अजपाजपस्तोत्रम्
ॐ तत्सत् ॥
ॐ ब्रह्मणे नमः ॥
मूलाधारे वारिजपत्रे चतरस्रे
वं शं षं सं वर्णविशालं सुविशालम् ।
रक्तं वर्णे श्रीगणनाथं भगवन्तं
दत्तात्रेयं श्रीगुरुमूर्तिं प्रणतोऽस्मि ॥ १॥
स्वाधिष्ठाने षट्दल पद्मे तनुलिङ्गं
बालां तं तद्वर्णमयाभं सुविशालम् ।
पीतं वर्णं वाक्पतिरूपं द्रुहिणं तं
दत्तात्रेयं श्रीगुरुमूर्तिं प्रणतोऽस्मि ॥ २॥
नाभौपद्मं पत्रदशाढ्यं ड फ वर्णं
लक्ष्मीकान्तं गरुडारूढं नरवीरम् ।
नीलं वर्णं निर्गुणरूपं निगमान्तं
दत्तात्रेयं श्रीगुरुमूर्तिं प्रणतोऽस्मि ॥ ३॥
हृत्पद्मान्ते द्वादशपत्रे क ठ वर्णे
शैवं साम्बं पारमहंस्यं रमयन्तम् ।
सर्गत्राणाद्यन्त करंतं शिवरूपं
दत्तात्रेयं श्रीगुरुमूर्तिं प्रणतोऽस्मि ॥ ४॥
कण्ठस्थाने चक्रविशुद्धे कमलान्ते
चन्द्राकारे षोडशपत्रे स्वरयुक्ते ।
मायाधीशं जीवविशेषं स्थितिमन्तं
दत्तात्रेयं श्रीगुरुमूर्तिं प्रणतोऽस्मि ॥ ५॥
आज्ञाचक्रे भ्रूयुगमध्ये द्विदलान्ते
हं क्षं बीजं ज्ञानसमुद्रं परमन्तम् ।
विद्युद्वर्णंस्यात्मस्वरूपं निगमाग्रिं
दत्तात्रेयं श्रीगुरुमूर्तिं प्रणतोऽस्मि ॥ ६॥
मूर्ध्निस्थाने पत्रसहस्रैर्युत पद्मे
पीयूषाब्धेरन्तरङ्गं तममृतौचम् ।
हंसाख्यं तं रूपमतीतं च तुरीयं
दत्तात्रेयं श्रीगुरुमूर्तिं प्रणतोऽस्मि ॥ ७॥
ब्रह्मानन्दं ब्रह्ममुकुन्दादि सुरूपं
ब्रह्मज्ञानं ज्ञानमयं तं तमरूपम् ।
ब्रह्मज्ञानं ज्ञानि मुनीन्द्रै रुचितांङ्गं
दत्तात्रेयं श्रीगुरुमूर्तिं प्रणतोऽस्मि ॥ ८॥
शान्ताकारं शेषशयानं सुरवन्द्यं
लक्ष्मीकान्तं कोमलगात्रं कमलाक्षम् ।
चिन्तारत्नं चिद्घनपूर्णं द्विजराजं
दत्तात्रेयं श्रीगुरुमूर्तिं प्रणतोऽस्मि ॥ ९॥
चितोङ्कारैः सङ्गनिनादैः अतिवेद्यैः
कादिक्षान्तैर्ह्यक्षरवर्णैः परिपूर्णम् ।
वेदान्तावेद्यैस्तच्च ज्ञानैरनुवेद्यं
दत्तात्रेयं श्रीगुरुमूर्तिं प्रणतोऽस्मि ॥ १०॥
आधारे लिङ्ग नाभौ हृदय सरसिजे ।
तालुमूले ललाटे द्वेपत्रे षोडशारे ।
द्विदश? दशदले द्वादशर्ये चतुष्के ॥ ११॥ (षट्दल)
वासांते बालमध्ये डफ कठ सहिते ।
कण्ठदेशे स्वराणां हंक्षं तच्चार्थयुक्तम् ।
सकल दलगतं वर्णेरूपं नमामि ॥ १२॥
हंसो गणेशो विधिरेव हंसो
हंसो हरिर्हंसमयश्च शम्भुः ।
हंसोऽहमात्मा परमात्म हंसो
हंसो हि जीवो गुरुरेव हंसः ॥ १३॥
गमागमस्थंगमनादिरूपं
चिद्रूपरूपं तिमिरापहारम् ।
पश्यामितंसर्वजनांतरस्थं
नमामि हंसं परमात्मरूपम् ॥ १४॥
हंसहंसेति यो ब्रूयाद्योवैनाम सदाशिवः ।
मानवस्तपठेन्नित्यं ब्रह्मलोकं सगच्छति ॥
इति श्री अजपाजपस्तोत्रं समाप्तं ॥
ॐ तत्सत् ॥
दत्तात्रेय अष्टचक्रबीजस्तोत्रम्
Notes:
1. Verse 1 to 7 give the distribution of the syllables to the chakra and other information like their region, color, etc and deities - Ganesha, Brahma, Vishnu, and Shiva.
2. Verse 8, 9 and 10 are the triple forms of Dattatreya of Brahma, Vishnu, and Shiva.
3. Verse 11, 12, 13, and 14 are more like summaries with explanations of the ajapA japa mantra of Hamsa.
4. The last is the closing verse.
5. Verses 11 and 12 have only three lines each as it is the extract or summary, a form of `at a quick glance' of previous verses (1 to 10) and the group of 13 and 14 verses pertains to ajapa-japa.
Encoded and proofread by Preeti N. Bhandare