प्रस्कण्वहरिश्चन्द्रावृषी ६।१।१५३

प्रस्कण्व हरिश्चन्द्र इति सुट् निपात्यते ऋषी चेदभिधेयौ भवतः। प्रस्कण्व ऋषिः। हरिश्चन्द्र ऋषिः। हरिश्चन्द्रग्रहणम् अमन्त्रार्थम्। ऋषी इति किम्? प्रकण्वो देशः। हरिचन्द्रो माणवकः।

प्रस्कण्वहरिश्चन्द्रावृषी। , ६।१।१४८

"प्रस्कण्वहरिश्चन्द्रौ" इति। प्रकृष्टः कण्वोऽस्येति प्रसकण्वः। हरिश्चन्द्रोऽस्येति हरिश्चन्द्रः। व्युत्पत्तिमातरमेतत्? कृतम्(), न त्वत्रावयवार्थोऽस्ति। रूढिशब्दौ ह्रेतौ प्रत्यस्तमितावयवार्थौ क्वचिदेव ऋषिविशेषे वर्तेते। ननु च हरिश्चन्द्रे "ह्यस्वाच्चन्द्रोत्तरपदे" (६।१।१५१) इत्यनेनैव सुट्? सिद्धः, तत्किमर्थं हरिश्चन्द्रग्रहणम्()? इत्यत आह--"हरिश्चन्द्रग्रहणम्()" इत्यादि। "प्रकण्वः" इति। प्रगतः कण्वोऽस्मादिति प्रकण्वः। हरिरिव चन्द्रोऽस्येति हरिचन्द्रः॥

प्रस्कण्वहरिश्चन्द्रावृषी १०५२, ६।१।१४८

प्रस्कण्वहरिश्चन्द्रावृषी। अमन्त्रार्थमिति। मन्त्रे तु "ह्यस्वाच्चन्द्रोत्तरपदे मन्त्रे" इति पूर्वसूत्रेणैव सिद्धमिति भावः। तत्सूत्रं वैदिकप्रक्रियायां व्याख्यास्यते।

प्रस्कण्वहरिश्चन्द्रावृषी ८७८, ६।१।१४८

अमन्त्रार्तमिति। मन्त्रे तु "ह्यस्वाच्चन्द्रोत्तरपदे मन्त्रे"इत्यनेनैव सिद्ध्यतीति भावः।