वा संज्ञायाम् ५।४।१३३

धनुःशब्दान्ताद् बहुव्रीहेरन्डादेशो वा भवति संज्ञायां विषये। पूर्वेण नित्यः प्रप्तः विकल्प्यते। शतधनुः, शतधन्वा। दृढधनुः, दृढधन्वा।

वा संज्ञायाम्?। , ५।४।१३३

वा संज्ञायाम् ८६२, ५।४।१३३

वा शंज्ञायां। "धनुषश्च" इत्युक्तोऽनङ् संज्ञायां वा स्यादित्यर्थः। शतधन्वेति। शतधन्वा नाम राजविशेषः स्यमन्तकोपाक्याने प्रसिद्ध। जायाया निङ्। आदेश इति। "प्रत्ययः, परश्चे"त्यधिकारस्थत्वेऽपि ङित्त्वादन्तादेशोऽयमिति भावः।

वा संज्ञायाम् ७५१, ५।४।१३३

शार्ङ्ग्धन्वेति। कथं तर्हि "स्वलालण्याशंसाधृतधनुषमह्नाय तृणव"दिति पुष्पदन्तप्रयोग इति चेदत्राहुः---समासान्तविधेरनित्यत्वान्नत्रानुपपत्तिः। अनीयत्वे प्रमाणं त्वं()आआदिगणे राजन्()शब्दपाठः। स हि "प्रतेरं()आदयस्तत्पुरुषे"इत्यन्तोदात्तार्थः। "राजाहःसखी"ति टचो नित्यत्वे तु किं तेनेति।