स्वाङ्गे यौ नाडीतन्त्रीशब्दौ तदन्ताद् बहुव्रीहेः कप् प्रत्ययो न भवति। बह्व्यः नाड्यः अस्य बहुनाडिः कायः। बहुतन्त्री ग्रीवा। धमनीवचनस् तन्त्रीशबः। स्वाङ्गे इति किम्? बहुनाडीकः स्तम्भः। बहुतन्त्रीका वीणा।

नाडीतन्त्र्योः स्वाङ्गे। बहुनाडिः काय इति। प्राणिस्थत्वात्स्वाङ्गत्वसूचनाय "काय इति विशेष्यम्। उपसर्जह्यस्वः। "नद्यृतश्चे"ति प्राप्तः कब्न भवति। बहुतन्त्रीग्र्रीवेति। बह्व्यस्तन्त्र्यो यस्या इति विग्रहः। वीणातन्तुषु तन्त्रीशब्दस्य प्रसिद्धत्वादाह--तन्त्रीर्धमनीति। बहुतन्त्रीशब्दे "गोस्त्रियो"रिति ह्यस्वमाशङ्क्याह--स्त्रीप्रत्ययान्तत्वाऽभावादिति। "अवितृ()स्तृ()तन्त्रीभ्य ईः" इत्यौणादिकस्य "स्त्रिया"मित्यधिकारेऽविहितत्वादिति भावः।

बहुनाडिरिति। उपसर्जनह्यस्वः। स्त्रीप्रत्ययान्तत्वाभावादिति। "अवितृ()स्तृ()तन्त्रिभ्यः"इतीप्रत्ययस्य "स्त्रिया"मित्यधिकारेऽविहितत्वादिति भावः।