAvasheShANi piban reme madhUni saH || 11\.18\.10|| tatra tasyendulekhAyA rAj~naH kelikachagrahAt | tasyAH papAta karNAgrAt utsa~Nge tva~Ngad utpalam || 11\.18\.11|| tenorupR^iShThe sahasA kShate jAte.abhighAtaje | abhijAtA mahAdevI hA hetyuktvA mumUrchCha sA || 11\.18\.12|| taddR^iShTvA vihvalenArtyA rAj~nA parijanena cha | samAshvAsyata rAj~nI sA shanaiH shItAmbumArutaiH || 11\.18\.13|| tato nItvA sa rAjA tAM rAjadhAnIM bhiShakkR^itaiH | priyAmupAcharaddivyaiH AmuktavraNapaTTikAm || 11\.18\.14|| rAtrau cha susthitAM dR^iShTvA tAM sa rAjA dvitIyayA | tArAvalyA sahArohachchandraprAsAdamIshvaraH || 11\.18\.15|| tatra tasyA~NkasuptAyAH rAj~nastasyAH himatviShaH | karAH jAlapathaiH petuH a~Nge chalitavAsasi || 11\.18\.16|| tataH kShaNAtprabuddhA sA hA dagdhAsmIti vAdinI | shayanAtsahasottasthau tata~NgaparimarshinI || 11\.18\.17|| kimetat iti sambhrAntaH prabuddho.atha dadarsha saH | utthAya rAjA visphoTAnna~Nge tasyAH vinirgatAn || 11\.18\.18|| pR^ichChantaM sA cha taM prAha rAj~nI tArAvalI tadA | nagnA~Nge patitaiH indoH karaiH etat kR^itaM mama || 11\.18\.19|| ityuktavatyAH krandantyAH sArtiH Ahvayati sma saH | tasyAH parijanaM rAjA vihvalAkuladhAvitam || 11\.18\.20|| tenAsyAH kArayAmAsa sajalaiH nalinIdalaiH | shayyAmadApayachchA~Nge shrIkhaNDArdravilepanam || 11\.18\.21|| tAvat buddhvA tR^itIyAsya sA mR^igA~NkavatI priyA | tatpArshvamAgantumanAH niryayau nijamandirAt || 11\.18\.22|| nirgatA sAshR^iNot kvApi gR^ihe dhAnyAvaghAtajam | niHshabdAyAM nishi vyaktaM vidUre musaladhvanim || 11\.18\.23|| shrutvaiva hA mR^itAsmIti bruvANA dhunvatI karau | upAvishat vyathAkrAntA mArge sA mR^igalochanA || 11\.18\.24|| tataH pratinivR^ityaiva nItvA parijanena sA | svamevAntaHpuraM bAlAH rudatI shayane.apatat || 11\.18\.25|| dadarsha tatra tasyAH cha chinvan sAshruH parichChadaH | AlInabhramarau padmaviva hastau kiNA~Nkitau || 11\.18\.26|| gatvA cha so.abravIt rAj~ne rAjApyAgatya vihvalaH | kimetat iti paprachCha so.atha dharmadhvajaH priyAm || 11\.18\.27|| sApi pradarshya hastau tamityuvAcha rujAnvitA | shrute musalashabde me jatavetau kiNA~Nkitau || 11\.18\.28|| tataH saH dAhashamanaM dApayAmAsa hastayoH | tasyAH chandanalepAdi rAjAdbhutaviShAdavAn || 11\.18\.29|| ekasyAH utpalenApi patatA kShatamAhitam | dvitIyasyAH punaH dagdhama~NgaM shashikarairapi || 11\.18\.30|| ekasyAH tu tR^itIyasyAH shrutenApi vinirgatAH | kaShTaM musalashabdena hastayoH IdR^ishAH kiNAH || 11\.18\.31|| aho yugapat etAsAM preyasInAM mamAdhunA | guNo.apyatyabhijAtatvaM jAtaH doShAya daivataH || 11\.18\.32|| iti chintayatastasya bhramato.antaHpureShu cha | triyAmA shatayAmeva kR^ichChrAtsA nR^ipateH yayau || 11\.18\.33|| prAtashcha sa bhiShakShalyahartR^ibhiH saha saMvyadhAt | tathA yathAbhUdachirAtsvasthAntaHpuranirvR^ittaH || 11\.18\.34|| evametAM kathAmuktvA vetAlo.atyadbhutAM tadA | sastrivikramasenaM taM paprachChAMsasthito nR^ipam || 11\.18\.35|| abhijAtataraitAsu rAjan rAj~nIShu kA vada | pUrvauktaH so.astu shApaste jAnan yadi na jalpasi || 11\.18\.36|| tachChrutvA so.abravIt rAjA sukumAratarAtra sA | aspR^iShTe musale yasyAH shabdenaivodgatAH kiNAH || 11\.18\.37|| utpalaindukaraiH sparshe vR^itte tvitarayoH dvayoH | sa~njAtAH vraNavisphoTAH tena tasyAH na te same || 11\.18\.38|| iti tasyoktavato.aMsAt rAj~no bhUyaH jagAma saH svapadam | vetAlaH sashcha rAjA tathaiva taM sudR^iDhanishchayo.anuyayau || 11\.18\.39|| \medskip\hrule\medskip sastrivikramaseno.atha punastaM shiMshapAtarum | gatvA prApya cha vetAlaM rAjA skandhe chakAra tam || 12\.19\.1|| pratasthe cha tamAdAya tUShNImeva saH pUrvavat | tato bhUyastamAha sma vetAlaH so.aMsapR^iShThataH || 12\.19\.2|| rAjan evamanudvignaH paryAptamasi me priyaH | tat etAM shR^iNvakhedAya hR^idyAmAkhyAmi te kathAm || 12\.19\.3|| a~Ngadeshe yashaHketuH iti rAjAbhavatpurA | kShmAmAshrito.a~Ngaguptyarthamadagdho.anyaH iva smaraH || 12\.19\.4|| bAhuvIryajitAsheShavairivargasya tasya cha | dIrghadarshItyabhUnmantrI shakrasyeva bR^ihaspatiH || 12\.19\.5|| tasminmantriNi vinyasya rAjyaM saH hatakaNTakam | shanaiH sukhaikasakto.abhUt vayaHrUpamadAnnR^ipaH || 12\.19\.6|| tasthavantaHpure shashvannAsthAne pramadAspade | shushrAva raktimat gItaM vachanaM na hitaiShiNAm || 12\.19\.7|| rajyati sma cha niHchintaH jAlavAtAyaneShu saH | na puno rAjakAryeShu bahuChidreShu jAtvapi || 12\.19\.8|| dIrghadarshI tu tat rAjyachintAbhAraM samudvahan | atiShThatso mahAmantrI divAnishamatandritaH || 12\.19\.9|| nAmamAtre kR^itadhR^itiM prakShipya vyasane nR^ipam | mantrI rAj~naH shriyaM bhuNkte dIrghadarshIha sAmpratam || 12\.19\.10|| ityutpanne mahatyatra janavAde.atha gehinIm | svairaM medhAvinIM nAma dIrghadarshI jagAda saH || 12\.19\.11|| priye rAj~ni sukhAsakte tatbhAraM vahato.api me | rAjyaM bhakShitametenetyutpannamayashaH jane || 12\.19\.12|| lokavAdashcha mithyApi mahatAmiha doShakR^it | tatyAja kiM na rAmo.api janavAdena jAnakIm || 12\.19\.13|| tadatra kiM mayA kAryamityukte tena mantriNA | bhAryA medhAvinI dhIrA sAnvarthA tamabhAShata || 12\.19\.14|| tIrthayAtrApadeshena yuktyApR^ichChya mahIpatim | kamchit kAlaM videshaM te gantuM yuktaM mahAmate || 12\.19\.15|| evaM te niHspR^ihasyaiSha janavAdo nivartsyati | tvayyasthite tato rAjyamudvakShyati nR^ipaH svayam || 12\.19\.16|| tatashchAsya shanaiH etat vyasanaM hAnimeShyati | AgatasyAtra niHgarhA bhavitrI mantritA cha te || 12\.19\.17|| ityukto bhAryayA gatvA dIrghadarshI tatheti saH | kathAprasa~Nge taM bhUpaM yashaHketuM vyajij~napat || 12\.19\.18|| anujAnIhi mAM rAjandivasAnkAnchidapyaham | vrajAmi tIrthayAtrAyai dharmaH hi prepsitaH sa me || 12\.19\.19|| tachChrutvA so.abravIt rAjA maivaM tIrthaiH vinA paraH | dAnAdiH kiM na dharmo.asti svargyaste svagR^iheShvapi || 12\.19\.20|| athAvochatso mantrI tamarthashuddhi\-Adi mR^igyate | dAnAdau nityashuddhAni tIrthAni nR^ipate punaH || 12\.19\.21|| yAvachcha yauvanaM rAjan tAvat gamyAni dhImatA | avishvAsye sharIre hi sa~NgamastaiH kuto.anyadA || 12\.19\.22|| iti tasmin vadatyeva rAj~ni chaivaM niShedhati | pravishyAtra pratIhAro rAjAnaM taM vyajij~napat || 12\.19\.23|| deva vyomasaraHmadhyamaMshumAlI vigAhate | tat uttiShThata saiShA vaH snAnavelAtivartate || 12\.19\.24|| shrutvaitatsahasA snAtumudatiShThanmahIpatiH | yAtronmukhaH sa mantrI cha taM praNamya gR^ihaM yayau || 12\.19\.25|| tatrAvasthApya bhAryAM tAmanuyAtrAnivAritAm | saH pratasthe tato yuktyA svabhR^ityairapyatarkitaH || 12\.19\.26|| ekAkI cha bhraman tAn tAndeshAn tIrthAni cha vrajan | saH prApa puNDraviShayaM dIrghadarshI suniHchayaH || 12\.19\.27|| tatra pattana ekasminnadUre.apdheH pravishya saH | ekaM devakulaM shaivaM tatprA~NgaNa upAvishat || 12\.19\.28|| tatrArkakarasantApaklAntaM dUrAdhvadhUsaram | dadarsha nidhidattAkhyo vaNik devArchanAgataH || 12\.19\.29|| sastaM tathAvidhaM dR^iShTvA saupavItaM sulakShaNam | sambhAvya chottamaM vipramAtitheyo.anayat gR^iham || 12\.19\.30|| tatra chApUjayatsnAnabhojanAdyaiH tamuttamaiH | kaH kutastvaM kva yAsIti vishrAntaM cha saH pR^iShTavAn || 12\.19\.31|| dIrghadarshIti vipro.ahama~NgadeshAt ihAgataH | tIrthayAtrArthamityeva gAmbhIryAtso.apyuvAcha tam || 12\.19\.32|| tataH sa nidhidatto.api taM jagAda mahAvaNik | suvarNadvIpagamanAyodyato.ahaM vaNijyayA || 12\.19\.33|| tattvaM tiShTheha matgehe yAvat eShyAmyahaM tataH | tIrthayAtrAparishrAnto vishrAntaH hyatha yAsyasi || 12\.19\.34|| tachChrutvA so.abravIddIrghadarshI tarhi mameha kim | tvayaiva saha yAsyAmi sArthavAha yathAsukham || 12\.19\.35|| evamastviti tenokte sAdhunA so.atha tatgR^ihe | chirAdavAptashayano nishAM mantrI ninAya tAm || 12\.19\.36|| anyedyuH atha tenaiva vaNijA saha vAridhim | gatvAruroha tatbhANDapUrNaM pravahaNaM cha saH || 12\.19\.37|| tena gachChan pravahaNenApdhimadbhutabhIShaNam | vilokayan saH samprApa svarNadvIpaM krameNa tat || 12\.19\.38|| kva mantrimukhyatA chAsya kva vAdhvaulla~NghitAmbudhiH | ayashaHbhIravaH kiM na kurvate bata sAdhavaH || 12\.19\.39|| tatra dvIpe samaM tena kamchit kAlamuvAsa saH | vaNijA nidhidattena kurvatA krayavikrayau || 12\.19\.40|| AgachChan cha tato.akasmAttatyukto vahanasthitaH | kalpavR^ikShaM dadarshApdhAvUrmeH pashchAtsamutthitam || 12\.19\.41|| pravAlashAkhAsubhagaiH skandhaiH jAmbUnadaujjvalaiH | phalaiH maNimayaiH kAntaiH kusumaiH chopashobhitam || 12\.19\.42|| tasya skandhe cha sadratnaparya~Nkautsa~NgavartinIm | kanyAmatyadbhutAkArakamanIyAmavaikShata || 12\.19\.43|| aho kimetat ityevaM yAvaddhyAyati saH kShaNam | tAvatsA vINinI kanyA gAtumevaM prachakrame || 12\.19\.44|| yat karmabIjamuptaM yena purA niHchitaM sastat bhu~Nkte | pUrvakR^itasya hi shakyo vidhinApi na kartumanyathAbhAvaH || 12\.19\.45|| ityudgAya kShaNAttasminnambhaHdhau divyakanyakA | sakalpadrumaparya~NkashayyAtraiva mamajja sA || 12\.19\.46|| kimapyapUrvamadyedaM mayA dR^iShTamihAdbhutam | kvApdhiH kva dR^iShTanaShTo.atra gAyatdivyA~NganastaruH || 12\.19\.47|| yadi vA vandyaH eSho.apdhiH AkaraH shashvat IdR^ishAm | lakShmI\-indupArijAtAdyAH nAsmAtte te kimudgatAH || 12\.19\.48|| iti taM chintayantaM cha tatkShaNaM dIrghadarshinam | vilokya vismayAviShTaM karNadhArAdayo.abruvan || 12\.19\.49|| evameShA sadaiveha dR^ishyate varakanyakA | nimajjati cha tatkAlaM tavaitaddarshanaM navam || 12\.19\.50|| ityuktastaiH samaM tena nidhidattena saH kramAt | mantrI chitrIyamANo.apdheH tIraM potagato.abhyagAt || 12\.19\.51|| tatrottAritabhANDena tenaiva vaNijA saha | jagAma hR^iShTabhR^ityena sautsavaM so.atha tatgR^iham || 12\.19\.52|| sthitvA nAtichiraM tatra nidhidattamuvAcha tam | sArthavAha bhavatgehe vishrAnto.ahaM chiraM sukham || 12\.19\.53|| idAnIM gantumichChAmi svadeshaM bhadramastu te | ityuktvA tamanichChantamapyAmantrya vaNikpatim || 12\.19\.54|| dIrghadarshI saH sattvaikasahAyaH prasthitastataH | kramaulla~NghitadUrAdhvA prApA~NgaviShayaM nijam || 12\.19\.55|| tatra taM dadR^ishuH chArAH bahiH nagaramAgatam | ye yashaHketunA rAj~nA prA~NnyastAH tatgaveShaNe || 12\.19\.56|| taiH cha gatvA sa vij~naptashchAraiH rAjA tamabhyagAt | svayaM niHgatya nagarAttatvishleShasuduHkhitaH || 12\.19\.57|| upetya cha pariShva~NgapUrvaM tamabhinandya saH | ninAyAbhyantaraM bhUpashchirAdhvakShAmadhUsaram || 12\.19\.58|| tyaktvAsmAnkiM tvayA nItaM na paraM bata mAnasam | yAvachCharIramapyetanniHsnehaparuShAM dashAm || 12\.19\.59|| kiM vA bhagavato vetti bhavitavyasya kaH gatim | yad akasmAttavaiShAbhUttIrthAdigamane matiH || 12\.19\.60|| tat brUhi ke tvayA bhrAntA deshAH dR^iShTaM cha kiM navam | iti tatra cha taM rAjA saH jagAda svamantriNam || 12\.19\.61|| tataH suvarNadvIpAntaM so.adhvAnaM varNayankramAt | apdhAvudgaminIM tasmai tAM dR^iShTAM divyakanyakAm || 12\.19\.62|| gAyantIM trijagatsArabhUtAM kalpatarusthitAm | yathAvat kathayAmAsa dIrghadarshI mahIbhR^ite || 12\.19\.63|| sastAM shrutvaiva cha nR^ipastathA smaravasho.abhavat | yathA tayA vinA mene niShphale rAjyajIvite || 12\.19\.64|| jagAda cha tamekAnte nItvA svasachivaM tadA | draShTavyAsau mayAvashyaM jIvitaM nAsti me.anyathA || 12\.19\.65|| yAmi tvatuktena pathA praNamya bhavitavyatAm | nivAraNIyo nAhaM te nAnugamyashcha sarvthA || 12\.19\.66|| guptamekaH hi yAsyAmi rAjyaM rakShyaM tu me tvayA | matvacho mAnyathA kArShIH shApito.asi mamAsubhiH || 12\.19\.67|| ityuktvA tatprativacho nirasya visasarja tam | mantriNaM svagR^ihaM rAjA chirautkaM svajanaM prati || 12\.19\.68|| tatrAnalpautsave.apyAsIddIrghadarshI suduHmanAH | svAminyasAdhyavyasane sukhaM satmantriNAM kutaH || 12\.19\.69|| anyedyuH cha sastathastanyastarAjyabharo nR^ipaH | yashaHketuH tataH prAyAnnishi tApasaveShabhR^it || 12\.19\.70|| gachChan cha kushanAbhAkhyaM muniM mArge dadarsha saH | so.atra taM tApasAkalpaM praNataM muniH Adishat || 12\.19\.71|| lakShmIdattena vaNijA saha potena vAridhau | gatvA prapsyasi tAmiShTAM kanyAM vraja niHAkulaH || 12\.19\.72|| iti tatvachasA prItAH taM praNamya saH pArthivaH | gachChandeshAn nadIH adrInkrAntvA taM prApadambudhim || 12\.19\.73|| sutArasha~NkhadhavalaiH vIchibhrUbhiH vikasvaraiH | vIkShamANamivAvartanetraiH AtithyasambhramAt || 12\.19\.74|| tattIre vaNijA tena muniproktena sa~NgatiH | lakShmIdattena jaj~ne.asya svarNadvIpaM yiyAsunA || 12\.19\.75|| tenaiva saha chakrA~NkapAdamudrAdi darshanAt | prahveNAruhya vahanaM pratasthe so.ambudhau nR^ipaH || 12\.19\.76|| madhyamapdheH cha samprApte vahane vArimadhyataH | udagAt kalpaviTapiskandhasthA sAtra kanyakA || 12\.19\.77|| yAvatpashyati tAM rAjA chakoraH iva chandrikAm | tAvatsA gAyati smaivaM vallakIvAdyasundaram || 12\.19\.78|| yat karmabIjamuptaM yena purA niHchitaM sastat bhu~Nkte | pUrvakR^itasya hi shakyo vidhinApi na kartumanyathAbhAvaH || 12\.19\.79|| tasmAt yatra yathA yad bhavitavyaM yasya daivayogena | tatra tathA tatprAptyai vivasho.asau nIyate.atra na bhrAntiH || 12\.19\.80|| iti sUchitabhavyArthAM gAyantIM tAM vibhAvayan | niHspandaH saH kShaNaM tasthau rAjA smarasharAhataH || 12\.19\.81|| ratnAkara namaH satyamagAdhahR^idayAya te | yena tvayaitAM prachChAdya vipralabdhaH hariH shriyA || 12\.19\.82|| tatsurairapyalabhyAntaM sapakShakShmAbhR^itAshrayam | sharaNaM tvAM prapanno.ahamiShTasiddhiM vidhatsva me || 12\.19\.83|| evaM yAvatsamudraM taM sa nataH stauti bhUmipaH | tAvatsA kanyakA tatra nimamajja sapAdapA || 12\.19\.84|| taddR^iShTvaivAnumArge.asyAH sa rAjAtmAnamakShipat | vAridhavatra kAmAgnisantApasyeva shAntaye || 12\.19\.85|| tat vIkShyAsha~NkitaM matvA vinaShTaM taM saH satjanaH | lakShmIdatto vaNik duHkhAddehatyAgaudyato.abhavat || 12\.19\.86|| mA kArShIH sAhasaM nAsti magnasyAsyAmbhudhau bhayam | eSho rAjA yashaHketuH nAmnA tApasaveShabhR^it || 12\.19\.87|| etat kanyArthamAyAtaH pUrvabhAryeyamasya cha | etAM prApya punashchAsava~NgarAjyaM sameShyati || 12\.19\.88|| ityathAshvAsito vAchA tatkAlaM gaganautthayA | sArthavAho yathAkAmaM saH jagAmeShTasiddhaye || 12\.19\.89|| so rAjApi yashaHketuH nimagno.anto mahA\-udadhau | akasmAnnagaraM divyamapashyat jAtavismayaH || 12\.19\.90|| bhAsvatmaNimayastambhaiH kA~nchanaujjvalabhittibhiH | virAjamAnaM prAsAdaiH muktAjAlagavAkShakaiH || 12\.19\.91|| nAnAratnashilApaTTabaddhasopAnavApikaiH | kAmadaiH kalpavR^ikShADhyaiH udyAnaiH upashobhitam || 12\.19\.92|| samR^iddhe.api pure tatra niHjane.atha gR^ihaM gR^iham | anupravishya na yadA tAM dadarsha priyAM kvachit || 12\.19\.93|| tadA vichinvandR^iShTvaikamuttu~NgaM maNimandiram | Aruhya dvAramudghATya pravivesha sa bhUpatiH || 12\.19\.94|| pravishya chAntaH satratnaparya~Nkasthitamekakam | vastrAchChAditasarvA~NgaM shayAnaM kamchidaikShata || 12\.19\.95|| kiM syAtsaiveti sautkaNThamudghATayati tatmukham | yAvattAvadapashyattAM sva\-IpsitAmeva so.a~NganAm || 12\.19\.96|| srastanIlAMshukadhvAntahasatmukhashashishriyam | jyotsnAvadAtAM pAtAlagatAmiva divA nishAm || 12\.19\.97|| tatdarshanena chAsyAbhUdavasthA kApi sA tadA | grIShmaR^itau marupAnthasya saritsandarshanena yA || 12\.19\.98|| sApyunmIlitachakShuH taM kalyANAkR^itilakShaNam | vIkShyAkasmAttathAprAptaM sambhramAchChayanaM jahau || 12\.19\.99|| kR^itAtithyA natamukhI pUjayantIva pAdayoH | phulla\-IkShaNautpalanyAsaiH shanaiH etamuvAcha cha || 12\.19\.100|| ko bhavAnkimagamyaM cha praviShTho.asi rasAtalam | rAjachihnA~NkitatanoH kiM cha te tApasavratam || 12\.19\.101|| ityAdisha mahAbhAga prasAdo yadi te mayi | evaM tasyAH vachaH shrutvA sa rAjA pratyuvAcha tAm || 12\.19\.102|| a~NgarAjo yashaHketuH iti nAmnAsmi sundari | AptAdanvahadR^ishyAM cha tvAmashrauShamihAmbudhau || 12\.19\.103|| tatastvatarthaM kR^itvemaM veShaM rAjyaM vimuchya cha | AgatyaiSha praviShTo.ahamanumArgeNa te.ambudhim || 12\.19\.104|| tanme kathaya kAsi tvamityukte tena chAtha sA | salajjA sAnurAgA cha sAnandA chaivamabhyadhAt || 12\.19\.105|| mR^igA~NkasenaH ityasti shrImAn vidyAdharAdhipaH | mAM mR^igA~NkavatIM nAmnA viddhi tasya sutAmimAm || 12\.19\.106|| so mAmasmin svanagare vimuchyaikAkinIM pitA | na jAne hetunA kena gataH kvApi sapaurakaH || 12\.19\.107|| tenAhaM shUnyavasateH nirviNNonmajjya vAridheH | yantrakalpadrumArUDhA gAyAmi bhavitavyatAm || 12\.19\.108|| evamuktavatI tena smaratA tanmuneH vachaH | tathArajyata sA rAj~nA vachobhiH premapeshalaiH || 12\.19\.109|| yathAnurAgavivashA bhAryAtvaM tasya tatkShaNam | a~NgIchakAra vIrasya samayaM tvekamabhyadhAt || 12\.19\.110|| shuklakR^iShNachaturdashyAmaShTamyAM chAryaputra te | pratimAsamanAyattA chaturaH divasAnnaham || 12\.19\.111|| yatra kvApi dineShveShu gachChantI chAsmi na tvayA | praShTavyA na niSheddhavyA kAraNaM hyatra vidyate || 12\.19\.112|| evaM tAmuktasamayAM sa rAjA divyakanyakAm | tathetyuktvaiva gAndharvavidhinA pariNItavAn || 12\.19\.113|| bheje tatashcha sambhogasukhaM tatra tayA saha | yathAbhUdanyaH evAsyAH mAnmatho maNDanakramaH || 12\.19\.114|| kesheShu srastamAlyeShu kachagrahanakhAvalI | bimbAdhare.atha niShpItanIrAge dashanakShatiH || 12\.19\.115|| kuchayoH karajashreNiH bhinnamANikyamAlayoH | luptA~NgarAgeShva~NgeShu gADhAli~NganarAgitA || 12\.19\.116|| iti tatdivyasambhogasukhAvasthitamatra tam | sA mR^igA~NkavatI bhAryA bhUpaM prAhedamekadA || 12\.19\.117|| tvamihaiva pratIkShethAH kAryArthaM kvApi yAmyaham | adya saiShA hi samprAptA mama kR^iShNachaturdashI || 12\.19\.118|| ihasthastvAryaputrAmuM mA sma gAH sphATikaM gR^iham | mAtra vApyAM nipatito bhUlokaM tvaM gamiShyasi || 12\.19\.119|| ityuktvA sA tamAmantrya yayau tasmAtpurAt bahiH | rAjApi prAptakhaDgastAM ChannaH jij~nAsuH anvagAt || 12\.19\.120|| tatrApashyattamaHshyAmaM vyAttavakrabilaM cha saH | sAkAramiva pAtAlamAyAntaM rAkShasaM nR^ipaH || 12\.19\.121|| so rAkShaso nipatyaiva muktaghoraravastadA | tAM mR^igA~NkavatIM vaktre nikShipyaiva nigIrNavAn || 12\.19\.122|| taddR^iShTvaivAtikopena sahasA saH jvalan iva | niHmokamuktabhujagashyAmalena mahAsinA || 12\.19\.123|| koShAkR^iShTena dhAvitvA rAjasiMho.abhidhAvataH | chichCheda rakShasastasya sandaShTaoShThapuTaM shiraH || 12\.19\.124|| rakShaHkabandhavAntena rAj~nastasyAsravAriNA | krodhajo.atha shashAmAgniH na tu kAntAviyogajaH || 12\.19\.125|| tato mohanishAndhe.asmin vinaShTagatike nR^ipe | akasmAnmeghamalinasyA~NgaM bhittveva rakShasaH || 12\.19\.126|| tasyod.hyotitadikchakrA chandramUrtiH ivAmalA | sA mR^igA~NkavatI jIvantyakShatA~NgI viniryayau || 12\.19\.127|| tAM tathA sa~NkaTauttIrNAM dR^iShTvA kAntAM sasambhramam | ehyehIti vadan rAjA pradhAvyaivAlili~Nga saH || 12\.19\.128|| priye kimetatsvapno.ayamuta mAyeti tena sA | pR^iShTA nR^ipeNa saMsmR^itya vidyAdharyevamabravIt || 12\.19\.129|| shR^iNvAryaputra na svapno na mAyeyamayaM punaH | vidyAdharendrAtsvapituH shApo.abhUt IdR^isho mama || 12\.19\.130|| bahuputro.api saH hi me pitA pUrvaM vasan iha | mayA vinAtivAtsalyAnnAharamakarotsadA || 12\.19\.131|| ahaM cha sarvadA sharvapUjAsakteha niHjane | chaturdashyorathAShTamyoH AgachChaM pakShayoH dvayoH || 12\.19\.132|| ekadA cha chaturdashyAmihAgatya rasAnmama | chiraM gaurIM samarchantyA daivAdavasitaM dinam || 12\.19\.133|| tadaharmatpratIkShaH sankShudhito.api sa matpitA | nAbhu~Nkta nApibat kimchidAsIt kruddhastu mAM prati || 12\.19\.134|| tato rAtrAvupetAM mAM sAparAdhAmadhaHmukhIm | bhavitavyabalagrastamatsnehaH shapati sma saH || 12\.19\.135|| yathA tvatavalepena grasto.adyAhamayaM kShudhA | mAsi mAsi tathAShTamyoH chaturdashyoH cha kevalam || 12\.19\.136|| harArchanarasAt yantImatraiva tvAM bahiH pure | nAmnA kR^itAntasantrAso rAkShaso nigariShyati || 12\.19\.137|| bhittvA bhittvAsya hR^idayaM jIvantI cha nireShyasi | na smariShyasi shApaM cha na tAM nigaraNavyathAm || 12\.19\.138|| sthAsyasyekAkinI chAtretyuktashApavachAH shanaiH | so.anunIto mayA dhyAtvA shApAntaM me.abravItpitA || 12\.19\.139|| bhartA bhUtvA yashaHketunAmA~NganR^ipatiH yadA | rAkShasena nigIrNAM tvAM dR^iShTvA taM nihaniShyati || 12\.19\.140|| tadA tvaM mokShyase shApAt hR^idayAttasya niHgatA | saMsmariShyasi shApAdi vidyAH sarvAH tathA nijAH || 12\.19\.141|| ityAdishya saH shApAntaM tyaktvA mAmekakAmiha | niShadhAdriM gatastAto bhUlokaM saparichChadaH || 12\.19\.142|| ahaM tathA charantI cha shApamohAt ihAvasam | kShINashchaiSha saH shApo me jAtA sarvatra cha smR^itiH || 12\.19\.143|| tattAtapArshvamadhunA niShadhAdriM vrajAmyaham | shApAnte svAM gatiM yAmetyeSha samayaH hi naH || 12\.19\.144|| tvamihAssva svarAShTraM vA vraja svAtantryamatra te | evaM tayokte sa nR^ipaH duHkhito.arthayate sma tAm || 12\.19\.145|| saptAhAni na gantavyaM prasIda sumukhi tvayA | kShipAva tAvadautsukyamudyAne krIDanaiH iha || 12\.19\.146|| tvaM gachChAtha pituH sthAnaM yAsyAmyahamapi svakam | etattatvachanaM mugdhA tathetya~NgIchakAra sA || 12\.19\.147|| tato.atra reme sastayA sahodyAneShu kAntayA | sajalautpalanetrAsu vApIShu ShaDahaM nR^ipaH || 12\.19\.148|| mA sma yAtaM vihAyAsmAn iti pUt kurvatIShviva | utkShiptavIchihastAsu haMsasArasaniHsvanaiH || 12\.19\.149|| saptame.ahni sa yuktyA tAM priyAM tatrAnayat gR^ihe | bhUlokaprApiNI yatra sA yantradvAravApikA || 12\.19\.150|| tatra kaNThe gR^ihItvA tAM tasyAM vApyAM nipatya saH | uttasthau svapuraudyAnavApImadhyAttayA saha || 12\.19\.151|| tatra kAntAsakhaM prAptaM taM dR^iShTvodyAnapAlakAH | hR^iShTAH tanmantriNe gatvA jagaduH dIrghadarshine || 12\.19\.152|| so.apyetya pAdapatitastamAnIta\-IpsitA~Nganam | dR^iShTvA prAveshayanmantrI sapauro.abhyantaraM nR^ipam || 12\.19\.153|| aho saiShA kathaM prAptA rAj~nA divyA~NganAmunA | vyomnIva vidyut iva yA kShaNadR^ishyA mayekShitA || 12\.19\.154|| yat yasya likhitaM dhAtrA lalATAkSharapa~NktiShu | tadavashyamasambhAvyamapi tasyopatiShThate || 12\.19\.155|| ityatra mantrimukhye.asmindhyAyatyanyajane.api cha | divyastrIprAptisAshcharyaM rAjAgamanasautsave || 12\.19\.156|| sA mR^igA~NkavatI dR^iShTvA taM svadeshagataM nR^ipam | iyeSha pUrNasaptAhA yAtuM vaidyAdharIM gatim || 12\.19\.157|| nAvirAsIchcha vidyAsyAH smR^itApyutpatanI tadA | tataH sA muShitevAtra viShAdamagamatparam || 12\.19\.158|| kimakasmAt viShaNNeva dR^ishyase vada me priye | ityuktA tena rAj~nA sA vidyAdharyevamabravIt || 12\.19\.159|| sthitAhaM shApamuktApi tvatsnehAt yat iyachchiram | tena vidyA mama bhraShTA naShTA divyA cha sA gatiH || 12\.19\.160|| tachChrutvA hanta siddheyaM mama vidyAdharIti saH | rAjA tato yashaHketuH pUrNaM chakre mahA\-utsavam || 12\.19\.161|| taddR^iShTvA dIrghadarshI sa mantrI gatvA gR^ihaM nishi | shayanIyagato.akasmAt hR^itsphoTena vyapadyata || 12\.19\.162|| tato.anubhUya tatshokaM dhR^itarAjyabharaH svayam | yashaHketuH chiraM tasthau sa mR^igA~NkavatIyutaH || 12\.19\.163|| ityetAM kathayitvA mArge tasmai kathAM sa vetAlaH | avadatpunastrivikramasenaM nR^ipatiM tamaMsagataH || 12\.19\.164|| tat brUhi bhUpate te sampanne svAminastathAbhyudaye | hR^idayaM sapadi sphuTitaM tasya mahAmantriNaH kimiti || 12\.19\.165|| divyastrI na mayA kiM prApteti shuchAsphuTat hR^idayam | kiM vA rAjyamabhIpsoH rAjAgamajena duHkhena || 12\.19\.166|| etachcha yadi na vakShyasi mahyaM jAnannapIha tat rAjan | dharmashcha tava vina~NkShyati yAsyati dalashaH cha jhaTiti shiraH || 12\.19\.167|| shrutveti tu trivikramaseno rAjA jagAda vetAlam | naitattasmindvayamapi shubhacharite yujyate hi mantrivare || 12\.19\.168|| kiM tu strImAtrarasAt upekShitaM yena bhUbhujA rAjyam | tasyAdhunA tu divyastrIraktasyAtra kA vArtA || 12\.19\.169|| tanme kaShTe.api kR^ite pratyuta doShaH batAdhikIbhUtaH | iti tasya vibhAvayataH hR^idayaM tatmantriNaH sphuTitam || 12\.19\.170|| ityukte narapatinA punaH sa mAyI vetAlo nijapadameva tat jagAma | rAjApi prasabhamavAptumanvadhAvat bhUyaH api drutamatha taM saH dhIrachetAH || 12\.19\.171|| \medskip\hrule\medskip atha gatvA punaH prApya shiMshapAtastato nR^ipaH | sastrivikramasenastaM skandhe vetAlamAdade || 13\.20\.1|| AyAntaM cha sa vetAlo bhUyastaM nR^ipamabravIt | rAjan shR^iNu kathAmekAM sa~NkShiptAM varNayAmi te || 13\.20\.2|| asti vArANasI nAma purI haranivAsabhUH | devasvAmIti tatrAsInmAnyo narapateH dvijaH || 13\.20\.3|| mahAdhanasya tasyaikaH harisvAmItyabhUtsutaH | tasya bhAryA cha lAvaNyavatItyatyuttamAbhavat || 13\.20\.4|| tilottamAdinAkastrIniHmANe prAptakaushalaH | anargharUpalAvaNyAM manye yAM nirmame vidhiH || 13\.20\.5|| tayA saH kAntayA sAkaM harisvAmI kadAchana | ratishrAnto yayau nidrAM harmye chandrAMshushItale || 13\.20\.6|| tat kAlaM tena mArgeNa kAmachArI vihAyasA | AgAnmadanavegAkhyo vidyAdharakumArakaH || 13\.20\.7|| sastatra lAvaNyavatIM patyuH pArshve dadarsha tAm | suptAM ratiklamasrastavastravyaktA~NgasauShThavAm || 13\.20\.8|| tatrUpahR^itachittaH sanmadanAndhaH sastat kShaNam | suptAmeva nipatyaitAM gR^ihItvA nabhasA yayau || 13\.20\.9|| kShaNAtprabuddho.atha yuvA harisvAmI sastatpatiH | prANa\-IshvarImapashyan tAmudatiShThatsasambhramaH || 13\.20\.10|| aho kimetat kva gatA kupitA sA nu kiM mayi | ChannA jij~nAsituM kiM me chittaM parihasatyuta || 13\.20\.11|| ityanekavikalpaoghavyAkulastAmitastataH | harmyaprAsAdavalabhIShvanviShyan so.abhramannishi || 13\.20\.12|| agR^ihaudyAnatashchinvan yanna prApa kuto.api tAm | tatsaH shokAgnisantapto vilalApAshrugadgadam || 13\.20\.13|| hA chandrabimbavadane hA jyotsnAgaurI hA priye | rAtryA tulyaguNadveShAt kiM nu soDhAsi nAnayA || 13\.20\.14|| tvayA kAntyA jitaH bibhyat iva chandanashItalaiH | karairasukhayat yo mAM so.ayaminduH tvayA vinA || 13\.20\.15|| labdhAntaraH ivedAnIM taiH eva tudati priye | prajvaladbhiH ivA~NgAraiH viShadigdhaiH ivAshugaiH || 13\.20\.16|| ityAdi krandatastasya sA harisvAminastadA | kR^ichChrAt vyatIyAya nishA na puno virahavyathA || 13\.20\.17|| prAtaH bibheda vishvasya karaiH santamasaM raviH | bhettuM na chakShame tasya mohAndhatamasaM punaH || 13\.20\.18|| vilabdhaH iva chakrAhvaiH tasya tIrNanishaiH tadA | bheje shatagunIbhAvaM karuNAkranditadhvaniH || 13\.20\.19|| svajanaiH sAntvyamAno.api viyogAnaladIpitaH | na cha lebhe dvijayuvA dhR^itiM tAM preyasIM vinA || 13\.20\.20|| iha sthitamiha snAtaM kR^itamatra prasAdhanam | vihR^itaM cha tayAtreti yayau tvitaH ito rudan || 13\.20\.21|| mR^itA tAvanna sA tat kimAtmaivaM hanyate tvayA | avashyaM tAmavAptAsi jIvan jAtu kutaHchana || 13\.20\.22|| taddhairyamavalambasva tAM gaveShaya cha priyAm | aprApyaM nAma nehAsti dhIrasya vyavasAyinaH || 13\.20\.23|| iti bandhusuhR^itvAkyaiH bodhitaH so.atha kR^ichChrataH | dinaiH kaiHchit harisvAmI babandha dhR^itimAsthayA || 13\.20\.24|| achintayachcha sarvasvaM kR^itvA brAhmaNasAdaham | bhramAmi tAvattIrthAni kShapayAmyaghasa~nchayam || 13\.20\.25|| pApakShayAt hi tAM jAtu priyAM bhrAmyannavApnuyAm | ityAlochya yathAvasthaM snAnAdyutthAya so.akarot || 13\.20\.26|| anyedyuH cha vichitrAnnapAnaM sattre dvijanmanAm | chakArAvAritaM kiM cha dadau dhanamasheShataH || 13\.20\.27|| brAhmaNyamAtravittasya niHgatyaiva svadeshataH | priyAprAptIchChayA so.atha tIrthAni bhramituM yayau || 13\.20\.28|| bhrAmyatashcha jagAmAsya bhImaH grIShmaR^itukesarI | prachaNDAdityavadanaH dIptatatrashmikesaraH || 13\.20\.29|| priyAvirahasantaptapAnthaniHshvAsamArutaiH | nyastauShmANaH ivAtyuShNAH vAnti sma cha samIraNAH || 13\.20\.30|| shuShyatvidIrNapa~NkAH cha hR^idayaiH sphuTitaiH iva | jalAshayA dadR^ishire gharmaluptAmbusampadaH || 13\.20\.31|| chIrIchItkAramukharAH tApamlAnadalAdharAH | madhushrIvirahAnmArgeShvarudan iva pAdapAH || 13\.20\.32|| tasminkAle.arkatApena viyogena kShudhA tR^iShA | nityAdhvanA cha saH klAnto virUkShakShAmadhUsaraH || 13\.20\.33|| bhojanArthi harisvAmI prApa grAmaM kvachit bhraman | padmanAbhAbhidhAnasya gR^ihaM viprasya sattriNaH || 13\.20\.34|| tatra dR^iShTvA sa bhu~njAnAn viprAnnabhyantare bahUn | dvArashAkhAM samAlambya tasthau niHshabdaniHchalaH || 13\.20\.35|| tathAsthitaM tamAlokya sattriNastasya gehinI | padmanAbhasya sa~njAtadayA sAdhvI vyachintayat || 13\.20\.36|| aho kShunnAma gurvyeShA na kuryAt kasya lAghavam | yat evamayamannArthI ko.apyAste dvAryadhaHmukhaH || 13\.20\.37|| dUrAdhvAbhyAgataH snAtastAvat kShINaindriyaH kShudhA | tat eShashchAnnadAnasya pAtramityavadhArya sA || 13\.20\.38|| paramAnnabhR^itaM sAdhvI tasmai saghR^itasharkaram | pAtramutkShipya pANibhyAmAnIya prashritA dadau || 13\.20\.39|| jagAda chaitaM bhu~NkShvaitat gatvA vApItaTe kvachit | idaM sthAnaM samuchChiShTaM bhu~njAnaiH brAhmanaiH vR^itam || 13\.20\.40|| tatheti so.annapAtraM tat gR^ihItvA nAtidUrataH | gatvA sthApitavAn vApyAH taTe vaTataroradhaH || 13\.20\.41|| prakShAlya pANipAdaM cha vApyAmAchamya chAtra saH | yAvat bhakShayituM tuShTaH paramAnnamupaiti tat || 13\.20\.42|| tAvat gR^ihItvA kR^iShNAhiM cha~nchvA pAdayugena cha | shyenaH kutaHchidAgatya tarau tasminnupAvishat || 13\.20\.43|| tena tasyohyamAnasya sarpasyAkramya pakShiNA | utkrAntajIvitasyAsyAt viShalAlA viniryayau || 13\.20\.44|| sA tatrAdhaHsthite tasminnannapAtre.apatattadA | tachchAdR^iShTvA harisvAmI saH etyAnnamabhu~Nkta tat || 13\.20\.45|| kShudhArtasya tadA tasya mR^iShTAnnaM tat kShaNena tat | kR^itsnaM bhuktavatastIvrA prodabhUt viShavedanA || 13\.20\.46|| aho vidhau viparyaste na viparyasyatIha kim | yat viShIbhUtamannaM me sakShIraghR^iTasharkaram || 13\.20\.47|| iti jalpan viShArtaH saH harisvAmI pariskhalan | gatvA tAM sattriNastasya viprasyovAcha gehinIm || 13\.20\.48|| tvatdattAt viShamannAnme jAtaM tat viShamantriNam | kamchinmamAnaya kShipraM brahmahatyAnyathAsti te || 13\.20\.49|| ityuktvaiva sastAM sAdhvIM kimetat iti vihvalAm | harisvAmI parAvR^ittanetraH prANaiH vyayujyata || 13\.20\.50|| tataH sA tena niHdoShApyAtitheyyapi sattriNA | bhAryA niShkAsitA gehAnmithyAtithivadhakrudhA || 13\.20\.51|| sApyutpannamR^iShAvadyA sushubhAdapi karmaNaH | jAtAvamAnA tapase sAdhvI tIrthamashishR^Iyat || 13\.20\.52|| kasya vipravadhaH so.astu sarpashyenAnnadeshviti | tadabhUddharmarAjAgre vAdo nAsIttu niHNayaH || 13\.20\.53|| tattrivikramasena tvaM rajan brUhi mamAdhunA | kasya sA brahmahatyeti pUrvaH shApaH saste.anyathA || 13\.20\.54|| iti vetAlato rAjA shrutvA shApaniyantritaH | sastrivikramasenastaM muktamauno.abravIt idam || 13\.20\.55|| tasya tatpAtakaM tAvatsarpasya yadi vAsya kaH | vivashasyAparAdho.asti bhakShyamANasya shatruNA || 13\.20\.56|| atha syenasya tenApi kiM duShTaM kShudhitAtmanA | akasmAtprAptamAnIya bhakShyaM bhakShayatA nijam || 13\.20\.57|| dampatyorannadAtroH vA tayoH ekasya vA kutaH | abhAvyadoShau dharmaikapravR^ittau tAvubhau yataH || 13\.20\.58|| tadahaM tasya manye sA brahmahatyA jaDAtmanaH | avichAryaiva yaH brUyAt eShAmekatamasya tAm || 13\.20\.59|| ityuktavato.asya nR^ipasyAMsAt bhUyo.apyagAtso vetAlaH | nijapadameva nR^ipo.api saH puno.api dhIrastamanvagAt eva || 13\.20\.60|| \medskip\hrule\medskip sastrivikramaseno.atha gatvA taM shiMshapAtaroH | bhUyo.apyAsAdya vetAlaM skandhe jagrAha bhUpatiH || 14\.21\.1|| prasthitaM cha tamurvI\-IshaM sa vetAlo.abhyadhAtpunaH | rAjan shrAnto.asi tachchitrAM kathAmAkhyAmi te shR^iNu || 14\.21\.2|| astyayodhyeti nagarI rAjadhAnI babhUva yA | rakShaHkulakR^itAntasya rAmarUpasya shAr~NgiNaH || 14\.21\.3|| tasyAM rAjAbhavat vIraketuH nAma rarakSha yaH | kShoNImimAM mahAbAhuH prAkAro nagarImiva || 14\.21\.4|| tasminmahIpatavasyAM puryAmeko mahAvaNik | ratnadattAbhidhAno.abhUt vaNiknIvahanAyakaH || 14\.21\.5|| nandayantI\-abhidhAnAyAM patnyAM tasyodapadyata | sutA ratnavatI nAma devatArAdhanArjitA || 14\.21\.6|| sA cha tasya pituH veshmanyavardhata manasvinI | rUpalAvaNyavinayaiH sahaiva sahajaiH guNaiH || 14\.21\.7|| yauvanasthAM cha tAM tasmAt ratnadattAnna kevalam | mahAnto vaNijo yAvat rAjAno.api yayAchire || 14\.21\.8|| sA tu pumdveShiNI nAichChat bhartAramapi vAsavam | prANatyAgaudyatA sehe na vivAhakathAmapi || 14\.21\.9|| tena tasyAH pitA tUShNIM tasthau vAtsalyaduHsthitaH | sashcha pravAdo.ayodyAyAM tasyAM sarvatra paprathe || 14\.21\.10|| atrAntare sadA chauraiH muShyamANAH kilAkhilAH | sambhUyAtra nR^ipaM paurAH vIraketuM vyajij~napan || 14\.21\.11|| nityaM muShyAmahe chauraiH rAtrau rAtraviha prabho | lakShyante te cha nAsmAbhiH taddevo vettu yatparam || 14\.21\.12|| iti pauraiH sa vij~napto rAjA tAmabhitaH purIm | taskarAnveShaNe ChannAnnAdishat ratrirakShakAn || 14\.21\.13|| te.api prApuH na yachchaurAn purI sAmuShyataiva cha | tadaikadA svayaM rAjA nishi svairaM viniryayau || 14\.21\.14|| ekAkI chAttashastro.atra bhraman so.apashyat ekataH | ekaM prAkArapR^iShTena yAntaM kamapi pUruSham || 14\.21\.15|| niHshabdapadavinyAsavichitragatikaushalam | sasha~NkalolanayanaM pashyantaM pR^iShTato muhuH || 14\.21\.16|| ayaM sa nUnaM chauro me muShNAtyekacharaH purIm | iti matvaiva nikaTaM sastasyopayayau nR^ipaH || 14\.21\.17|| tataH sashchauraH dR^iShTvA taM nR^ipaM ko.asItyabhAShata | chauro.ahamiti rAjA taM chauraM pratyabravItsastam || 14\.21\.18|| so.atha chauro.abhyadhAddR^iShTvA tarhi tulyo.asi me suhR^it | tat ehi matgR^ihaM tAvanmitrAchAraM karomi te || 14\.21\.19|| tachChrutvA sastathetyuktvA tenaiva saha bhUpatiH | yayau vanAntaHdharaNIkhAtAntaHvarti tatgR^iham || 14\.21\.20|| asheShabhogabhogADhyaM bhAsvatdIpaprakAshitam | navInamiva pAtAlaM balirAjAnadhiShThitam || 14\.21\.21|| tatra praviShTe tasmin cha kR^itAsanaparigrahe | rAj~ni so.abhyantaragR^ihaM praviveshAtha taskaraH || 14\.21\.22|| tat kShaNaM cha tametyaikA dAsI tatrAvadannR^ipam | mahAbhAga praviShTastvamiha mR^ityumukhe katham || 14\.21\.23|| ekachauraH hyasau pApaM niHgatyAtaH kariShyati | dhruvaM visvAsaghAtIti taditastvaritaM vraja || 14\.21\.24|| ityuktaH sastayA rAjA niHgatyaiva tataH drutam | gatvA svarAjadhAnIM cha nishi sainyAnyasajjayat || 14\.21\.25|| sannaddhasainyashchAgatya dasyostasya rurodha tat | bhUgR^ihadvAravivaraM rasattUryAkulaiH balaiH || 14\.21\.26|| tato ruddhe gR^ihe vR^ittaM pratibhedamavetya saH | maraNe niHchitashchauraH shUro yuddhAya niryayau || 14\.21\.27|| niHgatashcha raNe chakre parAkramamamAnuSham | karAn chakarta kariNAM ja~NghAH chichCheda vAjinAm || 14\.21\.28|| jahAra cha shirAMsyeko bhaTAnAM khaDgacharmabhR^it | tatastaM kShapitAnIkamabhyadhAvatsvayaM nR^ipaH || 14\.21\.29|| sastasya khaDgavidyAj~no rAjA karaNayuktitaH | hastAt jahAra niHtriMshamatha tAM kShurikAmapi || 14\.21\.30|| ashastraM muktashastro.atha bAhuyuddhena taM nR^ipaH | chauraM nihatya dharaNau sajIvagrAhamagrahIt || 14\.21\.31|| ninAya taM cha saMyamya sadhanaM nagarIM nijAm | prAtashchAj~nApayattasya shUlAropaNanigraham || 14\.21\.32|| nIyamAnaM cha taM vadhyabhUmiM chauraM saDiNDimam | dadarsha sA ratnavatI vaNikkanyAtra harmyataH || 14\.21\.33|| vraNitaM dhUliliptA~NgamapyetaM mAramohitA | dR^iShTvaiva gatvA pitaraM ratnadattamuvAcha sA || 14\.21\.34|| vadhAya nIyate yo.ayameSha bhartA vR^ito mayA | tannR^ipAt rakSha tAtainaM na chet enamanu mriye || 14\.21\.35|| tachChrutvA tAM pitAvAdIt kimidaM putri bhAShase | yA tvaM nechChasi bhUpAlAmapi bhartqnnabhIpsataH || 14\.21\.36|| sA pApaM taskaramimaM vA~nChasyApadgataM katham | ityAdi pitrA proktApi niHchayAnna chachAla sA || 14\.21\.37|| tataH sastatpitA gatvA tasya chaurasya satvaram | sarvasvenApi rAjAnaM vadhAnmokShamayAchata || 14\.21\.38|| rAjA tu taM na tatyAja hemakoTishatairapi | svasharIrapaNAnItaM chauraM sarvApahAriNam || 14\.21\.39|| tataH pitaryupAyAte vimukhe sA vaNiksutA | anumartuM kR^itasnAnA vAryamANApi bandhubhiH || 14\.21\.40|| Aruhya shibikAM tasya dasyoH vadhyabhuvaM yayau | anvIyamAnA rudatA pitrA mAtrA janena cha || 14\.21\.41|| tAvachcha vadhakaiH so.atra chauraH shUle.adhiropitaH | tAM dadarsha galatprANastathA saj~nAtimAgatAm || 14\.21\.42|| janAchChrutvA cha vR^ittAntamashru muktvA kShaNaM tataH | hasan sashchauraH kimapi prANAn shUlagataH jahau || 14\.21\.43|| tato.avatAritaM shUlAtsA tatchaurakalevaram | AdAya chArurohAtra chitAM sAdhvI vaNiksutA || 14\.21\.44|| tat kShaNaM cha shmashAne.atra bhairavaH kR^itasannidhiH | adR^ishyo bhagavAn evaM tAmuvAchAntarikShataH || 14\.21\.45|| asmin svayamvarapatavevaM bhaktyA tavAnayA | tuShTo.asmi tat varaM mattaH prArthayasva pativrate || 14\.21\.46|| tachChrutvaiva varaM devAt evaM vavre praNamya sA | nAtha putrashataM bhUyAdaputrasyApi matpituH || 14\.21\.47|| yenAnanyasuto naiShaH prANAn jahyAnmayA vinA | iti proktavatImenAM sAdhvIM devo.abravItpunaH || 14\.21\.48|| pituH putrashataM te.astu varamanyaM vR^iNIShva cha | tvAdR^ishI dR^iDhasattvA hi naitAvatmAtramarhati || 14\.21\.49|| tadAkarNyAtha sAvAdItprasanno mayi chetprabhuH | tat jIvatveSho bhartA me dhArmikashcha sadAstviti || 14\.21\.50|| evamastvakShataH jIvannuttiShThatveShaste patiH | dhArmikashchAstu rAjAsya vIraketuH cha tuShyatu || 14\.21\.51|| ityuktavatyanAlakShyamUrtau sharve nabhaHsthite | uttasthavakShatA~Ngo.atra chauraH jIvan tadaiva saH || 14\.21\.52|| tato vismitahR^iShTaH san ratnadattaH sutAM vaNik | AdAya tAM ratnavatIM chauraM jAmAtaraM cha tam || 14\.21\.53|| prahR^iShTaiH bAndhavaiH sAkaM pravishya nijamandiram | labdhaputravarashchakre svAnandauchitamutsavam || 14\.21\.54|| j~nAtavR^ittAntatuShTashcha tadaivAnAyya taM nR^ipaH | ekavIraM vIraketuH chauraM senApatiM vyadhAt || 14\.21\.55|| chauryAnnivR^itto.atha sastAM pariNIya vaNiksutAm | ekavIraH sukhaM tasthau mArgastho rAjasammataH || 14\.21\.56|| iti kathayitvA saH kathAM vetAlaH dattapUrvashApabhayam | aMsasthitastrivikramasenaM paprachCha taM kShitipam || 14\.21\.57|| rAjan brUhi sapitR^ikAmupasthitAM tAM vaNiksutAM dR^iShTvA | chaureNa shUlapR^iShTe ruditaM hasitaM cha kiM tena || 14\.21\.58|| atha rAjA pratyavadat ruditaM chaureNa duHkhatastena | nAsyAnR^iNyamakAraNabandhoH yAto.asmi vaNijaH iti || 14\.21\.59|| Ashcharyatashcha hasitaM kimiyaM kanyA nR^ipAn varAn hitvA | mayyasminnanuraktA strIchittamaho vichitramiti || 14\.21\.60|| ityuktavAkyasya mahIbhR^ito.aMsAnmAyI svashaktyaiva tadA jagAma | svaM dhAma vetAlavaraH sa rAjApyetam punaH pUrvavadanvagachChat || 14\.21\.61|| \medskip\hrule\medskip tataH gatvA punaH prApya vetAlaM shiMshapAtaroH | sastrivikramasenastamAdAyodachalatpunaH || 15\.22\.1|| AyAntaM taM cha rAjAnaM sa vetAlo.aMsapR^iShThagaH | jagAda bhUyo.apyetAM te rAjan vachmi kathAM shR^iNu || 15\.22\.2|| abhUnnepAlaviShaye nAmnA shivapuraM puram | yathArthanAmA tatrAsIt yashaHketuH purA nR^ipaH || 15\.22\.3|| so mantriNi nyasya bharaM praj~nAsAgarasaMj~nake | chandraprabhAkhyayA devyA sArdhaM bhogAnnasevata || 15\.22\.4|| kAlena tasyAM devyAM cha tasyAjAyata kanyakA | rAj~naH shashiprabhA nAma jagatnetrashashiprabhA || 15\.22\.5|| krameNa yauvanasthA sA madhumAse kadAchana | yayau yAtrA\-utsavaM draShTumudyAnaM saparichChadA || 15\.22\.6|| tatraikadeshe.apashyattAM kusumAvachayaudyatAm | utkShiptabAhulatikAlakShitaikapayaHdharAm || 15\.22\.7|| prasUnavR^intavigalatsandaMshakarashobhinIm | ADhyaputro manaHsvAmI nAma yAtrAgataH dvijaH || 15\.22\.8|| sastayA dR^iShTayA sadyaH hR^itasya manaso yuvA | manaHsvAmyapi naivAbhUtsvAmI madanamohitaH || 15\.22\.9|| mArgaNAnAM kR^ite kiM svit ratiH eShA manaHbhuvaH | vasantasambhR^itAnIha puShpANyuchchinute svayam || 15\.22\.10|| kiM vArchayitukAmeyaM mAdhavaM vanadevatA | iti sa~nchintayantaM taM sApyapashyannR^ipAtmajA || 15\.22\.11|| dR^iShTamAtre cha sA tasmin sA~Nge nava iva smare | na puShpANi na chA~NgAni sautkA nAtmAnamasmarat || 15\.22\.12|| ityanyaHanyanavapremasarasau yAvadatra tau | tiShThatastAvat udabhUt hA hA heti mahAravaH || 15\.22\.13|| kimetat iti chotkShiptakamdharaM pashyatostayoH | AyAdatropalabdhAnyagajagandhautthayA ruShA || 15\.22\.14|| bhagnAlAno vinirgatya matto mArgadrumAn rujan | patitAdhoranaH dhAvan lambamAnA~NkushaH karI || 15\.22\.15|| tataH parijane trastavidrute tAM sasambhramam | rAjaputrIM pradhAvyaiva dorbhyAmutkShipya chaikakAm || 15\.22\.16|| a~NgaiH kimchit kR^itAshleShAM bhayaprematrapAkulAm | ninAya sa manaHsvAmI sudUraM gajagocharAt || 15\.22\.17|| athAgataiH parijanaiH stuvadbhiH taM dvijauttamam | muhuH vivR^itya pashyantI sA ninye nijamandiram || 15\.22\.18|| tatra tasthau tamevArtA smarantI prANadAyinam | smarAgnipuTapAkena pachyamAnA divAnisham || 15\.22\.19|| so.apyudyAnAnmanaHsvAmI tadA tasmAdanuvrajan | svAntaHpurapraviShTAM tAM dR^iShTvA sautko vyachintayat || 15\.22\.20|| naitAM vinAdhunA sthAtuM jIvituM vAhamutsahe | tanme shrI mUladevo.atra dhUrthaH siddhaH guruH gatiH || 15\.22\.21|| iti sa~nchintya kathamapyasminnavasite dine | prato yayau gurostasya mUladevasya so.antikam || 15\.22\.22|| dadarsha taM cha mitreNa shashinA nitya sa~Ngatam | siddhamAyAdbhutapathaM sasharIramivAmbaram || 15\.22\.23|| nyavedayachcha tattasmai praNamya svamanIShitam | so.api sAdhayituM tasya pratipede vihasya tat || 15\.22\.24|| tataH sa yogagulikAM kShiptvA dhUrtapatiH mukhe | mUladevo vyadhAt vR^iddhabrAhmaNAkR^itimAtmanaH || 15\.22\.25|| dvitIyAM gulikAM dattvA mukhakShepyAM chakAra cha | sukAntakanyakArUpaM taM manaHsvAminaM dvijam || 15\.22\.26|| tatrUpaM taM samAdAya gatvA dhUrtAdhipo.atha saH | tatpriyAjanakaM bhUpamAsthAne taM vyajij~napat || 15\.22\.27|| rAjan eko.asti me putraH kanyA dUrAchcha tatkR^ite | mayaiShA yAchitAnItA sashcha kvApi gato.adhunA || 15\.22\.28|| tamanveShTumahaM yAmi tat eShA rakShyatAM tvayA | AnayAmi sutaM yAvattvaM hi vishvasya rakShitA || 15\.22\.29|| tachChrutvA shApabhItyA cha pratipadya sa bhUpatiH | sutAmAnAyayAmAsa yashaHketuH shashiprabhAm || 15\.22\.30|| jagAda chaitAM putrImAM kanyAM rakSheH svamandire | svapArshva eva chAhAraM shayyAM chAsyAH prakalpayeH || 15\.22\.31|| iti pitroktayA ninye kanyArUpastatheti saH | antaHpuraM manaHsvAmI rAjaputryA tayA nijam || 15\.22\.32|| yathAruchi tato yAte muladeve dvijAkR^itau | kanyArUpaH sastatrAsInmanaHsvAmI priyAntike || 15\.22\.33|| dinaiH cha tAM sakhIprItivisrambhaM samyakAgatAm | ekadA virahakShAmAM shayanIyaluThattanum || 15\.22\.34|| rAtrau raho rAjasutAmAsannashayanasthitaH | kanyArUpapratichChanno manaHsvAmI saH pR^iShTavAn || 15\.22\.35|| sakhi kiM pANDuraChAyA kShIyamANA dine dine | kAntapakShaviyukteva duHkhitAsi shashiprabhe || 15\.22\.36|| brUhi me kaH hyavishvAsaH snigdhamugdhe sakhijane | idAnIM naiva bhokShye.ahaM na vadiShyasi chenmama || 15\.22\.37|| tachChrutvA sA viniHshvasya shanaiH rAjasutAbravIt | kiM me tvayyapyavishvAsaH shR^iNu tatsakhi vachmi te || 15\.22\.38|| ekadAhaM madhUdyAnayAtrAM draShTuM gatAbhavam | tatrApashyaM cha subhagaM kamchit brAhmaNaputrakam || 15\.22\.39|| himamuktaindusashrIkaM darshanauddIpitasmaram | madhumAsamivAlokakrIDAla~NkR^itakAnanam || 15\.22\.40|| chakorAyitumete cha pravR^itte yAvat unmukhe | tatmukhaindudyutisudhApAyinI me vilochane || 15\.22\.41|| tAvatsravanmadajalastatrAkasmAnniHargalaH | akAlakAlameghAbhaH garjannAgAnmahAgajaH || 15\.22\.42|| tatsambhramAtparijane naShTe.ahaM bhayavihvalA | utkShipya vipraputreNa nItA tenaiva dUrataH || 15\.22\.43|| shrIkhaNDenAnulipteva sikteva sudhayA tathA | ahaM tata~Ngasparshena na jAne kAM dashAmagAm || 15\.22\.44|| kShanAchcha parivAreNa militenAvashA tataH | ihAnItAsmi nikShiptA svargAt iva bhuvastale || 15\.22\.45|| tadAprabhR^iti sa~NkalpaiH taiH taiH kalpitasa~Ngamam | pashyAmi taM prabuddhApi pArshvasthaM prANadaM patim || 15\.22\.46|| suptA svapne cha kurvANaM chATUnyAlokayAmi tam | tyAjayantaM haThAllajjAM chumbanAli~NganAdhibhiH || 15\.22\.47|| na cha prApnomyabhavyA tatnAmAdyaj~nAnamohitA | tat evaM mAM dahatyeShaH prANa\-IshavirahAnalaH || 15\.22\.48|| iti vAksudhayA tasyAH pUrNasvashravaNaudaraH | sAnandaH sa manaHsvAmI viprakanyAvapuHdharaH || 15\.22\.49|| kR^itArthamAnI matvA taM kAlamAtmaprakAshane | svarUpaM prakaTIchakre niShkR^iShya gulikAM mukhAt || 15\.22\.50|| jagAda cha vilolAkShi so.ahamevaiSho yastvayA | udyAne darshanakrIto nIto nirvyAjadAsatAm || 15\.22\.51|| tvatsaMstavakShaNabhraMshAt kleshaM taM chAptavAnnaham | yasyaiShaH pariNAmo me kanyArUpagraho.abhavat || 15\.22\.52|| tasmAtsaphalayaitAM me visoDhAM virahavyathAm | Atmanashcha na tanua~Ngi kShamate.ataH paraM smaraH || 15\.22\.53|| evaM vadantaM sahasA prANa\-IshaM taM vilokya sA | AsIt rAjasutA kShipraM snehAshcharyatrapAkulA || 15\.22\.54|| athAtyautsukyanirvR^ittagAndharvaudvAhayostayoH | premNastasya mato yAdR^iktAdR^isho.abhUt ratautsavaH || 15\.22\.55|| tataH so.atra manaHsvAmI kR^itI tasthau dvirUpabhR^it | divA sagulikAH kanyA rAtravagulikAH pumAn || 15\.22\.56|| gateShvatha dineShvatra yashaHketoH mahIpateH | mR^igA~NkadattasaMj~nena svashuryeNa nijA sutA || 15\.22\.57|| dattA mR^igA~NkavatI\-AkhyA mahArhavibhavauttarA | dvijAtaye mahAmantri praj~nAsAgarasUnave || 15\.22\.58|| tasminmAtulaputryAH sA rAjaputrI shashiprabhA | vivAhe mAtulagR^ihaM tat jagAma nimantritA || 15\.22\.59|| tayA saha yayau so.api kanyakAparivArayA | vipraputro manaHsvAmI kAntakanyAsvarUpadhR^it || 15\.22\.60|| tatra taM kanyakArUpadharaM mantrisuto.atha saH | dR^iShTvA kila smaravyAdhagADhabANAhato.abhavat || 15\.22\.61|| tato muShitachittaH san tayA kapaTakanyayA | yayau mantrisutaH shUnyaM svagR^ihaM svavadhUsakhaH || 15\.22\.62|| tatra tatmukhalAvanyadhyAnAsaktaH jagAma saH | tIvrarAgamahAvyAladaShTo mohamasha~Nkitam || 15\.22\.63|| kimetat iti sambhrAnte jane tatrotsavaujjhite | tamupAgAddrutaM buddhvA saH praj~nAsAgaraH pitA || 15\.22\.64|| tena chAshvAsyamAno.api pitrA mohAtprabudhya saH | pralapan iva saunmAdamujjagAra manaHgatam || 15\.22\.65|| asvAdhInaM cha taM matvA tatpitaryativihvale | tasmin rAjApi tat buddhvA tatraiva samupAyayau || 15\.22\.66|| sastaM dR^iShTvA jhaTityeva gADhAbhiShva~NgataH gatam | saptamIM madanAvasthAM jagAda prakR^itIH nR^ipaH || 15\.22\.67|| kathaM brAhmaNanikShepaH kanyA sAsmai pradIyate | tayA vinA cha niyataM pashchimAmetyasau dashAm || 15\.22\.68|| asmin naShTe pitAsyaiSho mama mantrI vina~NkShyati | etatnAshe rAjyanAshastat iha brUta kA gatiH || 15\.22\.69|| ityuktAH tena rAj~nA tAH sarvAH prakR^itayo.abruvan | rAj~naH dharmaM nijaM prAhuH prajAnAM dharmarakShaNam || 15\.22\.70|| mUlaM tasya viduH mantraM sashcha mantriShvavasthitaH | mantrinAshe mUlanAshAt rakShyA dharmakShatiH dhruvam || 15\.22\.71|| pApaM cha syAddvijasyAsya sasUnoH mantriNo vadhAt | tasmAt rakShyo.ayamAsanno.avashyaM te dharmaviplavaH || 15\.22\.72|| dAtavyA mantriputrAya vipranyastA kumArikA | kAlAntarAgate vipre kruddhe pratividhAsyate || 15\.22\.73|| evamuktaH prakR^itibhiH tatheti pratyapadyata | so rAjA mantriputrAya dAtuM tAM kUTakanyakAm || 15\.22\.74|| AnItashcha sa nishchitya lagnaM rAjasUtAgR^ihAt | kanyArUpo manaHsvAmI taM jagAda mahIpatim || 15\.22\.75|| anyenAnyArthamAnItAmanyasmai mAM dadAsi chet | kAmaM tadastu rAjA tvaM dharmAdharmau tavAdya tau || 15\.22\.76|| ahaM vivAhamichChAmi samayenedR^ishena tu | ekashayyAM na netavyA patyA tAvadahaM haThAt || 15\.22\.77|| yAvattIrthAni ShaTmAsAn paribhramya sa nAgataH | evaM na chet kR^ittajihvAM dantaiH jAnIhi mAM mR^itAm || 15\.22\.78|| ityukte samaye tena yUnA kanyAvapuHbhR^itA | rAj~nA saH bodhitaH prApa nirvR^ittiM mantriputrakaH || 15\.22\.79|| tatheti pratipadyaitat kR^itvodvAhaM kilAshu tam | ekasmin sthApayitvA cha vAsake te surakShite || 15\.22\.80|| tAM mR^igA~NkavatImAdyAM vadhUM kUTavadhUM cha tAm | jagAma tIrthayAtrAyai mUDaH kAntApriyA\-ichChayA || 15\.22\.81|| sashchovAsa manaHsvAmI strIrUpo.atra tayA saha | mR^igA~NkavatI\-ekagR^ihe samAnashayanAsanaH || 15\.22\.82|| tathA sthitaM kadAchittaM sA mR^igA~NkavatI nishi | shayyAgR^ihe raho.avAdIt bahiHsupte parichChade || 15\.22\.83|| kathAM kAmchittvamAkhyAhi nidrA nAsti hi me sakhi | tachChrutvAkathayatso.asyai strIrUpastAM kathAM yuvA || 15\.22\.84|| yatrelAkhyasya rAjaR^iSheH sUryavaMshabhuvaH purA | prAptasya gaurIshApena srtItvaM vishvaikamohanam || 15\.22\.85|| anyonyadarshanaprItyA devaudyAnavanAntare | abhUt budhena saMyogaH samabhUchcha purUravAH || 15\.22\.86|| tAM kathAM kathayitvA cha dhUrtaH punaruvAcha saH | tat evaM devatAdeshAnmantrAuShadhavashena vA || 15\.22\.87|| puruShaH strI kadAchitsyAtstrI vA jAtu pumAn bhavet | bhavanti chaivaM saMyogAH kAmajA mahatAmapi || 15\.22\.88|| shrutvaitattaruNI mugdhA vivAhaproShitAnukA | sA mR^igA~NkavatI smAha vishvastA sahavAsataH || 15\.22\.89|| shrutvaitAM me kathAmetada~NgaM simisimAyate | hR^idayaM sIdatIvedaM tat etatsakhi kiM vada || 15\.22\.90|| tachChrutvA so.a~NganArUpo vipraH punaruvAcha tAm | etAni kAmachihnAni nanvapUrvANi te sakhi || 15\.22\.91|| mayaitAnyanubhUtAni nigUhe na hyahaM tava | iti tenoditAvAdItsA mR^igA~NkavatI shanaiH || 15\.22\.92|| sakhi prANasamA tvaM me tat kAlaj~nA na vachmi kim | api puMsaH praveshaH syAt upAyena hi kenachit || 15\.22\.93|| evamuktavatImetAM sashcha labdhAshayastadA | prAha dhUrtapateH shiShyo yadyevaM tat vadAmi te || 15\.22\.94|| vaiShNavo.asti prasAdo me yenAhaM svaichChayA nishi | puruShaH syAM tat eSho.adya bhavAmi tvatkR^ite pumAn || 15\.22\.95|| ityuktvA sa manaHsvAmI niShkR^iShya gulikAM mukhAt | yauvanauddAmamAtmAnaM tasyai kAntamadarshayat || 15\.22\.96|| tataH kathitavisrambhaH sarvasvagatayantraNaH | kAlauchitarasaH ko.api tayoH AsIt ratautsavaH || 15\.22\.97|| atha tatra tayA sAkaM sa mantrisutabhAryayA | tasthau dvijaH divA nArI rAtrau cha puruSho bhavan || 15\.22\.98|| AsannAgamanaM taM cha buddhvA mantrisutaM dinaiH | tAmAdAya nishi svairaM palAyya sa yayau tataH || 15\.22\.99|| etasmin cha kathAsandhau mUladevaH sastatguruH | buddhvA tadakhilaM bhUtvA bhUyo vR^iddhadvijAkR^itiH || 15\.22\.100|| shashinAnugataH sakhyA taruNadvijarUpiNA | Agatya taM yashaHketuM prahvo rAjAnamabravIt || 15\.22\.101|| AnIto.ayaM mayA putraH dehi me tAM snuShAmiti | tataH sammantrya sa nR^ipaH shApabhItastamabhyadhAt || 15\.22\.102|| brahman na jAne kva gatA sA snuShA te kShamasva tat | aparAdhAtsutasyArthe dadAmi svasutAM tava || 15\.22\.103|| ityuktvA dhUrtarAjaM taM kR^itakakrodhaniShThuram | vibruvANaM jaratviprarUpaM prArthya sa bhUpatiH || 15\.22\.104|| tatsakhye kR^itatatputravyapadeshAya tAM dadau | tanayAM shashine tasmai yathAvidhi shashiprabhAm || 15\.22\.105|| tataH sa mUladevastau yathAbhUtau vadhUvarau | AdAya svAspadaM prAyAt rAjArtheShvakR^itaspR^ihaH || 15\.22\.106|| tatra tasmin cha milite manaHsvAmInyabhUnmahAn | vivAdo mUladevAgre shashinastasya chobhayoH || 15\.22\.107|| manaHsvAmyabravIt eShA dIyatAM me shashiprabhA | kanyaiva hi mayodUDA prAk asau guruanugrahAt || 15\.22\.108|| shashI jagAda ko.asyAH tvaM mUrkha dAreyaM mama | agnisAkShikameShA hi pitrA me pratipAditA || 15\.22\.109|| evaM mAyAbalaprAptarAjaputrInimittataH | vivAdAsaktayoH nAsItparichChedastayoH dvayoH || 15\.22\.110|| tat rAjan tvaM mama brUhi tAvat kasyopapadyate | bhAryA sA saMshayaM Chindhi pUrvauktaH samayo.asti te || 15\.22\.111|| iti vetAlataH shrutvA tasmAtskandhAgravartinaH | sastrivikramasenastaM nR^ipatiH pratyabhAShata || 15\.22\.112|| manye shashinaH evAsau bhAryA nyAyyA nR^ipAtmajA | yasmai pradattA prakaTaM pitrA dharmyeNa vartmanA || 15\.22\.113|| manaHsvAmI tu tAM bheje chauryAt gAndharvadharmataH | chaurasya tu parasveShu svatvaM nyAyyaM na jAtu chit || 15\.22\.114|| iti tasya vacho nishamya rAj~no vetAlaH sa yayau punastat eva | sahasaiva tadaMsataH svadhAma kShitipaH saH api tamanviyAya tUrNam || 15\.22\.115|| \medskip\hrule\medskip atha gatvA punaH skandhe vetAlaM shiMshapAdrumAt | sastrivikramasenastamAdAyodachalattataH || 16\.23\.1|| AgachChantaM cha taM bhUpaM sa vetAlo.abravItpunaH | rAjan shR^iNu kathAmekAmudArAM kathayAmi te || 16\.23\.2|| astIha himavAn nAma nagaindraH sarvaratnabhUH | yaH gaurIga~NgayostulyaH prabhavaH harakAntayoH || 16\.23\.3|| shUrAsaMspR^iShTasprShThashcha yo madhye kulabhUbhR^itAm | abhimAnaunnataH satyaM gIyate bhuvanatraye || 16\.23\.4|| tasyAsti sAnunyanuarthaM tat kA~nchanapuraM puram | nyAsIkR^itamivArkeNa rashmivR^indaM vibhAti yat || 16\.23\.5|| jImUtaketuH ityAsIttasmin puravare purA | vidyAdhara\-IshvaraH shrImAnmeraviva shatakratuH || 16\.23\.6|| tasyAsItsvagR^ihaudyAne kalpavR^ikSho.anvayAgataH | yathArthanAmA prathito yo manaHrathadAyakaH || 16\.23\.7|| taM prArthya devatAtmAnaM sa rAjA tatprasAdataH | prApa jAtismaraM putraM bodhisattvAMshasambhavam || 16\.23\.8|| dAnavIraM mahAsattvaM sarvabhUtAnukampinam | gurushushrUShaNaparaM nAmnA jImUtavAhanam || 16\.23\.9|| samprAptayauvanaM taM cha yauvarAjye.abhiShiktavAn | tanayaM preritaH sadbhiH tatguNaiH sachivaiH cha saH || 16\.23\.10|| yauvarAjyasthitashchaiShaH jAtu jImUtavAhanaH | hitaiShibhiH upAgatya jagade pitR^imantribhiH || 16\.23\.11|| deva kalpataruH yo.ayamasti vaH sarvakAmadaH | adhR^iShyaH sarvabhUtAnAM saH eShaH pUjyaH sadA tava || 16\.23\.12|| nAsmin sati hi shakro.api bAdhetAsmAnkuto.aparaH | etachChrutvA saH jImUtavAhano.antarachintayat || 16\.23\.13|| aho batedR^ishamimaM samprApyAmarapAdapam | nAsAditaM kimapyasmAtpUrvaiH nastAdR^ishaM phalam || 16\.23\.14|| kevalaM kaiHchidapyarthairarthitaiH kR^ipaNauchitaiH | AtmA chaiSho mahAtmA cha nItau dvavapi lAghavam || 16\.23\.15|| tadahaM sAdhayIShyAmi kAmamasmAnmanaHgatam | iti nishchitya sa yayau mahAsattvo.antikaM pituH || 16\.23\.16|| tatra saMvihitAsheShashushrUShAparitoShitam | sukhAsInaM tamekAnte pitaraM sa vyajij~napat || 16\.23\.17|| tata tvameva jAnAsi yat etasmin bhavAmbudhau | AsharIramidaM sarvaM vIchivibhramacha~nchalam || 16\.23\.18|| visheShenAchirasthAyiprakAshapravilAyinI | sandhyA vidyuchcha lakShmIH cha dR^iShTA kutra kadA sthirA || 16\.23\.19|| ekaH paraupakArastu saMsAre.asminnanashvaraH | yaH dharmayashasI sUte yugAntashatasAkShiNI || 16\.23\.20|| tattAta kShaNikeShveShu bhogeShvasmAbhiH IdR^ishaH | eShaH kalpataruH kasya kR^ite mogho.abhirakShyate || 16\.23\.21|| yaiH vA mama mametyevamAgrahenaiSho rakShitaH | pUrvaiH te kutra kutrAyaM teShAM kashchaiShaH ko.asya vA || 16\.23\.22|| tasmAtparaupakAraikaphalasiddhyai tvatAj~nayA | tAtainaM viniyu~nje.ahaM kAmadaM kalpapAdapam || 16\.23\.23|| evamastviti pitrA cha dattAnuj~no.atha tena saH | jImUtavAhanaH gatvA kalpadrumamuvAcha tam || 16\.23\.24|| abhIShTAH pUritAH kAmAH pUrveShAM deva nastvayA | tanmamaikamimaM kAmamananyaM paripUraya || 16\.23\.25|| adaridrAM yathA pR^ithvImimAM drakShye tathA kuru | bhadraM te vraja datto.asi lokAyArthArthine mayA || 16\.23\.26|| ityuktavati jImUtavAhane rachitA~njalau | tyaktastvayaiShaH jAto.asmItyudabhUt vAktarostataH || 16\.23\.27|| kShaNAchchotpatya saH divaM kalpavR^ikShastathA vasu | vavarSha bhuvi naivAsIt ko.apyasyAM duHgato yathA || 16\.23\.28|| tatastasya tayA tIvrasarvasattvAnukampayA | jImUtavAhanasyAtra trailokye paprathe yashaH || 16\.23\.29|| tena tatgotrajAH sarve mAtsaryAdasahiShNavaH | taM lokasAtkR^itArtighnakalpavR^ikShavinAkR^itam || 16\.23\.30|| jeyaM sapitR^ikaM matvA sambhUya kR^itanishchayAH | yuddhAya samanahyanta tat rAjyApajihIrShayA || 16\.23\.31|| taddR^iShTvA prAha pitaraM svaM saH jImUtavAhanaH | tAta kasyAparasyAsti shaktiH tvayi dhR^itAyudhe || 16\.23\.32|| kiM tvasya pApakasyArthe sharIrasya vinAshinaH | hatvA bandhUnnakR^ipano rAjyaM ko nAma vA~nChati || 16\.23\.33|| tat kiM rAjyena naH kAryaM gatvAnyatra kvachit vayam | dharmameva chariShyAmaH lokadvayasukhAvaham || 16\.23\.34|| modantAM kR^ipaNAH ete dAyAdAH rAjyalolupAH | ityuktavantaM jImUtaketuH taM saH pitAbravIt || 16\.23\.35|| ahaM tvatarthamichChAmi rAjyaM putra tvameva chet | tat jahAsi kR^ipAviShTastanme vR^iddhasya tena kim || 16\.23\.36|| evaM kR^itAbhyanuj~nena pitrA mAtrA cha so.anvitaH | malayAdrimagAttyaktarAjyaH jImUtavAhanaH || 16\.23\.37|| tatra chandanasa~nChannavahanniHjharakandare | shushrUShamANaH pitaraM sastasthau kalpitAshramaH || 16\.23\.38|| mitraM chAsyAtra sampede mitrAvasuH iti shrutaH | vishvAvasoH sutaH siddharAjasyaitatnivAsinaH || 16\.23\.39|| ekadA chAtra sa bhrAmyan viveshopavanasthitam | draShTumAyatanaM devyAH gauryAH jImUtavAhanaH || 16\.23\.40|| tatropavINayantIM cha dadarsha varakanyakAm | sakhIjanAnvitAM shailatanayArAdhanaudyatAm || 16\.23\.41|| AkarNyamAnasa~NgItama~njuvINAravAM mR^igaiH | dR^iShTalochanalAvanyalajjitaiH iva niHchalaiH || 16\.23\.42|| dadhatA tArakaM kR^iShNamarjunena svachakShuShA | pANDavIyAmiva chamUM karNamUlaM vivikShatIm || 16\.23\.43|| paraHparavimardena mukhaindoH iva darshanam | atR^iptaviva vA~nChantau bibhrantIM sammukhau stanau || 16\.23\.44|| dhAtuH ghaTayato muShTigraheNeva nipIDite | valImagnA~NgulImudre madhye kShAmamanaHramAm || 16\.23\.45|| dR^iShTayA cha tayA sadyaH so.abhUt jImUtavAhanaH | tanvyA muShitachitto.antaH dR^iShTimArgapraviShTayA || 16\.23\.46|| sApi taM bhUShitaudyAnaM dR^iShTvotkaNThAvikAradam | kAmA~NgadAhavairAgyAt vanaM madhumivAshritam || 16\.23\.47|| tathAnurAgavivashA bheje kanyA vihastatAm | yathA sakhIva vINAsyAH vyAkulAlApatAM yayau || 16\.23\.48|| tataH saH paprachCha sakhIM tasyAH jImUtavAhanaH | kiM dhanyaM nAma sakhyAH te ko vaMsho.ala~NkR^ito.anayA || 16\.23\.49|| tachChrutvA sA sakhI prAha nAmnA malayavatyasau | mitrAvasusvasA siddharAjavishvAvasoH sutA || 16\.23\.50|| evamuktvA sahR^idayA sA taM jImUtavAhanam | nAmAnvayau cha pR^iShTvAsya muniputraM sahAgatam || 16\.23\.51|| tAM bravIti sma malayavatIM smitamitAkSharam | sakhi vidyAdharendrasya nAsyAtithyaM karoShi kim || 16\.23\.52|| jagatpUjyo.atithiH hyeShaH prAptaH ityudite tayA | sAbhUt vidyAdharasutA tUShNIM lajjAnatAnanA || 16\.23\.53|| lajjAvatIyaM matto.archA gR^ihyatAmiti vAdinI | ekAtha tatsakhI tasmai sArghyAM mAlAmupAnayat || 16\.23\.54|| sashchAdAyaiva jImUtavAhanaH premaniHbharaH | kaNThe malayavatyAH tAM mAlAM tasyAH samarpayat || 16\.23\.55|| sApi tiryakprasR^itayA pashyantI snigdhayA dR^ishA | nIlautpalamayIM mAlAmiva tasmin nyaveshayat || 16\.23\.56|| ityanyaHanyakR^itAshabdasvayamvaravisheShayoH | tayoH etya jagAdaikA cheTI tAM siddhakanyakAm || 16\.23\.57|| jananI rAjaputri tvAM smaratyAgachCha mAchiram | tachChrutvAkR^iShya kAmaiShukIlitAmiva kR^ichChrataH || 16\.23\.58|| sautkAM priyamukhAddR^iShTiM kathamchitsA yayau gR^iham | jImUtavAhano.apyAgAttannatAtmA svamAshramam || 16\.23\.59|| sAtha svAM jananIM dR^iShTA prANa\-IshavirahAturA | gatvA malayavatyAshu papAta shayanIyake || 16\.23\.60|| athAntargatakAmAgnidhUmenevAvila\-IkShaNA | ashrudhArAM pramu~nchantI santApakvathitA~NgakA || 16\.23\.61|| sakhIbhiH chandanaiH liptA vIjitA chAbjinidalaiH | ratiM na bheje shayane nA~Nke sakhyAH na bhUtale || 16\.23\.62|| gate.atha vAsare kvApi raktayA saha sandhyayA | hasatprAchImukhaM chandre samAkramya cha chumbati || 16\.23\.63|| smareNa preryamANApi dUtIsampreShaNAdi sA | lajjayA nAshakat kartuM jIvitaspR^ihayojjhitA || 16\.23\.64|| ninAya cha nishAminduviShamAmabjinIva tAm | baddhamohAlipaTale hR^idi sa~Nkochametya sA || 16\.23\.65|| tAvachcha tatviyogArtaH so.api jImUtavAhanaH | shayanastho.api patitaH haste kusumadhanvanaH || 16\.23\.66|| nUtanaudbhinnarAgo.api pronmiShatpANDuraChaviH | hrImUko.api vadan pIDAM kAmajAmanayannishAm || 16\.23\.67|| prAtashchAtyutsuko bhUyastat gaurI\-AyatanaM yayau | yatra dR^iShTAbhavattena sA siddhAdhipaputrikA || 16\.23\.68|| tatra tena sa mitreNa muniputreNa pR^iShThataH | AgatyAshvAsyate yAvanmadanAnalavihvalaH || 16\.23\.69|| tAvattatraiva sApyAgAnnirgatyaikaiva niHjane | guptaM malayavatyAtmatyAgAya virahAsahA || 16\.23\.70|| alakShayantI kAntaM svaM pAdapAntaritaM cha sA | udashrulochanA bAlA devIM gaurIM vyajij~napat || 16\.23\.71|| tvatbhaktyA devi saMvR^itto nAsmin janmani chenmama | jImUtavAhano bhartA tat bhUyAtso.anyajanmani || 16\.23\.72|| ityuktvA rachayAmAsa svauttarIyeNa tat kShaNam | ashokatarushAkhAyAM pAshaM sA girijAgrataH || 16\.23\.73|| hA nAtha vishvavikhyAtakaruNenApi na tvayA | kathamasmi paritrAtA deva jImUtavAhana || 16\.23\.74|| evamuktvA gale yAvatsA taM pAshaM niyachChati | uchchachAra divastAvat bhAratI devI\-udIritA || 16\.23\.75|| putri mA sAhasaM kArShIH chakravartI patiH tava | vidyAdharendraH jImUtavAhanaH hi bhaviShyati || 16\.23\.76|| ityuktavatyAM devyAM saH shrutvaiva savayasyakaH | jImUtavAhanaH hR^iShTAM priyAmupajagAma tAm || 16\.23\.77|| saH eShaH devyA varaH pashya vitIrNaH satyaH eva te | iti jalpati bAlAM tAM tatmitre muniputrake || 16\.23\.78|| jImUtavAhanastattat bruvan praNayapeshalam | svahastenaiva taM tasyAH kaNThAtpAshamapAnayat || 16\.23\.79|| tato.akasmAtsudhAvarShamiva manvAnayostayoH | bhuvaM malayavatyAM cha likhantyAM hrItayA dR^ishA || 16\.23\.80|| chinvAnAgatya sahasA sakhI hR^iShTA jagAda tAm | sakhi kalyANinI diShTyA vardhase.abhIShTasiddhitaH || 16\.23\.81|| adyaiva hi mahArAjastava vishvAvasuH pitA | kumAramitrAvasunA vij~naptaH sannidhau mama || 16\.23\.82|| ihAgataH jagatmAnyastAta kalpatarupradaH | vidyAdharendratanayo yo.ayaM jImUtavAhanaH || 16\.23\.83|| atithitvAtso naH pUjyo varashchAnyo na tAdR^ishaH | tasmAnmalayavatyAsau kanyAratnena pUjyatAm || 16\.23\.84|| tatheti shraddhite rAj~nA bhrAtA mitrAvasuH saste | tAdarthyena mahAbhAgasyAsyAshramapadaM gataH || 16\.23\.85|| jAne sadyashcha bhAvI te vivAhastatsvamandiram | AyAhi yAtu chaiSho.api mahAbhAgaH svamAspadam || 16\.23\.86|| ityuktA sA tayA sakhyA rAjaputrI shanaiH tataH | yayuH saharShA sautkA cha muhuHvalitakandharA || 16\.23\.87|| jImUtavAhano.apyAshu gatvA svAshramamAgatAt | mitrAvasoH yathAbhIShTaM kAryaM shrutvAbhinandya cha || 16\.23\.88|| jAtismaraH samAchakhyau tasmai svaM pUrvajanma saH | yatra mitraM sastasyAsItsA cha bhAryaiva tatsvasA || 16\.23\.89|| tato mitrAvasuH prItastatpitroH parituShyatoH | Avedya gatvA pitarau kR^itArthaH svavanandayat || 16\.23\.90|| ninAya cha tadaiva svAn gR^ihAn jImUtavAhanam | chakre chotsavasambhAraM svasiddhiuchitavaibhavam || 16\.23\.91|| tasmin eva cha dhanye.ahni tasya vidyAdharaprabhoH | svasuH malayavatyAH cha vivAhaM samapAdayan || 16\.23\.92|| tato nava\-UDhayA sAkaM tayA jImUtavAhanaH | tasthau malayavatyA sastatra siddhamanaHrathaH || 16\.23\.93|| ekadA kautukAchchAtra sa mitrAvasunA saha | malayAdrau bhramannapdheH velAvanamupeyivAn || 16\.23\.94|| tatrAsthirAshIn subahUndR^iShTvA mitrAvasuM sastam | keShAmete.asthisa~NghAtAH prANinAmiti pR^iShTavAn || 16\.23\.95|| tato mitrAvasuH shyAlastaM kAruNikamabravIt | shR^iNu vR^ittAntamatremaM sa~NkShepAt varNayAmi te || 16\.23\.96|| nAgamAtA purA kadrUH vinatAM tArkShyamAtaram | ninAya kila dAsatvaM savyAjapaNanirjitAm || 16\.23\.97|| tena vaireNa garuDastAmunmochyApi mAtaram | balI bhakShayituM nAgAnkadrUputrAn prachakrame || 16\.23\.98|| sadA pravishya pAtAlaM so.atha kAnchit jaghAsa tAn | kAnchinmamarda kechittu svayaM trAsAt vipedire || 16\.23\.99|| taddR^iShTvaikapade sarvakShayamAsha~Nkya nAgarAT | vAsukiH prArthanApUrvaM tArkShyasya samayaM vyadhAt || 16\.23\.100|| ekamekamahaM nAgamAhArArthaM khagaindra te | pratyahaM preShayAmyatra puline dakShiNaudadheH || 16\.23\.101|| tvayA tu na praveShTavyaM pAtAle.asminkathamchana | kaH hi svArtho vinaShTeShu nAgeShvekapade tava || 16\.23\.102|| ityukte nAgarAjena samayaM pratyapadyata | svArthadarshI tathetyeva garuDaH guruvikramaH || 16\.23\.103|| tadAprabhR^iti chaikaikaM nAgaM bhu~Nkte dine dine | vAsukipreShitaM so.atra khagaindraH puline.ambudheH || 16\.23\.104|| atastatbhakShyamANAnAM nAganAmasthisa~nchayAH | ete.atra girishR^i~NgAbhAH vR^iddhiM kAlakramAt gatAH || 16\.23\.105|| iti mitrAvasoH vaktrAtsAntaHduHkho nishamya saH | nijagAda dayAdhairyanidhiH jImUtavAhanaH || 16\.23\.106|| shochyaH sa vAsukiH rAjA yaH svahastena vidviShe | upahArIkaroti svAH prajAH klIbaH dine dine || 16\.23\.107|| dhR^itAnanasahasraH san ekenApyAnanena saH | mAmAdau bhu~NkShva tArkShyeti bhAShitum nAshakat katham || 16\.23\.108|| kathaM chAbhyarthayAmAsa niHsattvaH svakulakShayam | tArkShyaM nAgA~NganAkrandanityAkarNananiHghR^iNaH || 16\.23\.109|| tArkShyo.api kAshyapiH vIraH kR^iShNAdhiShThAnapAvanaH | IdR^ishaM kurute pApamaho mohasya gADhatA || 16\.23\.110|| ityuktvA sa mahAsattvaH hR^idi chakre manaHratham | apyasAreNa dehena sAramatrApnuyAmaham || 16\.23\.111|| ekasyApyadya nAgasya kuryAM jIvitarakShaNam | abAndhavasya bhItasya dattvAtmAnaM garutmate || 16\.23\.112|| iti sa~nchintayatyeva tasmin jImUtavAhane | mitrAvasoH pituH pArshvAt kShattAhvAnArthamAyayau || 16\.23\.113|| vraja tvamahameShyAmi pashchAt iti tatashcha tam | mitrAvasuM saH jImUtavAhano vyasR^ijat gR^iham || 16\.23\.114|| gate tasmin sashchAtraiko vA~nChitArthaunmukho bhraman | kR^ipAluH ashR^inoddUrAt karuNaM ruditadhvanim || 16\.23\.115|| gatvA dadarsha chottu~NgashilAtalasamIpagam | yuvAnamekaM puruShaM duHkhitaM sundarAkR^itim || 16\.23\.116|| puMsA rAjabhaTeneva tyaktamAnIya tat kShaNam | nivartayantaM rudatIM vR^iddhAM sAnunayaM striyam || 16\.23\.117|| ko.ayaM syAt iti yAvachcha jij~nAsuH so.atra tiShThati | karuNAkulitaH ChannaH shR^iNvan jImUtavAhanaH || 16\.23\.118|| tAvatsA tatra vR^iddhA strI duHkhabhArAtipIDitA | prAvartata yuvAnaM taM dR^iShTvA dR^iShTvAnushochitum || 16\.23\.119|| hA sha~NkhachUDa hA duHkhashatasamprApta hA guNin | kulaikatanto hA putra kva tvAM drakShyAmyahaM punaH || 16\.23\.120|| vatsa tvatmukhachandre.asmin gate.astaM saH pitA tava | sokAndhakArapatitaH kathaM vR^iddho bhaviShyati || 16\.23\.121|| athArkakarasaMsparshAda~NgaM dUyeta yattava | kathaM shakShyati tatsoDhuM tArkShyabhakShaNajAM rujam || 16\.23\.122|| vistIrNe nAgaloke.api dhAtrA nAgAdhipena cha | labdhastvaM kimabhavyAyAH vichityaikasuto mama || 16\.23\.123|| iti tAM vilapantIM cha sa yuvA tanayo.abravIt | duHkhArtamapi mAmamba kiM duHkhayasi hA bhR^isham || 16\.23\.124|| nivartasva gR^ihAn eShaH praNAmaH pashchimastava | ihAgamanavelA hi bhavet jAtu garutmataH || 16\.23\.125|| tachChrutvA hA hatAsmIha ko me pAsyati putrakam | ita chakranda sA vR^iddhA dikShu kShiptArtalochanA || 16\.23\.126|| tAvachcha bodhisattvAMshaH sastat jImUtavAhanaH | shrutvA dR^iShTvA cha kR^ipayA gADhAkrAnto vyachintayat || 16\.23\.127|| hantAyaM sha~NkhachUDAkhyo nAgo vAsukinA bata | AhArahetostArkShyasya tapasvI preShito.adhunA || 16\.23\.128|| iyaM chaitasya jananI snehenehAnvak AgatA | etatekasutA vR^iddhA duHkhadInapralApinI || 16\.23\.129|| tat enamekamArtaM cheddehenaikAntanAshinA | rakShAmi nAmunA nAgaM tanme dhik janma niHphalam || 16\.23\.130|| ityAlochyopagamyaiva mudA jImUtavAhanaH | vR^iddhAmuvAcha tAM mAtaH putraM rakShAmyahaM tava || 16\.23\.131|| tachChrutvA bhAvitabhayA vR^iddhA garuDasha~NkhinI | santrastA tArkShya mAM bhu~NkShva mAM bhu~NkShva iti jagAda sA || 16\.23\.132|| sha~NkhachUDastato.avAdInnaiShastArkShyo.amba mA trasIH | kvAyaM chandraH ivAhlAdI kva sastArkShyo bhaya~NkaraH || 16\.23\.133|| ityukte sha~NkhachUDena prAha jImUtavAhanaH | vidyAdharo.ahamAyAto rAkShituM sutamamba te || 16\.23\.134|| dAsyAmi hi sharIraM svaM vastraChannaM garutmate | kShudhitAya prayAhi tvamAdAyainaM sutaM gR^iham || 16\.23\.135|| tachChrutvA sAbravIt vR^iddhA maivaM tvaM hyadhiko mama | putro yasyedR^ishe kAle kR^ipAsmAsviyamIdR^ishI || 16\.23\.136|| etachChrutvA saH jImUtavAhanaH puno.abravIt | na me manaHrathasyAsya bha~NgaM kartumihArhatha || 16\.23\.137|| grahAt evaM bruvANaM cha sha~NkhachUDaH jagAda tam | darshitaiva mahAsattva tvayA satyaM kR^ipAlutA || 16\.23\.138|| na tvahaM tvatsharIreNa rakShyAmi svasharIrakam | ratnavyayena pAShANaM kaH hi rakShitumarhati || 16\.23\.139|| mAdR^ishaiH tu jagatpUrNaM svAtmamAtrAnukampibhiH | anukampyaM jagat yeShAM viralAH te bhavAdR^ishAH || 16\.23\.140|| na chAhaM malinIkartuM sha~NkhapAlakulaM shuchi | kala~NkaH iva tIkShNAMshubimbaM shakShyAmi satmate || 16\.23\.141|| iti taM pratiShidhyaiva sha~NkhachUDaH svamAtaram | jagAdAmba nivartasva kAntArAdduHgamAt itaH || 16\.23\.142|| na pashyasi kimatraitannAgAsR^ikkardamaukShitam | kR^itAntalIlAparya~NkaraudraM vadhyashilAtalam || 16\.23\.143|| ahaM chApdhitaTe gatvA natvA gokarNamIshvaram | AgachChAmi drutaM yAvannAyAti garuDo.atra saH || 16\.23\.144|| ityuktvA kR^ipaNAkrandAM praNamyApR^ichChya mAtaram | saH gokarNapraNAmArthaM sha~NkhachUDo yayau tataH || 16\.23\.145|| asmin chedantare prAptastArkShyaH siddho mamepsitaH | parArtheti jImUtavAhano.apyakarot hR^idi || 16\.23\.146|| tAvachchAsannapakShIndrapakShAnilachalAn tarUn | vilokyAtra sa mA meti nivAraNaparAn iva || 16\.23\.147|| matvA garuDavelAM cha prAptAM jImUtavAhanaH | parArthaprANado vadhyashilAmadhyAruroha tAm || 16\.23\.148|| pavanAghUrNite chApdhau sphuradratnaprabhAdR^ishA | taM sattvAtishayaM tasya pashyatIva savismayam || 16\.23\.149|| AgatyAchChAditanabhAH nipatyaitatshilAtalAt | cha~nchvA garutmAnnAhatya mahAsattvaM jahAra tam || 16\.23\.150|| srutAsR^ikdhAramutkhAtashiraHratnaM cha taM javAt | nItvA bhakShayituM shR^i~Nge malayAdreH prachakrame || 16\.23\.151|| evameva parArthAya dehaH syAtpratijanma me | mA bhUtAM svargamokShau tu paraupakR^itivarjitau || 16\.23\.152|| iti tArkShyAdyamAnasya tasyAnudhyAyatastadA | vidyAdharaindorapatatpuShpavR^iShTiH nabhaHtalAt || 16\.23\.153|| atrAntare sastat raktadhArAsravashiraHmaNiH | tasyAH malayavatyAH cha tatpatnyAH prApatatpuraH || 16\.23\.154|| sA taddR^iShTvA parij~nAya chUDAratnaM suvihvalA | antikasthA shvashurayostAbhyAM sAshruH adarshayat || 16\.23\.155|| tau cha jAyApatI sUnoH shiraHratnaM vilokya tam | kimetat iti sambhrAntau sahasaiva babhUvatuH || 16\.23\.156|| tataH svavidyAnudhyAnAt yathAvR^ittamavetya tat | rAjA jImUtaketuH sA rAjnI kanakavatyapi || 16\.23\.157|| vadhvA malayavatyA tau prAvartetAM saha drutam | gantuM tatraiva tau yatra tArkShyajImUtavAhanau || 16\.23\.158|| tAvatsaH sha~NkhachUDo.atra natvA gokarNamAgataH | dadarsha rudhirArdraM tat vigno vadhyashilAtalam || 16\.23\.159|| hA hato.asmi mahApApaH dhruvaM tena mahAtmanA | AtmA garutmate datto matkR^ite sukR^ipAlunA || 16\.23\.160|| tadanviShyAmi nItaH saH kShaNe.asminkvAhivairiNA | majjeyaM nAyashaHpa~Nke jIvantaM chettamApnuyAm || 16\.23\.161|| ityudashruH vadan so.atha sAdhuH dR^iShTvA niHantarAm | patitAM bhuvi tatraktadhArAmanusaran yayau || 16\.23\.162|| atrAntare bhakShayan taM dR^iShTvA jImUtavAhanam | hR^iShTaM viramya garuDashchintayAmAsa tat kShaNam || 16\.23\.163|| aho apUrvaH ko.apyeSho bhakShyamAno.api yo mayA | prahR^iShyati mahAsattvo na tu prANaiH viyujyate || 16\.23\.164|| bibharti luptasheShe cha gAtre romA~nchaka~nchukam | kiM chopakAriNIvAsya mayi dR^iShTiH prasIdati || 16\.23\.165|| tannaiSho nAgaH ko.apyeShaH sAdhuH pR^ichChAmi nAdmyamum | iti tArkShyaM vimR^ishyantaM prAha jImUtavAhanaH || 16\.23\.166|| pakShIndra kiM nivR^itto.asi na hi me mAMsashoNitam | dehe nAsti na chAdyApi paritR^ipto.asi bu~NkShva tat || 16\.23\.167|| etachChrutvAtisAshcharyastaM paprachCha saH pakShirAT | nAgo naivAsi tat brUhi mahAtmanko bhavAn iti || 16\.23\.168|| nAgaH evAsmi ko.ayaM te prashnaH prakR^itamAchara | prastutArthaviruddhaM hi ko.abhidadhyAdabAlishaH || 16\.23\.169|| evaM prativadatyeva tArkShyaM jImUtavAhane | prAptaH saH sha~NkhachUDo.atra dUrAt evAbhyabhAShata || 16\.23\.170|| mA mA kR^ithAH mahApApaM sAhasaM vinatAtmaja | ko.ayaM bhramaste na hyeSho nAgo nAgo.ahameShaste || 16\.23\.171|| ityuktvA drutamAgatya madhye sthitvA tayoH dvayoH | dR^iShTvA cha tArkShyaM vibhrAntaM sha~NkhachUDaH abravItpunaH || 16\.23\.172|| kiM bhrAmyasi phaNAH kiM me jihve dve cha na pashyasi | vidyAdharasya kiM chAsya saumyAM pashyasi nAkR^itim || 16\.23\.173|| sha~NkhachUDe vadatyevaM bhAryA cha pitarau cha tau | jImUtavAhanasyAtra sarve satvaramAyayuH || 16\.23\.174|| viluptA~NgaM cha taM dR^iShTvA pitarau tasya tat kShaNam | chakrandatuH tau hA putra hA hA jImUtavAhana || 16\.23\.175|| hA kAruNika hA vatsa parArthaprattajIvita | hA kathaM vainateyedamavimR^ishya kR^itaM tvayA || 16\.23\.176|| etachChrutvaiva tArkShyo.atra so.anutapto vyachintayat | hA kathaM bodhisattvAMshaH sammohAt bhakShito mayA || 16\.23\.177|| jImUtavAhanaH so.ayaM parArthaprANadAyakaH | yasya bhramati kR^itsne.asmin trailokye kIrtighoShaNA || 16\.23\.178|| tanme mR^ite.asmin pApasya prAptamagnipraveshanam | adharmaviShavR^ikShasya pachyate svAdu kiM phalam || 16\.23\.179|| iti chintAkule tArkShye dR^iShTvA bandhUn nipatya saH | vraNavyathAyAM pa~nchatvaM prApa jImUtavAhanaH || 16\.23\.180|| tato vilapatostatra tatpitroH shokadInayoH | utkrushya muhuH AtmAnaM sha~NkhachUDe cha nindati || 16\.23\.181|| bhAryA malayavatyasya nabhaH dR^iShTvAshrugadgadam | pUrvaprasannAM varadAmityupAlabhatAmbikAm || 16\.23\.182|| vidyAdharAdhipo bhAvichakravartI patiH tava | bhavitetyahamAdiShTA devi gaurI tadA tvayA || 16\.23\.183|| tanmithyAvAdinI jAtA tvamapyasi kathaM mayi | ityuktavatyAM tasyAM sA gaurI pratyakShatAmagAt || 16\.23\.184|| na me mithyA vachaH putrItyuktvA sA svakamaNDaloH | amR^itenAshu jImUtavAhanaM si~nchati sma tam || 16\.23\.185|| tena so.akShatasarvA~NgaH pUrvAdhikataradyutiH | jIvan sadyaH samuttasthau kR^itI jImUtavAhanaH || 16\.23\.186|| utthitaM praNataM taM cha sarveShu praNamatsu sA | uvAcha devI tuShTAsmi dehadAnena te.amunA || 16\.23\.187|| tat eShA tvAbhiShi~nchAmi putrAtmIyena pANinA | vidyAdharANAmAkalpaM chakravartipade.adhunA || 16\.23\.188|| evaM vadantI jImUtavAhanaM kalashAmbudhiH | tamabhyaShi~nchachCharvAnI pUjitA cha tiraHdadhe || 16\.23\.189|| nipetuH chAtra tat kAlaM divyAH kusumavR^iShTayaH | nadanti sma cha sAnandaM devadundubhayaH divi || 16\.23\.190|| athovAcha sastaM prahvastArkShyaH jImUtavAhanam | chakravartinnahaM prItaH puruShAtishaye tvayi || 16\.23\.191|| apUrvaudAramatinA trijagatkautukAvaham | brahmANDabhittilikhitaM yena chitramidaM kR^itam || 16\.23\.192|| tanmAM prashAdhi mattashcha vR^iNuShvAbhIpsitaM varam | ityuktavantaM garuDaM mahAsattvaH jagAda saH || 16\.23\.193|| na bhakShyAH sAnutApena bhUtvA nAgAH punastvayA | te.apyasthisheShAH jIvantu ye tvayA pUrvabhakShitAH || 16\.23\.194|| evamastu na bhokShye.ahaM nAgAn shAntamataH param | prAk ye cha bhuktAH te jIvantviti tArkShyo.apyuvAcha saH || 16\.23\.195|| tato.astisheShAH ye.apyAsan nAgAH tatpUrvabhakShitAH | te.api sarve samuttasthuH tatvarAmR^itajIvitAH || 16\.23\.196|| suraiH nagaiH muniganaiH sAnandaiH militairatha | saH lokatritayAbhikhyAmuvAha malayAchalaH || 16\.23\.197|| tat kAlaM taM cha jImUtavAhanaudantamadbhutam | gauryAH prasAdAt vividuH sarve vidyAdhara\-IshvarAH || 16\.23\.198|| Agatya te cha charaNAvanatAH himAdriM ninyuH kShaNAnmuditabandhusuhR^itsametam | taM pArvatIsvakarakLptamahAbhiShekaM satchakravartinam atha pratimuktatArkShyam || 16\.23\.199|| tatra saH pitrA mAtrA mitrAvasunA cha malayavatyA cha | nijagR^ihagatAgatena cha saMyuktaH sha~NkhachUDena || 16\.23\.200|| lokauttaracharitAdbhutasiddhAM jImUtavAhanaH suchiram | abhajata ratnaupachitAM vidyAdharachakravartidhuram || 16\.23\.201|| ityatyudArasarasAmAkhyAya kathAM tadA sa vetAlaH | punaH eva taM trivikramasenaM paprachCha rAjAnam || 16\.23\.202|| tat brUhi sha~NkhachUDaH kiM vA jImUtavAhano.abhyadhikaH | sattvena tayoH ubhayoH pUrvauktashchAtra samayaste || 16\.23\.203|| ityasmAt vetAlAchChrutvA maunaM vihAya shApabhayAt | tamuvAcha sastrivikramaseno nR^ipatiH niHudvegaH || 16\.23\.204|| bahujanmasiddhametachchitraM jImUtavAhanasya kiyat | shlAghyaH saH sha~NkhachUDo maraNauttIrNo.api yo ripave || 16\.23\.205|| anyaprattAtmAnaM prApya sudUraM gatAya tArkShyAya | pashchAddhAvan gatvA svaM dehamupAnayatprasabham || 16\.23\.206|| etannishamyaiva nR^ipasya tasya vAkyaM sa vetAlavaraH jagAma | punaH svadhAmaiva tataMsapR^iShThAnnR^ipaH api taM so.anuyayau tathaiva || 16\.23\.207|| \medskip\hrule\medskip tataH gatvA punastasmAtso rAjA shiMshapAtaroH | taM trivikramaseno.aMse vIro vetAlamagrahIt || 17\.24\.1|| prasthitaM cha tatastaM sa vetAlaH skandhato.abravIt | rAjan shramavinodAya shR^iNvetAM vachmi te kathAm || 17\.24\.2|| akhaNDadharmamaryAdaM ga~NgAkUle kR^itAspadam | kaleH agamyaM kanakapuraM nAmnAbhavatpuram || 17\.24\.3|| tasmin yashodhanAkhyo.abhUdanvartho vasudhAdhipaH | raraKSha viplavAmbhaHdheH yo velAdriH iva kShitim || 17\.24\.4|| jagAtAhlAdakashchaNDapratApo.akhaNDamaNDalaH | vidhinA yashcha chandrArkavekIkR^ityeva nirmame || 17\.24\.5|| maurkhyaM paraparIvAde na shAstrArthe daridratA | doShe na koShadaNDAbhyAM yasyAsIchcha mahIpateH || 17\.24\.6|| pApabhIruH yashaHlubdhaH ShaNDhaH parapurandhriShu | yaH shauryAudAryashR^i~NgAramayaH janatayA jage || 17\.24\.7|| tasya rAj~naH pure tasminnabhUt eko mahAvaNik | unmAdinIti khyAtA cha kanyA tasyAbhavatsutA || 17\.24\.8|| yo yastAM hi dadarshAtra saH sastatrUpasampadA | unmAdyati sma madanasyApi mohanashaktayA || 17\.24\.9|| tasyAM cha yauvanasthAyAM saH gatvA tatpitA vaNik | yashodhanaM taM rAjAnaM nItivedI vyajij~napat || 17\.24\.10|| trailokyaratnabhUtA me pradeyAsti sutA prabho | tAmanAvedya devasya nAnyasmai dAtumutsahe || 17\.24\.11|| devo.api sarvaratnAnAM prabhuH kR^itsne.api bhUtale | tatsvIkR^ityAnugR^ihNAtu devastAM pratimuchya vA || 17\.24\.12|| ityAkarNya vaNikvAkyaM sa rAjA brAhmaNAn nijAn | sAdaraM vyasR^ijattasyAH saulakShaNyamavekShitum || 17\.24\.13|| te gatvA brAhmaNAH dR^iShTvA tAM trailokyaikasundarIm | sadyaH kShobhaM yayuH kShiprAllabdhvA dhairyamachintayan || 17\.24\.14|| imAM prApnoti chet rAjA tat rAShTramavasIdati | etatmohitachittaH hi kiM sa rAjyamavekShate || 17\.24\.15|| tasmAtsulakShaNetyeShA nAkhyeyA kShitipAya naH | ityeva mantraM sammantrya rAj~naste jagmuH antikam || 17\.24\.16|| kulakShaNA sA deveti tamUchuH chAtra te mR^iShA | tena rAjA sa naivaitAM svIchakAra vaNiksutAm || 17\.24\.17|| tatastatAj~nayA tAM saH kanyAmunmAdinIM pitA | vaNik baladharAkhyAya tatsenApataye dadau || 17\.24\.18|| atha sA tatgR^ihe tasthau bhartrA tena samaM sukham | kulakShaNetyahaM raj~nA tyaktetyAttavimAnanA || 17\.24\.19|| yAti kAle cha jAtvatra hatvA hemantahastinam | phullakundalatAdantaM mathitAmbujinIvanam || 17\.24\.20|| AjagAma lasatpuShpama~njarIkesarAvaliH | chUtA~NkuranakhaH krIdankAnane madhukesarI || 17\.24\.21|| tat kAlaM chAtra nagare taM vasantamahA\-utsavam | so rAjA niryayau draShTuM gajArUDho yashodhanaH || 17\.24\.22|| tatrUpAlokasambhAvyaviplavAH kulayoShitaH | apasArayituM dattaM tadA chodghoShaDiNDimam || 17\.24\.23|| sA shrutvonmAdinI tasmai rAj~ne svagR^ihaharmyataH | AtmAnaM darshayAmAsa parityAgAvamAnataH || 17\.24\.24|| sashcha tAM chakShubhe dR^iShTvA rAjA jvAlAmivodgatAm | sandhukShitasya kAmAgneH madhunA malayAnilaiH || 17\.24\.25|| nirvarNayan cha tatrUpaM jaitramastraM manaHbhuvaH | gADhaM praviShTaM hR^idaye kShaNAnmohamupAyayau || 17\.24\.26|| bhR^ityaiH AshvAsitashchAtra rAjadhAnIM pravishya saH | pR^iShTebhyaH bubudhe tebhyastAM prAgupanatA\-ujjhitAm || 17\.24\.27|| tato nirvAsya deshAttAn tatkulakShaNavAdinaH | viprAnnanudinaM dadhyau tAmevotkaH sa bhUpatiH || 17\.24\.28|| aho jaDAtmA niHlajjashchandro nityamudeti yat | jagatnetrautsave tasyAH niHkala~Nke mukhe sati || 17\.24\.29|| kaThorau hemakalashau gajakumbhau cha karkashau | labhete nopamAmasyAH stanayoH pInatu~NgayoH || 17\.24\.30|| kA~nchInakShatramAlA~NkaM tattasyAH jaghanasthalam | kaM na kandarpamAta~NgamastakAbhaM vilobhayet || 17\.24\.31|| iti tAM chintayannantaH kShIyate sma dine dine | kAmAgnipuTapAkena pachyamAnaH sa bhUpatiH || 17\.24\.32|| hriyA nigUhamAnashcha pR^ichChadbhyaH bAhyalakShaNaiH | kR^ichChrAchChashaMsa chAptebhyaH svapIDAkAraNaM sastat || 17\.24\.33|| alaM santapya bhajase svAdhInAM tarhi kiM na tAm | ityuktastaiH cha naivaitadanumene saH dhArmikaH || 17\.24\.34|| tataH baladharaH buddhvA saH senApatiH etya tam | prabhumabhyarthayAmAsa satbhaktashcharaNAnataH || 17\.24\.35|| dAsastrI tava dAsyeva sA deva na parA~NganA | svayaM chAhaM prayachChAmi tat bhAryAM svIkuruShva me || 17\.24\.36|| athavA tAM tyajAmIha deva devakule tataH | na doShaH grahaNe tasyAH tava devakulastriyaH || 17\.24\.37|| iti svasenApatinA nirbandhena saH pArthivaH | tenAnunAthyamAno.api sAntaHkopamuvAcha tam || 17\.24\.38|| rAjA bhUtvA kathaM kuryAmadharmamahamIdR^isham | mayyulla~NghitamaryAde kaH hi tiShThetsvavartmani || 17\.24\.39|| bhakto.api cha bhavAn pApe niyojayati mAM katham | paralokamahAduHkhahetau kShaNasukhAvahe || 17\.24\.40|| na kShamiShye cha te dharmyAndArAn yadi vihAsyasi | sahate mAdR^ishaH kaH hi tAdR^ishaM dharmaviplavam || 17\.24\.41|| tat varaM mR^ityuH ityuktvA sa rAjA niShiShedha tam | tyajantyuttamasattvAH hi prANAnnapi na satpatham || 17\.24\.42|| tathaivArthayamAnAn cha paurajAnapadAnnapi | militAn sa nirAchakre rAjA sudR^iDhanishchayaH || 17\.24\.43|| tataH krameNa tenaiva smarajvarabharauShmaNA | prakShINadehaH prayayau sa yashaHsheShatAM nR^ipaH || 17\.24\.44|| senApatiH chAsahiShNuH taM tathA pramayaM prabhoH | so.agniM vivesha bhaktAnAmanirvAchyaM hi cheShTitam || 17\.24\.45|| ityAkhyAtakathAshcharyo vetAlo.aMsasthitastadA | sastrivikramasenaM taM bhUyaH paprachCha pArthivam || 17\.24\.46|| tat etayoH ko nR^ipateH senApatimahIbhR^itoH | sattvenAbhyadhikaH brUhi pUrvauktaH samayashcha te || 17\.24\.47|| iti vetAlataH shrutvA muktamaunaH sastaM nR^ipaH | pratyuvAcha dvayoH rAjA sattvavAnnadhikastayoH || 17\.24\.48|| tadAkarNyaiva vetAlaH sAkShepastamabhAShata | senApatiH kathaM nAtra rAjannabhyadhiko vada || 17\.24\.49|| yastathA svAmine bhaktyA svabhAryAM tAM tathAvidhAm | suchiraj~nAtatatbhogasukhAsvAdo.apyupAnayat || 17\.24\.50|| AtmAnaM chAgnisAchchakre tasmin pa~nchatvamAgate | anAsvAditatatbhogastatkAntAM tu jahau nR^ipaH || 17\.24\.51|| vetAlenaivamuktastu vihasya sa nR^ipo.abravIt | yadyapyevaM tathApyetat kiM chitraM kulaputrakaH || 17\.24\.52|| senApatiH sa bhaktyA yatsvAmyarthe tattathAkarot | prANairapi hi bhR^ityAnAM svAmisaMrakShaNaM vratam || 17\.24\.53|| rAjAnastu madAdhmAtAH gajAH iva niHa~NkushAH | Chindanti dharmamaryAdAshR^i~NkhalAM viShayaunmukhAH || 17\.24\.54|| teShAM hyudriktachittAnAmabhiShekAmbubhiH samam | viveko vigalatyoghenohyamAnaH ivAkhilaH || 17\.24\.55|| kShipyanta iva choddhUya chalatchAmaramArutaiH | vR^iddhaupadiShTashAstrArtharajomashakamakShikAH || 17\.24\.56|| AtapatreNa satyaM cha sUryAloko nivAryate | vibhUtivAtyA\-upahatA dR^iShTiH mArgaM cha nekShate || 17\.24\.57|| te te cha vipadaM prAptAH mAramohitachetasaH | jagadvijayino.apIha rAjAno nahuShAdayaH || 17\.24\.58|| eSho rAjA punaH pR^ithvyAmekaChatro.api yattayA | unmadinyA chapalayA lakShmyeva na vimohitaH || 17\.24\.59|| prANAnnapi saH dharmAtmA tatyAja na punaH padam | amArge nidadhe dhIrastenAsau me.adhiko mataH || 17\.24\.60|| ityAkarNya nR^ipasya tasya vachanaM bhUyastataMsasthalAt vatAlaH sahasA svameva saH padaM mAyAprabhAvAt yayau | rAjApyanvasarattathaiva saH punaH samprAptumetam javAdArabdhe hi suduHkare.api mahatAM madhye virAmaH kutaH || 17\.24\.61|| \medskip\hrule\medskip tataH pitR^ivane tasminkravyabhakShibhiH AvR^ite | jvAlAvilolarasanaiH bhUtaiH iva chitAgnibhiH || 18\.25\.1|| gatvaiva tasyAmakShobhyaH kShapAyAM shiMshapAtarum | sastrivikramasenastamAsasAda puno nR^ipaH || 18\.25\.2|| tatrApashyachcha vetAlavikR^itAn sadR^ishAkR^itIn | ullambamAnAn subahUn pretakAyAnnasha~Nkitam || 18\.25\.3|| aho kimetat kiM vAnyanmAyI kAlaM kShipatyayam | vetAlo me na vedmyeShAM grAhyaM yeneha bhUyaShAm || 18\.25\.4|| asiddhArthasya chet rAtriH iyaM mama gamiShyati | tato vahniM pravekShyAmi na sahiShye tu hAsyatAm || 18\.25\.5|| iti chintayatastasya rAj~no vij~nAya nishchayam | sattvatuShTaH sa vetAlaH svamAyAM sa~njahAra tAm || 18\.25\.6|| tataH dR^iShTvaikamevAtra vetAlaM nR^ikalevare | avatIrya gR^ihItvAMse saH pratasthe puno nR^ipaH || 18\.25\.7|| prakrAmantaM cha taM bhUyaH sa vetAlo.abhyabhAShata | rAjan nodvijase chitraM tat imAM me kathAM sR^iNu || 18\.25\.8|| asti gaurItapaHkleshavR^itena tripurAriNA | asAmAnyaguNautkarShalubdheneva svayamvR^itA || 18\.25\.9|| bhogavatyamarAvatyostR^itIyojjayinI purI | udArasukR^itaprApyanAnAbhogaupabR^iMhitA || 18\.25\.10|| yasyAM stabdhatvakArkashye kucheShu varayoShitAm | tAsAmeva bhruvoH bha~NgaH lochaneShu cha chApalam || 18\.25\.11|| tamo nishAsu vakratvaM yasyAM kavivarauktiShu | madaH dantiShu jADyaM cha muktAmalayajainduShu || 18\.25\.12|| tasyAM chandraprabhAkhyasya rAj~no.amAtyaH bahushrutaH | devasvAmItyabhUt vipro bhUriyaj~no mahAdhanaH || 18\.25\.13|| tasya kAlena tanayashchandrasvAmItyajAyata | so.adhItavidyo.api yuvA dyUtaikavyasano.abhavat || 18\.25\.14|| ekadA cha dvijasutashchandrasvAmI saH kA~nchana | dyUtakAramahAThiNThAM dyUtena krIDituM yayau || 18\.25\.15|| AshliShyAmaH kamatreti vipadbhiH iva vIkShitum | vikShiptaiH kR^iShNashArAbhaiH netrairakShaiH nirantarAm || 18\.25\.16|| kaH so.asti na shriyaM yasya harAmyapyalakApateH | itIva tanvatIM nAdAndyUtakR^itkalahasvanaiH || 18\.25\.17|| tAM pravishya kramAddIvyannakShaiH saH kitavaiH saha | vastrAdi hArayitvApi dhanamanyadahArayat || 18\.25\.18|| mR^igyamANaM cha yannAdAtsastaddhanamasambhavi | tad avaShTabhya sabhyena laguDaiH paryatADyata || 18\.25\.19|| laguDAhatasarvA~NgaH pAShANamiva niHchalam | kR^itvA mR^itamivAtmAnaM tasthau viprasuto.atha saH || 18\.25\.20|| tathaiva divasAndvitrAn tatra tasminnavasthite | kruddhaH saH sabhyaH ThiNThAyAM kitavAn svAnnabhAShata || 18\.25\.21|| shritAnenAshmatA tAvattat etaM kShipata kvachit | nItvAndhakUpe niHsattvaM dhanaM dAsyAmyahaM tu vaH || 18\.25\.22|| ityuktAH tena kitavAH taM chandrasvAminaM tataH | araNyaM ninyurutkShipya dUraM kUpagaveShiNaH || 18\.25\.23|| tatraiko vR^iddhakitavastAnnanyAn evamabhyadhAt | mR^ito.ayaM prAyashastat kiM kUpe kShiptena no.amunA || 18\.25\.24|| tat ihaivainamujjhitvA vakShyAmaH kUpa ujjhitam | iti te tatvachaH sarve tatheti pratipedire || 18\.25\.25|| tatastyaktvA gateShveShu kitaveShu sarutthitaH | chandrasvAmI viveshAtra shUnyamekaM shivAlayam || 18\.25\.26|| tatra kimchitsamAshvasya chintayAmAsa duHkhitaH | vishvasto mAyayA kaShTaM muShitaH kitavairaham || 18\.25\.27|| tat IdR^ishaH kva gachChAmi nAgnaupahatapAMshulaH | pitA bandhuH suhR^it vApi dR^iShTvA kiM hi vadenmama || 18\.25\.28|| tatsamprati sthito.asmIha naktaM cha kShutprashAntaye | pashyAmi nirgatya kathaM yatiShye bhojanaM prati || 18\.25\.29|| ityAlochayatastasya klAntasyAnambarasya cha | mandIkR^itAtapo.astAdriM raviH tyaktAmbaro yayau || 18\.25\.30|| tAvachcha bhUtidigdhA~NgastatrAyAti sma tApasaH | mahAvratI jaTAshUladharaH haraH ivAparaH || 18\.25\.31|| sashchandrasvAminaM dR^iShTvA ko.asIti paripR^ichChya cha | srutvA tasmAchcha vR^ittAntaM prahvaM taM tApaso.abravIt || 18\.25\.32|| tvaM mamehAshramaM prAptaH kShutklAnto.achintito.atithiH | tat uttiShTha kR^itasnAno bhikShAbhAgaM mamAhara || 18\.25\.33|| ityukto vratinA so.atha chandrasvAmI jagAda tam | vipro.ahaM bhagavan bhokShye bhikShAbhAgaM kathaM tava || 18\.25\.34|| tachChrutvA sa vratI siddhaH pravishya maThikAM nijAm | iShTasampAdinIM vidyAM sasmArAtithivallabhaH || 18\.25\.35|| saMsmR^itaupasthitAM tAM cha kiM karomIti vAdinIm | amuShyAtithyamatitheH kuruShveti shashAsa tAm || 18\.25\.36|| tathetyukte tayA tatra saudyAnaM sA~NganAjanam | puraM sauvarNamutpannaM chandrasvAmI dadarsha saH || 18\.25\.37|| vismitaM cha tamabhyetya tasmAt vArA~NganAH purAt | UchuruttiShTha bhadraihi snAhi bhu~NkShva tyaja shramam || 18\.25\.38|| ityuktvAbhyantaraM nItvA snApayitvAnulipya cha | tAbhiH saH dattasatvastro ninye.anyat vAsakauttamam || 18\.25\.39|| tatrAntaH saH dadarshaikAM pradhAnayuvatiM yuvA | sarvA~NgasundarIM dhAtrA kautukAt iva nirmitAm || 18\.25\.40|| tayA saH sautkayotthAya svAsanArdhaupaveshitaH | bubhuje divyamAhAraM tayaivAtra samaM tataH || 18\.25\.41|| bhuktapakvaphalasvAdutAmbUlaH svarasena cha | parya~Nkashayane bheje tatsambhogasukhaM nishi || 18\.25\.42|| prAtaH prabuddhashchApashyattat evAtra shivAyalam | nApi divyA~NganAM nApi puraM tanna parichChadam || 18\.25\.43|| tataH sa vigno niryAtaM maThikAtaH smitAnanam | pR^iShTarAtrisukhaM prAtastApasaM taM vyajij~napat || 18\.25\.44|| tatprasAdAdahaM rAtrAvuShito bhagavan sukham | kiM tu yAsyanti me prANAH tayA divyastriyA vinA || 18\.25\.45|| tachChrutvA sastapasvI taM hasankAruNiko.abravIt | ihaivAssva puno naktaM bhaviShyati tathaiva te || 18\.25\.46|| ityukte vratinA tena tatyuktyaiva pratikShapam | chandrasvAmyatra so.abhu~Nkta bhogAn tAn tatprasAdataH || 18\.25\.47|| buddhvA cha taM shanaiH vidyAprabhAvaM vidhichoditaH | ekadA tApasaindraM taM saH prasAdyAnvayAchata || 18\.25\.48|| satyaM kR^ipA chet bhagavanmayi te sharaNAgate | tat etAM dehi me vidyAM yatprabhAvo.ayamIdR^ishaH || 18\.25\.49|| iti bruvANaM nirbandhAttaM pratyAha sastApasaH | asAdhyA tava vidyeyaM sAdhyate.antarjale hyasau || 18\.25\.50|| tatra chaiShA sR^ijatyAshu japataH sAdhakasya tat | mAyAjAlaM vimohAya yena siddhiM na so.ashnute || 18\.25\.51|| saH hi tatra punaH jAtaM bAlamAtmAnamIkShate | tato yuvAnamudvyUDhadAraM jAtAtmajaM tathA || 18\.25\.52|| suhR^inme.ayamayaM shatruH iti mithyA sa muhyati | na cha smarati janmedaM na vidyAsAdhane kriyAm || 18\.25\.53|| yastu triHaShTavarShaH san guruvidyAprabodhitaH | janma smrtvA viditvA taddhIro mAyAvijR^imbhitam || 18\.25\.54|| tatvasho.apyatra kurute tathaivAgnipraveshanam | paramArthaM jalauttIrNaH siddhavidyaH saH pashyati || 18\.25\.55|| anyasya na paraM vidyA shiShyasyaiShA hi sidhyati | asthAnArpaNato yAvat gurorapi vinashyati || 18\.25\.56|| matsiddhyaiva phale siddhe kiM graheNAmunA tava | matsiddhihAnyA mA jAtu tavaitadapi na~NkShyati || 18\.25\.57|| evaM tapasvinokte.api chandrasvAmI graheNa saH | shikShyAmi sarvaM mA bhUt vashchintAtreti tamabravIt || 18\.25\.58|| tato.asmai pratipede tAM vidyAM dAtuM sastApasaH | batAshritAnurodhena kiM na kurvanti sAdhavaH || 18\.25\.59|| tato nItvA nadItIraM sastaM smAha mahAvratI | vatsa vidyAM japanmAyAM yadi drakShyasi tAM tadA || 18\.25\.60|| mAyAgnimeva pravisheH vidyayA bodhito mayA | ahaM cha tAvatsthAsyAmi tavehaiva nadItaTe || 18\.25\.61|| ityuktvAdhyApayAmAsa tamAchAntaM shuchiM shuchiH | sashchandrasvAminaM vidyAM samyaktAM vratinAM varaH || 18\.25\.62|| tatastIre sthite tasmin gurau mUrdhnA praNamya tam | chandrasvAmI sa rabhasAnnadImavatatAra tAm || 18\.25\.63|| tasyAmantaHjale vidyAM tAM japan sahasaiva saH | tatmAyAmohito mithyA sarvaM vismR^itya janma tat || 18\.25\.64|| vIkShate yAvadanyasyAmutpannaH svAtmanA puri | putro viprasya kasyApi buddhiM saH shanakaiH gataH || 18\.25\.65|| kR^itaupanayano.adhItavidyaH dArAnnavApya cha | tatduHkhasukhasammUDhaH sampUrNo.apatyavAnkramAt || 18\.25\.66|| tatashchAtra sutasnehasvIkR^itastattadAcharat | sthitaH baddharatiH sArdhaM pitR^ibhyAM bandhubhiH tathA || 18\.25\.67|| evaM janmAntaraM mithyA tasyAnubhavato.atra saH | kAle prabodhinIM vidyAM guruH prAyu~Nkta tApasaH || 18\.25\.68|| sastatvidyAprayogeNa sadyastena prabodhitaH | smR^itvAtmAnaM guruM taM cha mAyAjAlamavetya tat || 18\.25\.69|| udyato.agnipraveshAya divyAsAdhyaphalAptaye | paryavAri niShedhadbhiH vR^iddhAptagurubandhubhiH || 18\.25\.70|| bahudhA bodhyamAno.api taiH divyasukhalolupaH | saH sajjitachitaM prAyAnnadItIraM sabAndhavaH || 18\.25\.71|| dR^iShTvAtra vR^iddhau pitarau bhAryAM cha maraNaudyatAm | krandanti bAlApatyAni so.atha mohAdachintayat || 18\.25\.72|| kaShTaM mriyante svajanAH sarve me vishato.analam | na cha jAnAmi kiM satyaM gurostat vachanaM na vA || 18\.25\.73|| tat kiM nu pravishAmyagnimuta na pravishAmi kim | athavA tat kathaM mithyA syAtsaMvAdi guroH vachaH || 18\.25\.74|| tat vishAmyanalaM kAmamityantaH pravimR^ishya saH | agnipraveshaM vidadhe chandrasvAmI kila dvijaH || 18\.25\.75|| anubhUtahimasparsho vahneH cha saH savismayaH | shAntamAyo nadItIrAt utthAyopayayau taTam || 18\.25\.76|| tatra sthitaM cha dR^iShTvA taM guruM natvA cha pAdayoH | pR^ichChantaM chAgnishaityAntaM svamudantamabodhayat || 18\.25\.77|| tatastaM saH guruH prAha vatsa sha~Nke kR^itastvayA | apachAro.atra shItaste kathaM jAto.agniranyathA || 18\.25\.78|| adR^iShTametat etasyAH vidyAyAH sAdhane yataH | etat guroH vachaH shrutvA chandrasvAmI jagAda saH || 18\.25\.79|| nApachAro mayA kaHchit vihito bhagavan iti | tataH sastatguruH vidyAM jij~nAsuH tAM samasmarat || 18\.25\.80|| na cha sAviHabhUttasya na tatshiShyasya tasya vA | naShTavidyavathobhau tau viShaNNau jagmatuH tataH || 18\.25\.81|| ityAkhyAya kathAmatha vetAlaH pR^iShTavAn sastaM bhUyaH | pR^ithvIpatiM trivikramasenaM samayaM nigadya pUrvauktam || 18\.25\.82|| rAjan saMshayametaM Chinddhi mama brUhi hetunA kena | vihite.api yathoddiShTe karmaNi vidyobhayostayoH naShTA || 18\.25\.83|| etatso vetAlavacho nishamya taM pratyavochanmanujaindravIraH | jAne bhavAnme kShipatIha kAlaM yoga\-Ishvara evaM tadapi bravImi || 18\.25\.84|| na duShkareNApi hi karmaNaiva shuddhena siddhiH puruShasya labhyA | yAvanna niShkramya vikalpashuddhaM dhIraM manaH nirmalasattvavR^itti || 18\.25\.85|| tasyAtra mandasya tu viprayUnashchittaM prabudhyApi vikalpate sma | vidyA na sA tena gatAsya siddhirasthAnadAnAt cha guroH vinaShTA || 18\.25\.86|| iti tasya nR^ipasya sR^iShTavAchaH bata vetAlavaro.aMsataH sa bhUyaH | nijameva padaM yayavalakShyo nR^ipatiH tam tathaiva so.anvayAsIt || 18\.25\.87|| \medskip\hrule\medskip atha gatvA punaH skandhe vetAlaM shiMshapAdrumAt | sastrivikramasenastaM gR^ihItvodachalannR^ipaH || 19\.26\.1|| AgachChantaM cha taM bhUyo vetAlaH so.abhyabhAShata | rAjan shR^iNu kathamekAM hR^idyAM te kathayAmyaham || 19\.26\.2|| asti vakrolakaM nAma puraM surapuraupamam | tasmin sUryaprabhAkhyo.abhUt rAjA janbhArisannibhaH || 19\.26\.3|| saukaryaudyatayA mUrtyA dattAnando vasundharAm | imAM hariH ivoddhR^itya yaH babhAra chiraM bhuje || 19\.26\.4|| dhUmAsa~Nge.ashrusampAtaH shR^i~NgAre mArasa~NkathAH | dvAHstheShu hemadaNDAH cha rAShTre yasyAbhavan prabhoH || 19\.26\.5|| sarvasampatsamR^iddhasya tasyaikAbhUdanirvR^itiH | nodapadyata yatputraH bahuShvantaHpureShvapi || 19\.26\.6|| etasmin cha kathAsandhau tAmraliptyAM mahApuri | babhUva dhanapAlAkhyaH dhuryaH dhanavatAM vanik || 19\.26\.7|| tasya chAjAyataikaiva nAmnA dhanavatI sutA | vidyAdharI chyutA shApAtsaundaryeNaiva sUchitA || 19\.26\.8|| tasyAM cha yauvanasthAyAM sa vaNik pa~nchatAM yayau | tatdhanaM rAjasAnAthyAdAkrAntamatha gotrajaiH || 19\.26\.9|| tataH hiraNyavatI\-AkhyA vaNijastasya gehinI | AdAya ratnabharaNaM nijamaprakaTasthitam || 19\.26\.10|| dhanavatyA tayA sAkaM svaduhitrA nishAmukhe | palAyya dAyAdabhayAt gR^ihAt guptaM viniryayau || 19\.26\.11|| dhvAntena bahirantashcha sA duHkhenAndhakAritA | kR^ichChrAt bahiHpuraM prAyAtsutAhastAvalambinI || 19\.26\.12|| tatra santamase yAntI vidhiyogAdalakShitam | aMsenAtADayachchauraM shUlAgrAropitasthitam || 19\.26\.13|| saH sajIvastataMsAgraghaTTanAdhikapIDitaH | AH kShate kShArametanme kShiptaM kenetyabhAShata || 19\.26\.14|| tatastatraiva sA ko.asItyapR^ichChattaM vaNikvadhUH | pratyuvAcha tatashchaurashchauro.ahamiha sUchitaH || 19\.26\.15|| shUle pApasya chAdyApi notkrAmanti mamAsavaH | tadArye tvaM mama brUhi kAsikvaivaM prayAsi cha || 19\.26\.16|| tachChrutvA taM vaNikbhAryA yAvatsvaudantamAha sA | tAvattilakitaM prAchyAH mukhamudbhAsitaindunA || 19\.26\.17|| tataH dikShu prakAshAsu sashchaurastAM vaNiksutAm | dR^iShTvA dhanavatIM kanyAM tatmAtaramuvAcha tAm || 19\.26\.18|| shR^iNu me prArthanAmekAM sahasraM kA~nchanasya te | dadAmi tat imAM mahyaM svasutAM dehi kanyakAm || 19\.26\.19|| kimetayA tavetyuktaH hasantyAtha tayAtra saH | punashchauro.abravInnAsti putro maM gatAyuShaH || 19\.26\.20|| na chAputro.ashnate lokAn tat eShA yaM matAj~nayA | kutrachit janayetputraM kShetrajaH sa bhavenmama || 19\.26\.21|| ityetAM prArthaye tvaM tu tat vidhatsva mamepsitam | tachChrutvA sA vaNikyoShillobhAttatpratyapadyata || 19\.26\.22|| AnIya cha kutaHapyambu pANau chaurasya tasya sA | eShA sutA mayA tubhyaM kanyA dattetyapAtayat || 19\.26\.23|| so.api tatduhituH dattayathA\-uktAj~naH jagAda tAm | gachChAmuShya vaTasyAdhaH khAtvA svarNaM gR^ihANa tat || 19\.26\.24|| gatAsoH dAhayitvA me dehaM yuktyA visR^ijya cha | asthIni tIrthe sasutA gachCheH vakrolakaM puram || 19\.26\.25|| tatra sUryaprabhe rAj~ni saurAjyasukhite jane | niHupadravaniHchintA sthAsyasi tvaM yathechChasi || 19\.26\.26|| ityuktvA tR^iShitaH pItvA tayaivopahR^itaM jalam | shUlavyadhavyathA\-utkrAntajIvashchauraH babhUva saH || 19\.26\.27|| tataH gatvA vaNikstrI sA svarNaM vaTatarostalAt | gR^ihItvA sasutA guptamagAt bhartR^isuhR^itgR^iham || 19\.26\.28|| tatra sthitvA cha yuktyA taddAhayitvA kalevaram | chaurasya tasya tIrthe.asthikShepAdikamakArayat || 19\.26\.29|| anyedyuH chAttaguptArthA tato nirgatya sAtmajA | prayAntI kramashaH prApa sA tat vakrolakaM puram || 19\.26\.30|| tatraikaM vasudattAkhyAt gR^ihaM krItvA vaNikvarAt | tasminnuvAsa sutayA dhanavatyA tayA saha || 19\.26\.31|| tadA cha tatropAdhyAyo viShNusvAmItyabhUtpure | manaHsvAmIti tasyAsIchChiShyo vipro.atirUpavAn || 19\.26\.32|| vidhyAbhijanayukto.api sa yauvanavashIkR^itaH | tatra haMsAvalIM nAma vA~nChati sma vilAsinIm || 19\.26\.33|| sA cha sauvarNadIrashatapa~nchakamagrahIt | bhATiM tasya cha tannAbhUt vyaShIdattena so.anuaham || 19\.26\.34|| ekadA cha tamadrAkShIttAdR^ishaM sA vaNiksutA | kShAmAbhirAmavapuShaM dhanavatyatra harmyataH || 19\.26\.35|| tatrUpahR^itachitta cha bhartuH chaurasya tasya sA | smR^itvAnuj~nAM samIpasthAM yuktyAvochatsvamAtaram || 19\.26\.36|| amba viprasutasyAsya pashyaite rUpayauvane | kIdR^ishe bata vishvasya nayanAmR^itavarShiNI || 19\.26\.37|| etachChrutvaiva tasmin tAM baddhabhAvAmavetya cha | tanmAtA sA vaNikbhAryA manasyevamachintayat || 19\.26\.38|| matduhitrAnayA tAvat varaNIyaH sutAptaye | kaHchit bhartR^i\-Aj~nayA tasmAt eShaH evArthyate na kim || 19\.26\.39|| ityAkalayya vyasR^ijattatsandishya manIShitam | rahasyadhAriNIM cheTIM tamAnetuM sutAkR^ite || 19\.26\.40|| sA gatvA vijane nItvA cheTI tasmai shashaMsa tat | sashcha shrutvA dvijayuvA vyasanI tAmabhAShata || 19\.26\.41|| yadi haMsAvalIhetoH dInArashatapa~nchakam | sauvarNaM dIyate tat ekAmemi yAminIm || 19\.26\.42|| iti tenoktayA cheTyA tayA gatvA tathaiva sA | uktA vaNikstrI tasmai tattathaste prAhiNoddhanam || 19\.26\.43|| tat gR^ihItvA manaHsvAmI tatputryAH vAsakaM yayau | tasyAH sastatnisR^iShTAyAH dhanavatyaH sacheTikaH || 19\.26\.44|| tatra tAM vitatautkaNThAM kAntAM bhUShitabhtalAm | sashchakoraH iva jyotsnAM dadarsha cha jaharSha cha || 19\.26\.45|| tayA samaM cha nItvA tAM rAtriM sambhogalIlayA | nirgatya sastataH guptaM yayau prAto yathAgatam || 19\.26\.46|| sApi tasmAddhanavatI sagarbhAbhUt vaNiksutA | kAle cha suShuve putraM lakShaNAnumitAyatim || 19\.26\.47|| parituShTAM tadA tAM cha sutautpattyA samAtR^ikAm | Adidesha haraH svapne darshitasvavapuH nishi || 19\.26\.48|| yuktaM hemasahasreNa nItvA bAlamuShasyamum | sUryaprabhanR^ipasyeha ma~nchasthaM dvAri mu~nchatam || 19\.26\.49|| evaM syAt kShemamityuktA shUlinA sA vaNiksutA | tatmAtA cha prabudhyaitaM svapnannanyaHanyamUchatuH || 19\.26\.50|| nItvA cha taM tatyajatuH bhagavatpratyayAchChishum | rAj~naH sUryaprabhasyAsya siMhadvAre sahemakam || 19\.26\.51|| tAvachcha tamapi svapne sutachintAturaM sadA | tatra sUryaprabhaM bhUpamAdidesha vR^iShadhvajaH || 19\.26\.52|| uttiShTha rAjan bAlaste siMhadvAre sakA~nchanaH | kenApi sthApito bhavyo ma~nchakasthaM gR^ihANa tam || 19\.26\.53|| ityuktaH shambhunA prAtaH prabuddho.api tathaiva saH | dvAHsthaiH pravishya vij~napto niryayau nR^ipatiH svayam || 19\.26\.54|| dR^iShTvA cha siMhadvAre taM bAlaM sakanakautkaram | rekhAChattradhvajAdya~NkapANipAdaM shubhAkR^itim || 19\.26\.55|| datto mamochitaH putraH shambhunAyamiti bruvan | svayaM gR^ihItvA bAhubhyAM rAjadhAnIM vivesha saH || 19\.26\.56|| chakAra chotsavaM tAvadasa~NkhyAtaM dadat vasu | daridrashabdasyaikasya yAvadAsInniHarthatA || 19\.26\.57|| nR^ittavAdyAdibhiH nItvA dvAdashAhaM tataH sastam | putraM chandraprabhaM nAmnA chakre suryaprabho nR^ipaH || 19\.26\.58|| vavR^idhe rAjaputro.atra so.atha chandraprabhaH kramAt | vapuSheva guNaoghenApyAshritAnandadAyinA || 19\.26\.59|| shanaiH yuvA cha sa~nja~nje shauryAudAryashrutAdibhiH | AvarjitaprakR^itikaH kShmAbhAraudvahanakShamaH || 19\.26\.60|| tAdR^ishaM cha tataH dR^iShTvA taM saH sUryaprabhaH pitA | rAjaye.abhiShijyaiva kR^itI vR^iddho vArANasIM yayau || 19\.26\.61|| pR^ithvIM shAsati tasmin cha tanaye nayashAlina | so rAjA tatra tatyAja charan tIvratapastanum || 19\.26\.62|| buddhvA pitR^ivipattiM tAmanushochya kR^itakriyaH | so.atha chandraprabho rAjA sachivAndhArmiko.abravIt || 19\.26\.63|| tAtasya tAvat kenAhamanR^iNo bhavituM kShamaH | tathApyekAM svahastena dadAmyetasya niShkR^itim || 19\.26\.64|| nItvA kShipAmi ga~NgAyAmasthInyasya yathAvidhi | gatvA sarvapitR^ihyashcha gayAM piNDaM dadAmyaham || 19\.26\.65|| prasa~NgAttIrthayAtrAM cha karomyApUrvasAgaram | ityuktavantaM rAjAnaM mantriNastaM vyajij~napan || 19\.26\.66|| na deva yujyate kartumetat rAj~naH kathamchana | na hi rAjyaM bahuChidraM kShaNaM tiShThatyarakShitam || 19\.26\.67|| tat eShA parahastena kAryA te pitrupakriyA | svadharmapAlanAdanyA tIrthayAtrA cha kA tava || 19\.26\.68|| bahuapAyaM kva pAnthatvAM nityaguptAH kva pArthivAH | iti mantrivachaH shrutvA rAjA chandraprabho.abravIt || 19\.26\.69|| alaM vikalpaiH pitryarthe gantavyaM nishchitaM mayA | draShTavyAni cha tIrthAni yAvanme kShamate vayaH || 19\.26\.70|| pashchA ko vetti kiM bhAvi sharire kShaNanashvare | rAjyaM chAgamanaM yAvat rakShyaM yuShmAbhiH eva me || 19\.26\.71|| shrutvaitaM nishchayaM rAj~nastUShNImAsata mantriNaH | tataH prayNasambhAraM sajjIchakre sa bhUpatiH || 19\.26\.72|| athAhni saH shubhe snAtaH hutAgniH pUjitadvijaH | suyuktaM rathamAsthAya prayataH shAntaveShabhR^it || 19\.26\.73|| sAmantAn rajaputrAn cha paurAn janapadAnnapi | nivartyAnichChataH kR^ichChrAdAsImAntAnuyAyinaH || 19\.26\.74|| brAhmaNaiH vAhanArUDhaiH samaM saH sapurohitaH | pratasthe sachivanyastarAjyashchandraprabho nR^ipaH || 19\.26\.75|| vichitraveShabhAShAdivilokanavinoditaH | pashyan nAnAvidhAndeshAnkramAtprApa cha jAhnavIm || 19\.26\.76|| dadarsha tA cha jantUnAM jalakallolapa~NktibhiH | tridivArohasopAnapaddhatiM sR^ijatImiva || 19\.26\.77|| himavatprabhavAM shambhoH kR^itakrIDAkachagrahAm | bibhratIM chAmbikAlIlAM devaR^iShigaNavanditAm || 19\.26\.78|| rathAvatIrNastasyAM cha kR^itasnAno yathAvidhi | chikShepAsthIni bhUpasya tasya sUryaprabhasya saH || 19\.26\.79|| dattadAnaH kR^itashrAddho rathArUDhastato.api cha | prasthitaH kramashaH prApa prayAgaM R^iShisaMstutam || 19\.26\.80|| yatrArchiHAdyadhUmAdimAgraviva samAgatau | ga~NgA yamunayoH vAhau bhAtaH sugataye nR^iNAm || 19\.26\.81|| tatropoShya kR^itasnAnadAnashrAddhAdisatkR^IyaH | vArANasIM jagAmAtha sashchandraprabhabhUpatiH || 19\.26\.82|| eta mokShaM prayAteti vadantAmiva dUrataH | vAtAkShiptasamutkShiptaiH surasadmadhvajAMshukaiH || 19\.26\.83|| tasyAM dinAnyupoShya trINyabhyarchyAtha vR^iShadhvajam | bhogaiH nijauchitaiH taiH taiH prayayau saH gayAM prati || 19\.26\.84|| tataH phalaoghanamitaiH ma~njugu~njatviha~NgamaiH | pade pade sapraNAmaM stUyamAnaH ivA~NghripaiH || 19\.26\.85|| vikShiptavanyakusumairarchyamAnaH ivAnilaiH | nAnAraNyAnyatikramya puNyaM prApa gayAshiraH || 19\.26\.86|| vidhAya tatra cha shrAddhaM vidhivat bhUridakShiNam | chandraprabhaH sa rAjAtra dharmAraNyamupeyivAn || 19\.26\.87|| gayAkUpe.asya dadataH pituH piNDaM tatantarAt | samuttasthuH tamAdAtuM trayo mAnuShapaNayaH || 19\.26\.88|| taddR^iShTvaiva sa vibhrAntaH kimetat iti pArthavaH | kasmin haste kShipe piNDamityapR^ichChannijAndvijAn || 19\.26\.89|| te tamUchuH ayaM tAvat ekashchaurasya nishchatam | hastaH lohamayaH sha~NkuH yasmindevaiShaH dR^ishyate || 19\.26\.90|| dvitIyaH brAhmaNasyAyaM karaH dhR^itapavitrakaH | rAj~naH pANiH tR^itIyo.ayaM sA~NgulIyaH sulakShaNaH || 19\.26\.91|| tanna vidmaH kva piNDo.ayaM nikShepyaH kimidaM bhavet | ityuktastaiH dvijaiH so.atra rAjA lebhe na nishchayam || 19\.26\.92|| ityAkhyAya kathAshcharyaM vetAlo.aMsasthitastadA | sastrvikramasenaM taM jagAda nR^ipatiM punaH || 19\.26\.93|| tat kasya haste deyaH syAtsaH piNDaH iti vaktu me | bhavAn tAvatsaH evAtra prAktanaH samayashcha te || 19\.26\.94|| iti vetAlataH shrutvA muktamaunaH sa bhUpatiH | taM trivikramaseno.atra dharmaj~naH pratyabhAShata || 19\.26\.95|| chaurasya haste dAtavyaH saH piNDaH kShetrajo yataH | chandraprabaH sa nR^ipatiH putrastasyaiva nAnyayoH || 19\.26\.96|| viprasya janakasyApi saH hi putro na budhyate | vikrItaH hi dhanenAtmA tAmekAM tena yAminIm || 19\.26\.97|| rAj~naH sUraprabasyApi saMskArAdAnavardhanaiH | bhavetsaH putro na syAchchetsvadhanaM tasya tatkR^ite || 19\.26\.98|| shishostasya hi shIrShAnte ma~nchasthasyaiva hema yat | nyastamAsIttat evAsya mUlyaM saMvardhanAdike || 19\.26\.99|| tasmAddhastaudakaprAptA tatmAtA yasya yena sA | aj~nA tatjanane dattA yasya tannikhilaM dhanam || 19\.26\.100|| tasya saH kShetrajaH putashchaurasyaiva mahIpatiH | piNDastasyaiva haste cha deyasteneti me matiH || 19\.26\.101|| ityuktvato nR^ipateH tasyAMsAtsvapadameva vetAlaH | prayayau sashcha trivikramaseno rAjA tamanvayAt bhUyaH || 19\.26\.102|| \medskip\hrule\medskip tataH gatvA gR^ihItvAMse vetAlaM shiMshapAtaroH | sastrivikramasenastamuchchachAla puno nR^ipaH || 20\.27\.1|| maunena prasthitaM taM cha vetAlo.aMsAt uvAcha saH | rAjankaste.anubandho.ayaM gachCha rAtrisukhaM bhaja || 20\.27\.2|| na yuktaM tava netuM mAM kubhikShostasya gocharam | graho vA tatra chedastu kathAmekAmimAM shR^iNu || 20\.27\.3|| asti svarekhAnutkrAntavarNabhedavyavasthiti | nagaraM chitrakUTAkhyaM bibhrANaM satyanAmatAm || 20\.27\.4|| tatrAmR^itarasAsAravarShI praNayichakShuShAm | chandrAvalokaH ityAsIt rAjA rAjashikhAmaNiH || 20\.27\.5|| AlAnaM shauryakariNastyAgasyotpattiketanam | vilAsaveshma rUpasya shashaMsuH yaM vichakShaNAH || 20\.27\.6|| satIShu sarvasampatsu yanna prApa nijauchitAm | bhAryAM saikA paraM chintA yUnastasyAbhavat hR^idi || 20\.27\.7|| ekadA cha tatudvegavinodAya mahATavIm | jagAmAshvIyasahito mR^igayAyai sa bhUpatiH || 20\.27\.8|| tatra sUkaravR^indAni bhindan bANaiH niHantaraiH | shyAmalAmbararochiShNuH tamAMsIva raviH karaiH || 20\.27\.9|| shAyayan sharashayyAsu siMhAn samaraduHmadAn | mUrdhajaiH dhavalaiH bhIShmAnnarjunAdhikavikramaH || 20\.27\.10|| vipakShIkR^itya sharabhAn pAtayan parvataupamAn | dambholikarkashaprAsapAtaiH jambhArivikramaH || 20\.27\.11|| rasAt vivikShuH sa nR^ipo vanAbhyantaramekakaH | tIvrapArShNiprahAreNa prerayAmAsa vAjinam || 20\.27\.12|| so vAjI tena cha kashAghAtenottejito bhR^isham | pArShNighAtena viShamaM samaM chAgaNayankShaNAt || 20\.27\.13|| vanAntaraM tato.anaiShIt vAtAdhikajavo nR^ipam | mohitaindriyavR^ittiM taM vyatItya dashayojanIm || 20\.27\.14|| tatra tasmin sthite vAhe rAjA dikmohametya saH | bhraman shrAntaH dadarshaikamArAtsuvipulaM saraH || 20\.27\.15|| mArutenAbhimukhyena namitaunnamitaiH muhuH | itaH ehIti hastAbhaiH saMj~nAM kurvat ivAmbujaiH || 20\.27\.16|| tatra gatvA cha turagaM viparyANaupavartitam | snAtapItaM taruChAyAbaddhaM dattatR^iNautkaram || 20\.27\.17|| kR^itvA svayaM kR^itasnAnaH pItAmbuH galitashramaH | ramyeShu tatpradesheShu dadau dR^iShTimitastataH || 20\.27\.18|| ekatra chAshokataroradhastAnmunikanyakAm | AmuktapuShpAbharaNAM valkalAMshukashobhinIm || 20\.27\.19|| mugdhabaddhajaTAjUTasavisheShamanaHramAm | sakhIdvitIyAmAshcharyarUpAM rAjA dadarsha saH || 20\.27\.20|| achintayachcha puShpaiShoH patitaH sharagochare | keyaM syAtsarasi snAtuM sAvitrI kiM svid AgatA || 20\.27\.21|| kiM harasyA~NkavibhraShTA gaurI bhUyaH shritA tapaH | ahanyastamgatasyendoH kAntiH kiM vA dhR^itavratA || 20\.27\.22|| tat etAmupasR^ityeha shanaiH upalabhe varam | ityAlochya yayau tasyAH kanyAyAH so.antikaM nR^ipaH || 20\.27\.23|| sApi dR^iShTvA tamAyAntaM tatrUpAkulita\-IkShaNA | pUrvaprArabdhapuShpasraksannahastA vyachintayat || 20\.27\.24|| ko.ayamIdR^ik araNye.asmin siddho vidyAdharo nu kim | batAsya rUpaM vishvasya kR^itArthIkaraNaM dR^ishoH || 20\.27\.25|| evaM vitarkya pashyantI tiryaktaM trapayA tataH | utthAya sa\-UrustambhApi gantuM prAvartataiva sA || 20\.27\.26|| athopetya sa rAjA tAmevaM nAgariko.abravIt | AstAM prathamadR^iShTasya darshanaikaphalArthinaH || 20\.27\.27|| janasya dUrAyAtasya sundari svAgatAdikam | ko.ayaM nvAshramiNAM dharmo yat etasmAtpalAyyate || 20\.27\.28|| ityukte bhUbhujA tasyAH sakhI tadvat vichakShaNA | tatropaveshya nR^ipateh chakArAtithyasatkriyAm || 20\.27\.29|| atha sapraNayaM rAjA tAM saH paprachCha sautsukaH | bhadre kaH puNyavAn vaMshastvatsakhyAla~NkR^ito.anayA || 20\.27\.30|| kAni shrotrAmR^itasyandInyasyAH nAmAkSharANi cha | kiM chaivamanayA puShpasukumAramidaM vapuH || 20\.27\.31|| tApasauchitayA vR^ittyA vijane.asminkadarthyate | iti rAj~no vachaH shrutvA tatsakhI pratyuvAcha sA || 20\.27\.32|| eShA mahAR^iSheH kaNvasya duhitA vardhitAshrame | menakAsambhavA kanyA nAmnA chendIvaraprabhA || 20\.27\.33|| ihAsmin sarasi snAtumAgatAnuj~nayA pituH | ito.atra nAtidUre.asti tasyaitatpituH AshramaH || 20\.27\.34|| ityuktaH sastayA hR^iShTo rAjAruhya tura~Ngamam | yAchituM tAM sutAM tasya kaNvaR^iSheH AshramaM yayau || 20\.27\.35|| vivesha cha vinItastaM bahiH sthApitavAhanaH | jaTAvalkalibhiH pUrNaM pAdapaiH iva tApasaiH || 20\.27\.36|| tatmadhye cha tamadrAkShIt R^iShibhiH parivAritam | tejasAhlAdanaM kaNvamuniM chandramiva grahaiH || 20\.27\.37|| upetya pAdayostaM cha vavande so.api taM muniH | kalpitAtithyavishrAntaM j~nAnI kShiprAdabhAShata || 20\.27\.38|| vatsa chandravalokaitachChR^iNu yat vachmi te hitam | jAnAsi yAdR^ik saMsAre prANinAM mR^ityuto bhayam || 20\.27\.39|| tanniHkAraNamevaitAn varAkAn haMsi kiM mR^igAn | shastraM hi bhItarakShArthaM dhAtrA kShatrasya nirmitam || 20\.27\.40|| tatprajAH rakSha dharmeNa samunmUlaya kaNTakAn | hastyashvAstrAdiyogyAbhiH chalalakShmyAdi sAdhaya || 20\.27\.41|| bhu~NkShva rAjyasukhaM dehi dhanaM dikShu yashaH kira | kR^itAntakrIDitaM hiMsraM mR^igayAvyasanaM tyaja || 20\.27\.42|| hantuH vadhyasya chAnyasya yatra tulyA pramAditA | kiM tena bahuanarthena pANDoH vR^ittaM na kiM shrutam || 20\.27\.43|| etat kaNvamuneH vAkyaM shrutvA samabhinandya cha | rAjA chandrAvalokastamarthaj~naH pratyabhAShata || 20\.27\.44|| anushiShTo.asmi bhagavankR^ito me.anugrahaH paraH | mR^igayAyAH nivR^itto.ahaM prANinaH santu niHbhayAH || 20\.27\.45|| tachChrutvovAcha sa muniH tuShTo.ahamamunA tava | prANiShvabhayadAnena tat vR^iNIShvepsitaM varam || 20\.27\.46|| ityuktastena muninA kAlaj~naH sa nR^ipo.abhyadhAt | tuShTo.asi chetsutAM dehi mahyamindIvaraprabhAm || 20\.27\.47|| ityarthitavate so.asmai rAj~ne snAnagatAM muniH | apsaraHsambhavAM kanyAM tAM dadavanurUpikAm || 20\.27\.48|| tataH kR^itavivAhastAM munibhAryAprasAdhitAm | kR^itAnuyAtrAmudbAShpaiH tApasaiH A nijAshramAt || 20\.27\.49|| indIvaraprabhAM bhAryAmAdAyAruhya vAjinam | chandrAvalokastarasA pratasthe sastato nR^ipaH || 20\.27\.50|| gachChatashchAsya vitataM dR^iShTvA tatdinacheShTitam | raviH khinnaH ivAstAdrimastake samupAvishat || 20\.27\.51|| dadR^ishe mR^iganetrA cha kramAt udriktamanmathA | dhvAntanIlapaTaChannarUpA rAtryabhisArikA || 20\.27\.52|| tasminkAle pathi prApa sa rAjAshvatthapAdapam | satjanAshayasusvachChavApIjalataTasthitam || 20\.27\.53|| shAkhApattraoghasa~nChannashAdvalashyAmalasthalam | dR^iShTvA cha taM vasAmIha rAtrimityakarot hR^idi || 20\.27\.54|| tato.avatIrya turagAddattvA tasmai tR^iNaudakam | vishramya puline vApyAH upayuktAmbumArutaH || 20\.27\.55|| muniputrikayA sArdhaM tayA tasya tarostale | priyayA puShpashayyAyAM saMvivesha sa bhUpatiH || 20\.27\.56|| tatkShaNaM cha samAkramya timirAMshukahAriNA | sarAgamAnanaM prAchyAH chuchumbe shashalakShmaNA || 20\.27\.57|| virejuH chandrakiraNaiH samAshliShya prasAritAH | vItamAnAvakAshAH chAsheShAH vitamasaH dishaH || 20\.27\.58|| atrAntare latAgulmavivaraprasR^itaiH karaiH | aindavaiH ratnadIpAbhaiH tarumUle vibhAsite || 20\.27\.59|| so.api rAjA siSheve tAmAshliShyendIvaraprabhAm | navasa~NgamasautkaNThasarasaM suratautsavam || 20\.27\.60|| visraMsayAmAsa shanaiH nIvIM tasyAH trapAmiva | akhaNDayachcha dashanaiH mugdhabhAvamivAdharam || 20\.27\.61|| rachayAmAsa kuchayoH yauvanadvipakumbhayoH | karajakShatasatratnanavanakShatramAlikAm || 20\.27\.62|| mukhaM kapolau nayane muhuH parichuchumba cha | lAvaNyAmR^itaniHShyandamApiban iva sarvataH || 20\.27\.63|| itthan nidhuvanakrIDAsukhena sastayA saha | ninAya kAntayA tatra rAjA kShaNamiva kShapAm || 20\.27\.64|| prAtashcha muktashayanaH sAndhyasyAnantaraM vidheH | svasainyAvAptaye yAtumunmukho.abhUt vadhUsakhaH || 20\.27\.65|| tAvachcha naktaM luptApjakhaNDashobhaM nishApatim | bhiyevAstAdrikuharapralInaM dhvastatejasam || 20\.27\.66|| hantukAma iva krodhAdAtAmratararochiShi | prasAritakarautkShiptamaNDalAgre vivasvati || 20\.27\.67|| akasmAdAjagAmAtra vidyutpi~NgashiraHruhaH | kajjalashyAmalaH kAlameghAbhaH brahmarAkShasaH || 20\.27\.68|| antramAlAkR^itauttaMsaH keshayaj~naupavItabhR^it | khAdan narashiraHmAMsaM kapAlena pibannasR^ik || 20\.27\.69|| so.aTTahAsaM vimuchyograM mukhenAgniM vamankrudhA | daMShTrAkarAlo rAjAnaM bhartsayan nijagAda tam || 20\.27\.70|| pApa jvAlAmukhaM nAma viddhi mAM brahmarAkShasam | nivAsashchaiSha me.ashvatthaH devairapi na la~Nghyate || 20\.27\.71|| so.ayaM tvayA samAkramya paribhuktaH striyA saha | rAtricharyAgatasyAdya tat bhu~NkShvAvinayAtphalam || 20\.27\.72|| eSho.ahaM te duHAchAra kAmaupahatachetasaH | utpATya hR^idayaM bhokShye pAsyAmyeva cha shoNitam || 20\.27\.73|| tachChrutvaiva tathA ghoraM tamavadhyamavekShya cha | trastA~NganaH savinayaM bhayAtpratyabravInnR^ipaH || 20\.27\.74|| ajAnatAparAddhaM yanmayA te tat kShamasva me | tavAhamAshrame hyasminnatithiH sharaNAshritaH || 20\.27\.75|| dAsyAmi chepsitaM tubhyamAnIya puruShaM pashum | yena te bhavitA tR^iptiH tatprasIda krudhaM tyaja || 20\.27\.76|| iti rAj~no vachaH shrutvA shAntaH saH brahmarAksasaH | astu kaH doShaH ityanto vichintyaivamabhAShata || 20\.27\.77|| yaH saptavarShadeshyo.api mahAsattvo vivekavAn | tvatarthe svaichChayAtmAnaM dadyAt brAhmaNaputrakaH || 20\.27\.78|| hanyamAnaM cha yaM mAtA hastayoH pAdayoH pitA | avaShTabhyAtisudR^iDhaM sanniveshya mahItale || 20\.27\.79|| tAdR^ishaM puruShaM mahyamupahArIkaroShi chet | svayaM khaDgaprahAreNa hatvA saptadinAntare || 20\.27\.80|| tatte kShamiShye nyakkAramanyathA tu mahIpate | sadyo vinAshayiShyAmi tvAmahaM saparichChadam || 20\.27\.81|| shrutvaitatso bhayAd rAjA pratipede tatheti tat | tiraHbabhUva cha brahmarAkShasaH so.api tat kShaNam || 20\.27\.82|| atha chandrAvaloko.asau rAjA sendIvaraprabhaH | hayArUDhastataH prAyAtsainyaM chinvan sudurmanAH || 20\.27\.83|| aho ahaM mR^igayayA madanena cha mohitaH | gataH pANDuH ivAkANDe vinAshaM bata bAlishaH || 20\.27\.84|| prApyate hyupahAro.asya rAkShasastAdR^ishaH kutaH | tannijaM nagaraM tAvat yAmi pashyAmi bhAvi kim || 20\.27\.85|| iti dhyAyan sashcha prApa svasainyaM chinvadAgatam | tatyuktashcha sadAraH svaM chitrakUTamagAtpuram || 20\.27\.86|| tatra tasyochitAM bhAryAprAptiM vIkShya kR^itautsave | rAShTre.antargataduHkhasya dinasheShaH jagAma saH || 20\.27\.87|| dvitIye.ahni rahaH sarvaM svavR^ittAntaM shashaMsa saH | mantribhyasteShu chaikastaM mantrI sumatirabravIt || 20\.27\.88|| viShAdaH deva te mA bhUt upahAraM hi tAdR^isham | AneShyAmyahamanviShya bahu\-AshcharyA hi medinI || 20\.27\.89|| evamAshvAsya rAjAnaM saH sauvarNImakArayat | mantrI saptAbdadeshIyabAlakapratimAM drutam || 20\.27\.90|| ratnairala~NkR^itAM tAM cha kR^itvA karNirathArpitAm | bhrAmayAmAsa nagaragrAmaghoSheShvitastataH || 20\.27\.91|| yaH saptavarShadeshIyaH svaichChayA vipraputrakaH | dadAti sarvasattvArthamAtmAnaM brahmarakShase || 20\.27\.92|| upahArAya sattvastho mAtApitroranuj~nayA | hanyamAnashcha yastAbhyAM hastapAde pragR^ihyate || 20\.27\.93|| tasmai grAmashataupetAM hemaratnamayImimAm | dadAti pratimAM rAjA pitroH upachikIrShave || 20\.27\.94|| iti cha bhrAmyamAnAyAH tasyAH pratikR^iteH shishoH | paTahaudghoShaNAM mantrI so.agre.ajasramadApayat || 20\.27\.95|| tAvachChrutvA tat ekasminnagrahAre dvijArbhakaH | ko.api saptAbdadeshIyo.apyatidhIro.adbhutAkR^itiH || 20\.27\.96|| pUrvAbhyAsena bAlye.api sadA parahite rataH | prajApuNyaparIpAkeva sAkAratAM gataH || 20\.27\.97|| uvAchodghoShakAn etya yuShmatarthe dadAmyaham | AtmAnaM pitarau gatvA bodhayitvAbhyupaimi cha || 20\.27\.98|| ityUchivAn tAnmuditAn saH bAlo.anumatashcha taiH | gatvA gR^ihaM jagAda svau pitarau rachitA~njaliH || 20\.27\.99|| dadAmi sarvasattvArthaM dehametaM vinashvaram | tanmAmabhyanujAnItaM hatAM chApadamAtmanaH || 20\.27\.100|| AtmapratikR^itiM hyetAM gR^ihItvA vitarAmi vAm | hemaratnamayIM rAj~nA dattAM grAmashatAnvitAm || 20\.27\.101|| evaM me yuShmatAnR^iNyaM parArthashchaiva sidhyati | yuvAM cha dhvastadAridryau bahUn putrAnnavApsyathaH || 20\.27\.102|| ityuktavantaM sahasA pitarau tau tamUchatuH | kimetat bhAShase putra vAtena kShubhito.asi kim || 20\.27\.103|| kiM vA grahagR^ihIto.asi pralapasyanyathA katham | kaH hyarthaiH ghAtayetputraM dehaM dadyAchcha kaH shishuH || 20\.27\.104|| etatpitroH vachaH shrutvA bAlaH punaruvAcha saH | na buddhimohAt jalpAmi shR^iNutaM me.arthavat vachaH || 20\.27\.105|| avAchyAshuchisampUrNamutpattyaiva sugupsitam | duHkhakShetraM vinAshyeva sharIramachirAt idam || 20\.27\.106|| tat etenAtyasAreNa sukR^itaM yat upArjyate | tat eva sAraM saMsAre kR^itabuddhibhiH uchyate || 20\.27\.107|| sarvabhUtaupakArAchcha kimanyatsukR^itaM param | tatrApi pitroH bhaktiH chet kiM dehAddR^ishyate phalam || 20\.27\.108|| iti\-AdivAkyaiH saH shishuH shochantau dR^iDhanishchayaH | tava~NgIkArayAmAsa pitarau svamanIShitam || 20\.27\.109|| gatvA cha rAjabhR^ityebhyaH pratimAM taM hiraNmayIm | AnIya pradadau tAbhyAM sagrAmashatashAsanAm || 20\.27\.110|| tataH kR^itvAgrato rAjabhR^ityAn tAn eva saH drutam | pitR^ibhyAmanvitaH prAyAchchitrakUTaM nR^ipAntikam || 20\.27\.111|| tatra chandrAvalokastaM vIkShyAkhaNDitatejasam | rakShAratnamiva prAptaM bAlaM rAjA nananda saH || 20\.27\.112|| Aropya gajapR^iShTaM cha rachitasrakvilepanam | nInAya taM sapitR^ikaM ketanaM brahmarakShasaH || 20\.27\.113|| tatra maNDalamAlikhya tasyAshvatthasya pArshvataH | vihitauchitapUjena hute vahnau puraHdhasA || 20\.27\.114|| AvirbabhUva muktATTahAsaH so.adhyayanaM paThan | ghUrNan raktAsavakShIbaH jR^imbhamANo muhuH shvasan || 20\.27\.115|| jvalatnetraH dishaH kurvandehaChAyAndhakAritAH | jvAlAmukho mahAraudradarshanaH brahmarAkShasaH || 20\.27\.116|| tatashchandrAvalokastaM dR^iShTvA prahvo.abravInnR^ipaH | naraupahAro bhagavannAnItaH sa mayA tava || 20\.27\.117|| saptamaH divasashchAdya pratij~nAtasya so.asya te | tatprasIda gR^ihANaitamupahAraM yathAvidhi || 20\.27\.118|| iti rA~njArthito viprakumAraM brahmarAkShasaH | sastamAlokayAmAsa jihvayA sR^ikkiNI lihan || 20\.27\.119|| tat kShaNaM sa mahAsattvaH bAlaH hR^iShyannachintayat | svadehadAnenAnena sukR^itaM yanmayArjitam || 20\.27\.120|| tena mA bhUnmama svargo mokSho vA niHupakriyaH | bhUyAttu me parArthAya dehaH janmani janmani || 20\.27\.121|| iti sa~Nkalpayatyeva tasminnApUryata kShaNAt | vimAnaiH surasa~NghAnAM puShpavR^iShTimuchAM nabhaH || 20\.27\.122|| athAgre prApitaM tasya bAlaM taM brahmarakShasaH | mAtA jagrAha karayoH pitA charaNayostathA || 20\.27\.123|| tato yAvattamAkR^iShTakhaDgo rAjA jighAMsati | tAvat jahAsa saH shishuH tathA sarve.atra te yathA || 20\.27\.124|| sabrahmarAkShasAH tyaktvA svaM svaM karma savismayAH | rachitA~njalayaH prahvAH tatmukhaprekShiNo.abhavan || 20\.27\.125|| iti vyAkhyAya vetAlo vichitrasarasAM kathAm | taM trivikramasenaM sa nijagAda nR^ipaM punaH || 20\.27\.126|| tat brUhi rAjankaH hetuH yattena hasitaM tadA | bAlenaitAdR^ishe.apyasmin prANAntasamaye.apyaho || 20\.27\.127|| kautukaM cha mahanme.atra tat etachchenna vakShyasi | jAnAno.api tato mUrdhA shatadhA te sphuTiShyati || 20\.27\.128|| iti vetAlataH shrutvA sa rAjA pratyuvAcha tam | shR^iNu yo.abhUdabhiprAyaH hAse tasya shishostadA || 20\.27\.129|| yo nAma duHbalaH jantuH sa bhaye pratyupasthite | krandati prANahetoH svaM pitaraM mAtaraM tathA || 20\.27\.130|| tatvyapAye cha rAjAnamArtatrANAya nirmitam | tatalAbhe.api yadyatra yathAsambhavi daivatam || 20\.27\.131|| tasya tvekasthamapyetatsarvaM sa~njAtamanyathA | pitR^ibhyAM hastapAdaM hi ruddhaM tasyArthatR^iShNayA || 20\.27\.132|| rAjA cha trAtumAtmAnaM svayaM taM hantumudyataH | daivataM tatra yat brahmarakShastattasya bhakShakam || 20\.27\.133|| adhruvasyAntavirasasyAdhivyAdhikShatasya cha | dehasyArthe vimUDhAnAM teShAmIdR^ik viDambanA || 20\.27\.134|| brahmA\-indraviShNurudrAdyAH yatrAvashyaM vinAshinaH | tatraiShAmIdR^ishI kApi sharIrasthairyavAsanA || 20\.27\.135|| etattanmohavaichitryaM dR^iShTvA matvA cha vA~nChitam | siddhamAshcharyaharShAbhyAM saH jahAsa dvijArbhAkaH || 20\.27\.136|| ityuktvA viratasya tasya nR^ipateH aMsAtso bhUyo.api tat vetAlaH jhagiti svakaM padamagAdantarhito mAyayA | rAjA so.apyavikalpameva puno.apyanvak yayau tam javAdakShobhyaM hR^idayaM bateha mahatAm ambhaHnidhInAmiva || 20\.27\.137|| \medskip\hrule\medskip atha gatvA punaH prApya shiMshapAtastato.agrahIt | sastrivikramaseno.aMse vetAlaM taM narAdhipaH || 21\.28\.1|| AgachChantaM cha taM bhUyaH sa vetAlo.abravInnR^ipam | rAjannudgADhakandarpAM shR^iNvekAM vachmi te kathAm || 21\.28\.2|| asti shakrapurIvAnyA dhAtrA sukR^itinAM kR^ite | divashchyutAnAM vihitA vishAlAkhyA purI bhUvi || 21\.28\.3|| tasyAM babhUva nR^ipatiH padmanAbhaH iti shrutaH | satchakranandakaH srImAnnAkrAntabalirAjakaH || 21\.28\.4|| tasmin pR^ithvIpatau tasyAM nagaryAM sumahAvaNik | arthadattAbhidhAno.abhUddhanaiH vijitavittapaH || 21\.28\.5|| tasyaikA cha sutAna~Ngama~njarItyudapadyata | svaHsundarIpratikR^itiH bhuvi dhAtreva darshitA || 21\.28\.6|| dattA cha tena vaNijA vaNikvarasutAya sA | maNivarmAbhidhAnAya tAmraliptInivAsine || 21\.28\.7|| ekApatyatayA chAtivatsalaH sa na tAM vaNik | bhartR^iyuktAM sutAM gehAttatyAjAna~Ngama~njarIm || 21\.28\.8|| tasyAH chAna~Ngama~njaryAH patiH dveShyaH babhUva saH | maNivarmA sarogasya kaTutiktamivAuShadham || 21\.28\.9|| patyuH tu sAsya sumukhI jIvitAdapyabhUtpriyA | dhanaR^iddhiH kR^ipaNasyeva kR^ichChrAtsuchirasa~nchitA || 21\.28\.10|| ekadA chAntikaM pitrostAmraliptIM nijaM gR^iham | utkaNThAdinimittena maNivarmA jagAma saH || 21\.28\.11|| tataH dineShu yAteShu tIkShNasUryAMshusAyakaiH | proShitAnAM niruddhAdhvA gharmakAlaH ihAbhyagAt || 21\.28\.12|| vasantavirahAt uShNAH niHshvAsAH kakubhAmiva | mallikApATalAmodamedurAH maruto vavuH || 21\.28\.13|| utpetuH pavanauddhUtAH gagane reNurAjayaH | dUtyaH ghanAgamAyeva prahitAH taptayA bhuvA || 21\.28\.14|| AkA~NkShitataruChAyAH kaThorAtapatApitAH | pathikAH iva yAnti sma chireNa divasAH api || 21\.28\.15|| chandrAMshupANDuruchayaH gADhAshleShasukhapradam | vinA hemantamagamannatidurbalatAM nishAH || 21\.28\.16|| tatkAlaM chandanAlepadhavalA sA vaNiksutA | saMvItatanukausheyashobhitAna~Ngama~njarI || 21\.28\.17|| dadarsha svagR^ihauttu~NgavAtAyanagataikadA | AptasakhyA yutA bhavyaM yuvAnaM vipraputrakam || 21\.28\.18|| sa~ncharantaM ratiprAptyai navautpannamiva smaram | kamalAkaranAmAnaM putraM rAjapuraHdhasaH || 21\.28\.19|| so.apIndoH iva mUrtiM tAM kAntAM dR^iShTvopari sthitAm | kumudAkaratAM bheje sAnandaH kamalAkaraH || 21\.28\.20|| tayorabhUdamUlyaM tanmanaHsaMvananaM tadA | smaraguru\-Aj~nayA yUnoranyaHanyasyAvalokanam || 21\.28\.21|| unmUlitahriyau tau cha dUravikShiptachetasA | rajaHabhibhUtau jahrAte manmathAvegavAtyayA || 21\.28\.22|| dR^iShTvA cha madanAviShTaH sakhyA saH kamalAkaraH | sahasthitena nIto.abhUt kathamchit bhavanaM nijam || 21\.28\.23|| sApi taM nAmato.anviShya vivashAna~Ngama~njarI | tayA svayA samaM sakhyA prAvishat vAsakaM shanaiH || 21\.28\.24|| tatra sa~nchintayantI cha kAntaM kAmajvarAturA | nApashyannAshR^iNotkimchilluThantI shayanIyake || 21\.28\.25|| gateShvahaHsu dvitreShu satrapA sabhayA cha sA | asahA virahaunmAdaM visoDhuM kR^ishapANDurA || 21\.28\.26|| duHprApapriyasaMyoganiHAsthA naktamekadA | gavAkShapreritakareNAkR^iShTeva himAMshunA || 21\.28\.27|| supte parijane svairaM nirgatya maraNaunmukhI | jagAma svagR^ihaudyAnavApIM tarulatAvR^itAm || 21\.28\.28|| tatra pitrA kR^itaudArapratiShThAM kuladevatAm | upetya chaNDikAM devIM natvA stutvA vyajij~napat || 21\.28\.29|| asmin janmani chet bhartA na mayA kamalAkaraH | prAptastaddevi bhUyAnme so.anyasminnapi janmani || 21\.28\.30|| ityuktvA puratastasyAH devyAH sAshokapAdape | pAshaM virachayAmAsa svauttarIyeNa rAgiNI || 21\.28\.31|| tAvadAptA sakhI tasyAH sA prabudhyAtra vAsake | tAmadR^iShTvA tat udyAnaM daivAdAgAt vichinvatI || 21\.28\.32|| tatra dR^iShTvA cha tAM pAshamarpayantIM tathA gale | mA metyuktvA pradhAvyaiva pAshaM tasyAh tamachChinat || 21\.28\.33|| sApi tAM vIkShya samprAptAM kR^ittapAshAM nijAM sakhIm | ana~Ngama~njarI bhUmau papAtAdhikaduHkhitA || 21\.28\.34|| AshvAsitA svasakhyA cha tayA pR^iShTA cha sA kShaNAt | duHkhahetuM samAkhyAya punaH enAmabhAShata || 21\.28\.35|| sakhi mAlatike tanme duHlabhe priyasa~Ngame | guru\-AdiparatantrAyAH na sukhaM maraNAtparam || 21\.28\.36|| iti bruvANaivAna~NgasharAgnijvalitA bhR^isham | sAna~Ngama~njarI mohaM yayau nairAshyaniHsahA || 21\.28\.37|| kaShTaM smarAj~nA duHla~NghyA yayA nItA dashAmimAm | anyAvinItavanitAhAsinIyaM sakhI mama || 21\.28\.38|| ityAdivilapantI cha tAM sA mAlatikA sakhI | shanaiH AshvAsayAmAsa shItAmbupavanAdibhiH || 21\.28\.39|| tApaupashAntaye chAsyAH chakAra nalinIdalaiH | shayyAM dadau cha hR^idaye hAraM tuhinashItalam || 21\.28\.40|| tataH sAshruruvAchaitAM sakhIM sAna~Ngama~njarI | sakhi hArAdibhiH nAyaM dAho.anto mama shAmyati || 21\.28\.41|| yena prashAmyati punaH svabuddhyaiva vidhatsva tat | mAM saMyojaya kAntena jIvitaM me yadIchChasi || 21\.28\.42|| evamuktavatIM tAM sA snehAnmAlatikAbravIt | sakhi bhUyiShTayAtAdya rAtriH prAto.ahaM punaH || 21\.28\.43|| ihaiva kR^itasa~NketamAneShyAmi priyaM tava | tadAlambya dhR^itiM tAvannijaM pravisha mandiram || 21\.28\.44|| itiuktavatyai santuShya tasyai sAna~Ngama~njarI | hAraM svakaNThAdAkR^iShya pradadau pAritoShikam || 21\.28\.45|| gachChAdhunaiva svagR^ihaM prAtaH siddhyai tato vraja | iti chaitAM sakhIM preShya sA vivesha svavAsakam || 21\.28\.46|| prAtashcha sA mAlatikA kenApyanupalakShitA | tatsakhI tasya kamalAkarasya bhavanaM yayau || 21\.28\.47|| chinvatI tatra chodyAne tarumUle dadarsha tam | chandanArdrAmburuhiNIpattrashayyAvivartinam || 21\.28\.48|| rahasyadhAriNaikena kadalIdalamArutaiH | AshvAsyamAnaM suhR^idA dahyamAnaM smarAgninA || 21\.28\.49|| tasyAH vineyamasya syAt kAmAvasthA\-IdR^ishIti sA | vichintya tasthau prachChannA j~nAtuM tatra vinishchayam || 21\.28\.50|| tAvachcha suhR^idA tena saH Uche kamalAkaraH | kShaNamekamihodyAne dattvA dR^iShTiM manaHrame || 21\.28\.51|| vinodaya mano mitra mAtra viklavatAmagAH | tachChrutvA taM svasuhR^idaM vipraputraH jagAda saH || 21\.28\.52|| yanmamAna~Ngama~njaryA vaNikputryA tayA hR^itam | vinodayAmi tat idaM kutaH shUnyAshayo manaH || 21\.28\.53|| smareNa shUnyahR^idayaH bANatUNIkR^itaH hyaham | tatprApsyAmi manaHchaurIM tAM yathA kuru me tathA || 21\.28\.54|| ityukte vipraputreNa tenAtmAnaM pradarshya sA | hR^iShTA mAlatikAbhyetya tamuvAchAstasaMshayA || 21\.28\.55|| tavAsmyana~Ngama~njaryA subhaga prahitAntikam | sandeshaM chAhamevaiShA vispaShTArthaM bravImi te || 21\.28\.56|| eShaH kaH shiShTadharmo yatpravishya hR^idayaM haThAt | mano muShitvA mugdhAyAH gamyate sthagitAtmanA || 21\.28\.57|| chitraM cha yat vAmadR^ishA tubhyameva tayAdhunA | manaHharAya deho.api dAtuM prANaiH saheShyate || 21\.28\.58|| niHshvAsAn sA hi santaptAn vimu~nchati divAnisham | jvalataH hR^idi kandarpavahneH dhUmaudgamAn iva || 21\.28\.59|| sampatanti muhuH chAsyAH sA~njanAH bAShpabindavaH | vadanAmbhaHjasaugandhyalubdhAH madhukarAH iva || 21\.28\.60|| tat yadIchChasi tat vachmi shivaM vAmubhayoraham | ityukto mAlatikayA so.abravIt kamalAkaraH || 21\.28\.61|| bhadre bhayaM karotyeShA vAktavAshvAsayatyapi | vadantI vidhurAvasthAM baddhabhAvAM cha me priyAm || 21\.28\.62|| tat ekA gatiratra tvaM yathA vetsi tathA kuru | itiuktavAkye kamalAkare mAlatikAbravIt || 21\.28\.63|| ana~Ngama~njarImadya guptaM tAM prApayAmyaham | naktaM svabhavanaudyAnaM tvaM tiShTheH tatra bAhyataH || 21\.28\.64|| tataH praveshayiShyAmi tvAmatrAntaH svayuktitaH | evaM yathA\-iShTo yuvayoH bhaviShyati samAgamaH || 21\.28\.65|| ityuktvAnandya taM vipraputraM mAlatikA tataH | gatvA kR^itArthA sAna~Ngama~njarImapyanandayat || 21\.28\.66|| athAhnA saha yAte.arke kvApi sandhyAnurAgiNi | aindryA dishendutilakenAnane suprasAdhite || 21\.28\.67|| tyaktapadmAkarA prAptA shrIH mayetIva harShataH | hasatyuphullavadane vishade kumudAkare || 21\.28\.68|| kR^itaprasAdhanaH sautkaH svairaM saH kamalAkaraH | kAmI kAntAgR^ihaudyAnadvArabAhyamupAgamat || 21\.28\.69|| tAvachcha sA mAlatikA tAM yuktyAna~Ngama~njarIm | AninAya tat udyAnaM kR^ichChrAt gamitavAsarAm || 21\.28\.70|| upaveshya cha tAM madhye gulmake chUtashAkhinAm | prAveshayattaM nirgatya tatraiva kamalAkaram || 21\.28\.71|| sashcha pravishya pattraoghaghanapAdapamadhyagAm | tAmadhvagaH iva ChAyAM dadarshAna~Ngama~njarIm || 21\.28\.72|| upaiti yAvachcha sastAM tAvaddR^iShTvA pradhAvya sA | kAmavegahR^itavrIDA kaNThe taM sahasAgrahIt || 21\.28\.73|| kva yAsi labdho.asi mametyAlapantI cha tat kShaNam | sAtiharShabharastabdhaniHshvAsA pa~nchatAmagAt || 21\.28\.74|| papAta cha mahIpR^iShThe vAtarugNA lateva sA | vichitraH bata kAmasya vipAkaviShamaH kramaH || 21\.28\.75|| taddR^iShTvAshanipAtaugraM sadyaH saH kamalAkaraH | hA hA kimetat ityuktvA mUrchChito nyapatat bhuvi || 21\.28\.76|| labdhasaMj~naH kShaNenAtha tAma~NkAropitAM priyAm | Ali~Ngan parichumban cha tattachcha vilapan bahu || 21\.28\.77|| tathA dukhAtibhAreNa saH prasahya nipIDitaH | yathA tasya TasatkR^itya kShaNAt hR^idayamasphuTat || 21\.28\.78|| atha tau mAlatikayA shochyamAnAvubhavapi | dR^iShTvA prAptakShayau shokAt iva kShINAbhavat kShapA || 21\.28\.79|| prAtarudyAnapAlebhyaH j~nAtvA bandhujanastayoH | tatrAyayau trapAshcharyaduHkhamohAkulIkR^itaH || 21\.28\.80|| AsIt kartavyatAmUDhashchiraM khedAdavAkmukhaH | kaShTAH kulakhalIkArahetavaH bata kustriyaH || 21\.28\.81|| tAvachcha tAmraliptItaH sastasyAH patiH Agamat | sautkaNTho.ana~Ngama~njaryAH maNivarmA pituH gR^ihAt || 21\.28\.82|| saH shvAshuraM gR^ihaM prApya yathAtattvamavetya tat | bAShpAndhalochanaH dhyAyan tat evodyAnamAyayau || 21\.28\.83|| tatra bhAryAM gatAsuM tAM dR^iShTvAnyasahitAmapi | shokAgnijvalito rAgI sadyaH so.api jahavasUn || 21\.28\.84|| tataH krandati tatrasthe jane kolAhalAkulAH | AyayuH j~nAtavR^ittAntAH paurAH sarve.atra vismitAH || 21\.28\.85|| athAtrAna~Ngama~njaryAH pitrA pUrvAvatArItA | devI sannihitA chaNDI vij~naptAbhUnnijaiH gaNaiH || 21\.28\.86|| tvatAkArapratiShThAkR^idarthadattaH sadaiShaste | bhakto vaNiktadasyAsminduHkhe devi dayAM kuru || 21\.28\.87|| etat gaNebhyaH shrutvA sA sharaNyA sha~NkarapriyA | shAntAna~NgAH trayo.apyete jIvantviti samAdishat || 21\.28\.88|| atha sarve.api te suptapratibuddhAH iva kShaNAt | tatprasAdAtsamuttasthuH jIvanto vItamanmathAH || 21\.28\.89|| tataH dR^iShTvA tadAshcharyaM sAnande sakale jane | lajjAnatamukhaH prAyAtsvagR^ihaM kamalAkaraH || 21\.28\.90|| arthadatto.api tAM hrItAmAdAyAna~Ngama~njarIm | sutAM svabhartR^isahitAM yayau baddhautsavaH gR^ihAn || 21\.28\.91|| iti kathayitvA tasyAM rAtrau mArge kathAM sa vetAlaH | nijagAda taM trivikramasenaM kShoNIpatiM bhUyaH || 21\.28\.92|| rAjankasya vadaiteShvadhiko moho.anurAgamUDheShu | so.atra cha pUrvauktaste shApaH jAnan na chet vadasi || 21\.28\.93|| ityetat vetAlAchChrutvA saH pratyuvAcha taM nR^ipatiH | eteShu rAgamUDhaH pratibhAti mamAdhikaH sa maNivarmA || 21\.28\.94|| itarau hi tAvubhavapi kAlakramapakvamanmathAvasthau | anyaHanyasAnurAgau yadi jIvitamujjhataH sma tat bhavatu || 21\.28\.95|| maNivarmA tvatimUDho yo bhAryAmanyapuruShasaktamR^itAm | dR^iShTvaiva kopakAle pratyuta raktaH shuchAmuchatprANAn || 21\.28\.96|| iti gadita vataH sastasya rAj~naH bata vetAlapatiH punaH jagAma | nijameva padaM tadaMsapIThAdatha rAjApi tam anvagAtso bhUyaH || 21\.28\.97|| \medskip\hrule\medskip tato rAjA punaH gatvA vetAlaM shiMshapAgrataH | sastrivikramasenastaM prApyAMsAropitaM vyadhAt || 22\.29\.1|| AyAntaM taM cha rAjAnaM sa vetAlo.abravItpathi | rAjan sAdhuH susattvastvaM tadapUrvAM kathAM shR^iNu || 22\.29\.2|| babhUva pUrvaM kusumapurAkhyanagara\-IshvaraH | pR^ithvItale.asmindharaNIvarAho nAma bhUpatiH || 22\.29\.3|| tasya brAhmaNabhUyiShThe rAShTre brahmasthalAbhidhaH | agrahAro.abhavattatra viShNusvAmItyabhUddvijaH || 22\.29\.4|| tasyAnurUpA bhAryAbhUt yathA svAhA haviH bhujaH | tasyAM cha tasya chatvAraH kramAt utpedire sutAH || 22\.29\.5|| adhItavedeShUtkrAntashaishaveShu cha teShu saH | viShNusvAmI divaM prAyAt bhAryayAnugatastayA || 22\.29\.6|| tataste tatra tatputrAH sarve.apyAnAyya duHsthitAH | gotrajaiH hR^itasarvasvAH mantrayA~nchakrire mithaH || 22\.29\.7|| nAstIha gatirasmAkaM tat vrajAmo vayaM na kim | ito mAtAmahagR^ihaM grAmaM ya~njasthalAbhidham || 22\.29\.8|| etat eva vinishchitya prasthitAH bhaikShyabhojanAH | mAtAmahagR^ihaM prApuH te.atha tat bahubhiH dinaiH || 22\.29\.9|| tatra mAtAmahAbhAvAnmAtulaiH dattasaMshrayAH | bhu~njAnAH tatgR^ihe tasthuH svAdhyAyAbhyAsatatparAH || 22\.29\.10|| kAlakramAchcha teShAM te mAtulAnAmakimchanAH | avaj~nApAtratAM jagmuH bhojanAchChAdanAdiShu || 22\.29\.11|| tataH svajanasaMsphUrjatavamAnahatAtmanAm | teShAM rahaH sachintAnAM jyeShTho bhrAtAbravIt idam || 22\.29\.12|| bho bhrAtaraH kiM kriyate sarvamAcheShTate vidhiH | na shakyaM puruShasyeha kvachit kimchit kadAchana || 22\.29\.13|| ahaM hyudvegato bhrAmyan prApto.adya pitR^ikAnane | vipannasthitamadrAkShaM trastA~NgaM puruShaM bhuvi || 22\.29\.14|| achintayaM cha dR^iShTvA tamahaM tAM spR^ihayan gatim | dhanyo.ayamevaM vishrAntaH duHkhabhAraM vimuchya yaH || 22\.29\.15|| iti sa~nchintya tat kAlaM kR^itvA maraNanishchayam | vR^ikShAgrasa~NginA pAshenAtmAnamudalambayam || 22\.29\.16|| yAvachcha me visaMj~nasya tadA niryAnti nAsavaH | tAvattruTitapAsho.atra patito.asmi mahItale || 22\.29\.17|| labdhasaMj~nashcha kenApi puMsA kShiprAt kR^ipAlunA | AshvAsyamAnamAtmAnamapashyaM paTamArutaiH || 22\.29\.18|| sakhe kathaya vidvAnnapyevaM kaM prati khidyase | sukhaM hi sukR^itAdduHkhaM duHkR^itAt eti nAnyataH || 22\.29\.19|| duHkhAt yadi tavodvegaH sukR^itaM tatsamAchara | kathaM tu nArakaM duHkhamAtmatyAgena vA~nChasi || 22\.29\.20|| ityuktvA mAM samAshvAsya sashcha kvApi gataH pumAn | ahaM chehAgatastyaktvA tAdR^ishaM maraNaudyamam || 22\.29\.21|| tat evaM nechChati vidhau na martumapi labhyate | idAnIM cha tanuM tIrthe tapasA dAhayAmyaham || 22\.29\.22|| yena niHdhanatAduHkhabhAgI na syAmahaM punaH | ityuktavantaM jyeShThaM taM kaniShThAH bhrAtaro.abruvan || 22\.29\.23|| arthaiH vinA kathaM prAj~no.apyArya duHkena bAdhyase | kiM na vetsi yadarthAnAM sharadabhrachalA gatiH || 22\.29\.24|| AhR^itya rakShyamANApi yatnenAntavirAgiNI | asatmaitrI cha veshyA cha shrIH cha kasya kadA sthirA || 22\.29\.25|| tat udyogena saH guNaH kaHapyupArjyo manasvinA | AnIyante haTAt baddhvA yenArthahariNAH muhuH || 22\.29\.26|| ityukto bhrAtR^ibhiH dhairyaM kShaNAt jyeShTho.avalambya saH | uvAcha kaH guNastAdR^ikarjanIyo bhavet iti || 22\.29\.27|| tato vichitya sarve te vadanti sma parasparam | vichintya pR^ithvIM vij~nAnaM kimchichChikShAmahe vayam || 22\.29\.28|| nishchityaitachcha sa~NketasthAnamuktvA samAgame | ekaikashaste chatvArashchatasraH prayayuH dishaH || 22\.29\.29|| yAti kAle cha militAH te sa~Nketaniketane | kiM kena shikShitamiti bhrAtaro.anyaHanyamabruvan || 22\.29\.30|| athAtraiko.abravIt IdR^ik vij~nAnaM shikShitaM mayA | yenAsthishakalaM prApya prANino yasya kasyachit || 22\.29\.31|| utpAdayAmyahaM tasminmAMsaM tatuchitaM kShaNAt | etattasya vachaH shrutvA dvitIyasteShvabhAShata || 22\.29\.32|| ahaM tatraiva sa~njAtamAMse.asthishakale kila | jAne janayituM lomatvachaM tatprANisambhavi || 22\.29\.33|| tatastR^itIyo.apyavadat jAne tatraiva chAsmyaham | tatprAnyavayavAn sraShTuM jAtatva~NmAMsalomani || 22\.29\.34|| chaturthashcha tato.avAdIt utpannAvayavAkR^itim | tameva prANinaM prAnaiH yuktaM kartumavaimyaham || 22\.29\.35|| evamuktvA mithaH svasvavij~nAnaprathanAya te | chatvAro.apyasthikhaNDAya prayayuH bhrAtaro.aTavIm || 22\.29\.36|| tatra siMhasya te prApuH asthikhaNDaM vidheH vashAt | avij~nAtavisheShAH cha gR^ihnanti sma tathaiva tat || 22\.29\.37|| ekashcha tatsamuchitaiH tato mAMsairayojayat | dvitIyo.ajanayattasya tadvattvaklomasaMhatIH || 22\.29\.38|| tR^itIyashchAkhilaira~NgaiH tatyogyaiH tadapUrayat | chaturthashcha dadau tasya siMhIbhUtasya jIvitam || 22\.29\.39|| udatiShThadathoddhUtasaTAbhAro.atibhairavaH | saH daMShTrAsa~NkaTamukhaH siMhaH kharanakhA~NkushaH || 22\.29\.40|| dhAvitvA cha svanirmAtqn tAn eva chaturo.api saH | avadhIt kesarI tR^ipto vivesha cha vanaM tataH || 22\.29\.41|| evaM te siMhanirmANadoShAnnaShTAH dvijAtayaH | duShTaM hi jantumutthApya kasyAtmani sukhaM bhavet || 22\.29\.42|| itthaM chopArjito yatnAt guNo.api vidhure vidhau | sampattaye na na paraM jAyate tu vipattaye || 22\.29\.43|| mUle hyavikR^ite daive sikte praj~nAnavAriNA | nayAlavAlaH phalati prAyaH pauruShapAdapaH || 22\.29\.44|| iti tasyAM nishi mArge vetAlenAMsataH kathAM tena | AkhyAya sastrivikramaseno rAjA punaH jagade || 22\.29\.45|| rAjan teShvaparAdhyati chaturShu kastatra siMhanirmANe | yannyavadhIttatkLpto vada samayaH so.atra pUrvaste || 22\.29\.46|| iti vetAlAchChrutvA rAjA so.achintayat vimaunasya | ichChati gantumayaM me yAtvAneShyAmyamuM bhUyaH || 22\.29\.47|| iti hR^idi nishchitya sastaM mahIpatiH pratyuvAcha vetAlam | yastasya jIvadAyI siMhasya saH pApabhAkteShu || 22\.29\.48|| prANivisheShamabuddhvA mAMsatvaklomagAtranirmANam | yuktibalAttu kR^itaM yaiH teShAM doSho.asti nAj~nAnAt || 22\.29\.49|| yena tu siMhAkAraM dR^iShTvA vidyAprakAshanautkena | prANAH tasya vitIrNAH tena kR^itAH brahmahatyAH tAH || 22\.29\.50|| etatso rAj~no vachanaM nishamya svadhAma vetAlavaraH jagAma | tasyAMsatastatpunaH eva mAyI rAjApi taM saH anusasAra bhUyaH || 22\.29\.51|| \medskip\hrule\medskip tataH gatvA punaH prApa shiMshapApAdapAttataH | sastrivikramasenastaM vetAlaM rAjasattamaH || 23\.30\.1|| skandhe kR^itvA cha taM maunI darshitAnekavaikR^itam | yAvatpratiShThate tAvatso vetAlastamabravIt || 23\.30\.2|| rAjannakArye.apyetasminduHvAro.ayaM grahastava | tatte shramavinodAya kathayAmi kathAM shR^iNu || 23\.30\.3|| AsIt kali~NgaviShaye nAmnA shobhAvatI purI | divIva shakranagarI vasatiH shubhakarmaNAm || 23\.30\.4|| yAM pradyumnaH ivAishvaryavIryAtishayavishrutaH | pradyumnanAmA nR^ipatiH shashAsorjitashAsanaH || 23\.30\.5|| guNApakarShashchApeShu murajeShu karAhatiH | yugeShvashrUyata kaliH yasyAM praj~nAsu tIkShNatA || 23\.30\.6|| ekadeshe purastasyAH nR^ipeNa pratipAditaH | yaj~nasthalAbhidhAno.abhUdagrahAraH bahudvijaH || 23\.30\.7|| tatrAsIt yaj~nasomAkhyaH brAhmaNo vedapAragaH | mahAdhano.agnihotrI cha pUjitAtithidevataH || 23\.30\.8|| tasya vyatIte tAruNye manaHrathashataiH sutaH | bhAryAyAmanurUpAyAmekaH evodapadyata || 23\.30\.9|| vavR^idhe cha pituH so.asya gR^ihe bAlaH sulakShaNaH | kR^itAbhidhAno vidhivaddevasomaH iti dvijaiH || 23\.30\.10|| prAptaShoDashavarShashcha sa vidyAvinayAdibhiH | Avarjitajano.akasmAt jvareNa prApa pa~nchatAm || 23\.30\.11|| tataH parAsuM snehAttamAshliShya saha bhAryayA | yaj~nasenaH pitA shochan na dAhAya jahau chiram || 23\.30\.12|| brahman saMsAragandharvanagarasya na vetsi kim | parAvaraj~no.api gatiM vAribudbudabha~NgurAm || 23\.30\.13|| ye sainyaiH pUritadharAH harmyapR^iShTheShu hAriShu | lasatsa~NgItanAdeShu ratnaparya~NkavartinaH || 23\.30\.14|| shrIkhaNDadravaliptA~NgAH varastrIparivAritAH | vyalasannamarammanyAH bhUloke.asmin narAdhipAH || 23\.30\.15|| te.apyekakAH shmashAneShu rudatpretAnuyAyiShu | chitAdhishayino yatra jagdhAH kravyAtkR^ishAnubhiH || 23\.30\.16|| shivAbhiH valitaupAntAH kAlena kavalIkR^itAH | na roddhuM shakitAH kaiHchittatrAnyeShAM kathaiva kA || 23\.30\.17|| tat etaM pretamAshliShya vidvan vada karoShi kim | iti\-Adyabodhayan vR^iddhAH militAH taM dvijaM tataH || 23\.30\.18|| tatastena kathamchittaM muktamAropya tatsutam | shibikAyAM gataprANaM kR^itapretaprasAdhanam || 23\.30\.19|| bAndhavAH vaishasaudashrumilatbandhujanAnvitAH | shmashAnaM prApayAmAsuH kolAhalasamAkulAH || 23\.30\.20|| atrAntare cha tatrAsIchChmashAne ko.api tApasaH | vR^iddhaH pAshupato yogI maThikAyAM kR^itasthitiH || 23\.30\.21|| vayasA tapasA chAtibhUyasA sukR^ishAM tanum | bibhrANo bha~NgabhItyeva sirAbhiH pariveShTitam || 23\.30\.22|| nAmnA vAmashivo bhasmapANDuromAvR^itAkR^itiH | vidyutpi~NgajaTAjUTo maheshvarevAparaH || 23\.30\.23|| sastApaso.atra tat kAlaM dattaupAlambhakheditam | mUrkhaM shaThaM dhyAnayogAdyavaliptamahamkR^itam || 23\.30\.24|| bhikShAphalavratadharaM shiShyamantikavAsinam | jagAda dUrAchChrutvA taM janakolAhalaM bahiH || 23\.30\.25|| uttiShTha gatvAtra bahiH vij~nAyAgachCha satvaram | kuto.atrAshrutapUrvo.ayaM shmashAne tumulAravaH || 23\.30\.26|| ityukte guruNA tena saH shiShyaH pratyuvAcha tam | nAhaM yAmi svayaM yAhi bhikShAvelA hyapaiti me || 23\.30\.27|| tachChrutvovAcha saH guruH dhik mUrkhodaratatpara | ahno.ardhaprahare yAte bhikShAvelAtra kA tava || 23\.30\.28|| shrutvaivaitatsastaM kruddhaH kushiShyaH prAha tApasam | dhik jarAjIrNa nAhaM te shiShyo na tvaM guruH mama || 23\.30\.29|| ahamanyatra yAsyAmi vaha pAtrImimAM svayam | ityuktvotthAya saH prAyAttyaktvAgre daNDakuNDikAm || 23\.30\.30|| vihasannatha nirgatya maThikAyAH sastApasaH | tatrAgAt yatra dAhArthamAnItaH saH dvijArbhakaH || 23\.30\.31|| dR^iShTvA cha taM janatayA shochyamAnAgryayauvanam | yogI praveShTuM tatdehaM matiM chakre jarArditaH || 23\.30\.32|| gatvA cha drutamekAnte muktakaNThaM prarudya cha | nanarta sastataH kShiprama~NgahAraiH yathA\-uchitaiH || 23\.30\.33|| tato vivesha yogAttaddvijaputrakalevaram | kShaNAtsaH svatanuM tyaktvA tapasvI yauvanaichChayA || 23\.30\.34|| tat kShaNaM rachitAyAM cha chitAyAM sahasaiva saH | labdhajIvaH dvijayuvA prottasthau kR^itajR^imbhikaH || 23\.30\.35|| taddR^iShTvA bandhuvargasya diShTyA jIvati jIvati | ityudbabhUva nAdo.atra nikhilasya janasya cha || 23\.30\.36|| athAmokShyan vrataM sarvAnmR^iShA yoga\-IsvaraH sa tAn | vipraputrasharIrAntaHpraviShTastApaso.abravIt || 23\.30\.37|| lokAntaragatasyAdya mahApAshupatavratam | grAhyaM sAkShAnmamAbhAShya dattaM sharveNa jIvitam || 23\.30\.38|| adhunaiva cha dhAryaM tat gatvaikAnte vrataM mayA | jIvitaM me.anyathA nAsti tat yUyaM yAta yAmyaham || 23\.30\.39|| iti sarvAn sastatrasthAn sambodhya dR^iDhanishchayaH | svagR^ihAn preShayAmAsa harShashokAkulAn vratI || 23\.30\.40|| svayaM cha gatvA shvabhre tat kShiptvA pUrvakalevaram | Attavrato mahAyogI yuvIbhUto.anyato yayau || 23\.30\.41|| iti vyAkhyAya vetAlaH kathAM nishi tadA pathi | taM trivikramasenaM sa rAjAnaM puno.abravIt || 23\.30\.42|| rAjan brUhi sa yogI\-indraH kasmAtparapure vasan | praruroda nanartAtha kautukaM mahadatra me || 23\.30\.43|| iti vetAlataH shrutvA shApasha~NkI sa bhUpatiH | vimuchya maunamevaM tamavAdIddhImatAM varaH || 23\.30\.44|| shR^iNu tatra babhUvAsya yo.abhiprAyastapasvinaH | saha vR^iddhaM chirAyedaM sharIraM siddhisAdhanam || 23\.30\.45|| pitR^ibhyAM lAlitaM bAlye tyajAmyadyeti duHkhitaH | saH jarattApaso.arodIddehasnehaH hi duHtyajaH || 23\.30\.46|| navaM dehaM pravekShyAmi sAdhayiShyAmyato.adhikam | iti harShAdanR^ityachcha kasya neShTaM hi yauvanam || 23\.30\.47|| etattasya vacho nishamya nR^ipateH aMsatso bhUyo.api agAt vetAlo mR^itapUruShAntaragatastaM shiMshapApAdapam | rAjA so.api tamanvadhAvadadhikautsAhaH punaH prepsayA kalpAnte.apyachalaM kulAdrivijayi sthairyaM hi dhIrAtmanAm || 23\.30\.48|| \medskip\hrule\medskip tatastAM timirashyAmAM chitAgnijvalita\-IkShaNAm | smashAne bhIShaNe tasmin vIro rajanirAkShasIm || 24\.31\.1|| ghorAmagaNayan rAjA gatvA tAM shiMshapAM punaH | sastrivikramasenastaM tasyAH vetAlamAdade || 24\.31\.2|| skandhe kR^itvA cha taM yAvatprakrAmati saH pUrvavat | tAvat bhUyaH sa vetAlo naradevamuvAcha tam || 24\.31\.3|| bho rAjannahamudvigno na punastvaM gatAgataiH | tat ekaM me mahAprashnamimaM kathayataH shR^iNu || 24\.31\.4|| AsInmANDalikaH ko.api nR^ipatiH dakShiNApathe | dharmAbhidhAnaH dhaureyaH sAdhUnAM bahugotrajaH || 24\.31\.5|| tasya chandravatInAma bhAryA mAlavadeshajA | abhUnmahAkulautpannA varastrImaulimAlikA || 24\.31\.6|| tasyAM cha tasya bhAryAyAM bhUpateH udapadyata | ekaiva lAvaNyavatI nAmAnvarthAbhidhA sutA || 24\.31\.7|| pradeyAyAM cha tasyAM saH sutAyAM dharmabhUpatiH | unmUlito.abhUnmilitaiH dAyAdaiH rAShTrabhedibhiH || 24\.31\.8|| tataH palAyya niragAtsaH deshAt bhAryayA saha | duhitrA cha tayA rAtrAvAttasatratnasa~nchayaH || 24\.31\.9|| mAlavaM prati cha svairaM prasthitaH shvashurAspadam | vindhyATavIM tayA rAtryA prApa bhAryAsutAyutaH || 24\.31\.10|| tasyAM praviShTasyodashruH ivAvashyAyashIkaraiH | nishAnuyAtrAM dattveva yayau tasya mahIkShitaH || 24\.31\.11|| ArurohAtha pUrvAdrimutkShiptAgrakaro raviH | mA gAH chaurATavImetAmiti taM vArayan iva || 24\.31\.12|| tato.atra sasutAjAniH kShatA~NghriH kushakaNTakaiH | padAtiH sa nR^ipaH gachChan bhillAnAM prApa pallikAm || 24\.31\.13|| pareShAM prANasarvasvahAribhiH pumbhiH AvR^itAm | varjitAM dhArmikaiH durgAM kR^itAntanagarImiva || 24\.31\.14|| tatra dR^iShTvaiva taM dUrAtsavastrAbharaNaM nR^ipam | moShituM bahavo.adhAvan shabarAH vividhAyudhAH || 24\.31\.15|| tAn vilokya sutAbhArye rAjA dharmaH jagAda saH | purA spR^ishanti vAM mlechChAH tat ito vishataM vanam || 24\.31\.16|| iti rAj~noditA raj~nI vanamadhyaM vivesha sA | lAvaNyavatyA sutayA sArdhaM chandravatI bhayAt || 24\.31\.17|| rAjApyabhimukhAyAtAnkhaDgacharmadharo.atra saH | avadhIttAn bahUn shUraH shabarAn sharavartiNaH || 24\.31\.18|| tatastenAkhilA pallI patyAj~naptAH nipatya tam | prahArakShatacharmANamavadhInnR^ipamekakam || 24\.31\.19|| gR^ihItAbharaNe yAte dasyusainye vilokya tam | bhartAraM nihataM dUrAt vanagulmAntarasthitA || 24\.31\.20|| rAj~nI chandravatI sAtra duhitrA saha vihvalA | palAyamAnA gahanaM dUramanvak agAt vanam || 24\.31\.21|| tatra madhyAhnatApArtAsviva mUlAni shAkhinAm | ChAyAsvapi praviShTAsu shishirANi sahAdhvagaiH || 24\.31\.22|| ekadeshe.abjasarasastIre.ashokatarostale | shokArtA rudatI shrAntA sasutA samupAvishat || 24\.31\.23|| tAvattat vanamabhyarNanivAsI mR^igayAkR^ite | mahAmanuShyaH ko.apyAgAdashvArUDhaH saputrakaH || 24\.31\.24|| sashchaNDasiMhanAmA taM putraM siMhaparAkramam | uvAcha dR^iShTvAtra tayoH pAMsUtthe padapaddhatI || 24\.31\.25|| ete surekhe subhage.anusR^ityApnuvo yadi | strIyau te tattayoH ekAM svIkuruShva yathAruchi || 24\.31\.26|| ityuktavantaM taM smAha putraH siMhaparAkramaH | yasyAH sUkShmavimau pAdau sA bhAryA pratibhAti me || 24\.31\.27|| sA hi svalpavayAH nUnaM jAne samuchitA mama | bR^ihatpAdA tu yogyeyametatjyeShThavayAH tava || 24\.31\.28|| iti sUnoH vachaH shrutvA chaNDasiMhaH jagAda tam | kaiShA kathA bhavatmAtA pratyagraM hi gatA divam || 24\.31\.29|| tAdR^ishe sukalatre cha gate kAnyatra vAsanA | tachChrutvA so.api putrastaM chaNDasiMhamabhAShata || 24\.31\.30|| tAta maivamabhAryaM hi shUnyaM gR^ihapateH gR^iham | anyachcha mUladevauktA gAthA kiM na shrutA tvayA || 24\.31\.31|| yatra ghanastanajaghanA nAste mArgAvalokinI kAntA | ajaDaH kastadanigaDaM pravishati gR^ihasaMj~nakaM durgam || 24\.31\.32|| tat jIvitena me tAta shApito.asi na tAM yadi | dvitIyAM madabhIShTAyAM bhAryArthe svIkarIShyasi || 24\.31\.33|| etatputravachaH shrutvA pratipadya cha tatsakhaH | sashchaNDasiMho.anusaran padapa~NktiM shanaiH yayau || 24\.31\.34|| prApya tachcha saraHsthAnaM muktAtArA\-oghamaNDitAm | shyAmAM chaNdravatIM rAj~nIM tAM dadarshAvabhAsitAm || 24\.31\.35|| lAvaNyavatyA sutayA jyotsnayevAvadAtayA | naishIM dyAmiva madhyAhne taruchChAyAmupAshritAm || 24\.31\.36|| upAyayau cha putreNa sAkaM tAM saH sakautukaH | sApi dR^iShTvA tamuttasthau vitrastA chaurasha~NkinI || 24\.31\.37|| alaM trAsena nAmbhaitau chaurau saumyAkR^itImau | suveShau kauchidAkheTakR^ite nUnamihAgatau || 24\.31\.38|| ityuktA sutayA rAj~nI yAvaddolAyate.atra sA | tAvadashvAvatIrNaste chaNDasiMHo.abravIt ubhe || 24\.31\.39|| kiM sambhrameNa vAmAvAM praNayAddraShTumAgatau | tat visvasya niHAta~Nke vadataM ke yuvAmiti || 24\.31\.40|| haranetrAnalajvAlAdagdhamanmathaduHsthite | ratiprItIvAraNyamidamevamupAgate || 24\.31\.41|| praviShTe sthaH kathaM cheha bata niHmAnuShe vane | ratnaprAsAdavAsArhamidaM hi yuvayoH vapuH || 24\.31\.42|| kathaM varA~NganA\-utsa~Ngayogyau kaNTakinImimAm | bhuvaM vAM charaNau bhrAntaviti nau manasi vyathA || 24\.31\.43|| eShA cha chitraM yuvayoH patantI dhUliH Anane | vAtauddhUtA hataChAyamAvayoH kurute mukham || 24\.31\.44|| bhavatyoH eShashchA~Nge.asmin nipatan puShpapeshale | kiraNauShmA dahatyasmAnnuchchaNDashchaNDadIdhiteH || 24\.31\.45|| tat brUtamAtmavR^ittAntaM dUyate hR^idayaM hi naH | draShTuM na shaknumo.araNye sthitiM vAM svApadAvR^ite || 24\.31\.46|| ityukte chaNDasiMhena rAj~nI niHsvasya sA shanaiH | lajjAshokAkulA tasmai svaM vR^ittAntamavarNayat || 24\.31\.47|| tato niHsvAmikAM matvA tAmAshvAsya cha sAtmajAm | svIchakre madhuraiH vAkyaiH chaNDasiMho.anura~njayan || 24\.31\.48|| Aropya chAsvayoH pR^iShThaM saputrastAM saputrikAm | ninAya vittapapurIsamR^iddhAM vasatiM nijAm || 24\.31\.49|| sApi janmAntaragatevAvashA~NgIchakAra tam | anAthA kR^ichChrapatitA videshe strI karoti kim || 24\.31\.50|| tatastAM sUkShmapAdatvAt rAj~nIM siMhaparAkramaH | chaNDasiMhasutastatra bhAryAM chaNdravatIM vyadhAt || 24\.31\.51|| tatsutAM tAM cha lAvaNyavatIM nR^ipatikanyakAm | bR^ihattvAtpAdayoH bhAryAM chaNDasiMhashchakAra saH || 24\.31\.52|| prAK hi sUkShmabR^ihatpAdamudrApa~Nktidvaya\-IkShaNAt | pratipannaM tathA tAbhyAM satyaM kashchAtivartate || 24\.31\.53|| evaM pAdaviparyAsAtte pitAputrayostayoH | duhitAmAtarau bhArye jAte shvashrUsnuShe tadA || 24\.31\.54|| kAlena cha tayostAbhyAM bhartR^ibhyAM jaj~nire dvayoH | putrAH duhitarashchaiva teShAmanye.apyatha kramAt || 24\.31\.55|| itthaM samprApya tau chaNDasiMhasiMhaparAkramau | tasthatuH tatra lAvaNyavatIM chandravatIM cha te || 24\.31\.56|| iti vyAvarNya vetAlastadA pathi kathAM nishi | sastrivikramasenaM taM paprachCha nR^ipatiM punaH || 24\.31\.57|| tayoH mAtAduhitroH ye putrapitrostayoH nR^ipa | sakAshAt jantavaH jAtAH kramAt ubhayapakShayoH || 24\.31\.58|| j~nAtvedaM brUhi me teShAmanyaHanyaM ke bhavanti te | pUrvauktaH so.atra shApaste jAnAnashchenna vakShyasi || 24\.31\.59|| etat vetAlataH shrutvA vimR^ishan bahudhApi saH | nAj~nAsIttat yadA rAjA tUShNIkaH prayayau tadA || 24\.31\.60|| tatastataMsakUTastho vetAlo vihasan hR^idi | mR^itapUruShadehAnto niviShTaH samachintayat || 24\.31\.61|| nAyaM rAjA mahAprashne vettyasmindAtumuttaram | tena tUShNIM vrajatyeShaH hR^iShTo.atichaturaiH padaiH || 24\.31\.62|| na cha va~nchayituM shakyaH sattvarAshirayaM param | krIDan bhikShuH sashchAsmAbhiH iyataiva na shAmyati || 24\.31\.63|| tadadya va~nchayitvA taM durAtmAnamupAyataH | tatsiddhiM bhAvikalyANe rAjanyasmin niveshaye || 24\.31\.64|| ityAlochya sa vetAlo nR^ipaM tamavadattadA | rAjankR^iShNanishAghore smashAne.asmin gatAgataiH || 24\.31\.65|| etaiH kliShTaH sukhArhastvaM na vikalpashcha ko.api te | tadAshcharyeNa dhairyeNa tuShTo.ahamamunA tava || 24\.31\.66|| shavametaM nayedAnIM nirgachChAmyamutaH hyaham | idaM tu shrNu yat vachmi hitaM tava kuruShva cha || 24\.31\.67|| AnItametat bhavatA yasyArthe nR^ikalevaram | kubhikShuH so.adya mAmasmin samAhUyArchayiShyati || 24\.31\.68|| upahArIchikIrShuH cha tvAmeva saH shaThastataH | bhUmau praNAmamaShTAbhira~NgaiH kurviti vakShyati || 24\.31\.69|| tvaM prAk darshaya tAvanme kariShye.ahaM tathaiva tat | iti so.api mahArAja vaktavyah shramaNastvayA || 24\.31\.70|| tato nipatya bhUtau saH praNAmaM yAvat eva te | darshayShyati tAvattvaM ChindyAH tasyAsinA shiraH || 24\.31\.71|| tato vidyAdharAishvaryasiddhiH yA tasya vA~nChitA | tAM tvaM prApsyasi bhu~NkShvemaM bhuvaM tatupahArataH || 24\.31\.72|| anyathA tu sa bhikShuH tvAmupahArIkariShyati | etatarthaM kR^ito vighnastavAtreyachchiraM mayA || 24\.31\.73|| tatsiddhirastu te gachChetyuktvA tasyAMsapR^iShThagAt | nirgatya sa yayau tasmAt vetAlaH pretakAyataH || 24\.31\.74|| atha sa narapatiH taM prItavetAlavAkyAt shramaNamahitameva kShAntishIlaM vichintya | vaTaviTapitalaM tattasya pArshvaM pratasthe mR^itapuruShasharIraM tat gR^ihItvA prahR^iShTaH || 24\.31\.75|| \medskip\hrule\medskip tatastasyAntikaM bhikShoH kShAntishIlasya bhUpatiH | sastrivikramaseno.atra prApa skandhe shavaM vahan || 25\.32\.1|| dadarsha taM cha shramaNaM mArgAbhimukhamekakam | kR^iShNapakShakShapAraudre shmashAne tarumUlagam || 25\.32\.2|| asR^igliptasthale gaureNAsthichUrNena nirmite | maNDale dikShu vinyastapUrNashoNitakumbhake || 25\.32\.3|| mahAtailapradIpADhye hutapArshvasthavahnini | sambhR^itauchitasambhAre svaiShTadaivatapUjane || 25\.32\.4|| upAgAchcha sastaM rAjA so.api bhikShuH vilokya tam | AnItamaTakaM harShAt utthAyovAcha saMstuvan || 25\.32\.5|| duHkaro me mahArAja vihito.anugrahastvayA | tvA dR^ishAH kva kva cheShTeyaM deshakAlau kva chedR^ishau || 25\.32\.6|| niHkampaM satyamevAhuH mukhyaM tvAM kulabhUbhR^itAm | evamAtmAnapekSheNa parArtho yena sAdhyate || 25\.32\.7|| etat eva mahattvaM cha mahatAmuchyate budhaiH | pratipannAdachalanaM prANAnAmatyaye.api yat || 25\.32\.8|| iti bruvan saH siddhArthamAnI bhikShuH mahIpateH | tasyAvatArayAmAsa skandhAttaM maTakaM tadA || 25\.32\.9|| snapayitvA samAlabhya baddhamAlyaM vidhAya cha | maTakaM maNDalasyAntaH sthApayAmAsa tasya tat || 25\.32\.10|| bhasmauddhUlitagAtrashcha keshayaj~naupavItabhR^it | prAvR^itapretavasano bhUtvA dhyAnasthitaH kShaNam || 25\.32\.11|| tasminmantrabalAhUtaM praveshya nR^ikalevare | taM vetAlavaraM bhikShuH pUjayAmAsa saH kramAt || 25\.32\.12|| dadau tasmai kapAlArghapAtreNArghyaM suniHmalaiH | naradantaiH tataH puShpaM sugAndhi cha vilepanam || 25\.32\.13|| dattvA mAnuShanetraiH cha dhUpaM mAMsaiH baliM tathA | samApya pUjAM rAjAnaM tamuvAcha saH pArshvagam || 25\.32\.14|| rAjan ihAsya mantrAdhirAjasya kR^itasaMvidheH | praNAmama~NgairaShTAbhiH nipatya kuru bhUtale || 25\.32\.15|| yenAbhipretasiddhiM te dAsyatyeSho varapradaH | shrutvaitatsmR^itavetAlavachAH rAjAbravItsastam || 25\.32\.16|| nAhaM jAnAmi tatpUrvaM pradarshayatu me bhavAn | tatastathaiva tadahaM kariShye bhagavan iti || 25\.32\.17|| tataH darshayituM yAvatso bhikShuH patito bhuvi | tAvat khaDgaprahAreNa sa rAjAsya shiro.achChinat || 25\.32\.18|| AchakarSha cha hR^itpadmamudarAdasya pATitam | vetAlAya cha tasmai tatshiraHhR^itkamalaM dadau || 25\.32\.19|| sAdhuvAde tataH datte prItaiH bhUtagaNaiH tataH | tuShTo.abravItso vetAlo nR^ipaM taM nR^ikalevarAt || 25\.32\.20|| rAjan vidyAdharendratvaM bhikShoH AsIt yat Ipsitam | tattAvat bhUmisAmrAjyabhogAnte te bhaviShyati || 25\.32\.21|| kleshito.asi mayA yattvaM tadabhIShTaM varaM vR^iNu | ityuktavantaM vetAlaM sa rAjA tamabhAShata || 25\.32\.22|| tvaM chetprasannaH ko nAma na siddho.abhimato varaH | tathApyamoghavachanAt idaM tvatto.ahamarthaye || 25\.32\.23|| AdyAH prashnakathAH etAH nAnAkhyAnamanaHramAH | chaturviMshatiH eShA cha pa~nchaviMshI samAptigA || 25\.32\.24|| sarvAH khyAtAH bhavantvetAH pUjanIyAH cha bhUtale | iti tenArthito rAj~nA vetAlo nijagAda saH || 25\.32\.25|| evamastu visheShaM cha shR^iNu vachmyatra bhUtale | yAH chaturviMshatiH pUrvAH yaiShA chaikA samApinI || 25\.32\.26|| kathAvalIyaM vetAlapa~nchaviMshatikAkhyayA | khyAtA jagati pUjyA cha shivA chaiva bhaviShyati || 25\.32\.27|| yaH shlokamAtramapyasyAH kathayiShyati sAdaraH | yo vA shroShyati tau sadyo muktapApau bhaviShyataH || 25\.32\.28|| yakShavetAlakUShmANDaDAkinIrAkShasAdayaH | na tatra prabhaviShyanti yatraiShA kIrtayiShyate || 25\.32\.29|| ityuktvA sa yayau tasmAnnirgatya nR^ikalevarAt | yathAbhiruchitaM dhAma vetAlo yogamAyayA || 25\.32\.30|| tatastatra suraiH sArdhaM rAj~nastasya maheshvaraH | sAkShAdAvirabhUttuShTaH praNataM chAdidesha tam || 25\.32\.31|| sAdhu vatsa hato.adyAyaM yattvayA kUTatApasaH | vidyAdharamahAchakravartitAhaThakAmukaH || 25\.32\.32|| tvamAdau vikramAdityaH sR^iShTo.abhUH svAMshato mayA | mlechCharUpAvatIrNAnAmasurANAM prashAntaye || 25\.32\.33|| adya choddAmaduHvR^ittadamanAya mayA punaH | tvaM trivikramasenAkhyaH hIraH sR^iShTo.atra bhUpatiH || 25\.32\.34|| ataH sadvIpapAtAlAM sthApayitvA mahIM vashe | vidyAdharANamachirAdadhirAjo bhaviShyasi || 25\.32\.35|| bhuktvA divyAn chiraM bhogAnnudvignaH svaichChayaiva tAn | tyaktvA mamaiva sAyujyamante yAsyasyasaMshayam || 25\.32\.36|| aparAjitanAmAnaM khaDgaM chaitaM gR^ihANa me | yasya prasAdAtsarvaM tvaM prApsyasyetat yathoditam || 25\.32\.37|| ityuktvA khaDgaratnaM taddattvA tasmai mahIbhR^ite | vAkpuShpAbhyarchitastena devaH shambhuH tiraHdadhe || 25\.32\.38|| atha dR^iShTvA samAptaM kAryamasheShaM nishi prabhAtAyAm | pravivesha sastrivikramasenaH svapuraM nR^ipaH pratiShThAnam || 25\.32\.39|| tatra kramAvagatarAtrivicheShTitAbhiH abhyarchitaH prakR^itibhiH vitatautsavAbhiH | snAnapradAnagirishArchananR^ittagItavAdyAdibhiH tadakhilaM saH dinaM ninAya || 25\.32\.40|| alpaiH eva cha vAsaraiH sa nR^ipatiH shArvasya vIryAdaseH sadvIpAM sarasA talAM cha bubhuje niHkaNTakAM medinIm | samprApyAtha harAj~nayA sumahatIM vidyAdharAdhIshatAm bhuktvA tAM suchiraM jagAma bhagavatsAyujyamante kR^itI || 25\.32\.41|| ## \medskip\hrule\medskip Originally encoded by Elena Artesani, a student of Paolo Magnone in Kyoto input scheme and broken sandhis improved and corrected for Sanskrit display NA \medskip\hrule\obeylines \medskip {\rm Please send corrections to sanskrit at cheerful dot c om} {\rm Last updated \today} {\rm https://sanskritdocuments.org} \end{document}