वाचो व्याहृतार्थायाम् ५।४।३५

व्याहृतः प्रकाशितो ऽर्थो यस्यास्तस्यां वाचि वर्तमानाद् वाच्शब्दात् स्वार्थे ठक्प्रत्ययो भवति। पूर्वम्न्येन उक्तार्थत्वात् सन्देशवाग् व्याहृतार्था इत्युच्यते। वाचिकं कथयति। वाचिकं श्रद्दधे। व्याहृतार्थायाम् इति किम्? मधुरा वाक् देवदत्तस्य।

वाचो व्याह्मतार्थायाम्?। , ५।४।३५

"व्याह्मतः" इति। उक्त इत्यर्थः। "अन्येन" इति। सन्देष्ट्रा। न हि पूर्वं सा वाक्? संदिष्टा। तेन हि पूर्वं सन्दिशता सन्देशवाक्? भवति। यया सन्दिष्टोऽर्थोऽभिधीयते, सा च सन्देशवागुच्यते॥

वाचो व्याह्मतार्थयाम् १५६५, ५।४।३५

वाचो व्याह्मता। व्याह्मतार्थायां किम्()। मधुरा वाग्देवदत्तस्य।