वयसि पूरणात् ५।२।१३०

इनिरनुवर्तते। पूरणप्रत्ययान्तात् प्रातिपदिकातिनिः प्रत्ययो भवति मत्वर्थे वयसि द्योत्ये। पञ्चमो ऽस्य अस्ति मासः संवत्सरो वा पञ्चमी उष्ट्रः। नवमी। दशमी। सिद्धे सति नियमार्थं वचनम्, इनिरेव भवति, ठन् न भवति इति। वयसि इति किम्? पञ्चमवान् ग्रामरागः।

वयसि पूरणात्?। , ५।२।१२९

"वयसि द्योत्ये" इति। कथं पुनर्वयो द्योत्यते, यदि पञ्चमादयः शब्दाः काले वत्र्तमानाः प्रत्ययमुत्पादयन्ति। अत एव तेषां काले वृतिं()त दर्शयितुमाह--"पञ्चमो मासोऽस्यास्ति" इति। "सिद्धे सति" इत्यादि। पूरणप्रत्ययानामकारन्तत्वादिनिः सिद्ध एव, तस्मिन्? सिद्धे पुनरिवं वचनं नियमार्थं ज्ञायत इति। "इनिरेव भवति" इति। नियमस्य स्वरूपं दर्शयति॥

वयसि पूरणात् १९१०, ५।२।१२९

वयसि पूरणात्। "अत इनिठना"वित्येव इनिसिद्धेः किमर्थमिदिमित्यत आह--ठनादिबाधनार्थमिति।