Shri Akhandanandadashakam

श्रीअखण्डानन्ददशकम्

रामकृष्णगतप्राणमखण्डानन्दनामकम् । नमामि स्वामिपादं तं शुद्धसत्त्वसमन्वितम् ॥ १॥ सद्ब्राह्मणकुलोद्भूतं नानागुणविभूषितम् । वन्दे गङ्गाधरं चाहं बाल्यादेव विवेकिनम् ॥ २॥ अवतारवरिष्ठेन कृपा यस्मिन् स्वतः कृता । नमस्तस्मै कृतार्थाय नैष्ठिकब्रह्मचारिणे ॥ ३॥ विषयवीतरागाय संसारत्यागिने तथा । नमो मायाविमुक्ताय संन्यासव्रतधारिणे ॥ ४॥ साहसेनामितेनैव तीर्थभ्रमेण तत्परम् । परिव्राजमहं वन्दे युवानमकुतोभयम् ॥ ५॥ भ्रमणदति विज्ञं च दीन-दुःखेन कातरम् । नमामि जीवसेवायै सर्वार्थार्पितजीवनम् ॥ ६॥ दुर्भिक्ष पीड़ैतानां तु बहुधा प्राणरक्षकम् । नमामि नित्यं शिरसा अनाथबालसेविनम् ॥ ७॥ जीवेषु शिवबुद्धिश्चाप्यासीद् यस्य स्वभावतः । तस्य पादद्वयं चापि वन्दे नित्यं विशेषतः ॥ ८॥ बहूनामाश्रितानां तु भवव्याधिविनाशकम् । नमामि सङ्घाचार्यं तं सर्वेषां च हितैषिणम् ॥ ९॥ परिणामिवयस्येव त्यक्तपूतकलेवरम् । नौमि गङ्गाधरं चैव रामकृष्णे समाहितम् ॥ १०॥ इति स्वामिभावघनानन्दविरचितं ``श्रीमदखण्डानन्ददशकम्'' सम्पूर्णम् । प्रणाममन्त्रः- अखण्डानन्दसिन्धौ यः सततं वै मीनायते । कर्मयोगातिनिष्ठायाखण्डानन्दाय ते नमः ॥ Proofread by Aruna Narayanan