विभाषा बहोर् धा ऽविप्रक्र्ष्टकाले ५।४।२०

बहुशब्दात् क्रियाभ्यावृतिगणने वर्तमानात् विभाषा धा प्रत्ययो भवति। कृत्वसुचो ऽपवादः। पक्षे सो ऽपि भवति। अविप्रकृष्टग्रहणं क्रियाभ्यावृत्तिविशेषणम्। क्रियाणामुत्पत्तयश्चेदासन्नकालाः भवन्ति, न विप्रकृष्टकालाः। बहुधा दिवसस्य भुङ्क्ते, बहुकृत्वो दिवसस्य भुङ्क्ते। अविप्रकृष्टकाले इति किम्? बहुकृत्वो मासस्य भुङ्क्ते।

विभाषा बहोर्धाऽविप्रकृष्टकाले , ५।४।२०

विभाषा बहोर्धा। अविप्रकृष्टकालिकक्रियाजन्मगणनवृत्तेर्बहुशब्दाद्धाप्रत्ययो वा स्यात्। पक्षे कृत्वसुच्। बहुधा बहुकृत्वो वा दिवसस्य भुङ्क्ते इति। दिवसे प्रातःसङ्गवाद्यव्यवहितकालिकोत्पत्तिविशिष्टा भोजनक्रियेत्यर्थः। "कृत्वोऽर्थप्रयोगे कालेऽधिकरणे" इति दिवसात्षष्ठीति हरदत्तः। शेषत्वविवक्षायां षष्ठी इति तु नवीनाः।

विभाषा बहोऽर्धाऽविप्रकृष्टकाले १५५५, ५।४।२०

बहुधा दिवसस्य भुङ्क्ते इति। शेषत्वविवक्षायां षष्ठी। "कृत्वोऽर्थप्रयोगे कालेऽधिकरणे"इत्यनेन षष्ठी"ति हरदत्तोक्तिस्तु नादर्तव्या, "शेषाधिकारबलेनाष्टसूत्र्याः समासनिवृत्तिफलकतया तिङन्तेनोदाहरण"मिति प्रागुक्तनिष्कर्षविरोधादित्याहुः।