Avalokiteshvara Stotram

अवलोकितेश्वरस्तोत्रम् २

ॐ नमोऽवलोकितेश्वराय । जटाधरं सौम्यविशाललोचनं सदाप्रसन्नाननचन्द्रमण्डलम् । सुरासुरैर्वन्दितपादपङ्कजं नमामि नाथं मणिपद्मसम्भवम् ॥ १॥ सरोजपत्रायतदिव्यलोचनं कुदृष्टिसंशोधितशुद्धलोचनम् । कृपामृतार्द्रं जगदेकलोचनं नमामि नाथं मणिपद्मसम्भवम् ॥ २॥ हारेन्दुहारार्धहिमाधिकोज्जवलं निघृष्टगण्डामललोलकुण्डलम् । गभस्तिमालाकुलकोटिसङ्कुलं नमामि नाथं मणिपद्मसम्भवम् ॥ ३॥ प्रबुद्धधर्माध्वनि धर्मधातुकं सहस्रबाहुं द्विचतुश्च षड्भुजम् । खधातुना तुल्यमनन्तबाहुकं नमामि नाथं मणिपद्मसम्भवम् ॥ ४॥ उपायप्रज्ञोदधिमन्थनोद्भवं त्रिधातुसंरक्षणहेतुसम्भवम् । जिनेन्द्रमौलिं जिनधातुसम्भवं नमामि नाथं मणिपद्मसम्भवम् ॥ ५॥ पद्मोपरि गतं नाथं पद्महस्तं जटाधरम् । आर्यावलोकितं वन्दे सर्वसत्त्वानुकम्पकम् ॥ ६॥ इति श्रीवासुकिनागराजकृतमार्यावलोकितेश्वरस्तोत्रं सम्पूर्णम् ॥