तुरजाष्टकम् २
शङ्करउवाच -
उन्मील्ये नेत्रसहस्रां ददर्शाग्रे स्थितां शिवाम् ।
अनुभूतिर्महतेजा पतिभक्तिपरायणा ॥ १॥
प्रणम्यदण्डवद्भूमौ कृताञ्जलिरभाषत ।
श्रीअनुभूतिरुवाच -
नमस्तुभ्यं जगद्धात्र्यै शिवायै सततं नमः ।
त्वरितायै महोग्रायै तुरजायै नमोऽस्तुते ॥ २॥
सत्त्वायै सत्त्वरूपायै मोहिन्यै ते नमो नमः ।
नमो जगत्प्रतिष्ठायै जगत्प्राणभ्रते नमः ॥ ३॥
षट्चक्रभेदकायै ते षट्चक्रायै नमो नमः ।
मन्त्रमार्गप्रवर्तिन्यै घटस्थायै नमो नमः ॥ ४॥
कुण्डलिन्यै नमोऽस्तुभ्यं बीजायै ते नमो नमः ।
पद्मकिञ्जल्कवर्णायै हरितायै नमो नमः ॥ ५॥
पद्मप्रबोधकारिण्यै पद्मस्थायै नमो नमः ।
कृष्णायै कृष्णवर्णायै धूम्रायै सततं नमः ॥ ६॥
श्वेतायै श्वेतरूपायै लोहितायै नमोऽस्तुते ।
नीलायै कपिलायै ते कर्बुरायै नमोऽस्तुते ॥ ७॥
अति सौम्याति रौद्रायै शर्वाण्यै ते नमो नमः ।
स्थूलायै सूक्ष्मरूपायै मध्यमायै नमोऽस्तुते ॥ ८॥
कनिष्ठायै जघन्यायै उत्तमायै नमोऽस्तुते ।
बहिरन्तस्थितायै ते व्यापकायै नमो नमः ॥ ९॥
श्रीशङ्कर उवाच -
इति स्तुत्वान्नुभूतिः सा त्वरितां पुरतस्थिताम् ।
ययाचेतद्वधा याशु वरं दैत्यं भयावहम् ॥ १०॥
त्वरितोवाच -
ममाष्टकं पठेद्यस्तु त्वत्कृतं द्विजवल्लभे ।
श्रुणोतिवा मानुषोहि मम साम्यं व्रजेदिति ॥ ११॥
भुक्त्वा भोगान् यथा कामान् पुत्रपौत्रसमन्वितान् ।
विद्यावान् कुलसम्पन्नः सुखी सौख्यान् प्रपद्यते ॥ १२॥
दीर्घायुष्यञ्च लभते नात्र कार्या विचारणा ।
इति श्रीअनुभूतीकृतं तुरजाष्टकं सम्पुर्णम् ॥
तुलजाष्टकम्, तुळजाष्टकम्