मीनातेरङ्गस्य शिति प्रत्यये परतो ह्रस्वो भवति निगमविषये। प्रमिणन्ति व्रतानि। निगमे इति किम्? प्रमीणाति।

"प्रमिणन्ति" इति। "हिनु मीना" ८।४।१५ इति णत्वम्(), "श्नाभ्यस्तयोरातः" ६।४।११२ इत्याकारलोपः। मीनातेरिह विकरणनिर्देशः "मीञ्? हिंसायाम्()" (धा।पा।१४७६) इत्यस्य क्रैयादिकस्य ग्रहणं यथा सात्(), "मीङ्? हिंसायाम्()" (धा।पा।११३७) इत्यस्य दैवादिकसय ग्रहणं मा भूदित्येवमर्थम्()। "मीञः" इति निर्देशो न कृतो वैचित्र्यार्थः॥